19/09/2023
*محکمہ تعمیرات عامہ گلگت بلتستان*
*پریس ریلیز/ شعبہ ابلاغ و تعلقات عامہ ورکس*
*مورخہ 19 ستمبر 2023*
گلگت۔
نئے سیکریٹری تعمیرات عامہ گلگت بلتستان سبطین احمد نے اپنے عہدے کا باقاعدہ چارج سنبھال لیا ۔ محکمے کے افسران کے ساتھ تعارفی نشست اور محکمانہ بریفننگ کے موقع پر سیکرٹری تعمیرات عامہ ( جی بی ) کو ادارے کے ڈھانچے اور دیگر امور کے علاوہ گلگت بلتستان کے مختلف علاقوں میں جاری تعلیم ، صحت ، روڈ ، بریج (انفسٹکچرز) اور خاص طورپر شاہراہوں ، سڑکوں اور عمارتوں کی بحالی و مرمت سمیت سکیموں کے بقایہ جات کی ادائیگیوں ، آفسران اور دیگر محکمانہ امور کے بارے میں آگاہ کیا گیا ۔
مزید برآں بریفننگ میں اب تک کئے گئے اقدامات اور درپیش مسائل پر نئے سیکریٹری تعمیرات عامہ کو آگاہ کیا ۔
اس موقع پر ایڈیشنل سیکریٹری ورکس ، ڈپٹی سیکریٹری ورکس ، فنانس آفیسر ، سیکشن آفیسران ، سمیت دیگر حکام بھی موجود تھے ۔
اس وقت محکمہ تعمیرات کی زیر نگرانی عوامی فلاح وبہبود کے کئی ایک منصوبوں پر اعلی معیار کو یقینی بناتے ہوئے کام تیزی سے جاری ہے جبکہ محکمہ تعمیرات عامہ اب بھی 50 سے زائد دوسرے سرکاری اداروں کی عمارات کے منصوبوں پر کام کر رہا ہے ۔
ادارہ انتہائی اہمیت کا حامل ہے،محکمے کی کارکردگی کو جدید خطوط پر مزید بہتر بنایا جائے گا۔اس موقع پر سیکریٹری ورکس نے ادارے کی کارکردگی کو سراہتے ہوئے کہا کہ محکمہ تعمیرات عامہ کی استعداد کار اسکو مزید بڑھانے کیلئے اقدامات کئیے جائیں گے ۔
سیکرٹری تعمیرات عامہ گلگت بلتستان نے اس عزم کا اظہار کیا کہ ٹیم ورک اور مربوط منصوبہ بندی کو بروئے کار لاکر محکمہ تعمیرات عامہ کی کارکردگی کو مزید بہتر بنایا جائے گا
محکمہ کو نئے خطوط پر استوار کرنے کیلئے تمام تر وسائل کو بروئے کار لائیں گے اور محکمہ کی کارکردگی کو اجاگر کرنے سمیت علاقے کی ترقی اور خطے کے کی فلاح وبہبود کے لئے خصوصی اقدامات بروئے کار لائیں گے انہون نے محکمانہ سیکیموں کو بروقت مکمل کرنے کے احکامات جاری کر تے ہوئے کہا کہ محکمانہ منصوبوں میں کسی بھی قسم کی تاخیر و سستی نہیں ہونی چاہئے انہوں نے مزید کہا کہ ادارے کے ملازمین جس جانفشانی کے ساتھ اپنے فرائض منصبی کو بجا لارہے ہیں جو کہ خوش آئند بات ہے۔
محکمہ تعمیرات عامہ میرٹ پر کام دیں اور کام کے معیار کو یقینی بنائیں۔ غیرمعیار کام کسی صورت برداشت نہیں کیا جائے گا۔ محکمہ تعمیرات کام کے دوران محکمے کے آفیسر کی موجودگی یقینی بنائیں۔ غیر معیاری کام کی صور ت میں محکمے کے متعلقہ آفیسران اور ٹھیکیداروں کیخلاف بغیر کسی رعایت کے سخت کارروائی کی جائے گی
سیکرٹری ورکس کی طرف سے ہدایات جاری کی گئی ہیں
کہ وہ اپنے کارکردگی کو بہتر سے بہتر بنائیں اور محکموں میں شفافیت اور عوام دوست پالیسیوں پر کام کیا جائے تا کہ لوگوں کو زیادہ سے زیادہ مستفید کیا جا سکے اور صوبے میں میرٹ کی بالادستی ہوں۔ اس کے ساتھ ساتھ محمکہ تعمیرات کی استعداد کار بڑھانے،کرپشن کی بیخ کنی،اقربا پروری کی حوصلہ شکنی اور شفافیت کو یقینی بنانے کے لئے مختلف اقدامات اٹھائے گئے ۔