Vidia.ng Hausa

12/06/2023

Tinubu ya gabatar da manyan ayyuka tun hawansa mulki a ranar 29 ga watan Mayu.

Daga ciki akwai cire tallafin man fetur da kuma nada sabbin muk**ai da dama.

A mako na biyu ya dora da muhimman ayyuka da s**a hada da dakatar da Emefiele na CBN.

Shugaba Tinubu ya gudanar da wasu manyan sauye-sauye a makonsa na biyu da darewa kan karagar mulki. Da yawa daga cikin matakan nasa sun yi wa 'yan Najeriya.

01/06/2023

Farashin Man Fetur na Gab da Faduwa - NNPC

Shugaban Ma'aikatan Kamfanin Matatar Man Fetur na Najeriya (NNPC), Mele Kyari, a ranar Alhamis, ya kwantar da hankalin 'yan Najeriya kan tsoron cigaba da hauhawar farashin man fetur a fadin kasar.

Shugaban NNPC ya ce, gasar dake tsakanin manyan 'yan kasuwar man fetur ne zai jawo saukar farashin da ya tada hankalin 'yan kasa.

Punch ta ruwaito yadda gidajen mai s**a cika makil da layi a fadin kasa, bayan karin kudin bututun man fetur da aka yi cikin kwanakin nan bayan cire tallafin man fetur din.

Yayin jawabi a wata tattaunawa da Arise TV a shirin safe, Kyari ya ce, cire tallafin zai ba sabbin 'yan kasuwa damar shiga kasuwancin tare da taimakawa wajen jawo gasa tsakanin 'yan kasuwa.

Kamar yadda ya ce, "Wani abu mai kyau game da cire tallafin shi ne, za a samu sabbin 'yan kasuwa a harkar, wanda hakan zai zaburar da kamfanonin da basu da niyyar sauke farashinsu a kasuwanin mai su rage farashi.

"Daga lokacin da aka fara gasa, mutane zasu fi zuwa inda yafi saukin farashi, sannan 'yan kasuwa zasu maida hankali kan kasuwancinsu yadda zasu jawo hankalin jama'a da dama. "

31/05/2023

Likitan Da ke Dirkawa Marasa Lafiya Ciki ya Rasa Ransa a Hatsarin Jirgin Sama

Wani likita, Morris Wortman da ke zaune a Rochester, New York, Amurka, ya rasa ransa a jirgin gwajin da ya yi hatsari a harabar alkaryar Orleans ranar Lahadi.

An zargi likitan mai shekaru 72 da amfani da ruwan maniyyinsa wajen dirkawa marasa lafiya juna biyu.

Wortman ya mutu cikin wani jirgin saman da matukin jirgin, Earl Lucr Jnr na Brockport, ya kera da hannunsa, k**ar yadda jaridun Amurka s**a bayyana.

Hukumomin sun bayyana yadda jirgin saman ya fado yana tsaka da yawo a sararin samaniya gami da tarwatsewa, k**ar yadda Hukumar Kula da Sufuri na Kasa ya bayyanasa a jirgin saman Wittman W-5 Buttercup.

Yayin aka gudanar da wani bincike ranar Talata, an gano yadda "fuka-fukan jirgin s**a rabu da gangar jikinshi gami da dirowa kasa kan wata bishiya."

Sheriff Christopher Bourke ya kara da cewa, a wani labari da ya fita ranar Litinin, gangar jikin ya cigaba da yawo ta gabas da karin nisan 1,000 zuwa 1,500 mita kafin ya tarwatse.

Dr Wortman ya yi fice a yammacin New York, kuma yana daga daga cikin masu zanga-zanga kan yaki zubar da ciki.

A 2021, ɗiyar daya daga cikin marasa lafiyansa da ta dauki ciki a 1980s ta makashi kotu.

An zargi Dr Wortman da amfani da ruwan maniyyinsa ba bisa ka'ida ba yayin da ya fada wa mara da ke son daukar juna biyu cewa, wanda ya bata kyautar ruwan kwayar halittarsa dalibin likitancin yankin ne.

An gano yadda likitan boye sirrin duk da ɗiyarsa ta cikinsa zama mara lafiyarsa da ke fama da matsalar haihuwa.

Bayan yin kwajin DNA, ɗiyar ta gano yadda take da a kalla 'yan uba tara, k**ar yadda ya nuna a karar da ta shigar.

Karar ta bayyana yadda, bayan fitar sak**akon DNA na ɗiyar Dr Wortman na aurensa na farko, ya tabbatar da alakar halittar.

Bai yi tsokaci ba har zuwa lokacin da aka shigar da karar.

31/05/2023

Anyi Garkuwa da Shugabannin APC Mata a Kan Hanyar Dawowa Daga Rantsar da Gwamna

An yi garkuwa da shugabannin mata guda biyu na jam'iyyar APC a wajen Manini na karamar hukumar Birnin Gwari kan hanyarsu na dawowa daga rantsar da sabon gwamna, Sanata Uba Sani, ranar Litinin.

Shugaban Cigaban Kungiyar Masarautar Birnin Gwari (BEPU), Ishaq Usman Kasai ne ya bayyana hakan yayin wata tattaunawa da manema labarai a Kaduna da safiyar Laraba.

Kamar yadda ya bayyana, 'yan bindiga sun toshe titin gami da sake biyu daga cikin shugabannin matan jam'iyyar APC tare da wasu magoya baya masu tarin yawa.

A cewarsa, shugabannin matan APC sune Shugabar matan APC na Birnin Gwari, Hajiya Lami Awarware da Mataimakiyarta, Hajiya Haulatu Aliyu.

An tattaro yadda masu satar mutanen s**ayi aka yi garkuwa dasu ranar Talata gami da tafiya dasu daji.

Shugaban BEPU, ya ce, har yanzu masu garkuwan basu tuntubi iyalan wadanda s**a sace ba, kuma basu bukaci kudin fansa ba.

31/05/2023

Gudun Barkewar Rikici ya Hanani Halartar Bikin Ranstar da Abba Gida-Gida - Ganduje

Gwamnan mai barin Gado na Jihar Kano, Abdullahi Umar Ganduje, ya bayyana dalilin da yasa bai je rantsar da Gwamna Abba Kabir Yusuf ba.

Ya ce, dalilin da yasa bai je rantsarwan ba saboda yana tsoron rikici da ka iya barkewa tsakanin magoya bayansu.

Ganduje ya sanar da hakanne a wata tattaunawa da BBC Hausa ranar Talata.

Kamar yadda ya ce, bai da wata jikakka tsakaninsa da sabuwar gwamnatin jihar.

Tsohon gwamnan Kano ya ce, "Za a iya raba mika mulki gida biyu. Na farko shi ne mika mulki, wanda ya hada da mika takardu da bayanai kan ayyukan gwamnati, duk da kwangilolin da aka kammala, da wadanda ba a kammala ba, gami da shawarwari ga gwamnati mai zuwa.

"Na biyu shi ne rantsarwa. Idan gwamnati mai barin gado da sabuwar gwamnati sun fito daga jam'iyyu mabambanta, ba dole bane sai an talarci rantsarwan, duba da akwai tarkewar rikici tsakanin magoya bayansu."

Kan batun ko ya halarci rantsar da Tinubu don a bashi mukami, Ganduje ya ce, "Banje don a bani wani mukami ba, amma idan aka bani bazan ki amsa ba.

"Ina wa shugabancin Tinubu kyakkyawan zato. Zamu cigaba da masa addua tare da mara masa baya saboda an zabesa ne duba da tarihin jajircewarsa."

30/05/2023

Yadda 'Yan Najeriya S**a Tafka Asarar N1.5 triliyan Cikin Shekaru Shida

Kamar yadda bayanan Hukumar Inshora ta Najeriya (NAICOM) ya bayyana, 'yan Najeriya sun tafka asarar sama da N1.5 triliyan a shekaru shida da s**a shude.

Tarihi ya nuna yadda s**a tafka asarar daga 2017 zuwa 2022, sak**akon gabara, hatsari, sata, lalacewar kadara, annoba da cutar da ta jawo kashe kudi, bas**a da mutuwa.

Kididdigar shekaru da aka tafka asarar su ne: A 2017, wanda aka yi asarar N186 biliyan; a 2018, N252 biliyan; da 2019, N225 biliyan.

Yayin makura barkewar annobar Korona a 2020 da 2021, asarar ta ta'azzara zuwa 247 biliyan da N337 biliyan. A 2022, asarar dukiyar ta sauka zuwa N318 biliyan.

Sai dai, k**ar yadda 'yan Najeriya ke cewa, yayin da lamari ya musu k**ari, "Ubangiji baya gajiya da abubuwan al'ajabi" - Ma'ana ni'imar Ubangiji ta yalwaci kowa.

Tabbas, miliyoyin 'yan Najeriya da kamfanonin da s**a tafka wadannan asarorin sun samu damar maida asararsu, madalla abun al'ajabi na Inshora.

Kamar yadda NAICOM ya bayyana, Kamfanonin Inshora sun biya wadanda lamarin ya faru dasu N1.5 triliyan na Inshora, wanda hakan ya zama kariya daga barazanar karayar arziki.

Wadanda s**a fi amfana da tsarin inshora su ne masu tari da Leadway Assurance, daya daga cikin kamfanonin inshora kuma wanda yafi kowanne biyan masu tsarin inshora cikin shekaru shida da s**a shude.

Leadway, a shekaru bakwai da s**a shude ya biya kwastomominshi N271 biliyan, yayin da ya nuna amfanin inshora a matsayin hanya mafi sauki da ke kariya daga karayar arziki. Kamfanin ya biya kwastomominshi
A shekarar 2017; N23 biliyan; a 2018 ya biya N34 biliyan; a 2019 ya biya N38 biliyan; a 2020 ya biya N44 biliyan; a 2021 ya biya N48 biliyan, sannan a 2022 ya biya N57 biliyan.

30/05/2023

Daga Hawa Mulki, Abba Gida-Gida ya Fatattaki Ma'aikatan Ganduje Gami da Kwace Wasu Kadarori

Gwamna Abba Kabir Yusuf na Jihar Kano ( wanda aka fi sani da Abba Gida-Gida) ya kori wasu ma'aikatan gwamnati da tsohon Abdullahi Ganduje ya dauka.

A wani umarnin da ya rattaba hannu, sabon gwamnan yayi umarni cewa "Ta sallami dukkan wadanda gwamnati ta ba muk**ai a ma'aikatu, bangarori da hukumomi ko kamfanoni da gaggawa."

Haka zalika, ya sauke dukkan shugabanni ma'aikatu, bangarori da hukumomi, kamfanoni da madaba'oin gaba da sakandiri da gaggawa.

Gwamna ya umarci hukumomin tsaro na jihar su kwace dukkan kadarorin da tsohuwar gwamnati ta siyar.

"A yau nake sanar da cewa, hukumomin tsaro su kwace dukkan gurare da kadarorin da gwamnatin Ganduje ta siyar ba bisa ka'ida ba, karkashin jagorancin 'Yan Sanda, DSS, Jami'an Tsaron Farar Hula da Hisba, har zuwa lokacin da gwamnati zata yanke hukunci," cewarsa.

"A kwanaki kalilan masu zuwa, zamu tsara yadda zamu dawo da jihar bisa tsari gami da dawo da martaba da kimarta, tare da cigaba.

Yayin tabbatar da an tsaftace Kano, ya sanar da yadda daga 1 ga watan Yuni, dukkan ababen hawa zasu rika yawo da abun zaba shara a cikinsu da dukkan 'yan kasuwanni - duk da kantina da shaguna - suma zasu mallaki abun zuba shara tare da zubarwa yadda ya dace.

30/05/2023

Gidajen Mai Sun Cika Makil Bayan Tinubu ya Sanar da Cire Tallafi

Gidajen a Legas na fuskantar dogayen layika awanni kadan bayan Shugaban Kasa Bola Tinubu ya sanar da "cire tallafin man fetur."

Daily Trust ya gano yadda gidajen man NNPC a Ikeja, Alausa s**a cika makil da direbobin da s**a garzaya siyan man fetur.

Sai dai, gidajen man da ba na gwamnati ba, sun dakata da siyar da mai har zuwa lokacin tattara wannan rahoton.

Haka zalika, a Abuja, layin siyan man fetur ya cika gidajen man babban birnin.

A jawabin rantsarwansa, Tinubu ya ce, tallafin yafi amfanar masu hannu da shuni kan talakawa.

"Mun jinjinawa matakin da gwamnati mai barin gado ta yanke man cire tallafin man fetur, wanda ke cigaba da amfanar masu hannu da shuni fiye da talakawa.

Cigaba da narka tattalin arziki a bangaren ba abu bane mai dorewa. Don haka, zamu yi amfani da kudin wajen narka wa a bangarorin ababen more rayuwa, ilimi, lafiya da ayyuka da zasu amfanar da miliyoyin rayuka." cewarsa.

Yar ila yau, ya ce zai sake duba batun korafe-korafe kan haraji don bunkasa tattalin arziki tare da jawo hankalin masu zuba hannayen jari.

29/05/2023

Shanu da Raguna na Sunfi Min Saukin Jagoranta Fiye da 'Yan Najeriya - Buhari

Shugaban Kasa Mai Murabus, Muhammadu Buhari ya ce shanunsa da raguna sun fi masa saukin jagoranta fiye da 'yan Najeriya.

Buhari ya bayyana hakan ne a taron kafin ranstarwa da ya gudana a Abuja da daren Lahadi, yayin jinjinawa sak**akon zaben da ya samar da Bola Tinubu a matsayin shugaban Najeriya na 16.

Buhari ya taya 'yan Najeriya murna bisa yadda s**a fahimci su na da karfin kada kuri'u kuma kuri'unsu sun yi amfani.

Ya ce: "Ina tunanin yadda gobe (Litinin zan shilla zuwa mahaifana gami da komawa kiwon shanu da raguna na, wadanda s**a fi min saukin jagoranta fiye da 'yan Najeriya.

"Masu rike da muk**ai, Shugabannin Jihohi da Kananan Hukumomi, da Wakilansu, Ina matukar godiya gareku tare da muku fatan alheri," Kamfanin Dillancin Labaran Najeriya ta yanko inda ya ke cewa.

29/05/2023

Ganduje Yayi Mursisi Yaki Zuwa Taron Rantsar da Sabon Gwamna, Bayan Barin Bashin N241.5b

Gwamnan Jihar Kano, Abdullahi Ganduje ya mika mulki ga zaɓaɓɓen gwamna, Abba Kabir Yusuf tare da barin bashin N241.5 biliyan.

Sakataren gidan gwamnatin jihar, Alhaji Usman Alhaji ne ya wakilci gwamnan mai barin madafun iko, wanda ya ki halartar bikin rantsuwa, inda ya mika mulki ga gwamna mai jiran gado da safiyar Litinin a gidan gwamnatin Kano.

Ya bada takaitaccen rahoton abubuwan da aka kashe da ya kunsa ayyukan gwamnatin jihar daga 2015 zuwa 2023, inda ya zayyana yadda aka bar bashin N241.5 biliyan ga jihar.

Kamar yadda Ganduje ya ce " Abubuwan da aka yi amfani dasu daga watan Yunin 2015 zuwa Mayun 2023 ya nuna yadda aka kashe jimillar N660.3 biliyan da jimillar N540.6b a matsayin kudin da ake juyawa, sannan an tara N1.2tiriliyan.

"Saura sun hada da Wutar Lantarkin Kano da Ruwa, wanda ke da N740m, haka zalika Wutar Lantarkin Kano da Ruwa na da N703m, kuma ana saran samun N4b Talata mai zuwa.

"Sannan akwai Hukumar Lafiya na Jihar Kano da ke da N4.3biliyan, kazalika, Kamfanin Noma na Jihar (KASCO) na da N837.7m.

"A halin yanzu, bashin da ake bin Kano na Kungiyar Amintattun Jihar ya kai N75.6b, da kuma N9.2b na jihar, tare da N66.3b na karamar hukuma, wanda hakan ya bada jimillar N75.6b.

Har ila yau, akwai kudin haraji, na Kamfanin Fansho na N4.5b. Daga nan ne jimillar bashin ciki da waje ya k**a N123.3b.

"Saboda haka, jimillar bashin da ake bin jihar daga 31 ga watan Disamba 2022, wanda ya k**a N241.5 b."

Yayin jawabi jim kadan bayan rattaba hannu kan rahoton, sabon gwamna Abba Kabir Yusuf ya bayyana alhininsa kan yadda gwamna Ganduje ya ciwo tarin bashi ga mutanen jihar.

"Ina ake so mu nema wa jihar kudi?

" Ɗan kudin da jihar ta bari ba wani na azo a gani bane.

"Ina bada hakuri, amma dole tasa zan bayyana hakan don mutanen kwaran jihar su fahimci inda muka dosa.

"Don me ake fakewa da masu tuntuba, masu tuntuba da yawa don kawai a kwashe arzikin jihar.

"Zamu bi diddigi kan lamarin. Ban yaba ba.

"Sai dai, muna godiya ga tsohon gwamnan kan yadda ya hidimtamawa mutanen kwaran jihar k**ar yadda yake tsammani " cewarsa.

29/05/2023

Da Duminsa: An Rantsar da Tinubu a Matsayin Shugaban Kasa

An rantsar da zaɓaɓɓen shugaban kasar Najeriya, Bola Tinubu da mataimakinsa, Kashim Shettima.

Babban Alkalin Shari'ar Najeriya, Kayode Ariwoola ne ya rantsar dasu ranar Litinin.

Hukumar Zabe Mai Zaman Kanta (INEC) ta ayyana Tinubu, tsohon gwamnan jihar Legas kuma tsohon Sanata a matsayin wanda ya lashe zaben shugaban kasa a watan Fabrairu 2023.

Ɗan takarar shugaban kasar jam'iyyar APC ya tashi da kuri'u 8,794,726 tare da dankara abokin hamayyarsa mafi kusa na jam'iyyar PDP, Atiku Abubukar, wanda ya samu kuri'u 6,984,520 a zaben, yayin da Peter Obi na jam'iyyar LP ya zo na uku da kuri'u 6,101,533 da kuma Rabiu Kwankwaso na NNPP a na hudu da kuri'u 1,496,687.

28/05/2023

Yana Gab da Sauka Madafun Iko, El-Rufai ya Rushe Wata Kungiya a Kudancin Kaduna

Ana saura awanni kalilan ya sauka daga mulki, Gwamna Nasir El-Rufai na Jihar Kaduna ya bayyana Kungiyar Cigaban Al'ummar Atyap a matsayin haramtacciyar kungiya.

Hakan yazo ne a wata takarda da Muyiwa Adekeye, Mai Bada Shawara ta Musamman ga Gwamnan a Lamurran Sadarwa, da ta fita ranar Lahadi.

Adekeye, wanda ya bayyana yadda gwamnatin jihar, a wani umarnin rushewa, ya ayyana Kungiyar Cigaban Al'ummar Atyap a jefa kanta cikin Al'ummar da ke barazana ga zaman lafiyan jihar, kuma ta jefa kanta cikin munana dabi'un da ke da matukar hatsari ga zaman lafiya, kwanciyar hankali, da lumana ga mulkin jihar Kaduna.

Ya bayyana yadda gwamnan ya rattaba hannu kan umarnin rushe kungiyar, duba da yadda Sashi na 60 a Kundin Jerin Laifukan Jihar Kaduna mai Lamba. 5 na 2017, da kuma Sashi na 5 sakin layi na 2 a Kundin Tsarin Mulkin shekarar 1999 na Jamhuriyar Tarayyar Najeriya ta bashi dama.

Gwamnan ya bayyana yadda umarnin rushe kungiyar ya fara aiki ranar 24 ga watan Mayu, 2023.

Adekeye ya kara da cewa: "Umarnin rushe kungiyar ya lura da Sashi na 38 da na 40 a Kundin Tsarin Mulkin Jamhuriyar Tarayyar Najeriya da ya bada damar bayyana ra'ayi, damuwa da addini da kuma damar 'yancin kafa kungiya da tabbatar da zaman lafiya ga dukkan 'yan kasa.

"Haka zalika, Sashi na 45 sakin layi na 1, na Kundin Tsarin Mulkin 1999 ba nuna yadda Gwamna ke da ikon daukan irin wadannan matakan da hukunci idan da bukatar hakan don tabbatar da cigaba da tsaron al'umma, doka, da tarbiyya ko lafiyar al'umma, ko dama da 'yanci ga dukkan 'yan Jihar Kaduna."

A makon da ya gabata, gwamnan ya lashi takobin daukan tsauraran matakai har zuwa awa ta 11 kafin saukarsa daga mulki.

28/05/2023

Na Tsunduma Harkar Damfara ne Don in Kuntata wa Mahaifina - Lauyan Bogi

Wani Ayanrinde Abdulgafar, mai shekaru 25, da rundunar 'yan sandan jihar Osun ta cafke na Hukumar Tsaro da Kare Farar Hula ta Najeriya (NSCDC) bisa bayyana kansa da yake a matsayin lauya ya ce, yana yin hakan ne don ya cusgunawa mahaifinsa.

Abdulgafar, wanda aka bayyana fuskarsa a hedkwatar rundunar NSCDC na jihar Osun cikin Osogbo ranar Asabar, ya bayyana yadda ya fara harkallar damfarar al'umma a farkon wannan shekarar.

Yayin amsa tambayoyin manema labarai, ya ce, "Mahaifina ya yi watsi dani tun ina karami, kuma na hakura da karatu ina aji na biyu a jami'a saboda rashin kudin cigaba da karatuna.

"Na yanke shawarar tsunduma harkar damfara, ta hanyar badda k**a a matsayin lauya tare da yaudarar jama'a don in cusgunawa mahaifina. Na damfari mutane sama da N200,000 tun daga lokacin da na fara."

Yayin bayyana wanda ake zargin, Kwamandan Jihar, Agboola Sunday, ya ce, Abdulgafar, yayin da yake sanye da kayan lauyoyi, ya je kotuna da dama a Osun da jihar Kwara don damfarar mutanen al'ummar da s**a yarda dashi.

Ya ce, rundunar tayi nasarar cafke wanda ake zargin a wani hotel ranar Alhamis, 25 ga watan Mayu, 2023, a Illorin, jihar Kwara, yayin da ta hada tawaga tare da rundunar NSCDC bayan ya aikata laifin a Babbar Kotun Tarayya, Akure da Babbar Kotun Jiha a Osogbo da Illorin.

Ya ce: "Wanda ake zargin ya gabatar da kansa a matsayin Lauyan shari'a ga wani direba ranar 23 ga watan Mayu 2023, wanda ya bukaci ya tekoshi da farko zuwa Babbar Kotun Jiha a Osogbo kafin ya nufi Babbar Kotun Jiha a Akure.

"Wanda ake zargin, sanye da cikakkiyar shigar lauyoyi ya shiga kotun, ya gaisa da lauyoyi daga bisani ya tunkari wata mai na'uarar cire kudi (POS) a harabar kotun, inda ya amsa tsabar kudi naira dubu dari da hamsin da ikirarin zai tura ma ta.

"Ya amsa wayar direban don amfani da na'urar shiga yanar gizonsa don taimaka masa tura kudin. Ya shiga harabar kotun daga nan ya yi layar zana, kawai sai aka ganoshi a Illorin, jihar Kwara."

27/05/2023

Babu Batun Musuluntar da Najeriya, Hadimai na Duk Kiristoci ne - Shettima

Zaɓaɓɓen mataimakin shugaban kasa, Kashim Shettima, ta musanta zargin shirya kitumurmurar sabuwar gwamnatin Asiwaju Bola Tinubu da Musuluntar da Najeriya.

Ya ce, zaɓaɓɓen shugaban kasar, wanda bai Musuluntar da iyalinsa ba, bazai iya Musuluntar da Najeriya ba.

Shettima ya bayyana hakan ne yayin jawabi a taron rantsar da sabuwar gwamnati a Abuja ranar Asabar.

Yayin jawabi kan tiketin Musulmi da Musulmi, Shettima ya ce, da gangan ya dauki Inyamuri, wanda Kiristan Katolika ne, a matsayin babban jami'in tsaronsa da kuma Kirista ɗan Arewa a matsayin hadiminsa na musamman don karfafa alaka.

Ya ce, "Ya zama tilas ne, babu batun Musuluntar da kasa. Asiwaju Bola Ahmed Tinubu Musulmi ne, wanda ya auri Kirista, ba ma Kirista kadai ba, fasto a Cocin Kiristoci na Da'awa.

"Siyasa ta kunsa ta danganta da abun da ka yarda dashi. Yayin da muka fara shirya sabuwar gwamnati, da gangan na dauki Inyamuri, na Katolika, ya zama babban jami'in tsarona.

"Don kara karfafa alakar, kuma na dauki Kirista ɗan Arewa ya zama ADC na. Don ganin an kange abun da ake kira da masu kafa Boko Haram.

Ya ce, "Zamuyi aiki. Zamu kuma saurara. Kuma za a tuhumemu. Ba an turomu don da'awa bane. Don haka, k**ar yadda kowa zai mutu, muma zasu iya fadawa nan da can. Babu daya daga cikin wadannan kurakuren zasu zama ganganci."

"Ba zamu taba zama masu bangarenci a wannan mulkin ba, kuma mun yarda da cewa Ubangiji zai mana hisabi."

27/05/2023

Uwar da Tayi Yunkurin Siyar da Jinjirinta ta Shiga Hannu

Rundunar 'Yan Sandan Jihar Legas ta bayyana yadda tayi ram da uwa da wata, da s**a yi yunkurin siyar da jinjiri ɗan wata shida.

Kakakin rundunar, SP Benjamin Hundeyin, ne ya tabbatar da kamen ranar Lahadi a wata takarda.

Hundeyin ya ce, mutanen anguwa da jami'an Tawagar Taimakon Gaggawa (RRS) ne s**a dakile barnar ranar Juma'a.

Ya ce, an bankado harkallar ne a yankin Oshodi, yayin da wata Oge Okolie mai shekaru 25, wacce tayi dillancin jinjirin tsakanin uwar da mai siya, inda aka k**a yayin da ake zarginta da sace jinjirin.

"Fasinjojin motar hayar bus ne s**a lura da yadda jinjirin ke tsaka kuka ba kakkautawa a hannun Okolie, inda s**a tuhumi dalilin da yasa baza ta shayar dashi ba, idan har da gaske ita ce ta haifeshi.

"Ana gab da babbaka wacce ake zargin yayin da jami'an RRS s**a yi hanzarin cetonta da jinjirin.

"Sai dai, bincike ya bayyana yadda mahaifiyar jinjirin, wata Mariya Ahmadu, mai shekaru 26 ta siyar da ɗanta ga Oge. Hakan ya yi sanadiyyar cafke uwar," cewarsa.

Hundeyin ya bayyana yadda aka mika wadanda ake zargin da jinkiri sashin Mata na rundunar don cigaba da bincike gami da gurfanarwa.

26/05/2023

Matata na Matukar Gallaza wa Rayuwata - Magidanci ya Koka

Wani mutumi da ya bukaci a raba aurensu, Abiodun Akinyemi, ya roki Kotun Mapo ta Ibadan mai darajar farko da ta raba aurensa mai shekaru 18 da matarsa, Christiana mai gallaza masa tare da kuntata wa rayuwarsa.

Yayin shaidawa kotu, Akinyemi, wanda ke zaune a Olodo ya ce: "An tilastani neman tsari cocina yayin da na kasa jure radadin.

"Ya mai shari'a, rayuwa tamin kunci tsawon shekaru 18 da na auri Christiana. A zahirin gaskiya, tana yawan ziyartana gami da tozartani.

"Don gudun tashin-tashina, na gudu daga gida na koma kwana a coci, amma Christiana bata daina zuwa addabana tare da dambatana ba.

"Abun da yafi damuna shi ne yadda Christiana ke yunkurin aikani barzahu, don haka bana da bukatarta.

"Ina rokonka da ka bani kalawar 'ya'yana hudu tare da umartarta ta bar min gidana," Akinyemi ya roki kotu.

Yayin kare kanta, Christiana ta ce mijinta baya daukar nauyin iyalinsa.

Mai kare kanta, wacce ke sana'ar girke-girke ta ce: "mijina ya shaida min cewa fastonsa ya ce mishi nice tushen bikincikinsa da matsalolinsa.

"Baya ga haka, baya biyawa yara kudin makaranta. Bugu da kari, na je ofishin Akinyemi ne saboda bana samun damar ji daga garesa tsawon lokaci, kuma yara na bukatar wani abu."

Bayan sauraron bangarorin biyu, alkaliya mai shari'a, S.M Akintayo ta shawarci mai korafi da wacce ake kara su zauna lafiya.

Mrs Akintayo ta dage sauraron karar zuwa 3 ga watan Agusta don yanke hukunci.

26/05/2023

Ko Shakka Banayi 'Yan Najeriya Zasu Roki Tinubu ya Zarce - Betta Edu

Shugabar matan jam'iyyar APC ta kasa, Betta Edu, ta ce 'yan Najeriya zasu roki zaɓaɓɓen shugaban kasa, Bola Tinubu ya sake fitowa takara a karo na biyu bayan cikar wa'adinsa na farko a madafun iko.

Tsohuwar kwamishinan lafiyar ta Kuros Ribas ta bayyana hakanne yayin zantawa a Channels Talabijin a daren Alhamis, 25 ga watan Mayu.

"Ina da tabbacin 'yan Najeriya zasu roki Asiwaju Bola Ahmed Tinubu, bayan cikar wa'adin mulkinsa ya zarce.

Idan ka saurari jawabin Shugaban Kasa Muhammadu Buhari a dakin toron kasa, ya bayyana karara yadda ya yi wa fafutukar matuka. Ya ce, zai mika mulkin Najeriya ga wanda ya ke da tabbacin zai dora daga inda ya tsaya kuma ya yi fiye dashi.

Idan kasan Asiwaju Bola Tinubu, shi mutum ne mai hangen nesa kuma mai aiki. Mutum ne mai matukar kwazo idan aka zo batun hatsashe da dabarbaru. Zan iya bugan kirji in fadi cewa Tinubu ya tsare yadda zai aiwatar da abubuwa nan da kwanaki 60 masu zuwa - abun da ya ke da burin yi, abun da yake da burin cin ma wa, a gabar da kuma inda ya ke so ya kai.

Ya matukar fahimtar aikinsa kafin ya lokacin ya zo. Ya matukar shiryawa. Kuma yana son ya kai inda ya dosa."

26/05/2023

Biri Cike da Kasaita ya ki Amsar Ragowar Ayaba Tare da Bada Mugun Kallo

Wani bidiyo mai nishaɗantarwa ya yi yawo a shafin Instagram kan yadda biri ya yi barin kasa-kasa da wani mutumi da ya mika mishi ayaba.

A bidiyon an ga yadda birin ke zaune cike da kasaita tare da shan kanshi ga wani mutumi, da ke mika masa ayaba yana rokonsa ya ci.

Sai dai, birin ya yi wa mutumin mugun kallo yayin da yaci ya mika mishi rogowar ayabar, wanda hakan yayi matukar harzuka birin.