Muslim Bagh Times

19/07/2022

18/07/2022

18/07/2022

کرپشن و کمیشن پر حضرت مولوی نور اللہ صاحب کا موقف

تحریر : محمد حنیف کاکڑ راحت زئی

جمعیت علماء اسلام کے صوبائی رہنما اور ضلع قلعہ سیف اللہ کے گھاگ اور رفیقِ ایم پی اے حضرت مولانا نوراللہ صاحب روز اول سے کرپشن و کمیشن کے خلاف ہے۔ کیونکہ انہوں نے ہمیشہ نہ صرف عام مجلسوں میں بلکہ اسمبلی کے فلور پر بھی کرپشن وکمیشن کو ملک اور صوبے کا ناسور قرار دیا ہے ۔ مولوی صاحب کے خیال میں کرپشن یا بد عنوانی صرف رشوت اور غبن کا نام نہیں ہے بلکہ اپنے عہد اور اعتماد کو توڑنا یا مالی اور مادی معاملات کے ضابطوں کی خلاف ورزی بھی بدعنوانی کی شکلیں ہیں- ذاتی فائدے کیلیے دوسروں کے صلاحیتوں اور وسائل کے بے رحمانہ استعمال کرنا بھی بد عنوانی ہے-

کرپشن ایک ایسا مرض ہے جو موذی مرض کی طرح پھیلتا ہے اور معاشرے کو لپیٹ میں لے لیتا ہے- ہم سب جانتے ہیں کہ اس موذی مرض نے ہماری سماجی، سیاسی اور روحانی زندگی کو تباہ کر کے رکھ دیا ہے- مولوی نوراللہ صاحب سمجھتے ہیں کہ اس وقت ملک اور صوبے کی جو حالات ہیں وہ کرپشن و کمیشن کی وجہ سے بگڑی ہوئی ہیں ۔ موجودہ دور میں ملک اور صوبے کو جو اس وقت مختلف چیلنجوں کا سامنا ہے اس میں غربت، افلاس، بےروزگاری ، ڈالر کی اونچی اڑان اور معاشی بدحالی ہیں ۔ اگر ہم نے ملک اور صوبے کو راہ راست پر لانا ہے تو ملک سے کرپشن اور کمیشن کا خاتمہ کرنا ہوگا۔ کوئی نگران اگر خود بد دیانت ہو تو لوٹ کھسوٹ میں اپنا حصہ مانگ کر کرپشن میں معاونت کرتا ہے۔ جس سے بربادی کا عمل اور گہرا ہو جاتا ہے۔

انہوں نے کچھ عرصہ پہلے ایک مدرسے میں حافظوں کے ستار بندی کے موقع پر خطاب کرتے ہوئے کہا کہ عمل کی بنیاد پر ہی انسانی زندگی کندن بنتی ہے ۔ بد اعمالی سے تباہی و بربادی اُس کا مقدر بن جاتی ہے ۔ عصر حاضر میں کئی ایک سماجی برائیاں نسل انسانی کو دیمک کی طرح چاٹ رہی ہیں۔ ان سماجی برائیوں میں سر فہرست جس نے نسل انسانی کو نقصان پہنچایا ہے وہ کرپشن کا ناسور ہے۔ کیونکہ بے شمار برائیاں اس کی کوکھ سے جنم لیتی ہیں، کرپشن وکمیشن اعلیٰ اقدار کی دشمن ہے۔ جو معاشرے کو اندر سے کھوکھلا کردیتی ہے۔ یہ بات روزِ روشن کی طرح عیاں ہے کہ قوموں کی تباہی میں مرکزی کردار ہمیشہ کرپشن کا ہی ہوتا ہے، یہ کسی بھی صورت میں ہو، جس قوم میں جتنی زیادہ کرپشن ہو گی، وہ قوم اتنی ہی جلد بربادی کے گڑھے میں جاگرتی ہے۔ اگر کسی قوم کے رگوں میں کرپشن سرایت کرجائے تو وہ اپنی شناخت وساخت اور مقام و مرتبے سے یوں ہاتھ دھو بیٹھتی ہے، جیسے کوئی بلند مقام کبھی اس قوم کو ملا ہی نہیں تھا ۔ کرپشن کینسر کی مانند خطرناک اور سماج کو سماجی موت سے ہمکنار کرنے والا بھیانک مرض ہے، جس معاشرے کو لگ جائے اس معاشرے کی بربادی یقینی سمجھیں۔ کیونکہ کرپشن زندگی کے ہر پہلو کو تباہ کرکے رکھ دیتی ہے۔

مملکت خدادِ پاکستان جو مذہب کے نام پر حاصل کیا گیا تھا۔ اس کے بارے میں ٹرانسپیرنسی انٹرنیشنل کے تازہ عالمی سروے کے مطابق پاکستان میں سب سے زیادہ کرپشن سرکاری محکموں اور اسکے بعد عدلیہ میں ہوتا ہے۔
2021 کے کرپشن پرسیپشن انڈیکس کے مطابق بدعنوانی کے لحاظ سے پاکستان 180 ممالک میں سے 140 ویں نمبر پر ہے۔

حضرت مولوی نور اللہ صاحب نے ضلع قلعہ سیف اللہ میں ایجوکیشنل سیمنار سے خطاب کرتے ہوئے کہا کہ کرپشن کرنے اور کمیش لینے والے افراد زندگی کے حقیقی عنوان سے بھٹکنے والے بدعنوانی کا شکار ہوتے ہیں۔ کرپشن کا یہ راستہ کسی ایک نقطے پر مرکوز نہیں رہتا ۔ وسعتِ کائنات کی طرح یہ بھی دائرہ در دائرہ اپنا جال بچھاتے ہیں۔ بدعنوانی ایک جال ہے جس میں لالچ ، طمع، حرص، جھوٹ، مکاری، فریب اور خود نمائی کے خوش نما نگینے جَڑے ہیں۔کم فہمی اور خود فریبی کے شکار لوگ ،ان جھوٹے نِگوں کی چمک سے اپنی حقیقت فراموش کر جاتے ہیں ۔اُنھیں اپنی ذات کے علاوہ کچھ نظر نہیں آتا۔ وہ اپنی بے جا خواہشات کی تکمیل کے لیے ناجائز ذرائع اختیار کرتاہے ۔اپنے ماحول اور معاشرے کا حق مارتاہے ۔ وہ خود کو دوسروں سے بالا تر رتبے کا خواہاں ہوجاتاہے۔ اپنے نفس کی تسکین کے لیے وہ بدعنوانی کا راستہ اختیار کرتاہے ۔اپنی حیثیت سے بالا تر ہو کر لوٹ مار ، قتل و غارت ،ڈاکہ زنی ، چوری ، رشوت اور اپنے اختیار ات کے ناجائز استعمال سے وہ چند روزہ زندگی کو اُلجھنوں اور پریشانیوں میں مبتلا کر لیتاہے ۔

بدعنوانی ایک معاشرتی برائی ہے جو قومی ترقی کی راہ میں رکاوٹ ہے ملک سے بدعنوانی کا خاتمہ انتہائی ضروری ہے کیونکہ بلا تفریق احتساب کے بغیر کوئی قوم ترقی نہیں کرسکتی۔ بدعنوانی ایک سماجی ظلم اور بہت بڑی معاشرتی برائی ہے ۔ کرپشن کرنا عوام کے حقوق پر ڈاکہ ڈالنے کے مترادف ہے ۔ کیونکہ کرپشن ایک ایسی لعنت ہے جو چھوٹے طقبے سے لے کر بڑے طبقوں تک پائی جاتی ہے ، یہ ناسور ہمیں ختم کرنے کیلئے سب کو اپنا اپنا کردار ادا کرنا ہوگا ریڑھی بان سے لے کر بڑے تاجر، چپڑاسی سے لے کر بڑے آفیسر تک کرپشن ہورہی ہے۔ رشوت معاشرے کے جڑوں کو کھوکھلا کردیتی ہے ، کرپشن ایک موذی مرض ہے جو کہ ہماری سماجی سیاسی اور روحانی زندگی کو تباہ کرکے رکھ دیا ہے. کرپشن پاکستان میں ترقی اور استحکام کیلئے بڑی رکاوٹ ہے جوکہ اس کا خاتمہ انتہائی ضروری ہے ۔

حضرت مولوی نور اللہ صاحب نے 2018 کے عام انتخابات میں عوامی جلسے سے بات کرتے ہوئے کہا کہ جب تک ہر کوئی اپنا انفرادی کردار ادا نہیں کرے گا کرپشن کا علاج ممکن نہیں۔ محکمہ انسدادِ رشوت ستانی کے ساتھ قدم بہ قدم تعاون کی ضرورت ہے ۔ یہ امر ایک جہاد ہے ۔اس سماجی برائی کے خاتمے کے لیے خاص کر اساتذۂ کرام اور تعلیم یافتہ لوگوں کے علاوہ ، علمائے کرام اور میڈیا کا فرض عین ہے کہ وہ معاشرے میں موجود کرپشن کی حقیقت کو بے نقاب کریں۔ تاکہ ملک اس موزی مرض سے بچ سکے اور ملک ترقی کی راہ پر گامزن ہو سکے.

17/07/2022

جمعیت علماء اسلام کے صوبائی رہنما اور ضلع قلعہ سیف اللہ کے محبوب اور ایماندار ایم پی اے حضرت مولوی نور اللہ صاحب نے لوئی بند اور اس کے اردگرد علاقوں کا ایمرجنسی بنیادوں پر دورہ کیا جوکہ بارشوں وسلاب سے متاثر ہوئی تھی۔ حضرت مولوی نور اللہ صاحب کے ہمراہ اس دورے میں اسسٹنٹ کمشنر مسلم باغ ذکاء اللہ صاحب ، جمعیت علماء اسلام اصلاحی کمیٹی ضلع قلعہ سیف اللہ کے چئیرمین مولوی سید محمد ، یونین کونسل لوئی بند کے نومنتخب وارڈ ممبران مولوی فضل کریم اور نومنتخب کونسلر مرغہ فقیرزئی حاجی خیر الدین کاکڑ میرزئی ودیگر بھی موجود تھے ۔

جمعیت علماء اسلام کے صوبائی رہنما اور ضلع قلعہ سیف اللہ کے گھاگ ایم پی اے حضرت مولوی نور اللہ صاحب کے طرف سے لوئی بند کے گاوں وچہ کندہ ، ممہ مچھرزئی، ہودک ، اور لوئی بند ودیگر میں بارشوں و سیلاب متاثرین میں امدادی سامان تقسیم کیے۔ جن میں سو سے زیادہ گھرانوں میں ٹینٹ , راشن , گیس سلنڈر ودیگر اشیا خوردنی شامل تھے۔
اہلیان لوئی بند اور اردگرد کے مکینوں نے جمعیت علماء اسلام کے ممبر آپ صوبائی اسمبلی حضرت مولوی نور اللہ صاحب کو خراج تحسین پیش کرتے ہوئے ان کا دل کی گہرائیوں سے شکریہ ادا کیا ۔
منجانب : محمد حنیف کاکڑ راحت زئی۔

17/07/2022

جمعیت علماء اسلام کے صوبائی رہنما اور ضلع قلعہ سیف اللہ کے گھاگ ایم پی اے حضرت مولوی نور اللہ صاحب, اور اسسٹنٹ کمشنر مسلم باغ ذکاءاللہ دورانی صاحب و دیگر نے بارشوں و سیلاب سے متاثرہ خاندانوں اور علاقوں کے نقصانات کا جائزہ اور تخمینہ لگانے کے لیے مرغہ فقیرزی(وچہ کندہ , جنگل , بابوچنہ اور سلک)
کا دورہ کیا۔ اس موقع پر حضرت مولوی نور اللہ صاحب نے متاثرین سے مختصر گفتگو کرتے ہوئے کہا کہ ہمیں بخوبی علم ہے کہ حالیہ بارشوں سے آپ لوگوں کے مختلف علاقوں میں لوگوں کے نقصانات کے ساتھ ساتھ نہ صرف گھرانے مہندم ہوئے ہیں بلکہ زرعی اور مال مویشیوں کے نقصانات بھی ہوئے ہیں۔ حضرت مولوی نور اللہ صاحب نے متاثرہ خاندانوں کو مخاطب کرتے ہوئے کہا کہ آپ لوگوں کی مدد اور خدمات کرنا ہم فرض اولین سمجھتے ہیں۔ انہوں نے مزید بتاتے ہوئے کہا کہ ہم نے وزیر اعلی بلوچستان اور چیف سیکریٹری بلوچستان ودیگر منسٹرز سے رابطے کیے جس کی بنیاد پر حکومت بلوچستان نے ضلع قلعہ سیف اللہ کو آفت زدہ ڈیکلیئر کر دیا گیا۔ مجھ سمیت ضلع قلعہ سیف اللہ کے تمام غیور عوام وزیراعلی بلوچستان اور چیف سیکرٹری بلوچستان کے شکر گزار ہے کہ انہوں نے ضلع قلعہ سیف اللہ کو آفت زدہ اظلاع کے لسٹ میں دوبارہ شامل کر دیا گیا۔ یعنی اب ضلع قلعہ سیف اللہ کو امداد کی صورت میں تمام متاثرین کے جتنے بھی نقصانات ہوئے ہیں ان کا مداوا کیا جائے گا۔ انہوں نے مزید کہا کہ سیاست سے بالاتر ان بارشوں و سیلاب سے متاثرہ لوگوں کو ہم یہ یقین دلاتے ہیں کہ تکلیف کی اس گھڑی میں وہ اکیلے نہیں ہیں بلکہ ہم سب بحثیت زمہ دار قوم ان کے ساتھ ہیں۔ اور ان کی ہر ممکن مدد کرنے کیلیے تیار ہیں۔ حضرت مولوی نور اللہ صاحب کی انتھک محنت , کوششوں اور اظہار ہمدردی پر مرغہ فقیرزی( وچہ کندہ , جنگل , بابوچنہ اور سلک) کے عوام اور زمینداروں اور کسانوں نے حضرت مولانا حضرت مولوی نور اللہ صاحب کا دل کی گہرائیوں شکریہ ادا کیا۔
منجانب : محمد حنیف کاکڑ راحت زئی۔

16/07/2022

جمعیت علماء اسلام تحصیل مسلم باغ کے اصلاحی کمیٹی کے چیئرمین مولانا عبدالباقی صاحب، الیکشن سیل کے چیئرمین مولوی عبد القادر صاحب اور اصلاحی کمیٹی کے ممبران جس میں خاص طور پر مولوی آمین اللہ ، حافظ صورت خان ، مولوی عبیداللہ ، مولوی سخی ، مولوی عبدالزاہد اور شفیع الرحمن اخند زادہ ودیگر کے جانب سے جمعیت علماء اسلام کے صوبائی رہنما اور ضلع قلعہ سیف اللہ کے محبوب ایم پی اے حضرت مولوی نور اللہ صاحب کی انتھک محنت اور کوششوں سے ضلع قلعہ سیف اللہ کو آفت زدہ اضلاع کے لسٹ میں دوبارہ ڈالنے پر سنہری الفاظ میں حضرت مولوی نور اللہ صاحب کو خراج تحسین پیش کیا ۔ اور مزید بتاتے ہوئے کہا کہ حضرت مولوی نور اللہ صاحب نہ صرف وزیراعلی بلوچستان عبدالقدوس بزنجو اور چیف سیکرٹری بلوچستان و دیگر منسٹروں کے ساتھ رابطے کیے بلکہ ضلع قلعہ سیف اللہ کو آفت زدہ ڈکلیئر کرنے پر کنوینس بھی کیا۔

کیونکہ ضلع قلعہ سیف اللہ کے متاثرہ عوام کے لیے یہ خبر خوشی سے کم نہیں ہے کہ ضلع قلعہ سیف اللہ آفت زدہ اضلاع کے لسٹ میں دوبارہ شامل کر دیا گیا۔
لہذا ضلع قلعہ سیف اللہ میں بارشوں وسلاب کی وجہ سے عوام کے جتنے بھی نقصانات ہوئے ہیں ان شاء اللہ ان سب کا ازالہ کیا جائے گا ۔
ان تمام معززین کے ساتھ ساتھ ضلع قلعہ سیف اللہ اور تحصیل مسلم باغ کے غیور عوام نے بھی حضرت مولوی نور اللہ صاحب کے کوششوں اور انتک محنت کو دل کی گہرائیوں سے مبارکباد پیش کیا۔
منجانب : محمد حنیف کاکڑ راحت زئی۔

16/07/2022

ضلع قلعہ سیف اللہ کے محبوب ایم پی اے حضرت مولوی نور اللہ صاحب نے مون سون کے بارشوں سے پیدا ہونے والی صورتحال کے پیش نظر آج راغہ سلطان زئی کے ڈیم اور روڈ کا جائزہ لینے کیلیے ہنگامی دورہ کیا۔ اس موقع پر مولوی جلیل ، مولوی عبیداللہ ، مولوی سخی ، ملک گل محمد, شائستہ خان, اسسٹنٹ کمشنر مسلم باغ ذکاء اللہ, اور پٹواری ودیگر بھی انکے ہمراہ تھے۔انہوں نے راغہ سلطان زئی کے ان علاقوں کا دورہ کیا جہاں پر حالیہ بارشوں کے نتیجے میں سڑک بارشوں و سیلاب سے مکمل طور پر ٹوٹ گیا تھا۔اسکے علاوہ باغوں اور فصلوں کو پانی دینے کیلیے ڈیم سے باغات کی جانب بچھایا گیا پانچ ہزار فٹ پائپ بھی سیلابی ریلے میں بہہ چکا تھا۔
حضرت مولوی نور اللہ صاحب نے اس موقع پر علاقہ مکینوں سے اظہار ہمدردی کرتے ہوئے بارشوں سے نقصان پر گہرے افسوس کا اظہار کیا اور کہا کہ متاثرین کو اس بات کا یقین دلاتے ہیں کہ انکی ہنگامی بنیادوں پر ہر ممکن مدد کی جائیگی۔انہوں نے کہا کہ روڑ کی مرمت اور ڈیم سے باغات تک پانچ ہزار فٹ پائپ لائن دوبارہ بچھائی جائے گی۔ اور جہاں بھی لوگوں کے نقصانات ہوئے ہیں۔ انکی مدد کیلیے میں اپنی تمام تر خدمات پیش کرونگا۔ ممبر صوبائی اسمبلی مولوی نوراللہ نے مزید کہا کہ سیلاب ذدگان کی مدد کیلیے صوبائی حکومت سے مکمل رابطے میں ہوں اور مون سون کے بارشوں کے متاثرین کی دوبارہ بحالی کیلیے بھرپور اقدامات اٹھائے جائینگے۔
جس پر اہلیان راغہ سلطان زئی نے حضرت مولوی نور اللہ صاحب کا شکریہ ادا کیا۔
منجانب : محمد حنیف کاکڑ راحت زئی ۔

15/07/2022

ضلع قلعہ سیف اللہ کے عوام کے لیے یہ خبر خوشی سے کم نہیں ہے، کیونکہ حضرت مولوی نور اللہ صاحب نے نہ صرف وزیراعلی بلوچستان اور چیف سیکرٹری سے رابطہ کیا اور دونوں کو کنوینس کیا کہ ضلع قلعہ سیف اللہ کو آفت زدہ ڈیکلیئر کیا جائے تاہم حضرت مولوی نور اللہ صاحب کے بار بار اصرار پر وزیراعلی بلوچستان ، چیف سیکریٹری بلوچستان اور پی ڈی ایم اے بلوچستان نے ضلع قلعہ سیف اللہ کو آفت زدہ اضلاع میں شامل کیا گیا۔
ضلع قلعہ سیف اللہ کے عوام نے حضرت مولوی نور اللہ صاحب کو دل کی گہرائیوں سے مبارکباد پیش کیا۔
منجانب : محمد حنیف کاکڑ راحت زئی۔

15/07/2022

آج ضلع قلعہ سیف اللہ کے ڈسٹرکٹ ہیلتھ آفس میں ڈسٹرکٹ ہیلتھ آفیسر جناب ڈاکٹر تاج محمد صاحب کے ساتھ جمعیت علماء اسلام مسلم باغ کے رہنما مولوی آمین اللہ صاحب، حافظ صورت خان صاحب، محمد حنیف کاکڑ راحت زئی اور نقیب اللہ و دیگر نے ڈاکٹر صاحب سےملاقات کیا ۔ مولوی صورت خان صاحب اور مولوی آمین اللہ نے ڈاکٹر صاحب کو منصب سنبھالنے پر مبارک باد دی اور ھیلتھ کے مختلف ایشوز پر تبادلہ خیال کیا۔ ڈاکٹر تاج محمد صاحب نے اپنے طرف سے ہرقسم تعاون کرنے کی یقین دہانی کرائی اور مزید کہا کہ انشاء اللہ میں ہر وقت عوامی مسائل کی حل کرنے کیلئے تیار ہوں میرا مشن یہی ہے کہ میں ضلع قلعہ سیف اللہ کے عوام کی خدمت کرونگا۔ ڈاکٹر صاحب نے مزید کہا کہ ہیلتھ کے ملازمین پیرامیڈیکل اسٹاف کا ہر جائر مطالبہ حل کرنے کیلئے ہمہ وقت تیار ہوں
آخر میں مولوی آمین اللہ صاحب و دیگر نے ڈاکٹر صاحب کا شکریہ آداکیا۔

14/07/2022

جمعیت علماء اسلام کے صوبائی رہنما اور ضلع قلعہ سیف اللہ کے محبوب ایم پی اے حضرت مولوی نور اللہ صاحب, اور اسسٹنٹ کمشنر مسلم باغ ذکاءاللہ دورانی صاحب و دیگر نے بارشوں و سیلاب سے متاثرہ خاندانوں اور علاقوں کے نقصانات کا جائزہ اور تخمینہ لگانے کے لیے نسائی( ریگی) کا دورہ کیا۔ اس موقع پر حضرت مولوی نور اللہ صاحب نے متاثرین سے گفتگو کرتے ہوئے کہا کہ حالیہ بارشوں سے قلعہ سیف اللہ کے مختلف علاقوں میں جانی نقصانات کے علاوہ لوگوں کے بڑے پیمانے پر گھر تباہ ہوئے ہیں۔ زرعی اور مال مویشیوں کے نقصانات ہوئے ہیں۔متاثرین کی کھڑی فصلیں تباہ ہوگئی ہیں۔ جس سے یہاں کے مکینوں کو ہر لحاظ سے بڑے بحران کا سامنا ہے۔ جنکی مدد کرنا ہم فرض اولین سمجھتے ہیں۔ انہوں نے کہا کہ ان متاثرین کے جانی و مالی نقصانات پر ہمیں دلی افسوس ہے۔ اور انکی مدد اور ریلیف کیلیے میں اپنی طرف سے ہر ممکن کوشش کی ہے۔ کہ حکومت بلوچستان ضلع قلعہ سیف اللہ کو آفت زدہ قرار دے۔ جس کیلیے ہمیں یقین دہانی کرائی گئی ہے۔ جس سے امداد کی صورت میں ضلع قلعہ سیف اللہ کے تمام متاثرین کے جتنے بھی نقصانات ہوئے ہیں ان کا مداوا کیا جائے گا۔ انہوں نے مزید کہا کہ سیاست سے بالاتر ان سیلاب سے متاثرہ لوگوں کو ہم یہ یقین دلاتے ہیں کہ تکلیف کی اس گھڑی میں وہ اکیلے نہیں ہیں بلکہ ہم سب بحثیت زمہ دار قوم ان کے ساتھ ہیں۔ اور ان کی ہر ممکن مدد کرنے کیلیے تیار ہیں۔ حضرت مولوی نور اللہ صاحب کی انتھک محنت , کوششوں اور اظہار ہمدردی پر نسائی کے عوام اور بالخصوص ریگی کے زمینداروں اور کسانوں نے حضرت مولوی نور اللہ صاحب کا دل کی گہرائیوں شکریہ ادا کیا۔
منجانب : محمد حنیف کاکڑ راحت زئی۔

12/07/2022

مون سون کے بارشوں و سیلاب کی تباہ کاریاں اور مولوی نوراللہ کے قائدانہ اقدامات

تحریر:محمد حنیف کاکڑ راحت زئی

مون سون کی حالیہ بارشوں و سیلاب نے جہاں پورے بلوچستان میں تباہی مچادی ہے۔ وہاں ضلع قلعہ سیف اللہ میں بھی لوگوں کے کروڑوں لاگت کی حساب سے نقصانات ہوئے ہیں۔ اسکے علاوہ تقریبا پانچ سے زیادہ افراد کی جانیں بھی بارشوں و سیلاب کی نذر ہوئی ہیں۔ مسلم باغ کے آس پاس بنائے گئے ڈیموں میں تین ڈیمز ٹوٹ گئے ہیں۔ مون سون کی بارشوں سے جونہی ضلع قلعہ سیف اللہ اور تحصیل مسلم باغ میں تباہی مچ گئی ۔تو جمعیت علمائے اسلام کے مرکزی و صوبائی رہنما اور ضلع قلعہ سیف اللہ کے محبوب ایم پی اے حضرت مولوی نور اللہ صاحب نے وزیر اعلی بلوچستان ، چیف سیکرٹری بلوچستان اور پی ڈی ایم اے کے ڈی جی سے نہ صرف رابطے کئے بلکہ متاثرین کی ریلیف کیلیے ان سے ملاقاتیں بھی کیے۔ اور مزید نقصانات سے بچنے کیلیے اقدامات اٹھانے پر زور دیا۔

سیاسی رہنماء حضرت مولوی نور اللہ صاحب نے ڈی جی پی ڈی ایم اے سے بھی ملاقات کی۔ ملاقات میں ضلع قلعہ سیف اللہ میں سیلاب سے رونماء ہونے والی ہنگامی صورتحال پر تفصیلی گفتگو ہوئی۔ حضرت مولوی نور اللہ صاحب نے ڈی جی پی ڈی ایم اے کو اس موقع پر کہا کہ سیلاب و بارشوں سے ضلع قلعہ سیف اللہ کے متاثرین کو جلد از جلد خوراک، شیلٹر، ہومز ، میڈسینز اورخیمے روانہ کیے جائیں۔ ضلع کے متاثرین کی فوراً بحالی کیلیے ہر ممکن سہولیات فراہم کیے جائیں۔ ڈی جی پی ڈی ایم اے
نے اسی وقت امدادی سامان روانہ کیا اور مولوی صاحب کے کہنے پر مختلف ٹیمیں بھی روانہ کر دیئے۔

ضلع قلعہ سیف اللہ میں بڑے پیمانے پر تباہ کاریوں کو مدنظر رکھتے ہوئے جمعیت علماء اسلام کے مرکزی و صوبائی رہنما اور ضلع قلعہ سیف اللہ کے ایم پی اے حضرت مولوی نور اللہ صاحب نے چیف سیکرٹری بلوچستان ، ڈی۔ جی پی۔ڈی۔ایم۔اے اور مختلف محکموں کے افیسران کے ہمراہ ضلع قلعہ سیف اللہ میں بارشوں و سیلاب متاثرین کے کیمپ کا دورہ کیا۔ اس موقع پر جمعیت علماء اسلام کے مرکزی و صوبائی رہنما اور ضلع قلعہ سیف اللہ کے ایم پی اے حضرت مولوی نور اللہ صاحب نے چیف سیکرٹری بلوچستان کو بریفنگ دیتے ہوئے کہا کہ سب سے پہلے ضلع قلعہ سیف اللہ کو آفت زدہ قرار دیا جائے ۔ انہوں نے کہا کہ یہاں پر لوگوں کو صرف خیمے دینے اور شیلٹر ہومز کی فراہمی سے انکا مسلہ حل نہیں ہو گا۔بلکہ لوگوں کے درجنوں گھر منہدم ہوگئے ہیں۔ کروڑوں کے حساب سے باغات، فصلیں، موٹر سائیکلیں اور موٹر گاڑیاں تباہ ہوگئے ہیں۔ لہذا انکی مدد کرنا حکومت کی ذمہ داری بنتی ہے۔

حضرت مولوی نور اللہ صاحب نے مزید کہا کہ مون سون کے حالیہ چند بارشوں سے ضلع قلعہ سیف اللہ میں ابتک تین ڈیمز ٹوٹ چکے ہیں۔ جسمیں یہ خدشہ ظاہر کیا جا رہا ہے کہ ان میں ناقص مٹیریل استعمال ہو چکے ہیں۔ اس لیے ضرورت اس امر کی ہے۔ کہ ڈیمز ٹوٹنے کی سرکاری سطح پر تحقیقات ہونی چاہیے۔ اور فرائض کی انجام دہی میں غفلت برتنے والوں کیخلاف قانونی چارہ جوئی عمل میں لانی چاہیے۔ کیونکہ مفاد عامہ کے کاموں پر کسی قسم کا سمجھوتہ نہیں کیا جا سکتا۔

چیف سیکرٹری بلوچستان نے اس پر ممبر صوبائی اسمبلی حضرت مولوی نوراللہ صاحب کو بتایا کہ عوام کو ریلیف دینے اور انکی مدد کرنے کیلیے جلد از جلد اقدامات اٹھائے جائینگے۔ اس موقع پرحضرت مولوی نور اللہ صاحب نے چیف سیکرٹری بلوچستان و دیگر افسران کا خصوصی شکریہ ادا کیا۔اور یہ توقع ظاہر کی کہ ضلع قلعہ سیف اللہ کے لیے تمام متاثرین کی مدد کی جائیگی۔

حضرت مولوی نوراللہ صاحب کی ضلع میں سیلاب متاثرین کی بحالی کیلیے کیے گئے کاوشوں کو ضلع قلعہ سیف اللہ کے عوام نے شکریہ ادا کیا اور یہ توقع ظاہر کی کہ چیف سیکرٹری عبدالعزیز عقیلی کے اس دورے سے ضلع قلعہ سیف اللہ کے بارشوں سے متاثرین کی بحالی کیلیے عملی اقدامات اٹھائے جائینگے۔

جمعیت علمائے اسلام کے رہنماء ممبر صوبائی اسمبلی مولوی نوراللہ کی سیلاب سے متاثرہ لوگوں کیلیے اٹھائے اقدامات اپکی قائدانہ صلاحیتوں کا مظہر ہے۔ جب سے بارشوں اور سیلابی ریلوں کا سلسلہ شروع ہوا ہے۔ اپ اسی دن سے حکومتی سطح پر ہر زمہ دار سرکاری اہلکار اور نمائندوں سے رابطے میں ہیں۔ اور متاثرین کی حالت زار سے اگاہ ہونے کیلیے مختلف علاقوں کا دورہ کر رہے ہیں۔ تاکہ ان تمام متاثرین کی مدد کی جا سکیں جہاں پر انہیں حکومتی امداد کی ضرورت ہو۔

09/07/2022

تحصیل مسلم باغ کے کلی شنہ خوڑہ اور برمہ بندات میں بارشوں و سلابی ریلے نے تباہی مچا دی ۔

شنہ خوڑہ اور برمہ بندات میں لوگوں کا تین سو ٹیوب ویلز اور درجنوں گھرانے بارشوں و سیلابی ریلے بہا کے لے گئے۔ اور اس کے ساتھ ساتھ مال مویشیں و گھریلو سامان بھی ساتھ بہا کے لے گئے تاہم ابھی تک جانی نقصان نہیں ہوا ہے ، لیکن مالی نقصان لاکھوں کروڑوں کے حساب سے ہوا ہے۔

مشکل کی اس گھڑی میں جمعیت علماء اسلام کے مرکزی وصوبائی رہنما آور ضلع قلعہ سیف اللہ کے ایم پی اے حضرت مولوی نور اللہ صاحب نے مسلم باغ انتظامیہ کو احکامات و ہدایات صادر کرتے ہوئے کہا کہ فوری طور پر شنہ خوڑہ اور برمہ بندات پہنچ کر علاقے کے متاثرہ لوگوں کو نہ صرف ریسکیو کیا جائے بلکہ علاقے کے لوگوں کو ہر سولیات کی فراہمی کو یقینی بنایا جائے۔ تاکہ مزید حالات بگڑنے سے بچ جائے اور متاثرہ لوگوں کی ارضیات فصلیں، ٹیوب ویلز کا ڈیٹا اکھٹا کرکے صحیح تخمینہ لگایا جائے تاکہ گورنمنٹ آف بلوچستان سے اس کا ازالہ کیا جائے ۔

منجانب : محمد حنیف کاکڑ راحت زئی۔

09/07/2022

مسلم باغ کے کلی شنہ خوڑہ اور برمہ بندات میں اس وقت حالات بہت خراب ہیں ۔
بارشوں وسلاب کا پانی لوگوں کے گھروں میں پانی داخل ہوا ہے اور معتد گھر منہدم ہوگئیں ؛ لہذا مسلم باغ کے غیور عوام سے اپیل ہے کہ فوری طور پر مدد کے لئے پہنچ جائے۔

09/07/2022

مسلم باغ کے انتظامیہ اور سیول سوسائٹی سے پرزور اپیل ہے کہ بارشوں وسلاب کی وجہ سے شنہ خوڑہ کے لوگوں کا حالات بہت خراب ہے، کیونکہ شنہ خوڑہ کے لوگوں کے اکثر ٹیوب ویلز سیلابی ریلے لیے گئے۔
لہذا امدادی ٹیمیں فورآ شنہ خوڑہ پہنچ جائیں تاکہ مزید حالات خرابی سے بچ جائے ؛ اور انسانی جانوں کا نقصان نہ ہو جائے۔

09/07/2022

آج جمعت علماء اسلام کے مرکزی وصوبائی رہنما حضرت مولوی نور اللہ صاحب کی طرف سے ضلع قلعہ سیف اللہ کے کلی خسنوب جلال زئی میں متاثرہ خاندانوں میں ایک گاڑی پر مشتمل راشن حافظ حسن خان کی زیر نگرانی میں تقسیم کیا جائے گا جوکہ خوشایند بات ہے۔

09/07/2022

مسلم باغ مرغہ فقیرزئی میں محکمہ پی ڈی ایم اے کی طرف سے کلی سلگ میں امدادی سامان جمعیت علماء اسلام کے سینئر اراکین کی طرف سے تقسیم کیا جارہا ہے ۔

09/07/2022

تصویریں لینا یا فوٹو گرافی کرنا ہماری شیوا نہیں ہے کیونکہ ہم عملی کام پر یقین رکھتے ہیں اور اعلانات تک محدود نہیں ہوتے ہیں بلکہ کام کو عملی جامع پہنانے تک محدود ہوتے ہیں۔ مولوی امین اللہ انقیادی ، حافظ صورت خان اور ماسٹر نقیب اللہ کابالاحکام اور مُتعلّقہ افسران سے مسلسل رابطوں اور کاوشوں کے بدولت اخرکار کام کو عملی جامہ پہنایا گیا۔
ایم پی اے ضلع قلعہ سیف اللہ حضرت مولوی نوراللہ صاحب ، ایکسن محمدیونس صاحب ، بینڈارایکسن عبدالکریم صاحب کے تعاون اور بروقت احکامات اور ہدایات صادر کرتے ہوئے کنچوغی کے مین سڑکیں کو مکمل طور پر نہ صرف صرف گاڑیوں کے چلنے کے لئے بلکہ لوگوں کے ہر قسم آمدورفت کے لیے کھول دیا گیا۔
کنچوغی کے عوام نے جمعیت علماء اسلام کے مرکزی و صوبائی رہنما حضرت مولوی نور اللہ صاحب ودیگر کا دل کی گہرائیوں سے شکریہ ادا کیا۔
منجانب : محمد حنیف کاکڑ راحت زئی۔

08/07/2022

جمعیت علماء اسلام کے مرکزی و صوبائی رہنما اور ضلع قلعہ سیف اللہ کے ایم پی اے حضرت مولوی نور اللہ صاحب نے چیف سیکرٹری بلوچستان ، ڈی۔ جی پی۔ڈی۔ایم۔اے اور مختلف محکموں کے افیسران کے ہمراہ ضلع قلعہ سیف اللہ میں بارشوں و سیلاب متاثرین کے کیمپ کا دورہ کیا۔ اس موقع پر جمعیت علماء اسلام کے مرکزی و صوبائی رہنما اور ضلع قلعہ سیف اللہ کے ایم پی اے حضرت مولوی نور اللہ صاحب نے چیف سیکرٹری بلوچستان کو بریفنگ دیتے ہوئے کہا کہ سب سے پہلے ضلع قلعہ سیف اللہ کو آفت زدہ قرار دیا جائے ۔ انہوں نے کہا کہ یہاں پر لوگوں کو صرف خیمے دینے اور شیلٹر ہومز کی فراہمی سے انکا مسلہ حل نہیں ہو گا۔بلکہ لوگوں کے درجنوں گھر منہدم ہوگئے ہیں۔ لاکھوں,کروڑوں کے حساب سے باغات، فصلیں، موٹر سائیکلیں اور موٹر گاڑیاں تباہ ہوگئے ہیں۔ لہذا انکی مدد کرنا حکومت کی ذمہ داری بنتی ہے۔
حضرت مولوی نور اللہ صاحب نے مزید کہا کہ مون سون کے حالیہ چند بارشوں سے ضلع قلعہ سیف اللہ میں ابتک تین ڈیمز ٹوٹ چکے ہیں۔ جسمیں یہ خدشہ ظاہر کیا جا رہا ہے کہ ان میں ناقص مٹیریل استعمال ہو چکے ہیں۔ اس لیے ضرورت اس امر کی ہے۔ کہ ڈیمز ٹوٹنے کی سرکاری سطح پر تحقیقات ہونی چاہیے۔ اور فرائض کی انجام دہی میں غفلت برتنے والوں کیخلاف قانونی چارہ جوئی عمل میں لانی چاہیے۔ کیونکہ مفاد عامہ کے کاموں پر کسی قسم کا سمجھوتہ نہیں کیا جا سکتا۔
چیف سیکرٹری بلوچستان نے اس پر ممبر صوبائی اسمبلی حضرت مولوی نوراللہ صاحب کو بتایا کہ عوام کو ریلیف دینے اور انکی مدد کرنے کیلیے جلد از جلد اقدامات اٹھائے جائینگے۔ اس موقع پرحضرت مولوی نور اللہ صاحب نے چیف سیکرٹری بلوچستان و دیگر افسران کا خصوصی شکریہ ادا کیا۔اور یہ توقع ظاہر کی کہ ضلع قلعہ سیف اللہ کے لیے تمام متاثرین کی مدد کی جائیگی۔

حضرت مولوی نوراللہ صاحب کی ضلع میں سیلاب متاثرین کی بحالی کیلیے کیے گئے کاوشوں کو ضلع قلعہ سیف اللہ کے عوام نے شکریہ ادا کیا اور یہ توقع ظاہر کی کہ چیف سیکرٹری عبدالعزیز عقیلی کے اس دورے سے ضلع قلعہ سیف اللہ کے بارشوں سے متاثرین کی بحالی کیلیے عملی اقدامات اٹھائے جائینگے۔
منجانب : محمد حنیف کاکڑ راحت زئی۔

08/07/2022

جمعیت علمإاسلام کے مرکزی و صوبائی رہنما اور ضلع قلعہ سیف اللہ کے ایم پی اے حضرت مولوی نوراللہ صاحب کے حکامات اور یدایت پرایکسین محمدیونس صاحب ، بینڈارایکسین عبدالکریم صاحب ، مولوی امین اللہ انقیادی ، حافظ صورت خان صاحب ، حاجی ثناء اللہ ٹھیکدار نقیب اللہ صاحب اور علاالدین ٹھیکیدار نے کنچوغی روڑکا مکمل معاینہ کیااور ایکسن محمدیونس صاحب نے مولوی امین اللہ انقیادی کے مسلسل اسرار پراور ایم پی اے حضرت مولوی نوراللہ صاحب کےحکم کی تعمیل کو برروکار لاتے ہوئے اور عوام کومشکلات سے نکالنے کیلے ٹھیکدار کو جلدازجلدروڈپرکام شروع کرنے کاحکم صادر کیا۔ جس پر کنجوغی کے عوام نے حضرت مولوی نور اللہ صاحب کا شکریہ ادا کیا اور امید ظاہر کرتے ہوئے کہا کہ آیندہ بھی حضرت مولوی نور اللہ صاحب اسی طرح لوگوں کی خدمت جاری رکھیں گے۔
منجانب : اہلیان کنچوغی

08/07/2022

ڈیمز کی تعمیر میں ناقص میٹریل استعمال کرنے والوں کیخلاف کاروائی کا مطالبہ

تحریر : محمد حنیف کاکڑ راحت زئی۔

ڈیموں کا بنیادی مقصد پانی کو زخیرہ کر کے انہیں ضائع ہونے سے بچانا ہے۔ اس سے ایک تو یہ فائدہ ہوتا ہے کہ سیلاب کے پانی کے سامنے بند باندھ کر علاقوں کو تباہی سے بچایا جا سکتا ہے اور دوسرا یہ کہ یہ پانی آبپاشی، پن بجلی اور زراعت سمیت دیگر اہم مقاصد کیلیے استعمال کیاجاتا ہے۔
بارشوں و سیلابی ریلے کے پانی کو ضائع ہونے سے بچانے اور انہیں سٹور کرنے کے لئے حکومت بلوچستان نے اربوں روپے کی لاگت سے ڈیلے ایکشن ڈیمز بنائے ہیں۔ اور کئی ڈیمز زیر تعمیر ہیں۔

بلوچستان چونکہ مون سون کے رینج میں ہیں۔ اور یہاں پر سالانہ لاکھوں کیوسک کے حساب سے پانی ضائع ہوتا ہے۔ اس لیے پانی کو ضائع ہونے سے بچانے کیلبے ڈیموں کی تعمیر اشد ضروری ہے۔ اس سے سستی بجلی پیدا ہوگی۔ جس سے ملک اور صوبے میں موجود توانائی کے بحران پر قابو کیا جا سکتا ہے۔ جس گھریو استعمال اور صنعتوں کیلیے سستی بجلی مل سکتی ہے۔ اور ظاہر ہے صنعتوں کو سستی بجلی کی فراہمی سے اشیاء کی پیداوار اور قیمتوں پر مثبت اثر پڑیگا جسکا اثر براہ راست ملکی معیشت اور برامدات پر پڑے گا۔ اسی طرح بے روزگاری میں یقینی طور پر کمی واقع ہوگی۔ اور عوام کا معیار زندگی بلند ہوگا۔

اسی طرح زراعت کو سستی بجلی ملنے سے کسان خوشحال ہوگا اور ڈیموں کے باعث وافر پانی کی دستیابی سے پاکستان کی لاکھوں ایکڑ ہموار غیر آبادزمین بھی آباد ہوجائیگی اور ملک میں زرعی وصنعتی انقلاب برپا ہوگا۔

ڈیم کے لئے ضروری ہے کہ ٹھیک جگہ کا انتخاب ہو، جگہ زلزلے سے محفوظ ہو اور آسان رسائی ہو، تعمیر سے پہلے تعمیر کی ہوئی سڑکوں کی بندش نہ ہو، زراعت کے لئے نہریں بنانا آسان ہو، بجلی کی ترسیل آسان ہو،لائن لاس کم ہو، کم لاگت اور کم وقت درکار ہو۔

اگر ہم یہاں پر تحصیل مسلم باغ اور ڈسٹرکٹ قلعہ سیف اللہ میں تعمیر کیے گئے ڈیمز کی بات کریں۔ ان میں سے اکثر ڈیمز کی حالات ابتر ہے۔ مون سون بارشوں کی وجہ سے تحصیل مسلم باغ اور ضلع قلعہ سیف اللہ کے اکثر ڈیمز ٹوٹ پھوٹ کے شکار ہو چکے ہیں۔اور کچھ ڈیمز ٹوٹ گئے ہیں اور کچھ ٹوٹنے کے نزدیک ہیں۔ دو دنوں سے تین ڈیمز ٹوٹ گئے ہیں۔ان میں درہ جلال خانزی کان مہترزہی کے ڈیم ، امبر سخوبئ کے نزدیک ڈیم اور نسئی ڈیم مسلم باغ شامل ہیں۔گرچہ ڈیموں کے ٹوٹنے سے کوئی جانی نقصان نہیں ہوا لیکن لوگوں کے گھروں ، باغات اور فصلوں کو لاکھوں کے حساب سے نقصان اٹھانا پڑا ۔

تحصیل مسلم باغ اور ضلع قلعہ سیف اللہ کے اکثر ٹھیکیدار ڈیموں کا ٹھیکہ لینے کے بعد ڈیمز کی تعمیر کرنے میں نہ صرف ناقص مٹیریل کا استعمال کرتے ہیں بلکہ ڈیمز کی مجموعی لاگت بھی کرپشن کے زیر نظر کر دیتے ہیں۔
اہلیان تحصیل مسلم باغ اور ضلع قلعہ سیف اللہ وزیراعلی بلوچستان اور چیف سیکرٹری بلوچستان سے پر زور اپیل کرتے ہوئے کہا ہے کہ ایسے نااہل ٹھیکیداروں کو ڈیمز کے ٹھیکے کسی بھی صورت نہیں دیں۔ جو ڈیموں کی تعمیر میں معیاری مٹیریل کا استعمال نہیں کرتے ہیں۔ انہوں نے کہا کہ ناقص مٹیریلز کے استعمال کرنے پر نہ صرف ان ٹھیکیداروں کے خلاف قانونی چارہ جوئی کی جائے بلکہ ان کے لائسنس بھی معطل کیے جائیں۔ تاکہ مستقبل میں ملکی خزانے سے کھلواڑ کھیلنے کی کوئی جرات نہ کرسکیں۔