Ajm Unbeaten Hausa News

10/09/2023

Price control haramun ne, don haka mu ji tsoron Allah, mu maida lamurranmu ga Allah. Sannan mu sauƙakawa ƴan uwanmu

14/10/2022

Kungiyar ASUU ta janye yajin aiki



Sa'o'i 3 da s**a wuce

Kungiyar malaman jami'a a Najeriya, ASUU ta sanar da janye yajin aikin da mambobinta s**a shafe wata takwas suna yi.

Dokta Chris Piwuna, mataimakin shugaban kungiyar ta ASUU ya tabbatar wa BBC labarin, inda ya ce an janye yajin aikin ne da sanyin safiyar Juma'a, bayan da shugabannin kungiyar s**a gana jiya da daddare a Abuja babban birnin kasar.

Sai dai bai yi bayani kan sharudan da s**a sa aka janye yajin aikin ba.

Tun da farko, kotun daukaka kara a Najeriya ta umarci kungiyar ta janye yajin aikin gabanin ta saurari daukaka karar da ta yi a gabanta.

Tun ranar 14 ga watan Fabrairun wannan shekarar malaman jami'o'in gwamnatin tarayyar Najeriya s**a tsunduma cikin yajin aiki, suna neman gwamnatin ta biya musu wasu bukatu.

Kotu ta umarci ASUU ta koma bakin aiki21 Satumba 2022

Gwamnatin Buhari ta gurfanar da ASUU a kotu12 Satumba 2022

Buƙatun ASUU

An daɗe ana kai ruwa-rana tsakanin gwamnatin Najeriya da ASUU kan biyan buƙatun da ƙungiyar ke son a biya mata kafin komawa bakin aiki.

Bukatun sun ƙunshi samar da wadatattun kuɗi wanda za a yi ayyuka domin farfado da jami'oi.

Akwai buƙatar biyan alawus na malamai wanda ya taru har ya kai shekaru ba a biya su ba.

Akwai batun samar da wani kwamiti da zai rika ziyartar jami'o'in gwamnatin tarayyar domin ganin irin ayyukan da suke yi don gano nasarori da ma matsaloli da aka samuDa saɓani kan sabon tsarin biyan albashi na bai-daya da gwamnati ta ɓullo da shi na IPPIS.

27/05/2022

Bantaba Siyasa ba Amma Yau dole na nuna farin ciki na ga wanda zuciyata ke so..
Fatan alheri
Ga governor na, na gobe Insha Allah.
Kullum muna addu'a Allah ya zaba mana mafi alheri yau ga Dr Dikko Umar Radda Allah ya ba shi nasara a zaben fidda gwani na gwanaye.
Alhamdulillah, Masha Allah.

22/04/2022

An roki Gwamna Masari ya taimaka ya fito takarar Sanata a zabe mai zuwa
Karin bayani: https://bit.ly/399Jue9

19/04/2022

16/04/2022

20/11/2021

Mawaki Davido ya ce ya kyautar da naira miliyan 250 domin tallafa wa gidajen marayu a Najeriya. Mawakin ya ce ya samu kyautar naira miliyan 200 cikin kwana biyu bayan da ya nemi a ba shi gudunmuwar bikin ranar haihuwarsa, sai shi kuma ya kara naira miliyan 50 a kai kuma ya kyautar da su ga marayu.

20/11/2021

GWANIN BAN SHA'AWA!

Matashiya Zainab da aka taɓa zarga tare da yanke wa hukuncin kisa a ƙasar Saudiyya bisa zargin ta da safarar miyagun ƙwayoyi, ta zama jami'ar hukumar NDLEA.

Kuma da yawa mutane ba za su manta da labarin wannan matashiyar ba, Domin a lokacin da abun ya faru an shiga ruɗani da jimami sosai, Babban abun burgewar shi ne yadda ta shiga aikin saboda ƙalubalan da ta fuskanta wanda ya kusa tafiya da rayuwar ta, Zainab Allah Ta'ala ya k**a.

DAGA Anas Saminu Ja'en

20/11/2021

Jafar Jafar: Bayan wata 5, Ganduje ya biya ‘dan jaridar da ya bankado ‘faifan dala’ N800, 000 Jummaʼa,

Gwamnan jihar Kano, Dr. Abdullahi Umar Ganduje ya bi umarnin kotu a shari’arsa da Jafar Jafar.

Gwamna Abdullahi Umar Ganduje ya biya ‘dan jaridar N800, 000 k**ar yadda Alkali ya umarce shi Jafar Jafar wanda ba ya Najeriya a halin yanzu, ya tabbatar da cewa kudin sun shigo hannunsa .

Mai girma Gwamnan Jihar Kano, Abdullahi Umar Ganduje, ya biya kudin da kotu ta bukata ga Jafar Jafar, k**ar yadda Alkali ya umarce shi.

Shugaban gidan jaridar na Daily Nigerian, Jaafar Jaafar ya nuna cewa wadannan kudi sun shigo hannunsa a wani bayani da ya yi a shafinsa na Facebook. ‘Dan jaridar ya kyankyasa wannan ne a safiyar Juma’a, 19 ga watan Nuwamba, 2021.

Sai dai Jafar bai fito ya bayyana adadin abin da gwamnan ya aiko ba.

19/11/2021

19/11/2021

A cewar wani sabon rahoton Bankin Duniya, tashin farashin kayan abinci da sauran kayan amfanin yau da kullum ka iya jefa ƙarin 'yan Najeriya fiye da miliyan shida cikin talauci,

Rahoton wanda aka wallafa a watan Nuwamba game da tasirin annobar korona ya bayyana cewa hauhawar farashin kayan na ingiza mutane cikin talauci, abin da ya sa ya yi kira ga gwamnatin Najeriya ta ƙara girman shirin taimaka wa al'umma.

Karin bayani - https://bbc.in/3cpLBJ2

19/11/2021

Babu rigar mama ta gwal cikin kadarorin Diezani da muka ƙwace - EFCC

Ƙarin bayani: https://bbc.in/3DweCi2

15/10/2021

Hukumomin birnin Cologne da ke Jamus, sun lamunce wa Musulmi da su fara amfani da lasifika wajen kiran Sallar Juma’a.

Daga wannan Juma'ar ce za a fara kiran Sallar ta yadda Musulmi za su iya ji daga nesa.

Wata yarjejeniya ce aka cimma da masallatan Juma’a 35 da ke birnin na Cologne. Musulmi dai miliyan biyar da dubu 600 ne ke a Jamus.

27/05/2021

Major General Farouk Yahaya: Buhari ya naɗa sabon babban hafsan sojin ƙasan Najeriya

Buhari ya naɗa Manjo Janar Farouk Yahaya a matsayin sabon babban hafsan sojin ƙasan Najeriya.

Rundunar sojin ƙasar ce ta sanar da hakan a shafinta na Tuwita a yau Alhamis.

Naɗin na zuwa ne kwana shida bayan rasuwar Janar Ibrahim Attahiru mai jagorantar rundunar.

Janar Attahiru ya rasu ne a wani hatsarin jirgin sama da ya rutsa da shi a Kaduna, da kuma wasu mutum 11 cikin har da janar-janar uku.

Tun bayan rasuwar Manjo Attahiru ƴan Najeriya s**a fara tsokaci kan waɗanda ake hasashen za su maye gurbinsa.

Kafin naɗin nasa, Manjo Janar Faruk Yahaya shi ke jagorantar yaƙi da Boko Haram a arewa maso gabashin Najeriya.

Ya taɓa riƙe muƙamin kwamandan rundunar sojin kasa ta matakin farko.

21/05/2021

Ibrahim Attahiru: Babban hafsan sojin ƙasa na Najeriya ya rasu

Babban hafsan sojin Najeriya Laftanar Janar Ibrahim Attahiru ya rasu sak**akon hadarin jirgin saman soji a Kaduna.

Mai magana da yawun rundunar sojin, Birgediya Janar Mohammed Yarima ne ya tabbatar wa BBC da faruwar lamarin.

Bayanai sun ce jirgin saman na soji ya fadi ne a kusa da filin tashi da saukar jiragen sama na Kaduna kuma mutum takwas ne a cikin jirgin lokacin da lamarin ya faru.

Rundunar sojin saman Najeriyar ta wallafa wani saƙo a shafinta na Twiiter inda ta bayyana cewa wani jirginta ya faɗi a kusa da filin jirgin sama na Kaduna.

Wane ne Janar Attahiru?
RESIDENCY

Laftanar Janar Ibrahim Attahiru shi ne ya maye gurbin Janar Tukur Buratai babban hafsan sojan ƙasa.

An haifi Janar Attahiru a 1966 a jihar Kaduna da ke arewacin Najeriya.

Ya taba jagorantar yaƙi da ƙungiyar Boko Haram amma a shekarar 2017 ne Janar Tukur Buratai ya sauke shi daga muƙamin bayan wasu hare-hare da 'yan bindiga s**a kai inda aka kashe wasu mutane 50 a lokacin da suke sallah a masallaci.

Kafin ba shi wannan muƙamin, Laftanar Janar Attahiru shi ne shugaban runduna ta 82 a rundunar sojin Najeriya.

Ranar 26 ga watan Janairun 2021 ne Shugaban Najeriya Muhammadu Buhari ya naɗa shi a matsayin Babban Hafsan Sojin ƙasar.

Janar Attahiru shi ne babban Hafsan Sojin Najeriya na 21. BBC Hausa

20/05/2021

Abin da ya sa ƙungiyar ƙwadago ta ɗage yajin aikin Kaduna
A yau Alhamis ne babbar ƙungiyar ƙwadago ta Najeriya NLC za ta gudanar da wani taro da ayarin gwamnatin ƙasar bayan jingine yajin aikin gargaɗi na tsawon kwana biyar da ta fara a jihar Kaduna.

Ƙungiyoyin ƙwadagon Nijeriya sun tsunduma yajin da kuma zanga-zangar da ta durƙusar da harkoki a Kaduna ne don nuna adawa da gwamnatin Nasir El-Rufa'i a kan sallamar ɗumbin ma'aikata daga aiki.

El-Rufa'i dai ya sha nanata cewa ba zai sauya matsayinsa a kan ma'aikatan da ya kora.

To, ko me ya sa ƙungiyar ƙwadago ɗage wannan yajin aiki?

Tambayar ke nan da na yi wa Comrade Kabir Nasir, sakataren tsare-tsare na hadaddiyar kungiyar kwadago wato NLC ta kasa. Bbc

21/04/2021

Falalar kwanaki 10 na tsakiyar watan Ramadan

Ramadana wata ne mai alfarma da Musulmai ke shafe tsawon watan suna Ibadar azumi, ɗaya daga cikin daya da cikin shika-shikan Musulunci.
Wata ne da ake son Musulmi ya siffantu da bautar Allah da addu'o'i tare da neman gafara ga Mahalicci.
Watan Ramadan baki ɗayansa na ƙunshe da falala tun daga 10 na farko na watan zuwa 10 na tsakiya da kuma kwanaki mafi daraja a 10 ta ƙarshe.
Shiekh Abubakar Baban Gwale ya yi wa BBC bayani kan falalar 10 ta tsakiya da kuma abubuwan da ake son Musulmi ya himmatu.
Malamin ya ce watan Azumi wata ne da ake ƙara alherin mumuni a cikinsa - duk lokacin da aka ƙara kwanaki alherinsa yana kara ƙaruwa.
"Manzon Allah (SAW) ya ce farkon watan Ramadan rahama ne, tsakiyarsa kuma gafara ce ƙarshensa kuma 'yanta mutum ne daga wuta."
Malamin ya ce idan aka shiga zango na gafara ba wai ana goge rahama ba ne - ana son mutum ya nunka ibada domin ya hada rahama da kuma gafara tare da kara kusanci ga Allah.
Ci gaban kwanakin Ramadan ƙarin samun falala ne da kuma kusantar dare mai albarka na Laylatul kadri. (BBC Hausa)

Ayyukan Ibadah da ake son mutum ya dage
Shiekh Abubakar Baban Gwale ya bayyana ayyukan Ibadah da ake son mutum ya dage akansu k**ar haka:
Musulmi ya dage da sallolin farilla da Allah ya wajabta a cikin jam'i.
Annabi ya kwaɗaitar da yin sallar Taraweeh da sallolin dare - Ramadan wata ne da Allah Y lizimta azumi a yininsa da kuma raya darensa.
"Akwai hadisin Abu Hurairah wanda Buhari da Musulim s**a ruwaito cewa duk wanda ya tsaya ya yi sallah cikin dare a watan Ramadan yana mai imani da neman Lada za a gafarta masa zunubansa baki ɗaya da s**a gabata."
Ana son idan Musulmi ya yi Sallar Taraweeh bayan sallar Isha'i a cikin dare ya kuma dage ya raya dare. "Kuma duk abin da mutum ya haddace na Al Kur'ani ya kyautata niyya zai iya yin sallolinsa na dare da abin da ya sawwaƙa," a cewar Shiekh Abubakar Baban Gwale.
Ana kuma son a ƙara dagewa da karatun Ƙur'ani.
Ana kuma son kara ƙoƙari wajen ciyarwa - k**ar yadda ciyarwa take da falala a farkon Ramadan haka ma a 10 ta tsakiya domin karin samun falala da lada.
An kuma kwadaitar da yin kyauta sosai a watan Ramadan. Kyautar Manzon Allah tana bunƙasa idan Ramadan ya zo kuma kyautarsa yawanta ta fi iskar da ta ke ɗauke da girgije ta zubar da shi ba tare da rage komi ba.
Ana kuma son a dinga yafiya da tausasawa tun daga iyalai da ma'aikatan da ke karkashin mutum.

11/02/2021

Nana Khadijah, matar manzon Allah wadda matan zamani za su yi koyi da ita wajen dogaro da kai

A tarihin addinin Islama akwai fitattun mata da yawa
"Ita ce matar da ta yi zarra ta kuma kere sa'a. Ko da matan zamani za su so su cimma irin nasarorin da ta cimma shekara 1,400."
Wannan shi ne yadda Asad Zaman, wani limami a birnin Manchester na Birtaniya ya bayyana Nana Khadijah, matar Annabi Muhammad (SAW), wacce aka haifa a ƙarni na shida a ƙasar da a yau ake kira Saudiyya.
Mace ce da ake matuƙar girmama ta, mai arziki da kwarjini, wacce ta ƙi karɓar tayin aure daga fitattun mutanen zamaninta da dama.
A ƙarshe dai ta yi aure, har sau uku. Mijinta na fari ya mutu, sannan wasu ruwayoyin sun ce mijinta na biyu kuma rabuwa ta yi da shi.
Bayan wannan ne ta yi alwashin ba za ta sake aure ba... har sai da ta haɗu da mijinta na uku kuma na ƙarshe sannan ta sauya shawara.
Khadijah ta ga wasu "kyawawan halaye a tattare da shi, da s**a sa ta sauya ra'ayinta na ƙin sake aure," k**ar yadda Asad Zaman ya shaida wa BBC.
Ba k**ar yadda aka saba ba a wancan zamanin, Khadijah ce ta zaɓe shi da kanta ta kuma nemi ya aure ta.
A lokacin shekararta 40, shi kuwa sabon mijin da za ta aura shekararsa 25, daga ƙabilar da take da matuƙar daraja.
Wannan labari ya fi gaban na soyayya; labari ne na tushen addini na biyu mafi girma a duniya a yau.
Sabon mijin Khadijah shi ne Annabi Muhammad (SAW), wanda bayan aurensu ya zamo manzon da aka aiko da Musulunci.
Ƴar kasuwa
Ayarin rakuman Khadija kan yi tafiya mai dogon zango a fadin yankin Gabas ta Tsakiya
Wani farfesa na daɗaɗɗen tarihin Gabas Ta Tsakiya a Jami'ar New York, Robert Hoyland, ya ce zai yi matuƙar wahala a yi bayanin wace ce Khadijah a zama ɗaya, saboda an yi ta rubutu kan abubuwan da aka sani a kanta tsawon shekaru bayan mutuwarta.
Sai dai mafi yawan majiyoyi sun nuna cewa "ita mace ce da ke da burin zama mai tsayiwa da kanta, kuma mai karfin hali," in ji Holyland a hirarsa da BBC.
Alal misali, ta ƙi yarda ta auri wani ɗan uwanta - k**ar yadda danginta s**a so - saboda tana so ya kasance da kanta ta zaɓi mijin aurenta.
Khadijah ɗiya ce ga wani ɗan kasuwa da ya mayar da kasuwancin abin alfaharin zuri'arsa.
Bayan da ya mutu a wani yaƙi, sai ta dasa daga inda ya tsaya.
"Kowa ya san ta da ƙoƙarin yi wa kanta abubuwa," k**ar yadda wata masaniyar tarihi kuma mawallafiyar littattafai Bettanu Hughes ta faɗa a wani shirin BBC.
"A taƙaice dai, harkokin kasuwancinta ne s**a yi sanadin ɗora ta a kan hanyar da daga ƙarshe ta sauya tarihin duniya."
Mataimaki
Masaniyar tarihi Bettany Hughes: Khadija ta kan ja ragamar abubuwan da s**a shafe ta a duniya kai tsaye
Khadijah tana aiwatar da harkokinta daga Makka a Saudiyya, kuma kasuwancinta na buƙatar a dinga kai da kawo mata kayayyaki daga can zuwa manyan biranen Gabas Ta Tsakiya.
"A bayyane yake cewa Khadija mai tsayiwa ce kan al'amuranta," in ji Bettany Hughes.
Waɗannan matafiyan s**an yi tafiya mai nisa daga kudancin Yemen zuwa arewacin Syria.
Duk da cewa wani kaso na dukiyarta ta samu ne daga mahaifinta, Khadijah ta tara tata dukiyar ita ma, a cewar Fozia Bora, wata mai shirin zama farfesa ta tarihin Musulunci a Jami'ar Leeds da ke Birtaniya.
Ƴar kasuwa ce "mai dogaro da kanta, kuma mai ƙwazo da jajircewa."
Khadijah takan ɗauki ma'aikata, inda take zaɓar mutane masu ƙwarewar da za su amfani kasuwancinta.
Ta ji labarin wani mutum da aka yi masa shaidar gaskiya da ƙwazo, don haka bayan wata ganawa da ta gamsu da bayanan da ta ji, sai ta ɗauke shi aiki don ya dinga bin ayarin ma'aikatanta.
Khadijah ta yaba da jajircewarsa, kuma bayan an shafe lokaci sai ta gamsu ƙwarai da ɗabi'unsa har ta yi sha'awar aurensa.
Kwatsam sai Muhammad - wanda ya kasance maraya, ya kuma girma a hannun kawunsa - ya samu tagomashi a rayuwarsa ta fannin tattalin arziƙi," a cewar Fozia Bora.
An yi amannar cewa ma'auratan sun samu 'ƴaƴa shida, duk da cewa dai ƴaƴa matan ne kawai s**a girma.
Farfesa Rania Hafaz ta Cibiyar Musulmai da ke London ta shaida wa BBC cewa: "Akwai wani abu na musamman a auren nasu."
Abin kuwa ba komai ba ne sai "ganin cewa ita kaɗai ta rayu da shi a matsayin mata, a al'ummar da a wancan lokaci maza ba su cika zama da mace ɗaya kawai ba."
Wahayi na farko
Khadijah da danginta sun zauna a garin Makka, Saudi Arabia, cibiyar addinin Musulunci
An haifi annabi Muhammadu (SAW) kuma ya girma a tsakanin kabilar Kuraishawa (k**ar Nana Khadijah), a daidai lokacin akwai kungiyoyi da ke bauta wa abubuwa daban-daban.
Shekaru kadan bayan ya yi aure, Muhammad ya fara sauyawa zuwa bautar ubangiji - ya kuma koma da yin mu'amalarsa a kusa da manyan duwatsu kusa da birnin Makkar domin kadaicewa tare da yin zurfin tunani.
Kamar yadda addinin Musulunci ya yi imani da shi, Mala'ika Jibrilu ya zo masa da wayahi daga Allah, mala'ikan da ya taba sanar da Maryama cewa za ta zama mahaifiyar Annabi Isa.
Ta wannan hanyar ce aka saukar wa da Annabi Muhammadu littafin Alku'rani mai girma.
An bayyana cewa lokacin da aka yi masa wahayin, ya tsorata saboda da farko bai fahimci me yake faruwa ba.
"Bai iya fahimtar yadda zai bayyana abin da ya shaida ba. Ba shi da masaniya kan batun saboda bai taso cikin fahimtar kadaitar ubangiji Allah ba," in ji Fozia Bora.
"Ya yi tsananin tsorata da dimaucewa game da abin da ya faru. Wasu bayanai da aka tattara sun ce wahayin ba mai sauki ba ne, kuma duk da cewa cikin ruwan sanyi aka zo masa da shi, amma a zahiri akwai firgitarwa.''
Musulmai sun yi imanin cewa Mala'ika Jibrilu ne ya saukar wa Annabi sakon wahayi daga Allah, mala'ikan da shekaru 600 da s**a wuce ya shaida wa Maryam za ta haifi Annabi Isa
Annabi Muhammadu ya yanke shawarar amincewa "da tsarkakaken halittar da zai iya yin amanna a kan komai," in ji farfesa Hoyland.
Khadijah ta saurare shi ta kuma kwantar masa da hankali. Ta kuma gaskata shi sannan ta yi tunanin wannan wani abu ne mai kyau.
Ta kuma nemi shawara daga wani dan uwanta mai ilimin addinin Kirista.
An yi amanna cewa Waraqah ibn Nawfal ya danganta wahayin da aka yi wa annabi Muhammad da na annabi Musa.
"Yana da sani a kan litattafai masu tsarki," Bora ya bayyana, don haka "sahihin tabbaci ne na wahayin da aka yi masa.
"Mun san cewa lokacin da ya fara samun wahayin Alkur'ani mai girma, amma shi kansa Muhammadu na yi wa kansa da kansa wasu-wasi."
Amma kuma Khadijah ta rika ba shi tabbacin cewa shi manzon Allah ne," a cewar Leila Ahmed, wata malamar addinin Musulunci a Jami'ar Harvard.
Mace ta farko da ta karbi addinin Musulunci
Fozia Bora: Wata kwararriya a fannin ilmin tarihi, Khadija babba abin koyi ce
Malamai da dama sun yarda da haka, tun da Khadijah ita ce mutum ta farko da ta fara jin wahayin da aka saukarwa da annabi Muhammadu, dole a dauke ta a matsayin musulma ta farko da ta karbi sabon addinin Musulunci.
"Ta yarda kuma ta amince da sakon," in ji Foiza Bora.
"Ina ganin hakan ne ya karfafa wa Muhammadu gwiwa wajen fara yada sakonninsa."
Masaniyar tarihi Bettany Hughes ta ce a wannan mataki, Muhammadu ya kalubalanci dattawan kabilar kuma ya fara gudanar da wa'azi a bayyane: "Allah shi kadai ne abin bautawa. Yin bauta ga wasu daban sabo ne."
Kamar yadda Foiza Bora ta bayyana, lokacin da Muhammadu ya fara yada addinin Musulunci, al'umomin garin Makka da ba su amince da cewa Allah daya ne ba, sun nuna masa wariya da tsangwama.
"Amma kuma Khadijah," in ji Foiza Bora, "ta ba shi goyon baya da kariyar da yake bukata a lokacin."
"Cikin shekaru 10, Khadijah ta yi amfani da dukiyarta da darajar iyalan da ta fito wajen taimaka wa mijinta ta tallafa wa sabon addinin," in ji Hughes, "addinin da aka gina a bisa tsarin bin bautawa guda daya mai cike da ce-ce-ku-ce a kuma cikin al'ummar da ta yi imani da abubuwan bauta da dama".
'Shekarar alhini'
"Abu mai matukar sha'awa game da bayanan da aka tattara a wannan lokaci shi ne, yadda mutane ke maganar Khadijah a matsayin mutum mafi kusanci da Muhammad ya samu, fiye ma da abokansa na kusa k**ar Abu Bakar ko Omar," a cewar Farfesa Hoyland.
Masaniyar tarihi Bettany Hughes ta yi nuni da cewa har yanzu Musulmai na tunawa da zagayowar shekarar da ta mutu a matsayin "Shekarar Alhini".
Daga bisani, Muhammadu ya sake yin aure, kuma a wancan karon ya auri mata da yawa.
A wani shirin BBC, Fatima Barkatulla, wata malamar addinin Islama kuma marubuciyar litattafan kananan yara kan rayuwar Khadijah, ta ce akasarin abubuwan da muka sani game da Khadijah sun fito ne daga Hadisai - hikayoyi, al'adu da kuma abubuwan da aka bayyana game da rayuwar annabi Muhammadu.
Mabiya da kuma makusantan annabi Muhammadu s**a fara bayyanawa, kuma daga bisani ne aka rubuta.
Daya daga cikin masu ba da labarin ita ce Aisha, daya daga cikin matan da annabi Muhammadu ya aura daga baya, kuma daya daga cikin fitattun mata a cikin addinin Musulunci.
"A bayyane take cewa annabi Muhammadu ya ba ta labarin Khadijah, kuma ta rika bayyana abubuwan da s**a faru a farkon lokacin da aka saukar masa da wahayi, lokacin daya zama manzon Allah," in ji Fatima Barkatulla.
Duk da cewa Aisha ba ta shaida farkon rayuwar annabi Muhammadu ba ta "rike aikinta hannu biyu wajen isar da sakonnin musulunci ga sauran Musulmai" abubuwan da aka fada mata, marubuciyar ta ce.
Abin koyi
Musulmai mata da dama na dauka Khadija a matsayi abin koyi
A nata bangaren, Foiza Bora, ta ce karatu game da tarihin Khadijah na da matukar muhimmanci wajen warware sarkakiyar da ake da ita a tsakanin al'ummar Musulman farko inda ake barin mata cikin kulle.
Muhammadu bai umarci Khadijah ta bar abin da take son yi ba. Gaskiyar magana, ta ce Musulunci ya bai wa mata dama da 'yanci a lokacin.
"A ganina, a kuma matsayina na masaniyar tarihi, Khadijah abar koyi ce, k**ar Fatima [daya daga cikin 'yayan annabi Muhammadu] da Aisha, cikin sauran matan," in ji Foiza Bora.
"Masu ilmi ne, masu kokari a fannin siyasa, kana sun taka muhimmiyar rawa wajen yada addinin Musulunci da kuma gyara tsarin zamantakewar al'ummar Musumai.''
''Abu ne mai kyau a gare ni,'' in ji malamar, "ka iya samun damar koyar da dalibai, mabiya ko akasin haka, game da wadannan matan."

27/01/2021

Assalamu Alaikum

Dafatan kun wayi gari lafiya, wannan page mai albarka wanda ya kwana biyu bai kawo maku labarai ba, saboda wasu dalilai amma yanzu Insha Allah zamu cigaba da kawo maku labarai, na abun da ke faruwa na cikin gida, Nigeria da kuma sauran ƙasashen duniya, da tarihe-tarihe, da sauransu.

16/12/2020

WATA SABUWA: Duk wanda ba a saka lambar katin shaidar zama ɗan kasa a rajistar layin sa ba, za a doɗe layin
– Inji Ministan Sadarwa, Pantami

Ministan Sadarwa, Ali Pantami ya gargadi ƴan Najeriya masu layin waya cewa kowa ya garzaya ya gyara layin sa na kira ta hanyar saka lambar shaidar katin zama ɗan kasa ko kuma a doɗe layin ta dai na aiki kwata-kwata.

Hakan ya biyo bayan ganawar da ministan yayi ne da shugabannin kamfanonin sadarwa na Najeriya.

” Wannan sako ne gare ku zuwa ga masu amfani da layukan ku, kowa ya je ya gyara layin sa ta hanyar saka lambar katin shaidar zama ɗan kasa nan da makonni biyu, wato zuwa 30 ga watan Disamba, idan ba haka ba za a doɗe layin.

Sanarwar ta ce duk wanda bai saka wannan lamba ba za a doɗe layin sa kwata-kwata, za ta dai na aiki. Layukan sun hada da masu amfani da MTN, Etisalat, Glo da Airtel.

Idan ba a manta ba Ma’aikatar sadarwar a makon jiya ta fidda wata sanarwa dake umartar kamfanonin sadarwa, MTN, Glo, Airtel, 9Mobile kada su sake yi wa wani sabon layi rajista.

Ma’aikatar ta ce ta yi haka ne domin ta iya kammala tantance layukan da aka riga aka yi wa rajista a kasar nan da samun cikakken bayanan su wato cikakken bayannan wanda ke da mallakin duk wata layi.

Ma’aikatar ta ce duk kamfamin da aka samu ya karya wannan doka ya kuka da kansa, domin har lasisin sa gwamnati za ta kwace.

07/11/2020

Da yammacin Juma'a ne Musulmin duniya s**a sami wani labari mara dadi na rasuwar fitaccen mahaddacin Al-Kur'ani Sheikh Noreen Muhammad Siddiq na kasar Sudan tare da wasu mahaddata uku.

07/11/2020

Joe Biden ya lashe zaɓen Amurka

Ɗan takarar Jam'iyyar Democrat a zaɓen Amurka Joe Biden ya lashe zaɓen Amurka inda a halin yanzu ya samu kur'iu 273, abokin karawarsa kuma Donald Trump na da 214.

A yadda tsarin zaɓen Amurka yake, duk wanda ya fara samun ƙuri'un wakilai na musamman da ke zaɓe har 270, shi ya samu nasara a zaɓen ƙasar.

A nasarar da Mista Biden ya samu a jihar Pennsylvania, hakan na nufin ya ci zaɓen Amurka domin kuwa ya samu ƙarin ƙuri'u 20 daga wakilai na musamman masu zaɓe, wanda hakan ya sa ya samu ƙuri'u 273, ya ma wuce 270 ɗin da ake buƙata.

Sai dai da alamu Trump ɗin na da niyyar maka Mista Biden ɗin ƙara a kotu biyo bayan wasu zarge-zargen da Trump ɗin ya fara tun a ranar zaɓen inda yake zargin an yi maguɗi, zargin da har yazu bai kawo gamsashiyyar hujja a kai ba.

A ƙarƙashin tsarin zaɓen Amurka, masu zaɓe suna zaɓar wakilai na musamman waɗanda ke haɗuwa makonni kaɗan su kaɗa ƙuri'a domin tantance wanda zai zama shugaban ƙasa.

07/11/2020

Joe Biden ya lashe zaɓen Amurka

Ɗan takarar Jam'iyyar Democrat a zaɓen Amurka Joe Biden ya lashe zaɓen Amurka inda a halin yanzu ya samu kur'iu 273, abokin karawarsa kuma Donald Trump na da 214.

A yadda tsarin zaɓen Amurka yake, duk wanda ya fara samun ƙuri'un wakilai na musamman da ke zaɓe har 270, shi ya samu nasara a zaɓen ƙasar.

18/10/2020

Nigeria Youth Investment Fund: Abu uku da s**a k**ata ku sani kan samun tallafin matasa N75bn

Gwamnatin Najeriya ta buɗe sabon shafin da matasa za su gabatar da ɓukatarsu ta neman tallafin kuɗi naira biliyan 75 na shirin raya matasa (NYIF) musamman masu neman tallafin bunƙasa kasuwancinsu.

Babban Bankin Najeriya ne ya ɗauki nauyin shirin na ma'aikatar ci gaban matasa da wasanni da nufin saka jari ga matasa masu tunanin kasuwanci a ƙasar domin bunƙasa tattalin arziƙi da kuma samar musu da ayyukan yi.

Ga abubuwa uku da s**a k**ata ku sani game da tallafin da kuma yadda za ku tura buƙatarku:

1. Wa ya cancanta?
A bayanan da gwamnati ta fitar ta ce sai ƴan tsakanin shekara 18 zuwa 35 da suke da tunani na kasuwanci kuma suke buƙatar tallafin kuɗi ne za su iya neman wannan tallafi.

2. Me ya sa gwamnati ta ƙaddamar da tallafin?
Tallafin kuɗin ya shafi zuba jari ga tunanin matasa na kasuwanci da basirar da suke da ita. Gwamnati ta yi imanin cewa za ta sauya tunanin matasan su koma dogaro da kansu ta yadda za su taimaka wa ci gaban ƙasa. Shirin na tsawon shekara uku ne.

3. Ta yaya za ka samu tallafin?
Mai taimaka wa shugaban ƙasa kan kafofin sadarwa na intanet, Lauretta Onochie, ta bayyana cewa matasan da ke son tura buƙatarsu za su shiga wannan shafin, a nan

Amma kafin cike fom ɗin tura buƙata, dole sai mutum ya tabbata yana da lambobin banki na BVN.

Gwamnati za ta saki naira biliyan 25 duk shekara har shekara uku da za a kammala shirin.

Ministan matasa da wasanni Sunday Dare, ya ce matasa 500,000 za su amfana da shirin duk shekara tsakanin 2020 zuwa 2023.

Kuma ya ce shirin na gwamnatin Buhari domin magance matsalar rashin ayyukan yi ga matasa, shiri ne mai ɗorewa.

18/10/2020

ASUU: Abubuwan da aka tattauna tsakanin ASUU da gwamnati
Bayanai sun nuna cewa gwamnatin Najeriya ta amince ta biya ƙungiyar malaman Jami'oi ASUU naira biliyan 30 a tattaunawar da s**a yi a ranar Alhamis.

Ana tunanin ɓangarorin biyu sun fahimci juna amma kuma hakan bai sa ɓangaren ƙungiyar malaman ya sanar da janye yakin aikin ba inda ƙungiyar ta sake amincewa su sake zama teburin tattaunawa da gwamnati.

Wata sanarwar da ma'aikatar ƙwadago ta fitar ta ce gwamnati ta amince ta fitar da kuɗi ga jami'o'in.

Sai dai kuma gwamnati ba dukkanin kuɗin za ta ba jami'o'in ba, za ta dinga fitar da su ne kaɗan-ƙadan tsakanin watan Mayun 2021 zuwa Fabrairun 2022.

An shafe wata shida ɗaliban jami'o'i na zaman gida a Najeriya saboda yajin aikin na ASUU duk da ɗage dokar kulle da gwamnati ta yi.
Baya ga biliyan 30 da gwamnati za ta biya ASUU, bayanai sun kuma ce gwamnati za ta kashe naira biliyan 20 wajen farfaɗo da ɓangaren ilimi a wani ɓangare na yarjejeniyar kawo ƙarshen yajin aikin na fiye da watanni shida.

Sai dai kuma kan batun tsarin albashi da ASUU ke jayayya da gwamnati akai, ɓangarorin biyu sun samu saɓani akai inda malaman Jami'oin s**a ce sai dai a biya su albashin da suke bi ta tsarin albashin GIFMIS, yayin da kuma gwamnati ta dage kan tsarin IPPIS da ASUU ke adawa da shi.

Cikin wata sanarwa ASUU ta bukaci dukkanin mambobinta su ƙauracewa jami'an IPPIS da ta ce za a tura aikin rijistar malaman a jami'o'i daga ranar Litinin 19 ga watan Oktoba.

Ƙaramin ministan ƙwadago Festus Keyamo ya faɗa a shafinsa na Twitter cewa za su yi ƙoƙarin shawo kan ƙungiyar ASUU kan batutuwa da dama ciki har da tsarin albashin IPPIS da malaman ke jayayya akai.

Tun da farko ASUU ta nuna cewa tsarin biyan albashin IPPIS, shi ne babbar matsalarta, kuma idan har gwamnati ba ta yi wani abu a kai ba, to malaman jami'oi ba za su janye yajin aikin ba, k**ar yadda Shugaban kungiyar ta ASUU reshen Jami'ar Bayero Kano Farfesa Haruna Musa ya shaida wa BBC.

08/10/2020

Tarihin Sabon Sarkin Zazzau

Ahmed Nuhu Bamalli: Tarihin sabon Sarkin Zazzau
Bayan jan ƙafa ta tsawon mako biyu da gwamnatin jihar Kaduna ta yi wajen naɗa sabon Sarkin Zazzau sak**akon mutuwar Sarki Shehu Idris, a ƙarshe Gwamna Nasiru el-rufa'i ya sanar da naɗa Ahmed Nuhu Bamalli.

Bari mu yi nazari kan waye wannan sabon sarki da Masarautar Zazzau ta samu wanda shi ne na 19 a jerin sarakunan masarautar.

Ahmad Nuhu Bamalli ya fito ne daga gidan Mallawa, kuma shi ne Magajin Garin Zazzau kafin naɗinsa sarki a ranar Laraba.

Ambasada Ahmed ɗa ne ga Nuhu Bamalli tsohon Magajin Garin Zazzau kuma tsohon minista a Najeriya.

Magajin garin Zazzau wanda masani shari'a ne da diflomasiyya shi ne jakadan Najeriya a Thailand a yanzu.

Saboda girman sarautarsa ta Magajin Garin Zazzau da kuma kusancinsa da gwamnati shi ya sa aka dinga sanya shi a jerin waɗanda ka iya zama sabon Sarkin Zazzau na 19.
An haifi Ahmad Nuhu Bamalli a birnin Zaria ranar 8 ga watan Yuni na 1966.

Mahaifinsa, Nuhu Bamalli, yana cikin mutanen da s**a yi fafutukar samun 'yancin kan Najeriya kuma ya taba zama ministan harkokin wajen kasar sannan ya rike sarautar Magajin Garin Zazzau, wadda Alhaji Ahmed ya gada bayan rasuwarsa a 2001.

Sabon sarkin na Zazzau ya yi karatun firamare da sakandare a garin Kaduna, sannan ya tafi Jami'ar Ahmadu Bello, Zaria inda ya yi Digirinsa na farko a fannin lauya a 1989.

Kazalika ya yi Digirin Master's a fannin harkokin kasashen duniya da diflomasiyya a Jami'ar ta Ahmadu Bello a 2002.

Jami'o'in da ya halarta domin yin wasu kwasa-kwasai sun haɗa da Harvard da Oxford da Northwestern University da ke Chicago da kuma Jami'ar Pennsylvania da ke Amurka.

Ahmed Nuhu Bamalli ya yi kusan ɗaukacin rayuwarsa ta aiki ne yana aiki a bankuna inda ya taɓa yin aiki a kamfanin da ke buga kudɗn Najeriya, Nigerian Security Printing and Minting.

A shekarar 2017 ne shugaban Najeriya Muhammadu Buhari ya naɗa shi a matsayin jakadan kasar a Thailand.

Gabanin nan, ya taɓa riƙe muƙamin Kwamishinan Hukumar Zaɓe ta jihar Kaduna.

Sabon sarkin na Zazzau yana da mata ɗa, Mairo A Bamalli da kuma 'ya'ya biyar - namiji ɗaya da mata huɗu. (bbchausa.com)

08/10/2020

Ahmed Nuhu Bamalli: Tarihin sabon Sarkin Zazzau
Bayan jan ƙafa ta tsawon mako biyu da gwamnatin jihar Kaduna ta yi wajen naɗa sabon Sarkin Zazzau sak**akon mutuwar Sarki Shehu Idris, a ƙarshe Gwamna Nasiru el-rufa'i ya sanar da naɗa Ahmed Nuhu Bamalli.

Bari mu yi nazari kan waye wannan sabon sarki da Masarautar Zazzau ta samu wanda shi ne na 19 a jerin sarakunan masarautar.

Ahmad Nuhu Bamalli ya fito ne daga gidan Mallawa, kuma shi ne Magajin Garin Zazzau kafin naɗinsa sarki a ranar Laraba.

Ambasada Ahmed ɗa ne ga Nuhu Bamalli tsohon Magajin Garin Zazzau kuma tsohon minista a Najeriya.

Magajin garin Zazzau wanda masani shari'a ne da diflomasiyya shi ne jakadan Najeriya a Thailand a yanzu.

Saboda girman sarautarsa ta Magajin Garin Zazzau da kuma kusancinsa da gwamnati shi ya sa aka dinga sanya shi a jerin waɗanda ka iya zama sabon Sarkin Zazzau na 19.
An haifi Ahmad Nuhu Bamalli a birnin Zaria ranar 8 ga watan Yuni na 1966.

Mahaifinsa, Nuhu Bamalli, yana cikin mutanen da s**a yi fafutukar samun 'yancin kan Najeriya kuma ya taba zama ministan harkokin wajen kasar sannan ya rike sarautar Magajin Garin Zazzau, wadda Alhaji Ahmed ya gada bayan rasuwarsa a 2001.

Sabon sarkin na Zazzau ya yi karatun firamare da sakandare a garin Kaduna, sannan ya tafi Jami'ar Ahmadu Bello, Zaria inda ya yi Digirinsa na farko a fannin lauya a 1989.

Kazalika ya yi Digirin Master's a fannin harkokin kasashen duniya da diflomasiyya a Jami'ar ta Ahmadu Bello a 2002.

Jami'o'in da ya halarta domin yin wasu kwasa-kwasai sun haɗa da Harvard da Oxford da Northwestern University da ke Chicago da kuma Jami'ar Pennsylvania da ke Amurka.

Ahmed Nuhu Bamalli ya yi kusan ɗaukacin rayuwarsa ta aiki ne yana aiki a bankuna inda ya taɓa yin aiki a kamfanin da ke buga kudɗn Najeriya, Nigerian Security Printing and Minting.

A shekarar 2017 ne shugaban Najeriya Muhammadu Buhari ya naɗa shi a matsayin jakadan kasar a Thailand.

Gabanin nan, ya taɓa riƙe muƙamin Kwamishinan Hukumar Zaɓe ta jihar Kaduna.

Sabon sarkin na Zazzau yana da mata ɗa, Mairo A Bamalli da kuma 'ya'ya biyar - namiji ɗaya da mata huɗu. (bbchausa.com)