VOA Tigrigna

12/27/2024

▶ መጽሓፍ ተስፋዬ ገብረኣብ ድሕሪ ሞቱ

ህቡብ ኢትዮጵያዊ-ኤርትራዊ ደራሲን ተመራማሪን ተስፋዬ ገብረኣብ፡ ብ24 ታሕሳስ 2021 ኣብ ናይሮቢ ኬንያ’ዩ ብሕማም ዓሪፉ። ኣብ ኢትዮጵያን ድሒሩ ድማ ኤርትራ ሰፊሕ ተነባብነት ዘለዎ መጽሓፍቲ ተስፋዬ፡ መብዛሕትኡ ኣብ ሓቀኛ ፍጻመታት ወይ ታሪኽ ምርኩስ ብምግባር ዝተደርሰ ልዕሊ 10 መጽሕፍቲ የሕቲሙ ነይሩ። ኣብዚ ሰሙን እምበኣር ብምኽንያት ሳልሳይ ዓመት ሞት እቲ ደራሲ ኣብ ዝዝከረ መደብ፡ ቅድሚ ሞቱ ዛዚሙዋ ዝነበረ መጽሓፍ ናብ ትግርኛ ተተጒማ ናብ ኣንበብቲ ቀሪባ ኣላ።

12/27/2024

ፈነወ ድምጺ ኣመሪካ ቋንቋ ትግርኛ

ዞባዊን ኣህጉራዊን ዜና

ደቡብ ኮርያ ሳልሳይ ፕረዚደንት ትምዝዝ

መዝነት ምሩጽ ፕረዚደንት ኣመሪካ ዶናልድ ትራሞን ኤፍቢኣይን

መደብ ቒሔ ጽልሚ - ናብ ትግርኛ ዝተተርጎመ መጽሓፍ ተስፋዬ ገብረኣብ

12/27/2024

➡ 🇪🇹ሚንስትሪ ትምህርቲ ኢትዮጵያ፣ ዩኒቨርሲታት ናይ ፕሮፌሰርነት ማዕረግ ከይህባ ዘሕለፎ ውሳነ፡ ነተን ትካላት ዝጎድእ ከምዝኾነ ሰብ-ሞያ ገሊፆም። ድምፂ ኣመሪካ ዘዘራረቦም መማህራን ዩኒቨርሲቲ፡ እቲ ቤት ዕዮ ከምዚ ዓይነት ውሳነ ብምሕላፍ፡ ኣብ ውሽጣዊ ጉዳይ እተን ትካላት ኢድ የእቱ ኣሎ ክብሉ እውን ተቓዊሞም። ሚኒስትሪ ትምህርቲ ብወገኑ፣ እቲ ውሳነ ጊዜያዊ እዩ፣ ኣብ ውሽጣዊ ጉዳየን ኢድ ምእታው እውን ኣይኮነን ኢሉ።

ሚንስትሪ ትምህርቲ ኢትዮጵያ፣ ዩኒቨርሲታት ናይ ፕሮፌሰርነት ማዕረግ ከይህባ ዘሕለፎ ውሳነ፡ ነተን ትካላት ዝጎድእ ከምዝኾነ ሰብ-ሞያ ገሊፆም። ድምፂ ኣመሪካ ዘዘራረቦም መማህራን ዩኒ...

12/27/2024

➡ 🇺🇸ሃገራዊ ኣገልግሎት ኩነታት ኣየር ኣመሪካ ኣብ ገለ ክፋላት ቴክሳስ፡ ሉዝያናን ኣርካንሰስን ሓያል ንፋስ፣ ብርቱዕ በረድን ምናልባሽ’ውን ህቦብላዊ ዝናብን ክሃርም ይኽእል’ዩ ክብል ኣጠንቂቁ።

እዚ መጠንቀቂ’ዚ ይቃላሕ ዘሎ ብሰንኪ’ቲ ምልውዋጥ ኩነተ ኣየር (ክሊማ) ኣብ መዕርፎ ነፈርቲ ዳለስን ህዩስተንን ልዕሊ 100 ነፈርቲ መደበን ድሕሪ ምስራዙን ምድንጋዩን እዩ።

ብሕልፊ ኣብ ሞንጎ ዳለስን ህዩስተንን ዘሎ ዞባታት፣ ደቡባዊ ኣርከንሰስን ምዕራባዊ ሉይዝያናን ኣብ ጽልዋ’ቲ ሓደገኛ ኩነታት ኣየር ከምዝወድቕ እቲ ሃገራዊ ኣገልግሎት ኩነተ ኣየር ኣፍሊጡ ኣሎ።

ሃገራዊ ኣገልግሎት ኩነታት ኣየር ኣመሪካ ኣብ ገለ ክፋላት ቴክሳስ፡ ሉዝያናን ኣርካንሰስን ሓያል ንፋስ፣ ብርቱዕ በረድን ምናልባሽ’ውን ህቦብላዊ ዝናብን ክሃርም ይኽእል’ዩ ክብል ኣጠ...

12/27/2024

➡ 🇦🇿 ነፋሪት ኣዘርባጃን ኣብ ገጠራት ሩስያ ድሕሪ ምውዳቓ ኪኢላታት ስርዓተ ጸረ ነፈርቲ ሩስያ ዝፈጠሮ ሓዊ ጠንቂ'ቲ ሓደጋ ምዃኑ ድሕሪ ምግላጾምን መንገዲ ኣየር ኣዘርበጃን ናብ ሩስያ ዘካይዶ በረራታት ደው ከምዘበሎ ኣፍሊጡ'ሎ።

ነፋሪት መገዲ ኣየር ኣዘርባጃን ካብ ርእሰ ከተማ ባኩ ናብ ናይ ሩስያ ከተማ ግሮዝንይ በረራ ኣብ ተኻይደሉ ከምዝወደቐትን ኣብ ካዛኪስታን ንክትዓልብ ኣብ ዝፈተነትሉ እዋን ከምዝተሓምሸሸት’ውን እቲ ዜና ይጠቅስ።

38 ተሳፈርቲ ሽዑ ሽዑ ክሞቱ ከለው ካልኦት 29 ሰባት ግና ምድሓኖም ተፈሊጡ'ሎ።

ነፋሪት ኣዘርባጃን ኣብ ገጠራት ሩስያ ድሕሪ ምውዳቓ ኪኢላታት ስርዓተ ጸረ ነፈርቲ ሩስያ ዝፈጠሮ ሓዊ ጠንቂ'ቲ ሓደጋ ምዃኑ ድሕሪ ምግላጾምን መንገዲ ኣየር ኣዘርበጃን ናብ ሩስያ ዘካይዶ ....

12/27/2024

➡ 🇸🇳ብፕረዚደንት ሴነጋል ዝነበሩ ማኪ ሳል ዝጸደቐ ቅትለት ኣብ ዘስዓበ ፖለቲካዊ ህውከት ንዝተሳተፉ ምሕረት ዝገብር ሕጊ ክተርፍ ዝገብር ሓድሽ ረቂቕ ሕጊ ናብ ፓርላማ ከምዘቅርቡ ቀ/ሚ’ታ ሃገር ገሊጾም።

እቲ ኣሳሓሓቢ ሕጊ ምሕረት ክትግበር ዝጀምረ ፕረዚደንት ሳል፣ ኣብ’ታ ቅስንቲ ትባሃል ሃገረ ምዕራብ ኣፍሪቃ ፕረዚደንታዊ ምርጫ ንክናዋሕ ምስ ኣዘዙ ንዝተላዕለ ተቃውሞ ንምትህድዳእ ኢሎም ከምዝነበረ ዝዝከር እዩ።

ነቀፍቲ ግና ስጉምቲ’ቶም ፕረዚደንት ኣብ’ዞም ዝሓለፉ ሰለስተ ዓመታት ንዝተፈጸሙ ገበናት ንምኽዋል እዩ ኢሎም ይቃወሙ።

ቀ/ሚ ሶኖኮ ሎሚ ይወስድዎ ዘሎ ስጉምቲ ሕነ ንምፍዳይ ዘይኮነ ኣብ ክንድኡ ሰላም ዝሰፍነሉን ፍትሒ ንምርግጋጽ’ዩ ከምዝበሉ ዝመጸና ዜና ይሕብር።

ብፕረዚደንት ሴነጋል ዝነበሩ ማኪ ሳል ዝጸደቐ ቅትለት ኣብ ዘስዓበ ፖለቲካዊ ህውከት ንዝተሳተፉ ምሕረት ዝገብር ሕጊ ክተርፍ ዝገብር ሓድሽ ረቂቕ ሕጊ ናብ ፓርላማ ከምዘቅርቡ ቀ/ሚ’ታ ሃ.....

12/27/2024

➡ 🇩🇪ፕረዚደነት ጀርመን ፍራንክ-ዋልተር ስቴንመየር ሎሚ ዓርቢ ፓርላማ እታ ሃገር ከምዝተበተነን ምርጫ ድማ ን23 ለካቲት 2025 ከምዝካየድን ኣፍሊጦም።

እቶም ፕረዚደንት ኣብ መግለጺኦም “እቲ እንኮ ንጀርመን ካብቲ ዘላቶ ዓዘቕቲ ከድሕና ዝኽእል፣ ነቲ ብኦላፍ ሾልዝ ዝምራሕ ፓርላማ በቲንካ ንኻልእ ምዕራፍ ምምዕዳው ጥራይ’ዩ” ኢሎም።

ቻንስለር ሾልዝ ብ16 ታሕሳስ ናይ ድጋፍ ድምጺ ድሕሪ ምስኣኖም፣ ቅድም ንሶም ዝመርሕዎ ጥምረት ሰለስተ ሰልፍታት ብ6 ሕዳር ድሕሪ ምብታኖም፣ እታ ብቑጠባ ዝሓየለት ኤውሮጳዊት ሃገር ኣብ ፖለቲካዊ ቅልውላው ትርከብ።

ፕረዚደነት ጀርመን ፍራንክ-ዋልተር ስቴንመየር ሎሚ ዓርቢ ፓርላማ እታ ሃገር ከምዝተበተነን ምርጫ ድማ ን23 ለካቲት 2025 ከምዝካየድን ኣፍሊጦም። እቶም ፕረዚደንት ኣብ መግለጺኦም “እቲ እ....

12/27/2024

➡ 🇪🇹 ኣብ ከተማ ድሬዳዋ ዝበጽሐ ተንቀሳቃሲ ላዕለዋይ ፌደራላዊ ቤት ፍርዲ ኢትዮጵያ፣ ኣብ ልዕሊ’ቶም ብዝተፈላለዩ ሰነዳት ዝተታሓዙ 88 ተኸሰስቲ ግብረ-ሽበራ ክሳብ ናይ 20 ዓመታት ዝበጽሕ ማእሰርቲ በይኑ።

እቶም ተኸሰስቲ፣ ኣብ ልዕሊ ሓይሊ ጸጥታን ሰላማዊያን ሰባትን ጉድኣት ኣውሪዶም፣ ልዕሊ 13 ሚልዮን ብር ዝግመት ዝርፋን ዕንወትን ኣስዒቦም፣ መንግስታዊ ሚስጢራት ንኣልሸባብ ኣሕሊፎም ሂቦም ዝብል ክሲ ከምዝቀረበሎም'ውን እቲ ዜና ይሕብር።

https://tigrigna.voanews.com/a/al-shabab-sentences-/7915985.html

12/26/2024

ፈነወ ቋንቋ ትግርኛ ድምጺ ኣመሪካ ዕለታዊ ካብ ሰኑይ ክሳብ ዓርቢ ን 30 ደቒቕ ካብ ዋሺንግተን ዲሲ ይመሓላለፍ። ፈነወ ትግርኛ ኣብ ኤርትራን ኢትዮጵያን ካብ ሰዓት 10 ክሳብ 10:30 ምሸት ወይድማ ብኣቆጻጽራ ኢትዮጵያ ድማ ካብ ሰዓት 4 ምሸት ክሳብ 4:30 ይመሓላለፍ።

ፈነወ ትግርኛ ብናይ`ቲ መዓልቲ ዓበይቲ ዜናታት ይጅምር ። ካብ ኤርትራን ኢትዮጵያን ዝረኽቦም ቃለ-መጠይቓትን ሰሙናዊ መደባትን ድማ የስዕብ።

12/26/2024

ኣብ ሰንዓ ብስራሕ እንከሎ፡ ካብ እስራኤል ብዝተተኰሰ ደብዳብ ንገለ ካብ ኣባላቱ ከም ዝሃረመ ዝገለጸ ዋና ዳይረክተር ውድብ ጥዕና ዓለም ዶክተር ቴድሮስ ኣድሓኖም፡ ንሱ ግን ውሑስ ከም ዘሎን ዝዀነ መጉዳእቲ ከም ዘየጋጠሞን ኣብ ማሕበራዊ መራኸቢታት ኤክስ ኣካፊሉ።

ብመሰረት ሓበሬታ ዶክተር ቴድሮስ ሓደ ካብ ኣባላት ዝተጓዓዘላ ነፋሪት ክህረም እንከሎ፡ ብውሑዱ ኣብቲ ማዕርፎ ነፈርቲ ዝጸንሑ ክልተ ሰባት ድማ ሞይቶም።

ኣብ ሰንዓ ብስራሕ እንከሎ፡ ካብ እስራኤል ብዝተተኰሰ ደብዳብ ንገለ ካብ ኣባላቱ ከም ዝሃረመ ዝገለጸ ዋና ዳይረክተር ውድብ ጥዕና ዓለም ዶክተር ቴድሮስ ኣድሓኖም፡ ንሱ ግን ውሑስ ከም ዘ....

12/26/2024

ትማሊ ረቡዕ ንሻሙናይ ግዜኡ ናብ ኣስመራ ዝተጓዕዘ ፕረዚደንት ሶማሊያ ሓሰን ሸኽ መሓሙድ፡ ሎሚ ሓሙስ ንሃገሩ ቅድሚ ምምላሱ፡ ምስ ፕረዚደንት ኢሳይያስ ኣፈወርቂ ናይ ኤርትራ ኣብ ዞባዊ ምርግጋእን ሓባራዊ ጽምዶን ኣመልኪቶም ምዝርራቦም ድሒሩ ዝወጽአ ጋዜጣዊ መግለጺ ኣመልኪቱ። ፕረዚደንት ሓሰን ክልተ ሰሙን ድሕሪ’ቲ ኣርእስተ-ዜና ኰይኑ ዝቐነየ፡ ኣብ ኣንካራ ዝተቓንዐ፡ ርክብ ምስ ቀዳማይ ሚኒስተር ኢትዮጵያ ኣቢይ ኣሕመድ ድሕሪ ምክያዶም ምዃኑ’ዩ።

12/26/2024

ዳኒኤል ገብረጊዮርጊስ ኣብ ቤት ትምህርቲ ቀላሚኖ ተመሃራይ 12 ክፍሊ’ዩ ዘሎ። ዳኒኤል ካብ ብቖልዕኡ፡ ነቲ ኣብ ከባቢኡ ዝርአ ሕጽረታት ንምቅላል ክምህዝን ከመሓይሽን ምጅማሩ’ዩ ዝነግር። ኣብቲ ብዙሕ ቀረባት ዘይርከቦ ገጠራት ተወሊዱ ዝዓበየ ዳኒኤል፡ ናይ ፈለማ ምህዞታቱ ንመዓልታዊ ህይወቱ ንምቅላል ከም ዝነቐለ ክገልጽ እንከሎ፡ ድሒሩ ግን ንዕኡን ዝሰፍሐ ማሕበረሰብን ይጠቅም ኣብ ዝበሎ ምህዞ’ዩ ተዋፊሩ።

12/26/2024

ቀዳማይ እብረ እቲ ግጭት ዝሓለፈ ሰሙን ረቡዕን ዓርቢን ዘጋጠመ ኰይኑ፡ ኣብ እዋን ካብ ክልተኡ ወገናት ክቕተሉ እንከለዉ፡ እቲ ዝበርትዐ ግን ትማሊ ረቡዕ 25 ታሕሳስ ምንባሩ ተፈሊጡ ኣሎ።

እቲ ግጭት ኣብ ውሽጢ ኢትዮጵያ ዝጀመረ ኰይኑ፡ ሓንቲ ካብተን ቀቢላታት ክሳብ ሶማሊላንድ እትዝርጋሕ ብምዃና ካብታ ርእሰ-ምምሕዳር ተሪር ኩነኔ ኣስዒቡ ኣሎ።

ዳዕወለይ ኣብ ዝተህለት ከተማ ክልል ሶማሌ ናይ ኢትዮጵያ ኣብ መንጎ ቀቢላታትን ሓይልታት ጸጥታን ብዝተወልዐ ጎንጺ ክሳብ ልዕሊ 100 ዝበጽሑ ዜጋታት ምማቶም ምንጭታት ካብቲ ቦታ ይሕብሩ ኣ.....

12/26/2024

ኣብ ከተማ ኣኽሱም ዝርከባ ገለ ኣብያተ-ትምህርቲ ተመሃሮ ኣመንቲ እስልምና መጎልበቢ መንዲል (ሕጃብ) ተኸዲነን ናብ ቤት ትምህርቲ ከይኣትዋ ስለ ዝኸልከላ፡ ንልዕሊ ክልተ ሰሙን ዝኣክል ካብ ትምህርቲ ምትእጕጓለን ቤት ምኽሪ ጉዳያት እስልምና ትግራይ ገሊፁ። እቲ ቤት ምኽሪን ድምጺ ኣመሪካ ዘዘራረበን ተመሃሮን ኣንጻር መሰረታዊ መሰል’ዩ ክብሉ እንከለዉ፡ ካብቶም ኣብያተ ትምህርቲ ግን ትምህርቲን ሃይማኖትን ክተሓዋወስ ስለ ዘይብሉ ከምኡ ዝመስል ሃይማኖታዊ ምልክት ከም ዘይፈቕዱ’ዮም ዝምጉቱ።

ኣብ ከተማ ኣኽሱም ዝርከባ ገለ ኣብያተ-ትምህርቲ ተመሃሮ ኣመንቲ እስልምና መጎልበቢ መንዲል (ሕጃብ) ተኸዲነን ናብ ቤት ትምህርቲ ከይኣትዋ ስለ ዝኸልከላ፡ ንልዕሊ ክልተ ሰሙን ዝኣክል ካ....

12/26/2024

ሓድሽ ምምሕዳር ሶርያ፡ ታርቶስ ኣብ ዝብሃል ኣውራጃ ገማግም ባሕሪ እታ ሃገር፡ “ትርፍራፍ ስርዓት ኣልኣሳድ ንምቕራም” ኢሉ ዝሰየሞ ወታሃደራዊ ስርሒትን ሃድንን ጀሚሩ ኣሎ። እዚ ዝኸውን ዘሎ 14 ኣባላት ፖሊስ እቲ ሓድሽ ምምሕዳር ኣብቲ ደቂ ቀቢላ ኣሳድ ዝዀኑ ህዝቢ ዓለዋይት ኣብ ዝነብርሉ ኣውራጃ ድሕሪ ምቕታሎም’ዩ።

ሓድሽ ምምሕዳር ሶርያ፡ ታርቶስ ኣብ ዝብሃል ኣውራጃ ገማግም ባሕሪ እታ ሃገር፡ “ትርፍራፍ ስርዓት ኣልኣሳድ ንምቕራም” ኢሉ ዝሰየሞ ወታሃደራዊ ስርሒትን ሃድንን ጀሚሩ ኣሎ። እዚ ዝኸው....

12/26/2024

ተቓዋሚ ሰልፊ ደቡብ ኮርያ፡ ንመሰጋገሪ ፕረዚደንት ሃን ዱክ-ሱ ካብ መዝነቱ ንምእላይ ሎሚ ሓሙስ ክሲ መስሪቱ። ብ14 ታሕሳስ ካብ መዝነቱ ብኽሲ ንዝተኣልየ ፕረዚደንት ዩን ሱክ የውል ተኪኡ ስልጣን ሒዙ ዘሎ ሃን ዱክ-ሱ፡ ነቲ ንኽሲ እቲ ፕረዚደንት ኣመልኪቱ ንዝቐረበ ጥርዓን ፈሪሙ ከሕልፎ ስለ ዘይክኣለ’ዩ እቲ ናይ ምውራድ ክሲ ዝቐርበሉ ዘሎ።

ብመሰረት ሕጊ ደቡብ ኮርያ፡ ፕረዚደንት ተኸሲሱ ካብ መዝነቱ ክወርድ እንተዀይኑ ሽዱሽተ ካብቶም ትሽዓተ ደያኑ ጠቕላሊ ቤት ፍርዲ እታ ሃገር ክድጉፍዎ ኣለዎም። እንተዀነ እቲ ቤት ፍርዲ ሰለስተ ካብቶም ዝድለዩ ደያኑ የብሉን። ግዜያዊ ፕረዚደንት ሃን ነቶም ተሪፎም ዘለዉ ደያኑ ክምዝዝ ዘይምድላዩ እምበኣር ካብቲ ካልእ ብተቓወምቲ ዘኽስሶ ዘሎ’ዩ።

ተቓዋሚ ሰልፊ ደቡብ ኮርያ፡ ንመሰጋገሪ ፕረዚደንት ሃን ዱክ-ሱ ካብ መዝነቱ ንምእላይ ሎሚ ሓሙስ ክሲ መስሪቱ። ብ14 ታሕሳስ ካብ መዝነቱ ብኽሲ ንዝተኣልየ ፕረዚደንት ዩን ሱክ የውል ተኪኡ ....

12/25/2024

47 ህዝባውያን ዩኒቨርስታት ኢትዮጵያ፡ ዝረኽበኦ ባጀት ብመጠን ዘምዝገበኦ ብቕዓት ንዘፅድቕ ስምምዕ ሎሚ ረቡዕ ምስ ሚኒስትሪ ትምህርቲ እታ ሃገር ፈሪመን። እዚ ሓድሽ ኣገባብ ነተን ዩኒቨርስታት ተወዳደርቲ ንምዃን ከም ዝሕግዝ ኣብቲ ኣጋጣሚ ሚኒስተር ትምህርቲ ፕሮፈሰር ብርሃኑ ነጋ ገሊፆም። ድምፂ ኣመሪካ ዘዘራረቦም ሓለፍቲ እተን ዩኒቨርስታት ብወገኖም፡ እቲ ሓድሽ ኣገባብ ንዝሓሸ ውፅኢትን ዓለማዊ ኣገባብ መዐቀኒን ዩኒቨርታትን’ዩ ብምባል ድጋፎም ገሊፆም ኣለዉ።

47 ህዝባውያን ዩኒቨርስታት ኢትዮጵያ፡ ዝረኽበኦ ባጀት ብመጠን ዘምዝገበኦ ብቕዓት ንዘፅድቕ ስምምዕ ሎሚ ረቡዕ ምስ ሚኒስትሪ ትምህርቲ እታ ሃገር ፈሪመን። እዚ ሓድሽ ኣገባብ ነተን ዩኒ.....

12/25/2024

ዝተሓደሰ

⏯ ሚኒስተር ዜና ኤርትራ ዝምድና ሶማሊያን ኤርትራን ሻሕኪሩ ንዝብል ክሲ ነጺጉ
ቢቢሲ ቋንቋ ሶማሊያ ከም ዘስፈሮ፡ ኢትዮጵያ ሓይሊ ባሕሪ እትደሊ ኰይና፡ ንዕኡ ሶማሊያ ምስ እትህባ ኣብ መንጎ ክልተ ሃገራት ዘሎ ዝምድና ክብተኽ ምዃኑ’ዩ እቲ "ዓብደልቃድር" ዝተሰምየ ሰብ ተዛሪቡ።

ሚኒስተር ዜና ኤርትራ ኣቶ የማነ ገብረመስቀል ነቲ ዜና “መሰረት ኣልቦ’ዩ” ክብል ገሊጹ። እቲ ዝተጠቕሰ ሰብን ከምኡ ዝብሃል መዝነት ኣብ ሚኒስትሪ ወጻኢ ጉዳያት ኤርትራ ከም ዘየለ ዝሓበረ ሚኒስተር የማነ፡ “ኤርትራ ምስ ሶማሊያ ዲፕሎማሲያዊ ርክባት ንምብታኽ ኣይፈተነትን፡” ክብል መሊሱ።

ኣብ ዝደሓረ ምዕባለ፡ ብዛዕባ'ቲ ጉዳይ ካብ ቢቢሲ መብርሂ ዝሓተተ ድምጺ ኣመሪካ፡ እቲ ሓበሬታ ንመዕቀኒታት ቢቢሲ ዝበቅዕ ኣይኰነን ብምባል ከም ዝኣረሞ ምላሽ ሂቡ። እቲ ን"ዓብደልቃድ እድሪስ" ዝተሰምየ ሰብ ዝገልጽ ሓበሬታ'ውን ተኣልዩ ኣሎ። ንመንነት እቲ ሰብ ሓቲቶም ከምኡ ዝብሃል በዓል-መዚ ኤርትራ ክረኽቡ ዘይምኽኣሎም'ውን ቢቢሲ ክፍሊ ሶማሊያ ገሊጾም።

https://tigrigna.voanews.com/a/7913849.html