BM Tv Tanzania

Home
Tanzania
Dar es Salaam
BM Tv Tanzania

Popular Online Channel in Tanzania With the ambition of providing Updates in Sports, Music, News and Entertainment related to celebrities
(1)

18/08/2024

https://youtu.be/2b-abBJj6Qw?si=VEKig3loZmJkz5UN

https://bmtvtanzania.com/INSTAGRAMhttps://www.instagram.com/bmtvtanzaniaFACEBOOKhttps://www.facebook.com/...

17/08/2024

https://youtu.be/yqxa8P28Yjw?si=I-xMc38oZKnfX_7G

https://bmtvtanzania.com/INSTAGRAMhttps://www.instagram.com/bmtvtanzaniaFACEBOOKhttps://www.facebook...

03/08/2024

IPE CAPTION

"Ndugu Wakigombana, Shika jembe Ukalime" Ahmed Ally

22/07/2024

Jeshi la Polisi Kanda Maalum ya Dar es salaam limemk**ata Dada wa kazi za nyumbani Clemensia Cosmas Mirembe (19) aliyekuwa anatafutwa kwa kosa la kumjeruhi Mtoto wa Boss wake Maliki Hashimu (5) Mkazi wa Goba Jijini Dar es salaam ikidaiwa alimkata na kitu chenye ncha kali shingoni kilichotenganisha njia ya hewa

Kamanda wa Polisi Kanda Maalum ya Dar es salaam, Jumanne Muliro amesema “Baada ya tukio Mtuhumiwa alikimbia, upelelezi wa tukio hilo la kikatili ulianza mara moja na July 21, 2024 saa 4:00 usiku Jeshi la Polisi lilifanikiwa kumk**ata Mtuhumiwa huyo akiwa amejificha kwenye jumba bovu maeneo ya Goba Kizudi Kinondoni”

22/07/2024

Mara baada ya kukata rufaa adhabu ikapunguzwa kutoka milioni 20 hadi milioni 10, tumewasilisha taarifa zetu TFF za kulipa zikiambatana na risiti wamepokea na wamegonga muhuri,” amesema Haji Manara

22/07/2024

Naibu Waziri Nishati, Mhe. Judith Kapinga Julai 21, 2024 ameshiriki katika harambee ya ujenzi wa Kanisa Katoliki Kigango cha Kingole Wilaya ya Mbinga Vijijini.

Katika harambee hiyo, Mhe. Kapinga amewaasa waumini kuendelea kumcha Mwenyezi Mungu kwa sala.

22/07/2024

SIASA HAINA RAFIKI / ADUI WA KUDUMU

Kauli ya aliyekua Waziri wa Habari na Teknolojia ya Habari, Nape Moses Nnauye, Kule Mkoani Kagera, Akimnadi Naibu Waziri Byabato na Kumhakikishia Ushindi wa Jimbo kwenye Uchaguzi Mkuu ujao Mwaka 2025 sasa imemtokea puani.

Alisema sio lazima Mgombea Kupata Kura nyingi ndipo atangazwe kuwa Mshindi, bali inategemea Nani anatangaza Matokeo hayo, Alisisitiza mbele ya Kadamnasi kuwa “Kuna Kura Halali, Kura Nusu Halali na Kura Haramu zote hutumika kwenye Chaguzi”, akaenda mbali zaidi kusema kuwa atayatumia Makampuni 5 ya Simu ili yamsaidia Naibu Waziri Byabato Kujenga Soko lenye gharama ya Bilioni 300 ili Wananchi wasiacha kumchagua kwenye Uchaguzi Mkuu 2025.

21/07/2024

Msemaji wa klabu ya Yanga, Haji Manara imethibitika amemaliza hukumu yake iliyokuwa imemfungia kutojihusisha na mpira ndani na nje ya nchi. Kwa miaka miwili pamoja na faini ya milioni 10 baada ya kukutwa na hatia ya kumkosea nidhamu Rais wa TFF, Wallace Karia.

21/07/2024

Naibu Waziri Nishati, Mhe. Judith Kapinga amekabidhi gari la kubebea nguzo katika Ofisi ya TANESCO Wilaya ya Mbinga mkoani Ruvuma.

Wakati akikabidhi gari hilo Mhe. Kapinga amesema Serikali itaendelea kuboresha maslahi, vitendea kazi na mazingira ya kazi kwa Wafanyakazi wa TANESCO ili kuwapa motisha ya kuendelea kufanya kazi kwa bidii.

"Kulikuwa na changamoto ya kubeba nguzo kupeleka kwenye maeneo mnayofanyia kazi, Serikali inaamini magari haya yataleta tija na kuongeza ufanisi katika utendaji kazi ikiwemo kutoa huduma kwa wakati kwa wateja." Amesema Kapinga

19/07/2024

Waziri wa Afya Ummy Mwalimu ameeleza kuridhishwa na fedha Shilingi Bilioni 2.6 zilizotolewa na Rais wa Jamhuri ya Muungano wa Tanzania, Dkt. Samia Suluhu Hassan kwa Hospitali ya Taifa Muhimbili ili kutoa huduma za ubingwa bobezi kwa wananchi wasiokuwa na uwezo wa kulipia gharama za kupandikiza figo, Uroto na vifaa vya kusaidia kusikia kwa watoto waliozaliwa na tatizo hilo.

19/07/2024

Rais wa Kenya Mhe. William Ruto ameteua Mawaziri 11 kuchukua nafasi ya wale waliofutwa kazi Julai 11, 2024

Ametangaza uteuzi huo katika hotuba yake Ikulu leo Ijumaa Julai 19, 2024 ambapo katika orodha hiyo wamo Mawaziri sita waliofukuzwa kazi, ambao sasa wanarejea katika wizara tofauti huku Prof. Kithure Kindiki akiendelea na wadhifa wake wa zamani.

19/07/2024

Wataalam kutoka nchi ya Korea Kusini leo tarehe 19 Julai, 2024 umekutana na wataalam wa Wizara ya Madini Tanzania na kujadiliana kuhusu fursa za Uwekezaji zilizopo katika madini mkakati aina ya Lithium yanayo patikana nchini.

Akielezea kuhusu uendelezaji mikakati yaliyopo Tanzania Kamishna wa Dkt. AbdulRahman Mwanga amesema kuwa kwasasa suala la uchakataji na uongezaji thamani madini lipo kisheria hivyo kuja na mpango wa kuongeza thamani madini ndani ya nchi ni jambo zuri kwa maslahi ya Taifa.

19/07/2024

Rais wa Jamhuri ya Muungano wa Tanzania, Mheshimiwa, Dkt. Samia Suluhu Hassan ameahidi kuufungua Mkoa wa Rukwa kwa kujenga na kukamilisha ujenzi wa miundombinu ya barabara, madaraja pamoja na Kiwanja cha Ndege cha Sumbawanga.

Dkt. Samia ameitaja miradi aliyokagua na kuzindua katika ziara ya siku ya tatu katika Mkoa wa Rukwa kwenye Sekta ya Ujenzi, ikiwemo ufunguzi wa barabara ya Sumbawanga - Matai - Kasanga Port (km 107) kwa kiwango cha lami, uwekaji wa jiwe la msingi ukarabati na upanuzi wa Kiwanja cha Ndege cha Sumbawanga pamoja na uwekaji wa jiwe la msingi la ujenzi wa barabara ya Kaengesa - Chitete (km 6.4) sehemu ya Kaengesa Seminari.

“Rukwa tunaifungua kwa njia zote, tunaifungua kwa barabara, tunaifungua kwa usafiri wa kwenye maziwa na tunaifungua kwa anga”, amesema Dkt. Samia.

19/07/2024

Kampuni MADOPE ya kuzalisha umeme iliyopo wilayani Ludewa mkoani Njombe, imefikia makubaliano na Serikali ya kukabidhi miundombinu ya kusafirisha na kusambaza umeme kwa Shirika la Umeme Tanzania (TANESCO)

Yamebainishwa leo Julai 19,2024 na Naibu Waziri Nishati, Mhe. Judithi Kapinga akiwa katika ziara ya kikazi katika Vijiji vya Lubonde na Maweni wilayani Ludewa mkoani Njombe.

Kapinga amesema kuwa Serikali inathamini kazi kubwa inayofanywa na Kanisa Katoliki kwa kushirikiana na Serikali kwenye uwekezaji katika sekta mbalimbali.

16/07/2024

Gareth Southgate atangaza rasmi kujiuzulu kuwa Kocha wa Timu ya Taifa ya England baada ya kuitumikia timu hiyo toka Mwaka 2016 hadi leo

Kauli ya Chama cha Soka cha England (FA) kimetoa shukrani kwa mchango wake na kitaanza mchakato wa kutafuta mrithi wake mara moja

13/07/2024

Rais wa Jamhuri ya Muungano wa Tanzania, Mhe. Dkt Samia Suluhu Hassan ameitaka Wizara ya Nishati na Shirika la Umeme Tanzania (TANESCO) kuhakikisha mradi wa njia kuu ya kusafirisha umeme kutoka Tabora hadi Katavi (132kV) pamoja na ujenzi wa kituo cha kupokea, kupoza na kusambaza umeme vinakamilika kwa wakati ili Mkoa wa Katavi uingizwe kwenye gridi ya Taifa ifikapo mwezi Septemba mwaka huu.

Mhe. Dkt.Samia ameyasema hayo leo 13 Julai, 2024 wakati alipokuwa akizungumza na wananchi wa Wilaya ya Mlele Mkoa wa Katavi mara baada ya kukagua maendeleo ya mradi wa njia kuu ya kusafirisha umeme wa msongo wa kilovoti 132 wa Tabora-Katavi na kituo cha kupokea, kupoza na kusambaza umeme cha Inyonga ambapo ameridhika na maendeleo ya miradi hiyo.

12/07/2024

Klabu ya Yanga imefikia makubaliano ya kusaini na Kiungo Mshambuliaji, Duke Abuya raia ya Kenya aliyekuwa akiitumikia klabu ya Singida Black Stars

12/07/2024

Rais wa Umoja wa Mabunge Duniani (IPU) na Spika wa Bunge la Jamhuri ya Muungano wa Tanzania, Mhe. Dkt. Tulia Ackson, amekutana na kufanya mazungumzo na Rais wa Urusi, Mhe. Vladimir Putin Jijini St. Petersburg nchini Urusi leo tarehe 12 Julai, 2024 ambapo katika mazungumzo yao wamejadili kuhusu namna bora ya kuimarisha amani Duniani.

Kuhusiana na mgogoro unaoendelea baina ya Urusi na Ukraine, Dkt. Tulia amesema “Kabla ya kuzungumza naye tayari tulishazungumza na Maspika wa nchi zote hizo mbili na sisi k**a Umoja wa Mabunge Duniani tumezungumza naye k**a Kiongozi wa nchi katika sura ambayo tunaweza kuziweka pamoja nchi zote mbili na tutarajie kwamba IPU itatengeneza fursa ya Mabunge ya pande zote ili kuweza kuzungumzia amani katika maeneo yao ya utawala”

12/07/2024

Mwenge wa uhuru umetua Mkoa wa Manyara ukitokea Mkoa wa Singida, ukiwa katika Mkoa Manyara utatembelea jumla ya miradi 57 yenye thamani ya sh.bil.149.5.

Hayo yamebainishwa Jana na Mkuu wa Mkoa wa Manyara Mh. Queen Cuthbert Sendiga mbele ya Kiongozi wa Mbio za Mwenge wa Uhuru Kitaifa 2024 Godfrey Eliakimu Mnzava , Mkuu wa Mkoa wa Sindida Halima Omary Dendego, wakati alipokua akitoa salamu wakati wa mapokezi ya Mwenge wa uhuru katika Kijiji cha Gehandu Wilayani Hanang Mkoani humo.

Sendiga amesema Mwenge wa Uhuru ukiwa Mkoani Manyara utakimbizwa katika Mamlaka za Serikali za Mitaa 7 ambazo Hanang, Mbulu Wilaya, Mbulu Mji, Babati Wilaya, Babati Mji, Kiteto na Simanjiro Kwa mzunguko wa kilometa 980.5, ukiwa Mkoa hapa Mwenge wa uhuru utatembelea miradi 57 yenye thamani ya sh.bil.149.5

10/07/2024

Mkuu wa Mkoa wa Dar es Salaam Mhe Albert Chalamila leo Julai 10,2024 amefanya kikao na viongozi wa wafanyabiashara pamoja na viongongozi wa Serikali, Taasisi, Mashirika na wataalam kutika ofisi yake katika ukumbi wa Arnatoglo Mnazi mmoja Wilaya ya Ilala Jijini humo.

RC Chalamila amesema Soko la Kariakoo ni Soko la Kimataifa na Serikali imefanya na inaendelea kufanya uwekezaji mkubwa,ambapo ujenzi na ukarabati wa Soko la Kariakoo kwa gharama ya zaidi ya Bilioni 28 ni moja ya ushaidi tosha wa uwekezaji huo.

10/07/2024

Waziri wa Utamaduni, Sanaa na Michezo na Mbunge wa Jimbo la Songea Mjini Mhe. Dkt. Damas Ndumbaro ameanza rasmi ziara katika jimbo hilo kusikiliza na kutatua kero za wananchi.

Katika ziara hiyo Mhe. Ndumbaro ameambatana na wataalamu mbalimbali kutoka katika Manispaa ya Songea Mjini ili kusikiliza hoja na kero mbalimbali na Kisha kutoa majibu ya kero zinazowakabili wananchi wa jimbo hilo

Moja kati ya changamoto zilizoibuliwa katika ziara hiyo ni ukosefu wa maji wa muda mrefu katika mitaa ya kata ya Mletele ambao umetokana na kukosekana kwa bomba la kufikisha maji katika mtaa wa Mdundiko hatua iliyomfanya Mhe.Ndumbaro atatue changamoto hiyo kwa kujitolea kuchangia kiasi cha shilingi Laki Tano ili kukamilisha kiasi kinachotakiwa ili wananchi hao wapate huduma hiyo.

o na Msamala

10/07/2024

Rais wa Zanzibar na Mwenyekiti wa Baraza la Mapinduzi Mhe.Dkt.Hussein Ali Mwinyi amesema Tanzania sekta ya sukari ni kipaumbele katika kilimo kwa kuwa viwanda vya sukari ni vitovu vya kilimo na uchumi.

Rais Dkt.Mwinyi aliyasema hayo alipofungua mkutano wa wazalishaji sukari wa nchi za SADC katika ukumbi wa Hoteli ya Golden Tulip Zanzibar Airport, tarehe 10 Julai 2024.

Dkt.Mwinyi ameeleza kuwa Tanzania imeweka mazingira wezeshi ya uwekezaji katika kilimo cha Miwa na uzalishaji sukari.

Rais Dkt.Mwinyi ametoa rai kwa nchi za SADC kutumia fursa zilizopo kwa kuweka mazingira bora zaidi ya uwekezaji ili kukuza uzalishaji wa Sukari.

Kwa upande mwingine Rais Dkt.Mwinyi ametoa wito kwa washiriki wa mkutano huo wa siku moja kuwekeza kikamilifu katika teknolojia za kisasa na mbinu za kilimo za kisasa zinazoongeza tija ili kuboresha mavuno ya miwa na uzalishaji sukari Afrika.

10/07/2024

Makamu wa Rais, Mhe. Dkt Philip Isdor Mpango ambaye yupo katika ziara ya kukagua miradi ya maendeleo mkoani Kigoma, ameiagiza Wizara ya Nishati kuhakikisha kuwa inatoa msukumo wa upatikanaji umeme kwa vijiji na vitongoji ambavyo bado havijafikiwa na huduma hiyo.

Dkt Mpango ameyasema hayo Julai 9, 2024, wakati akikagua miradi mbalimbali inayotekelezwa na Serikali mkoani Kigoma ikiwa ni siku ya pili ya ziara yake mkoani humo.

Akiwa katika Kata ya Kalinzi na Mnanila Jimbo la Buhigwe, Dkt. Mpango alisema kuwa, changamoto za umeme kwa sasa zinashughulikiwa vizuri ambapo ameipongeza Wizara ya Nishati na watendaji kwa ujumla kwa kazi nzuri wanayofanya kwenye utekelezaji na usimamizi wa miradi ya Sekta ya Nishati.

08/07/2024

SIMBA HAWAKUFURAHISHWA

Klabu ya Simba imethibitisha kuwa, haina mpango wa Kumpa Thank You, Kiungo Mshabuliaji Clatous Chota Chama, licha ya mchango Mkubwa aliotoa kwenye kikosi hicho kwa Miaka yote 6 tangu ajiunge Unyamani.

Alipoulizwa na Wanahabari Ukimya wa Klabu kuhusu Chama, Meneja wa Habari na Mawasiliano ya Ahmed Ally, alijibu kwa ufupitu sana “Hiyo ndo imaeisha hivyo Kimya kimya, hatuwezi kumzungumzia Mchezaji ambaye siyo wa Simba sc”

Maswali ni mengi, Je, Mnyama hakupenda Chama kuondoka? Au Uondokaji na Mazingira yote hayajampendeza Mnyama?

04/07/2024

Ndugu. Jokate Mwegelo Katibu Mkuu wa UVCCM (T) akizungumza na waandishi wa habari Leo Tarehe 4 Julai, 2024. Amesema..

"Niendelee kusisitiza CCM inatambua kuwa vijana tunayo nguvu kubwa sana katika kuibua mawazo mapya, kuleta ubunifu na upekee katika kusukuma gurudumu la Maendeleo"

04/07/2024

Rais Mstaafu wa Awamu ya Nne, Dkt. Jakaya Mrisho Kikwete amesema anafurahishwa na namna makada, wanachama na viongozi wa Chama Cha Mapinduzi (CCM) chini ya uongozi wa Rais wa Jamhuri ya Muungano wa Tanzania na Mwenyekiti wa CCM Taifa, Dkt. Samia Suluhu Hassan, wanavyoendeleza umoja miongoni mwao.

Kiongozi huyo mstaafu amesema hayo Jumatatu, alipokutana na kufanya mazungumzo na Katibu Mkuu wa CCM, Balozi Dkt. Emmanuel John Nchimbi aliyemtembelea kumjulia hali kwenye ofisi yake binafsi, jijini Dar Es Salaam.

04/07/2024

Jumatatu ya Julai 8, 2024 wataanza kuingia kambini kwaajili ya maandalizi ya msimu mpya wa 2024/25.

Wachezaji wote wa Yanga, wapya na wazamani watatakiwa kuripoti kambini Avic Town, Kigamboni jijini Dar Es Salaam kuanzia siku hiyo ili kuanza maandalizi ya msimu mpya.

04/07/2024

Naibu Waziri wa Nishati. Mhe. Judith Kapinga amesema Serikali inaendelea kuwasimamia kwa umakini wakandarasi ili waweze kukamilisha kazi zao kwa wakati na kwa ufanisi, pia amewaelekeza Wakala wa Nishati Vijijini (REA) kuhakikisha wanaongeza nguzo 40 ambazo ni Sawa na kilometa mbili kwa wananchi wa vijiji vya Manzwagi na Kidunyashi kabla ya tarehe 27 Julai, 2024.

Mhe. Kapinga amesema hayo tarehe 03 Julai, 2024 alipokuwa anahitimisha ziara yake katika Wilaya ya Kahama kwenye Vijiji vya Manzwagi na Kidunyashi vilivyopo Wilaya ya Kahama Mjini Mkoani Shinyanga.

04/07/2024

Simba SC imemsajili mlinzi wa kati, Abdulrazack Hamza, raia wa Tanzania toka Super Sport ya Afrika Kusini kwa mkataba wa miaka miwili.

Abdulrazack amewahi kukipiga ndani ya kikosi cha Mbeya City, KMC na Namungo FC.

03/07/2024

Rais Samia Suluhu Hassan amemteua Dkt Suleiman Jafo kuwa Waziri wa Viwanda na Biashara

Address

Tegeta
Dar Es Salaam

Website

http://www.bmtvtanzania.com/

Alerts

Be the first to know and let us send you an email when BM Tv Tanzania posts news and promotions. Your email address will not be used for any other purpose, and you can unsubscribe at any time.

Videos

Maboresho ya mfumo wa Luku kuanza rasmi July 22,2024 #bmupdate #bmtvtanzania

Profesa Mohamed Janabi Mkurugenzi Mtendaji wa Hospitali ya Taifa Muhimbili na Dkt. Peter Kisenge, Mkurugenzi Mtendaji wa Taasisi ya moyo ya Jakaya Kikwete ni miongoni mwa madaktari bingwa wanaohudumia wananchi wa Arusha kwenye Kambi ya Matibabu inayoendelea kwenye viwanja vya Sheikh Amri Abeid Jijini Arusha. Kauli hiyo imezungumzwa na Mkuu wa Mkoa wa Arusha Mhe. Paul Christian Makonda leo Jumatatu Juni 24, 2024 wakati wa Kambi maalum ya Matibabu iliyoanza leo mjini Arusha kwenye viwanja vya Sheikh Amri Abeid, akisema madaktari hao wameambatana na mabingwa wengine wa magonjwa mbalimbali. Mhe. Makonda kadhalika ametumia nafasi hiyo kuwaomba watoa huduma za afya waliopo kwenye kambi hiyo kutanguliza utu na upendo katika kuhudumia wananchi pamoja na kuwa na sikio la ziada na utulivu katika kusikiliza na kuwaelewa wananchi kikamilifu na kuwahudumia.

Paul Christian Makonda Mkuu wa Mkoa wa Arusha amesema "Ndugu zangu asiwaambie Mtu, kwenye suala la afya kuna watu wameuza nyumba zao, kuna Watu wameuza viwanja, Watu wamefilisika biashara zao katika kupambana kuuguza Ndugu zao na kuna nyakati nyingine kuna ndugu zetu walishindwa hata kuchukua miili ya ndugu zao kutokana na madeni ya gharama za matibabu. Neema hii ambayo Mungu ametupa ya kupata matibabu bure tukaitumie vyema na Mikono ya watumishi wa Mungu ikafungue Baraka ili tukaondokane na magonjwa kupitia madaktari wetu bingwa ili tukawe na mchango kwenye ustawi wa uchumi wa Taifa letu."

Kutazama Full interview Bonyeza link hii hapa https://www.youtube.com/watch?v=nPGpFRuoPlQ

TUMEPATANA KESHO SAA 4 ASUBUHI MAHOJIANO YAFANYIKE Kipekee @bmtvtanzania tunamshukuru mno Yusto Onesmo Mtumishi wa Mungu, Mwimbaji wa nyumbo za Injili na Mchungaji, kwa Makaribisho mazuri hapa nyumbani kwake na ameahidi Kufunguka mengi kuhusu Huduma yake. Kikubwa ametuhakikishia kuwa atatoa namba na Mawasiliano yake binafsi kwa nyote ambao mngependa kuwasiliana naye kwa Habari ya Huduma na Mialiko. Usikose Kutazama na kutoa maoni yako wakati atakapokuwa anazungumza LIVE kupitia YouTube Channel yetu BM TV TANZANIA Asante.

Umoja wa Madereva Bajaji Bunju B (UMABABU) umepongeza jitihada za Rais Samia Suluhu Hassan katika kuteua viongozi wenye tija wanaochochea mabadiliko kwa kutoa ushirikiano kwa wananchi iki waweze kufikia malengo yao pamoja na kukuza uchumi wa nchi. Hayo yamebainishwa na Mwenyekiti wa umoja huo, Kulwa Msafiri alipokuwa akieleza namna uongozi wa Wilaya ya Kinondoni unavuoendelea kuwashika mkono kwa kuwatafutia fursa mbali mbali. zinazowaletea mafanikio makubwa. "Rais Samia ametuletea mkuu wa wilaya sahihi kwani amekuwa akituunga mkono sana, pia tumesikia Serikali imeachia mikopo ya asilimia 10 tunaamini na sisi tutakua ni wanufainika," amesema Kulwa.

Katibu Mkuu Wizara ya Nishati, Mhandisi Felchesmi Mramba akitoa elimu kuhusu matumizi sahihi ya umeme.

Makamu Mwenyekiti wa Chama Cha Demokrasia na Maendeleo (CHADEMA) Tundu Lissu akifanya kampeni na kuomba kura kwa lugha ya kwao ya Kinyaturu akiwa katika ziara yake mkoani Singida. Lissu amekuwa akizunguka Mkoani Singida akishawashi wananchi wa Mkoa huo kumuumga mkono kwenye harakati zake za kutaka uongozi huku akijielekeza zaidi kutumia lugha ya Kinyaturu kitendo ambacho kimeibua sintofahamu kubwa

TANESCO imefanya mapitio kwenye maeneo 1,570 ya mjini yenye sura ya Vijiji - Mhe. Judith Kapinga, Naibu Waziri Nishati, Bungeni Dodoma Juni 07, 2024

SAKATA LA WAKULIMA KULIPIA MAZAO KWA EFD MACHINE

WAKULIMA KULIPIA KODI MAZAO KWA EFD MACHINE, MBUNGE AMBANANISHA MWIGULU NCHEMBA

Mkuu wa Wilaya ya Ubungo, Mhe. Hassan Bomboko ameeleza miradi mbalimbali ya maendeleo na huduma kwa jamii iliyotekelezwa na Rais Samia katika wilaya hiyo iliyoanzishwa hivi karibuni ndani ya kipindi cha miaka mitatu. DC Bomboko amesema ndani ya kipindi cha miaka mitatu, Mhe. Rais Dkt. Samia Suluhu Hassan amewezesha miradi ya takribani bilioni 306 kutekelezwa ndani ya wilaya ya Ubungo huku akitolea mfano baadhi ya miradi kama vile Ujenzi wa Shule ya Bweni ya wasichana (Dar es Salaam Girls Secondary School), Ujenzi wa hospitali ya wilaya, upanuzi wa zahanati ya Makuburi kuwa kituo cha afya na kadhalika. "Kwa upande wa barabara peke yake, zitajengwa kilomita 52 ambazo tutazigawa katika mitaa 90 ili kumaliza kero kwa wananchi wa Ubungo, haya ni mafanikio makubwa, sisi watu wa Ubungo tunamshukuru sana Rais Samia" - Aliongeza Bomboko

Mwl. Anthonia Francis ambaye ni Makamu Mkuu wa Shule maalum ya bweni ya Wasichana mkoa wa Dar es Salaam (Dar es Salaam Girls Secondary School) ameeleza sifa mbalimbali za shule hiyo yenye uwezo wa kupokea wanafunzi 1000 kwa mpigo iliyojengwa na serikali ya awamu ya sita katika wilaya ya Ubungo jijini Dar es Salaam. Akielezea miundombinu ya shule hiyo ya kisasa iliyofunguliwa rasmi Agosti 14, 2023, Mwl. Anthonia amesema mbali na madarasa, matundu ya vyoo, bwalo, jengo la utawala na miundombinu mingine ya msingi, shule hiyo ina mabweni nane, maabara nne kwa maana ya maabara ya baiolojia, maabara ya kemia, maabara ya fizikia na maabara ya jografia pamoja na nyumba za kisasa za walimu.

Kamanda wa jeshi la mkoa wa Ruvuma (SACP)Marco Chilya amesema wafanyakazi wa migodi ya makaa ya mawe mkoa wa Ruvuma wanachangamoto kubwa ya kuiba mafuta ya kuendesha mitambi ya kuchimba makaa hayo ambapo wamiliki wa migodi hiyo wamekuwa wakipata hasara kutokana na wizi huo hivyo amewataka wafanya kazi hao kuacha tabia hiyo ambayo itasababisha migodi kufungwa na na ajira za watu kupotea. Hayo ameyasema alipokuwa anafunga mafunzo ya waendesha mitambo mikubwa na magari makubwa wa migodi mbalimbali iliyopo katika kata ya Ruanda wilaya ya Mbinga mkoani Ruvuma.

Mkuu wa Mkoa wa Arusha, Paul Makonda leo Mei 27.2024 amesema hatishiki na kauli zinazotolewa dhidi yake kuhusu kumdhalilisha mwanamke ambaye ni mtumishi wa Serikali wilayani Longido mkoani Arusha.

Kamanda wa Jeshi la zima moto na Uokoaji Mkoani Geita, Kamanda Mratibu Hamis Dawa,amesema kuwa majanga mengi ya moto yanayozuka majumbani hayasababishwi na umeme unaotoka na TANESCO bali nimatumizi holela ya vyombo vya Umeme pamoja Na kutochukua tahadhari ya vifaa Kamanda Mratibu Hamis Dawa ameyasema hayo Mei 24, 2024 alipotembelea Banda la TANESCO , katika maonesho ya Biashara ,Viwanda na Kilimo yanayoendelea Mkoani Geita. Aidha amesema kuwa jukumu la TANESCO ni kupeleka Umeme kwa Mteja mpaka kwenye mita lakini suala la Umeme ndani ya nyumba ni suala la Mteja kuhakikisha Nyaya ndani ya nyumba yake zimetandazwa vizuri, na vifaa vyote vilivyotumika vinaubora ikiwemo saketibreka.

“Mkataba wa Ununuzi wa Umeme kati ya TANESCO na SONGAS utafikia ukomo wake tarehe 31 Julai, 2024. Kwa sasa, Serikali imeunda timu ya wataalam iliyoanza majadiliano mwezi Aprili, 2023 na inatarajia kukamilisha majadiliano hayo kabla ya mkataba kuisha. Serikali kuhakikisha maslahi ya Taifa yanazingatiwa kabla ya kuingia makubaliano na Songas," Mhe. Judith Kapinga, Naibu Waziri Nishati. Bungeni Dodoma Mei 27, 2024.

Wananchi wa wilaya ya Kigamboni wamekua wakipata changamoto ya kusafiri umbali mrefu kufuata matibabu, hali ilopelekea kutumia muda mwingi njiani, gharama kuwa kubwa na hata kutokupata huduma za matibabu kwa wakati. #DiraYaSamia ilipiga story na Mama Flora, aliyeeleza jinsi gani wananchi wa Kigamboni wamenufaika na uwepo wa hospitali hiyo ya wilaya. Wakimshukuru Mhe. Dkt. Samia Suluhu Hassan kwa kuhakikisha hospitali hii inapata wataalamu wa kutosha, dawa na vifaa tiba.