03/03/2023
Toos ula xidhiidh
Waxa laga yaabaa yaraantaadii marka aad maqasho siirada Nebiga Scw in aad jaman jirtay oo aad is odhan jirtay “Tolow maan noolaado waqtigaas oo aan ka mid noqdo saxaabadii Nebiga Scw ee la noolaa lana xidhiidhi jiray xabiibkeenna Scw”.
Jaaniska cajiibka ah ee Ilaahay innoogu deeqay ayaa ah in aynu awood u leennahay in aynu Nebi Muxammad Scw toos ula xidhiidhno. Waxa ka sugan Nebiga Scw inuu yidhi “Ma jiro qof igu salliya, isoo salaama oo iisoo duceeya illaa Ilaahay ruuxda ayuu igu soo celiya oo salaanta iyo ducadaas ayaan uga jawaabaa”.
Waa jaanis cajiib ah in salligaagu toos u gaadhayo Nebiga Scw, magacaaga ayaa salligaagu ku gaadhayaa, Nebiguna Scw wuu kuu jawaabayaa oo toos ayuu kaaga qaadayaa salaanta iyo ducada.
Carrabkaagu yaanu ka daalin Salliga Nebiga Scw, gaar ahaan maanta oo Jimce ah.
اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ
