Katsina Reporters

Home
Katsina Reporters

Shafin Katsina Reporters jarida ce da ke kokarin kawo maku ingantattun labarai na gaskiya ciki da wajen Katsina.
(6)

12/12/2024

Jagoran jam'iyyar PDP na jihar Katsina Sanata Yakubu Lado Ɗanmarke ya samu kyakkyawar tarba daga al'umma a mahaifarsa garin garin Ɗanmarke da ke jihar Katsina.

📸 -Hon. Babangida Kayawa.

12/12/2024

Gwamnan jihar Katsina Malam Dikko Umaru Radda PhD, ya naɗa Abdulkadir Mamman Nasir (Andaje), a matsayin shugaban ma'aikatan gidan gwamnatin jihar Katsina, biyo bayan samun kujerar NEPAD da tsohon shugaban ma'aikatan Hon. Jabiru Abdullahi Tsauri yayi a Abuja.

11/12/2024

Da Ɗumi-Ɗumi

Gwamnan jihar Katsina Malam Dikko Umaru Radda PhD, ya rattaba hannu kan wata yarjejeniya da kamfanin AA Albasu Nigeria Limited domin kammala kasuwar Dubai Market mai ɗauke da shaguna 1,000 da ke cikin birnin Katsina.

Tsohon Gwamnan jihar Ibrahim Shehu Shema ne ya kaddamar da aikin gina kasuwar a zamanin mulkinsa.

Aikin dai ya lakume biliyoyin nairori tun a lokacin baya.

11/12/2024

Gwamnan jihar Katsina Malam Dikko Radda PhD, ya ƙara jaddada kudurinsa na fara biyan sabon tsarin albashi mafi karanci na Naira dubu 70 ga ma'aikatan Gwamnati a karshen watan Disamba 2024.

A cewar Gwamna Radda, zai ci gaba da bada himma wajen kyautata walwala da jindadin ma'aikatan jihar.

11/12/2024

Shahararren Mawaƙin Zamani A Jihar Katsina, Alhaji Sanusi Anu Sabuwar Unguwa zai aurar da ɗiyarsa, Fadila Sanusi a ranar Asabar mai zuwa 14 ga watan Disamba 2024.

Allah Ya sanya Alkhairi, basu zaman lafiya da zuriya ɗayyiba.

11/12/2024

'Yan sandan sun chafke mutane 4 masu kai ma ɓarayin daji kakin sojoji a Katsina

Rundunar 'yan sandan jihar Katsina ta samu nasarar cafke wasu mutane 4 masu kai wa ɓarayin daji wato kidnappers kakin sojoji (Uniforms) don shigar burtu wajen aikata ayyukan ta-add-ànci a jihar Katsina

A cewar, Kakakin rundunar 'yan sandan ASP Abubakar Sadiq, a yayin bincike sun same su da Uniforms na sojoji guda 15 sai ɗaya na yan sanda haɗe da takalma guda biyu.

Katsina Reporters ta samu cewa, 'yan sandan sun cafke mutanen akan hanyar Yan-tumaki zuwa kankara ta jihar Katsina.

11/12/2024

Gidan Talabijin Na KTTV Zasu Fara Shirya Fina-finan Masu Dogon Zango A Katsina

Gidan Talabijin Mallakin Gwamnatin Jihar Katsina (KTTV) na gayyatar Jarumai Maza da Mata zuwa tantancewa (AUDITION) domin samun damar taka rawa a Sabon shiri mai dogon zango da zata fara (SERIES FILM) A duba wannan Poster dake sama domin samun cikakken Bayani.

10/12/2024

An ya Aikin waɗannan magungunan ruwan ba zai cutar da Al'ummar wannan yankin ba?

Ra'ayin Hon. Ɗahiru Mani

Wannan hotunan aikin wasu "MAGUDANEN RUWA NE" da Gwamnatin Jihar Katsina take yi, daga "SHATALETALEN WTC/GIDAN MAN-FETUR NA A A RANO ZUWA SHATALETALEN NA TSOHUWAR MAKARANTA KIDES" a cikin birnin Katsina.

A duk lokacin da nazo wucewa ta wajen sai nayi tunanin minene mafitar Al'ummar yankin bayan kammala wannan aikin hanya.

Saboda idan kun lura aikin gina magudanan ruwan ya katange shaguna da gidajen mutane.

Ba sai na faɗi matsalar ba "GANI ZAI KORI JI"

ALLAH YA BADA IKON DAIDAI WANNAN AIKI, KAR YA ZAMA AIKA-AIKA

10/12/2024

An yi garkuwa da wata daliba mai suna Baraka Abdulkarim a Katsina

Wasu barayin daji sun yi garkuwa da wata matashiya mai suna Baraka AbdulKarim, a yayin da take kan hanyar komawa gida daga makaranta zuwa garin Funtua da ke jihar Katsina.

A bayanan da Katsina Reporters ta samu, Baraka daliba ce a makarantar School Of Health Makarfi da ke jihar Kaduna.

10/12/2024

Gwamna Radda ya ƙaddamar aikin shimfida hanyar da za ta ƙawata cikin garin Funtua wadda za ta lashe sama da N20bn domin ƙyautata walwala da inganta harkokin sufurin al'ummar yankin.

10/12/2024

Ɗan Majalisar tarayya mai wakiltar Kankia/Kusada da Ingawa Hon. Abubakar Yahaya Kusada ya zama shugaban kwamitin kula da ci gaban al'umma na majalisar tarayya

Shugaban majalisar wakilai ta ƙasa Rt. Hon. Tajaddeen Abbas, ya nada Ɗan majalisar tarayya mai wakiltar kananan hukumomin Kankia, Kusada da Ingawa Rt. Hon. Abubakar Yahaya Kusada .

Shugaban kwamitin kula da ci gaban Al'umma walwala dajin dadin Jama'a na majalisar tarayya. (Special committee on community and social development agency (CSDA)/Nigeria cares) a turance.

09/12/2024

Da Ɗumi-Ɗuminsa

Masu sana'ar DJ sun yi zanga-zanga a lokacin da Gwamna Radda ke buɗe aikin hanyar kofar Soro zuwa Kofar Guga a Katsina

Masu sana'ar DJ da ke nishadantar da taron mutane a lokuttan bukukuwa sun cika makil a filin taro na Kangiwa Square a jihar Katsina, inda s**a yi zanga-zanga ga hukumar Hisbah ta jihar bisa dakatar da sana'ar su da ta yi na tsawon watanni 8.

Masu sana'ar sun ma roki gwamnatin jihar Katsina da ta sa baki a bar su, su ci gaba da gudanar da sana'ar su da s**a ce ba su takura wa kowa kuma ba su shiga hakkin kowa. Sun kuma koka kan cewa hukumar Hisbah din ta kwace musu kayan aiki na milyoyin Nairori.

Zanga-zangar ta su, ta yi daidai da lokacin da Gwamnan jihar Katsina Malam Dikko Umaru Radda ke bude aikin fadada titin Kofar Soro zuwa Kofar Guga cikin kwaryar birnin Katsina da aka kammala kamar yadda gidan talabijin na Channels ya rawaito.

09/12/2024

Labari Cikin Hotuna:

Yadda Gwamnan jihar Katsina Dikko Radda PhD, ya samu kyakkyawar tarba daga al'umma wajen kaddamar da aikin hanyar da ta tashi daga Kofar Soro zuwa Kofar Guga a cikin birnin Katsina.

Al'umma da dama s**a yi tsintsima akan T**i domin nuna godiyarsu da farin cikinsu kan aikin hanyar da aka yi masu.

Wane fata kuke mashi a zaɓen 2027 idan Allah ya kai mu?

09/12/2024

Al'ummar jihar Katsina basu goyon bayan sabon kudirin haraji na gwamnatin Tinubu -Saƙon cibiyar TAC ga 'yan majalisar tarayya dake wakiltar Katsina a Abuja

Kungiyar dake yaki da cin-hanci da rashawa da kuma kokarin ganin anyi gwamnati akan fai-fai watau Transparency Advocacy Center TAC. Ta aike da sakon shawara da kira ga dukkanin "yan majalisun tarayya dake wakiltar alummomin jihar katsina da kuma sanatoci na majalissar Dattawa uku da su kauracewa amincewa da sabon kudurin Haraji da shugaba Bola Ahmad Tinubu ya aike musu.

A takardun da aka aika musu kuma jaridun mu s**a samu kwafi, takardar ta bayyana cewa kungiyar farar hula ce mai son ganin al'umma sun samu wakilci na gari.

Ta kuma nuna cewa akwai bukatar wa'yannan wakillai su samu lokacin zuwa ga jama'ar da suke wakilta su zauna domin jin ba'asin jama'ar watau (Public Hearing) don samu matsaya tare da al'ummar su

Kungiyar dai tace kaso mafi rinjaye na al'ummar Arewa basa goyon bayan wannan sabon tsarin haraji.

Shugaban cibiyar Comrd Kabir Shehu Yandaki shi ne ya saka wa takardun hannu da aika aikawa kowane dan majalisar da Sanatocin dake wakiltar jihar Katsina a birnin Abuja.

09/12/2024

'Yar asalin jihar Katsina kenan Maryam Suleiman Kurfi, wacce ta shiga gasar sarauniyar kyau ta Najeriya karo na 45 ta shekarar 2024 inda ake fafatawa da ita a halin yanzu.

A cikin wani saƙo da Maryam ta fitar tace shiga gasar zai sa ta zama abin koyi ga 'yanmatan Najeriya.

Wace fata za ku yi mata?

09/12/2024

Mai Martaba Sarkin Gombe Alh. (Dr) Abubakar Shehu Abubakar, ya ziyarci filin wasanni na Kakansa Sarki Abubakar da ke cikin gundumar masarautarsa a jihar Gombe

📸 -ABK

09/12/2024

Kungiyar Arewa Media Writers reshen jihar Gombe ta karrama Shugaban Kamfanin ABBA PANTAMI DATA a bikin aurensa

Kungiyar Arewa Media Writers reshen jihar Gombe ta karrama Comr Abba Sani Pantami, a wurin bikin buɗan kai na Auren shi da aka gudanar a ranar Asabar.

Shugaban kungiyar na kasa Comr Haidar H Hasheem , Kano ne ya jagoranci karramawar.

📸 -Comr Abba Sani Pantami.

09/12/2024

Gwamna Dikko Raɗɗa ya maida wa Katsinawa ƙwaryarsu a shataletalen kofar Soro na jihar Katsina.

Wacce ƙwarya ta fi kau daga cikin tsohuwar da sabuwar?

Address

No. 12, Ramadan Plaza Ƙwaɗo Ring Road Katsina
Katsina

Website

http://www.KatsinaReporters.com/

Alerts

Be the first to know and let us send you an email when Katsina Reporters posts news and promotions. Your email address will not be used for any other purpose, and you can unsubscribe at any time.

Videos

Yadda aka ɗaura auren shugaban kamfanin Data mafi girma a Arewa Comr Abba Sani Pantami, a karamar Hukumar Dukku a jihar Gombe.

Kai tsaye yadda kungiyar “Rebuild Arewa Initiative” ta kai ziyarar ban-girma ga Mai martaba Sarkin Katsina Alhaji Dr. Abdulmumini Kabir Usman CFR a fadarda da ke Katsina Daga Ina kuke kallon mu

Ana cikin wahalar rayuwa fiye da gwamnatin Buhari mun yi dana sanin zaɓar Bola Tinubu --Inji Ɗan Bilki Kwamanda

Sabuwar Wakar Rarara Ta Sen. Barau Jibrin 📸 -Rabi'u Garba Gaya.

Yanzu-Yanzu: Yadda Sheikh Aminu Ibrahim Daurawa, ke amsa tambayoyin mata a wa'azin da yake gudanarwa a masallacin gidan Alhaji Sule Yari dake Modoji a Katsina. Daga Ina kuke kallon mu?

Kai tsaye : Yadda Sheikh Aminu Ibrahim Daurawa, ke gudanar da wa'azin mata a masallacin Modoji a jihar Katsina. Daga Ina kuke kallon mu?

Yanzu-Yanzu: Yadda Sheikh Aminu Ibrahim Daurawa, ke amsa tambayoyin jama'a a wajen wa'azin da yake gudanarwa a masallacin gidan Alhaji Sule Yari dake Modoji a cikin birnin Katsina. Daga Ina kuke kallon mu?

Kai tsaye Yadda Sheikh Aminu Ibrahim Daurawa ke gudanar da wa'azi a masallacin gidan Alhaji Sule Yari dake Modoji a cikin birnin Katsina. Daga Ina kuke kallon mu?

Yanzu-Yanzu: Khudubar Juma'a tare da Sheikh Aminu Ibrahim Daurawa daga masallacin juma'a na Alh. Sule Yari, dake Modoji, a cikin birnin Katsina Daga Ina kuke kallon mu?

Yadda tsohon mataimakin shugaban kasar Najeriya Alhaji Atiku Abubakar, ya samu kyakkyawar tarba lokacin da ya isa birnin Yola a mahaifiyarsa jihar Adamawa 📸 -Atiku Abubakar.

A cigaba da Tattaunawa da Shugaban Kamfanin AA RAHAMAWA PETROLEUM Alhaji Aminu Wali, inda yace zai haɗa hannu da Gwamnatin Jahar katsina karkashin jagorancin Malam Dikko Ummaru Radda PhD domin yin aiki tare 📸 -Triple H