VOA Tigrigna

ድምጺ ኣመሪካ ፈነወ ቋንቋ ትግርኛ መዓልታዊ ናይ ፍርቂ ሰዓት ፈነወ የቕርብ።

ፈነወ ቋንቋ ትግርኛ ድምጺ ኣመሪካ መዓልታዊ ን30 ደቒቕ ካብ ዋሺንግተን ዲሲ ይመሓላለፍ። ፈነወ ትግርኛ ኣብ ኤርትራን ኢትዮጵያን ካብ ሰዓት 10 ክሳብ 10:30 ምሸት ወይድማ ብኣቆጻጽራ ኢትዮጵያ ድማ ካብ ሰዓት 4 ምሸት ክሳብ 4:30 ይመሓላለፍ።

ፈነወ ትግርኛ ብናይ መዓልታዊ ዓበይቲ ዜናታት ይጅምር ። ንእዋናዊ ዓለምለኻዊን ዞባዊን ጉዳያት ዝድህስስ መደባት የቕርብ።

ሰሙናዊ መደባት ድምጺ ኣመሪካ ክፍሊ ቋንቋ ትግርኛ መደብ ሕርሻ:ሳይንስን ቴክኖሎጂን:ኤርትራዊያን ኣብ ኣመሪካ: ህዝቢ ምስ ህዝቢ: መደብ ጥዕናን መንእሰያትን ከምኡ'ውን መደብ ቂሔ ጽልሚ የጠቓልል።

ብተወሳኺ ኣብ እዋናዊ ዞባዊን ዓለምለኸ ጉዳያት ዝጠመተ ቃለ መሕትታትን መደባትን የተአናግድ።

12/09/2024

▶ ትንታነ - ሶርያ ድሕሪ ኣሰድ ክሕሻ ዲዩ ወይስ ክደግሳ?

ካብ ትማሊ ሰንበት ረፍዲ ጀሚራ ርእሰ-ከተማ ሶርያ ኣብ ዝዀነት ደማስቆስ ናይ ጽንብል ሓዘንን ትርኢት’ዩ ዝወጽእ ዘሎ። ንዓመታት ተደፊኑ ዝጸንሐ ጉድ ምምሕዳር ኣሳድ ድማ ንፋስ ክረክብ ዕድል ገይሩ ኣሎ። ንልዕሊ 50 ዓመታት ዝቐጸለ ምልኪ ስድራቤት ኣሳድ ኣኽቲሙ ኣሎ።

12/09/2024

➡ ቆልዑ ግዳያት ማሕበራዊ መራኸቢ (ሶሻል ሚድያ) ዝኾኑ ወለዲ ዝመወልዎ ንድፊ ሕጊ ኣብ ኣውስትራልያ ሕጊ ኮይኑ ከምዝትግበር ዝረኸብናዮ ሓበሬታ የርኢ። ነቲ ውሳነ ከምዝምእዘዙ ዝገልጹ አካየድቲ ማሕበራዊ መራኸቢታት ግና 'ህዉኽ ውሳነ እዩ' ዝብል ነቀፌታ ሂቦም ኣለው።

ቆልዑ ግዳያት ማሕበራዊ መራኸቢ (ሶሻል ሚድያ) ዝኾኑ ወለዲ ዝመወልዎ ንድፊ ሕጊ ኣብ ኣውስትራልያ ሕጊ ኮይኑ ከምዝትግበር ዝረኸብናዮ ሓበሬታ የርኢ። ነቲ ውሳነ ከምዝምእዘዙ ዝገልጹ አካ.....

12/09/2024

ፈነወ ቋንቋ ትግርኛ ድምጺ ኣመሪካ

ኢዜማ: መንግስቲ ኣብ ኣዲስ ኣበባ ንዝተሰምዐ ተዂሲ ግልጺ መብርሂ ክህብ ሓቲቱ

ኣብ ክልል ኣምሓራ ኣስታት 30 ሲቪላት ከምዝተቐትሉ ነበርቲን መንግስቲ'ቲ ክልልን ኣፍሊጦም

መደብ ስፖርት

ትንታነ: ሶርያ ድሕሪ ኣሰድ ክሕሻ ዲዩ ወይስ ክደግሳ?

12/09/2024

▶ህንዲ ሓባራዊ ገንዘብ ብሪክስ ከም ዘይትጥቀም ትገልፅ

ህንዲ ኣብ መንጎ ትሽዓተ ሃገራት ዝሓቖፈ ጉጅለ ብሪክስ ሓባራዊ ገንዘብ ክህልወን ከም ዘይትድግፍ ኣብ ክንድኡ ናይ ባዕላ ገንዘብ ብምጥቃም ንግዲ ንምስፍሕፋሕ ከም እትፅዕር ተንተንቲ ኒው ደልሂ ገሊፆም። ምሩጽ ፕረዚደንት ኣመሪካ ዶናልድ ትራምፕ ኣባላት ደንበ ብሪክስ ዝኾና ሃገራት ንዶላር ዝትክእ ገንዘብ ከይጥቀማ ኣጠንቂቖም ኣለው።

12/09/2024

➡ ሚንስትሪ ፍትሒ ደቡብ ኮርያ፡ ኣብ ልዕሊ ፕረዚደንት ዩን ሱክ ዪኦል ናይ መገሻ እገዳ ጌሩ። እዚ ዝኸውን ዘሎ ብዛዕባ`ቲ ዝኣወጆን ንሓጺር ግዜ ዝጸንሐን ወተሃደራዊ ምሕደራ ምርመራ ኣብ ዝቐጸለሉ እዋን `ዩ።

እቲ ፕረዚደንት ካብቲ ብተቓወምቲ ዝተመርሐ እማመ ክሲ ምውራድ ስልጣን ንስክላ እንተኣምለጠ`ኳ፡ እቲ ዝኣወጆ ወተሃደራዊ ምሕደራ ክስረዝ ግን ኣባላት ናቱ ሰልፊ ከይተረፉ`ዮም ድምጺ ሂቦም። ተቓወምቲ ግን ሕጂ`ውን ነቲ ክሲ ክንቅጽለሉ ኢና ይብሉ`ለዉ።

ሚንስትሪ ፍትሒ ደቡብ ኮርያ፡ ኣብ ልዕሊ ፕረዚደንት ዩን ሱክ ዪኦል ናይ መገሻ እገዳ ጌሩ። እዚ ዝኸውን ዘሎ ብዛዕባ`ቲ ዝኣወጆን ንሓጺር ግዜ ዝጸንሐን ወተሃደራዊ ምሕደራ ምርመራ ኣብ ዝቐ...

12/09/2024

➡ ኣብ ሕቡራት ሃገራት ሓላፊ ጉዳያት ሰብኣዊ መሰላት ቮልከር ተርክ ኣብ ከተማ ፖርት ኣው-ፕሪንስ ብዝቐጸለ ናይ ጭፍራ ዓዋሉ ህውከት ኣብዚ ዝሓለፈ ቀዳመ-ሰንበት ጥራሕ 184 ሰባት ተቐቲሎም ኢሉ።

እዚ ዳሕራዋይ ቁጽሪ ነቲ ኣብዚ ዓመት`ዚ ዝተፈጸመ ቅትለት ናብ 5,000 ኣደይብዎ `ሎ። እዚ ዳሕራዋይ ጎንጺ በቲ ሓያል ዝብሃል መራሒ ጭፍራ ዓዋሉ ዝተመርሐ ምንባሩ`ውን ጸብጻብ ኣጃንስ ፍራንስ ፕረስ ጠቒሱ`ሎ።

ኩነታት ሀይቲ እናሓመቐ ዝኸደ ዝሓለፈ ወርሒ ለካቲት ዕጡቓት ጉጅለታት ኣብ ፖርት ኣው ፕሪንስ ንቀዳማይ ሚንስተር ኣሪየል ሀንሪ ንምዕላው ዝተወሃሃደ መጥቃዕቲ ድሕሪ ምፍጻሞም`ዩ።

ኣብ ሕቡራት ሃገራት ሓላፊ ጉዳያት ሰብኣዊ መሰላት ቮልከር ተርክ ኣብ ከተማ ፖርት ኣው-ፕሪንስ ብዝቐጸለ ናይ ጭፍራ ዓዋሉ ህውከት ኣብዚ ዝሓለፈ ቀዳመ-ሰንበት ጥራሕ 184 ሰባት ተቐቲሎም ኢሉ...

12/09/2024

➡ ትማሊ ሰንበት ኣብ ከተማ ኣዲስ ኣበባ ዝተሰምዐ ተኹሲ ብዝምልከት መንግስቲ ግልጺ መብርሂ ክህብ ኢዜማ ሓቲቱ። ፖሊስ ብወገኑ፡ ነቲ ተኹሲ ዝፈጸሙ ናብ ናይ ተሓድሶ ስልጠና ዝሓልፉ ዝነበሩ ኣባላት ዕጡቓት ኦነግ ዝነበሩ`ዮም ብምባል ንዝተፈጥረ ስንባደን ምርባሽን ይቕረታ ሓቲቱ`ሎ። ተወሳኺ መብርሂ ግን ምርካብ ኣይተኻእለን።

ብኻልእ ወገን ኣብ መንጎ ክልላዊ መንግስቲ ኦሮሚያን ሓደ ክንፊ ሰራዊት ሓርነት ኦሮሞን ዝተገብረ ስምምዕ ሰላም፡ ቅርጹን ትሕዝትኡን ንህዝቢ ግልጺ ክግበር ኢዜማ (ማሕበራዊ ፍትሒ ዜጋታት ኢትዮጵያ) ወሲዂ ጸዊዑ`ሎ። ብዛዕባ`ዚ ካብ ክልላዊ መንግስቲ ኦሮሚያ ምላሽ ኣይተረኽበን።

ትማሊ ሰንበት ኣብ ከተማ ኣዲስ ኣበባ ዝተሰምዐ ተኹሲ ብዝምልከት መንግስቲ ግልጺ መብርሂ ክህብ ኢዜማ ሓቲቱ። ፖሊስ ብወገኑ፡ ነቲ ተኹሲ ዝፈጸሙ ናብ ናይ ተሓድሶ ስልጠና ዝሓልፉ ዝነበሩ ....

12/09/2024

➡ ኣብ ኢትዮጵያ ክልል ኣምሓራ ወረዳ ደጋ ዳሞት ኣስታት 30 ሲቪላት ብዕጡቓት ከም ዝተቐተሉ መንግስቲ'ቲ ክልልን ነበርትን ገሊጾም።

ኣብ ዞባ ጎጃም ወረዳ ደጋ ዳሞት `ፈረስ ቤት` ኣብ ዝተባህለት ከተማ 27 ሕዳር 2017 ብኣቆጻጽራ ግእዝ፡ ዕጡቓት ፋኖ ፈጺሞሞ ብዝተባህለ መጥቃዕቲ 37 ሲቪላት ከም ዝተቐተሉ ክልላዊ መንግስቲ ኣፍሊጡ`ሎ።

ብኻልእ ሸነኽ ድምጺ ኣመሪካ ዘዘራረቦም ቤተ-ሰብ መወትን ነበርትን ሓደ ኣመሓዳሪ`ቲ ወረዳ በቶም ዕጡቓት ፋኖ ከምዝተቐትለ ሓቢሮም ኣለው።

ኣብ ኢትዮጵያ ክልል ኣምሓራ ወረዳ ደጋ ዳሞት ኣስታት 30 ሲቪላት ብዕጡቓት ከም ዝተቐተሉ መንግስቲ'ቲ ክልልን ነበርትን ገሊጾም። ኣብ ዞባ ጎጃም ወረዳ ደጋ ዳሞት `ፈረስ ቤት` ኣብ ዝተባህለ.....

12/08/2024

ተቓለስቲ ሶርያ ድሕሪ ናይ 10 መዓልታት ጽዑቕ ኲናት ሎሚ ንርእሰ-ከተማ ዶማስቆስ ተቖጻጺሮም፡ ንኣስታት 50 ዓመታት ዝቐጸለ ምምዳር ስድራቤት ኣሳድ ኣብ መኸተምታ ኣብጺሖም ኣለዉ። እቶም ተቓለስቲ ኣብ ሃገራዊ ቴለቪዥን እታ ሃገር ኣብ ዝሃቡዎ ቃል፡ ምምሕዳር ኣሳድ ተገልቢጡ እሱራት ድማ ናጻ ምልቃቖም ገሊጾም።

ፕረዚደንት በሺር ኣልኣሳድ ሰንበት ንግሆ ብነፋሪት ገይሩ ካብታ ሃገር ከም ዝወጽአ ምንጭታት ይገልጹ። ናበይ ከም ዝቐንዐ ግን ዛጊት ኣይነጸረን። እታ ንነዊሕ እዋን ክትሕግዞ ዝጸንሐት ሩስያ ግን ፕረዚድነት ኣሳድ ምስቶም ተቓወምቲ ድሕሪ ዝገበሮ ርክብን ናይ ስልጣን ምስግጋር ዝርርብን ካብታ ሃገር ምውጻኡ ኣመልኪታ ኣላ።

ተቓለስቲ ሶርያ ድሕሪ ናይ 10 መዓልታት ጽዑቕ ኲናት ሎሚ ንርእሰ-ከተማ ዶማስቆስ ተቖጻጺሮም፡ ንኣስታት 50 ዓመታት ዝቐጸለ ምምዳር ስድራቤት ኣሳድ ኣብ መኸተምታ ኣብጺሖም ኣለዉ። እቶም ተ....

12/07/2024

U.S. President-elect Donald Trump is in France’s capital, Paris, on his first international trip since he won the November 5 elections.

Trump is set to meet and hold diplomatic talks with French President Emmanuel Macron who will later meet his Ukrainian counterpart Volodymyr Zelenskiy.

Several world leaders are in Paris to mark the reopening of Notre Dame Cathedral after a devastating fire in 2019. (AP)

12/06/2024

▶ መንግስትኣብ ገ/ገርግሽ -- ሕጂስ ኣይተጋየሸን

ድምጻዊ መንግስትኣብ ገብረገርግሽ (ተጋዪሸ) ኣብ ወርሒ ሕዳር ናብ ህዝቢ ዝዘርግሐ ሳልሰይቲ ኣልበም ኣውጺኡ ኣሎ።

“ኣሕላም” ዝተሰየመት ኣልቡም ኣብ ኤርትራ ብዝዝወትሩ 9 ቋንቋታትን በበይኑ ህርመታትን ዝሓዘት’ያ። ሙዚቃዊ ስራሓት፡ ካብቲ ቅድሚኡ ዝነበረ ብሲዲን ካሴትን ምሸጣ ኣብ ዝተረፈሉን ብሰንኩ ድምጻውያን ካብ ምስራሕ ኣልበም ተቖጢበምሉ ኣብ ዘለዉሉ እዋን፡ መንግስትኣብ ነዛ ብብዙሕ መዳያት ናይ ፈተነ ስራሕ ዝዀነት ኣልበም፡ ምስቲ ኵሉ ዝገበሮ ወጻኢታት ብናጻ ክዝርግሓ ምውሳኑ “ሞሳ ንሰማዒኡ” ምዃኑ ኣብቲ ምስ ድምጺ ኣመሪካ ዝግበሮ ቃለ-መጠየቕ ጠቒሱ ኣሎ።

12/06/2024

ፈነወ ቋንቋ ትግርኛ ድምጺ ኣመሪካ

ሶማልያ፡ መንግስቲ ኢትዮጵያ ኣብ ውሽጣዊ ጉዳይ ምትእትታው ይገብር'ሎ ክትብል ከሲሳ

ኢሰመኮ: ሓይልታት ጸጥታ ክልል ኦሮምያ ቆልዑ ናብ ውትህድርና ይምልምል ኣሎ ክብል ከሲሱ

ኣምንስቲ ንእስራኤል ብምጽናት ዓሌት ይኸስስ፡ እስራኤል ነቲ ክሲ ትነጽግ

ዕላል ምስ ድምጻዊ መንግስትኣብ ገ/ገርግሽ

12/06/2024

▶ ኣብ ሀይቲ ተዋፊሮም ዝርከቡ ሓይሊ ፖሊስ ኬንያ የማርሩ

ኣብታ ብስእነት ውሽጣዊ ጸጥታ እትሕመስ ዘላ ሀይቲ፡ ዓቀብቲ ሰላም ተባሂሎም ካብ ዝተላእኩ ኣስታት 400 ኬንያውያን ሓይሊ ፖሊስ፡ ብስእነት መሰረታዊ ቀረባትን ብኵራት ክፍሊትን ነቲ ስራሕ ይሓድጉ ከም ዘለዉ ሮይተርስ ኣብ ዘካየዶ መርመራዊ መጽናዕቲ ኣመልኪቱ። ድሮ ኣስታት 20 ዝዀነ ስራሖም ንኽገድፉ መመልከቲ ወረቐት ኣእትዮም ኣለዉ።

12/06/2024

▶ ኣምንስቲ ንእስራኤል ብምጽናት ዓሌት ይኸስስ፡እስራኤል ነቲ ክሲ ትነጽግ

ዓለም-ለኸ ተሓላቂ ሰብኣዊ መሰላት ኣምስት ኢንተርናሽናል እስራኤል ኣብ ልዕሊ ፍልስጤማውያን ነበርቲ ቓዛ ተግባር ምፅናት ዓሌት ፈፂማ ክብል ይኸስስ። እቲ ተሓላቂ መሰላት ንፈለማ ጊዜ'ዩ ኵናት እናተኻየደ ከሎ ከምዚ ዓይነት ክሲ ዘቅርብ'ሎ። እስራኤል ነቲ ክሲ ኣትሪራ ነጺጋቶ’ሎ።

12/06/2024

➡ ሶማልያ፡ መንግስቲ ኢትዮጵያ ብፍላይ ኣብ ዞባ ጌዶ ኣብ ዝርከብ ማሕበረሰብ ኣብ ውሽጣዊ ጉዳይ ጣልቃ ምትእትታው ይገብር ኣሎ ክትብል ከሲሳ።

ሚንስትሪ ዜና ሶማልያ ኣብቲ ናይ ሎሚ ዓርቢ መግለጺኡ፡ ወተሃደራት ኢትዮጵያ ሎሚ ንግሆ ካብ ከተማ ዱሎው ናብ በለድ ተንቀሳቒሶም ኔሮም ግን ብሓይልታት መንግስቲ ሶማልያ ተዓጊቶም ኣለዉ ኢሉ።

ካብ ሰበ-ስልጣን ኢትዮጵያ ምላሽ ንምስማዕ ብድምጺ ኣመሪካ ዝተኻየደ ተደጋጋሚ ጻዕሪ ምላሽ ኣይተረኽበን። ድሕሪ ምፍራም ሰነድ ምርድዳእ ምስ ሶማሊላንድ፡ ኣብ መንጎ ኢትዮጵያን ሶማልያ ውጥረት እናሓየለ ክመጽእ ጸኒሑ`ሎ።

ሶማልያ፡ መንግስቲ ኢትዮጵያ ብፍላይ ኣብ ዞባ ጌዶ ኣብ ዝርከብ ማሕበረሰብ ኣብ ውሽጣዊ ጉዳይ ጣልቃ ምትእትታው ይገብር ኣሎ ክትብል ከሲሳ። ሚንስትሪ ዜና ሶማልያ ኣብቲ ናይ ሎሚ ዓርቢ መ....

12/06/2024

➡ ትማሊ ሓሙስ ኣብ ምዕራባዊ ሸነኽ ማያት ካሊፎርንያ 7.0 ዲግሪ ዓቐን ዘለዎ ምንቅጥቃጥ መሬት ኣጋጢሙ። ብሰንኩ ድማ 5.3 ሚልየን ዝኾኑ ሰባት ብማዕበል ባሕሪ ከይውሓጡ መጠንቀቕታ ተመሓላሊፉ ኔሩ።

እቲ ብሸነኽ ሰሜናዊ ጫፍ ካሊፎርንያ ኣብ ዝርከብ "ከባቢ ምንቅጥቃጥ መሬት" ተባሂሉ ዝጽዋዕ ክፋል ሰላማዊ ውቅያኖስ ዘጋጠመ ነውጺ፡ ንደቡብ ክሳብ ሳንፍራንሲስኮ ብሰሜን ድማ ክሳብ ግዝኣት ኦሪገን ከምዝተሰሞዐ ሓበሬታ ዳህሳስ ጅኦሎጂ ኣመሪካ Yህብር።

ድሕሪ እቲ ነውጺ ዘስዓቦ ማዕበል ባሕሪ፡ ነቲ ሱናሚ ዝብሃል ኣብ ባሕሪ ምስንጣቕ ምስ ኣጋጠመ ዝስዕብ ማዕበል ክመጽእ ይኽእል`ዩ ብዝብል ስግኣት፡ ኣብቲ ጥቓ ገምገም ዝነብሩ ሰባት ናብ ብርኽ ዝበለ ቦታ ወይ ናብ ውሽጢ መሬት ክእለዩ መጠንቀቕታ ተዋሂብዎም ኔሩ።

ትማሊ ሓሙስ ኣብ ምዕራባዊ ሸነኽ ማያት ካሊፎርንያ 7.0 ዲግሪ ዓቐን ዘለዎ ምንቅጥቃጥ መሬት ኣጋጢሙ። ብሰንኩ ድማ 5.3 ሚልየን ዝኾኑ ሰባት ብማዕበል ባሕሪ ከይውሓጡ መጠንቀቕታ ተመሓላሊፉ .....

12/06/2024

➡ ኣብ ሶርያ ብዝደገሰ ግጭት ልዕሊ ሓደ ሚልዮን ሰባት ክፋናቐሉ ከም ዝኽእሉ ሕቡራት ሃገራት ኣጠንቂቑ። ካብ ዝሓለፈ ሕዳር 27 ንድሓር ጥራሕ ልዕሊ 200 ሽሕ ከም ዝተፈናቐሉ ዝሓበረ ፕሮግራም መግቢ ዓለም፡ እቲ ኩነታት እንተቐጺሉ ኣስታት 1.5 ሚልየን ሰባት ካብ መንበሪኦም ክፈናቐሉ ከምዝኽእሉ ሕ/ሃ የጠንቅቕ።

ተቓወምቲ ሶርያ ዝሓለፈ ሰሙን ንሰሜናዊት ከተማ ኣለፖ ድሕሪ ምቁጽጻር ናብ ሰሜናዊ ምዕራብ ብምግስጋስ ብሰሉስ ድማ ንከተማ ሓማ ሒዞም ንቕድሚት ይግስግሱ ከምዘለው ሮይተርስ ይሕብር። ኣብ ሶርያ ቅድሚ`ዚ ግጭት`ውን ኣስታት 12 ሚልየን ውሕስነት መግቢ ዘይብሎም ሰባት ከምዘለው ዝገልጽ ፕሮግራም መግቢ ዓለም፡ ቅልጡፍ ሰብኣዊ ሓገዝ ሓቲቱ`ሎ። እቲ ውድብ ወሲኹ ኣብ ግጭት ቓዛን ሊባኖስን ዘሎ ዞባ፡ ምሉእ ኵናት ሶርያ ድማ ተወሳኺ ጽዕነት ይፈጥር ኣሎ ይብል።

ኣብ ሶርያ ብዝደገሰ ግጭት ልዕሊ ሓደ ሚልዮን ሰባት ክፋናቐሉ ከም ዝኽእሉ ሕቡራት ሃገራት ኣጠንቂቑ። ካብ ዝሓለፈ ሕዳር 27 ንድሓር ጥራሕ ልዕሊ 200 ሽሕ ከም ዝተፈናቐሉ ዝሓበረ ፕሮግራም መ....

12/06/2024

➡ኣብ ኢትዮጵያ: ጅቡትን ሶማልያን ዝነብሩ ብሄረሰብ ዒሳ ንዘመናት ዝተጠቐመሉ ኣፋዊ ባህላዊ ሕጊ፡ ዓለማዊ ቅርሲ ኮይኑ ክምዝገብ ናይ ሕቡራት ሃገራት ትካል ሳይንስ ትምህርትን ባህልን(ዩኔስኮ) ኣፍሊጡ።

“ሄር ዒሴ” ተባሂሉ ዝፍለጥ ባህሊ፡ ብወግዒ ዝተዋደደ ደሞክራሲያዊ ስርዓት ምምሕዳር ምዃኑ ይንገረሉ።

እቲ ሰለስተ መሰረታዊ መሓውራት ዘለውዎ ባህላዊ ስርዓተ ሕጊ፡ ስልጣንን መምርሕታትን ዝውስን ኮይኑ ዕርቅን ኣብ ፍትሕን ዘተኮሩ ሕግታትን፡ ከምኡ`ውን ማሕበራዊን ውልቃዊን ስነ-ስርዓታት ብዝርዝር የውጽእን የመሓድርን።

እዚ ብዩኔስኮ ኣፍልጦ ዝረክብ ዘሎ ባህላዊ ሕግታት ብሄረሰብ ዒሳ፡ ኣብ መንጎ ኣባላት ማሕበረሰብን ከምኡ`ውን ምስ ካልኦት ሕብረተሰባት ብሰላም ሓቢርካ ንምንባርን ኣገዳሲ ተራ ከም ዝጻወት ይንገረሉ።

ኣብ ኢትዮጵያ: ጅቡትን ሶማልያን ዝነብሩ ብሄረሰብ ዒሳ ንዘመናት ዝተጠቐመሉ ኣፋዊ ባህላዊ ሕጊ፡ ዓለማዊ ቅርሲ ኮይኑ ክምዝገብ ናይ ሕቡራት ሃገራት ትካል ሳይንስ ትምህርትን ባህልን(ዩኔ...

Address

330 Independence Avenue SW
Washington D.C., DC
20237

Telephone

+12022562745

Website

https://tigrigna.voanews.com/

Alerts

Be the first to know and let us send you an email when VOA Tigrigna posts news and promotions. Your email address will not be used for any other purpose, and you can unsubscribe at any time.

Contact The Business

Send a message to VOA Tigrigna:

Shortcuts

ድምጺ ኣሜሪካ

ድምጺ ኣሜሪካ እቲ ዝዓበየ ናይ ኣሜሪካ ዓለምለኸ ትካል ዜና ኮይኑ፡ ፈነውኡ ነቶም ውሱን ወይ’ውን ፍጹም ነጻ ፕረስ ዘይብሎም ከባቢታት ብ45 ቋንቋታት የመሓላልፍ። ኣብ 1942 ዓ.ም ዝተመስረተ ድምጺ ኣሜሪካ፡ ሰፊሕን ነጻን ሸፈነ ይህብ፡ ንሰማዕቲ ድማ ነታ ዘላ ሓቂ ይነግር።ድምጺ ኣሜሪካ አካል ናይ ኣሜሪካ ኤጄንሲ ዓለምለኻዊ ሜድያ ኮይኑ፡ ምሉእ ብምሉእ ብኣሜሪካውያን ከፈልቲ ግብሪ ዝምወል’ዩ።

ተልእኾን ዘይሻራዊነትን ድምጺ ኣሜሪካ፡ ንጋዜጠኛታት ካብ ጽልዋ፡ ጸቕጢ፡ ሕነ ምፍዳይ መንግስታትን ፖለቲከኛታትን ዝከላከል ፡ውሕስነት ዝህቦ ሕጊ ኣለዎ።

ኣብ 1976 ፕረዚደንት ጀራልድ ፎርድ ክታሙ ዘንበረሉ ቻርተር ድምጺ ኣሜሪካ ከምዚ ዝስዕብ ይብል፡-

1.ድምጺ ኣሜሪካ ቀጻልነት ዘለዎ ተኣማንነትን ኣብ ጭብጢ ዝሰረተን ምንጪ ዜና ኮይኑ ከገልግል’ዩ። ዜና ድምጺ ኣሜሪካ ቅኑዕ፡ ውድዓዊን ምሉእነት ዝሓዘን ይኸውን።

2. ድምጺ ኣሜሪካ ንሓደ ክፋል ሕብረተሰብ ዘይኮነ ንመላእ ኣሜሪካ ይውክል፡ ስለዝኾነ ድማ ንኣገዳስነት ኣሜሪካዊ ስነ ሓሳብን ትካላትን ዘበራትዕ ሚዛናዊነቱ ዝሓለወ ኩሉ ሓቆፍ ሓበሬታ የቕርብ።

3.ድምጺ ኣሜሪካ፡ ንፖሊሲታት ኣሜሪካ ብንጹርን ብየቕርብ፡ ብተወሳኺ ነዚ ፖሊሲ ዝምልከት ዘተን ርእይቶታትን ብሓላፍነት የተአናግድ።

ኣብ 1994 ኮንግረስ ኣሜሪካ ፡ ዓንቀጽ ሕጊ ዓለምለኻዊ ፈነወ ኣሜሪካ ኣጽዲቑ። እዚ ሕጊ`ዚ፡ ስራሓት ጋዜጠኛታት ድምጺ ኣሜሪካ፡ ንባህልን ማሕበራዊ ብዙሕነትን ኣሜሪካ ዘንጸባርቕ፡ ሓቀኛ፡ቅኑዕ፡ ውድዓዊ፡ ኩሉ ሓቆፍ ሚዛናዊነት ዝሓለወን ኮይኑ ክቐርብ ይሓትት።

ኣብ 2016፡ ባይቶ ኣሜሪካ፡ እንደገና ኣብ ዓንቀጽ-ሕጊ ሃገራዊ ምክልኻል`ውን ብምርግጋጽ፡ ምጽብጻብን ምዝርጋሕን ዜና ነጻን ውድዓዊን ኮይኑ ክቕጽል ኣለዎ ይብል ።

ጋዜጠኛታት ድምጺ ኣሜሪካ ኣብ ነፍሲ ወከፍ መዓልቲ ኣብ መትከላት ነጻ ፕረስ ንዓለም ኣብነት ኮይኖም ክቐርቡ ብዕቱብ ይሰርሑ።

ድምጺ ኣሜሪካ

ናጻ ፕረስ የግድስ’ዩ