VOA Burmese

09/21/2024

ဗွီအိုအေ မြန်မာနံနက်ခင်း (စက်တင်ဘာ ၂၂ ရက် ၂၀၂၄) −
Quad ထိပ်သီးအစည်းအဝေး ကန်သမ္မတ မွေးရပ်မြေမှာကျင်းပ၊ ဦးကျော်မိုးထွန်းကို ကုလမှာ ကိုယ်စားပြုမှု သက်တမ်းတိုးရေး တောင်းဆို၊ ရာဂီမုန်တိုင်း ရေဘေး ၃၈၀ ကျော်သေဆုံးတဲ့ သတင်းတွေနဲ့အတူ အပတ်စဥ်အစီအစဉ်တွေ တင်ပြထားပါတယ်။

09/21/2024

ဦးကျော်မိုးထွန်း ကုလ- မြန်မာကိုယ်စားပြု သက်တမ်းတိုးရေး တောင်းဆို

ကုလသမဂ္ဂ ဆိုင်ရာ မြန်မာ အမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်း ကို သံအမတ်ကြီးအဖြစ် နောက်တနှစ်သက်တမ်းတိုးဖို့မြန်မာ့အရေးလှုပ်ရှားသူတွေ ဒီကနေ့ ကုလသမဂ္ဂ ရုံးချုပ်အနီးမှာ စုဝေးဆန္ဒပြကြပါတယ်။ မြန်မာစစ်တပ်ရဲ့ ရက်စက် ကြမ်းကြုတ်မှုတွေကို ကုလသမဂ္ဂ အပါအဝင် နိုင်ငံတကာ အသိုင်းအဝိုင်းက ပိုမို နားလည် သိရှိဖို့နဲ့ မြန်မာစစ်တပ်ကို ပိုပြီးထိရောက်တဲ့ ဖိအားတွေ ပေးနိုင်ဖို့အတွက် သံအမတ်ကြီးကို ဆက်လက်အသိအမှတ်ပြုဖို့ အရေးကြီးတယ်လို့ ပြောဆိုကြပါတယ်။ ကုလသမဂ္ဂ အထွေထွေညီလာခံကို ကိုယ်တိုင်သွားရောက်သတင်းယူနေတဲ့ မခင်ဖြူထွေး နယူးယောက်မြို့ကနေ သတင်းပေးပို့ထားပါတယ်။

09/21/2024

တရုတ်လေယဉ်တင်သင်္ဘောဂျပန်အချုပ်အခြာရေပိုင်နက်ထဲဝင်ရောက်ခဲ့တဲ့အတွက်ဂျပန်ကကန့်ကွက်ပါတယ်ထိုင်ဝမ်ကိုစစ်လက်နက်ရောင်းတဲ့အတွက်ဆိုကာအမေရိကန်ကုမ္ပဏီတချို့ကိုတရုတ်ကဒဏ်ခတ်လိုက်ပါတယ်တရုတ်မှာဂျပန်ကလေးငယ်တဦးသေဆုံးပြီးနောက်ဂျပန်နိုင်ငံသားတွေသတိနဲ့နေကြဖို့ဂျပန်အစိုးရကသတိပေးပါတယ်ကိုဇော်မိုးကျော်ကတင်ပြထားပါတယ်

09/21/2024

ကုလသမဂ္ဂဆိုင်ရာ မြန်မာ အမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းကို ကုလသမဂ္ဂမှာ နောက်တနှစ် ဆက်ပြီး ကိုယ်စားပြုခွင့်ပေးဖို့ အမေရိကန်ပြည်ထောင်စုတဝန်းက မြန်မာတွေ နယူးယောက်မြို့ ကုလသမဂ္ဂရုံးချုပ်အနီးမှာ စုဝေး ဆန္ဒပြနေကြတာ ဖြစ်ပါတယ်။

09/21/2024

ကုလသမဂ္ဂဆိုင်ရာ မြန်မာ အမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းကို ကုလသမဂ္ဂမှာ နောက်တနှစ် ဆက်ပြီး ကိုယ်စားပြုခွင့်ပေးဖို့ အမေရိကန်ပြည်ထောင်စုတဝန်းက မြန်မာတွေ နယူးယောက်မြို့ ကုလသမဂ္ဂရုံးချုပ်အနီးမှာ စုဝေး ဆန္ဒပြနေကြတာ ဖြစ်ပါတယ်။

09/21/2024

စစ်ပွဲပဋိပက္ခတွေကြောင့် စိတ်ဒဏ်ရာမျိုးစုံ ရထားကြတဲ့ ကလေးငယ်တွေအတွက် အားကစားနဲ့ စိတ်ဒဏ်တွေ ပြေလျော့အောင် ကုစားပေးနေတဲ့ မဲဆောက်အိမ်အကြောင်း Frontier Myanmar ရဲ့ ဒို့အသံ အစီအစဉ်မှာ တင်ပြထားပါတယ်။

09/21/2024

ပုံဖျက်ထားတဲ့သတင်း အန္တရာယ်နဲ့ ပတ်သက်လို့ လွတ်လပ်သော မြန်မာ သတင်းမီဒီယာကောင်စီ အတွင်းရေးမှူး ဦးတိုးဇော်လတ် ကို ဦးတင်မောင်သန်း မေးမြန်းတင်ပြထားပါတယ်။

09/21/2024

လူသားတွေအပါအဝင် သက်ရှိအားလုံးအတွက် အန္တရာယ်ကြီးလှတဲ့ နျူးကလီးယားလက်နက်တွေ ကမ္ဘာပေါ်မှာ ဘယ်လောက်တောင် ရှိနေပါပြီလဲ။ ဒီလိုလက်နက်တွေ လျော့နည်းပပျောက်သွားအောင် ဘယ်လို ကြိုးပမ်းနေကြသလဲဆိုတာနဲ့ ပတ်သက်လို့ မညိုညိုလွင်က သတင်းတွေထဲက သုတမှာ တင်ပြထားပါတယ်။

09/21/2024

ဗွီအိုအေ မြန်မာညချမ်း၊ စက်တင်ဘာ ၂၁၊ ၂၀၂၄

ကုလသမဂ္ဂ အထွေထွေညီလာခံ အချိန်ကိုက် အမေရိကန်နဲ့ ဗြိတိန်မှာ မြန်မာတွေဆန္ဒပြ၊ မန္တလေးတိုင်းမှာ တိုက်ပွဲတွေဖြစ်၊ မြန်မာနယ်စပ် အိန္ဒိယအရှေ့မြောက် လုံခြုံရေးတိုးထား၊ အစ္စရေးတိုက်ခိုက်မှု Hezbollah ခေါင်းဆောင် ၂ ယောက်သေဆုံး စတဲ့သတင်းတွေနဲ့ အပတ်စဉ်ကဏ္ဍတွေ တင်ဆက်ထားပါတယ်။

09/21/2024

အမေရိကန်ပြည်ထောင်စု New York မြို့မှာ ၇၉ ကြိမ်မြောက် ကုလသမဂ္ဂ အထွေထွေညီလာခံကျင်းပနေချိန်မှာ အမေရိကန်နဲ့ ဗြိတိန်က မြန်မာပြည်သူတွေ အချိန်ကိုက် စုဝေးဆန္ဒပြကြပါတယ်။ မြန်မာနိုင်ငံအရေးကို အလေးအနက်ထား ကိုင်တွယ်ဖို့နဲ့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် ဦးကျော်မိုးထွန်းကို မြန်မာဆိုင်ရာ ကိုယ်စားပြုသံအမတ်ကြီးအဖြစ် ဆက်လက်အသိအမှတ်ပြုဖို့ တောင်းဆိုဆန္ဒပြနေကြတာပါ။ New York မြို့ ကုလသမဂ္ဂရုံးချုပ်ရှေ့က ပန်းခြံမှာ အမေရိကန်ပြည်နယ်စုံက မြန်မာတွေစုပြီး ဒေသစံတော်ချိန် နေ့လည်ပိုင်းကနေ ညနေပိုင်းအထိ ဆန္ဒပြကြမှာ ဖြစ်ပါတယ်။

အမေရိကန်ပြည်ထောင်စု New York မြို့မှာ ၇၉ ကြိမ်မြောက် ကုလသမဂ္ဂ အထွေထွေညီလာခံကျင်းပနေချိန်မှာ အမေရိကန်နဲ့ ဗြိတိန.....

09/21/2024

အမေရိကန်ပြည်ထောင်စု New York မြို့မှာ ၇၉ ကြိမ်မြောက် ကုလသမဂ္ဂ အထွေထွေညီလာခံကျင်းပနေချိန်မှာ အမေရိကန်နဲ့ ဗြိတိန်က မြန်မာပြည်သူတွေ အချိန်ကိုက် စုဝေးဆန္ဒပြကြပါတယ်။ မြန်မာနိုင်ငံအရေးကို အလေးအနက်ထား ကိုင်တွယ်ဖို့နဲ့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် ဦးကျော်မိုးထွန်းကို မြန်မာဆိုင်ရာ ကိုယ်စားပြုသံအမတ်ကြီးအဖြစ် ဆက်လက်အသိအမှတ်ပြုဖို့ တောင်းဆိုဆန္ဒပြနေကြတာပါ။ New York မြို့ ကုလသမဂ္ဂရုံးချုပ်ရှေ့က ပန်းခြံမှာ အမေရိကန်ပြည်နယ်စုံက မြန်မာတွေစုပြီး ဒေသစံတော်ချိန် နေ့လည်ပိုင်းကနေ ညနေပိုင်းအထိ ဆန္ဒပြကြမှာ ဖြစ်ပါတယ်။

ဗြိတိန်နိုင်ငံ လန်ဒန်မြို့လယ်မှာလည်း ဗြိတိန်တဝန်းက မြန်မာတွေ စုဝေးပြီး ဒီနေ့ ဆန္ဒပြခဲ့ကြပါတယ်။

"ကျနော်တို့ တော်လှန်ရေးကြီးကတော့ ဆက်လက်ပြီးတော့သွားမှာ ဖြစ်တယ်။ အမြန်ဆုံးပြီးအောင်လည်း အားလုံးပါဝင်ဖို့ လိုတယ်။"

လွှတ်တော်အဆောက်အဦးရှေ့က Parliament Square ရင်ပြင်နဲ့ ဗြိတိန်ဝန်ကြီးချုပ်နေတဲ့ Downing လမ်းမှာ ဆန္ဒပြမှုအတွင်း မြန်မာနိုင်ငံက တိုင်းရင်းသားလူမျိူးစုံ စုစုပေါင်း ၄၀၀ လောက် ပါဝင်ဆန္ဒပြခဲ့ကြတယ်လို့ ဆန္ဒပြပွဲ စီစဉ်သူတွေက VOA မြန်မာပိုင်းကို ပြောပါတယ်။ ဦိးကျော်မိုးထွန်းကို မြန်မာနိုင်ငံဆိုင်ရာ ကုလသမဂ္ဂကိုယ်စားလှယ်အဖြစ် ဆက်လက်ထားရှိရေး၊ စစ်ကောင်စီကို အသိအမှတ် မပြုရေးနဲ့ အရပ်သားပြည်သူတွေအပေါ် စစ်တပ်ရဲ့ ရက်စက်အကြမ်းဖက်မှုတွေ ချက်ချင်းရပ်တံ့အောင် တွန်းအားပေးရေးတို့ကို ကြွေးကြော်တောင်းဆိုခဲ့ကြတယ်လို့ ပြောပါတယ်။

အခုလို ကုလသမဂ္ဂအထွေထွေညီလာခံ ကျင်းပနေချိန်မှာ နိုင်ငံတကာရောက်နေကြတဲ့ မြန်မာတွေက မြန်မာ့အရေးကို စုပေါင်း တောင်းဆိုနေကြတာဖြစ်ပါတယ်။ လက်ရှိအခြေအနေအရ ကုလသမဂ္ဂမှာ အမြဲတမ်းကိုယ်စားလှယ်အဖြစ်နဲ့ ဆက်ပြီးအသိအမှတ်ပြုထားမယ့်ပုံရတယ်လို့ သံအမတ်ကြီး ဦးကျော်မိုးထွန်းက VOA မြန်မာပိုင်းနဲ့ သီးသန့်မေးမြန်းခန်းမှာ ပြောထားပါတယ်။ ဒီနေ့ New York မြို့ကုလသမဂ္ဂရုံးချုပ်ရှေ့က မြန်မာပြည်သူတွေရဲ့ ဆန္ဒပြပွဲကို အဲဒီမှာရောက်နေတဲ့ VOA မြန်မာပိုင်းသတင်းထောက်က တိုက်ရိုက်ထုတ်လွှင့် သတင်းတင်ပြပေးသွားမှာ ဖြစ်ပါတယ်။

အမေရိကန်ပြည်ထောင်စု New York မြို့မှာ ၇၉ ကြိမ်မြောက် ကုလသမဂ္ဂ အထွေထွေညီလာခံကျင်းပနေချိန်မှာ အမေရိကန်နဲ့ ဗြိတိန.....

09/21/2024

မန္တလေးတိုင်း ငါန်းဇွန်မြို့နယ်ထဲမှာ စစ်တပ်က ဝေဟင်ကနေ ဗုံးကြဲလို့ ၁၂ ဦးထက်မနည်း သေဆုံးခဲ့တယ်လို့ ဒေသခံတွေ ပြောပါတယ် ပြည်သူ့ကာကွယ်ရေးတပ်တွေ သိမ်းထားတဲ့ ငါန်မြာကြီးရွာကို တိုက်ပွဲမဖြစ်ဘဲ စစ်တပ်က၂ ရက်ဆက်တိုက် ဗုံးကြဲတာမှာ၊ အရပ်သား ၁၀ ဦးနဲ့ ကာကွယ်ရေးတပ်ဖွဲ့ဝင် ၂ ဦး မနေ့က သေဆုံးခဲ့တယ်လို့ ဒေသခံတဦးက ပြောပြပါတယ်။

"ရွာရဲ့အဝင်က ငါန်မြာကြီးဆိုင်းဘုတ်နားမှာ ရှိနေတဲ့ ဈေးတတန်းပေါ့နော်။ ဈေးဆိုင်တန်းပေါ့ လမ်းမကြီးဘေးပေါ့နော်။ လူသေဆုံးမှုက အရည်အတွက် ၁၂ ယောက် ရှိတယ်။ တစီးက ပေါင် ၅၀၀ ဗုံး ချတယ်။ တစီးက စက်လက်နဲ့ ဆွဲတယ်။ ဒီနေ့က မွန်းလွဲ ၁ နာရီမှာ မူးတောင်ကျေးရွာ စာသင်ကျောင်းကို တလုံး ငါန်းဇွန်မြို့နယ် ကုန်းလည်ရွာ စေတီဓမ္မာရုံပေါ့။ အဲ့ဒီမှာ ၁ လုံး ၂ လုံး ကျဲတယ် ဒီနေ့။"

ဒီနေ့ ဗုံးကြဲမှုမှာတော့ အဆောက်အဦး ပျက်စီးတာတွေ ရှိပေမဲ့၊ လူထိခိုက်သေဆုံးမူတော့ မသိရသေးပါဘူး။ ဒါပေမဲ့ သေဆုံးသူ ထပ်တိုးနိုင်ကြောင်းနဲ့၊ စစ်တပ်ဘက်က ထိုးစစ်ဆင်တိုက်ဖို့ ပြင်ဆင်နေပုံရကြောင်း ဒေသခံတွေက ပြောပြပါတယ်။ ဗုံးကြဲတိုက်ခိုက်တာနဲ့ ပတ်သက်လို့ စစ်ကောင်စီဘက်က သတင်းထုတ်ပြန်တာ မရှိသေးသလို၊ သေဆုံးတဲ့ အရည်အတွက်နဲ့ ပတ်သက်ပြီး ဗွီအိုအေက သီးခြားအတည်မပြုနိုင်သေးပါဘူး။

တချိန်ထဲမှာ မန္တလေးမြို့နဲ့ ၅ မိုင်ခန့်အကွာမှာရှိတဲ့ မတ္တရာမြို့က သုံးဆယ်ပေးရွာဘက်မှာ ကာကွယ်ရေးတပ်တွေနဲ့ စစ်ကောင်စီတပ်တွေ ဒီနေ့ တိုက်ပွဲပြင်းထန်ခဲ့တယ်လို့ စစ်ရေးစောင့်ကြည့်နေသူတွေက ပြောပါတယ်။ သုံးဆယ်ပေးရွာ တဘက်ကမ်း မင်းကွန်းမြို့တဝိုက်မှာလည်း တိုက်ပွဲတွေ ဖြစ်နေပြီး မန္တလေးမှာ အခြေစိုက်နေတဲ့ စစ်ကောင်စီတပ်တွေဘက်က စစ်ကူပစ်ခတ်ပေးခဲ့တယ်လို့ မြို့ခံတွေက VOA ကို ပြောပါတယ်။ ပေါက်ကွဲသံတွေလည်း ကြားနေတဲ့အတွက် ဒေသခံတွေ စိုးရိမ်နေကြတယ်လို့ ပြောပါတယ်။

မန္တလေးတိုင်း ငါန်းဇွန်မြို့နယ်ထဲမှာ စစ်တပ်က ဝေဟင်ကနေ ဗုံးကြဲလို့ ၁၂ ဦးထက်မနည်း သေဆုံးခဲ့တယ်လို့ ဒေသခံတွေ ...

09/21/2024

တရုတ်နဲ့ ရုရှား အဓိကဦးဆောင်ပြီး အဖွဲ့ဝင် ၁၀ နိုင်ငံအထိ တိုးလာတဲ့ BRICS နိုင်ငံတွေရဲ့ အောက်တိုဘာလ ထိပ်သီးညီလာခံမှာ လေ့လာသူနိုင်ငံအဖြစ် ပါဝင်ချင်တယ်လို့ ရုရှားကို ဒီရက်ပိုင်းထဲသွားခဲ့တဲ့ စစ်ကောင်စီ ပြန်ကြားရေးဝန်ကြီးက ရုရှားသတင်းဌာနကို ပြောပါတယ်။ BRICS မှာ တင်းပြည့်အဖွဲ့ဝင် ဖြစ်လာဖို့လည်း ဆန္ဒရှိတယ်လို့ သူက ပြောခဲ့ပါတယ်။ အမေရိကန်အပါဝင် မဟာမိတ်နိုင်ငံတွေနဲ့ နိုင်ငံရေး၊ စီးပွားရေး ချိန်ခွင်လျှာညှိဖို့ ကြိုးစာနေတဲ့ BRICS အုပ်စုမှာ မြန်မာပါဝင်လိုတဲ့ ရည်ရွယ်ချက်နဲ့ ပတ်သက်လို့ သုံးသပ်သူတွေရဲ့အမြင်ကို စုစည်းပြီး ရန်ကုန်က သတင်းပေးပို့ထားပါတယ်။

အခုလာမဲ့ အောက်တိုဘာလ ၂၂ ရက်မှာ ရုရှားနိုင်ငံ၊ ကာဇန်မြို့မှာလုပ်မဲ့ BRICS နိုင်ငံတွေရဲ့ ၁၆ ကြိမ်မြောက် ထိပ်သီးအစည်းအဝေးကို လေ့လာသူအဖြစ် တက်ရောက်ဖို့ စိတ်ဝင်စားကြောင်း စစ်ကောင်စီ ပြန်ကြားရေးဝန်ကြီး ဦးမောင်မောင်အုန်းက ပြောပါတယ်။ ဒီပေါင်းစည်းမှုမှာ ပါနိုင်ဖို့အတွက် အမြဲတမ်းအဖွဲ့ဝင် ဖြစ်ချင်တဲ့အကြောင်း၊ အရှေ့တောင်အာရှက နိုင်ငံတချို့လိုပဲ မြန်မာက အမြဲတမ်းအဖွဲ့ဝင် လျှောက်ထားချင်တဲ့အကြောင်း သူက ရုရှားသတင်းအေဂျင်စီကို စက်တင်ဘာ ၁၅ ရက်က ပြောခဲ့တာပါ။

မြန်မာစစ်ကောင်စီက BRICS နဲ့ ပူးပေါင်းလိုတဲ့ အကြောင်းရင်းတွေ အများကြီးရှိနိုင်ပေမဲ့ သိသာတဲ့အချက်တခုကတော့ အမေရိကန်နဲ့ အနောက်ဥရောပ နိုင်ငံတွေက စီးပွားရေး ပိတ်ဆို့ထားချိန်မှာ ကုန်သွယ်၊ စီးပွားရေး အခွင့်အလမ်းကြောင့် ဖြစ်နိုင်တယ်လို့ နိုင်ငံရေးလေ့လာသုံးသပ်သူ ဒေါက်တာ စိုင်းကြည်ဇင်စိုးက ပြောပါတယ်။

BRICS ကလည်း တရုတ်၊ ရုရှား၊ အိန္ဒိယ ဦးဆောင်ပြီး အနောက်အုပ်စုနဲ့ စီးပွားရေး ချိန်ခွင်လျှာညှိဖို့ ဖွဲ့စည်းထားတာပါ။ ဒါကြောင့် အနည်းနဲ့အများတော့ စီးပွားရေး ပိတ်ဆို့ခံရတာကို သက်သာလိမ့်မယ်လို့ စစ်ကောင်စီဘက်က စဉ်းစားပုံရကြောင်း သူက ပြောပါတယ်။

"နောက်တခုက လက်ရှိအခြေအနေမှာ သူတို့ နိုင်ငံရေး၊ စစ်ရေးအရရော၊ နောက်ကမ္ဘာမှာရှိနေတဲ့ အပြည်ပြည်ဆိုင်ရာ ပိတ်ဆို့မှုတွေအရရော၊ အရေးယူမှုတွေအရရော သံတမန်ဆက်ဆံရေးမှာ အထီးကျန်နေတဲ့ ကိစ္စတွေရှိတယ်။ အဲဒါတွေကလည်း BRICS အားဖြင့် အနည်းနဲ့အများ လွတ်သွားမလားပေါ့။ ဒီအထီးကျန်ဖြစ်မှုကို ဖြေသာမလား ဆိုတဲ့ဟာတွေ။ နောက်တခုက မြင်သာတဲ့ဟာက ဒီလိုမျိုးစုဖွဲ့မှုမှာ ပါနေတဲ့ဟာတွေက နိုင်ငံရေးပိုင်းဆိုင်ရာ အယူဝါဒ အထူးသဖြင့် အာဏာရှင်ဆန်တဲ့ စဉ်းစားမှုပုံစံ ဗဟိုထိန်းချုပ်မှုကို ဦးစားပေးတဲ့ နိုင်ငံလိုမျိုး အယူဝါဒပိုင်းဆိုင်ရာ တူညီတဲ့ဟာမှာ သွားပူးလိုက်ခြင်းအားဖြင့် ပိုပြီးတော့ မဟာမိတ် သဘောဆောင်တဲ့ ပေါင်းစည်းမှု ရမလားဆိုတဲ့ စဉ်းစားမှုတွေပါမယ်လို့ ကျနော်တို့ ယူဆလို့ရတယ်ခင်ဗျ။"

ဘရာဇီး၊ ရုရှား၊ အိန္ဒိယ၊ တရုတ်နဲ့ တောင်အာဖရိက ငါးနိုင်ငံနဲ့ စတင်ခဲ့တဲ့ BRICS အဖွဲ့ဟာ အမေရိကန်ဒေါ်လာနဲ့ ကုန်သွယ်တာကို လျှော့ချဖို့ တဖြည်းဖြည်း ကြိုးပမ်းလာပါတယ်။ ဒါကတော့ သူတို့ထောင်ထားတဲ့ New Development Bank (NDB) ကနေ ငွေကြေးစနစ်သစ်တခု ဖန်တီးပြီး ကြားခံသုံးစွဲဖို့ ဖြစ်ပါတယ်။

ရုရှားနဲ့ အီရန်အကြား ရေနံရောင်းဝယ်တာမှာ အမေရိကန်ဒေါ်လာကို မသုံးတော့ပါဘူး။ တရုတ်ကလည်း ရုရှားဆီကရေနံစိမ်းကို ယွမ်ငွေနဲ့ပဲ ပေးပြီးဝယ်ပါတယ်။ တရုတ်ကတော့ လာအို၊ မြန်မာနဲ့ အာစီယံဒေသထဲမှာ ယွမ်ငွေနဲ့ တိုက်ရိုက်ကုန်သွယ်ဖို့ ကြိုးပမ်းလာတယ်ဆိုပြီး သတင်းတချို့က ရေးပါတယ်။

မြန်မာ နစက စစ်ကောင်စီလက်ထက်မှာ စီးပွားရေး ခြွတ်ခြုံကျပြီး အမေရိကန်ဒေါ်လာ အရံငွေ အကျပ်တည်းဆိုက်လာတာ အတော်ကြာပါပြီ။ ဒါကို ကုစားနိုင်ဖို့ ရုရှား၊ တရုတ်၊ အိန္ဒိယ၊ ထိုင်းတို့ ကုန်သွယ်တာမှာ ငွေကြေးချင်း တိုက်ရိုက်ပေးချေရတဲ့ အခြေအနေ ဖြစ်လာတယ်လို့ တချို့က သုံးသပ်ထားပါတယ်။

စစ်ကောင်စီရဲ့ ဗဟိုဘဏ်ဥက္ကဋ္ဌ ဒေါ်သန်းသန်းဆွေကတော့ BRICS အဖွဲ့ရဲ့ ဒေါ်လာအစားထိုးမဲ့ ငွေကြေးစနစ်သစ်ကို ကြိုဆိုတယ်ဆိုပြီး ၂၀၂၃ ဇွန်လမှာလုပ်တဲ့ St. Petersburg နိုင်ငံတကာ စီးပွားရေးဖိုရမ်မှာ ပြောခဲ့တာပါ။

စစ်ကောင်စီဟာ အနောက်အုပ်စုအပြင် အာဆီယံထဲမှာတောင် သံတမန်ရေးအရ ခွဲခြား၊ ဆက်ဆံခံနေရပါတယ်။ ဒါကြောင့် ရုရှား၊ တရုတ်လို အင်အားကြီးနိုင်ငံတွေနဲ့ ဆက်ဆံရေးတည်ဆောက်ဖို့ အစွမ်းအစရှိသမျှ ထုတ်သုံးမဲ့ ပုံစံရှိကြောင်း ပြည်သူ့ရေးရာ မူဝါဒနဲ့ နိုင်ငံရေး လေ့လာသုံးသပ်သူ R. Lakher က ပြောပါတယ်။

ဒေါ်လာအစားထိုး ကုန်သွယ်ရေးကိုလည်း အနောက်အုပ်စုရဲ့ ပိတ်ဆို့မှုကို တန်ပြန်တာမှာ နည်းလမ်းတခုအနေနဲ့ စစ်ကောင်စီက အသုံးချချင်တယ်လို့ သူက ပြောပါတယ်။ ဒါပေမဲ့ BRICS အဖွဲ့ကတော့ နစက စစ်ကောင်စီကို အဖွဲ့ဝင်အဖြစ် လက်ခံဖို့အတွက် အချိန်ယူပြီး စဉ်စားလိမ့်မယ်လို့ သူကပြောပါတယ်။

"မြန်မာတို့လို BRICS ရဲ့ NDB မှာ လက်ခံဖို့ဆိုတာက တော်တော်လေးကို ခက်ဦးမယ်လို့ မြင်ပါတယ်။ ဘာလို့လဲဆိုတော့ ဒီအဖွဲ့မှာ လျှောက်ထားတဲ့နိုင်ငံတွေက အများကြီးရှိတယ် ကိုယ့်မြန်မာနိုင်ငံက Black List နာမည်လေး တော်တော်ဆိုနေတဲ့ အခြေအနေမျိုးမှာ သူ့ကို လက်ခံမယ်ဆို BRICS ရဲ့နာမည်လည်း ပျက်သွားနိုင်တယ်ဆိုတော့ မြန်မာနိုင်ငံထက် ပိုပြီးတော့ကောင်းတဲ့ နိုင်ငံ၊ ဒီထဲကို ဝင်ချင်တဲ့သူတွေ လျှောက်လွှာတင်ထားတဲ့ နိုင်ငံတွေလည်း အများကြီး ရှိနေတဲ့အခါကြတော့ မြန်မာလိုမျိုးကို လက်ခံဖို့က အများကြီး ကြာဦးမယ်လို့ မြင်ပါတယ်။ ဒါပေမဲ့ တရုတ်နဲ့ ရုရှားကနေ ကူညီမှုပုံစံမျိုး လုပ်ပေးမယ်ဆို ဒါကတော့ တမျိုးပေါ့လေ။"

အီဂျစ်၊ အီသီယိုးပီးယား၊ အီရန်၊ ဆော်ဒီအာရေးဗီးယား၊ ယူအေအီး စတဲ့နိုင်ငံတွေက မကြာသေးခင်ကမှ BRICS ရဲ့ တင်းပြည့်အဖွဲ့ဝင် ဖြစ်လာပါတယ်။

ရုရှားကတော့ သူဥက္ကဋ္ဌ တာဝန်ယူထားတဲ့ အခုနှစ်ထဲမှာ နိုင်ငံရေးနဲ့ လုံခြုံရေး၊ စီးပွားရေးနဲ့ ဘဏ္ဍာရေး၊ ယဉ်ကျေးမှုနဲ့ ပဋိပက္ခအကူအညီပေးရေး ဒီနယ်ပယ်သုံးခုကို အဓိကထားကြောင်း ပြောပါတယ်။ ရုရှားသမ္မတ ပူတင်ကတော့ ဒီအဖွဲ့မှာပါဝင်ချင်တဲ့ နိုင်ငံပေါင်းက အနည်းဆုံး ၃၄နိုင်ငံလောက်ရှိတယ်လို့ ပြီးခဲ့တဲ့ရက်ပိုင်းကလုပ်တဲ့ BRICS ရဲ့ အခမ်းအနားတခုမှာ ပြောပါတယ်။ ပါဝင်ဖို့ ဆန္ဒရှိတဲ့ နိုင်ငံတွေကိုလည်း လစ်လျူရှုသွားမှာ မဟုတ်ဘူးလို့လည်း သူက ပြောခဲ့တာပါ။

တရုတ်နဲ့ ရုရှား အဓိကဦးဆောင်ပြီး အဖွဲ့ဝင် ၁၀ နိုင်ငံအထိ တိုးလာတဲ့ BRICS နိုင်ငံတွေရဲ့ အောက်တိုဘာလ ထိပ်သီးညီလာခံ...

09/21/2024

လက်ဘနွန်နိုင်ငံ ဘေရွတ်မြို့တော်အပေါ် သောကြာနေ့က အစ္စရေးတို့ လေကြောင်းတိုက်ခိုက်မှုအတွင်း Hezbollah အဖွဲ့ အကြီးတန်းတပ်မှူးကြီး နောက်တယောက် သေဆုံးသွားတယ်လို့ Hezbollah စစ်သွေးကြွအဖွဲ့က ဒီနေ့ စနေနေ့မှာ အတည်ပြုပါတယ်။ သောကြာနေ့က တိုက်ခိုက်ခံရမှုအတွင်း တပ်မှူးကြီး Ahmed Mahmud Wahbi သေဆုံးသွားတယ်လို့ ထုတ်ပြန်ခဲ့ပါတယ်။

သူဟာ ဂါဇာစစ်ပွဲစတဲ့ ၂၀၂၃ အောက်တိုဘာကနေ ၂၀၂၄ နှစ်ဆန်းပိုင်းအထိ အစ္စရေးအပေါ် တိုက်ခိုက်မှုတွေကို ဦးဆောင်သူဖြစ်တယ်လို့ Hezbollah အဖွဲ့က ပြောပါတယ်။ ဘေရွတ်မြို့တော်အပေါ် တိုက်ခိုက်မှုအတွင်း Hezbollah အဖွဲ့ရဲ့ အထူးတပ်ဖွဲ့ Radwan Force ကို ဦးဆောင်သူ Ibrahim Aqil အပါအဝင် တပ်မှူးကြီးတချို့ သေဆုံးခဲ့တယ်လို့ အစ္စရေးစစ်တပ်က သောကြာနေ့က ပြောကြားခဲ့ပါတယ်။ Ibrahim Aqil ဟာ ၁၉၈၃ ခုနှစ်တုန်းက ဘေရွတ်မြို့က အမေရိကန်သံရုံးအပေါ် တိုက်ခိုက်ခဲ့မှုမှာ ပါဝင်ခဲ့မှုအတွက် အမေရိကန်အစိုးရက အလိုရှိနေသူ ဖြစ်ပါတယ်။

Hezbollah တွေ ခြေကုပ်ယူထားတဲ့ ဘေရွတ်မြို့တော်အပေါ် သောကြာနေ့က အစ္စရေးတို့ ပစ်မှတ်ထား တိုက်ခိုက်ခဲ့မှုမှာ Hezbollah ခေါင်းဆောင် ၂ ယောက်အပါအဝင် ၃၁ ယောက် သေဆုံးတယ်လို့ လက်ဘနွန်အစိုးရ တာဝန်ရှိသူတွေက ပြောပါတယ်။ လူဦးရေထူထပ်တဲ့ ရပ်ကွက်တခုက Hezbollah ခေါင်းဆောင်တွေ အစည်းအဝေး လုပ်နေကျ မြေအောက်ခန်းကို ပစ်မှတ်ထား တိုက်ခိုက်ခဲ့တာပါ။ သေဆုံးသူတွေထဲမှာ ကလေးငယ် ၃ ယောက်ပါတယ်လို့ လက်ဘနွန် ကျန်းမာရေးဝန်ကြီးက ပြောပါတယ်။

အခုသီတင်းပတ်ထဲကစလို့ Hezbollah အဖွဲ့ဝင်တွေ ကိုင်ဆောင်တဲ့ စက်သွယ်ရေးစက်တွေ ပေါက်ကွဲလို့ နိုင်ငံတဝန်း ၃၇ ယောက် သေဆုံးပြီး ထောင်နဲ့ချီ ထိခိုက်ဒဏ်ရာ ရခဲ့ပါတယ်။ အခုလို အီရန်ကျောထောက်နောက်ခံပေးထားတဲ့ Hezbollah စစ်သွေးကြွအဖွဲ့ရဲ့ ထိပ်တန်းခေါင်းဆောင်တွေ သေဆုံးခဲ့တာဟာ အဖွဲ့အတွက် အထိနာစေတယ်လို့ လေ့လာသူတွေ သုံးသပ်နေပါတယ်။

လက်ဘနွန်နိုင်ငံ ဘေရွတ်မြို့တော်အပေါ် သောကြာနေ့က အစ္စရေးတို့ လေကြောင်းတိုက်ခိုက်မှုအတွင်း Hezbollah အဖွဲ့ အကြီး.....

09/21/2024

မြန်မာနိုင်ငံအနှံ့ ရေဘေးလိုအပ်တဲ့နေရာများ အကူအညီ ရောက်ရှိဖို့လိုအပ်၊ ကိုးကန့်တပ် MNDAA က NUG နဲ့ မပူးပေါင်းဟု ကြေညာ၊ စသည် တပတ်အတွင်း ထိပ်တန်းရောက် ပြည်တွင်းသတင်းတွေ၊ ကိုးကန့်တပ်ရဲ့ ထုတ်ပြန်ချက်အရ တရုတ်ဖိအားနဲ့ရင်ဆိုင်နေပုံရဟု အကဲခတ်ပြောကြား မေးမြန်းခန်းနဲ့ လယ်ယာစီးပွားသတင်းတွေကို ၂၀၂၄၊ စက်တင်ဘာ ၂၁ ရက်၊ စနေနေ့ ဗွီအိုအေတပတ်အတွင်း သတင်းမှာ ကြည့်ရှုနိုင်ပါတယ်။

09/21/2024

မြန်မာနိုင်ငံနဲ့ နယ်နိမိတ်ထိဆက်နေတဲ့ အိန္ဒိယနိုင်ငံ အရှေ့မြောက်နယ်စပ်မှာ လုံခြုံရေး တိုးမြှင့်ထားပါတယ်။ အိန္ဒိယ-မြန်မာနယ်စပ်ကြားက တောင်တန်းဒေသတွေဘက်မှာ လှုပ်ရှားနေတဲ့ ကွတ်ကီးသူပုန် ၉၀၀ လောက် မြန်မာနိုင်ငံဘက်ကနေ အိန္ဒိယဘက် ဝင်လာတယ်ဆိုတဲ့ ထောက်လှမ်းရေးသတင်းတွေ ရထားတယ်လို့ မဏိပူရပြည်နယ်အစိုးရ အကြံပေး Kuldiep Singh က အတည်ပြုပါတယ်။

နယ်စပ်လုံခြုံရေးဂိတ်တွေမှာ သတိအနေအထားနဲ့ ရှိနေကြသလို၊ လုံခြုံရေးတပ်ဖွဲ့ဝင်တွေအနေနဲ့လည်း ခေါင်ဖျားတဲ့ နေရာတွေမှာ စစ်ရေးလှုပ်ရှားမှုတွေ လုပ်နေပြီလို့ သူက သတင်းထောက်တွေကို ပြောပါတယ်။ တရားဝင်ခွင့်ပြုချက် မရဘဲ ဒရုန်းယာဉ်တွေ ပျံသန်းခွင့် ပိတ်ပင်ထားတယ်လို့လည်း မဏိပူရပြည်နယ်အစိုးရ အကြံပေးက ပြောပါတယ်။ အိန္ဒိယဘက်ဝင်လာသူတွေဟာ တောထဲမှာ စစ်ရေးလေ့ကျင့်မှုတွေ လုပ်ခဲ့ကြတဲ့ ကွတ်ကီးနွယ်ဘွား သူပုန်တွေဖြစ်ပြီး တိုက်ခိုက်ရေးဒရုန်းတွေ ပါလာကြတယ်လို့ အိန္ဒိယပြည်တွင်းသတင်းတွေမှာ ဖော်ပြနေကြပါတယ်။

မဏိပူရပြည်နယ်မှာ ဟိန္ဒူဘာသာအများစု ကိုးကွယ်တဲ့ လူများစု မေးသယ်လူမျိုးတွေနဲ့ လူနည်းစု ခရစ်ယာန်ဘာသာဝင် ကွတ်ကီးတိုင်းရင်းသားတွေကြား လူမျိုးရေးပဋိပက္ခတွေ ဖြစ်နေတာ ၁ နှစ်ကျော် နေပါပြီ။ အခု စက်တင်ဘာလထဲမှာပဲ သူပုန်တွေဘက်က Rocket ဒုံးတွေနဲ့ ပစ်ခတ်သလို ဒရုန်းတွေသုံးပြီး ဗုံးကြဲချလို့ ၁၁ ယောက်ထက်မနည်း သေဆုံးခဲ့ပါတယ်။

ကွတ်ကီးသူပုန်တွေရဲ့ ရန်ကနေ လုံခြုံရေးတပ်ဖွဲ့တွေ ကာကွယ်ပေးဖို့ ဒေသခံ မေးသယ်လူမျိုးတွေ ပြည်နယ်မြို့တော် (Imphal) အင်ဖာမြို့တော်အထိ ချီတက်ပြီး တောင်းဆိုဆန္ဒပြခဲ့ကြပါတယ်။ မြေနေယာပိုင်ဆိုင်မှုနဲ့ အလုပ်အကိုင် အခွင့်အလမ်းတွေကြောင့် မေးသယ်နဲ့ ကွတ်ကီးတိုင်းရင်းသားတွေကြား တင်းမာမှုတွေ ဟိုးအရင်ထဲက ရှိနေကြတာ ဖြစ်ပါတယ်။

အိန္ဒိယ-မြန်မာနယ်စပ်ကြားက တောင်တန်းဒေသတွေဘက်မှာ လှုပ်ရှားနေတဲ့ ကွတ်ကီးသူပုန် ၉၀၀ လောက် မြန်မာနိုင်ငံဘက်က.....

09/21/2024

MNDAA ကိုးကန့်တပ်ဖွဲ့က တရုတ်သဘောကျ NUG၊ တော်လှန်ရေးအင်အားစုတွေနဲ့ ကင်းကင်းနေမယ်ပြောပေမဲ့ လက်တွေ့လုံးဝ အဆက်အသွယ်ဖြတ်ဖို့ မဖြစ်နိုင်ဘဲ စစ်ရေးဗျူဟာ သေချာစဉ်းစားဖို့လိုတယ်လို့ နိုင်ငံတကာပဋိပက္ခ လေ့လာရေးအဖွဲ့ ICG ရဲ့ မြန်မာဆိုင်ရာအကြံပေး Thomas Keanက ပြောပါတယ်။ ကိုငြိမ်းချမ်းအေး ဆက်သွယ်မေးမြန်းထားပါတယ်။

09/21/2024

ယာဂီ မုန်တိုင်းဒဏ်ကြောင့် မိုးစပါးစိုက်ခင်းတွေအပါအဝင် ယာသီးနှံဧကပေါင်း သိန်းချီပြီး ရေလွှမ်းမိုးခံရလို့ ပျက်ဆီးကုန်တာကြောင့် ပြန်လည်ထူ ထောင်ဖို့ ခက်ခဲသွားပြီလို့ တောင်သူတွေက ပြောပါတယ်။ တပတ်အတွင်း သီးနှံဈေးနှုန်းအပါအဝင် လယ်ယာစီးပွားသတင်းတွေကို စုစည်းပြီး Farmer Times Media က တင်ဆက်ပေးထားပါတယ်။

09/21/2024

မြန်မာနိုင်ငံနောက်ထပ် မိုးသက်လေပြင်းအန္တရာယ် ရှိ၊ ရေဘေးအကူအညီပေးရေး ခက်ခဲမှု စစ်ကောင်စီချောမွေ့အောင် စီစဉ်ဖို့ ကန်တောင်းဆို၊ MNDAA ကိုးကန့်တပ်ဖွဲ့က အမျိုးသား ညီညွတ်ရေးအစိုးရ NUG နဲ့ ပူးပေါင်းဖို့မရှိဟုပြောဆိုစသည် တပတ်အတွင်းထိပ်တန်းရောက် ပြည်တွင်းသတင်းတွေကို မခင်လေးနဲ့ ကိုဝင်းခန့်မောင် တင်ပြထားပါတယ်။

09/21/2024

မြန်မာနိုင်ငံမှာ စစ်အာဏာရှင်စနစ်အဆုံးသတ်ပြီး ဒီမိုကရေစီ ပြန်လည်ထွန်းကားလာစေရေး ကြိုးပမ်းဆောင်ရွက်နေသူ ဒေါ်မီမီဝင်းဘတ်ကို အမေရိကန်အခြေစိုက် East-West Center အဖွဲ့ကြီးက စက်တင်ဘာလ ၈ ရက်နေ့က ဂုဏ်ပြုခဲ့ပါတယ်။ ဒီအကြောင်း အမျိုးသမီးကဏ္ဍမှာ မခင်ဖြူထွေးက တင်ဆက်ထားပါတယ်။

09/21/2024

ပြင်းထန်နေဆဲ ဖားကန့်တိုက်ပွဲ

ကချင်ပြည်နယ် ဖားကန့်မြို့နယ် ဆိုင်းတောင်မှာ စက်တင်ဘာ ၂၀ ရက်နေ့ ၁၄ရက်မြောက်နေ့အထိ တိုက်ပွဲတွေ ဆက်လက် ပြင်းထန်နေပါတယ်။ ဖားကန့်မြို့ပေါ်မှာလည်း တိုက်ပွဲဖြစ်ပွားမှာ စိုးရိမ်လို့ ဒေသခံတွေ တိမ်းရှောင်တာတွေရှိနေကြပါတယ်။ ရှမ်းမြောက်မှာလည်း တိုက်ပွဲတွေ ဖြစ်နေပါတယ်။ စစ်ရေးသတင်းကို ရန်ကုန်က ပေးပို့ထားပါတယ်။

ဖားကန့်မြို့နယ် ဆိုင်းတောင်ရွာမှာ စက်တင်ဘာ ၇ရက်နေ့က စတင်ပြီး တိုက်ပွဲတွေဖြစ်ပွားခဲ့ရာမှာ လက်ရှိတိုင် ဆက်လက်ပြင်းထန်နေဆဲရှိနေပါတယ်။ စက်တင်ဘာ ၂၀ ရက်နေ့ မနက်ပိုင်းမှာတော့ တိုက်ပွဲတွေ ငြိမ်သက်ခဲ့ပေမယ့် မွန်းလွဲပိုင်းမှာ တိုက်ပွဲတွေ ဆက် ဖြစ်ကြောင်း ဖားကန့်ဒေသခံတဦးက VOA ကို အခုလို ပြောပါတယ်။

“ ဒီနေ့လည်း ဆိုင်းတောင်ဘက်အခြမ်းမှာ တိုက်ပွဲတွေ ဆက်ဖြစ်နေတယ်။ ဒီ စစ်ကောင်စီနဲ့ KIA၊ KPDF ပူးပေါင်းအဖွဲ့တွေနဲ့ပေ့ါနော်။ ဖားကန့်တပ်မကုန်းကနေလည်း လက်နက်ကြီးတွေ လှမ်းထုနေတယ်။ ဆိုင်းတောင်ဘက်ခြမ်းမှာ အပြန်အလှန် ပစ်ခတ်နေကြတာပေါ့နော်။ ဒီနေ့ဆို ၁၄ရက်မြောက်ရှိပြီပေါ့နော်။”

လက်ရှိမှာ ကချင်လွတ်မြောက်ရေး တပ်မတော် (KIA) နဲ့ ပူးပေါင်းတပ်ဖွဲ့တွေက ဖားကန့်မြို့ကို ပိတ်ဆို့ထားပြီး ဖားကန့်မြို့ခံတွေကတော့ တိုက်ပွဲတွေ ပိုမိုပြင်းထန်လာမှာကို စိုးရိမ်တာကြောင့် တခြားအရပ်ကို တိမ်းရှောင်နေကြောင်း ဆက်ပြောပါတယ်။

“ လောလောဆည်က ဖားကန့်တဝိုက်ကိုလည်း KIA၊ KPDF အဖွဲ့က ဝိုင်းဝန်းပိတ်ဆို့ထားတာပေါ့နော်။ ဖားကန့်ဘက်မှာလည်း တမြို့လုံးနီးပါးထိ မြို့ပေါ်ရပ်ကွက်တွေ ပြောင်းကြတာပေါ့နော်။ ဆိုင်တွေအကုန်ပိတ်ထားတယ်။ ပစ္စည်းတွေ ရွှေ့ကြတယ်။ ပြောင်းကြတယ်။ ပြည်သူအတော်များများ စစ်ရှောင်ကြတာပေါ့။ အထုပ်အပိုးတွေနဲ့။ တမြို့လုံးအထုပ်အပိုးနဲ့ ထွက်ပြေးနေကြတာပဲတွေ့တယ်။ ဖားကန့်မြို့ပေါ်ရပ်ကွက်တွေ မှော်ဝမ်းတို့၊ မရှီကထောင်တို့၊ ငှက်ပျောတောတို့ အကုန်ရွှေ့ကြတာပေါ့။ အဓိကက တိုက်ပွဲတွေ ပြင်းထန်လာမှာ စိုးရိမ်လို့ပေါ့။”

လက်ရှိမှာ ဆိုင်းတောင်တိုက်ပွဲ ပြင်းထန်ပြီးနောက် ဆန်းကြွယ်၊ မှော်တောင်၊ ယူမာရပ်ကွက်၊ ဆိုင်းတောင်ရပ်ကွက် ၁၊ ၂၊ ၃၊ ၄ ၊ ကျောက်သွေးတောင်၊ ဖားပြင်၊ စပေါ့၊ ဘဇံချောင် စတဲ့ ကျေးရွာကဒေသခံ တသောင်းကျော်လောက် စစ်ရှောင်နေပါတယ်။

ဆိုင်းတောင်မှာဖြစ်ပွားတဲ့ သီတင်းနှစ်ပတ်ကြာ တိုက်ပွဲအတွင်းလက်နက်ကြီး ပစ်ခတ်တာနဲ့ လေကြောင်းက တိုက်ခိုက်တာကြောင့် ဒေသခံပြည်သူ ၅၀ နီးပါးသေဆုံးပြီး နဲ့ လူ ၁၀၀ခန့် ဒဏ်ရာရရှိနိုင်ကြောင်းလည်း ခန့်မှန်းထားပါတယ်။ အသေးစိတ်အခြေအနေကို စာရင်းကောက်ယူနိုင်တာမရှိသေးကြောင်းလည်း ပြောပါတယ်။

ဒေသတွင်း သတင်းမီဒီယာတချို့မှာတော့ KIA ၊ KPDF ပူးပေါင်းတပ်တွေက ဖားကန့်မြို့ရှိ ဗျူဟာကုန်းကို စက်တင်ဘာ ၂၀ ရက်နေ့မှာ စတင်တိုက်ခိုက်နေကြောင်း ဖော်ပြတာတွေ ရှိပါတယ်။ စက်တင်ဘာ ၁၈ ရက်နေ့မှာတော့ ပြီးခဲ့တဲ့ လကုန်ပိုင်းက မန္တလေးက ဆန်တက်လာတဲ့ လက်နက်နဲ့ ရိက္ခာတင် စစ်သင်္ဘော၇စင်းအနက်က တစင်းသာ ဗန်းမော်မြို့ကို ဆိုက်ရောက်ကြောင်းနဲ့ ကျန် သင်္ဘော ၆စင်းမှာ ၄စင်းကို KIA ပူးပေါင်းတပ်တွေက သိမ်းယူခဲ့ပြီး ၂စင်းကို နစ်မြုပ်ခဲ့ကြောင်း သတင်းမီဒီယာတွေမှာဖော်ပြကြပါတယ်။

ဒီသတင်းနဲ့ ဖားကန့်မြို့ တိုက်ပွဲအခြေအနေကို မေးမြန်းနိုင်ဖို့ KIA ပြန်ကြားရေးတာဝန်ခံကို ဆက်သွယ်ခဲ့ပေမဲ့ ဆက်သွယ်လို့ မရခဲ့ပါဘူး။ တချိန်တည်းမှာတော့ ရှမ်းပြည်နယ် မြောက်ပိုင်း သီပေါနဲ့ နောင်ချိုဘက်မှာလည်း စစ်ကောင်စီနဲ့ တအာင်း အမျိုးသား လွတ်မြောက်ရေး တပ်မတော် (TNLA) ပူးပေါင်းတပ်တွေအကြား တိုက်ပွဲတွေ ဆက်လက် ပြင်းထန်နေပါတယ်။

စက်တင်ဘာ ၁၉ရက်နေ့က နေ့ခင်း ၁၂နာရီခွဲကနေ ၂နာရီခန့်အထိ သီပေါမြို့နယ်အတွင်းကို စစ်ကောင်စီက ဂျက်တိုက်လေယာဉ်နဲ့ ၃ကြိမ်လာရောက်ပြီး ပေါင် ၅၀၀ဗုံးအပါအဝင် ဗုံး ၁၁လုံးကြဲချခဲ့သလို လက်နက်ကြီးတွေနဲ့လည်း ပစ်ခတ်ခဲ့ကြောင်း TNLA က သတင်းထုတ်ပြန်ပါတယ်။ နောင်ချိုမြို့မှာတော့ ၁၉ရက်နေ့ မနက် ၃နာရီခန့်မှာ Y12 လေယာဉ်နဲ့ ဗုံးအလုံး ၆၀နီးပါး ကြဲချတိုက်ခိုက်ခဲ့တာကြောင့် ဈေးဆိုင်ခန်းတွေနဲ့ လူနေအိမ်အများအပြား ပျက်စီးခဲ့ကြောင်းလည်း ဖော်ပြပါတယ်။

TNLA နဲ့ ပူးပေါင်းတပ်တွေဟာ သီပေါမြို့ အခြေစိုက် ခလရ ၂၃၊ ခမရ ၅၀၃၊ ၅၀၄ နဲ့ နောင်ချိုမြို့နယ် တောင်ခမ်းရွာ အခြေစိုက်တဲ့ စစ်ကောင်စီရဲ့ အမှတ် ၉၀၂ အမြောက်စခန်းကွပ်ကဲရေးဌာနချုပ် ( မစခ- ၉၀၂)၊ အမြောက်တပ်ရင်း ၃၅၄တို့ကို ထိုးစစ်ဆင်တိုက်ခိုက်နေပြီး တိုက်ပွဲတွေ ပြင်းထန်နေတာဖြစ်ပါတယ်။ ကချင်နဲ့ ရှမ်းမြောက် တိုက်ပွဲ သတင်းတွေနဲ့ ပတ်သက်ပြီး စစ်ကောင်စီကတော့ လတ်တလော ထုတ်ပြန်တာမျိုး မရှိပါဘူး။

https://burmese.voanews.com/a/7793004.html 🎧

09/21/2024

"made of " vs "made from" ဘယ်လိုကွာခြားသလဲ။​ "made with" vs "made out of" ဘယ်လိုခွဲခြားမလဲ။​

VOA အင်္ဂလိပ်စာအစီအစဉ်တွေကို burmese.voanews.com နဲ့ VOA Burmese News အင်တာနက်စာမျက်နှာတွေမှာ လေ့လာနိုင်ပါတယ်။

09/21/2024

ရေဘေးဒုက္ခသည် ကယ်ဆယ်ရေးသမားတွေ ဖမ်းဆီးငွေညှစ်ခံရ

မြန်မာနိုင်ငံမှာ တိုင်ဖုန်းမုန်တိုင်း ရာဂီ(Yagi) နောက်ဆက်တွဲ မိုးရွာသွန်းမှုကြောင့် ရေဘေးဒဏ် အကြီးအကျယ်ခံခဲ့ရပြီး ရေဘေးဒုက္ခတွေ ကြုံနေရတဲ့အတွက် တနိုင်တပိုင် အကူညီပေးနေတဲ့ လူမှုကူညီရေးအသင်းက လူတွေကို စစ်တပ်က ဖမ်ဆီးစစ်ဆေးတာ ငွေကြေးကောက်ခံတာတွေ လုပ်နေတယ်လို့ ရေဘေးကယ်ဆယ်ရေး ကူညီနေသူတွေကပြောပါတယ်။ ဗွီအိုအေ သတင်းထောက် မအေးအေးမာက သတင်းပေးပို့ ထားပါတယ် ။

မွန်ပြည်နယ် သံဖြူဇရပ်မြို့မှာတော့ ရေဘေးကူညီကယ်ဆယ်ရေးနဲ့ လူနာတွေပို့ဆောင်ရေး လုပ်နေတဲ့ ပိုင်ရှင်မဲ့ လူမှုကူညီရေးအသင်း ဥက္ကဋ္ဌ အပါအဝင် အသင်းဝင်ငါးဦးကို ဖမ်းဆီးတာလုပ်ခဲ့သလို တောင်ငူ တပ်ကုန်းနေပြည်တော်ဘက်ကိုသွားတဲ့ ကယ်ဆယ်ရေးလုပ်ငန်း လုပ်နေသူတွေကို ငွေညှစ်တောင်းခံတယ်လို့ ရေဘေးကူညီကယ်ဆယ်ရေးလုပ်ငန်း လုပ်ကိုင်နေသူတွေက အခုလို ပြောပါတယ်။

" သံဖြူဇရပ်က ရေဘေးကယ်ဆယ်ရေး လုပ်နေတဲ့ လူတွေကိုကျတော့ စစ်တပ်က PDF တွေနဲ့မှားပြီး ဖမ်းဆီးတာပေါ့ ၊ ခက်ခဲနေတဲ့သူတွေကို ကူညီတဲ့အခါမှာ သူတို့လုပ်လို့ ပိုခက်ခဲတာပေါ့။ အခုရေဘေးအတွက် လှူတဲ့သူတွေ တောင်ငူ နေပြည်တော် တပ်ကုန်းပျဉ်းမနားဘက်ကို သွားလှူတဲ့သူတွေကို စစ်တပ်က ရွာထဲသွားမယ့်ကားတွေကို ကားတစီးဘယ်လောက်ဆိုတာမျိုး တောင်းတယ်။ အဲဒီလိုပေးမှ ရွာထဲကို ပေးဝင်မယ်ဆိုတာမျိုးလည်းရှိတယ် ကားသမားတွေဆီကလည်း တောင်းတယ်။ "

မွန်ပြည်နယ် သံဖြူဇရပ်မှာ ဖမ်းဆီးခံရတဲ့ ပရဟိတ လုပ်နေသူတွေကိုတော့ သံဖြူဇရပ်မြို့နယ် ဝဲကလိကျေးရွာအခြေစိုက် အမှတ် ၄ တပ်မတော်တန်းမြင့် သင်တန်းကျောင်း စစ်ကြောရေးမှာ စစ်ဆေးမေးမြန်းတာတွေ လုပ်ဆောင်နေပြီး မိသားစုနဲ့ အဆက်အသွယ် မရဘူးလို့လည်း ဆိုပါတယ်။ ဒီအတွက် အသက်အန္တရယ် စိုးရိမ်ရတယ်လို့လည်း နီးစပ်သူတွေက ပြောပါတယ်။

မြန်မာပြည်အတွင်းက ရေဘေးဒဏ်ကို ကြုံနေရတဲ့သူတွေကို ပရဟိတအဖဲွ့တွေက သွားရောက်ကူညီတော့ ပြည်သူချင်း ကူညီကြတာတွေကိုပဲ အဓိကထား လုပ်နေရပြီး သွားရောက် ကူညီတဲ့သူတွေအနေနဲ့ အဲဒီ ရွာတွေကို သွားကူညီတဲ့အခါမှာ စစ်တပ်က အနှောက်ယှက်ပေးတာတွေ ဟန့်တားတာတွေ အလှူကို အလှူရှင်နာမည်နဲ့မဟုတ်ပဲ စစ်တပ်က လှူပါတယ်လို့ ပြောခိုင်းတာတွေ လုပ်နေတယ်လို့လည်း ဆိုပါတယ်။

စစ်လှေသမားတွေဆီက ပိုက်ဆံကောက်တယ် ကားသမားတွေဆီက ပိုက်ဆံကောက်တယ် အဲဒါမျိုးတွေလုပ်နေတယ် စစ်တပ်က တချို့အလျူရှင်တွေကိုအမည်ခံမခိုင်းပဲ စစ်တပ်က အမည်ခံခိုင်းတယ် အဲဒါမျိုးတွေကိုလည်း စစ်တပ်ကကူညီပါတယ်ဆိုပြီးကားတွေကိုတပ်ခိုင်းတာတွေလုပ်တယ် ။

" အခုလိုမျိုး ရေဘေးဒုက္ခတွေ ခံစားနေရတဲ့ကာလမှာ စစ်ကောင်စီဘက်က အချိန်မီ ထိရောက်တဲ့ ကူညီတာမျိုးတွေ မလုပ်နိုင်တဲ့အတွက် သေဆုံးသူတွေလည်း ရာဂဏန်းနဲ့ ရှိနေပါတယ်။ လက်ရှိမှာတော့ ကြာသပတေးနေ့အထိ ရထားတဲ့ စာရင်းတွေအရ တနိုင်ငံလုံး သေဆုံးသူ ၂၉၃ ယောက်ရှိပြီး ၈၉ ယောက် ပျောက်ဆုံးနေဆဲပဲလို့ သဘာဝဘေးဒဏ် စီမံခန့်ခွဲမှုကော်မတီက စာရင်းထုတ်ပြန်ထားပါတယ်။

ပရဟိတ ကူညီကယ်ဆယ်ရေးလုပ်နေသူတွေကတော့ သေဆုံး ပျောက်ဆုံးသူ အရေအတွက် ပိုများနိုင်တယ်လို့ တွက်ဆနေကြပါတယ်။ တချို့နေရာတွေမှာ အစားအသောက် လိုအပ်နေတာတွေ ကယ်ဆယ်ပေးဖို့ အကူညီတောင်းခံနေတာတွေကိုလည်း ထိထိရောက်ရောက် လာလုပ်တာ မရှိသေးဘူးလို့လည်း ရေဘေးသင့်ပြည်သူတွေက ပြောဆိုနေပါတယ်ရှင်။

09/21/2024

မြန်မာရေဘေး တိုးမြှင့်ကူညီရေး UNOCHA ကြိုးပမ်း

ရာဂီမုန်တိုင်းကြောင့် မြန်မာနိုင်ငံမှာ လျှပ်တပျက်ရေကြီး ရေလျှံမှုဒဏ်ကို လူပေါင်း ၉ သိန်းဝန်းကျင်ခံစားခဲ့ရပြီး သေဆုံးရသူ ၃၀၀ ကျော်နဲ့ ဒဏ်ရာရသူ ၁၀၀ ကျော် ရှိတယ်လို့ ကုလသမဂ္ဂ လူသားစာနာမှုဆိုင်ရာ ညှိနှိုင်းရေးရုံး - UNOCHA က စက်တင်ဘာ ၂၀ သောကြာနေ့မှာ ကျေညာချက် ထုတ်ပြန်ပါတယ်။

လွန်ခဲ့တဲ့ ၁၀ ရက်က ကျရောက်ခဲ့တဲ့ ရာဂီမုန်တိုင်းကြောင့် မြန်မာနိုင်ငံမှာ လျှပ်တပျက်ရေကြီး ရေလျှံမှုဒဏ်ကို လူပေါင်း ၉ သိန်းဝန်းကျင်ခံစားခဲ့ရပြီး သေဆုံးရသူ ၃၀၀ ကျော်နဲ့ ဒဏ်ရာရသူ ၁၀၀ ကျော် ရှိတယ်လို့ ကုလသမဂ္ဂ လူသားစာနာမှုဆိုင်ရာ ညှိနှိုင်းရေးရုံး - UNOCHA က စက်တင်ဘာ ၂၀ သောကြာနေ့မှာ ကျေညာချက် ထုတ်ပြန်ပါတယ်။

နဂို စစ်ပွဲကြောင့် အိုးအိမ်စွန့်ခွါထွက်ပြေးနေရသူတွေ အပါအဝင်လူပေါင်း ၈၈၇ ၀၀၀ လောက် ဒဏ်ခံခဲ့ရတာ ဖြစ်ပြီး နေပြည်တော်၊ စစ်ကိုင်း၊ မကွေး၊ မန္တလေး၊ ပဲခူး၊ ကယား၊ ကရင်၊ မွန်၊ ရခိုင်နဲ့ ရှမ်း အရှေ့နဲ့ တောင်ပိုင်း တွေပါဝင်တဲ့ ပြည်နယ်နဲ့တိုင်းတွေက မြို့နယ်ပေါင်း ၆၅ မြို့နယ်မှာ ရေဘေးကြုံခဲ့ရတာဖြစ်ကြောင်း ဖေါ်ပြထားပါတယ်။

ရေဘေးအကြီးအကျယ် ခံခဲ့ရတဲ့ဒေသတွေမှာ ခုထိအခြေနေဆိုးနေဆဲဖြစ်ပြီး လမ်း၊ တံတား၊ စာသင်ကျောင်း၊ ဘုရားကျောင်းကန်တွေ၊ နေအိမ်တွေနဲ့အတူ လယ်ယာ၊ စိုက်ပျိုးသီးနှံတွေပါ ရေနစ်မြုပ်ပျက်စီးနေပြီး လျှပ်စစ်မီးလည်း မရတဲ့ အပြင် သောက်သုံးရေ အရင်းအမြစ်တွေပါ အများအပြားထိခိုက်ခဲ့ရတာပါ။

ကုလသမဂ္ဂ အနေနဲ့ ၂၀၂၄- လူသားစာနာမှု လိုအပ်ချက်နဲ့ တုန့်ပြန်ရေး အစီစဉ်ဆိုင်ရာ ရံပုံငွေလိုအပ်ချက်ဟာ ၂၇ % ရှိနေသေးပေမယ့် အခုရေဘေးအတွက် အရေးပေါ်ကူညီမှုတွေ စတင်လုပ်ဆောင်ဖို့ ERC- အရေးပေါ်ကယ်ဆယ်မှု ပူးပေါင်းဆောင်ရွက်ရေးတာဝန်ခံက အမေရိကန်ဒေါ်လာ ၄ သန်းကို CERF ဗဟို အရေးပေါ်တုန်ပြန်ရေး ရံပုံငွေထဲကနေ ယာယီ ချထားပေး ခဲ့ကြောင်းလည်း ဖေါ်ပြထားပါတယ်။

အရေးပေါ်လိုအပ်တဲ့ သောက်သုံးရေ၊ စားနပ်ရိက္ခာ၊ ဆေးဝါး၊ အိမ်အသုံးဆောင်၊ အဝတ်အထည်နဲ့ အမိုးအကာတွေ အပြင် အရေးပေါ် အသက်ကယ် ပစ္စည်းတွေကိုပါ အမြန်ဆုံးပေးပို့ဖို့ လုပ်ဆောင်မှာ ဖြစ်ကြောင်းလည်း ဖေါ်ပြထားပါတယ်။ ကယ်ဆယ်ကူညီရေးတွေ ဆက်လက် လုပ်ဆောင်နိုင်ဖို့ ရံပုံငွေ ထည့်ဝင်ကြဖို့ နှိုးဆော်ထားပြီး ရေဘေးသင့် ဒေသတွေကို လူသားစာနာမှု အဖွဲ့အစည်းတွေ သွားရောက်ခွင့် ပေးဖို့လည်း ပန်ကြားထားပါတယ်။

09/21/2024

နိုင်ငံရေးအကျသား (၅)ဦးအေပါ် သေဒဏ်ချမှတ်ချမှတ်မှု ပြန်ရုပ်သိမ်းဖို့ APHR တောင်းဆို

မြန်မာနိုင်ငံမှာ စစ်ကောင်စီရဲ့ ကွပ်မျက်သေဒဏ်အမိန့် ချမှတ်ခံထားရတဲ့ နိုင်ငံရေးအကျဉ်းသား ၅ ဦးကို ပြစ်ဒဏ်ကနေ ရုပ်သိမ်းပြီး အမြန်ဆုံး ပြန်လွှတ်ပေးဖို့ APHR လူ့အခွင့်ရေးဆိုင်ရာ အာဆီယံပါလီမန်အမတ်များအဖွဲ့က တောင်းဆိုလိုက်ပါတယ်။ စက်တင်ဘာလ(၁၉)ရက် နေ့စွဲနဲ့ ထုတ်ပြန်တဲ့ APHR ရဲ့ ကြေညာချက်မှာ စစ်ကောင်စီအနေနဲ့ အပြည်ပြည်ဆိုင်ရာ ဥပဒေစည်းမျည်း စံနှုန်းတွေနဲ့အညီ လုပ်ဆောင်ဖို့ကိုလည်း တိုက်တွန်းထားပါတယ်။ ရန်ကုန်ကပေးပို့လာတဲ့ ဒီသတင်းကိုတော့ ကိုဉာဏ်ဝင်းအောင်ကပြောပြမှာပါ။

ရန်ကုန် အင်းစိန်အကျဉ်းထောင်ထဲမှာ သေဒဏ်ကျခံနေရသူ ၅ ဦးကို ဒီလ ၂၄ ရက်နေ့မှာ စစ်ကောင်စီက ကြိုးပေးကွပ်မျက်ဖို့ စီစဉ်နေတယ်ဆိုတဲ့သတင်း ထွက်ပေါ်လာပြီးနောက်မှာ APHR လူ့အခွင့်အရေးဆိုင်ရာ အာဆီယံပါလီမန်အမတ်များအဖွဲ့ကနေ အခုလို ကြေညာချက် ထုတ်ပြန်လိုက်တာပါ။

ထုတ်ပြန်ချက်အရ ၂၀၂၁ ခုနှစ် စစ်အာဏာ သိမ်းပြီးနောက် ရန်ကုန်မြို့ပတ် ရထားပေါ်မှာ သေနတ်နဲ့ ပစ်ခတ်မှုအတွင်း ပါဝင်ပတ်သက်တယ်ဆိုပြီး ဖမ်းဆီးခံထားရတဲ့ အမျိုးသမီးတဦး အပါအဝင် ၅ ဦးကို စစ်ကောင်စီက ဒီလ ၂၄ ရက်နေ့မှာ ကွပ်မျက်ဖို့ ပြင်ဆင်ထားတယ်လို့ ဖော်ပြထားပါတယ်။ သူတို့တွေကို အကြမ်းဖက်ဥပဒေ၊ လက်နက်ဥပဒေတို့နဲ့ တရားစွဲဆိုခဲ့ပြီး မသေမချင်း ကြိုးပေးသတ်ဖို့ လှိုင်မြို့နယ် တရားရုံးက အမိန့်ချခဲ့တယ်လို့ ဆိုပါတယ်။ လက်ရှိမှာလည်း သူတို့ကို အင်းစိန်အကျဉ်းထောင် ကြိုးတိုက်မှာ ထိန်းသိမ်းထားတာဖြစ်တယ်လို့ ဖော်ပြထားပါတယ်။

ဒီသတင်းနဲ့ပတ်သက်လို့ စစ်ကောင်စီပြန်ကြားရေးအဖွဲ့ကို ဗွီအိုအေက ဆက်သွယ်မေးမြန်းခဲ့ပေမယ့် တုံ့ပြန်ချက် တစုံတရာ မရသေးပါဘူး။

APHR ဘုတ်အဖွဲ့ဝင်လည်းဖြစ် မလေးရှားပါလီမန်အမတ် Wong Chen ကတော့ စစ်ကောင်စီအနေနဲ့ သဘောထားကွဲလွဲမှုတွေကို နှိမ်နှင်းတာမှာ ကြီးလေးတဲ့ပြစ်ဒဏ် ချမှတ်ပြီး ဖိနှိပ်ပြတာက လက်ခံနိုင်ဖွယ်မရှိတဲ့အပြင် ဒီလိုလုပ်တာကို အပြင်းထန်ဆုံး ရှုတ်ချတယ်လို့ သူကပြောဆိုလိုက်ပါတယ်။

ထိုင်း-မြန်မာ နယ်စပ်အခြေစိုက် လူ့အခွင့်အရေးလှုပ်ရှားနေတဲ့ Sister 2 Sister အဖွဲ့က မသဉ္ဇာရွန်းလဲ့ရည်ကတော့ စစ်ကောင်စီရဲ့ ကြိုးပေးကွပ်မျက်မှုကို ဆန့်ကျင်ကြောင်းနဲ့ ဒီလိုသတင်းတွေ ထွက်ပေါ်လာတာဟာ သက်ဆိုင်ရာမိသားစုဝင်တွေနဲ့ ဒီမိုကရေစီရေးလှုပ်ရှားသူတွေကို စိတ်ပိုင်းဆိုင်ရာ ထိခိုက်အောင် စစ်ကောင်စီက လုပ်ဆောင်နေတာသာ ဖြစ်တယ်လို့ ဝေဖန်လိုက်ပါတယ်။

" ဒီလူငယ်တွေကို သေဒဏ်ပေးမယ်ဆိုတဲ့သတင်း စထွက်လာထဲက မိသားစုဝင်တွေ ပြည်သူတွေ ရဲဘော်ရဲဘက်တွေကို စိတ်ပိုင်းဆိုင်ရာ ဖိစီးမှု နာကျင်မှုတွေဖြစ်စေတယ်။ ဒီသေဒဏ်ပေးမှုက ဘယ်သူကဘဲ ဘယ်နေရာမှာ ဘာအကြောင်းပြချက်ဘဲဖြစ်ဖြစ် ပေးတာကို ဆန့်ကျင်တယ်။ သေဒဏ်ဟာ ၂၁ ရာစုမှာ သေဒဏ်ဟာ မရှိသင့်တဲ့ဟာလို့ယူဆတယ်။ သေဒဏ်ကို ဆန့်ကျင်တာမှာ ကျင့်ဝတ်ပိုင်းအရကော အကျင့်စာရိတ္တပိုင်းအရကော ဥပဒေအရကော နိုင်ငံရေးအရကော လူ့အခွင့်အရေး ရှုထောင့်အရကော ဘက်ပေါင်းစုံကနေ ရှုမြင်ပြီး ကန့်ကွက်တာဖြစ်တယ်။ "

နိုင်ငံရေးအကျဉ်းသားဟောင်းများအဖွဲ့ နာယကဖြစ်သူ ဦးထွန်းကြည်ကလည်း အကျဥ်းထောင်တွေထဲမှာ လူ့အခွင့်အရေးချိုးဖောက်နေတာတွေကို ရပ်တန့်နိုင်ရေး နိုင်ငံတကာအနေနဲ့ စစ်ကောင်စီကို ပြင်းပြင်းထန်ထန် ဖိအားပေးဖို့ အခုလို တိုက်တွန်းသွားပါတယ်။

" ကြိုးပေးကွပ်မျက်တာနဲ့ ပတ်သတ်လို့ ပြင်းပြင်းထန်ထန် ရှုတ်ချရုံနဲ့မပြီးဘူး။ ဒါက လူ့အခွင့်အရေးကို အဆိုးဝါးဆုံးချိုးဖောက်နေတာ။ ဒါက အဓမ္မကိစ္စတွေဖြစ်တယ်။ ဥပဒေနဲ့လည်း မညီဘူး။ နိုင်ငံတကာအနေနဲ့ အကြမ်းဖက် စကစကိုတော့ ပြင်းပြင်းထန်ထန် လက်တွေ့ကျတဲ့ မြေပြင်မှာ ထိရောက်တဲ့ ဖိအားပေးမှုတွေကိုတော့ ကျနော်တို့က လိုလားတယ်။ "

ပြီးခဲ့တဲ့ ၂၀၂၂ ဇူလိုင်လတုန်းက လူသိများထင်ရှားတဲ့ နိုင်ငံရေးတက်ကြွ လှုပ်ရှားသူနှစ်ဦးဖြစ်တဲ့ ၈၈ မျိုးဆက်ကျောင်းသားခေါင်းဆောင် ဦးကျော်မင်းယု(ခ) ဦးဂျင်မီ၊ NLD လွှတ်တော်ကိုယ်စားလှယ် ဦးဖြိုးဇေယျသော် အပါအဝင် အရပ်သား ၂ ဦးဖြစ်တဲ့ ဦးလှမျိုးအောင်နဲ့ ဦးအောင်သူရဇော်တို့ ၄ ယောက်ကို ကြိုးမိန့်ပြစ်ဒဏ် စီရင်ခဲ့တယ်လို့ စစ်ကောင်စီဘက်က သတင်းထုတ်ပြန်ခဲ့ပါတယ်။

ဦးဖြိုးဇေယျာသော်နဲ့ ဦးဂျင်မီတို့ ဖမ်းဆီးခံရပြီးကတည်းက စစ်ခုံရုံးမှာ သူတို့ကိုယ်စား ဥပဒေကြောင်းအရ ရှေ့နေခေါ်ခွင့် မရှိခဲ့သလို လွတ်လပ်စွာ ခုခံချေပခွင့်လည်း မရှိခဲ့ဘဲ ကွပ်မျက်ခံခဲ့ရတာပါ။

မြန်မာနိုင်ငံမှာ သေဒဏ်စီရင်ချက်ကို ကြိုးမိန့်ပေးစီရင်တာ ၁၉၈၉ ခုနှစ် မတ်လတုန်းက နောက်ဆုံးဖြစ်တယ်လို့ သိရတဲ့အတွက် ဦးဖြိုးဇေယျာသော်နဲ့ ဦးဂျင်မီတို့ဟာ နှစ်ပေါင်း ၃၀ ကျော်အတွင်း ပထမဆုံးအကြိမ် ကြိုးပေးစီရင်ခံရတာ ဖြစ်ပါတယ်။

ပြည်ပအခြေစိုက် နိုင်ငံရေးအကျဉ်းသားများကူညီစောင့်ရှောက်ရေးအသင်း AAPP ရဲ့ထုတ်ပြန်ချက်အရ အာဏာသိမ်းပြီးချိန်ကနေ ဒီနှစ် စက်တင်ဘာလအထိ လူအယောက် ၂၀၀ နီးပါးကို စစ်ကောင်စီက သေဒဏ်ချမှတ်ခဲ့တယ်လို့ ဖော်ပြထားပါတယ်။ ဒီစာရင်းတွေဟာ ချဲ့ကားထားတဲ့စာရင်းသာဖြစ်တယ်လို့ စစ်ကောင်စီဘက်က တုံ့ပြန်ထားပါတယ်။

https://burmese.voanews.com/a/7792551.html

09/20/2024

မြန်မာ့အရေး ကုလ ပိုထိရောက်အောင်လုပ်ဆောင်ဖို့လိုအပ် (သံအမတ်ကြီးဦးကျော်မိုးထွန်း)

ကုလသမဂ္ဂမှာ မြန်မာနိုင်ငံဆိုင်ရာ အမြဲတမ်း ကိုယ်စားလှယ် သံအမတ်ကြီးအဖြစ် သူ့ကို နောက်တနှစ် ဆက်ပြီး အသိအမှတ် ပြုလိမ့်မယ်လို့ မျှော်လင့်ထားတဲ့ အကြောင်း သံအမတ်ကြီး ဦးကျော်မိုးထွန်းက ပြောပါတယ်။ ကုလသမဂ္ဂ အနေနဲ့ မြန်မာ့အရေးကို အခုထက်ပိုပြီး ထိရောက်တဲ့ နည်းလမ်းတွေနဲ့ ဖိအားပေး ဆောင်ရွက်ဖို့ လိုအပ်သလို ဒီအတွက် တွန်းအားပေး ဆောင်ရွက်နေတယ်လို့လည်း ပြောပါတယ်။ နယူးယောက်မြို့က မြန်မာ အမြဲတမ်းကိုယ်စားလှယ်ရုံးမှာ သံအမတ်ကြီး ဦးကျော်မိုးထွန်းကို မခင်ဖြူထွေးက တွေ့ဆုံ မေးမြန်းထားပါတယ်။