https://www.facebook.com/108572270980267/

UCSY Students' Guide, Yangon (2024)

06/11/2023

၂၀၂၃ ခုနှစ်အတွက် ရန်ကုန်ကွန်ပျူတာတက္ကသိုလ်ဝင်ခွင့်ရ ကျောင်းသူကျောင်းသားများစာရင်း ထွက်ရှိပါပြီ။

ဝင်ခွင့်ရဦးရေပေါင်း - ၃၅၁ ဦး
အမြင့်ဆုံးအမှတ် - ၅၃၆ မှတ်
အနိမ့်ဆုံးအမှတ် - ၄၀၇ မှတ်

Congratulations and welcome to UCSY, our new juniors!

16/09/2023

ရန်ကုန်ကွန်ပျူတာတက္ကသိုလ်နဲ့ သတင်းအချက်အလက်နည်းပညာတက္ကသိုလ်တို့ရဲ့ သမိုင်းကြောင်း အကျဉ်းချုပ်ကို စုစည်းတင်ဆက်ပေးလိုက်ပါတယ်။

အောက်ကတစ်ပုံချင်းစီမှာ ဖတ်ရှုနိုင်ပါတယ်။

10/09/2023

“It’s Just The Beginning” — UCSY Promo Video 2023

Disclaimer: This video is entirely original and does not incorporate any third-party content. All elements within this video are the sole creation of the author and are not derived from any other source.

2023 ခုနှစ်မှာ တက္ကသိုလ်ဝင်စာမေးပွဲကို ဖြေဆိုအောင်မြင်ပြီးလို့ တက္ကသိုလ်လျှောက်ကြတော့မယ့် ညီငယ်ညီမငယ်လေးတွေထဲက ကွန်ပျူတာသိပ္ပံ၊ ကွန်ပျူတာနည်းပညာ၊ သတင်းအချက်အလက်နည်းပညာရပ်တွေကို လေ့လာလိုသူတွေအတွက် အကိုတို့၊ အမတို့ရဲ့ ရန်ကုန်ကွန်ပျူတာတက္ကသိုလ်ကနေ လှိုက်လှဲစွာ ကြိုဆိုလိုက်ပါတယ်။ ဒီ video လေးမှာတော့ UCSY ရဲ့ ထူးခြားချက်လေးတွေ၊ ထူးခြားတဲ့ event တွေ၊ activity လုပ်ခဲ့တာတွေကို စုစည်းတင်ဆက်ပေးလိုက်ပါတယ်။

Make your innovative spirit empowered. Come join us. Come join our UCSY family.

25/08/2023

၂၀၂၃ ခုနှစ်အတွက် ရန်ကုန်ကွန်ပျူတာတက္ကသိုလ်ဝင်ခွင့်သတ်မှတ်ချက်
=================

- Bio သို့မဟုတ် Eco တွဲ

- ဘာသာစုံရမှတ်ပေါင်း ၄၅၀ နှင့်အထက် (သို့မဟုတ်) အင်္ဂလိပ်နှင့် သင်္ချာရမှတ်ပေါင်း ၁၄၀ နှင့်အထက်

- လက်ခံမည့် ဦးရေ - ၅၀၀ ဦး

02/11/2022

ရန်ကုန်ကွန်ပျူတာတက္ကသိုလ်ဝင်ခွင့်ရရှိသူများ (၂၀၂၂)
============
ဝင်ခွင့်ရဦးရေ - ၁၁၁ ဦး
အနိမ့်ဆုံးအမှတ် - ၄၁၇

ကျန်နည်းပညာ၊ ကွန်ပျူတာတက္ကသိုလ် ဝင်ခွင့်တွေကို အောက်ပါလင့်ခ်ထဲမှာ ဝင်ကြည့်နိုင်ပါတယ်။
http://dast.edu.mm/?p=312

30/08/2022

ယခု ၂၀၂၂ ခုနှစ် ရန်ကုန်ကွန်ပျူတာတက္ကသိုလ် ဝင်ခွင့်လျှောက်ထားလိုသူများအတွက်
===================

အမှတ်သတ်မှတ်ချက် - သိပ္ပံတွဲ နှင့်ဝိပ္ပံတွဲ ဘာသာစုံ စုစုပေါင်းရမှတ် ၄၅၀ နှင့်အထက် (သို့မဟုတ်) အင်္ဂလိပ်နှင့်သင်္ချာနှစ်ဘာသာပေါင်းရမှတ် ၁၄၀ နှင့်အထက်

ဝင်ခွင့်ပြုမည့်အများဆုံးလူဦးရေ - ၅၀၀ ဦး

30/07/2021

ရန်ကုန်ကွန်ပျူတာတက္ကသိုလ်၏ ပါမောက္ခချုပ်ဖြစ်သူ ဒေါက်တာဒေါ်မီမီသက်သွင်သည် ယနေ့နံနက်တွင် ကူးစက်မြန် Covid 19 ရောဂါဖြင့် ဘဝတစ်ပါးသို့ ကူးပြောင်းသွားသောကြောင့် ကျွန်ုပ်တို့အနေနှင့် အလွန်ဝမ်းနည်းကြေကွဲရပါသည်။

ရန်ကုန်ကွန်ပျူတာတက္ကသိုလ်ရှိ ကျောင်းသားကျောင်းသူများ၏အရေးကို အထူးလေးပေးကာ တက္ကသိုလ်ကြီးစဉ်ဆက်မပြတ် ဖွံ့ဖြိုးတိုးတက်ရန် စွမ်းစွမ်းတမံ ဆောင်ရွက်ခဲ့သူဖြစ်၍ ကျွန်ုပ်တို့၏ဆုံးရှုံးမှု အလွန်ကြီးမားလှပါသည်။

တီချယ်ကြီး ကောင်းရာဘုံဘဝသို့ရောက်ပါစေ။

စီမံခန့်ခွဲရေးအဖွဲ့၊
ရန်ကုန်ကွန်ပျူတာတက္ကသိုလ် ကျောင်းသားများလမ်းညွှန်။

15/07/2021

**Microsoft အကြောင်း လေ့လာစရာ**

ယခုတစ်ခေါက် ရေးထားတဲ့အကြောင်းကတော့ Microsoft windows တွေထဲကမှ အသုံးများခဲ့တဲ့တချို့ windows တွေရဲ့ အကြောင်းပါဗျ။
Early Version of windows တွေ ထဲက အသုံးများတဲ့ Windows တွေကို 2ပိုင်းခွဲပြီးဖော်ပြပေးသွားပါမယ်။
[ Part=1]
1980s မှာ Microsoft ကိုBill Gate က
🔹MS-DOS (Microsoft's existing disk operating system) နဲ့ ပထမဆုံး စတင်မိတ်ဆက်ခဲ့ပါတယ်။
MS-DOS မှာအသုံးပြုလို့လွယ်တဲ့ GUI(Graphical user Interface) ပါဝင်ခဲ့ပြီးတော့ Desktop အတွက် Common operating system တစ်ခုဖြစ်လာခဲ့ပါတယ်။
🗃️ပါဝင်တဲ့ features တွေကတော့
-electronic folders and files
- the click of a mouse button
-directory paths at a text prompt
တို့ ဘဲဖြစ်ပါတယ်။

🔹windows 95,98 & ME (Millennium Edition) တွေကို Home and Business မှာ အသုံးများခဲ့ပါတယ်။

🔹Windows XP
2001 မှာစတင်မိတ်ဆက်ခဲ့ပြီးတော့ ပိုမိုဆန်းသစ်လာတဲ့ features တွေကိုအသုံးပြုခဲ့ကြပါတယ်။
Window XP tablet (PC edition-special pen နဲ့အသုံးပြုနိုင်) မှ business အတွက် notebook computers ကိုလည်းထုတ်လုပ်ခဲ့တဲ့အပြင်
Developing Countries တွေအတွက် Windows Starter Edition နဲ့
Windows XP home edition ကို typical home users တွေအတွက် လည်းထုတ်လုပ်ခဲ့ပါသေးတယ်။
XP professional Edition ကိုတော့ business အတွက်ပါထုတ် ခဲ့ပါတယ်။
🗃️အရင်ထက်ပြောင်းလဲလာတာတွေကတော့
-Driver နဲ့ hard ware ပိုင်းမှာ ပိုပြီးတိုးတက်လာတဲ့အပြင်
-instant messaging
-Shopping managers
-Music video
-Photography manager တို့အထိပါအသုံးပြုနိုင်ခဲ့တာကိုတွေ့ရမှာပါ။

🔹နောက်ထပ်ပြောပြပေးမှာကတော့Windows XP ရဲ့ premium version တစ်ခုပါဗျ။
(Windows XP media Center edition 2005)
2004 နောက်ပိုင်းမှာမိတ်ဆက်ခဲ့ပြီးတော့ business users တွေအတွက် အတော်လေးအသုံးဝင်ခဲ့ပါတယ်။
🗃️တစ်ဆင့်ပြောင်းလဲလာတဲ့ features တွေက တော့
-DVD burning
- HDTV (High_Defination television 📺)
-TV tuners, cable TV, satellite TV (support ပေး)
-Wireless connect to five TVs
-Music, picture
-Video and live television
-Remote control နှင့် တခြားသော multimedia equipments များအထိပါရနိုင်လာခဲ့ပါတယ် ။

🔹Windows Vista
2007 မှာ စတင်မိတ် ဆက်ခဲ့ scratch ကနေပြန်တည်ဆောက်ထားပါတယ်။
🗃️ပြောင်းလဲလာတဲ့ features တွေကတော့
-Dazzling interface
-Glitzier graphics
-Improved security tools တို့ပါဝင်လာခဲ့ပါတယ်။
‌Windows အသစ်ပြောင်းလိုက်ပေမဲ့လည်း Issues တွေရှိလာခဲ့ပါတယ်။ Office suite, some printers, digital cameras နဲ့တခြားသော devices တွေအတွက် အရင်ထက်ပိုများတဲ့ computer power လိုအပ်တာကြောင့်ပဲဖြစ်ပါတယ် ။

🔹Windows 7(or windows 2009)
Vista ရဲ့အဆင်မပြေမှုကြောင့် windows 7 ကို 2009s မှာစတင်မိတ်ဆက်ခဲ့ပါတယ်။
Windows 7 ရဲ့ versions တွေကတော့
- Starter
- Home Basic
- Home premium
- Professional
- Enterprise (for multi-business)
- Ultimate (for business) တို့ ဖြစ်ပါတယ်။

အခုလိုတစ်ဆင့်ပြီးတစ်ဆင့်တိုးတက်လာခဲ့ပြီး ခုနှစ်အလိုက် Windows အသစ်တွေ ထွက်လာခဲ့သည်မှာ ယခု2021 မှာဆိုရင် [Windows 8, Windows 8.1 to Windows 11] အထိ ထွက်ခဲ့ပြီးပြီဖြစ်ပါတယ်။
တခြားသော အသုံးများ တဲ့ Windows တွေ ကို [Part=2] မှာ ဆက်လက်ဖော် ပြသွားပါမယ် ဗျ။

Microsoft Windows နဲ့ပတ်သတ်ပြီး အသေးစိတ်သိချင်တာတွေရှိရင်တော့ အောက်ပါ website မှာ ဖတ်ရှု့လို့ရပါတယ်ဗျ ။

https://en.m.wikipedia.org/wiki/List_of_Microsoft_Windows_versions

Operating systems တွေရဲ့ list တွေကို ဖတ်ရှုလို့ရပါတယ်။
https://en.m.wikipedia.org/wiki/List_of_Microsoft_operating_systems

13/07/2021

Device Driver ဆိုတာဘာလဲ?

Driver ဆိုတာ Hardware နဲ့ Operating System ကြားအပြန်အလှန် ချိတ်ဆက်လုပ်ဆောင်ပေးတဲ့ Software Program လေးပဲဖြစ်ပါတယ်။

Driver ရဲ့အလုပ်လုပ်ပုံကတော့ Driver ဟာတံတားတစ်စင်းလိုပါပဲ။ User က Hardware Device ကို ခိုင်းချင်ရင်ပဲဖြစ်ဖြစ် Hardware Device က User ကို အဖြေပြန်ပေးချင်တာပဲဖြစ်ဖြစ် Driver က သူတို့နှစ်ဦးကို တံတားတစ်စင်းကဲ့သို့ အပြန်အလှန်ပို့ဆောင်ဆက်သွယ်ပေးပါတယ်။ တစ်နည်းအားဖြင့် User အနေနဲ့ မိမိအသုံးပြုချင်တဲ့ Software နှင့် Hardware Device နှစ်ခုကို အချင်းချင်းအပြန်အလှန်သိရှိစေရန်အတွက် Operating System မှတစ်ဆင့် Driver ကကူညီချိတ်ဆက်ပေးပါတယ်။

ဥပမာအနေနဲ့ မြင်သာအောင်ပြရရင် Printer ပဲဖြစ်ပါတယ်။ Printer ဆိုတဲ့ Hardware Device ချည်းပဲသုံးရုံနဲ့ မိမိ Print ထုတ်ချင်တဲ့စာရွက်စာတမ်းတွေထုတ်လို့မရပါဘူး။ ဒါကြောင့် Printer နဲ့ Computer ကိုချိတ်ဆက်နိုင်ဖို့အတွက် Driver ဆိုတဲ့အရာ လိုအပ်ပါတယ်။

ထို့နည်းတူစွာပဲ Driver ထည့်သွင်းဖို့လိုအပ်တဲ့အရာတွေလည်းအများကြီးရှိပါသေးတယ်။ အဲ့ဒါတွေကတော့
Graphic cards
Modems
Network cards
Sound cards စတာတွေပဲဖြစ်ပါတယ်။

အလားတူပဲ Driver ထည့်သွင်းဖို့မလိုအပ်ဘဲ အသုံးပြုလို့ရတဲ့ အရာတွေလည်းအများကြီးရှိပါတယ်။
Processors
RAMs
Compact disc (CD)
Digital versatile disc (DVD) drives (including player and burner)
Mouse
Keyboard
Integrated video cards
PC speaker (Computer တွင်ပါ၀င်ပြီးသား Speaker)
Floppy drives
Hard drives
USB flash drives
USB webcams
USB sound cards
USB hubs (USB port တစ်ခုထက်ပိုသုံးလို့ရ‌တဲ့ Device) စတာတွေဟာ Driver ထည့်သွင်းစရာမလိုပဲ ဒီအတိုင်း Ready သုံးလို့ရတဲ့အရာတွေပါ။

သတိထားရမယ့်တစ်ချက်ကတော့ မတူညီသော Operating System တွေမှာ မတူညီတဲ့ Drivers တွေလိုအပ်ပါတယ်။ ဥပမာပြောရရင် macOS အတွက်ရေးထားတဲ့ Driver ကို Microsoft Windows မှာ အသုံးပြုလို့မရပါဘူး။

အခုနောက်ပိုင်း window (10) တွေမှာ driver တွေထည့်သွင်းစရာမလိုတော့ပါဘူး။ လိုအပ်မှသာလျှင် Driver တွေကိုထည့်သွင်း အသုံးပြုရတာတွေပဲရှိပါတော့မယ်...

12/07/2021

Oxygen tank ကို မဖြစ်မနေရှူဖို့ မလိုအပ်လာခင် အသက်ရှူလေ့ကျင့်ခန်းကို အားတိုင်းလုပ်ထားကြပါ။

အရမ်းလွယ်ပါတယ်။

၁) အသက်ကို ပြင်းပြင်းရှူသွင်းလိုက်ပြီး ၅ စက္ကန့်လောက် အောင့်ထားလိုက်ပါ

၂) ၅ စက္ကန့်အသက်အောင့်ပြီးတဲ့နောက် လေကို ၇ စက္ကန့်ကြာအောင် ဖြည်းဖြည်းချင်း ပြန်ရှူထုတ်ပါ။

မယုံရင် oximeter ကိုလက်မှာညှပ်ပြီး စမ်းကြည့်ပါ။ သွေးတွင်း oxygen level သိသိသာသာတက်လာပါလိမ့်မယ်။

(ပြန်လည်မျှဝေခြင်းဖြင့် အသက်ကယ်ပါ 🙏)

လက်တွေ့သရုပ်ပြ - https://m.facebook.com/story.php?story_fbid=537849254025313&id=100034007298862

12/07/2021

ဒီတစ်ပတ်မှာပြောပြပေးချင်တဲ့အကြောင်းအရာကတော့ Operating Systems (OS) အကြောင်းပဲဖြစ်ပါတယ်။

🍓🍓Operation Systems ဆိုတာဘာလဲ?

ကွန်ပျူတာမှာHardware and Software အပိုင်း(၂)ပိုင်းပါရှိပါတယ်၊Operating Systems က ကွန်ပျူတာ ရဲ့ Software ပိုင်းမှာပါရှိပါတယ်၊
Software မှာ Application Software ရှိတယ်၊System Software ရှိတယ်၊ OS က System Software ဖြစ်ပါတယ်၊OS ရဲ့အလုပ်ကကွန်ပျူတာပါရှိတဲ့ Hard-wares နဲ့ ၊Soft-wares အားလုံးကို စီမံကွပ်ကဲထိန်းချုပ်လုပ်ဆောင်နိုင်ပါတယ်၊ ကွန်ပျူတာရဲ့ Operation တစ်ခုလုံးလည်ပတ်အောင်လုပ်ဆောင်ပေးတာလည်း OS ဖြစ်ပါတယ်၊ ကွန်ပျူတာမှာ OS ထည့်မထားရင်အလုပ်လုပ်လို့မရပါဘူး၊ ကွန်ပျူတာအသုံးချမယ်ဆိုရင် မရှိမဖြစ်ထည့်ပေးရမှာက OS ဘဲဖြစ်ပါတယ်၊

🌞🌞OS မရှိမဖြစ်ဘာကြောင့်လိုအပ်တာလဲ?

ကွန်ပျူတာကိုပါ၀ါဖွင့်ရင် ပထမဆုံးပေါ်လာမှာ Window ပါ Window ဆိုတာ(OS)အမျိုးအစားတစ်ခုဖြစ်ပါတယ် ၊ Window တက်ပြီဆိုရင် ကွန်ပျူတာ ကိုအလုပ်တွေခိုင်းမယ်၊ ဥပမာ စာရိုက်လေ့ကျင့်မယ်ဆိုကြပါစို့ စာရိုက်လို့ရနိုင်မယ့် application software ရှိရမယ်၊ Keyboard ပါရမယ်၊ Mouseပါမယ်၊ အသုံးပြုသူ User ပါမယ်၊ User ကပထမဆုံး စာမရိုက်ခင်မှာ Mouse ကိုအသုံးပြုပြီး စာရိုက်လေ့ကျင့်ရမယ့် apps ကိုဖွင့်ရမယ်အဲလိုဖွင့်တဲ့အခါမှာ Mouse ကနေကလစ်နှိပ်လိုက်မယ်၊ အဲလိုနှိပ်လိုက်တဲ့အခါမှာ Application Software က တစ်ခါထဲဖွင့်မရပါဘူး၊ကြားမှာလုပ်ဆောင်ပေးရတာက OS ပါ။

🍓🍓ကွန်ပျူတာနားလည်တဲ့ဘာသာစကားက (01 )ပါ။ User နားလည်တာက(GUI)ပါ ( Graphic User Interface) ရုပ်ပုံစာတွေကိုဆိုလိုတာဖြစ်ပါတယ်၊ Application Software ကိုဖွင့်လိုက်ရင် ရုပ်ပုံစာတွေမြင်ရပါတယ်။အဲဒါက User နားလည်အောင် OS ကလုပ်ဆောင်ပေးတာပါ၊

🎈🎈OS က User နားလည်တဲ့ဘာသာစကားကိုလည်းပြောင်းပေးနိုင်သလို ကွန်ပျူတာ နားလည်တဲ့ (01) ကိုပြောင်းပေးနိုင်ပါတယ်၊ အဲဒါကြောင့်ကွန်ပျူတာမှာအဓိကမရှိမဖြစ်ထည့်ရမှာက OS ဖြစ်ပါတယ်၊ (OS) ပါမှအလုပ်လုပ်လို့ရမှာဖြစ်ပါတယ်၊

ဒါတင်ဘယ်ကမလည်း ကွန်ပျူတာမှာတခြား devices တစ်ခုခုချိတ်ဆက်တဲ့အခါ ကြားမှာ drivers ထည့်ပေးရပါတယ်။အဲဒီအခါမှ ကွန်ပျူတာက devices ကိုသိမှာပါ၊ သိမှအသုံးပြုလို့ရမှာဖြစ်ပါတယ်၊ Drivers ထည့်ရခြင်းအကြောင်းမှာ Operating System နဲ့ Devices ချိတ်ဆက်ပေးတာဖြစ်ပါတယ်။ OS သိရင် ကွန်ပျူတာ နဲ့အလုပ်လုပ်လို့ရပါတယ်၊

🌞🌞ဥပမာပြောရမယ်ဆိုရင် ကွန်ပျူတာမှစာရွက်ကိုအပြင်ကိုထုတ်မယ်ဆိုရင် Printer နှင့် ကွန်ပျူတာ ချိတ်ဆက်ရပါတယ်၊ Printer ကြိုးက ကွန်ပျူတာ မှာတပ်ဆင်ထားပေမယ့် ကွန်ပျူတာပေါ်မှာ Printer ကိုမတွေ့ရသေးပါဘူး။ ဘာလို့လည်းဆိုတော့ OS ကမသိသေးလို့ပါ OS သိအောင် Driver ထည့်ပေးရပါတယ်၊ OS က Printer ကိုသိရင် ကွန်ပျူတာကနေ စာရွက်ထုတ်လို့ရနိုင်ပါသည်၊

🌞🌞ကွန်ပျူတာ၀ယ်ရင်(OS) ကို တစ်ခါထဲ build-in ထည့်ထားပါတယ်၊ပြောင်းသုံးချင်လည်းသုံးနိုင်ပါတယ်၊OS အမျိုးအစားတွေအများကြီးရှိပါတယ်။ မိမိကွန်ပျူတာနှင့်ကိုက်ညီမည့်ဟာကို ပြောင်းသုံးလို့ရနိုင်ပါတယ်။

🎈🎈အခုနောက်ပိုင်းကွန်ပျူတာနည်းပညာကိုအသုံးပြုပြီးထုတ်လုပ်ထားသော devices တွေရှိပါတယ်။ Phone, Tablet, Apples Watch, Game Consoles စတဲ့ devices တွေမှာ OS ကမရှိမဖြစ်ပါရမှာဖြစ်ပါတယ်၊ ကွန်ပျူတာ မှာအသုံးအများဆုံး OS အမျိုးအစားတွေကတော့ Windows, OS X, Linux တို့ဖြစ်ပါတယ်၊ Mobile devices တွေမှာအသုံးအများဆုံး OS တွေကတော့ Android, iOS, တို့ဖြစ်ပါတယ်၊

🙋 OS ထုတ်လုပ်သောကုမ္ပဏီတွေကတော့
Microsoft, Apple, Google စသည်တို့ဖြစ်ပါတယ်။

စာဖတ်သူအားလုံးကိုကျေးဇူးတင်ပါတယ်၊
ဆက်လက်ကြိုးစားသွားပါအုံးမယ်ရှင့်😊😊😊

10/07/2021

အလုပ်အကိုင်အခွင့်အလမ်းများ

ကျွန်တော်တို့တွေဟာနည်းပညာနောက်ကိုအချိန်နှင့်အမျှလိုက်နေကြရပါတယ်။ ဘာကြောင့် နည်းပညာနောက်ကိုလိုက်ရတာလဲ ဆိုတော့ နည်းပညာဟာဆိုရင် လူတွေရဲ့ အချိန်ကုန်တာတွေ၊ ပင်ပန်းမှုတွေ အစရှိသဖြင့် မလိုအပ်တဲ့ အသုံးမဝင်မှုတွေကို လျော့ကျအောင် လုပ်ဆောင်နိုင်တာကြောင့်ပဲ ဖြစ်ပါတယ်။ ဒါကြောင့် နည်းပညာတိုးတက်လာတာနဲ့အမျှ Internetတွေ၊ လူတွေအတွက် အသုံးဝင်တဲ့ portable device တွေဖြစ်တဲ့ Mobile phone, Tablet, iPad, Laptop အစရှိတဲ့ စက်ကိရိယာတွေကို တွင်တွင်ကျယ်ကျယ်နဲ့ အကျိုးရှိရှိ အသုံးပြုလာကြပါတယ်။

ဘာကြောင့်ဒီလို devicesတွေကို အသုံးများလာရတာဲဆိုရင်တော့ဖြင့် လူတွေဟာ စီးပွါးရေးလုပ်ငန်းများအတွက် စာရင်းဇယားတွေလုပ်ဆောင်ရာတွင် စာအုပ်၁၀အုပ်ကို သယ်ရမယ့်နေရာမှာ သယ်စရာမလိုအပ်တော့ဘဲ Laptop တစ်ခုတည်းကို အသုံးပြုကာ အဆင်ပြေချောမွေ့စွာ လုပ်ငန်းကိစ္စများကိုဆောင်ရွက်နိုင်ကြလို့ ပဲဖြစ်ပါတယ်။ Laptop အသုံးပြုလိုက်ခြင်းအားဖြင့် အချိန်ကုန်တာတွေ လူပင်ပန်းတာတွေကို ‌‌‌လျော့ကျအောင်နည်းပညာကို အကျိုးရှိစွာ အသုံးပြုလာကြတာဘဲဖြစ်ပါတယ်။

ဒီလိုလက်တွေ့ကျတဲ့ အသုံးဝင်မှုကို တခြားဘယ်လိုနေရာမှာသိသာစွာတွေ့နိုင်သလဲ ဆိုရင်တော့ အရင်အချိန်တွေတုန်းက ကျွန်တော်တို့တွေဟာ English စာလုံးများကို ဘာသာပြန်ရန်အတွက် Dictionary စာအုပ်ကို နေရာတကာသယ်သွားကြရတဲ့အစား ယခုအခါမှာတော့ မိမိတို့ရဲ့ Mobile phone တွေမှာ Dictionary Application တွေကို ထည့်သွင်းကာ လွယ်ကူလျင်မြန်စွာအသုံးပြုနိုင်လာခြင်းဖြင့် သိရှိနိုင်ပါတယ်။

ဒါတွေအပြင် ယနေ့ခေတ်မှာ လုပ်ငန်းအများစုဟာ Paper- based system ကနေComputer-based system ကို ပြောင်းလဲအသုံးပြုလာတဲ့အတွက် ကွန်ပျူတာနှင့်ပတ်သက်သော အခြေခံအသိပညာများကို သိရှိတတ်ကျွမ်းထားရန် လိုအပ်လာပါတယ်။ Paper-based systemကနေComputer- based systemကို ဘာလို့ပြောင်းလဲအသုံးပြုလာကြတာလဲဆိုရင်တော့ မလိုအပ်သောအချိန်ကုန်ဆုံးမှုတွေကို လျော့ကျစေရန်နဲ့အလုပ်များမြန်ဆန်စွာပြီးမြောက်စေရန်အတွက်ပဲဖြစ်ပါတယ်။

◼ အလုပ်အကိုင်အများစုမှာ ဘာလို့ ကွန်ပျူတာအခြေခံလိုအပ်တာလဲ?

အလုပ်အတွက်အရေးကြီးတဲ့ စာရင်းဇယားတွေကို စာရွက်စာတမ်းနဲ့သိမ်းတာထက် Computer နဲ့သိမ်းတာက ပိုပြီးတော့ လုံခြုံစိတ်ချရစေနိုင်ပါတယ်။ ဒါ့အပြင် စာရွက်များအသုံးမပြုခြင်းဖြင့် သဘာဝပတ်ဝန်းကျင်ကို ထိန်းသိမ်းရာရောက်သလို တစ်ဖက်မှာလည်းအလုပ်တွေကို မြန်မြန်ဆန်ဆန်နဲ့ လုပ်ဆောင်နိုင်မှာ ဖြစ်ပါတယ်။ နောက်တစ်ချက်ကတော့ ကွန်ပျူတာကိုအသုံးပြုခြင်းဖြင့် မိမိတို့ရဲ့ProjectတွေDocumentတွေအစရှိတဲ့ fileတွေကို အလွယ်တကူ Online နဲ့ချိတ်ဆက်ပြီးတော့ sharing/collaboration ပြုလုပ်လို့ရမှာဘဲဖြစ်ပါတယ်။ ဒါ့အပြင် Mini martများကအစပြုကာ Shopping Centerများအဆုံး ဝယ်ယူထားသောပစ္စည်းများကို ငွေရှင်းကောင်တာများတွင် ရှင်းလင်းပေးချေသောအခါ ဘယ်ပစ္စည်းကိုဝယ်ယူခဲ့လဲ?တန်ဖိုးဘယ်လောက်ကျသင့်လဲ? တွက်ချက်ရာမှာ စာရွက်စာတမ်းများနဲ့ စာရင်းသွင်းမယ့်အစား Computer နဲ့ Scan ဖတ်ကာပစ္စည်းနဲ့တန်ဖိုးများကို စာရင်းသွင်းလိုက်ခြင်းက ပိုပြီးအလုပ်ကို မြန်ဆန်စေပါတယ်။ ဒါအတွက်ကြောင့်လည်းကွန်ပျူတာ အခြေခံအသိပညာလောက်တော့ လိုအပ်လာကြတာပေါ့။

Excel လို့ခေါ်တဲ့ Microsoft ကထုတ်တဲ့ application တစ်ခုကိုအသုံးပြုပြီးတော့ Company တွေ လုပ်ငန်းတွေအတွက်လိုအပ်တဲ့ အချက်အလက်တွေ၊ စာရင်းဇယားတွေကို သိမ်းနိုင်သလို Power point လို့ခေါ်တဲ့ Microsoft ကထုတ်တဲ့ Application ကိုအသုံးပြုပြီးတော့ မိမိတို့ project တွေကို slideshowပြုလုပ်ပြီးတော့ presentationပြုလုပ်တာတွေဒါမှမဟုတ်မိမိprojectတွေကိုတခြားလူတွေကိုရှင်းပြတာတွေအစရှိသဖြင့်ပြုလုပ်နိုင်မှာပဲ ဖြစ်ပါတယ်။

ဒါတွေအပြင် ကွန်ပျူတာကို internet နဲ့ ချိတ်ဆက်ပြီးတော့ အလုပ်တွေရှာနိုင်သလို အလုပ်ရှင်တွေအနေနဲ့လည်း အလုပ်သမားများရှာဖွေနိုင်မယ်။ အစရှိသည်ဖြင့် လုပ်ငန်းတွေကို အလွယ်တကူနဲ့ အချိန်မြန်မြန်လုပ်ဆောင်နိုင်ပါတယ်။ နောက်တစ်ချက်ကတော့ အလုပ်တွေကို လျောက်လွှာတင်ဖို့အတွက် မိမိတို့ရဲ့ ResumeတွေCV formတွေကို ကွန်ပြူတာနဲ့အလွယ်တကူ ပြုလုပ်နိုင်ပြီး သက်ဆိုင်ရာလူဆီသို့ Mail ပို့လို့ရမှာပဲဖြစ်ပါတယ်။

ယနေ့ခေတ်မှာတော့ ကွန်ပျူျူာအခြေခံသင်ဖို့အတွက်ဆိုရင်တော့ သင်တန်းတွေကိုလည်း အလွယ်တကူရှာလို့ ရရှိလာပါတယ်။ ဒါမှမဟုတ် အိမ်ကနေလည်း Online Virtual Meeting platform တွေဖြစ်တဲ့ Zoom, Microsoft team နဲ့ Cisco WebEx အစရှိတဲ့ platform တွေကို အသုံးပြုပြီးတော့လည်း ကွန်ပျူတာအခြေခံနဲ့ ပတ်သက်တာတွေကို သင်ယူနိုင်ပါတယ်။ ဘယ်လိုအရာတွေကို သိထား တတ်ထားသင့်လဲဆိုရင် Microsoft Word, PowerPoint, Excel, Email အသုံးပြုနည်းတွေ၊ ကွန်ပျူတာနဲ့ online ဘယ်လိုချိတ်ဆက်အသုံးပြုလဲ စတာတွေကို အခြေခံတတ်ထားသင့်ပါတယ်။

နောက်တစ်ချက်ကတော့ လက်ကွက်တွေ ရိုက်ရာမှာကျွမ်းကျင်မှု ဖြစ်တဲ့ (Typing skills)တွေလည်းလိုအပ်ပါတယ်။ Typing skills မှာဆိုရင်တော့ Myanmarလိုရော English လိုရော တတ်ထားဖို့လိုအပ်ပါတယ်။ Typing skillsနဲ့ပတ်သက်ပြီးတော့ ကိုယ်တိုင်အိမ်မှာလည်း မိမိဘာသာအလွယ်တကူ လေ့ကျင့်နိုင်ပါတယ်။ မြန်မာစာအတွက် Typing skills လေ့ကျင့်ဖို့အတွက် recommendationပေးချင်တဲ့ Application လေးကတော့ "Whizzo Typing Tutor" ဆိုတဲ့ application လေးပဲဖြစ်ပါတယ်။

◼ အင်တာနက်ပေါ်မှာ အလုပ်တွေကို ဘယ်လိုရှာကြမလဲ?

အင်တာနက်ပေါ်မှာ အလုပ်ရှာနိုင်တဲ့ အလုပ်အကိုင်ရှာဖွေရေးနည်းလမ်းတွေကတော့ အများကြီးပါပဲ။ လူသုံးများတဲ့ Job search portal websiteတွေကတော့ [ www.jobnet.com.mm ] နဲ့ [ www.myjobs.com.mm ]တို့ပဲဖြစ်ပါတယ်။ Job search portal websiteတွေက UI(User interface)ပိုင်းတွေမှာကွဲပြားပေမယ့် အသုံးပြုနိုင်တဲ့နည်းလမ်းတွေအားလုံးက အတူတူနီးပါးလောက်ပဲဖြစ်ကြပါတယ်။ ဥပမာအနေနဲ့

[ jobnet.com.mm ]ဆိုတဲ့ Job portal website ရဲ့ အသုံးပြုနည်းကို ပြောပြပေးပါမယ်။ Home page ရဲ့ပေးထားတဲ့ search bar မှာကိုယ့်ရဲ့ Job position ဒါမှမဟုတ် company name၊ ကိုယ်အလုပ်လုပ်မယ့် အလုပ်ရဲ့function၊ ဥပမာ_ ကိုယ်ဟာIT fieldနဲ့ဆိုင်တဲ့ အလုပ်ဆိုရင် ထိုနေရာမှာရှိတဲ့dropdown buttonကနေ IT fieldဆိုတဲ့ functionတစ်ခုကို ရွေးပေးရမှာဘဲဖြစ်ပါတယ်။ နောက်ဆုံးတစ်ခုကတော့ ကိုယ်အလုပ်လုပ်ချင်တဲ့ တည်နေရာ ဥပမာ_ ကိုယ်ဟာ ရန်ကုန်မှာ အလုပ်လုပ်ချင်တယ်ဆိုရင် ပေးထားတဲ့ dropdown button ကနေ Yangonကိုရွေးပေးရမှာဖြစ်ပါတယ်။ အားလုံးပြီးရင်တော့ find jobsဆိုတဲ့ buttonကိုနှိပ်ပြီး ကိုယ်ရှာလိုက်တဲ့ အလုပ်အကိုင်နဲ့သက်ဆိုင်တဲ့ ရလဒ်တွေ ကျလာမှာပဲဖြစ်ပါတယ်။ ထွက်လာတဲ့ ရလဒ်တွေထဲက ကြိုက်နှစ်သက်တဲ့ အလုပ်တစ်ခုကိုနှိပ်လိုက်မယ်ဆိုရင် သက်ဆိုင်တဲ့အလုပ်ရဲ့ Requirement, Job descriptionတွေပြီးရင် Job overviewတွေ အစရှိသဖြင့်ဖော်ပြပေးထားမှာပဲဖြစ်ပါတယ်။ ဒါ့အပြင် ကိုယ်ရှာလိုက့်အလုပ်ကကိုယ်နဲ့လည်း အဆင်ပြေတယ်ဆိုရင်တော့ "apply job" ဆိုတဲ့buttonကိုနှိပ်ပြီးရင် အဲ့ဒီလုပ်ငန်းမှာ အလုပ်လျောက်ပြီးသားဖြစ်သွားပါပြီ။ ဒီအဆင့်မှာတော့

[ jobnet.com.mm ] ဆိုတဲ့ Job portalပေါ်မှာ Registerလုပ်ပြီးတဲ့သူပဲ ဒီfunctionကိုအသုံးပြုလို့ရမှာဘဲဖြစ်ပါတယ်။ Registerမလုပ်ရသေးတဲ့သူတွေကတော့ အလုပ်ရဲ့ Overview, Job Description, Job Requirementတွေကိုပဲ ကြည့်လို့ရမှာပဲဖြစ်ပါတယ်။Registerလုပ်ပြီးတဲ့အခါမှာဆိုရင်လည်း ကိုယ့်ရဲ့ CV formတွေ၊ Resumeတွေကိုလည်း မိမိရဲ့ Profile မှာတင်ထားလို့ရပါတယ်။ အဲ့လိုဆိုရင်တော့ မိမိအလုပ်လုပ်လိုတဲ့အလုပ်အကိုင်က ကိုယ့်ရဲ့ experienceတွေ ကိုယ်လိုချင်တဲ့မျှော်မှန်းလစာ အစရှိတာတွေကို CV form, Resumeတွေကတဆင့် သိရှိနိုင်ပြီးတော့ အလုပ်အကိုင်ရရှိရန်အခွင့် အလမ်းလည်းပိုများစေပါတယ်။

Job portal website တွေသာမဟုတ်ပဲနဲ့ LinkedIn တို့လို Job portal application တွေကိုလည်းအသုံးပြုနိုင်ပါသေးတယ်။ LinkedIn ဆိုတဲ့ portal application ကတော့ အသုံးပြုသူတွေတော်တော်များများ ရင်းနီးပြီးသား application တစ်ခုဖြစ်တဲ့ Facebook လိုမျိုးနဲ့ အနည်းငယ်ဆင်တူပါတယ်။ ဒါပေမယ့်မတူတဲ့တစ်ချက်ကတော့ Facebookဟာဆိုရင် ကိုယ့်ရဲ့ လှုပ်ရှားဆောင်ရွက်မှုတွေကို လူမှုရေးဆန်ဆန်အသုံးပြုနိုင်ပြီးတော့ LinkedInကတော့ အလုပ်အတွက်သီးသန့်အသုံးပြုတဲ့ application တစ်ခုပဲဖြစ်ပါတယ်။ LinkedIn ကလည်းအပေါ်မှာ Job search portal websiteတွေလိုပါပဲ ကိုယ့်ရဲ့ Resumeတွေ CV formတွေကို ကိုယ့်ရဲ့ profile ပေါ်မှာ ဖော်ပြထားနိုင်မှာပဲဖြစ်ပါတယ်။

ဒါ့အပြင် ယနေ့ခေတ်မှာ အသုံးအများဆုံးဖြစ်တဲ့ Facebook ကနေလည်း အလုပ်ရှာနိုင်ပါတယ်။ အခုနောက်ပိုင်းထွက်လာတဲ့ versionမှာဆိုရင် အလုပ်ရှာချင်တဲ့သူတွေနဲ့ အလုပ်ခေါ်လိုသူတွေအတွက် အဆင်ပြေစေရန် အလုပ်အကိုင်များ (Jobs)ဆိုတဲ့ Featureအသစ်ကို ထည့်သွင်းပေးထားပါတယ်။ ဘယ်လိုအသုံးပြုရမလဲဆိုရင်တော့ Facebook application ရဲ့ Menu အောက်မှာရှာဖွေကြည့်ရင် Jobs ဆိုတဲ့ Featureကိုတွေ့နိုင်မှာပဲဖြစ်ပါတယ်။ အဲ့ဒီမှာဆိုရင် အလုပ်ရှင်တွေက တင်ပြထားတဲ့ Job Requirementတွေအစရှိသဖြင့် တွေ့နိုင်မှာပဲဖြစ်ပါတယ်။ကိုယ်နဲ့ကိုက်ညီတဲ့အလုပ်တွေ့ရင်လည်း ‌‌‌‌‌လျှောက်ထားနိုင်ပါတယ်။ ဒါပေမယ့် Job search portal website တွေနဲ့ LinkedIn လိုတော့ အလုပ်အကိုင်ရွေးချယ်စရာအခွင့်အလမ်း များများစားစားရှိမှာမဟုတ်ပါဘူး။

ယနေ့ခေတ်မှာ ဘာလို့Job portalတွေကို အသုံးပြုသင့်တာလဲ၊ လူတွေဘာလို့ အသုံးများလာရလည်း ဆိုရင်တော့ Job portalတွေကိုအသုံးပြုခြင်းဖြင့် အလုပ်ရှာတဲ့သူတွေအတွက် CV formတွေResumeတွေကိုအလွယ်တကူအိမ်ကနေတင်နိုင်ရုံသာမက အလုပ်အတွက်လိုအပ်ချက်တွေကို လုပ်ငန်းခွင်အထိ သွားရောက်စုံစမ်းစရာမလိုပဲ job portal websiteတွေကနေတဆင့်အလွယ်တကူ ကြည့်လို့ ရတာတွေကြောင့် အချိန်ကုန်တာတွေ လူပင်ပန်းတာတွေ အစရှိတဲ့ အချိန်ကုန်ဆုံးမှုတွေ လျော့ကျအောင် ဆောင်ရွက်ပေးနိုင်တာတွေကြောင့်ပဲ ဖြစ်ပါတယ်။

◼ အလုပ်ရှင်တွေကရော အလုပ်လုပ်သူတွေကို ဘယ်လို ရှာကြမလဲ?

ဒီအချက်ကတော့ အလုပ်ရှာတဲ့ပုံစံနဲ့ အနည်းငယ်ဆင်တူပါတယ်။ ဘာလို့လဲဆိုတော့ အလုပ်ရှာတဲ့သူတွေရော အလုပ်ရှင်တွေရော အပေါ်မှာပြောထားခဲ့တဲ့ job portalတွေကိုအသုံးပြုပြီးတော့ လုပ်ဆောင်နိုင်မှာပဲ ဖြစ်ပါတယ်။ အလုပ်ရှင်တွေက portal ပေါ်မှာမိမိတို့ အလုပ်အတွက် လိုအပ်သော positionတွေ၊ အလုပ်ရဲ့ overviewတွေစတာတွေကို job portalပေါ်မှာတင်ပြထားမှာပဲ ဖြစ်ပါတယ်။ ဒါမှမဟုတ် job portal ပေါ်မှာ registerလုပ်ထားတဲ့လူတွေရှိရင် အလုပ်ရှင်တွေက Job portalတွေကနေ တစ်ခါတည်း အလုပ်လုပ်သူတွေကို ရှာဖွေကြမှာပဲ ဖြစ်ပါတယ်။ ဒီအချက်မှာတော့ အလုပ်ရှာတဲ့သူတွေက job portalရဲ့ profile မှာ ကိုယ့်ရဲ့ ကျွမ်းကျင်မှု၊ လုပ်ငန်းအတွေ့အကြုံတွေ အစရှိတဲ့ အချက်အလက်တွေကို တင်ထားရင်အလုပ်ရှင်တွေကလည်း အလုပ်လုပ်သူတွေကို Job portalတွေကနေတဆင့် ရှာရတာလွယ်ကူစေပါတယ်။ ဒါမှမဟုတ် အလုပ်ရှာတဲ့သူတွေဘက်က ကိုယ့်ရဲ့ Resume, CV formတွေကိုပါ သူတို့ရဲ့ profileတွေမှာ တင်ထားမယ်ဆိုရင် အလုပ်ရှင်တွေက ResumeတွေCV formတွေကိုကြည့်ပြီးတော့ သူတို့လုပ်ငန်းအတွက် လိုအပ်တဲ့သူလားဆိုတာ ဆုံးဖြတ်ချက်ချလို့ရနိုင်မှာဖြစ်တယ်။ နောက်ဆုံးမှာ အလုပ်ရှင်တွေက ကြိုက်နှစ်သက်တဲ့ အလုပ်လုပ်သူရှိပြီဆိုရင် အဲ့အလုပ်လုပ်သူကို သူတို့ဆီမှာ အလုပ်လာလုပ်ရန် အစရှိသဖြင့် job portalတွေကနေတဆင့်ကမ်းလှမ်းမှာပဲ ဖြစ်ပါတယ်။ ဒီလို Job portalတွေပေါ်မှာ အလုပ်လုပ်ချင်တဲ့သူတွေကိုရှာဖို့အတွက်ကတော့ LinkedInလိုJob portal applicationကတော့ ပိုပြီးတော့လွယ်ကူစေပါတယ်။

◼ ဘာလို့ Resume နဲ့ CV form တွေရေးတတ်ဖို့အရေးပါတာလဲ?

အလုပ်ရှင်တွေက အလုပ်လုပ်သူတွေကို အလုပ်ခန့်ရန်အတွက် သူတို့ရဲ့လိုအပ်တဲ့ အရည်အချင်းတွေ၊ကိုယ်ရည်ကိုယ်သွေးတွေ ပြီးရင်ဘယ်လောက်ထိ အလုပ်အပေါ်မှာ ကျွမ်းကျင်မှုရှိလဲ၊အတွေ့အကြုံက ဘယ်လောက်ရှိလဲ အစရှိသဖြင့် ကြည့်တတ်ကြပါတယ်။ ထိုအချက်တွေကို သိရှိမှတစ်နည်းအားဖြင့် အလုပ်ရှင်လိုချင်တဲ့အချက်တွေနဲ့ ပြည့်စုံပြီး အလုပ်ရှင်ကလည်း သဘောကျနှစ်သက်မှသာ အလုပ်ခန့်အပ်မှာပဲဖြစ်ပါတယ်။ မိမိရဲ့ ကျွမ်းကျွင်မှုတွေ အတွေ့အကြုံတွေကို အလုပ်ရှင်သိအောင် ဘယ်လိုလုပ်ကြမလဲ? ဘယ်လိုလုပ်မလဲဆိုရင်တော့ ResumeတွေCV formတွေဖန်တီးရမှာပဲ ဖြစ်ပါတယ်။ Resumeဆိုတာကတော့ မိမိရဲ့အတွေ့အကြုံတွေ၊ ပညာအရည်အချင်းတွေ ကျွမ်းကျင်မှုတွေ အစရှိသဖြင့် ဖော်ပြရမှာ အသုံးပြုပါတယ်။ CV form တစ်နည်းအားဖြင့် Curriculum vitae ကိုတော့ မိမိရဲ့ အသက်မွေးဝမ်းကြောင်းနဲ့ဆိုင်တဲ့ ကိုယ်ရေးကိုယ်တာ အချက်အလက်များကို တိတိကျကျဖော်ပြရာမှာ အသုံးပြုကြပါတယ်။ ဘယ်လိုမျိုးတွေဖော်ပြရမလဲဆိုရင် မိမိရဲ့အမည်ရင်း၊ ဖုန်းနံပါတ်၊ အသက်အရွယ်၊ဆက်သွယ်ရမည့်လိပ်စာ၊ E-mail Address၊ ကျွမ်းကျင်မှုများ၊ Education Qualificationအစရှိသဖြင့် ဖော်ပြတတ်ပါတယ်။ တစ်ခါတစ်ရံမှာလည်း မိမိရရှိခဲ့ဖူးတဲ့ ဆုတံဆိပ်များအကြောင်း လိုအပ်ပါက ထည့်သွင်းဖော်ပြရပါတယ်။

နောက်ဆုံးတစ်ချက်အနေနဲ့ကတော့ အလုပ်အကိုင် အခွင့်အလမ်းကောင်းကောင်း ရရှိဖို့အတွက်ဆိုရင် computerအခြေခံအသိပညာကောင်းကောင်း တက်မြောက်သင့်တယ်။ Resumeနဲ့CV formတွေကိုလည်း ကောင်းမွန်စွာရေးသားတတ်ရန် လိုအပ်ပါတယ်။

ဒါ့အပြင် အလုပ်ရှာရာမှာလည်း Job search portalတွေကို အသုံးပြုပြီးတော့ ရှာမယ်ဆိုရင် တစ်ချိန်ထဲမှာ အလုပ်အကိုင်အခွင့်အလမ်းတွေများများတွေ့နိုင်ပြီးတော့ကြိုက်နှစ်သက်ရာကို ရွေးချယ်နိုင်မှာပဲ ဖြစ်ပါတယ်။ အချိန်ကုန်တာတွေ၊ လူပင်ပန်းတာတွေကိုလည်း လျော့ကျစေပြီးတော့ အလုပ်အကိုင်အခွင့်အလမ်းများ မြန်ဆန်စွာ ရှာဖွေနိုင်မှာပဲ ဖြစ်ပါတယ်။

Photo: Google

08/07/2021

အင်တာနက်ကိုအသုံးပြု၍ ကျွန်တော်တို့နေ့စဥ်အွန်လိုင်းပေါ်ကနေ အချက်အလက်တွေကိုဖတ်ရှုတာ၊ ပို့ဆောင်တာ၊ လက်ခံတာ လုပ်ဆောင်လို့ရတာဖြစ်ပါတယ်၊ အဲတော့အင်တာနက်ဆိုတာဘာလည်းဆိုတော့ device တစ်ခုနဲ့တစ်ခု network ချိတ်ဆက်ပြီး ပညာရေး၊ စီးပွားရေး၊ အဖွဲ့အစည်း အစရှိသဖြင့် လုပ်ငန်းဆောင်တာတွေကို အချိန်အတိုအတွင်း ရှာဖွေနိုင်တယ်၊ ပို့ဆောင်ပေးနိုင်ပါတယ်။

🍓🍓အင်တာနက်ကို ဘယ်အချိန်က စတင်ပေါ်ပေါက်ခဲ့လဲဆိုရင် ဒုတိယကမ္ဘာစစ်အတွင်း 1970 ခုနှစ်တွင် United States Department of Defense အဖွဲ့ကနေ စတင်အသုံးပြုခဲ့ပါတယ်။ အဲ့ဒီအချိန်တုန်းကအင်တာနက်မှာ text messages တစ်ခုသာအသုံးပြုလို့ရပါတယ်၊ အမေရိကန်နိုင်ငံမှာ လူငယ်ပိုင်း 60% လောက်က အင်တာနက်ပေါ်က နေ့စဥ် စာပို့၊ စာယူပြုလုပ်လေ့ရှိပါတယ်၊1980 နောက်ပိုင်းမှာတော့ ကမ္ဘာတစ်၀န်းလုံး အင်တာနက်ကိုကျယ်ပြန့်စွာ အသုံးပြုလာကြပါတယ်။

🎈🎈1989 မှာ Tim Berners-Lee က Worldwide Web ကိုတီထွင်ခဲ့ပါတယ်၊ အင်တာနက်ပေါ်မှာ စာသားအပြင် multimedia ပါရှာဖွေနိုင်ပါတယ်၊ Multimedia ဆိုတာ Video, Audio, picture, ကိုဆိုလိုတာပါ၊
🌞🌞 အင်တာနက်ပေါ်မှာစာသားအပြင် multimedia ပါရှာဖွေနိုင်တာဟာ Worldwide Web ပေါ်ပေါက်လာခြင်းကြောင့်ဖြစ်ပါတယ်၊
Worldwide Web ဆိုတာ ကမ္ဘာတစ်၀န်းလုံးမှာရှိတဲ့ ၀က်ဆိုဒ်များစွာကို စုစည်းထားတာဖြစ်ပါတယ်၊ အင်တာနက်ပေါ်မှာ အချက်အလက်ရှာဖွေမယ်ဆိုရင် Web Browser အသုံးပြုပြီးရှာဖွေလို့ရပါတယ်၊ Web-Browser ဟာ Internet နဲ့ Worldwide Web ကြားမှာ Interface အဖြစ်ဆောင်ရွက်ပေးပါတယ်၊

ဥပမာ ၀က်ဆိုဒ်တစ်ခုရှာမယ်ဆိုရင်
http://www.facebook.com
http://www.youtube.com

Web-Browser ကနေရိုက်၍ ရှာဖွေနိုင်ပါတယ်၊

🕵🕵အဲဒီနောက်ပိုင်းမှာ တစ်ဖြေးဖြေးနဲ့ Digital World ထဲကိုရောက်လာပါတယ်၊ အပြင်မှာရှိတဲ့လုပ်ငန်းတွေကို အွန်လိုင်းပလက်ဖောင်းပေါ်ပြောင်းလာကြပါတယ် ၊ ယနေ့ Covid ကာလမှာဆို အွန်လိုင်းကနေစာသင်တာ၊ စျေးရောင်းတာ၊ အလုပ်ရှာဖွေတာ၊ဗေဒင်ဟောတာ၊ အစည်းအ‌ေဝးလုပ်တာ စသည်ဖြင့်အလုပ်လုပ်လာကြပါတယ်။

🙋🙋Digital technology ခေတ်ကိုရောက်တဲ့အခါအဓိကမသိမဖြစ်သိရမှာကတော့ Cyberspace အကြောင်းပါ Cyberspace ဆိုတာ တနည်းအားဖြင့်ပြောရမယ်ဆိုရင် Virtual reality လို့လည်းပြောလို့ရပါတယ်။ တကယ်အပြင်လောကမှာဖြစ်တည်နေသောပုံသဏ္ဍာန်တွေကို ဖန်တီးနိုင်တယ်၊ ဥပမာပြောရမယ်ဆိုရင် ယနေ့ခေတ်မှာစက်ရုပ်တွေပေါ်လာတယ်၊ မောင်းသူမဲ့ မော်တော်ကားတွေပေါ်လာတယ်၊ နောက်ဆိုလူသားတစ်ယောက်အပြင်က ပုံသဏ္ဍာန်အတိုင်းပါဖန်တီးလာနိုင်တယ်။ အဲ့ဒါတွေက Cyber-Space လို့ခေါ်ပါတယ်။

🙋🙋အင်တာနက်နဲ့ Cyber-Space ကမတူပါဘူး ဒါပေမဲ့ Cyber-Space ရဲ့ဖြစ်တည်မှုကအင်တာနက်ပါမှရရှိနိုင်တာဖြစ်ပါတယ်၊ အင်တာနက်က
devices တစ်ခုနဲ့တစ်ခုကို ချိတ်ဆက်နိုင်တယ်၊Cyber-Space က အင်တာနက်ရပ်၀န်းမှာရှိနေပြီး အပြင်လောကရဲ့ဖြစ်တည်မှုတွေ Virtual အနေနဲ့ဖန်တီးနိုင်တာဖြစ်ပါတယ်။
😊😊😊😊

08/07/2021

E-Government အစိုးရအုပ်ချုပ်ရေးနဲ့ နိုင်ငံရေး

ယနေ့ခေတ်နည်းပညာအရှိန်အဟုန်နဲ့တိုးတက်လာတာနဲ့အမျှ လူတွေဟာနေ့စဉ်ဘဝတွေကို internet ပေါ်ကနေဖြတ်သန်းဖို့ပိုလိုလားလာကြပါတယ်။ဒါ့အပြင်နေ့စဉ်လုပ်ငန်းဆောင်တာတွေကို online မှာလည်ပတ်ဖို့ကြိုးစားကြပါတော့တယ်။ဒါ့ကြောင့်ပဲယခုအခါမှာ စီးပွားရေး၊ပညာရေး စတဲ့အရာတွေဟာ online မှာကောင်းကောင်းလည်ပတ်နေနိုင်ပြီးဖြစ်ပါတယ်။ထိုနည်းတူပဲနိုင်ငံရဲ့အုပ်ချုပ်ရေးပိုင်းမှာအရေးကြီးတဲ့ အစိုးရအဖွဲ့အစည်းတွေဟာလည်း အုပ်ချုပ်ရေးယန္တယားကိုစီးပွားရေး၊ပညာရေးတို့ထက်စောလျင်စွာပင်လည်ပတ်ခဲ့ကြပါတယ်။

ဒီလို online ပေါ်မှာလည်ပတ်လာတဲ့အစိုးရအဖွဲ့အစည်းကို E - Government လို့ခေါ်ပါတယ်။အရှည်ကတော့ Electronic Government ဖြစ်ပါတယ်။ Electronic Government ဆိုတဲ့အသုံးနှုန်းဟာ Electronic Democracy ဆိုတဲ့အသုံးအနှုံးနဲ့အတူတကွပေါ်ပေါက်လာခဲ့တာပါ။ Electronic Democracy ဆိုတာက Information and Communication Technology ကိုအသုံးချပြီးနိုင်ငံရေးအဖွဲ့အစည်းတွေနဲ့အစိုးရအဖွဲ့အစည်းတွေကနေ Democracy တိုးတက်ပြန်ပွားအောင်လုပ်ဆောင်တာကိုဆိုလိုတာပါ။

၁၉၉၂ ခုနှစ်လောက်ကကမ္ဘာပေါ်ကအစိုးရအဖွဲ့အစည်းအချို့ကအရည်အသွေးတိုးတက်ဆောက်မှု့တွေမှာလေလွင့်ကုန်ကျမှု့နည်းပါးစေဖို့ရည်ရွယ်ပြီးသတင်းအချက်အလက်နဲ့ဆက်သွယ်ရေးနည်းပညာ(ICT)ကဏ္ဌတွေမှာရင်းနှီးမြှပ်နှံမှု့တွေစတင်ခဲ့ပြီး E - Government စနနစ်ကိုစတင်အသက်သွင်းခဲ့ပါတယ်။ဒါပေမယ့်ထိုအချိန်ကဖွံ့ဖြိုးပြီးနိုင်ငံအချို့မှာသာ E - Government စနစ်အသက်ဝင်ခဲ့ပါတယ်။ဥ‌ရောပနိုင်ငံအချို့ဖြစ်တဲ့ US, UK စတဲ့နိုင်ငံတွေကစတင်ခဲ့ပါတယ်။အာဖရိကဘက်မှာတော့ကင်ညာနိုက်ငံကစတင်ခဲ့ပြီး အာရှဘက်မှာတော့ အင်ဒိုနီးရှား၊မ‌လေးရှား၊အိန္ဒိယစတဲ့နိုင်ငံတွေကနေစတင်ခဲ့ပါတယ်။နောက်ပိုင်းမှာတော့ဖွံ့ဖြိုးဆဲနိုင်ငံတွေမှာပါစတင်လည်ပတ်လာပြီး ယခုအခါမှာဆင်းရဲတဲ့နိုင်ငံအချို့မှာပါအသုံးပြုနေကြပါပြီ။မြန်မာနိုင်ငံမှာပင်လျင် YCDC လိုမျိုး E - Government စနစ်မျိုးကို 2003 ခုနှစ်ထဲကစတင်ဖော်ဆောင်ခဲ့သည်။ထို့အတူအာရှနိုင်ငံများတွင်လွန်ခဲ့တဲ့နှစ်အတော်ကြာကတည်းကစတင်လည်ပတ်နေခဲ့သည်။

E - Government စနစ်မှာ
နိုင်ငံသားတွေနဲ့အစိုးရကြားဆက်သွယ်မှု့ ( Citizen to Government, C2G)၊

အစိုးရအဖွဲအစည်းအချင်းချင်းဆက်သွယ်မှု့ (Government to Government, G2G)၊

အစိုးရမှနိုင်ငံသားတွေအပေါ်ဆက်သွယ်မှု့ ( Government to Citizen, G2C)၊

employer တွေနဲ့အစိုးရကြားဆက်သွယ်မှု့ ( Employer to Government, E2G)၊
အစိုးရနဲ့ လုပ်ငန်းစုတွေကြား ဆက်သွယ် မှု့ ( Government to Business, G2B) ဆိုပြီး အမျိုးစားတွေတော့ ခွဲခြားထားပါတယ်။

အစိုးရရုံး၊ ဌာနတွေမှ ပြည်သူလူထု သိစေရန် ကြေညာချက်၊ အသိပေးချက်များကို TV မှဖြစ်စေ၊ အင်တာနက် စာမျက်နှာ (websites) များမှဖြစ်စေ၊ လူမှု့ကွန်ရက် စာမျက်နှာများမှဖြစ်စေ ထုတ်ပြန်ခြင်းသည် G2C ပင်ဖြစ်သည်။

ပြည်သူလူထုကအစိုးရ (သို့) ဝန်ကြီးများထံသို့ အိတ်ဖွင့်ပေးစာများ၊တောင်းဆိုချက်များကို E - mail ဖြင့်ပေးပို့ခြင်းသည် C2G ဖြစ်သည်။ ထို့အပြင် နိုင်ငံသားများ၏ အချက်အလက်များကို ယခင်ကကဲ့သို့ စာရွက်စာတမ်းများဖြင့် မထားတော့ဘဲ databaseများ တည်ဆောက်၍ မှတ်ပုံတင်ဆိုင်ရာအချက်အလက်များကို သိမ်းဆည်းလာကြသည်။ ဤနည်းဖြင့် အချက်အလက်များကို အလွယ်တကူ ရှာဖွေနိုင်ကြပြီး ရဲဌာနများ၏ မှု့ခင်းလုပ်ငန်းများတွင် များစွာအသုံးဝင်လျက်ရှိသည်။ သို့ပေမယ့် လူထုအနေနဲ့ အင်တာနက်မရရှိနိုင်ချိန်တွေ၊ အင်တာနက် အပြည့်အဝမရရှိတဲ့ နေရာတွေဟာ အချို့နိုင်ငံတွေမှာရှိနေဆဲဖြစ်ပါတယ်။ ဒါတွေကြောင့် လူထုအနေနဲ့ အစိုးရဝန်တွေကို အပြည့်အဝမရရှိနိုင်တာမျိုးတွေ ရှိနေကြပါသေးတယ်။ ဖွံ့ဖြိုးဆဲနိုင်ငံ‌တွေမှာ အစိုးရအဖွဲ့အစည်းတွေအနေနဲ့ အင်တာနက်ဝန် ကောင်းမွန်လာအောင် လုပ်ဆောင်ပေးနိုင်ခဲ့ရင်တော့ သတင်းအချက်လက် စီးဆင်းမှု့ လွယ်ကူခြင်း၊ ဝန်ဆောင်မှု့များမြန်ဆန်စွာ ရယူနိုင်ခြင်း၊ ဆက်သွယ်ရေးလွယ်ကူခြင်း တို့ကြောင့် E - Government စနစ်ဟာ အလွန်အသုံးဝင် အဆင်ပြေတဲ့ စနစ်ဖြစ်လာမှာပါ။

ထိုသို့ အစိုးရအုပ်ချုပ်ရေး ယန္တယားကို internet ပေါ်မှာ လည်ပတ်လာတာနဲ့အမျှ နိုင်ငံရေးသမားတွေနဲ့ နိုင်ငံရေးအဖွဲ့အစည်းတွေ၊ နိုင်ငံရေးပါတီတွေအပေါ်မှာလည်း အကျိုးသက်ရောက်မှု့တွေ ရှိလာပါတယ်။ နိုင်ငံရေးသမားတွေအနေနဲ့နိုင်‌ငံရေး အကြောင်းအရာတွေကို ပြည်သူလူထုသို့ social media တွေကနေအလွယ်တကူ ချပြနိုင်ကြပြီး ဖြစ်ပါတယ်။ ဤကဲ့သို့ ကောင်းကျိုးရှိသလို အချို့သောနိုင်ငံရေးသမားများ အတုအယောင်များ၏ ဝါဒဖြန့်မှု့လည်း ရှိသေး၍ သတိထားရပေမည်။ နိုင်ငံရေးပါတီတွေအနေနဲ့လည်း ပါတီရဲ့ မူဝါဒဆိုင်ရာတွေ၊လုပ်ဆောင်ချက်တွေကို လွယ်လွယ်ကူကူချပြနိုင်ကြပြီး မဲဆွယ်စည်းရုံးရေးတွေကိုပါ အလွယ်တကူလုပ်လာနိုင်ကြပါတယ်။

E-Government စနစ်လည်ပတ်လာတာနဲ့အမျှ ရွေးကောက်ပွဲများကိုလည်းအင်တာနက်မှတစ်ဆင့် နိုင်ငံအချို့တွင် စတင်ပြုလုပ်လာကြသည်။ online voting စနစ်ဖြင့်ပြည်သူများသည် နေအိမ်မှနေ၍ အင်တာနက်မှ တစ်ဆင့်လွယ်ကူစွာ မဲပေးနိုင်ကြပြီဖြစ်သည်။ မဲပေးရာမှာ သေချာမှု့ ရှိစေရေးအတွက်လည်း အထူးပြုလုပ်ထားသော Electronic Unique ID များကိုအသုံးပြုစေသည်။ ထို့အပြင် Project Vote Smart ကဲ့သို့သော non-profit အဖွဲ့အစည်းများကလည်း online voting နှင့်ပတ်သက်၍ research ပြုလုပ်နေခဲ့ကြသည်။ online voting စနစ်ဖြင့်ရွေးကောက်ပွဲများကျင်းပရာ မဲပေးသူအရေအတွက်လည်း များစွာ တိုးတက်လာခဲ့သည်။ ယခင်က မဲရုံသို့ မသွားနိုင်၍ မဲမပေးခဲ့ရသော no voting သမားများလည်း online မှတစ်ဆင့်မဲပေးလာကြပြီဖြစ်သည်။

Ref: https://en.m.wikipedia.org/wiki/E-government
Photo: Credited

07/07/2021

E-learning နဲ့ ပညာရေး နည်းပညာ ရဲ့ တွင်ကျယ်ပုံ

အခု ပညာရေးနယ်ပယ်မှာ နည်းပညာရဲ့ အသုံး တွင်ကျယ်မှုကို မပြောခင်မှာ အိုင်တီနဲ့ မိတ်ဆက်ချင်တယ်။ အိုင်တီ (IT) လို့ ပြောလိုက်ရင် ကွန်ပျူတာက မဖြစ်မနေ ပါမှာပေါ့ဗျာ။ ကွန်ပျူတာ ဆိုတာက ရှင်းအောင် ပြောရရင် အခြား ကွန်ပျူတာ၊ အိုင်တီနဲ့ ဆက်စပ် ပစ္စည်းတွေနဲ့ ဆက်သွယ်ပြီး အလုပ်လုပ်တာ ပါပဲ။

ကွန်ပျူတာနဲ့ သတင်းအချက်အလက် ဆက်သွယ်ရေး နည်းပညာ (Computer & Communication technologies) တွေ ပေါင်းလိုက်တဲ့ အခါမှာတော့ သတင်းအချက်အလက် နည်းပညာ (Information Technology) သို့မဟုတ် အင်ဖိုတ့(က်) (Infotech) ဆိုပြီး ဖြစ်လာတာပါပဲ။

အိုင်တီဆိုတာဟာ ယေဘုယျ ဝေါဟာရ စာလုံး ဖြစ်ပြီး ဒီကောင်က တခြားနည်းပညာတွေနဲ့ ပေါင်းစပ်ပြီး အချက်အလက် ထုတ်လုပ်တာ၊ ပြုပြင်ပြောင်းလဲတာ၊ သိမ်းဆည်းတာ၊ တနေရာနဲ့ တနေရာ ဆက်သွယ်တာ၊ ဖျောက်ပစ်တာနဲ့ ဖျောက်ထားတဲ့ အရာတွေ ဖော်ပေးတာတွေ လုပ်ပေးတယ်။
ဥပမာအနေနဲ့ ပြောရရင် – Laptop

အိုင်တီလို့ ပြောလိုက်ရင် အပိုင်း ၂ ခု ရှိတာ တွေ့ရတယ်။ အဲ့ဒါက ကွန်ပျူတာ နည်းပညာ (CT) နဲ့ ဆက်သွယ်ရေး နည်းပညာ (CS) ပါပဲ။ ကျွန်တော်တို့ ကွန်ပျူတာ ကျောင်းတွေမှာ ကွန်ပျူတာ နည်းပညာနဲ့ သိပ္ပံဆိုပြီး ခုထိ ရှိသေးတယ်လေးနော်။

ကွန်ပျူတာ နည်းပညာ

အဲ့ဒါက အစီစဥ်တွေ လုပ်လို့ရမယ့် အများသုံး စက်ပစ္စည်း ဖြစ်ပြီးတော့ ပုံကြမ်း အချက်အလက်တွေ လက်ခံမယ်၊ ပြီးတော့ အသုံးချမယ် ဒါမှမဟုတ် လူတွေနဲ့ အဆင်ပြေတဲ့အနေအထာ ရောက်တဲ့ထိ ပြုပြင်ပြောင်းလဲပြီး ပြသပေးမယ်၊ ဥပမာ အနေနဲ့ စာရင်းတခုရဲ့ အချုပ်၊ စုစုပေါင်း အဖြေ နဲ့ နောက်ဆုံး ရလာဒ်မျိုးပေါ့။ သူ့ရဲ့ ရည်ရွယ်ချက်ကိုက အဖြေကို လျင်မြန်စွာ ရှာပေးနိုင်ဖို့နဲ့ စွမ်းဆောင်ရည် မြင့်တင်ပေးဖို့ပဲ မဟုတ်လား။

ဆက်သွယ်ရေး နည်းပညာ

ဒါကိုတော့ မေးစရာတောင် မလိုပဲ လူတိုင်းတောင် တော်တော်လေး ရင်းနှီးကြပြီး ဖြစ်တယ်။ Communication technology ( telecommunications technology) မှာ electromagnetic ပစ္စည်းတွေနဲ့ နည်းပညာတွေ ပါဝင်ကြပြီး ဝေးကွာတဲ့ ပမာဏပေါ်မှာ ဆက်သွယ်ဖို့ အသုံးဝင်ကြတယ်။ ဥပမာ တယ်လီဖုန်း၊ ရေဒီယို၊ တီဗွီ တွေ ဖြစ်ပြီး ခုအချိန်မှာတော့ အွန်လိုင်းပေါ်က အချင်းချင်း ဖုန်းခေါ်တာ၊ ဆက်သွယ်တာတွေထိ ရှိလာပြီး ဒါတွေက ဆက်သွယ်ရေး နည်းပညာရဲ့ ဆန်းသစ် တီထွင်မှုထဲက တခုပါပဲ။ အခု အဲ့ဒီ တီထွင်မှုထဲကနေ ပညာရေးမှာ နည်းပညာရဲ့ အရေးပါမှုတွေကို ပြောပြသွားမှာ ဖြစ်ပါတယ်။

အိုင်တီ နည်းပညာကို ယနေ့ခေတ် ပညာရေးစနစ်မှာ ဘယ်လို အသုံးပြုနေပြီလဲ

ဒီဆောင်းပါးရဲ့ မူလ ခေါင်းစဥ် ဖြစ်တဲ့ ယနေ့ခေတ် ပညာရေး နည်းပညာ၏ အရေးပါပုံ ကို ပြန်ဆက်မယ်။ Massachusetts Institute of Technology ကျောင်းမှာ Professor Gabriella Sciolla ရဲ့ ရူပဗေဒတန်းတွေမှာ အဆင့်မြင့် နည်းပညာနဲ့ တည်ဆောက်ထားတဲ့ စာသင်ခန်းမှာ အမည်းရောင် သင်ပုန်း ; (Blackboards) အစား အဖြူရောင် သင်ပုန်း (Whiteboards) နဲ့ ပရောဂျက်တာပြတဲ့ ပိတ်ကာဖြူ အကြီးကြီး ရှိတယ်။ ဆရာမက သူပြောပြစရာ ရှိတာတွေကို အကျဥ်းချုံ့ ရှင်းပြတယ်။ ပြီးတော့ multiple choice မေးခွန်းတွေ ချပေးပြီး ကိုယ်ပိုင် တုံ့ပြန်လို့ ရတဲ့ ခလုတ် (wireless personal response clicker) တွေ အသုံးပြုစေပြီး ကျောင်းသားတွေကို အမှန် ရွေးခိုင်းစေတယ်။ ဒီလို နှိပ်ပြီး ရွေးရတဲ့ ခလုတ်ပါတဲ့ ပစ္စည်းက ဆရာမရဲ့ ကွန်ပျူတာ ဖန်သားပြင်မှာ ပေါ်စေတယ်။ အင်တာနက် ရှိဖို့တော့ လိုတာပေါ့။ ဒီလိုမျိုး လုပ်ခြင်းအားဖြင့် ဆရာမအနေနဲ့ ကလေးတွေရဲ့ သင်ခန်းစာအပေါ် ဘယ်လောက်ထိ နားလည်သလဲ ဆိုတာကို ခန့်မှန်းနိုင်တယ်လို့ ဖော်ပြထားတယ်။

ဒါပေမယ့်လည်း ကျွန်တော်တို့မှာတော့ အဲ့လိုအသုံးပြုလို့ ရတဲ့ အခြေအနေ မရှိသေးပါဘူး။ ဆက်လက်ပြီး တင်ပြရမယ်ဆိုရင် မြန်မာနိုင်ငံက လွဲလို့ နိုင်ငံခြားက ကျောင်းတွေမှာ အနှိမ့်ဆုံးအဆင့် သတ်မှတ်ခံရတဲ့ ကျောင်းတွေမှာတောင် အင်တာနက် အသုံးပြုနှုန်းက ၉၉ ရာခိုင်နှုန်းထိတောင် ရှိနေပြီ ပြောတယ်။ အဲ့ဒီလို နိုင်ငံမှာ ၁၆-၁၈ အရွယ် ကောလိပ် ကျောင်းသား တွေကို မေးတဲ့အချိန်မှာ သူတို့အသက် ၅ နှစ်မှ ၈ ကတည်းက ကွန်ပျူတာတွေ အသုံးပြုနေပြီလို့ ဖြေကြတာ တွေ့ရတယ်။

နည်းပညာ ဘာသာရပ် သင်ကြားပို့ချဖို့ သင်ရိုးနဲ့အတူ စာသင်ခန်းနဲ့ပါ စနစ်တကျ ပေါင်းစပ်မယ်ဆိုရင် အိုင်တီ နည်းပညာက

(၁) ကျောင်းသားတွေ မိမိပညာရေးကို စိတ်ကြိုက် လုပ်နိုင်မယ်

(၂) သင်ကြားရေးအတန်းကို စီမံဖို့နဲ့ ငြီးငွေ့ပြီး ကြက်တူရွေး နှုတ်တိုက် လုပ်ရတဲ့ အပိုင်းကို ကူညီ ဖြေရှင်းနိုင်မယ်

(၃)ဆရာ ဆရာမတွေအတွက် ဝန်တွေ လျော့နည်းမယ်၊ ကိုယ့် ကလေးတယောက်ချင်းစီအပေါ် အချိန်များများ ပေးနိုင်မယ်။

ဥပမာ အီးမေးလ်တွေကို အသုံးပြုပြီး ဆရာနဲ့ ကြိုတင် ရက်ချိန်းယူတာ၊ ကိုယ့်ရဲ့ သင်ခန်းစာ အမှတ်နဲ့ ပတ်သက်ပြီး ဆရာရဲ့ မှတ်ချက်တွေကို ပြန်လည် ရှင်းပြခိုင်းတာတွေကို လုပ်ကြတယ်။ အင်တာနက်ကို အသုံးပြုပြီး လုပ်ရတဲ့ အလုပ်တွေ အပြင် ဒီနေ့အချိန်မှာ ကောလိပ်တော်တော်များများမှာ စစအ တွေနဲ့ ဆရာတွေက ကိုယ် သင်ကြားမယ့် သင်ခန်းစာရဲ့ မာတိကာတွေနဲ့ တခြားအကြောင်းအရာတွေကို ပရောဂျက်တာထိုးပြီး ဆွေးနွေးပို့ချလေ့ ရှိကြတယ်။

တချို့ကျောင်းတွေမှာ Blackboard, WebCT, Course Management Software တွေကို အိမ်စာတွေ၊ အချိန်ဇယားတွေ၊ စာမေးပွဲတွေ၊ အမှတ်စာရင်းတွေ ကို အွန်လိုင်းမှာ စီမံဖို့ အသုံးပြုကြတယ်။ ခုချိန်မှာ ခေတ်စားနေတဲ့ အသုံးအနှုန်းက Distance learning or e-learning ပဲ ဖြစ်ပါတယ်။ ဒီကောင်က ၂ဝဝ၃ ခုနှစ်မှာ အွန်လိုင်းမှာ လေ့လာတဲ့ ကျောင်းသားအရေအတွက်ဟာ ၂ သိန်း ရှိပြီး ၂ဝဝ၉ ခုနှစ်မှာတော့ ၅ သိန်း ဝန်းကျင် ရှိတယ်လို့ ခန့်မှန်းကြတယ်။

E-learning က တကယ်လည်း အကျိုးများလှပါတယ်။ ခုအချိန်မှာ ကောလိပ်တော်တော်များများက အွန်လိုင်းပညာရေးတွေ စတင်ကမ်းလှမ်း ပို့ချနေတာ တွေ့ရမှာပါ။ ကျွန်တော်တို့မှာ ကွန်ပျူတာရှိတယ်၊ အင်တာနက်ရတယ်ဆိုရင် ကြိုက်တဲ့အချိန်မှာ စိတ်ကြိုက် တက်ရောက်ပြီး လေ့လာနိုင်ပါတယ်။ အလုပ်တွေပိနေလို့ အပြင်မှာ တကူးတက အချိန်ပေးပြီး အတန်းတက်စရာ မလိုပဲ အချိန်ကို အကျိုးရှိရှိ အွန်လိုင်းကတဆင့် လေ့လာ သင်ယူနိုင်တာ တွေ့ရပါတယ်။ e-learning က ခုမှစတာဆိုတော့ အနာဂတ်မှာဆိုရင် ဒီထက် အဆင့်မြင့်လာမှာ သေချာပါတယ်။ ဥပမာ ပြောရရင် Intelligent tutoring systems software တို့ဟာမျိုးတွေ ဆိုရင် ကျောင်းသား တဦးချင်းစီကို အကြံဥာဏ်ပေးတာတွေ လုပ်ပေးနိုင်မယ်။ အားနည်းတဲ့ ဘာသာရပ်တွေကို ကျောင်းသားတွေ စိတ်ဝင်စားမယ့် နည်းလမ်းတွေနဲ့ ညွန်ကြားချက်ပေးတာတွေ လုပ်ပေးနိုင်မယ်လို ဆိုတယ်။
ခုနောက်ပိုင်းတော့ သင်ခန်းစာ နားလည်မှုကို စမ်းသပ်ဖို့ interactive simulation game တွေလည်း တီထွင်လာတာ တွေ့ရတယ်။ Algorithm အလုပ်လုပ်ပုံကို interactive ပုံတွေနဲ့ ကျောင်းသားတွေ အမြင်ရှင်းအောင် လုပ်ထားတဲ့ website တွေလည်း တွေ့နိုင်မှာ ဖြစ်ပါတယ်။ ၂ဝ၂ဝ မှာ ကိုဗစ်ကြောင့် Coursera က နိုင်ငံတကာကျောင်းက ပို့ချတဲ့ သင်ခန်းစာတွေကို အခမဲ့ လေ့လာခွင့်ရအောင် လုပ်ပေးသေးတယ်။

မြန်မာနိုင်ငံက ရန်ကုန် ကွန်ပျူတာ တက္ကသိုလ်အပါအဝင် အခြား တက္ကသိုလ်တွေလည်း register လုပ်ထားတော့ ကျောင်းသားတွေအနဲ့ ကျောင်းအီးမေးလဲနဲ့ ဝင်ပြီး လေ့လာလိုက်ရုံပါပဲ၊ အဲ့လောက်ထိ လွယ်ကူခဲ့တယ်။ ကိုဗစ်ကြောင့် ကျောင်းတက်လို့ မရတဲ့ အခါမှာ အွန်းလိုင် သင်ကြားရေးနဲ့ ရှေ့ဆက်ဖို့ ရန်ကုန် ကွန်ပျူတာ တက္ကသိုလ် အပါအဝင် တခြားကျောင်းတွေလည်း learning management system (LMS) နဲ့ ပတ်သက်ပြီး ဆရာ ဆရာမတွေကို သင်တန်းပို့ချတာတွေ လုပ်တာ သိကြမယ် ထင်ပါတယ်။ စကစ အာဏာသိမ်းလိုက်တော့ အကုန်လုံး သဲထဲ ရေသွန်သလို ဖြစ်သွားတယ်လို့ ဆိုရမယ်။

၂၁ ရာစုမှာ ပညာရေးကို နည်းပညာ အကူအညီ ရယူပြီး အကောင်းဆုံး အကောင်အထည်ဖော်ပြီး နေ့စဥ်ဘဝမှာ အသုံးချသွားရမှာ ဖြစ်သလို အင်တာနက်ပေါ်မှာ ကြုံတွေ့နိုင်တဲ့ အွန်လိုင်း တိုက်ခိုက်မှု၊ ကျောင်းနဲ့ ကျောင်းသား အချက်အလက် ထိန်းသိမ်းဖို့ နည်းပညာ လုံခြုံဖို့လည်း လိုအပ်ပါတယ်။

ဒီလောက်ဆို ပညာရေးနယ်ပယ်မှာ နည်းပညာရဲ့ အရေးပါပုံတွေတော့ မျက်စိထဲ မြင်ပြီနဲ့ တူပါတယ်။

ဒီထဲမှာ အခမဲ့ လေ့လာနိုင်မယ့်ဟာတွေ ရှိတယ်
https://www.thoughtco.com/free-courses-4132515

အဝေးသင်နဲ့ ပတ်သက်ပြီး လေ့လာချင်ရင်
https://www.thoughtco.com/distance-learning-4132521

https://usdla.org/

အွန်လိုင်းကတဆင့် ပိုက်ပိုက်သွင်းပြီး တက်လို့ရမယ့် ဟာ
https://www.onlineu.com/
Photo: motothemes
ကုမာရ (ဂေါ်ရခါး)

#ကုမာရ