05/07/2022
Впуштете се во нова авантура и искусете го неповторливиот спој од шпионски трилер и историска фикција...
Американски шпион е именувана за една од десетте најдобри книги на годината од „CHICAGO TRIBUNE“, и е именувана за една од најдобрите книги на годината од „The New York Times Book Review“, „Time“, „ NPR“, „Entertainment Weekly“, „BuzzFeed“, „Real Simple“, „Good Housekeeping“, „The New York Public Library“.
„’Американски шпион’ го надополнува жанрот на шпионски трилер со жестока оригиналност.“ - Entertainment Weekly
„Свежа перспектива. Мари Мичел, Афроамериканка, шпион, оди на мисија да дојде до Томас Санкара, африканскиот Че Гевара, и мора да избира меѓу љубовта, нејзиното семејство, и нејзината земја.“ – Sunday Times
„Американски шпион“ е шпионски трилер, кој на интелигентен и прилично оригинален начин ја отсликува Студената војна и го следи животот на младата и талентирана Мари, која работи како ФБИ агент. Таа е заробена во секојдневноста на канцелариската работа, сè додека не добие мистериозна задача во Африка. Мари оди во мисија да го шпионира и заведе харизматичниот лидер на Буркина Фасо, Томас Санкара, африканскиот Че Гевара, чија идеологија го прави мета за американска опсервација. Мари ќе успее да се доближи до Томас, да го заведе, и да учествува во неговиот пад, но сите овие дејства ќе и го сменат начинот на размислување во врска со тоа што значи да се биде шпион, љубовник и добар Американец.
Ова е моќна и примамлива приказна за невозможните избори, страста, љубовта и лојалноста што допира прашања поврзани со политиката, расата, полот и моралната двосмисленост.
Лорен Вилкинсон го користи својот неизмерен талент за да проткае дело со интригантна и оригинална тема, дело што го задржува вниманието на читателот, и го води во мислите на Мари.
Редовна цена – 490,00 денари
Цена со попуст – 368,00 денари
Разгледајте го нашиот каталог https://anyflip.com/ecks/oblo/ и направете го вашиот избор.
ЗАЧЕКОРЕТЕ ВО НАШИТЕ КНИЖЕВНИ СВЕТОВИ!
АРС СТУДИО – СЕКОГАШ ПОКРАЈ ВАС!
#СовршенаЛетнаПриказна
