Prarup Dainik

03/10/2024

Highway Update: 9:30 AM (Thursday)

काठमाडौं - मुग्लिङ - चितवन: One-way & Jam
काठमाडौं - नौबिसे - दामन - हेटौँडा: Open
चितवन - दाउन्ने - बुटवल: Open
मुग्लिङ - पोखरा - बागलुङ: Open
हेटौँडा - पथलैया - जनकपुर: Open
बर्दिबास - कोशी ब्यारेज - इटहरी: Open
इटहरी - दमक - काकडभित्ता - Open
बुटवल - नेपालगंज - धनगढी: Open
नेपालगंज - सुर्खेत - दैलेख: Open
काठमाडौं - सिन्धुपाल्चोक - दोलखा: Open

- सिन्धुलीको नेपालथोक र काभ्रेको भकुण्डेबेसीमा‌ पहिरो: काठमाडौं - धुलिखेल - सिन्धुली: Blocked
- टिकाभैरबमा पहिरो: ललितपुर - हेटौँडा: Blocked
- भोटेकोशीमा पहिरो: बाह्रबिसे - तातोपानी: Blocked
- छेमैलेमा पहिरो : काठमाडौं - बल्खु - सिस्नेरी - हेटौँडा: Blocked
- पुल बग्यो -उदपुर - खोटाङ सडक: Blocked

Connect with us for more highway update. Highway Inquiries: 1149, 103, 100, call before travelling.

31/07/2024

गएरातीदेखि आएको भीषण बर्षाको कारण काठमाडौंमा रहेको बल्खु तरकारी बजारको अहिलेको अबस्था । बल्खु तरकारी बजारमा बाढि पसेर पुरै बजार डुबानमा परेको छ । क्षतिको थप जानकारी आउन बाकी ।

22/07/2024

साउनमा किन कपाल काट्नु हुँदैन ?

७ श्रावण २०८१, सोमबार
दिलिप कुमार पंडित

बिरगंज । साउन महिनामा कपाल काट्नुहुन्न भन्ने परम्परागत मान्यता छ । यो महिनामा कपाल काट्नु हुँदैन भनेको त अवश्य पनि सुन्नु भएको होला ।

बुढापाकाले आज यो बार कपाल काट्नु हुँदैन, आज जन्म बार कपाल काट्नु हुँदैन भनेझैँ साउनको महिनामा पनि कपाल काट्नु हुँदैन भनेको त प्रायः धेरैले सुनेका छौँ । तर पछिल्लो पुस्ताले यसलाई बेवास्ता गर्ने गरेको पाइन्छ । आज हामी यसैका बारेमा चर्चा गर्नेछौँ ।

शास्त्रीय मान्यताअनुसार साउनभरि भगवान् विष्णु आफ्नो कुटीमा आराम गर्न बस्छन् । उनी आराम गर्न बसेको बेला कपाल काट्न हुँदैन । कपाल काट्ने कार्य शुभ कर्म भएकाले पनि भगवान् विष्णु सुतेका बेला शुभ कर्म गर्न नहुने मान्यता रहेको ज्योतिषहरू बताउँछन् ।

त्यसतै, शताब्दीयौंअघि पर्याप्त प्रकाश, सुरक्षित उपकरण र सीपको अभाव हुँदा कपाल काट्दा चोटपटक लाग्ने खतरा हुने गरेको पौराणिक मान्यता छ । साउन महिनामा धेरै पानी पर्ने हुँदा यस्तो बेला कपाल काट्दा संक्रमण हुन सक्ने र चोटपटक वा घाउ हुने खतरा रह्यो । उक्त घाउमा पानी पर्दा इन्फेक्सन र पिप आउन सक्छ । साउन वर्षाको मौसम हो र यस समयमा कुनै पनि चोट वा घाउ छालामा संक्रमण हुन सक्छ। यही कारण साउनमा कपाल काट्न निषेध गरिएको पछिल्ला पुस्ताहरू विश्लेषण गर्छन् ।

यो महिनामा विष्णुको भजन, कीर्तन गर्ने र हरियो लगाउने परम्परा छ, यो महिनामा कपाल काट्दा बिरामी परिन्छ भन्ने धार्मिक परम्परा छ ।

21/07/2024

साउनमा मासु र मदिरा त्याग्नुका पछाडि धार्मिक कारण मात्रै नभएर अरू थुप्रै वैज्ञानिक कारणहरू पनि छन्

२०८१ श्रावण ६, आईतवार
दिलिप कुमार पंडित

बिरगंज। हिन्दु धर्ममा साउन महिनालाई विशेष मानिन्छ । भगवान् शिवका भक्तहरूले यस महिनालाई कावदको रूपमा मनाउने गर्छन्। साउनमा रक्सी पिउने र मासु खान सख्त रूपमा निषेध गरिएको छ। साउनमा मासु र मदिरा त्याग्नु विज्ञानको दृष्टिकोणले कत्तिको जायज छ, जानौँ ।

साउनमा रक्सी पिउनु र मासु खानु धार्मिक दृष्टिकोणले ठिक होइन भन्ने आम धारणा छ । यदि यो अवधिमा कसैले यस्को सेवन गर्यो भने उसलाई समस्याको पहाड हुन्छ । धर्म मात्र होइन, विज्ञानले पनि साउनमा तामसिक पदार्थ अर्थात् मदिरा, मासु, तेल, मसला आदिको प्रयोग कम गर्नुपर्ने मान्यता राखेको छ ।

१. कमजोर प्रतिरक्षा

आयुर्वेदका अनुसार साउन महिनामा शरीरको रोग प्रतिरोधात्मक क्षमता कमजोर हुन्छ । मदिरा, मासु, तेल र मसालेदार खानेकुराको सेवनले हाम्रो पाचन प्रणालीलाई तनाव दिन्छ किनभने यी पचाउन गाह्रो हुन्छ। कमजोर पाचन शक्तिका कारण मांसाहारी खाना आन्द्रामा सड्न थाल्छ । यसले इम्युनिटीमा पनि नराम्रो असर गर्छ । एक हिसाबले नन९वेज र मसालेदार खानाले रोग निम्त्याउन सक्छ।

आयुर्वेदले साउन महिनामा सजिलै पच्ने हलुका खानेकुरा रोज्ने सल्लाह दिन्छ । साउनको सोमबारको व्रतलाई कमजोर रोग प्रतिरोधात्मक क्षमता र पाचन शक्तिसँग पनि जोडिएको छ ।

२. जनावरहरू पनि बिरामी हुन्छन्

साउन महिना पशुको स्वास्थ्यका लागि पनि राम्रो छैन । जनावरहरूले खाने घाँससँगै अनजानमा धेरै विषालु कीराहरू पनि निल्छन्। जसका कारण पशुपक्षी बिरामी पर्छन् । उनीहरूको शरीरमा सङ्क्रमण फैलिन्छ । यस्ता जनावरको मासु मानव शरीरका लागि निकै हानि छ ।

३. वर्षामा कीराको सङ्ख्या बढ्छ

मनसुनमा लगातारको वर्षाका कारण किराको सङ्ख्या बढ्छ । यसबाट सरुवा रोग फैलिन्छ । विज्ञानको विश्वास छ कि सङ्क्रामक रोगहरूले पहिले जीवित जीवहरूलाई आफ्नो सिकार बनाउँछ। वर्षायाममा मासु खाँदा सरुवा रोग लाग्ने खतरा बढी हुने जनविश्वास छ । त्यसैले साउनमा यस्तो खाना त्याग्नु उपयुक्त हुन्छ ।

४. प्रजनन मौसम

साउनको मौसम जलीय र स्थलीय दुवै प्रकारका सयौँ जीवजन्तुहरूको प्रजननका लागि राम्रो मानिन्छ। यो महिनामा धेरैजसो जीवहरूको प्रजनन हुन्छ । यदि कसैले गर्भवती भएको जीव खायो भने यसले शरीरलाई हानि पुर्‍याउँछ। रिपोर्टका अनुसार यस अवधिमा गर्भवती महिलाको शरीरमा हर्मोनमा गडबडी हुन्छ, जसले भविष्यमा धेरै रोग निम्त्याउन सक्छ।

५. कीटाणुहरूको प्रजननका लागि अनुकूल

साउन महिनामा पानी परिरहेको छ । यसले गर्दा वातावरणमा फङ्गस, मोल्ड र फङ्गल सङ्क्रमण बढ्न थाल्छ। भिजेको मौसम भाइरस र कीटाणुहरूको लागि अनुकूल प्रजनन स्थल हो। त्यसैले यो समयमा खानेकुरा चाँडै बिग्रन थाल्छ । यस्तो खानेकुरा खाँदा ज्वरो र फ्लुको खतरा बढ्छ ।

21/03/2024

"आफ्नो पैसा बचाउनुहोस्, आफ्नो भविष्य बचाउनुहोस्" विषयमा Standard Chartered Bank ले नेशनल एकेडेमी क्याम्पमा अभिमुखीकरण कार्यक्रम सम्पन्न गरेको छ:
Standard Chartered Bank ले आफ्नो Global Money Week -2024 अन्तर्गत "Protect Your Money,Save your Future" यस नेशनल एकेडेमी क्याम्पसका कक्षा ११&१२ का २५० विधार्थीहरुलाई लक्षित गर्दै बैंकिङ अभिमुखीकरण कार्यक्रम सम्पन्न गरेको छ।
उक्त कार्यक्रममा प्रमुख अतिथि Standard Chartered birgunj branch को branch Manager Jay Prakash KUMAR , विशिष्ट अतिथि यस standard Chartered बैंकको head अफिसबाट प्रशिक्षकहरु Drona Prasad Acharya, Akhesh Shrestha को उपस्थिति थियो।

तपाईंको पैसाको सुरक्षा र भविष्यको लागि बचत वित्तीय स्थिरता र सुरक्षाको लागि सर्वोपरि हो। खर्च व्यवस्थापन गर्न र बचतलाई प्राथमिकता दिन बजेट सिर्जना गरेर सुरु गर्नुहोस्। अप्रत्याशित लागतहरू कभर गर्नको लागि आपतकालीन कोष स्थापना गर्नुपर्छ भन्नि जोडदिनु भएको थियो।, चुनौतीपूर्ण समयहरूको लागि सुरक्षा जाल सुनिश्चित गर्न महत्वपूर्ण रहेको बताइएको थियो। तपाईंको लक्ष्यहरूसँग पङ्क्तिबद्ध गर्ने लगानी विकल्पहरू अन्वेषण गर्नुहोस्, चाहे यो स्टक, बन्ड, घर जग्गा, वा सेवानिवृत्ति खाताहरू हो। जोखिम कम गर्न र अधिकतम प्रतिफल प्राप्त गर्न आफ्नो पोर्टफोलियोलाई विविधता दिनुहोस्। सूचित निर्णयहरू गर्न र परिवर्तन हुने आर्थिक अवस्थाहरूमा अनुकूलन गर्न व्यक्तिगत वित्तको बारेमा निरन्तर रूपमा आफैलाई शिक्षित गर्नुहोस्। आफ्नो आर्थिक सुरक्षाको लागि सक्रिय कदमहरू चालेर, तपाईं समृद्ध भविष्यको लागि बलियो जग राख्न महत्वपूर्ण रहेको भनि जोड दिइएको थियो।

19/03/2024

नेशनल एकेडेमी क्याम्पसमा वित्तीय साक्षरता अभिमुखीकरण कार्यक्रम सम्पन्न: दिलिप कुमार पंडित

बिरगंज वडा नं १२ रेडियो बिरगंज नजिक रहेको नेशनल एकेडेमी क्याम्पसले नेपाल बैंक लिमिटेडको आदर्शनगर शाखा र माईस्थान शाखाको संयुक्त आयोजनामा कक्षा १२ का १५० जना विधार्थीहरुलाई लक्षित गर्दै मिति २०८०/१२/०६ गते मंगलबारको दिन"Knowledge Sharing Session" अन्तर्गत "वित्तीय साक्षरता कार्यक्रम" यस क्याम्पसका संस्थापक अध्यक्ष केदार साहको अध्यक्षतामा सम्पन्न गरेको।

कार्यक्रममा विशिष्ट अतिथि ठाकुरराम बहुमुखी क्याम्पसका पूर्व क्याम्पस प्रध्यापक तथा नेशनल एकेडेमी क्याम्पसका संस्थापक प्रध्यापक इन्दु शेखर मिश्रा, नेपाल बैंक लिमिटेड मधेश प्रदेश कार्यालय, प्रदेश प्रमुख प्रदिप कुमार पाठक, आदर्शनगर शाखा नि. प्रमुख प्रतिक्षा सिंह, नेपाल बैंक लिमिटेड माईस्थान शाखाको प्रमुख अमित नारायण श्रेष्ठ ज्युको उपस्थिति थियो।उक्त कार्यक्रममा नेशनल एकेडेमी क्याम्पसका नेपाली प्रध्यापक बलराम र्शेष्ट, उज्ज्वल अर्याल , नेपाल बैंक लिमिटेडका कर्मचारी राकेश कुमार गुप्ता, यस नेशनल एकेडेमी क्याम्पसका अर्थशास्त्र विषयको प्रध्यापक तथा अभिभावकको रुपमा रहेका आदरणीय महेन्द्र गुप्ता तथा नेपाल बैंक लिमिटेडका अन्य कर्मचारीहरूको भब्य उपस्थिति थियो ।
विद्यार्थीहरूको लागि वित्तीय साक्षरता कार्यक्रमहरू उनीहरूलाई जीवनभर सूचित वित्तीय निर्णयहरू गर्न आवश्यक ज्ञान र सीपहरू प्रदान गर्न महत्त्वपूर्ण छन्। यी कार्यक्रमहरूले बजेट, बचत, लगानी, ऋण व्यवस्थापन, र वित्तीय उत्पादनहरू र सेवाहरू बुझ्ने जस्ता विषयहरूको दायरा समेट्छ।

विद्यार्थीहरूलाई वित्तीय शिक्षा प्रदान गरेर, उनीहरूले कसरी जिम्मेवारीपूर्वक आफ्नो वित्त व्यवस्थापन गर्ने, ऋणको जालबाट बच्न र भविष्यका लक्ष्यहरूका लागि योजना बनाउने सिक्छन्। यो ज्ञानले उनीहरूलाई विश्वास र योग्यताका साथ वास्तविक-विश्व वित्तीय चुनौतीहरू नेभिगेट गर्न सक्षम बनाउँछ।

यसबाहेक, वित्तीय साक्षरता कार्यक्रमहरूले वित्तीय उत्तरदायित्व र स्वतन्त्रताको भावना जगाउँदछ, वयस्कतामा वित्तीय कल्याणको लागि जग राख्छ। यस्तो प्रशिक्षण प्राप्त गर्ने विद्यार्थीहरू वित्तीय आपतकालिन अवस्थाहरू ह्यान्डल गर्न, राम्रो लगानी निर्णयहरू लिन र सेवानिवृत्तिको लागि योजना बनाउन अझ राम्रोसँग सुसज्जित हुन्छन्।

समग्रमा, विद्यार्थीहरूको लागि वित्तीय साक्षरता कार्यक्रमहरू उनीहरूको भविष्यको सफलता र आर्थिक स्थिरतामा अमूल्य लगानी हुन्। सानै उमेरदेखि वित्तीय साक्षरताको प्रवर्द्धन गरेर, हामी आगामी पुस्तालाई आफ्नो र समग्र समाजको लागि अझ सुरक्षित र समृद्ध भविष्य निर्माण गर्न सशक्त बनाउन सक्छौं।

15/03/2024

नेशनल एकेडेमी क्याम्पसको वादविवाद प्रतियोगिता सम्पन्न:

बिरगंज वडा नं १२ रेडियो बिरगंज नजिक रहेको नेशनल एकेडेमी क्याम्पसले हरेक सप्ताहमा विधार्थीहरुको भित्रि रचनात्मक कलाहरुलाई प्रस्फुटन गर्ने उदेश्यले मिति २०८०/११/०२ गते शुक्रबारको दिन क्याम्पस प्राङ्गणमा "वैज्ञानिक शिक्षा भन्दा नैतिक शिक्षा वेस" विषयमा ४० जनाको सहभागिता साथ यस क्याम्पसका संस्थापक अध्यक्ष केदार साहको अध्यक्षतामा सम्पन्न गरेको।

कार्यक्रममा विशिष्ट अतिथि ठाकुरराम बहुमुखी क्याम्पसका पूर्व क्याम्पस प्रध्यापक तथा नेशनल एकेडेमी क्याम्पसका संस्थापक प्रध्यापक इन्दु शेखर मिश्रा, यस क्याम्पसका डाइरेक्टर तथा एच.आर. दिलिप प्रजापति, डाइरेक्टर तथा फाइनान्स हेड गुड्डु रौनियार अतिथि तथा उक्त कार्यक्रमको निर्णायक मण्डलमा नेशनल एकेडेमी क्याम्पसका नेपाली प्रध्यापक बलराम र्शेष्ट, उज्ज्वल अर्याल तथा अंग्रेजी प्रध्यापक निरज सिंह गरि तिनजना थिए।

कार्यक्रममा ४० जनाको सहभागितामा बिजेता कक्षा १२ कि छात्रा बिनिता साह भएको छि। भने नेशनल एकेडेमी क्याम्पसमा संचालित बि.बि. एस. पहिलो बर्ष मा अध्ययनरत छात्रा अंजलि चौधरीले दोस्रो स्थानमा आफ्नो नाम पार्न सफल भएको छिन। साथै फेरि कक्षा १२ मा अध्ययनरत छात्रा ज्यासमिन खातुनले तेस्रो स्थान हासिल गरेको छिन।
बिजेताहरुलाई सम्मान गर्दै मेडल, टौफि तथा रैङक अनुसारको तहमा लगाइएको थियो भन्ने कार्यक्रम उदघोष कक्षा १२ को छात्रा नेहा कुशवाहाले गरेको छिन।

12/02/2024

नारायणी अस्पतालमा निर्मित पोस्ट नेटल केयर वार्ड (Post Natal Care Ward) को उद्घाटन समारोह सम्पन्न

दिलिप कुमार पंडित
बिरगंज। वीरगञ्जस्थित देशकै ठूलो नारायणी अस्पतालमा निर्मित पोस्ट नेटल केयर वार्ड (Post Natal Care Ward) को आज आयोजित उद्घाटन समारोह सम्पन्न भएको छ। उक्त कार्यक्रमलाई नेपालका सम्माननीय उपराष्ट्रपति रामसहाय प्रसाद यादवले उद्घाटन गरेका छन।अस्पतालस्थित वार्डमा भर्खरै जन्मिएका शिशु र उनीहरूको आमाको उपचार गरिने बताइएको छ।

वीरगञ्जमा वरिष्ठ उद्योगपति श्री अशोक कुमार वैधज्यू द्वारा सञ्चालित कान्साई नेरोल्याक पेन्टको आर्थिक सहयोगमा निर्मित वार्डबाट अस्पताल आउने सेवाग्राहीहरुलाई थप सहज हुने मेरो विश्वास छ भन्नि समाजबादी पार्टी नेपालको सचेतक पुर्व मन्त्री प्रदिप यादवले जोड दिएका छन। उक्त कार्यक्रममा बिभिन्न पार्टिका मन्त्री तथा विशिष्ट व्यक्तित्वहरूको उपस्थिति रहेको थियो।

11/02/2024

दिलिप कुमार पंडित
बिरगंज । आइतबार भएको प्रथम अल्पाईन कप -२०८० क्रिक्रेट प्रतियोगिताको दोस्रो दिनको पहिलो खेलमा नेशनल एकेडेमी क्याम्पस बिजयी भएको छ ।

प्रथम अल्पाईन कप -२०८० क्रिक्रेट प्रतियोगिताको दोस्रो दिन आइतबार भएको पहिलो खेल नेशनल एकेडेमी क्याम्पस र ब्राइट पब्लिक स्कूल बीच भएको थियो ।

बिरगंजको नारायणी रंगशालाको क्रिक्रेट मैदानमा आइतबार भएको लिग क्रिक्रेट प्रतियोगिता -२०८० दोस्रो दिनको पहिलो खेलमा नेशनल एकेडेमी क्याम्पस ६५ रनले ब्राइट पब्लिक स्कूललाई पराजित गर्दै बिजयी भएको थियो ।

नेशनल एकेडेमी क्याम्पसका खेलाडी आबिद बाबु ठकुरी म्यान अफ द म्याच घोषित भएका थिए भन्ने उनलाइ ट्रफी ले सम्मानित गरिएको छ।

01/02/2024

आमाको झुठोले मुर्ख एडिसनलाई इतिहासको महान् वैज्ञानिक बनायो!
दिलीप कुमार पंडित
बिरगंज।बल्बको आविष्कार गरेर संसारबाट अन्धकार हटाउने थोमस अल्भा एडिसनको नाम इतिहासका महान् वैज्ञानिकहरूमा समावेश छ । तर के तपाईलाई थाहा छ ? एक समय थियो जब उनको शिक्षकले उनलाई मूर्ख र पागल भनेका थिए ।

यति मात्र होइन, शिक्षकले एडिसनलाई विद्यालयमा पढाउन पनि अस्वीकार गरेका थिए । यस्तो अवस्थामा उनी कसरी मूर्खबाट महान् वैज्ञानिक बन्न सक्छन् भन्ने ठूलो प्रश्न हो ।
यसैबीच थोमस अल्भा एडिसनको किस्सा सुनौँ, जसमा उनकी आमाको महत्वपूर्ण भूमिका थियो । उनको जीवनसँग सम्बन्धित धेरै रोचक कथाहरू छन्, जसबाट हामी पनि केही सिक्न सक्छौं ।

आफ्नो कडा परिश्रम र समर्पणको कारण, एडिसनले लगभग १०९३ आविष्कारहरूको लागि पेटेन्ट प्राप्त गरे, जसमध्ये सबैभन्दा प्रसिद्ध बल्बको आविष्कार थियो । यद्यपि आज संसारमा नयाँ प्रकारका बल्बहरू उपलब्ध छन् । तर पहिलो टंगस्टन–ग्लास बल्ब थोमस अल्भा एडिसनले १९ औं शताब्दीको अन्तमा बनाएका थिए, जसले रातको अन्धकारमा उज्यालो ल्यायो ।

थोमस अल्भा एडिसनको जन्म ११ फेब्रुअरी १८४७ मा अमेरिकामा भएको थियो । भनिन्छ कि एक दिन प्राथमिक विद्यालयमा शिक्षकले उनलाई कागजमा लेखिएको केही दिए र आमालाई देखाउन भने । घर गएपछि, एडिसनले शिक्षकको पत्र आफ्नी आमालाई दिए, जसलाई पढेर उनी रुन थालिन् । एडिसनको आमाको नाम नैन्सी म्याथ्यू इलियट थियो, उनी एक उच्च शिक्षित डच परिवारकी महिला थिइन् ।
आमा रोएको देखेर एडिसनले सोधे, ‘यो कागजमा के लेखिएको छ र तपाई किन रोइरहनु भएको छ ?’ त्यसको जवाफमा उनले शिक्षकले लेखेको कुरालाई यसरी बताइन्, ‘तिम्रो बच्चा धेरै चलाख छ । हाम्रा विद्यालय र शिक्षकहरू निम्न स्तरका छन् । त्यसैले हामी तपाईंको बच्चालाई पढाउन सक्दैनौं । उनलाई आफैं सिकाउँदा राम्रो हुनेछ ।’
यसपछि एडिसनकी आमा आफैंले उनलाई पढाउन थालिन् र घरमा प्रयोगशाला पनि खोलिन् । केवल १० वर्षको उमेरमा, आफ्नी आमाको सहयोगमा, एडिसनले आफ्नो पहिलो प्रयोगशालामा काम गर्न थाले । आमा न्यान्सीले उनलाई रासायनिक प्रयोगहरूको पुस्तक दिएकी थिइन्, जुन एडिसनलाई यति मन पर्यो कि उनी धेरै दिनसम्म नसुतेर प्रयोग गरिरहन्थे । उनलाई खाने र पिउने बोध पनि थिएन ।
१० हजारभन्दा बढी पटक फेल
यी प्रयोगहरू र व्यावहारिकहरूको सहयोगमा, एडिसनले फोनोग्राफदेखि बल्बसम्म सबै कुरा आविष्कार गरे । पछि सारा संसारले उनको तेज दिमाग चिन्यो । भनिन्छ बल्बको आविष्कार त्यति सजिलो थिएन । उनले १० हजारभन्दा बढी प्रयासपछि बल्ब बनाउन सफल भए ।
शिक्षकको पत्र पढेर एडिसन रोए
आमाको मृत्युपछि एक दिन केही खोज्दा उनले आमाको अलमारीबाट एउटा चिठ्ठी फेला पारे । यो त्यही पत्र थियो जुन प्राथमिक शिक्षकले आफ्नी आमालाई लेखेका थिए । यो पत्र पढेर एडिसन रोए । किनभने त्यसमा लेखिएको थियो, ‘तिम्रो छोराको दिमाग एकदमै कम छ । त्यसैले भविष्यमा उसलाई विद्यालय नपठाउनुहोस् ।’ एडिसनले आफ्नो डायरीमा पनि यो कुरा उल्लेख गरेका छन् । उनले भनेका छन्, ‘एउटी आमाले आफ्नो कमजोर दिमागको बच्चालाई संसारको महान् वैज्ञानिक बनाइन् ।’

20/11/2023

उच्च शिक्षालय तथा माध्यमिक बिद्यालय संघ नेपालका उपाध्यक्ष, ओम नेशनल एकेडमीका संचालक तथा शिक्षाविद् डा.लालबाबु यादवको आज मिति २०८०/०८/०४ मा भएको असामयिक निधनले प्रारुप परिवार मर्माहित भएको छ। दुखको यस घडीमा मृतआत्मा प्रति हार्दिक श्रद्धाञ्जली ब्यक्त गर्दछौँ ।

प्रारुप दैनिक परिवार

04/11/2023

दुखद खवर
जाजरकोटको रामीडाँडा केन्द्रविन्दु भएर हिजो राति ११ः ४७ मा गएको ६.४ म्याग्निच्युडको भूकम्पबाट हाल सम्म प्राप्त नलगाड नगरपालीकाका उपमेयर सहित १३१ जनाको मानवीय र तेस्तै भौतिक क्षतिले मर्माहित बनायको छ । यस दुखद अबस्थामा आफुले सक्ने सबै खालको सहयोग गर्नका लागी सबै आ-आफ्नो ठाउँ बाट लागौं जुटौ.!

20/09/2023

जुन देशमा त्यहाँका शिक्षक लाई सडकमा उत्रिनु पर्ने बाध्यता हुन्छ भने त्यो देशको भविष्य अन्धकारमा जाने निश्चित छ।
सरकारले अविलम्ब वहाँहरुको माग पूरा गर्नु पर्दछ।

12/09/2023

! कक्षा १० को वार्षिक परीक्षा स्कुलले नै लिने गरी शिक्षा विधेयक तयार भएको छ ।

12/09/2023

भारतीय व्यवसायीले नेपाली क्रिकेटर ललित राजवंशीलाई ब्याट उपहार दिने

एसिया कप खेलेर फर्किएका नेपाली टोलीका खेलाडी ललित राजवंशीले आफूसँग अन्तर्राष्ट्रिय प्रतियोगिता खेल्न गतिलो ब्याट्समेत नरहेको बताएपछि सबैले यसप्रति चासो ब्यक्त गरेका छन। उनको सोही भनाइलाई अन्तर्राष्ट्रिय क्रिकेट काउन्सिल (आईसीसी) ले आफ्नो ट्वीटर अकाउन्टमार्फत पनि सेयर गरेको थियो । जुन भिडियो हेरेसङै भारतीय चर्चित व्यवसायी अनुपम मित्तलले ललितका लागि ब्याट् उपहार दिने बताएका छन। भिडियोमा प्रतिकृया दिदै उनले ललितका लागि ब्याट् उपहार दिने जनाएका हुन।

12/06/2023

ज्ञानदामा विद्यार्थीहरुको व्यक्तित्व विकासका लागि "Breaking the Glass Ceiling "शीर्षक तालिम सम्पन्न

बिरगंज ,जेष्ठ २९ ,सोमबार।

बिरगंज। ज्ञानदा एकेडेमीको सहयोगमा ज्ञनादा एकेडेमी के बहुउद्देशीय सभा हलमा Birgunj Computer Institute, English.com, Disha Study Basket, New Popular English Language and Computer Institute, Prarup Education Foundation, Pragati Education Centre को संयुक्त आयोजनमा "Breaking the Glass Ceiling " कार्यक्रम गरिएको प्रगति एडुकेशन फाउनडेशनका निर्देशक वाशिम हुसैनले जनाएका छन् ।

कार्यक्रममा प्रमुख अतिथि सानो पाइला संस्थाका अध्यक्ष कञ्चन झा हुनुहुन्थ्यो । कार्यक्रमको सभापतित्व English.com का निर्देशक दिगम्बर थापाले गर्नुभयो । यसै गरी विशिष्ट अतिथिहरुमा वीरगंज कम्प्यूटर इन्स्टिट्यूटका निर्देशक जयनारायण चौधरी, दिशा स्टडी वास्केटका निर्देशक इन्जिनियर राज कुशवाहा, न्यू पपुलर इंगलिश ल्याइवेज एण्ड कम्प्युटर इन्स्टिट्यूटका निर्देशक विवेक गुप्ता, प्रारूप एजुकेशन फाउनडेशनका निर्देशक दिलिप प्रजापति, प्रगति एडुकेशन फाउनडेशनका निर्देशक वाशिम हुसैन, ज्ञानदा एकेडेमीका कार्यकारी अधिकृत राजेन्द्र प्रसाद कोइरालाको उपस्थिति रहेको थियो ।

उक्त कार्यक्रम विद्यार्थीहरुको व्यक्तित्व विकासमा हामी सबैको के कस्तो भूमिका हुनुपर्छ र उनीहरुको भविष्य सुनिश्चित कसरी गर्न सकिन्छ भन्ने उद्देश्य रहेको उक्त कार्यक्रम नितान्त विद्यार्थीहरु मै केन्द्रित रहेको थियो ।

प्रमुख अतिथि सानो पाइलाका अध्यक्ष कञ्चन झाले अहिले सन्दर्भमा सबैले आफूलाई चिनेर आफू भित्र भएको प्रतिभालाई कसरी प्रस्तुत गराउन सकिन्छ र दीगो आत्मविश्वास राख्दै डरको भावनालाई त्याग्दै प्रगति पथमा आउने बाधाहरुवाट हरेस नखाई लक्ष्यलाई केन्द्रित गर्दै लानुपर्छ भन्ने निकै प्रेरणादायी कुराहरु उल्लेख गरेका थिए ।

त्यस्तै सभापतिको आसनबाट दिगम्बर थापाले पनि "सङ्घर्षमय जीवनबाट नहडबडाई संयम राख्दै अगाडि बढेमा अवश्य पनि सोचेको लक्ष्यप्राप्त गर्न सकिने । जस्तासुकै परिस्थितिमा पनि समयानुकुल आफूलाई ढालेर कार्य गर्न सकिने व्यक्ति नै सफलताको शिखरमा पुग्न सक्ने" कुरालाई व्यक्त गर्नुभयो ।

दोस्रो चरण अन्तर्गतको कार्यक्रममा तालिम को संचालन ज्ञानदा एकेडेमीका कार्यकारी अधिकृत राजेन्द्र प्रसाद कोइरालाले गर्नु भएको थियो । उक्त तालिम अन्तर्गत भविष्यमा आइपर्ने जस्तोसुकै कठिनाई र बाधा एवं व्यवधानलाई कसरी पन्छाउन सकिन्छ, भविष्यमा आफूले लिएको लक्ष्यलाई प्राप्त गर्न के के गर्नुपर्छ, नयाँ नयाँ चुनौतीहरुलाई कसरी सामना गर्नुपर्छ। आदि कुराहरुमा केन्द्रित रहि तालिम प्रदान गरिएको थियो । त्यसै गरी कार्यक्रममा इन्जिनियर राज कुशवाहा र आदत साहीरले पनि आफ्नो मन्तव्य राख्नुभएको थिए ।

उक्त कार्यक्रममा विभिन्न इन्स्टिट्यूटका विद्यार्थीहरुको उल्लेखनीय सहभागिता रहेको थियो । कार्यक्रको सहजिकरण ज्ञानदा एकेडेमीका शिक्षक गौतम मान उदास, स्वागत मन्तव्य दिलिप प्रजापति र धन्यवाद ज्ञापन वशिम हुसैनले गर्नु भएको थियो ।

06/03/2023

01/02/2023

भ्रष्टाचारको संस्थागत सञ्जाललाई भत्काउन हम्मेहम्मे
राजेन्द्रप्रसाद कोइराला
१८ माघ,२०७९
वीरगंज । देशले ५ वर्षको सङ्घीयताको अनुभूति गरिसकेको छ । यो ५ वर्षमा जनजीविका स्तरीकरणका लागि केही काम भएजस्तो लाग्दैन । सत्ताको लुछाचुँडी, आपसी वैमनस्य, गालीगलोज र सबैभन्दा बढी भ्रष्टाचारले देशको अर्थतन्त्र रसातलमा पुर्याइसकेको छ । अहिले मुलुक सङ्घीयता कार्यान्वयनको चरणमा छ । तर विडम्बना, विकाससँगै विकृति र विसङ्गति व्याप्त छ । केन्द्रीकृत भ्रष्टाचार विकेन्द्रीकृत भएर राज्यका हरेक तहमा व्याप्त भएको छ ।

भ्रष्टाचारको संस्थागत सञ्जाललाई भत्काउन अब हम्मेहम्मे भइसकेको छ । सरकारी होस् वा गैरसरकारी, सार्वजनिक वा निजी कुनै क्षेत्र भ्रष्टाचारमुक्त छैन । पहिले टेबुलमुनिबाट हुने लेनदेन अहिले क्याफे, रेस्टुरा र बारमा बिचौलियाबाट सेटिङ मिलाएर लिने गरेको पाइन्छ । हरेक विकासका कामको केही प्रतिशत रकम कर्मचारी प्रशासनका लागि छुट्याउनुपर्ने अघोषित नीति बनेको छ । भ्रष्टहरू दण्डित हुनुपर्नेमा पुरस्कृत भएका छन्, जसले गर्दा भ्रष्टाचारीको मनोबल बढेको छ ।
सुशासनको विपरीतार्थक शब्द कुशासन हो । जहाँ कुशासन हुन्छ त्यहाँ भ्रष्टाचार चरम गतिमा बढ्छ । हरेक चुनावपछिका सरकारबाट सुशासन दिने झूटो प्रतिबद्धताका पुलिन्दा तयार गरिन्छ तर जनताले सुशासनको अनुभूति ४५ वर्षदेखि गर्न पाएको छैन । भ्रष्टाचार अहिले सङ्घीय सरकारदेखि स्थानीय सरकारसम्म फैलिएको छ । विकास निर्माणसम्बन्धी भौतिक पूर्वाधार निर्माणमा बोलपत्र, ठेक्का सम्झौतासम्बन्धी निर्णय गर्दा आफन्तलाई फाइदा पुर्याउने, संरचनाको गुणस्तर र सामग्रीको स्तरीयतामा सम्झौता गरेर कमिशन लिने, पूर्वाधार विस्तार, मरम्मत–सम्भार र क्षमता अभिवृद्धि, लगानी वृद्धि र सम्भाव्यता अध्ययनसम्बन्धी निर्णयमा लागत मूल्य उच्च राख्ने, ठेक्का सम्झौतापछि भेरिएशन अर्डर स्वीकृत गराई थुप्रै रकम भुक्तानी गरी व्यक्तिगत फाइदा लिने, हुँदै नभएको निर्माण कार्यको कागजी प्रक्रिया मिलाई घोटाला गर्ने, निर्माणका लागि सामान खरीद गर्दा/गराउँदा कमिशन लिने, कम लागत बढी अनुमान बनाउने, निम्न गुणस्तरको निर्माणको जाँचपास गराउने, ठेक्कामा सीमित प्रतिस्पर्धा गराउने, योजना निर्माण र तर्जुमा गर्दा संस्थागत हितलाई पछि पार्ने, निर्णय गर्नु अगावै आफ्नो मान्छेलाई सूचना चुहाएर व्यक्तिगत हितका लागि सार्वजनिक निर्णय गराउनेजस्ता कार्य गरेको पाइन्छ । यस्तो कार्यमा, सत्तामा भएका राजनीतिक दलका व्यक्तिले मलजल हालेका छन् भन्ने आरोप छ ।

भ्रष्टाचारका अधिकांश घटना राजनीतिक प्रभावमा हुने गरेको पाइन्छ । अधिकारप्राप्त व्यक्ति र संस्थाहरू भ्रष्टाचारको चक्रव्यूहमा परेपछि भ्रष्टाचार झनै संस्थागत हुने गर्छ । हाम्रो सामाजिक संरचनाले भ्रष्टाचारलाई बढावा दिएको छ । विशेषगरी गरीबी र पछौटेपनले गर्दा धनलाई समाजले बढी मान्यता र सम्मान दिने गरेको पाइन्छ । हामीले त्यस्तै भ्रष्टाचारबाट अकुत सम्पत्ति कमाएर अटसमटस भएकाहरूलाई समाजमा ठूला र सफल व्यक्तिको संज्ञा दिएका छौं । ०४७ सालदेखिका त्यस्ता देशका धमिराहरूलाई बलियो कानूनद्वारा पक्राउ गरेर उनीहरूको सम्पत्ति मात्र जफत गर्न सके देशको १० वर्षको बजेट तयार गर्न सकिन्छ ।

न्यायालयको कुरै नगरौं, भागबण्डा नमिलेर र न्यायाधीशहरूको समयमा नियुक्ति नहुँदा वार्षिक लगभग २७००० मुद्दा तामेलीमा छ । झन् चोलेन्द्र शमशेर र शम्भु थापा एन्ड कम्पनीको आपसी इगोले न्यायालयको अवस्था छताछुल्ल नै पारिदियो । ट्रान्सपरेन्सी इन्टरनेशनल नेपालले २८ जनवरी २०२० मा सार्वजनिक गरेको प्रतिवेदन अनुसार नेपालमा भ्रष्टाचार बढ्दै गएको छ । ट्रान्सपरेन्सीले १८० देशमा गरेको (भ्रष्टाचार अवधारणा सूचकाङ्क) सर्वेक्षणमा नेपाल भ्रष्टाचार हुने देशको ११७ औं नम्बरमा परेको छ, जबकि ट्रान्सपरेन्सीकै २०१९ को सर्वेक्षणमा ११३औं स्थानमा थियो ।

स्वतन्त्र र निष्पक्ष निर्वाचनको अभाव रहनु, दलको आयव्यय पारदर्शी नहुनु, भ्रष्टलाई राजनीतिक संरक्षण प्राप्त हुनु, भ्रष्टाचारविरुद्ध कानून कार्यान्वयन नहुनु, भ्रष्टाचार नियन्त्रणमा संलग्न निकाय क्रियाशील हुन नसक्नु, विद्यमान ऐन–कानूनको पूर्ण पालना नगरिनु, घूस, कमिशन र कोसेली संस्कृति विद्यमान हुनु, निजामती प्रशासनमा पारदर्शिता र जवाफदेहिता बोध नहुनु, कर्मचारी सेवकका रूपमा नभई शासकका रूपमा प्रस्तुत हुनु तथा नैतिकताको ह्रासले मुलुकमा भ्रष्टाचार बढ्दै गएको छ । त्यसमा पनि कर्मचारीतन्त्रमा भ्रष्टाचारको नेक्सस यति संस्थागत भएको छ कि उनीहरूले नै मन्त्रीलाई घनचक्करमा पारेर देशलाई तहसनहस गरिरहेका छन् ।

सार्वजनिक र निजी क्षेत्रबाट जवाफदेहिता र पारदर्शिताको माग हुन सक्ने भएकोले भ्रष्टाचारविरुद्ध लडाइँमा सञ्चारमाध्यमको महत्वपूर्ण भूमिका हुन्छ । त्यहाँ धेरै अध्ययन हुन्छ, जसले प्रेस स्वतन्त्रता र भ्रष्टाचारबीच सम्बन्ध देखाउने काम गर्छ ।मिडियाले सार्वजनिक क्षेत्रको भ्रष्टाचारबारे जानकारी प्रदान गर्दछ, जहाँ सरकारी गतिविधि डिजाइन वा पूर्वनिर्धारितरूपमा अपारदर्शी हुन्छ । मिडिया र विशेषगरी खोज पत्रकारिताले भ्रष्टाचार छानबीन, पर्दाफाश र दण्डहीनताविरुद्ध लड्न महत्वपूर्ण भूमिका खेल्छ र अहिलेसम्म हामीले जे जस्ता बेथितिबारे जानकारी पाएका छौं त्यो मिडियाकै देन हो ।

मिडिया र खोज पत्रकारिताको भूमिकासम्बन्धी आर्थिक सहयोग तथा विकास सङ्गठन (ओइसिडी) को प्रतिवेदन (२०१८) मा यो कुरा उल्लेख गरिएको छ कि कसरी अन्तर्राष्ट्रिय सहयोगसम्बन्धी गतिविधिहरूको जालसाजी र भ्रष्टाचारलाई जनता र कानून प्रवत्र्तक अधिकारीहरूको ध्यानमा ल्यायो ।

सञ्चारमाध्यमको मूल्यवान् सम्पत्ति भनेको जनतासमक्ष सही खबर पुर्याउनु हो । २१औं शताब्दीमा सञ्चारमाध्यम द्रुतरूपमा विकसित भएको छ । इन्टरनेटको युगले संसारलाई आँधीबेहरीले जस्तै घेरेको छ । आजको दिनमा सूचना विशाल समुद्र हो, तर गलत जानकारीले डुब्न सक्ने हुँदा पर्याप्त सावधान हुनु आवश्यक छ । हामीले सञ्चारमाध्यममा हेर्ने र सुन्ने चीजहरूलाई प्रमाणित गर्नुपर्दछ । सञ्चारमाध्यम मानवका लागि आशिष हो, किनकि यसले हाम्रो व्यक्तिगत जीवन र हाम्रो जीवनका अन्य धेरै क्षेत्रमा महत्वपूर्ण भूमिका खेल्छ ।

पत्रकारिता राज्यको चौथो अङ्ग हो । यो चौथो अङ्गको प्रमुख काम सुशासन कायम गर्नु हो । राज्यका तीनै अङ्ग– कार्यपालिका, व्यवस्थापिका र न्यायपालिकाबाट जब मानिसले न्याय पाउँदैन तब राज्यको चौथो अङ्ग गुहार्छ । भ्रष्टाचारलाई शून्य सहनशीलताको स्थितिमा पु¥याउने र प्रत्येक जनतालाई सुरक्षाको प्रत्याभूति दिलाउनेजस्ता कर्णप्रिय कुरा सरकारले गर्छ, उपलब्धि भने शून्य, र त्यसलाई खोजमूलक पत्रकारिताको माध्यमबाट कार्यान्वयनमा ल्याउने कार्य हुन्छ ।

सञ्चारमाध्यमले प्रत्यक्ष र अप्रत्यक्ष भ्रष्टाचार नियन्त्रणमा महŒवपूर्ण भूमिका खेलेको हुन्छ । प्रत्यक्षरूपमैं योगदान पुर्याउन सरकारी भ्रष्टाचारविरुद्ध सञ्चारमाध्यमले सर्वसाधारण नागरिकमा सचेतना जागृत गराउन सक्छ । भ्रष्ट राजनीतिज्ञ र कर्मचारीलाई राजीनामा गराउन बाध्य बनाउन सक्छ । तर कतिपय सञ्चारगृहका सञ्चालकले बेलाबखत पत्रकारहरूलाई खोजमूलक पत्रकारिता गर्नबाट निरुत्साहितसमेत गर्दछन् ।

त्यस्ता सञ्चालक नेताहरूबाट मात्र होइन, उच्च घरानिया, दलाल, माफियाबाट पनि प्रभावित भएका हुन्छन् । समाजमा गलत कार्यमा संलग्न हुनेहरूले प्रत्यक्षरूपमा पत्रकारको आलोचना गर्न थालेका छन् । पत्रकारिता पेशाप्रति सबैभन्दा चुनौती तिनैबाट देखिन्छ, जो आफूलाई पत्रकार भन्छन् तर पत्रकारिता गर्दैनन्, दलाली गर्छन् । पत्रकारितालाई देखाउने दाँत बनाएर राजनीति, दलाली र सौदाबाजी गर्नेहरू अनेक छन्, तिनलाई अहिले पत्रकार भन्नुपरेको छ । आज राजनीतिक दलका विभिन्न तहमा रहेका पदाधिकारी, संवैधानिक अङ्गका व्यक्तिदेखि न्यायाधीशसम्म मिडियासँग संलग्न छन्, प्रहरीका हाकिमसँग त प्रेस पास रहेको बताइन्छ । सामान्यतया समाचार नलेख्ने, लेख नलेख्ने, अन्तर्वार्ता नलिने, रेडियो वा टिभीमा कार्यक्रम नचलाउने, समाचार नभन्ने व्यक्ति पत्रकार हुन सक्दैन । तर, यहाँ त मार्केटिङ गर्नेहरूले पनि सूचना विभागबाटै प्राप्त प्रेस पास लिएर हिंडेका छन् ।

सामाजिक मिडिया र अन्य सञ्चारमाध्यमले समय–समयमा ठूला घोटाला उजागर गरेका उदाहरण प्रशस्त छन् । लोकतन्त्र र स्वतन्त्र सञ्चार (प्रेस) एकअर्काका परिपूरक हुन् । यिनीहरूबीच नङ र मासुको सम्बन्ध हुन्छ । स्वतन्त्र प्रेसविना लोकतन्त्र अधूरो हुन्छ, अर्थात् लोकतन्त्र नाम मात्रको हुन्छ ।

अर्थ–राजनीतिक क्षेत्रमा क्यान्सरको रूपमा स्थापित भ्रष्टाचार निवारण गर्नका लागि एउटा व्यक्ति वा संस्थाको जोडबलले पुग्दैन । कर्मकाण्डी पाराको दिवस मनाएर यो निवारण हुनेवाला छैन । सुशासनका ठूला–ठूला भाषण दिएर पनि यो भाग्दैन । ओठे प्रतिबद्धताले यसलाई हल्लाउन पनि सकिंदैन । सङ्गठन स्थापना गर्दैमा, कानूनको चाङ लगाउँँदैमा, कर्मकाण्डी पाराका दिवस मनाउँदैमा भ्रष्टाचार निवारण सम्भव छैन । यसको निवारणका लागि अर्थ–राजनीतिक वृत्तका हरेक खेलाडीमा नैतिकता तथा शुद्ध आचरण हुनुपर्छ । जीवनदर्शन, प्रविधि र सङ्गठनबीच सन्तुलन मिलाउन सक्नुपर्छ । भनाइ र गराइबीच एकरूपता हुनुपर्छ ।

अहिलेको यो उच्च चेतनाको युगमा समेत भ्रष्टहरूले निर्ममरूपमा मातृभूमिको दोहन गरिरहेको पीडादायी वास्तविकताको निरीह साक्षी बन्ने अवस्था साँच्चै विडम्बनापूर्ण छ । उनै भ्रष्टहरूलाई नियमित निर्वाचित र अनुमोदित गर्दै आफ्नो र आफ्ना सन्ततिको भाग्यको रेखा कोर्ने जिम्मा सुम्पनुपर्ने अवस्था दयनीय छ । यो दयनीय अवस्थाबीच भ्रष्टाचारको विषाक्त संस्कृति मौलाउँदै जाँदा देश अनियमितता, पछौटेपन र विकराल निराशाको चङ्गुलमा फसिरहने छ र यसको भविष्य अनिश्चित र दयनीय बनिरहने छ । एकपछि अर्काे पुस्ता यसको शिकार भइरहने छन् ।

अन्त्यमा माननीय सोभिता गौतमको वाक्य राख्दै–“लोकतन्त्र भनेको फगत शासन पद्धति हैन, जनताको जीवनशैली पनि हो ।”

प्रतिक दैनिकबाट साभार ।

18/01/2023

बैंकहरुले घटाए निक्षेपको व्याजदर, माघ महिनामा कुन बैंकको व्याजदर कति ?
दिलीप कुमार पंडित
प्रकाशित मिति : २ माघ २०७९, सोमबार २:२८

बिरगंज । बाणिज्य बैंकहरुले माघ महिनाका लागि निक्षेपको व्याजदर घटाएका छन् । बैंकर्स संघले गत साता निक्षेपको व्याजदर घटाउने सहमति गरे सँगै बैंकहरुले माघ एकगतेदेखि लागु हुने गरी व्यक्तिगत तथा संस्थागत मुद्दती निक्षेपको व्याजदर ११ प्रतिशतमा झारेका छन् ।
बैंकहरुले व्यक्तिगत मुद्दती निक्षेपको व्याजदर ११ प्रतिशत र संस्थागत मुद्दती निक्षेपको व्याजदर ९ प्रतिशतमा झारेका हुन् । त्यस्तै रेमिट्यान्स तर्फको मुद्दती निक्षेपको व्याजदर भने १२ प्रतिशत रहेको छ । यस भन्दा अगाडी अर्थात पुस महिनका लागि बैंकहरुले व्यक्तिगत मुद्दती निक्षेप तर्फ १२.१३३ प्रतिशत व्याजदर दिएका थिए भने संस्थागत मुद्दती निक्षेपको व्याजदर १०.१३३ प्रतिशत दिएका थिए ।नयाँ सरकार गठन सँगै अर्थमन्त्री र व्यवसायीको निरन्तरको दवाव पछि बैंकहरुले संयुक्त रुपमा निक्षेपको व्याजदर घटाउने निर्णय गरेका हुन् । अहिले निक्षेपको व्याजदर घटाउदा आधार व्याजदर पनि घट्नेछ । आधार व्याजदर घट्ने वित्तीकै बैंकहरुको कर्जाको व्याजदरमा स्वत गिरावट आउने विश्लेषण गरिएको छ ।

अहिले कर्जाको व्याजदर १६ प्रतिशत भन्दा माथि तिर्नु पर्ने बाध्यता रहेको छ । पुससम्ममा कायम रहेका मुद्दती निक्षेपको व्याजदर यथावत रहने भएकाले तत्काल आधार व्याजदरमा ठुलो प्रभाव पार्दैन । तर साधारण निक्षेपको व्याजदर घट्दा यसको प्रभाव तत्काल देखिनेछ । स्ट्याण्डर्ड चार्टर्डले व्यक्तिगत निक्षेपको व्याजदर १० र ११ प्रतिशत कायम गरेको छ भने नेपाल एसबिआइले ८ प्रतिशतदेखि ११ प्रतिशतसम्म कायम गरेको छ । एनआइसी एशियाले भने सर्वाधिक धेरै ११.४२ प्रतिशतसम्म कायम गरेको छ ।

यस बाहेक सबैले व्यक्तिगत तर्फको मुद्दती निक्षेपको व्याजदर ११ प्रतिशत नै कायम राखेका छन् । त्यस्तै साधारण निक्षेपको व्याजदर भने ९.४२ प्रतिशतसम्म कायम गरेका छन् । त्यस्तै न्युनतम तर्फ ६.४२ प्रतिशत दिदैछन् । विकास बैंकले पनि व्याजदर घटाएका छन् । बैंकहरुले व्यक्तिगत निक्षेप तर्फ १२ प्रतिशत र संस्थागत तर्फ १० प्रतिशत कायम गरेका छन् ।

30/11/2022

बारा जिल्लाभरका सम्पुर्ण उखु किसानहरु माझ सुचना गरिन्छ गरिएको छ। सुकेका तथा सुकिरहेका उखु को छतिपुर्ती र महँगि वृद्धि अनुसार उखु को मुल्य बढाउनका लागि यहि मिति २०७९/८/१७ गते सनिवार का दिन बिहान १० बजे रिलायन्स सुगर मिल, श्रीपुर बारा को गेट अगाडि ठूलो संख्यामा उपस्तिथि जनाई किसानको माग जिल्ला प्रशासन हुँदै नेपाल सरकार समक्ष पुर्याउने योजना रहेको जानकारी दिए।

21/11/2022

Election Update सप्तरी २: 🥰🥰CK RAUT😎😎
हर्न २४०२, छाता ७६८, साइकल ५५०।

21/11/2022

पर्सा क्षेत्र नम्बर २ (क) मा १३३३ मत गनिसक्दा
श्याम पटेल (रुख) : ६१६
रामनरेश यादव (छाता) : ४७६

21/11/2022

Election Update सप्तरी-२ 🥰🥰
900 मत गन्दा;
हौरन - 629 (डा. सिके राउत)
साईकल - 169 (जय प्रकाश ठाकुर)(बदर ३)
छाता - 59 (उपेन्द्र यादव)
लौरो - 2
कलश - 1
बदर - 40