30/10/2018
UCHAWI WA MAMA
Mtunzi: Raja Saidy,
WhatsApp: 0756920739.
SEHEMU YA KWANZA
"Dada amka tusali amka dada"
"Nina usingizi mdogo wangu"
"lakini dada sio vizuri kulala bila kusali"
"mdogo wangu nimechoka kwani kutokusali siku moja tutaathirika na nini? We tulale bwana"
"sawa dada ila siyo vizuri"
"we lala bwana"
"Caro kwani mama na baba wameshalala?"
"Ndiyo dada"
"sawa tulale"
"sawa".......*****...............*******...............
Usiniue, usiniue mama usiniue...............lazima nikuue mwanangu napenda sana damu, hahahahahahahahah.
Nilishtuka kutoka kwenye ndoto hiyo ya maajabu huku jasho likiwa limenitanda mwili mzima kutokana na uoga niliokuwa nao juu ya ndoto hiyo na kuaidi kuwa nitamueleza mama juu ya ndoto ile iliyokuwa ikimhusu yeye.
Nilitazama pembeni yangu tayari mdogo wangu Caro aliyekuwa akinisihi tusali kabla ya kulala, alikuwa katika usingizi mzito huku akiendelea kutoa sauti mithili ya mtu anayechunga mifugo yake.
"Caro, caro, caro.."
"Abee dada"
"Amka mdogo wangu"
"kuna nini dada????"
"we amka"
mdogo wangu alimka kisha akaanza kupekecha macho yake ili apate kuona vizuri, kisha akanitupia swali?
"Dada kuna nini halafu hujui muda umeenda tunatakiwa kulala?"
"Caro mdogo wangu nimeota ndoto mbaya kuhusu mama tena anataka kuniua"
"kukuua?"
"Ndiyo"
"mama yetu huyu??"
"Ndiyo mdogo wangu, mbona una maswali mengi"
"dada Nadya heri ungekuwa umeota ndoto kuhusu hata baba au hata mpenzi wako ningekusikiliza lakini kuhusu mama hiyo sio ndoto tena maana vyote ulivyoviota ni vya uongo"
"Caro mdogo wangu niamini"
Mdogo wangu Caro alivuta shuka bila ya kuniongelesha kitu chochote, nikiwa bado ni mwenye hofu kubwa na kushindwa kupata usingizi kabisa huku nikiwa nimeuegemea mto wangu vyema pia kidole changu cha mwisho katika mkono wa kulia kikiwa mdomoni.
Macho yangu yaliendelea kutazama juu ya paa la nyumba yetu kwa lengo la kufikiria ndoto ile, hivi itawezekanaje mimi kumuotea mama yangu mzazi tena kwa mabaya haiwezekani lazima nifanye uchunguzi.
Baada ya kuwa nimeshapata jibu nini cha kufanya nilivuta shuka k**a kawaida ili niweze kupata usingizi..........********...........*********
Mwanangu Nadya namuwa baba yako, atakayefuata ni mdogo wako Caro pia wewe utakuwa wa mwisho, hahahahahahaaa.
Nilishtuka kutoka katika ndoto ile iliyokuwa ya pili kwa siku moja, tena ndoto mbaya heri ya kwanza maana ndoto hiyo haiwezekani hata kusahaulika katika siku zote. Nilivuta shuka la mdogo wangu Caro kwa lengo la kumuamsha.
"dada mbona unapenda kunionea hivyo????"
"sio nakuonea mdogo wangu amka kumekucha"
"hamna bana niache nilale Nadya"
"poa"
Nilishuka kutoka kitandani kwangu huku nikimwacha mdogo wangu Caro aendelee kuuchapa usingizi. Kichwani kwangu nilitawaliwa na wazo kuu moja tena kuhusu ndoto mbaya nilizoziota juu ya mama yangu.
"Au itakuwa mama ni mchawi nini? Ila siyo kweli kwa sababu yeye ni mtakatifu siku zote sikuwahi kumuona anajihusisha na uchawi itakuaje nimuotee vibaya? Hizo ni ndoto tu hazina madhara"
Nilipiga hatua zangu za kuelekea mpaka mahali mlango ulipo, kisha nikaufungua. Nilikaribishwa na mwanga hafifu wa jua, nilielekea mpaka kwenye chumba cha mama kisha nikagonga,
"Nani?"
"mama ni mimi mwanao Nadya, shikamoo?"
"marhaba! Asubuhi yote hii kuna nini? Au unataka ukorofishane na baba yako??"
"halafu mama umenikumbusha hivi baba amelala???"
"Ndiyo mwanangu!"
"shikamoo baba!"
"mbona haongei???"
"hata mimi nashangaa namuona kajikunyata hata haongei"
"hebu mama fungua mlango"
Baada ya muda mchache mama alifungua mlango kisha akapiga hatua za kuelekea kitandani kwake. Nami pia nilifanya hivyo hivyo k**a mama, nikiwa tayari niko ndani ya chumba cha mama ghafla nilimkuta baba kwenye kona ya chumba hicho huku akiwa anatokwa na udenda mithili ya ndondocha jambo lililonifanya nipige kelele,
"Caro, baba anakufa Caro......"
"mama kamgeuza ndondocha"
Nilivyomaliza kuongea hivyo baba alipotea katika eneo lile huku mama akiendelea kunikazia macho wakati akiwa palepale kitandani.
"mwanangu Nadya baba yako kashafariki, mimi ndo nimemuua mwili wake haupo hapa kitandani ule uliokuwa unauona ulikua mzimu wake tu"
"Mama kwanini umemuua baba? Amekukosea nini eeh si nakuuliza si nakuuliza?"
Niliongea kwa uchungu na hasira huku nikiendelea kumtazama mama aliyeonekana kutokuwa na wasiwasi hata kidogo.
"mwanangu Nadya hicho kiherehere chako nitakuondoa duniani we nichefue, nakupa onyo la mwisho. Kaa kimya!"
"Sikai, mama siwezi kukaa kimya kwa kifo cha baba yangu hata siwezi, niue na mimi niue mama"
Mama tayari alikuwa kaishapandwa na hasira bila kuniongelesha kitu chochote kile, aliinua godoro lake kisha akachukua kikopo kidogo cha mafuta na kuanza kukifungua. Ndani ya kijikopo hicho kulikuwa na ungaunga mweusi kabla hajaendelea na kufanya lolote lile alianza kuzungumza.
"mwanangu itabidi uwe mlinzi wa chumba changu, hata panya wadogo wadogo ufanye juhudi nisiwaone kabisa"
Nilimuuliza mama kwa mshangao huku nikifuta machozi kwa kutumia mikono yangu yote miwili.
"mama unamaanisha nini??"
"mwanangu Nadya nakufanya ndondocha maana umenishinda!. Siku nikihitaji kukurudisha katika ubinadamu wa kawaida nitakurudisha, kwa sasa utakuwa unakaa humu. Hakuna ambaye ataweza kukuona tofauti na mimi, pia hautaweza kuongea kitu chochote, mimi tu ndio nina uwezo wa kuongea na wewe"
Baada ya kuwa mama amemaliza kuniambia hivyo, alitoa ungaunga kwenye kijikopo kile, kisha akanipulizia usoni.
"mama nakufa nakufa, Caro nakufa....Caro nakufa...baba nakufa...nakufa...."
Nilitamka maneno yote niliyohisi yatanipa msaada mpaka nikajikuta nabadilika sijitambui, nilishindwa hata kusimama wala kuongea nilichokuwa nakijua ni kuwa mama ni mchawi. Cha ajabu panya alikatisha katika mguu wa mama, nilinyoosha mkono wangu kwa hasira kisha nikamk**ata na kuanza kumtafuna.
Jambo hilo lilimfanya mama aachie kicheko cha dharau….
"hahahahahaha, itakubidi mwanangu uzoee hayo ndiYo maisha, sasa mi natoka kwaheri"
Mama alikuwa anapenda kuongea kwa vitendo hivyo baada ya kumaliza kuongea alifanya k**a alivyosema.
********************
"Hivi huyu mama Nadya anafanya ujinga gani huu, anachotakiwa kutambua ni kuwa mimi sijamuozesha na mwanangu aende kumuua, hamnaga ndoa ya hivyo ataniuliaje mwanangu? Amemkosea niniii??? Lazima nilipize kisasi mizimu ya baba na mababu ahsanteni kwa kunipa taarifa hizo nawashukuru sana mizimu"
***********************
"boss mbona leo Nadya hajaja kazini??"
"sijui labda atakuwa anaumwa, mna taarifa yeyote kuhusu yeye??"
"boss, Nadya ndio secretary na uchapakazi wake unaujua anawakaribisha wageni kutoka nje ya nchi kuja katika kampuni yetu kwa heshima ya hali juu. Itakuwaje hauna taarifa za mtu k**a huyo??"
"Jack mpigie Nadya ili upate kujua kwa nini hajaja kazini!"
"sawa"
Baada ya muda mfupi, Jack ambaye ni mfanyakazi wa kampuni ya VT ya uchapishaji wa vitabu aliamua kumpigia simu Nadya baada ya muda kidogo simu ilianza kuita na kupokelewa.
"Hallow Nandya vipi?"
"Nadya hayupo ametoka nje mi mdogo wake naitwa Caro"
"mpe simu basi"
"haya"
Caro aliamka na kumpelekea simu Nadya bila ya kujua yaliyomkuta, wakati akiwa nje alikutana na mama yake,
"shikamoo mama?"
"marhaba"
"Nadya yuko wapi kuna simu yake inayotoka ofisini"
"leta niongee naye"
"Lakini mama, Nadya yuko wapi ni simu ya muhimu wala haikuhusu wewe k**a kuongea nao mi nishaongea nao”.
*****************
Nikiwa chumbani kwa mama niliendelea kusikia majibizano baina ya Caro na mama hapohapo ndipo nilipokumbuka Caro alivyokuwa akinisihi tusali na mimi nikakumbuka kumbe kuna uwezekano mkubwa wa kumuomba na kumrudia Mungu. Nilifumba macho huku nikipiga magoti kwa majozi makuu na ya hali ya juu ili Mungu aweze kuniokoa katika kifungu kile cha kichawi.
"Mungu, najua nilikukosea, Mungu najua mi nimkosefu muda wote ila wanasema Mungu hamtupi mja wake nadhani hata mimi hivyo hivyo huwezi kunitupa, naweka imani yangu yote kwako, naomba uniokoe katika adhabu hii katika kifungu hiki cha dhambi, ushetani, uchawi na nguvu za giza, Mungu nakutegemea wewe maana wewe nd’o msaada wangu katika maisha yangu, AMEN" Nikiwa nimemaliza maombi ghafla.........
Nilianza kujisikia mwepesi kisha nikasimama k**a kawaida nakuelekea nje. Nikiwa tayari niko nje ya chumba cha mama, nilimkuta mama akiwa anaanika nguo huku mdogo wangu Caro akiwa ameshika kiuno chake akiendelea kuangaza wapi nilipo aniletee simu,
"we Caro nakuambia unipe hiyo simu hutaki ganda nayo sasa tuone k**a utampata huyo Nadya wako"
Mama alimwambia Caro huku akiendelea kuanika nguo. Kabla mama hajaniona Caro aliniita kwa furaha huku moyoni mwangu nikiwa tayari nimeshajenga chuki juu ya mama yangu mzazi jambo lililofanya nikae kimya muda wote huku nikiendelea kufikiria nifanye nini cha kumuua mama ili apotee duniani.
"Dada Nadya, ulikuwa wapi simu yako kutoka ofisini ilikuwa inaita"
Caro alizungumza huku akininyooshea mkono kwa ajili ya kunikabidhi simu, wakati akiwa anaendelea na zoezi lile ghafla mama alianza kutetemeka huku akigeuka kwa kunishangaa na kushindwa kuamini kuwa ni mimi au mzimu wangu.
Mama alitupa ndoo iliyokuwa na baadhi ya nguo zilizokuwa tayari kwa ajili ya kuanikwa kisha akaingia ndani bila ya kuzungumza na mtu yeyote. Kitendo hicho kilimshangaza Caro kisha akaniuliza,
"dada kuna nini kati yako na mama halafu jana niliota ndoto mama amekufanya ndondocha, baada ya hapo Mungu akakusaidia ukatoka kwenye huo undondocha kisha mama akafanya mpango akakuua. Ndoto mbaya dada nilitaka nikuambie asubuhi lakini nikawa na usingizi, nadhani hii ilitokana na kutokusali kwetu"
"Caro unasemaje mimi nikafa mimi, mimi hamna sio kweli"
Nilianza kuongea maneno mengi yasiyokuwa na maana mithili ya mtu aliyeanza kuchanganyikiwa kitendo kile kilimfanya Caro aanze kutoa machozi huku akiendelea kuzungumza.
"Baba, baba amka dada Nadya amechanganyikiwa, mama njoo mama njoo njoo mama Nadya dada yangu dada yangu"
********************
Caro aliendelea kuzidisha kelele hasa pale alipoona Nadya anaanza kutoa mapovu mdomoni na hali hii imeanza kumkumba Nadya baada ya mama yake kuingia ndani na kuanza kumchezea kwa nia ya kummaliza.
Baaada ya kuwa Caro ameona hali ile imezidi kumtawala dada yake aliingia chumbani mwa mama yake kwa fujo na kumkuta mama yake akiwa uchi wa mnyama huku akiwa amewasha mshumaa pia akiendelea kuuzunguka, Caro akiwa amesimama na kushangaa maajabu yale, alianza kusikia maneno aliyokuwa anazungumza mama yake kipindi alichokuwa anazunguka mshumaa,
"Nadya kufa Nadya kufa, kufa nataka nyama yako njoo njoo kuzimu"
Kitendo kile kilimfanya Caro amuulize mama yake huku akihema kwa shida na kushindwa kuamini k**a mama yake ni mchawi tena asiyekuwa na huruma,
"ma..........ma..........kumbe...wewe ni mchawi si ndio mama!!!!! unataka kumuua Nadya kakukosea nini we mama si unijibu nitakuua na mimi, baba njoo tumuue mama anataka kumuua Nandya njoo”.
Caro alianza kuongea kwa ujasiri mkubwa bila ya kujua kuwa baba yake kashafariki, mama yake aliendelea kuwanga k**a kawaida kana kwamba hakusikia mwanae Caro akiongea jambo lolote. Kitendo hicho kilimfanya caro kupiga magoti chini huku akilia kwa uchungu na kumuomba Mungu amwepushe na dhabi atakayoenda kuitenda muda sio mrefu, Caro aliomba kimyakimya bila mtu yeyote kusikia,
"Mungu naomba unisamehe kwa ninachoenda kukifanya"
Baada ya kuwa Caro ameomba kwa muda mfupi alitoka nje na kuelekea jikoni kufuata kisu, alipita nje na kumkuta dada yake Nadya bado akiendelea kushika tumbo huku akilia,
"Caro, mama ni mchawi amemuua baba na wewe atakuua"
taarifa ile iliyotoka kwa Nadya ilimfikia Caro na kumfanya asimame kwa mshangao kisha akadondoka chini na kupoteza fahamu.
*******************
"Mkuu naomba ruhusa niende duniani kuwaokoa wanangu angalia mama yao alivyo mkatili kitendo cha kuambiwa endapo akimaliza familia yake yote atapandishwa cheo hapo ndipo walipokosea maana amekuwa mkatili sana ameniua mimi, na usiponipa ruhusa pia hivyo hivyo atawaua wanangu naomba ruhusu mkuu sitaki watoto wangu waje hapa nilipo najua mateso ya kuzimu ni makali sana ni vipi wanangu watoke kula nyama za ng'ombe huko duniani waje huku waanze kula nyama za binadamu na damu ya binadamu na wakati njia ya kuwaepusha kuja huku ipo, nakuomba mkuu Nadya wangu atakufa, Caro wangu atakufa nakuomba"
"sawa nimekupa ruhusa ila unatakiwa uchague kati ya familia yako nani aje huku kuziba nafasi yako"
"unamaana gani mkuu????"
"we si unaenda duniani unatakiwa uchague mtu kwenye familia yako ambaye atakuja huku ili uweze kuwasaidia wanao, na ukisema aje mke wako haiwezekani mke wako ana nguvu sana na yeye ndiye anayewaleta huku sasa uchague kati ya Nadya na Caro nani aje huku ili wewe uweze kupata nafasi ya kwenda huko duniani kupambana na mama yao kisha ukirudi kuzimu na utakaye kuwa umemchagua na yeye atarudi duniani"
Je, nini kitaendelea...................
KUPATA MUENDELEZO wa HADITHI HII Download App inaitwa Simulizi na Hadithi (Simulizi za Ruhundwa) upate kisa hiki mwanzo hadi mwisho. Ipo kwenye za kusoma.
Unaweza kuwasiliana nami WhatsApp 0713 338 355 nikupatie link ya APP
