https://www.facebook.com/359152061329827/

C/raxmaan darood

Home
Ethiopia
Jijiga
C/raxmaan darood

C/raxmaan darood Page ku soo dhawoow

04/12/2023

Indooniisiya waa dalka ugu Muslimiinta badan adduunka, sida oo kalana waa dalka ugu dhaqaalaha badan dunida muslimka.
1.25% dhaqaalaha adduunka waxaa iska leh Indooniisiya oo kaalinta 16 kaga jirta dalalka ugu dhaqalaha badan caalamka oo dhan. Waxaana la odorosayaa in 2030 uu noqon doono dalka toddobaad ee dunida ugu dhaqaalaha badan, isaga oo dhaafi doona dalka Ingiriiska.

Dalka Indooniisiya taariikhdiisa magacyo badan ayaa uu lahaan jiray, waxa se ugu dambeeyey oo qarnigii 19naad u baxay Indoonsiiya (Indonesia). Waa magac afka Giriigga ah oo ka kooban laba qaybood, 'Indos' oo macnaheedu Hindi yahay iyo 'Nesos', oo jasiirado ah, kaas oo isku noqonaya “Indonesia’ oo macnaheedu yahay “Jasiiradihii Hindida”.

dalku waxa uu ka kooban yahay 13,677 Jasiiradood oo ku filqan labada badweyn ee Hindiya iyo Baasifigga, kuwaas oo 6,044 ka mid ah la deggen yahay. Tirada dadkiisu waa 280 Milyan, 86.7% waa muslimiin, 10.7% waa Kiristaan, inta soo hadhayna waxay isugu jiraan diino kala duwan oo ay ugu weyntahay buudhisamku.

Caasimaddu waa Jakarta, dalkana waxaa lagaga hadlaa in ka badan 700 oo af, laakiin waxaa rasmi ah afka Bahasa (Bajaasa) Indooniisiya.
Sannadkii 1945 kii ayaa uu gobannimada ka qaatay Holland, 1949 kiina waxaa loo aqoonsaday dal madaxbannaan.

Gobannimadii kaddib, dhibaatooyin badan oo dhaqaale iyo xasilooni la’aan siyaasadeed ayaa dalka curyaamiyey. Lixdamaadkiina waxaaba ka dhacday macaluul xun, kaddib markii dhaqaalaha dalku uu dhulka galay, saboolnimaduna si weyn u baahday. Taas oo loo tirinayey maamul xumo ka timid xukuumadihii talada qabtay.

Dabayaaqadii 1965 kii waxaa dhintay dad ka badan 1 Milyan iyo 300 oo kun oo qof, kaddib dagaalo dhex maray ciidamada dawladda iyo xoogag islaami ahaa oo garab siinayey oo isku dhan ah, iyo jabhado shuuciyadda u dagaalamayey.

Si kastaba ha ahaato ee dalka Indooniisiya dhinaca wanaagsan ayaa uu u dhaqaaqay intii ka dambaysay 1967 kii, in kasta oo intii h**e ay ka jireen xukunno milateri oo madaxdu ay kursiga ku raag

26/11/2023

Qoys u dhashay Shiinaha ayaa dacwad ku oogay nin dhinyaro ah oo inantooda guur ka doonayey, kaddib markii uu bixin waayey lacagta casuumad isbarasho oo ay qoyska isugu yimaaddeen.

Wiilkan ayaa qoyska inanta u fidiyey casuumaddan isbarashada iyo ogeysiinta doonista inanta ahayd.
Waxa uu qorshihiisu ahaa in ay u iman doonaan inanta iyo waalidkeed oo keliyi, laakiin waxaa amakaag ku noqotay markii uu hudheelkii casuumadda ugu yimid 23 qof oo qoyska inanta ah.

Markii cuntadii la dhammaystay ayaa wiilka loo keenay biilka oo noqday lacag u dhiganta 2'817 doolar, taas oo uu kaga jawaabay in uu lacagta bixinteeda ka baxsaday.

Inanta uu doonayey ayaa isku dayday in ay xaaladda dhedhexaadin ka gasho, waxa aanay wiilka u soo bandhigtay in iyady ay lacagta kala badh bixinayso isaguna inta kale bixiyo, laakiin waa uu diiday. Isaga oo ku adkaystay in uu bixinayo keliya lacag u dhiganta $562.

Ugu dambayn, qoyska inanta ayaa go'aansaday in maxk**adda ay u gudbiyaan dacwad ay ku dalbanayaan in wiilkan laga qaado lacagta.

Si kastaba ha ahaato ee waxaa xiise leh in maxk**addu ay gartii siisay wiilka, iyada oo xukuntay in xaq loogu leeyahay in uu bixiyo keliya kharashka cuntada ay cuneen isaga iyo inanta uu doonayey. Taas oo isku noqonaysay $197.

Arrintan ayaa doodo ka dhex abuurtay bulshada, laakiin sida ay ku warrantay shabakadda Sky news, Dadka Shiinaha oo ah dad dhaqan ahaan aad u urursan ayaa badankoodu ay la jiraan wiilka.

Haddaba , adiga maxay kula tahay.

24/11/2023

Maxamed Rashiid Ridaa waxaa laga qoray hadal xikmad dheer ku qotoma oo macnihiisu ahaa, “Nin u halgama bulsho jaahil ahi, waxa uu la mid yahay sida nin jidhkiisa dab ku qabtay si uu waddada ugu iftiimiyo ruux indha la’

1. Waxaa la yidhi halyeygii Che Guevara markii la qabanayey waxaa soo sheegay nin adhi jir ahaa oo Xoolo ku haystay deegaanka uu ku dhuumanayey.

Mar dambe ayaa ninkii la weydiiyey sababta uu cadowga ugu sheegay halgamaagan naftiisa u huray qadiyaddiisa iyo raadinta xuquuqdiisa. Ninkii waxa uu ku jawaabay, “Dagaalka uu ku jiraa waxa uu cabsi ku hayey xoolaha oo uu joogto iga didin jiray”

***

2. Qiso kale oo iyaduna u eeg ayaa jirtay, ‘Muxamed Kariim’ oo ahaa halyeey reer Masar ah oo si adag ula dagaalamay gumaystihii Faransiiska, gaar ahaan ololihii Napoleon. Muxamed ayaa ay Faransiisku qabteen, kaddibna maxk**ad ayaa la geeyey oo dil baa lagu xukumay.
Muxamed waxaa loo geeyey hoggaamiyihii maamulka gumaystaha oo u sheegay in uu cafis u fudinayo haddii uu bixiyo madaxfurasho dahab ah.

Muxamed oo ay rejo gashay ayaa u sheegay in aanu adduun haysan, laakiin uu fursad u siiyo in uu u tago ganacsatadii dalka si uu uga doonto qaadhaan. Muxamed fursaddii waa la siiyey, laakiin nasiibdarradiisa, dhammaan ganacsatadii uu u tegey waa ay ka diideen in ay qaan iyo qaadhaan mid uun siiyaan. Qaar ka mid ahina waaba ay aflagaadeeyeen, iyaga oo ku eedaynaya in dagaalka iyo halganka uu wadaa uu sabab u yahay burburka iyo dib dhaca dalka iyo dhaqaalihiisaba.

Hoggaamiyihii gumaystuhu Maxamed oo fara madhnaan kula soo noqday waxa uu ku yidhi, “Waan kugu fulinayaa xukunkaas dilka ah, laakiin kuuma dilayo sababtii dilka laguugu xukumay ee ahayd in aad dishay askartayada iyo in aad dagaal nala gashay. Laakiin waxaan kuu dilayaa sababta doqonniimadaada keentay in aad noloshaada u hibaysay dad jacaylka ay dantooda gaarka ah iyo maalkooda u hayaan uu ka badan yahay jacaylka ay u hayaan gobannimada waddankooda iyo xoriyaddooda shakhsiga ah.

Waa suurtagal in labadan she

10/11/2023

MADAXBANNAANI KELIYI MA XALLISO DHIBAATOOYINKA BULSHADA HAYSTA
------------------------

Inkasta oo Koonfurta Suudaan ay sannadkii 2011 kii noqotay dawladda ugu da’da yar adduunka ee la aqoonsaday, haddana taasi uma muuqato in ay aqoonsi u horseedi doonto dalalka kale ee iyaguna madaxbannaanida doonaya.

Guilherme Canever oo ah qoraaga buugga ‘Uma viagem pelos países que não existem’ muddo uu socdaal ku maray dalal aan la aqoonsan, isaga oo waday daraasadda buuggan, ayaa waayoaragnimada iyo natiijada uu sheegay in uu helay waxa ay noqotay, “Dawlado cusub oo la dhiso iyo xuduudo cusub oo la dhigaa in aanay xal u noqon karin dhibaatooyinka iyo colaadaha”

Waxa uu sheegay dalalka madaxbannaanida ku dhawaaqay ee uu maray badankooda, in sababta ku kalliftay goosashadu ay tahay isirka, qabiilka ama kooxda u badan oo marka h**e dalka ay ka goosanayaan ka noqday isir laga tiro badan yahay, ama laga awood badan yahay. Dhibaatooyinna kala kulmay dawladdii lagaga tirada badnaa, sidaas awgeed xalka dhibtaas u arkay in ay deegaankooda iskood u maamushaan.
Laakiin Canever waxa uu leeyahay taasi xal ma’ay noqon, waayo markii gobalkaas ama deegaankaasi dawlad u gaar ah dhistay, waxaa dhacday in dadkii marka h**e tiro yaraanta kaga cabanayey dawladda ay ka soo go’een in ay dawladdan cusub ka noqdeen kuwa tirada badan (Majority), isla markaana ay soo baxeen dadyow kale oo laga tiro badan yahay oo dabcan ah muwaadiniintii la lahayd dhulka. Waxaana halkaas mar kale ka soo noqotaya isla dhibtii h**e ee ahayd dad tiro yaraan lagu dhibaataynayo, ama dulmi ka tirsanaya kuwa tirada badan, ama uba baahanaya in laga ilaaliyo kuwa iyagu markii h**e tirayaraanta dhibtu u soo gaadhay oo markan u dhaqmaya sida kuwii ka tiro badnaan jiray ay kaga cabanayeen.

"Khadad iyo xuduudo cusub oo la jeexaa waxba k**a tarayaan dhibaatada, haddii aan la samayn nidaam dimuqraadiyadeed dhammaystiran oo dadka oo dhan xuquuqdooda u dammaanad qaadi kara." Ayaa uu Canever ku leeyahay buuggiisa.

Buugga ‘Uma viagem

30/10/2023

Waxaa la yidhi, waxaa jira urur lagu magacaabo midowga guuldarraystayaasha (The United Losers Association), kaas oo shardiga ugu weyn ee lagu xidho xubinta ku biiraysaa uu yahay, in qofku uu caddeeyo in uu nolosha guud ahaan ama qayb ahaan ku guuldarraystay; tusaale ahaan guurka, shaqada, xidhiidhada bulsho, iwm.

Waxaa la yidhi nin madax u ahaa ururkan ayaa qoray buug uu kaga warramayo, sida ugu habboon ee qofku uu ku noqon karo guuldarrayste / Faashil.

Waxa uu Haddaba war ka dhacay, buuggii oo uu u bixiyey Sida guuldarrayste lagu noqdo (How to Become a Loser) ayaa xiise badan oo akhris yeeshay, qoraagiina uu ka helay maal iyo magac weyn oo ah in uu yahay qoraa guulgaadhay.
Arrintani waxa ay sababtay in xubnihii maamulka sare ee ururku ay shir fadhiisteen, si ay xilka uga eryaan guddoomiyahooda. Eedda ay ku sababeeyeen xil ka qaadistuna waxa ay ahayd, ‘In uu guulaystay’

26/10/2023

HOOYO macaan
Fariin u reeb
❤️

14/10/2023

Rer Godey fariintaa gaadhisy" ninka Ragga ah waxaa Laga Rabaa in uu Xaniyaha ka ilaasho Kulaylka iyo Huurka , Sababta oo ah Xaniyaha oo Kululaada waxay Sababaan Dhalmo La,aan "

Dhakhtaradaan ayaa Ragga Sidaas Kula Talisay

14/10/2023

Dhabar adayga iyo kartida hooyadu waa mid ka mid ah aayadaha Ilaahay.

Hooyo❤️

31/05/2023

Mid ka mid ah, sababaha aana waligay u kala jeclaan doonin; maamulada S.land iyo puntland.

Waxay naga galeen gef wayn oo taariikhi ah. Ciyaalka ayaamahan danbe laabla kaca iyo sawaxanka wadaa ma oga, ficilada gunimada ah ee maxastii biri ma geydada ahayd ee cadaadiskii iyo dhibaatadii TPLF ka carartay lagu la kacay.
WQ qardiid

30/05/2023

Odayasha dhaqanka SSC iyo Raysalwasare Hamse❤️
No copy waa orjile💪💪Cali Dhuux dhuux sawirka ka qariya

29/05/2023

Caawinta dadkii kabarakacay Laascaanood Jamciyadda khayriga ah ee Rowda (Rowda charity) oo kaa shanaysa cisbitaalka bushra medical complex ayaa si wadajir ah waxay u fuliyeen wajigii koowaad Olole caafimaad oo ay ka fuliyeen Magaaladda Boocame

Barnaamijka oo ahaa laba qaybood Wacyi galin caafimaad, baadhitaankii iyo daawadiisii iyo wacyi galin guud, waxaana fulinayey dhakhaatiir dibadda ka timi iyo kuwa dalka gudihiisa jooga, wacyi galinta guud waxaa fulinayey qaar kamida aqoonyahanada gobolka sool, iyo macalimiinta jaamacadaha gobolka sool qaar kamida.

Wajiga koowaad waxaa ka faa'idaystay dad tiro ahaan kor u dhaafaya boqol iyo sodon qof adeegyada loo qabtay waxaa kamid ahaa baadhitaankii, daawadii oo labaduba lacag la'aan ah, waxaana ka shaqaynayey dhakhaatiir dibadda ka timi iyo kuwa dalka gudihiisa jooga.
W/q DarwiishTV

29/05/2023

Madaxweynihii h**e ee Jamhuuriyadda Maxamed Cabdullaahi Farmaajo ayaa soo dhoweeyay go'aanadii ka soo baxay shirka golaha Wadatashiga Qaranka ee ahaa in dalku aado doorasho qof iyo cod ah.

"Waxaan soo dhoweynaynaa mabaadiida guud ee lifaaqa heshiiska hoggaamiyeyaasha Golaha Wadatashiga Qaranka ay gaareen 27/5/2023, gaar ahaan arrimaha khuseeya doorashooyinka heer degmo, dowlad goboleed iyo heer federaal oo ay shacabku si toos ah u dooranayaan wakiilladooda, taas oo ah himilo muddo dheer shacabka Soomaaliyeed ay sugayeen in ay mar kale arkaan madax iyo wakiillo ay codkooda ku doorteen, oo ku salaysan nidaamka xisbiyada badan". Ayuu yiri madaxweyne Farmaajo.

"Sida ku cad qodobada lifaaqa Heshiiska Golaha Wadatashiga Qaran waxaa uu xambaarsan yahay qodobbo masiiri ah oo si toos ah u taabanaya qodobbo dastuuri ah, waxna ka beddelaya haykalka ama qaab-dhismeedka dowladda Soomaaliyeed, sidaas darteed waxaa lagama maar-maan ah nidaam kasta oo loo guurayo in uu noqdo mid looga heshiiyo wadatashi heer qaran ah (WADAR-OGGOL)". ayuu sii raaciyay madaxweynaha

29/05/2023

Maanta oo kale 570 sanno ka hor (29 May 1453), dawladdii Islaamka ee Cusmaaniyiinta oo uu hoggaaminayey Suldaan Muxamed kii labaad ayaa ku guulaysatay in ay burburiso, imbaraadooriyaddii Biisantiin (Roomaaniyiinta Bar) ee jirtay 1123 sanno (330 illaa 1453 M). Waxa aanay la wareegtay magaalada Istanbuul oo 1058 sanno ahayd caasimadda imbaraadooriyaddaas iyo xarunta Masiixiyiinta Bariga.

Suldaan Maxamed waxa uu guushan kula baxay magaca Muxammed Alfaatix, Aayasofya oo kaniisaddii baaderiga ahayd waxa uu ka dhigay masaajid, caasimaddii Biisantiin oo la odhan jiray Qustantiiniyana (Constantinople) waxa uu u bixiyey ‘Islaambool’ oo macnihiisu yahay magaalada Islaamka. Magacaas oo sannadkii 1930 ay dawladdii Calmaaniga ahayd ee Mustafe Kemaal Ataturk ay u beddeshay Istanbuul, iyada oo markaas horteedna ka rartay caasimaddii laga dhigay magaalada Ankara.

Waxaa jira warar sheega in riyooyinka madaxweyne Erdoqaan ay ka mid tahay in uu mar kale caasimadda ku soo celiyo Istanbuul.

Qisada burburintii Imbaraadooriyadda Bisantiin iyo qabsashadii Istanbuul oo ay muslimiintu boqollaal sanno ku hammiyayeen, Taariikhda Muxamed Al-Faatix iyo sooyaalka xiisaha leh ee Ayasofiya waxa aad ka helaysaa buuggayga 'Muxamed Alfaatix'

FG
Sawirrada hoose waa buugga 'Muxamed Alfaatix', iyo anigu mar aan booqday Masaajidka iyo Maqaamka Muxamed Alfaatix iyo Masaajidka Aayasofya.

Sawirrada waxaa qaaday si weyna magaaladaas igu soo dhoweeyey walaalkay Abdalrasheed Mose oo aan mar kale leeyahay mahadsanid
W/Q k**aal

29/05/2023

Riwaayad qosol badan🤣

29/05/2023

MUHIIMADDA WAQTIGA
==========

Waqtigu waa hibada ugu qiimaha badan ee uu Alle (SWT) aadamaha siiyey. Guusha uu qofku adduun iyo aakhiro gaadhi karo iyo guuldarraduba waxa ay ku xidhantahay hadba sida uu u maareeyo waqtigiisa. Waa sababta cimrigu uu u noqday waxa ugu horreeye ee qofka lagula xisaabtamo.

Sida uu ergeygii Alle (ﷺ) inoo sheegayna, Afarta arrimood ee maalinta qiyaamaha aanu qofna fagaaraha xisaabta ka tegi doonin, illaa la weydiiyo; waxaa ugu horreeya ‘Waqtigii uu haystay adduunka (Cimrigiisa) waxa uu ku soo qaatay’.
Mar kalana waxa uu sheegay (ﷺ) in dadka badankoodu ay mushteegaan ka faa’idaysiga caafimaadka iyo waqtiga ama fursadda ay haystaan.

Weligaa ma is weydiisay, sababta aad u nooshahay ama ujeeddada jiraalkaaga?!!

Haddii aad is weydiisay, waxaa hubaal ah in ay kuu soo baxayso jawaab kugu dhiirrigelisa in aad waqtiga ka faa’idaysato.

Haddii se aanad is weydiin, waxa aad ogaataa in waqtigaaga iyo cimrigaagu ay ku dhammaan doonaan wax aan raad adduun yeelan, aakhirana laga yaabo in ay halaag ku horseedaan.

Jawaabta su'aashaas ah sababta jiritaankeennu, waxa ay ku caddahay, Qur’aanka Kariimka ah oo Alle (SWT)ku sheegay in adduunkanba aanu u abuurin dheeldheel. ("وَمَا خَلَقْنَا السَّمَاءَ وَالْأَرْضَ وَمَا بَيْنَهُمَا لَاعِبِينَ")

Nuxurkuna waxa uu yahay in guul aad nolosha ka gaadho iyo riyadaada oo aad rumaysaa ay ku xidhantahay hadba sida aad waqtigaaga u maarayso.

29/05/2023

Aadan Mataankiisa,Wiilka Duurka
Talyaaniga Kasoo Warama

29/05/2023

HADALLADA JOE BIDEN KA YIDHI ERDOQAAN
==========

“Waxa ay ila tahay, ‘in aynnu ka badheedhno taageeridda hoggaanka mucaaradka, waa in uu eedaa [Siyaasaddeenna uu ka hor yimid]. Washington waxaa la gudboon in aynnu mucaaradka dhiirrigelinno si ay uga hor yimaaddaan Erdoqaan oo ay uga adkaadaan ..” – Washington Times January 2020.

***

“Ciddii doontaaba ha guulaysato ee halkaas [Gobalkaas] … dhibaato in ugu filani waa ay taallaa” – Politico, 15 May 2023. Wareeggii koowaad ee doorashada.

***

“Waan u hambalyeynayaa madaxweyne Erdoqaan dib u doorashadiisa Turkiga, waxa aan rajaynayaa in ay sii socon doonto wada shaqayntayadii xulafanimo, si aannu xal ugu helno qadiyadaha laba geesoodka ah iyo caqabadaha caalamiga ah ee aanu wadaagno, annaga oo xulafo ku ah NATO” – Twitter, 28 May 2023, guusha Erdoqaan kaddib.

28/05/2023

Madaxwayne Erdogan ayaa tirinta codadka ku Hogaaminaya
%68.19

28/05/2023

HAL SHEEKO IYO AFAR CASHAR
===========

Ninbaa beri waayey faash uu lahaa oo uu xaabada ku soo guran jiray, nin jaarkiisa ahaa ayaa uu ka shakiyey in uu isagu xaday, kaddib waxa uu bilaabay in uu si gaar ah ugu fiirsado, si uu u helo caddaymo ku maragfura tuugadaas. Muddo ayaa uu ninkaas ku daba jiray, waxa se yaab lahayd in muddadaasba ‘hadalka iyo dhaqdhaqaaqa ninkaas, iyo habdhaqanka uu ku arko uu ka dareemayey tuugo iyo khiyaamo”

Isaga oo weli dabagalkii ku jira ayaa uu maalintii dambe si kedis ah faashkii uga helay gurigiisa gudihiisa, ‘Wiil uu dhalay oo yar ayaa halkuu ku ogaa ka qaaday, kaddib Xamaam iyo qashin ayaa dusha ka fuulay oo ka qariyey’.

Aad buu uga xumaaday tuhunka uu muddo u qabay jaarkiisa, waxa se ka yaabiyey maalintaas kaddib, ‘hadalka, socodka, dhaqanka, dhaqdhaqaaqa iyo hab macaamilka ninkii jaarku in uu noqday mid muujinaya berinnimo, daacadnimo iyo wanaag”

Waa xikmad ina baraysa in waxa uurkaaga ku jiraa uu saamayn ku leeyahay waxa ay indhahaagu arkayaan, sidaas awgeed ay muhiim tahay, arrimaha iyo qofafka aynu qiimaynayno in aynaan eegin innaga oo marka h**eba fikir ka sii qabna.

Casharrada sheekadan laga baranayo waxaa ka mid ah:

- CASHARKA KOOWAAD
Dareenkeenna ayaa xukuma aragtida aynu nolosha ka qaadanayno – ku dadaal in aanad adduunyada ku arag qalbigaaga, balse aad ku aragto caqligaaga.

- CASHARKA LABAAD:
Ogow in marar badan ismoodsiiskeenna iyo wax aynu maskaxdeenna ka dhaadhicinnay ay innagu noqdaan xadhig iyo teed innaga joojiya guusha iyo gaadhista yoolasheenna. U fiirso caqabadaha nololeed ee ku haysta, waxa aad arki in badankeedu uu yahay uun sabab adiga kaa timid. Ku dadaal in aanad dhibbane u noqon dhibaato aad adigu uun is moodsiisay jiritaankeeda.

- CASHARKA SADDEXAAD
Bani’aadamku marka uu arrin xukun ka gaadho ama aamino, inta uu isku dayo in uu dadka kale u sharraxo xaqiiqada arrintaas iyo waxa uu u cuskanayo jiritaankeeda, waxaa ka badan inta uu isagu is sharraxo, kana sheekeeyo xaqiiqadiisa iyo jiritaankiisa qofeed.
Ceebta bani’aadamku waa in aragtidiisa iyo mabda’iisa uu ku dhiso aaminsanaantiisa iyo, qiyamkiisa. Waana sababta keenaysa in qadiyad keliya oo aan laba noqon karin, haddana ay dadku ku kala aragti duwanaadaan.

- CASHARKA AFARAAD
In aad dadka oo dhan ka aaminto beri, samafalayaal iyo dad dahab wada ahi waa kalsooni baadi kugu hagaysa iyo aragti gaabni kaa haysata nolosha, maalinta ay sidaas noqon waayaanna qalbi jab noloshaada dilaa ku haleelayo. In aad dadka oo dhan dhanka xun ka aragto; dhagarqabeyaal, sharwadayaal iyo dad liitaana waa xumaan iyo hallow noloshaada luminaya.

28/05/2023

Jacaylka QURUXDU waa dabeecad Alle aadamaha ku beeray, wax kasta oo qurux badani in uu fiican yahay qiimana agteenna ku leeyahay ayaa hubaal ah. Haddaba waxaa jira saddex dhaqan oo fiican oo Alle wanaaggooda qurux ku metaalay.

1. SAMIRKA

Markii Nebi Yacquub (CS) wiilashiisii u sheegeen in walaalkood Yuusuf (CS) yey cuna (Iyaga oo ceel ku riday), isaga oo dareensan in wiilashiisani dhagar u maleegeen walaalkood, waxa uu go’aansaday in uu iska samro. Samirkaas Alle markuu ka warramayey qurux ayaa uu ku tilmaamay. “Samirku waa qurux”

Mar kalana Alle (SWT) waxa uu Rasuulkiisa (SCW) u sheegay in uu samir qurux badan u yeesho dadkiisa la garan la’ xaqa uu ugu yeedhayo, isla markaana aanu ka daalin kana niyadjabin ee uu ku samro diinta ugu yeedhayo. (Samir qaado, samirka ayaa qurux badan ee” ayaa la faray.

Samirka quruxda badan waxaa lagu macneeyey in uu yahay kan aanay ku ladhnayn cabsi, itaal waa, cabasho iyo uur ku taallo dambe.

*Suuradda Yuusuf, aayadda 18 iyo suuradda Macaarij aayadda 5
-
-{بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ}” يوسف،18.

- {فَٱصْبِرْ صَبْرًا جَمِيلً} – المعارج 5

2. KA FOGAANSHIYO QOFKA SAMA-DIIDKA AH
Nebi Muxamed (SCW) waxa uu Quraysh kala kulmay dhibaatayn nafsadeed iyo mid jidheed labadaba, nabarro la soo gaadhsiiyo iyo aflagaado waxaa u dheeraa dadka raacay oo dhibaato aanu waxba ka qaban karin lagu samaynayey.

Waxa uu kula dardaarmay in uu u dulqaato, kana fogaado dhibtooda, laakiin ka fogaanshiyo aan calool xumo iyo nac lahayn oo keliya dhibtooda uu ka durkayo isaga oo aan ka quusanayn in uu xaqa ugu yeedho. Ka fogaanshiyaha noocan ah ayaanu Alle (SWT) ku tilmaamay mid qurux badan / wanaagsan. – Suuradda Musammil, 10.
-
(وَاصْبِرْ عَلى ما يَقُولُونَ وَاهْجُرْهُمْ هَجْراً جَمِيلًا) - المزّمِّل: 10

3. CAFISKA
Xaqa iyo wanaagga uu Nebi Muxamed (SCW) umaddiisa ugu baaqayey waxa ka hor timid beenin iyo Allaah (SWT) oo la dafiro. Waxa uu ahaa dhaqan culays ku ah niyadda nebiga (SCW) oo huba xaqnimada Islaamka. Allaah isaga oo taas ka jawaabaya ayaa uu Nebiga xasuusiyey abuurtiisa cadaaladda ku dhisan iyo awooddiisa Ilaahnimo ee cid kasta oo garaad leh tusaysa xaqa uu u leeyahay in kelidii la caabudo. Waxa uu u sheegay in beeninta lagala hor yimi aanay meesha ka saarayn xaqiiqada ah in saacadda qiyaame dhacayso. Intaas kaddib Allaah waxa uu nebigiisa baray casharka ay tahay in uu ku qaabilo beenintaas, waa xilligii jihaadka la faray ka hor ee, taas oo ah in uu iska cafiyo dadkaas welibaa cafis qurux badan. cafis aanay xumayn erey iyo ficil midina wehelin, calool xumo dambana aan ku reebin. Suuradda Alxijri, aayadda 85
-
وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ ۗ وَإِنَّ السَّاعَةَ لَآتِيَةٌ ۖ فَاصْفَحِ الصَّفْحَ الْجَمِيلَ (الحجر – (85

Sheekh Ibnu Taymiya kitaabkiisa Alcubuudiya bogga 92 marka uu ku sharraxayo saddexdan dhaqan ee quruxda badan waxa uu ku macneeyey:

Ka Fogaanshiyo Qofka Xun: Ka fogaanshiyaha dhiblowga iyada oo aan dhibtiisa /aarsi lagu maqnayn
-
{وَاهْجُرْهُمْ هَجْراً جَمِيلًا} [المزمل: 10].

Cafis qurux badan: Cafis aan canaan dambe iyo ciilqab reebin
-
{فَاصْفَحِ الصَّفْحَ الْجَمِيلَ} [الحجر: 85].

Samir Qurux badan: Samir aan cabasho iyo tawaawuc dambe reebin
-
{فَٱصْبِرْ صَبْرًا جَمِيلً} – المعارج 5

28/05/2023

Libaaxu waa hoggaamiyaha, iyo halyeeyga boqortooyada habardugaag, waa boqorka keynta. Waa xayawaanka ugu haybadda badan habardugaag ee aadamuhu dhaqan iyo diin kasta oo ay haystaanba, si isku mid ah u qiraan haybaddiisa, geesinimadiisa iyo hoggaamintiisa.

Laakiin, libaaxu ma’aha xayawaanka ugu weyn xayawaannada oo maroodi baa jooga, k**ana miisaan cusla jeerta, k**a joog dheera geriga, k**a qurux badna faraska, k**a jidh dhisna shabeelka, k**a bootin dheera harimacadka. Xitaa maaha xayawaanka ugu xeeladda badan, mana ugu fariidsana oo daraasadaha la sameeyey waxa ay qireen in maska iyo waraabuhuba ay ka garaad badan yihiin.

Iyada oo waxaas oo dhammi jiraan, haddana Libaaxu waa boqorka keynta, hoggaamintiisana waxaa innagaga filan hal-ku-dheggii ahaa, “Xayn adhi ah oo libaax hoggaaminayo, ayaa ka adag / jebin karta, raxan libaaxyo ah oo wan (Neef ido ahi) uu hoggaaminayo. Waa tusaale fiican oo ina siin kara in hoggaamintu aanay waxaas oo dhan ku xidhnayn.

Haddaba su’aasha aan maarta asxaabta boggan u hayaa waxa ay tahay; “Muxuu libaaxu kaga duwanyahay xayawaannadaas kale ee uu ku kasbaday hoggaaminta habar dugaag??!!”

27/05/2023

Tilmaamaha hoggaaminta wanaagsan iyo astaamaha hoggaamiyaha fiican ee dadku ku hoos ururaan, kuna midoobaan nidaamkiisa waxaa ka mid ah:
- Dad ururinta
- Dabacsanaanta iyo erey wanaagga
- Cafiska iyo dulqaadka
- iyo Talo badsiga
Waana tilmaamihii hoggaamineed ee qur’aanku ku ammaanay, sida oo kalana ku amray Nebi Muxamed (SCW). Waxa aanay ka mid yihiin sababaha keenay in dadku ay si wadar ah u raacaan diinta ku cusbayd ee uu ku baaqayey, kalgacalka ay u hayaan hoggaaminta nebiguna gaadhay heer ay u diyaar ahaadaan in nafahooda ay ku furtaan noloshiisa, iyo in ay ku hoos midoobaan calanka dawladdii Islaamka ee uu dhidibbada u taagay.

{... ۖ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ ۖ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ ۖ...} آل عمران: 159

‘Haddii aad qallafsanaan (Hadal xumaan) iyo qalbi adayg lahaan lahayd, hareerahaaga waa ay ka didi lahaayeen. .. Cafi, dembi dhaafna Alle u weydi , lana tasho’

27/05/2023

TURKIYE: MAXAA DOORASHADA BERRI LAGA FILAN KARAA (1)
===========

Turkiga waxaa maalinta berri mar kale looga dareerayaa doorashada ay dunida oo dhammi indhaha ku hayso ee madaxtooyada, isla habeennimadana waxaa la ogaan doonaa Erdoqaan iyo Kilijdaar midka dalka hoggaamin doona 5 sanno ee soo socda
Wareeggii h**e ee doorashada oo laba murashax oo kale ay ku wehelinayeen tartanka, ayaa Erdoqaan uu hal iyo badh keliya ka hoosaysa tirada ugu yar ee laga rabay oo ah 51 boqolkiiba, Halka uu hoggaamiyaha mucaaradku uu u baahnaa ugu yaraan 6.1 dhibcood.

Aragtiyo iska soo horjeeda ayaa laga bixinayaa midkooda ku guulaysan doonta doorashada, laakiin anigu waxa aan odorasayaa inuu heli doono madaxweyne Erdoqaan, sababo ay kuwan hoose ka mid yihiin awgood:

1. Sida uu sharcigu dhigayo wareegga labaad waxaa guulaysanaya murashaxa codadka ugu badan ka hela tirada guud, xitaa haddii ay boqolkiiba 50 ka yartahay.
Marka arrinta lagu saleeyo, xitaa haddii ay labada murashaxa codadka doorashada ay u kala helaan sidii ay wareeggan koowaad u kala heleen. Waxa ay noqonaysaa in Erdoqaan uu sarreeyo codad tiradoodu ka badantahay 2 milyan, 538 kun iyo 670 cod;

2. Guusha uu isbahaysiga Erdoqaan ku helay aqlabiyadda kuraasta baarlamaanku, waxa ay soo xidhay rejada isbeddelkii ay dadka mucaaradka u codeeyey filayeen, maadaama oo aanu suurtagal noqonayn baarlamaanka awgii.
Arrintani waxa ay keenaysaa in xamaasadda codbixiyeyaasha mucaaradku intii h**e ka yaraato, tiradooduna hoos u dhacdo.

3. Guusha weyn ee Erdoqaan uu ka gaadhay wareeggii h**e waxa ay keeni doontaa in ay u soo noqdaan dad badan oo marka h**eba guul-raac ahaa, kuwaas wareeggii h**e ku dagmay buuqii reer galbeedka iyo mucaaradka ee guusha sheeganayey.

4. Kemaal Kilijdaar wareeggii h**e waxa uu guusha doorashada ku waayey codad dhan 2 Milyan iyo 800 oo kun. Halka uu Erdoqaan ku waayey 275 kun oo cod, waa tiro yar oo uu si fudud uga heli karo codadka uu ku soo biiriyey murashaxii hadhay ee Sinaan Oqaan oo taageeray Erdoqaan, waayo codadka uu Oqaan helay waxa ay ahaayeen, 2 Milyan 831 kun iyo 239 cod. In kastao o xisbigiisu uu kala jabay oo qayb ahaani ay mucaaradka u tegeyso.
Waxa kale oo xusid mudan in murashaxii afaraad ee Muxaram Inje uu isna taageeray Erdoqaan, codada uu haystayna ay ahaayeen 235 kun iyo 783 cod.

5. Kemaal Kilijdaar guuldarradii wareeggii koowaad kaddib waxa uu isku dayey in uu raalligeliyo wadaniyiinta iyo calmaaniyiinta, taasina waxay abuurtay dareen cabsiyadeed oo ay qaadeen dadka u janjeedha dhinaca aragtida Islaamiga ah oo taageero xooggan imika ku leh Turkiga, sidaas awgeed murashaxiinta aragtidaas Islaamiga qabaa waxa ay isu abaabulayaan si sidii h**e ka firfircoon, waxaana la filan karaa in codad intii h**e ka badan ay ugu hiiliyaan madaxweynaha hadda.

Erdoqaan oo arrintan ka faa’idaysanaya ayaa bilaabay in uu ka warramo cabsida laga qabo in xisbiga calmaanigu uu la yimaaddo isbedello arrimaha diinta khuseeya, waxaa ka mid ah arrinta xijaabka iyo jaamacadaha, iyo guud ahaan xidhiidhka uu Turkigu la leeyahay dunida muslimka, iwm.

Sida oo kale Erdoqaan si uu dareenka Islaamiyiinta u kasbado waxa uu 24 kii saac ee u dambeeyey tegey xabaasha raysalwasaarihii dalka dib ugu soo celiyey Eedaanka h**e Calmaaniyaddu u mamnuucday iyo qaar ka mid ah dhaqannada islaamka ee h**e loo diiday, sida oo kalana xidhiidhka dalalka muslimka wanaajiyey. Waa Cadnaan Madariis oo ciidamada Calmaaniyadda ilaalinayey ay afgembiyeen kaddibna dil daldalaad ah ku fuliyeen.

6. Xisbiyada mucaaradka waxaa marka h**e rejada u abuuraysay guuldarradii uu xisbiga Erdoqaan kala kulmay doorashooyinkii golayaasha deegaanka ee 2019 kii, taas oo soo dhiirrisiay taageerayaasha mucaaradka, laakiin hadda guusha wareegga koowaad ee doorashadani waxa ay ku keenaysaa niyad jab.

7. Kilijdaar Oglo taageereyaal badan ayaa la filayaa in uu ku waayi doono sababta guuldarradii xisbigiisa ka raacday doorashada baarlamaanka. Kuraastii uu xisbigiisu golaha ku lahaa ayaa hoos u dhacday beddelkeedana waxaa codadkii guud ee isbahaysiga kuraas ku helay xisbiyada la xulafada ah oo qaarkood ay islaamiyiin yihiin. Arrintaasi waxa ay abuurtay dood ah in Kilijdaar keliya si uu u gaadho dantiisa shakhsiga ah ee ah in uu madaxweyne noqdo, inuu galay heshiis isbahaysi oo uu xisbigiisii calamaaniga ahaa uu kuraas ku waayey.

26/05/2023

Waxaan ahaa arday waxaa filand kayimiday jabarti dhadhere oon ilmadeer nahay waxaan jooga adis ababa wuxuuna idhahay ilow iyo ilow waa inaad maanta ila qayishaa ana madama aan ixtiramayay haye ayaan dhahay iyadoo igu adag horayna anan waligay jaad u cunin.

Waxaan tagtay xaafad ku taala bolemaka,il waxaa joogay laba gabdhood iyo wiil kale oonan hada magacisa xasuusan misna meel shidan oo diiran ayaanu fadhisanay, dhawr geed ayaan cunay amin casar gaaban ah ayaan kululaday misna intaan ayar iskasoo baxay ayaan Taxi kudhahay ma i gaynaysaa xaafada ladhaho 24 haya-arat? Haa waan ku gayne 25 riyaal iska bixi.

Waanu isku af garan waynay lacagtii taxiga misna waxaan is idhi maxaad lacag ugu bixin taxiga maabad ayar iska raacdid baskan wadada wayn socda, dhankii baska ayaan ukacay misna waxaan arkay isagoo fiilo lagu jiro, hadana waxaan is idhi fiiladan ma sugi kartide maabad ayar iska lugaysid ood ka gashid dhanka garji.

Mudo markaan sii lugaynayay ayaa maqrib la eedamay ayar baan biyo iibsaday kadibna laamida qarkeeda iska waysaystay kuna tukaday ilaa intaa waan sii lugaynayaa misna waxaan gurigii tagay xili maqribka dabadisa ah cishana uuna gaadhin.

Intaas oo dhan waxaan usoo socday inaan gurigii aan daganaa kusoo maydho, markaan kasoo baxayay cidna uma sheegin inaan baxayo kaliya wax suuliga galayaa iska dhigay, markan gurigaygii imid een maydhay ayaan niyada iska idhi niyoow madan qadaynin maad cunto soo qadatid misna cunto ayaan doontay miyay iga dagtaaba nag.

Mirqaan waxaan umaleeyay ayaan jiq ahay oo waan daalanahay waan dhididayaa, waxaan lahadlay gabadh nayrobi joogta oo aqoon guud naga dhaxayaay misna kudhahay naa hebla soo bax waan ku guursanayaaye, gabadhii yaab guur maxaya walal? Mida kale aniga waan kaa fogahay lacagna ma haysto aan kusoo baxo ayar unbaan kudhahay anaa lacag soo diraya ee isug waxyar, waxaan utagay nin shiine ladhaho oo reer qabridahar ahaa oo xawalad haysta adeer lacagtaydii biilka ahayd waxaad ka dirtaa boqol dolar oo waxaad udirtaa hebla hebel oo jooga nayrobi🙈

Gabadhii kudhahay waa soo diraye ka qaado xawaladaa misna haye ayay tidhi iyadoo yaaban, xili 9kii fiidnimo ah ayaan taxi qaatay misna qoladii oo igu wareertay siday ii raadinayeen ileen telkiina waan xidhaye utagay😂

Markaan utagay ayaan kudhahay waan xanuunsaday oo xaafadii ayaan yara tagay, habeenkii oo dhan maan seexan oo niyada ayaan galiyay inaan mirqaansanahay misna xili saladii subax agteeda ahayd unbaan is idhi hadaad cidiyaha iska gurto ood maydhato wuu kaa bixi mirqaanku misna ciyo gur ayaan raadiyay waan waayay nag.

Waxaan guriga wada daganayn gabadh reer dhoobawayn ah oo ay walalo yihiin nin qurux ladhaho oon sxp nahay magaceedii waan iloobay waxay ahayd gabadh wadaad ah iyadoo markaa isleh ukac salada subax ayaan ku garacay heblaay iga fur waa ayo waa aniga waa cabdi dheere oo waagaas cabdi dheere ayaa la i odhan jiray😂

Markay iga furtay iyadoo yaaban ayaan kudhahay huuno ciya jar mahaysaa? Iyadoo yaaban ayay dhahday waan naxayoo waxaan is idhi maxaa kudhacaye bal sug walal aan baadhee, way ii heshay wayna isiisay hadana markaan qolka galay unbaan ciyo badanba iska waayay oo waxaan isdhahay hadaad toosh ku eegto malaha waad jari kartaa misna gabadhii baan kunoqday oon kudhahay huuno toosh mahaysaa? Intay yaabtay idhahday may huuno waxba mahayo😂😂

Waagii baa baryay anoo sidii uyaban misna xiligaas baan seexday waxaan toosay casarkii anoo yaaban oo caadi noqday ayaan xasuustay waxaan xalay sameeyay oo dhan misna gabadhii aan lacagta udiray een kudhahay soo bax waan ku guursane ayaan wacay anoo islahaa kudhe iska joog lacagtana badh isoo celi 😂😂

Telkeedii waaba qurdhib oo wuu xidhanyahay oo ilahay wuxuu iga dhigay uun inay soo baxdayba, anoo yaaban ayaan kuceliyay fiidkii misna waaba xidhanyahay, show intay yaabtay ayay simcarkiiba iska tuurtay, hada freinds baan nahay waxaana lagu qabaa maraykan.

Jaad danbe iyo waxa cunaba waan necbahay😂

Address

Jigjiga
Jijiga

Telephone

+251929476143

Website

facebook.com

Alerts

Be the first to know and let us send you an email when C/raxmaan darood posts news and promotions. Your email address will not be used for any other purpose, and you can unsubscribe at any time.

Videos

Riwaayad qosol badan🤣

Aadan Mataankiisa,Wiilka Duurka Talyaaniga Kasoo Warama

Xalay iyo somalind SNM

Waxaan ahey labkii Dunida iyo Laqankii Daaroodee,Ninkii Loolameynaa Nafwaa kala lugeeyaan. Gabey afarey ah. Abwaan Jamac M Farah following pages Ka ilawne