08/06/2024
ہارون آباد
تمام محکمے وزیر اعلیٰ پنجاب کے ویژن کے مطابق ان ایشوز پر عملدرآمد کرکے گورننس کو بہتر بنائیں عوامی خدمت مشن کے تحت تمام محکمے متحرک ہو کر کام کریں شہری اور دیہی علاقوں میں صفائی ستھرائی نمایاں نظر آنی چاہیے تجاوزات اور وال چاکنگ کو ختم کرانے کا سلسلہ جاری رکھیں غیر فعال سڑیٹ لائٹس فنگشنل ہونی چاہئیں مین ہولز کور اور سیوریج لائنیں صاف ہونی چاہئیں عوام کو پینے کے صاف پانی کی فراہمی کیلئے فلٹریشن پلانٹ کے فلٹرز بروقت تبدیل کئے جائیں
ان خیالات کا اظہار اسسٹنٹ کمشنر محمد کفایت اللہ نے اعلی سطحی اجلاس کی صدارت کرتے ہوئے کیا
اسسٹنٹ کمشنر نے کہا اگر کسی میٹل روڈ پر گڑھے ہوں تو فوری پیچ لگائیں اور ستھرا پنجاب پروگرام سرگرمیوں میں مزید تیزی لائی جائے روٹی اور نان کی نوٹیفائیڈ قیمتوں پر عملدرآمد کیلئے زیادہ سے زیادہ انسپکشنز کیں جائیں خلاف ورزی پر تندور اور ہوٹلز مالکان کو جرمانے کئے جائیں انہوں نے کہا کہ عوام کو معیاری اشیاء خورونوش کی فراہمی اولین ترجیح ہے جس کیلئے ملاوٹ شدہ اشیاء خورونوش فروخت کرنیوالوں کے گرد شکنجہ سخت کیا جائے
محمد کفایت اللہ نے کہا وزیر اعلیٰ پنجاب مریم نواز شریف کی ہدایت کے مطابق تحصیل انتظامیہ تحصیل بھر میں پلاسٹک کی ایک بار استعمال ہونے والی اشیاء 75 مائیکرون سے کم موٹائی 12x16 انچ سے کم سائز کے پلاسٹک بیگ،پلاسٹک سٹکس والی ائیر بڈذ، غباروں والی پلاسٹک سٹکس ،پلاسٹک کے جھنڈے، پلاسٹک کینڈی سٹکس، پلاسٹک آئس کریم سٹکس، پولی سٹائین ڈسپوزیبل کپ ،گلاس، پلیٹیں اور فوڈ باکسر (سائرو فوم)، مٹھائی کے ڈبوں پر پلاسٹک ریپنگ،پلاسٹک کارڈز، پلاسٹک سگریٹ پیکٹ،40 مائیکرون سے کم ملٹی لیئر پیکنگ (کھانے، ادویات کے لئے استثناء) اور 80 مائیکرون سے کم پلاسٹک یا پی وی سی بینرز، ان کی پیداوار اور استعمال پر مکمل پابندی یقینی بنائے گی۔انہوں نے کہا کہ عوام پلاسٹک سے بنی اشیائ کا استعمال ہر گز نہ کریں یہ موذی امراض کے ساتھ ماحولیاتی آلودگی کا باعث ہیں۔