13/04/2024
ضلع غذر کے گاوں سنگل کے نوجوانوں نے گاؤں میں اتحاد اتفاق اور تعمیر و ترقی کیلئے اپنی خدمات انجام دینے کیلئے آج سنگل سرکاری ریسٹ ہاؤس میں اپنے عہدوں کا حلف اٹھایا۔ اس حلف برداری تقریب میں سب سے اچھی بات یہ تھی کہ گاؤں کے کونسل کے عہدیداران اور ممبران سیاسی قیادت نمبرداران اور گاؤں کے عمائدین نے بڑی تعداد میں شرکت کی۔ اس موقع پر مقررین نے اپنی اپنی خطاب میں کہا کہ سنگل میں 2009 سے پہلے جو اتفاق تھا اسی کو برقرار رکھنے کیلئے یوتھ اور عمائدین ایک پیچ پر کھڑے ہونگے انہوں نے کہا کہ ہماری سیاسی قیادت نے بھی عہد کیا ہے آج کے بعد مل کر گاؤں کی تعمیر و ترقی کیلئے مل کر کام کریں گے اور اس حوالے سے کونسل کے عہدیداران کا بڑا کردار ہے جنہوں کی انتھک کوششوں سے یہ ممکن بنایا ۔عمائدین نے سنگل سوشل ویلفیئر آرگنائزیشن کے نو منتخب صدر عابد حسین اور کابینہ پر بھر پور اعتماد کا اظہار کیا اور ہر ممکن تعاون کا اظہار کیا۔ اس موقع پر گاؤں سے لوگوں کی بڑی تعداد نے سنگل ویلفیئر ارگنائزیشن کیلئے ڈونیشن بھی دیا اور عہد کیا کہ آئندہ بھی اس سلسلے کو جاری رکھیں گے اور اس اتفاق کو مزید مضبوط کرنے کیلئے گاؤں کے ہر فرد اپنا حصہ ڈالیں گے ۔ تقریب کے آخر میں دیسی بینڈ کے دھنوں پر رقص کا بھی مظاہرہ پیش کئے۔