News 12 Sri Lanka

21/11/2023

ශ්‍රී ලංකා ක්‍රිකට් තහනම් කිරීමට නොවැම්බර් 10 වනදා ජාත්‍යන්තර ක්‍රිකට් කවුන්සිලය ගත් තීරණය අද (21) පැවති අයි සී සී විධායක මණ්ඩල රැස්වීමේදී අනුමත කර තිබේ.

කෙසේවෙතත් ක්‍රිකට් තහනම පැවතියද ශ්‍රී ලංකා ජාතික කන්ඩායම සහභාගී වන තරගාවලි සඳහා එමගින් බලපෑමක් ඇතිනොවන බවද අදාළ මාධ්‍ය වාර්තාවල සඳහන් වෙයි.

එහෙත් ජාත්‍යන්තර ක්‍රිකට් කවුන්සිලය මගින් ශ්‍රී ලංකා ක්‍රිකට් වෙත ලබාදෙන මුදල් දැඩි පාලනයකට යටත්ව නිදහස් කිරීමටද එහිදී තීරණය කර ඇති බව විදෙස් මාධ්‍ය වැඩිදුරටත් සඳහන් කරයි.

ශ්‍රී ලංකා ක්‍රිකට් ආයතනයේ සභාපති ශම්මි සිල්වා මෙම රැස්වීමට සහභාගී වී ඇති බවද වාර්තා වෙයි.

2024 ජනවාරි මාසයේදී ශ්‍රී ලංකාවේ පැවැත්වීමට නියමිතව තිබූ 19 න් පහළ ලෝක කුසලාන ක්‍රිකට් තරගාවලිය දකුණු අප්‍රිකාවේ පැවැත්වීමට ජාත්‍යන්තර ක්‍රිකට් කවුන්සිලය තීරණය කර ඇති බව විදෙස් ක්‍රීඩා මාධ්‍ය වාර්තා කරයි.

ක්‍රික්බස් වෙබ් අඩවිය පැවසුවේ ශ්‍රී ලංකා ක්‍රිකට් ආයතනයේ පවතින පරිපාලනමය ගැටලු හේතුවෙන් එම තීරණය ගත් බවය.

19/11/2023

2023 ක්‍රිකට් ලෝක කුසලානය හිමිකරගැනීමට ඔස්ට්‍රේලියාව සමත්විය.

ඔස්ට්‍රේලියාව ලෝක කුසලානයක් හිමිකරගන්නේ 6 වන වරටය.

මීට පෙර 1987,1999,2003,2007 සහ 2015 වර්ෂවලදී ඔස්ට්‍රේලියාව ලෝක කුසලාන හිමිකරගෙන ඇත.

තරගයේ ප්‍රථමයෙන් පන්දුවට පහරදුන් ඉන්දීය කණ්ඩායම ලබාදුන් ලකුණු 241ක ඉලක්කය ඔස්ට්‍රේලියාව පන්දුවාර 43කදී කඩුලු 4ක් පමණක් දැවී පසුකර ගියේය.

එහිදී අගනා ඉනිමක් ක්‍රීඩා කළ ඔස්ට්‍රේලියා ආරම්භක පිතිකරු ට්‍රැවිස් හෙඩ් ශතකයක් රැස්කරමින් ඔස්ට්‍රේලියා කණ්ඩායම වෙත ජයග්‍රහණය රැගෙන ආවේය.

පන්දු 120කදී ලකුණු 137ක් රැස්කළ ඔහුගේ ඉනිමට හයේ පහර 4ක් සහ හතරේ පහර 15ක් ඇතුළත් විය.

අනෙක් අන්තයෙන් ඔහුට අගනා සහයක් ලබාදුන් මානස් ලබුශේන් පන්දු 110කදී ආරක්ෂාකාරී ඉනිමක් ගොඩනගමින් ලකුණු 58ක් රැස්කරගත්තේය.

ඔහුගේ ඉනිමට හතරේ පහර 4ක් ඇතුළත් විය.

ඒ අනුව මෙවර ලෝක කුසලානය කඩුලු 6කින් ජයගැනීමට ඔස්ට්‍රේලියා කණ්ඩායම සමත්විය.

ඉන්දියාව වෙනුවෙන් පන්දු යැවීමේදී ජස්ප්‍රිට් බුම්රා ලකුණු 43කට කඩුලු 2ක් දවාගත්තේය.

මොහොමඩ් ෂමී සහ මොහොමඩ් සිරාජ් එක් කඩුල්ල බැගින් දවාගත්තේය.

ප්‍රථමයෙන් පන්දුවට පහරදුන් ඉන්දීය කණ්ඩායම පන්දුවාර 50 අවසානයේ සියලුදෙනා දැවී ලකුණු 240ක් රැස්කර ගත්තේය.

එහිදී අගනා ඉනිමක් ක්‍රීඩා කළ කේ එල් රාහුල් පන්දු 107කදී එක් හතරේ පහරක් පමණක් එල්ලකරමින් ආරක්‍ෂිත ඉනිමක් දියත් කරමින් ලකුණු 66ක් රැස්කරගත්තේය.

පන්දු 63කදී හතරේ පහර 4ක් සමග විරාත් කෝලි ලකුණු 54ක් රැස්කළේය.

නායක රෝහිත් ශර්මා වේගවත් ඉනිමක් ක්‍රීඩා කරමින් පන්දු 31කදී හයේ පහර 3ක් සහ හතරේ පහර 4ක් සමග ලකුණු 47ක් රැස්කරගත්තේය.

ඉන්දීය පිතිකරුවන්ට පහසුවෙන් ලකුණු අතරට පිවිසීමට ඉඩ නොදුන් ඔස්ට්‍රේලියා පන්දු යැවීමේ බලඇණිය විශිෂ්ඨ පන්දු යැවීමක නිරතවිය.

එහිදී අගනා පන්දුයැවීමක නිරත වූ මිචෙල් ස්ටාක් පන්දුවාර 10ක් යොමුකරමින් කඩුලු 3ක් දවාගත්තේය.

පැට් කමින්ස් පන්දුවාර 10කදී ලකුණු 34ක් යොමුකරමින් කඩුලු 2ක් දවාගත්තේය.

ජොෂ් හෙස්ල්වුඩ් පන්දුවාර 10ක් යොමුකරමින් ලකුණු 60කට කඩුලු 2ක් දවාගත්තේය.

මැක්ස්වෙල් සහ ඇඩම් සම්පා එක් කඩුල්ල බැගින් දවාගත්තේය.

10/11/2023

ICCහි ශ්‍රී ලංකා ක්‍රිකට් සාමාජිකත්වය වහාම ක්‍රියාත්මක වන පරිදි අත්හිටුවීමට ජාත්‍යන්තර ක්‍රිකට් කවුන්සිලය තීරණය කර තිබේ.

ICC මණ්ඩලය අද (10) රැස් වී තීරණය කර ඇත්තේ, ශ්‍රී ලංකා ක්‍රිකට්, ICCහි සාමාජිකයකු ලෙස එහි වගකීම් බරපතළ ලෙස උල්ලංඝනය කරමින් සිටින බවය.

විශේෂයෙන්ම එහි කටයුතු ස්වාධීන ව කළමනාකරණය කිරීමේ අවශ්‍යතාවය සහ පාලනය, නියාමනය සහ පරිපාලනයට රජයේ මැදිහත් වීමක් නොමැති බවට සහතික වීම ශ්‍රී ලංකා ක්‍රිකට් අත්හිටුවීමේ තීරණය වෙනස් වීමට බලපානු ඇති බව ද වාර්තා වේ.

01/10/2023

යෝජිත විදුලිබිල වැඩි වීම සිදු වුවහොත් ශ්‍රී ලංකාව, දකුණු ආසියාවේ වැඩිම විදුලි බිල සහිත රට බවට පත් වන බව බලශක්ති විශේෂඥ තිලක් සියඹලාපිටිය මහතා පවසයි.

ඔහු පෙන්වා දෙන්නේ, මේ වන විට ශ්‍රී ලංකාව දකුණු ආසියාවේ වැඩිම විදුලි බිල සහිත රටවල් අතර තෙවැනි ස්ථානයේ පසු වන බවයි.

විදුලි නිෂ්පාදන මිල අවම කිරීම සඳහා කඩිනමින් නව ක්‍රමවේදයක් හඳුන්වා දිය යුතු බව බලශක්ති විශේෂඥ තිලක් සියඹලාපිටිය මහතා අවධාරණය කර ඇත.

29/09/2023

බිනර පුර පසළොස්වක පොහොය දිනය අදට (29) යෙදී තිබේ.

භික්ෂුණී ශාසනය ආරම්භ කිරීම ඇතුළු ශාසන ඉතිහාසයේ වැදගත් සිදුවීම් රැසක් සනිටුහන් කළ පොහොය දිනයක් ලෙස බිනර පුර පසළොස්වක පොහොය දිනය සැලකෙයි.

මහා ප්‍රජාපති ගෝතමී දේවිය ඇතුළු කාන්තාවන් 500 දෙනෙකු සසුනට එක්වීම මෙම පොහෝ දිනයේ සිදුවූ බව ශාසන ඉතිහාසයේ දැක්වෙයි.

තපස්සු, භල්ලුක වෙළෙඳ දෙබෑයන්, බුදුන් වහන්සේගේ කේශ ධාතු තැන්පත් කරන ලද ගිරිහඬු සෑය ඉදිකිරීමත් උන්වහන්සේගේ ලාලාට ධාතු තැන්පත් කර ඇති සේරුවාවිල මහා සෑය ඉදිකිරීමත් මෙම පොහොය දිනයේදී සිදුකර ඇති බව සඳහන්ය.

25/09/2023

දුම්රිය එන්ජින් 20කට ආසන්න සංඛ්‍යාවක් ඉන්දියාව විසින් මෙරටට ලබාදීම සඳහා එකඟතාව පළකර ඇති බව දුම්රිය දෙපාර්තමේන්තුව පවසයි.

ඉන්දියාව විදුලි දුම්රිය ධාවනය සඳහා යොමු වීමත් සමග භාවිතයෙන් ඉවත් කළ දුම්රිය එන්ජින් කිහිපයක් මෙරටට ලබාදීමට එකඟතාව පළකර ඇති බව දුම්රිය දෙපාර්තමේන්තුව පැවසුවේය.

එම දුම්රිය එන්ජින් මෙරටට යෝග්‍ය වන්නේ ද සම්බන්ධයෙන් සොයා බැලීම සඳහා ඉදිරියේ දී තාක්ෂණික කණ්ඩායම ඉන්දියාව වෙත යැවීමට තීරණය කර ඇති බව සඳහන් වේ.

අනතුරුව එම දුම්රිය එන්ජින් මෙරටට ලබා ගැනීමට තීරණයක් ගැනීමට නියමිත බව වාර්තා විය.

16/09/2023

◾ 1984 - No finals; finished runner-up via round-robin format
ආසියානු කුසලාන අවසාන මහා තරඟය සඳහා වැඩිම වාර ගණනක් පැමිණ ඇත්තේ ශ්‍රී ලංකා කණ්ඩායම වේ.
✅ 1986
✅ 1988
✅ 1991
✅ 1995
✅ 1997
✅ 2000
✅ 2004
✅ 2008
✅ 2010
❌ 2012
✅ 2014
❌ 2016
❌ 2018
✅ 2022
✅ 2023

Sri Lanka have only failed to make it to the Asia Cup final thrice 🔥

13/09/2023

🚨ලෝක වාර්තාව තවත් ඉදිරියට

අඛණ්ඩව 14වන වරටත් ප්‍රතිවාදී කණ්ඩායමේ කඩුළු 10ම දවාගැනීමට ශ්‍රී ලංකා පන්දු යවන්නන් සමත්වෙයි.

10/09/2023

09/09/2023

💠 එක්දින ක්‍රීකට් ඉතිහාසයේ පිට පිට තරඟ 13 ජයගත් පළමු ආසියානු කණ්ඩායම බවට ශ්‍රී ලංකා 🇱🇰 කණ්ඩායම පත්විය👏

📌️ එක්දින ක්‍රීකට් ඉතිහාසයේ පිට පිට වැඩිම තරඟ ජයගත් ආසියානු කණ්ඩායම් හා නායකයන්

🇱🇰 - 13 Wins - Dasun Shanaka

🇵🇰️ - 12 Wins - Shoaib Malik

🇵🇰️ - 10 Wins - Imran Khan

🇱🇰 - 10 Wins - Marvan Atapattu

🇱🇰 - 10 Wins - Anjelo Mathews

💠 ලෝක එක්දින ක්‍රීකට් ඉතිහාසයේ පිට පිට තරඟ 13 ජයගත් දෙවන කණ්ඩායම ලෙස ශ්‍රී ලංකා කණ්ඩායම ඉතිහාසගත විය.

👉 එලෙස තරඟ 13 ජයගත් කණ්ඩායම්

*)🇦🇺 Australia - 21 Wins (2003)

*)🇱🇰 Sri Lanka - 13 Wins (2023)*

💠 ශ්‍රී ලංකා එක්දින ක්‍රිකට් වංශකතාවේ පිට පිට තරඟ දහතුනක් ජයගත් පළමු නායකයා දසුන් ශානක වේ.

👉 එම ජයග්‍රහණයන් ලැබීමට පරාජය කල කණ්ඩායම්

*)Afghanistan 🇦🇫
*)Afghanistan 🇦🇫
*)UAE 🇦🇪
*)Oman 🇴🇲
*)Ireland 🇮🇪
*)Scotland 🏴󠁧󠁢󠁳󠁣󠁴󠁿
*)Netherlands 🇳🇱
*)Zimbabwe 🇿🇼
*)Windies 🏝️
*)Netherlands 🇳🇱
*)Bangladesh 🇧🇩
*)Afghanistan 🇦🇫
*)Bangladesh 🇧🇩

30/08/2023

ශාසනික වශයෙන් ඓතිහාසික සිදුවීම් ගණනාවකට මුල් වූ නිකිණි පුර පසළොස්වක පොහොය දිනය අදට (30) යෙදී තිබේ.

ප්‍රථම ධර්ම සංගායනාව ආරම්භ කිරීම, ආනන්ද හිමි රහත්භාවයට පත්වීම, පෙරවස් මඟහැරී ගිය භික්ෂූන් වහන්සේ පසුවස් එළැඹෙන දිනය වීම නිකිණි පසළොස්වක පොහොය දිනයේ සිදුව ඇති බව ශාසන ඉතිහාසයේ සඳහන් වේ.

එමෙන්ම බුදුරදුන්ගේ ලලාටධාතු නිධන් කර සේරුවිල දාගැබ තැනවීම ආරම්භ කිරීම, පුරාතන අරියවංස දේශනා උත්සවය සිදුකිරීම ආදී කරුණු නිකිණි පොහොය දිනයේ සිදුවු වැදගත් සිදුවීම් අතර මුලික වේ.

මේ අතර මහනුවර ඇසළ මහා මංගල්‍යයේ අවසන් රන්දෝලි පෙරහර අද වීථි සංචාරය කිරීමට නියමිතව තිබේ.

26/08/2023

Discover the spells that left batsmen baffled and bowlers triumphant in the history of Asia Cup cricket. 🌟 Share your top pick in the comments below, and let's relive these iconic moments together!

22/08/2023

Excitement is in the air as the stage is set for the Men's ODI Asia Cup! Get ready to witness the clash of titans as the top six Asian teams compete for the ultimate glory. 🌟

Pakistan and Sri Lanka are all geared up to host this thrilling tournament, with 4 action-packed matches scheduled in Pakistan and 9 in the beautiful land of Sri Lanka. Mark your calendars, as the matches in 🇵🇰 will kick off at 2:30 PM Pakistan local time, while the ones in 🇱🇰 will start at 3:00 PM Sri Lanka local time.

Let the battle for Asian Supremacy begin! 🏆

18/06/2023

https://youtube.com/ දැනුම ගවේෂණය සදහා Subscribe කරන්න ❤️

Kavindu Dulanjana Entertainment Channel

02/06/2023

පොසොන් පසලොස්වක පොහොය දිනයෙහි ඇති වැදගත්කම
• අනුබුදු මහා මිහිඳු මහරහතුන් වහන්සේ ප්රමුඛ ඉට්ඨිය ,උත්තිය, සම්බල, බද්දසාල යන රහතුන් වහන්සේලාත් සුමන සාමණේරයන් ද භණ්ඩුක නම් අනාගාමී උපාසකවරයා යන පිරිස ධර්මවිජය පිළිබඳ අනගිතම පණිවිඩය මූර්තිමත් කරමින් ශාන්තිය දූතයන් වශයෙන් ලංකාවේ උතුරුමැද නිම්නයේ අනුරපුර මිස්සක පව්වට වැඩමකර බු.ව 236 දී ලක්දිව බුදු සසුන පිහිටුවීම.
•බුදු වී සිව්වන සතියේ රුවන්ගෙයි වැඩ හිදිමින් ධර්මය මෙනෙහි කරන බුදුරදුන්ගේ ශරීරයෙන් ප්‍රථම වරට සවනක් බුදුරැස් විහිදීම.
•ලක්දිව ප්‍රථම මහණ උපසමපදාව වන භණ්ඩුක උපාසක මහණ උපසමපදාව සිදුවීම.

18/05/2023

මෙම පනත පිළිබඳ ඔබේ අදහස comment කරන්න

05/05/2023

*වෙසක් පසළොස්වක පොහොය දිනයෙහි ඇති වැදගත්කම
●සිද්ධාර්ථ කුමාරයාගේ ඉපදීම, සිද්ධාර්ථ තාපසයාගේ බුදුවීම, සහ බුදුන් වහන්සේ පරිනිර්වාණය සිදුවීම ●දීපංකර බුදුරදුන් හමුවේ සම්මා සම්බුද්ධ පදවිය සදහා ගෞතම බුදුරදුන් නියත විවරණ ලැබීම. ●කිසාගෝතමී දේවිය විසින් "නිබ්බුතා නූන සා මාතා" යන නිබ්බුත පද පැවසීම.
●බුදු වීමෙන් පසු ප්‍රථම වරට කිඹුල්වත් පුරයට පැමිණ යමාමහ පෙළහැර පෑම.
●බුද්ධත්වයෙන් අටවන වර්ෂයේ මනිඅක්ඛිත නාරදුගේ ඇරයුමෙන් කැලණියට වැඩීම, එදවසම සුමන සමන් දෙව්රදුන්ගේ ඇරයුමින් සමනළ පව්වට වැඩම කොට බුදු සිරිපා පිහිටුවා තෙවන වරටත් සිරිලක පුණය භුමියක් බවට පත් කිරීම.
●ආනන්ද හිමියන් පිරිනිවන් පෑම
●අනුරපුර මහමෙවුනා උයනේ රුවන්වැලි සෑ රදුන් සෑදීමට වීසා නැකතින් වැඩ ඇරඹීම.

02/05/2023

භාර්ති එයා(ර්)ටෙල් ලංකා (පුද්) සමාගම ශ්‍රී ලංකාව තුළ සිය මෙහෙයුම් ඩයලොග් ආසියාටා PLC සමගින් ඒකාබද්ධ කිරීමට තීරණය කර තිබේ.

මේ සම්බන්ධයෙන් කොළඹ කොටස් වෙළෙඳපොළ දැනුවත් කරමින් ඩයලොග් සමාගමේ අධ්‍යක්ෂ/ සමූහ ප්‍රධාන විධායක සුපුන් වීරසිංහ මහතා පවසන්නේ, අදාළ නීති සහ රෙගුලාසිවලට අනුව පාර්ශ්ව දෙක විසින් අදාළ නියාමන බලධාරීන් සමග සාකච්ඡා කරමින් සිටින බවය.

එසේම යෝජිත ගනුදෙනුව සඳහා නිශ්චිත ගිවිසුම් අත්සන් කිරීමට සහ අදාළ නියාමන සහ කොටස්හිමියන්ගේ අනුමැතිය ඇතුළුව අවශ්‍ය අවසන් කොන්දේසිවලට යටත් වනු ඇති බවද කොළඹ කොටස් වෙළෙඳපොළ වෙත ඔහු වැඩිදුරටත් දැනුම් දී තිබේ.

22/04/2023

නැගෙනහිර, ඌව, උතුරු, උතුරු-මැද, සබරගමුව සහ මධ්‍යම පළාත්වල තැනින් තැන සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති වන අතර ඇතැම් ස්ථාන වලට මි. මී. 75ට වැඩි තරමක තද වැසි ද ඇතිවිය හැකි බව කාලගුණවිද්‍යා දෙපාර්තමේන්තුව පවසයි.

සෙසු පළාත්වල ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවේ.

බස්නාහිර පළාතේ උදෑසන කාලයේදී ද වැසි ඇති විය හැක.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ඉල්ලා සිටියි.

21/04/2023

ඉලොන් මස්ක්ගේ SpaceX සමාගමට අයත් නවතම රොකට්ටුව වන Starship රොකට්ටුව මංගල ගමනේදීම පුපුරාගොස් තිබේ.

ඊයේ උදෑසන අමෙරිකාවේ ටෙක්සාස් ප්‍රාන්තයේ දි කාර්යමණ්ඩලය රහිතව එම රොකට්ටුව ගුවන්ගත කෙරුණි.

විනාඩි තුනක පමණ කාලයක් තුළ පොළව මට්ටමේ සිට කිළෝමීටර් 40ක් පමණ ඉහළ ගිය එම රොකට්ටුව පුපුරාගිය බවයි වාර්තා වෙයි.

මේ සම්බන්ධයෙන් අදහස් දැක්වු ඉලොන් මස්ක් ප්‍රකාශ කර ඇත්තේ තම සමාගම නැවත මේ සදහා උත්සාහා ගන්නා බවය.

17/04/2023

දිවයිනේ ප්‍රදේශ කිහිපයක උෂ්ණත්වය අද (17) දිනයේ ද අවදානය යොමුකළ යුතු මට්ටමක පවතින බව කාලගුණවිද්‍යා දෙපාර්තමේන්තුව පවසයි.

නැගෙනහිර, උතුරු මැද සහ වයඹ පළාත්වලත්, මොනරාගල, හම්බන්තොට ඇතුළු දිස්ත්‍රික් කිහිපයකත් එම තත්ත්වය පවතින බව එම දෙපාර්තමේන්තුව සඳහන් කළේය.

මේ සම්බන්ධයෙන් වැඩිදුරටත් පැහැදිලි කරන කාර්යයේ නියුතු කාලගුණ විද්‍යාඥ මලින්ද මිල්ලන්ගොඩ මහතා,

"මේ කියන ඇඟට දැනෙන උෂ්ණත්වය අවධානය යොමුකළ යුතු මට්ටමක පවතින බවට අපේක්ෂා කරනවා. ඒ අනුව එම ප්‍රදේශවල ජනතාවට එළිමහනේ කටයුතු කිරීමේ දී අධික වෙහෙසකර කටයුතුවලින් වැළකී ඉන්නවා නම් හොඳයි. ඒ වගේම ප්‍රමාණවත් ලෙස ජලය පානය කිරීම වැනි සෞඛ්‍ය අංශවලින් ලබාදී ඇති උපදෙස් අනුව කටයුතු කරන ලෙස ඉල්ලා සිටිනවා. ඒ වගේම අද දිනයේ දී බස්නාහිර, සබරගමුව සහ මධ්‍යම පළාත්වලත් දකුණු සහ ඌව පළාත්වලත් වයඹ සහ උතුරු මැද පළාත්වලත් සවස් කාලයේ දී රාත්‍රී කාලයේ දී වැසි හෝ ගිගුරුම් සහිත වැසි බලාපොරොත්තු වන අතර සෙසු පළාත්වල වැසි රහිත කාලගුණ තත්ත්වයක් ඇතිවෙයි."

05/04/2023

බක් පසළොස්වක පොහොය දිනයෙහි ඇති වැදගත්කම
* ලක්දිව දෙවන වරට බුදු සිරිපා පහසින් පිවිතුරු බවට පත්වීම.
* බුදුරදුන් ලක්දිව නාගදීපයට වැඩම කොට මැණික් පුටුවට යුධ වදිමින් සිටි චූල්ලෝධර - මහෝදර නා රජුන් දෙදෙනාට ධර්ම දේශනා කොට ඔවුන් සාමදාන කිරීම.
* සතර පෙර නිමිති වලින් පළමු පෙරනිමිත්ත සිදුහත් කුමරු ඇස ගැටීම.

04/04/2023

ට්විටර් සමාජ මාධ්‍යයේ ජනප්‍රිය කුරුල්ලාගේ ලාංඡනය වෙනුවට සුනඛයෙකුගේ මුහුණක් සහිත ජනප්‍රිය මීම් ලාංඡනයක් යෙදීමට එහි හිමිකරු ඊලෝන් මස්ක් කටයුතු කර තිබේ.

ඒ ක්‍රිප්ටෝ මුදල් හි එන ඩෝජ් කොයින් සංඛේතයට අනුව යමිනි.

විදෙස් මාධ්‍ය වාර්තා කළේ, නව පියවරත් සමඟ වෙළෙඳපොළ ක්‍රිප්ටෝ මුදලේ වටිනාකම ද ඉහළගොස් ඇති බවය.

29/03/2023

2008ත් 2021ත් කාලය අතරතුරදී සංවර්ධනය වෙමින් පවතින රටවල් 22ක ආර්ථිකය ස්ථායි කිරීම සඳහා චීනය ඩොලර් බිලියන 240ක් වැයකර ඇතැයි ගවේෂණාත්මක වාර්තාවක දැක්වෙයි.

එම වාර්තාවෙහි දැක්වෙන්නේ එම බොහෝ රටවල් විවිධ ව්‍යාපෘති සඳහා චීනයෙන් ණය ලබාගෙන ඇති බවත් ඔවුන් ඒවා නැවත ගෙවීමට මේ වනවිට දැඩි දුෂ්කරතාවලට මුහුණදෙන බවත් ය.

එම රටවල ආර්ථිකයන් ගොඩගැනීම සඳහා නැවතත් 2016ත් 2021ත් අතර කාලයේදී නැවතත් ණය ලබාදී ඇති බව එම වාර්තාවේ සඳහන් වෙයි.

එසේ ණය ලැබුණු රටවල් අතර ශ්‍රී ලංකාව ද වන බව එම දත්ත පදනම් කර ගනිමින් සකසා තිබූ රොයිටර්ස් වාර්තාවක දැක්වෙයි.

27/03/2023

ටික්ටොක්, ට්විටර් සහ ඉන්ස්ටග්‍රෑම් සඳහා තහනමක් ගෙන ඒමට ප්‍රංශ බලධාරීන් කටයුතු කර තිබේ.

ඒ අනූව රජයේ සේවකයින්ගේ දුරකථන සඳහා එම මෙවලම් භාවිත නොකරන ලෙස දැනුම්දී ඇති බව ජාත්‍යන්තර මාධ්‍ය පවසයි.

දත්ත වල ආරක්ෂාව සම්බන්ධයෙන් මතුව ඇති අවිනිශ්චිතතාවය නිසා මෙම තීරණය ගත් බව ප්‍රංශ බලධාරීන් පැවසීය.

25/03/2023

මැතිවරණ කටයුතු සඳහා මූල්‍ය ප්‍රතිපාදන සැපයීමේ දුෂ්කරතා හේතුවෙන් පාකිස්තානයේ මැතිවරණ කල්යාමේ අවදානමක් මතුව ඇති බව වාර්තා වේ.

එරට ආරක්ෂක අමාත්‍ය කාවාජා අසීෆ් ප්‍රකාශ කර ඇත්තේ මේ වන විට එරට මුදල් අමාත්‍යංශයට මැතිවරණ පැවැත්වීම සඳහා මුදල් නොමැති බවය.

ඔහු මේ බව සඳහන් කළේ පාකිස්තානයේ හිටපු අග්‍රාමාත්‍ය ඉම්රාන් ඛාන් මැතිවරණයක් ඉල්ලා දිගින් දිගටම රජයට බලපෑම් කරමින් සිටින පසුබිමකය.

ඉම්රාන් ඛාන්ට විවේචන එල්ල කරමින් පාකිස්තාන ආරක්ෂක අමාත්‍යවරයා වැඩිදුරටත් පවසන්නේ, ඉම්රාන් ඛාන් තමන්ව ඝාතනය කිරීමට සැලසුම් කළ බවට රජයේ නිලධාරීන්ට එල්ල කරන චෝදනාව සාවද්‍ය බවය.

පාකිස්තාන තොරතුරු කටයුතු අමාත්‍යවරයා සමග පැවති ඒකාබද්ධ මාධ්‍ය හමුවකදී පාකිස්තාන ආරක්ෂක අමාත්‍යවරයා මේ බව සඳහන් කර තිබේ.

එමෙන්ම තමන්ව අග්‍රාමාත්‍ය ධූරයෙන් නෙරපා හැරීම සම්බන්ධයෙන් ඉම්රාන් ඛාන් අමෙරිකාවට ද දොස් පැවරූ බව පාකිස්තාන ආරක්ෂක අමාත්‍යවරයා සඳහන් කරයි.

දැඩි ආර්ථික අර්බුදයකට මුහුණ දී සිටින පාකිස්තානය ජාත්‍යන්තර මූල්‍ය අරමුදලේ ණය පහසුකමක් අපේක්ෂාවෙන් සිටින නමුත් මෙතෙක් ඔවුන්ට ඒ සඳහා අනුමැතිය හිමිව නැත.

24/03/2023

ජලය යටින් ගොස් සතුරු නාවික යාත්‍රා වලට පහරදී විනාශ කළ හැකි න්‍යෂ්ටික බලය සහිත ඩ්‍රෝනයක් අත්හදා බැලීමට උතුරු කොරියාව කටයුතු කර තිබේ.

එම ඩ්‍රෝනයට විකිරණශීලී සුනාමියක් ඇති කිරීමේ හැකියාව ඇති බව උතුරු කොරියානු මාධ්‍ය උපුටා දක්වමින් ජාත්‍යන්තර පුවත් සේවා වාර්තා කළේය.

එම යුද අභ්‍යාසයේදී එම ඩ්‍රෝනය සාගර අභ්‍යන්තරයේ මීටර් 80-150ක් පමණ යවා පැය 59කට පමණ පසුව එරට නැගෙනහිර වෙරළ ආසන්නයේදී පුපුරුවා හැර තිබුණි.

ඉන් ඇතිවන විකිරණශීලී ජල ප්‍රවාහය සුනාමියක් වැනිය.

ඒ හේතුවෙන් සතුරු යාත්‍රා විනාශව යතැයි උතුරු කොරියානු හමුදා බලධාරීන් පවසයි.

22/03/2023

යුද වැදී සිටින රටක් ලෙස සැලකෙන යුක්‍රේනයට ඩොලර් බිලියන 15.6ක් ලබාදීමට කාර්ය මණ්ඩල එකඟතාවයකට එළඹුණු බව ජාත්‍යන්තර මූල්‍ය අරමුදල පැවසීය.

යුද වැදී සිටින රටකට එවැනි මූල්‍ය පහසුකමක් ජාත්‍යන්තර මූල්‍ය අරමුදල විසින් ලබාදෙන්නේ පළමු වරටය.

ඊට අදාළ අනුමැතිය ඉදිරි සති කිහිපය තුළ ලැබෙතැයි අපේක්ෂා කෙරේ.

රුසියාව විසින් එරට ආක්‍රමණය කිරීමෙන් අනතුරුව ඔවුන්ට ලැබෙන විශාලතම මූල්‍ය අනුග්‍රහය මෙය වෙයි.

"ඉතා අවිනිශ්චිත" රටවලට ද මූල්‍ය ප්‍රතිපාදන සැපයිය හැකි වන ආකාරයට ජාත්‍යන්තර මූල්‍ය අරමුදල මෑතකදී සිය නීති වෙනස් කළේය.

21/03/2023

ජාත්‍යන්තර මූල්‍ය අරමුදලෙන් ශ්‍රී ලංකාව අයදුම් කළ විස්තීර්ණ අරමුදල් පහසුකම සඳහා එහි විධායක මණ්ඩලයේ අනුමැතිය ඊයේ හිමිවුණි.

ඒ අනුව ඩොලර් මිලියන 333ක් පමණ වන එහි පළමු වාරිකය ඉදිරි දින දෙක තුළ කඩිනමින් ශ්‍රී ලංකාවට ලබාදෙන බව ජාත්‍යන්තර අරමුදල පවසයි.

ශ්‍රී ලංකාව මුහුණ පා ඇති ආර්ථික අර්බුදය විසඳාගැනීම සඳහා ජාත්‍යන්තර මුල්‍ය අරමුදලින් විස්තීර්ණ අරමුදල් පහසුකමක් ලබාගැනීම සම්බන්ධයෙන් සාකච්ඡා ආරම්භ වුණේ ඉකුත් වසරේ අප්‍රේල් මාසයේදීය.

ජාත්‍යන්තර මුල්‍ය අරමුදලේ කොන්දේසි මත ආර්ථික ප්‍රතිසංස්කරණ රැසක් ක්‍රියාත්මක කිරීමට රජය පියවර ගත් අතර ඉකුත් සැප්තැම්බර් මාසයේදී ඊට අදාළ ගිවිසුම එහි විධායක මණ්ඩලයේ අනුමැතිය සඳහා ඉදිරිපත් කෙරුණි.

ඒ අනුව මාස 06ක පමණ කාලයකට පසු ඊයේ දිනයේ එහි විධායක මණ්ඩලය අදාළ මූල්‍ය පහසුකම සඳහා මෙලෙස සිය නිල අනුමැතිය ලබාදුන්නේය.

ඒ පිළිබඳ නිල නිවේදනය ජාත්‍යන්තර මුල්‍ය අරමුදල විසින් නිකුත් කරනු ලැබුවේ මෙරට වේලාවෙන් ඊයේ රාත්‍රියේදීය.

මේ අනුව මෙරට ආර්ථික ප්‍රතිපත්ති ක්‍රියාත්මක කිරීම සහ ප්‍රතිසංස්කරණ සඳහා අමෙරිකානු ඩොලර් බිලියන 3කට ආසන්න විස්තීර්ණ අරමුදල් පහසුකමක් මාස 48 ක කාලයක් තුළ ශ්‍රී ලංකාවට වාරික වශයෙන් ලබාදීමට නියමිතය.

ශ්‍රී ලංකාව ආර්ථික හා මානුෂීය අර්බුදයකින් පීඩාවට පත්ව ඇති බවත් අර්බුදයට පෙර පැවති දුර්වල සහ ප්‍රතිපත්තිමය වැරදි හේතුවෙන් ආර්ථික අභියෝග රැසක් උද්ගතව ඇති බවත් අදාළ නිවේදනයේ සඳහන්ව ඇත.

ඒ අනුව ජාත්‍යන්තර මුල්‍ය අරමුදල මෙලෙස ලබාදෙන අරමුදල් පහසුකම මගින් ශ්‍රී ලංකාවේ සාර්ව ආර්ථික ස්ථාවරත්වය සහ ණය තිරසාරභාවය ප්‍රතිෂ්ඨාපනය කිරීම මූලික අරමුණ වනු ඇත.

දිළිඳු සහ අවදානමට ලක්විය හැකි සමාජ කණ්ඩායම් මත ආර්ථික බලපෑම අවම කිරීම, මූල්‍ය අංශයේ ස්ථාවරත්වය ආරක්ෂා කිරීම, පාලනය සහ වර්ධනය ශක්තිමත් කිරීමද ඊට ඇතුළත්ව තිබේ.

විධායක මණ්ඩලයේ තීරණය අනුව ඩොලර් මිලියන 333 ක් පමණ වන එහි පළමු වාරිකය කඩිනම් මුදාහැරීමක් ලෙස ශ්‍රී ලංකාවට ලබාදෙන අතර එමගින් අනෙකුත් සංවර්ධන හවුල්කරුවන්ගෙන් මූල්‍ය ආධාර ලබාගැනීම දිරිමත් කිරීම අරමුණ වී ඇත.

ජාත්‍යන්තර මුල්‍ය අරමුදලේ කළමනාකර අධ්‍යක්ෂ ක්‍රිස්ටලීනා ජෝර්ජියේවා මහත්මිය පෙන්වා දෙන්නේ ශ්‍රී ලංකාව මුහුණ පා ඇති අර්බුදයෙන් ගොඩඒමට නම්, ජාත්‍යන්තර මුල්‍ය අරමුදලේ වැඩසටහන කඩිනමින් සහ කාලීනව ක්‍රියාත්මක කිරීම ඉතා වැදගත් බවය.

අඛණ්ඩව ක්‍රියාත්මක වන ප්‍රගතිශීලී බදු ප්‍රතිසංස්කරණ ඉදිරියට පවත්වා ගත යුතු බවත් මූල්‍ය ගැලපීම් සාර්ථක වීමට නම්, බදු පරිපාලනය, රාජ්‍ය මූල්‍ය හා වියදම් කළමනාකරණය සහ බලශක්ති මිල පිළිබඳ තිරසාර ප්‍රතිසංස්කරණ ඉතා වැදගත් බවද ඇය පෙන්වා දෙයි.

ප්‍රමාණවත් අයුරින් ප්‍රාග්ධනීකරණය වූ බැංකු පද්ධතියක් පවත්වා ගැනීම සහ උද්ධමනය අඩු කිරීම ඉලක්ක කරගත් බහුවිධ උපාය මාර්ගයන්ට ශ්‍රී ලංකාව කැපවිය යුතු බවද ඇය අවධාරණය කර තිබේ.

දූෂණ විරෝධී නීති ප්‍රතිසංස්කරණය කිරීම ඇතුළුව දූෂණය මැඩලීමේ උත්සාහයන් අඛණ්ඩව පැවතිය යුතු බව පෙන්වා දෙන ඇය ඒ සඳහා පුළුල් න්‍යාය පත්‍රයක් ක්‍රියාත්මක කළ යුතු බවද පෙන්වා දෙයි.

විස්තීරණ අරමුදල් පහසුකම සඳහා අනුමැතිය ලබාදීමෙන් පසු අමෙරිකාවේ වොෂින්ටන්හි ජාත්‍යන්තර මුල්‍ය අරමුදලේ මූලස්ථානයේදී ඒ සම්බන්ධයෙන් වන නිල මාධ්‍ය හමුව මෙරට වේලාවෙන් අද පෙරවරුවේ පැවැත්වුණි.

09/12/2022

තොරතුරු තාක්ෂණය පිළිබඳ මූලික දැනීමකින් තොරව කම්කරු රැකියාවකින් එහා ගිය රැකියාක් සොයාගැනීම පවා තව වසර පහක දී ඉතා දුෂ්කර වනු ඇති බවත් ඊට සූදානම් වෙමින් ලබන වසරේ සිට සාමාන්‍ය පෙළ විභාගයේ හර විෂයක් බවට තොරතුරු තාක්ෂණ විෂය පත් කරන බවත් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පැවසී ය.

ඊට සමගාමී ව 8 ශ්‍රේණියේ සිට කෘත්‍රීම බුද්ධිය විෂයක් ලෙස සිසුන්ට හඳුන්වා දෙන බවත් පෙර එම විෂය 10 ශ්‍රේණියට හඳුන්වා දීමේ සූදානමක් පැවතිය ද විශ්වවිද්‍යාල මහාචාර්යවරුන් ඇතුළු විද්වත් කමිටුවක යෝජනා මත 8 ශ්‍රේණියේ සිට ම කෘත්‍රීම බුද්ධිය විෂය ඉගැන්වීම ආරම්භ කිරීමට තීරණය කළ බවත් අමාත්‍යවරයා පෙන්වා දුන්නේය.

අධ්‍යාපන අමාත්‍යංශයේ පැවති උත්සව අවස්ථාවකට එක් වෙමින් අමාත්‍යවරයා මේ බව සඳහන් කළේය.

මෙහි දී වැඩිදුරටත් අදහස් දක්වමින් අමාත්‍යවරයා සඳහන් කළේ, මෙවැනි පරිවර්තනීය වෙනසකින් තොර ව අමතර පන්ති පැවැත්වීමෙන් පමණක් 21 වෙනි සියවසට උචිත මානවයකු බිහි කළ නොහැකි බවයි.

සුළු සුළු සංශෝධන සහිත ව තවමත් අප පවත්වාගෙන යන්නේ යල් පැන ගිය විභාග කේන්ද්‍රීය අධ්‍යාපන ක්‍රමය ම බව පෙන්වා දුන් අමාත්‍යවරයා එසේ ම මේ ක්‍රමය වෙනස් කරමින් අප නැගී සිටිය යුතු බව ද සඳහන් කළේය.

වර්තමානයේ බොහෝ තරුණ පිරිස් ඉල්ලා සිටින්නේ ඒ වෙනස බවත් ඒ විප්ලවීය සමාජ වෙනස අධ්‍යාපන පරිවර්තන ක්‍රියාදාමය හරහා සිදු කිරීමට තමන් සූදානම් බවත් අමාත්‍යවරයා අමාත්‍යවරයා වැඩිදුරටත් පැවසීය.

06/10/2022

වියදම් අඩුකරගෙන ජනතාවට ආදර්ශයක් දෙනවා වෙනුවට අතුරු අයවැයෙන් ආන්ඩුව තම වියදම් ඇස්තමේන්තුව රුපියල් බිලියන 600 කට ආසන්න ප්‍රමාණයකින් වැඩි කරගෙන ඇතැයි නිදහස ජනතා සභාවේ ආචාර්ය නාලක ගොඩහේවා පවසයි.
ඒ මහතා එසේ පැවසූවේ නිදහස කාර්යාලයේ පැවති මාධ්‍ය සාකච්ඡාවකදීය.
‘මහ බැංකුව වාර්ථාකල විදියට පසුගිය අගෝස්තු මාසයේ උද්ධමනය 70.2% ක්. ඒ කියන්නේ මීට පෙර වසරේ අගෝස්තු මාසයේ තිබුන භාන්ඩ හා සේවා වල මිලට වඩා අද මිල 70% කට වඩා වැඩියි. ආහාර , ප්‍රවාහන වගේ ක්ෂේත්‍ර වෙන වෙනම ගත්තහම මිල ඊටත් වඩා වැඩිවෙලා. මේ මෑතදී හඳුන්වාදුන් අධික විදුලි මිල ඉහල දැමීම් හා සමාජ අරක්ෂක බද්ද වැනි අළුත් බදු වල බලපෑම නැතුව. ඒවත් එකතු උනාම සැප්තැම්බර්, ඔක්තෝබර් උද්ධමනය ඊටත් වඩා වැඩි වෙනවා. අධික ලෙස මිල ඉහල ගියාට ජනතාවගේ ආදායම වැඩි වෙලා නෑ. පවුලට වෙනදා ගත් ආහාර ප්‍රමාණයවත් ගන්න නැතුව දරුවන්ට පාසැල් යන්න ඇඳුම් පොත්පත් සපත්තු අරන්දෙන්න බැරුව ජනතාව අන්ත අසරණ වෙලා ඉන්නේ මේ නිසායි.

උද්ධමනයට විසඳුම් හොයන්න නම් අපි මුලින්ම උද්ධමනයට හේතුව වටහා ගන්න ඕනේ. පහුගිය කාලේ සමහර ආර්ථික විශේෂඥයෝ උත්සාහ කලා අර්ථකතනය කරන්න මේ උද්ධමනය ඇතිවෙලා තිබෙන්නේ මුදල් සංසරණය වැඩිවෙලා ඉල්ලුම හා සැපයුම අතර සමතුලනය නැතිවෙලා කියලා. ඒකට පිළිතුරක් ලෙස මහ බැංකුව පොලී අනුපාතයන් අධික ලෙස ඉහල දැම්මා. නමුත් එය ප්‍රශ්ණය හරියාකාරව හඳුනාගෙන දුන් විසඳුමක් නොවන නිසා ඒ තීන්දුව පවා අද උද්ධමනයට වක්‍රාකාරව බලපාලා තිබෙනවා.

ඇත්තෙන්ම කියනවා නම් උද්ධමනය වැඩිවෙලා තිබෙන්නේ මූලිකවම නිශ්පාදන පිරිවැය වැඩි වෙලා නිසායි. නිශ්පාදන පිරිවැය වැඩි වෙලා තිබෙන්නේ මූලිකවම ආනයනික භාන්ඩ වල මිල ඉහල යාම හා අධික පොලී අනුපාත නිසා ව්‍යාපාර කර ගෙන යාමේ වියදම වැඩි වීම වැනි කරුණු නිසායි. මේ කියපු කරුණු වලට හේතුව වෙලා තිබෙන්නේ රුපියල අවප්‍රමාණය වීමයි. රුපියල අවප්‍රමාණය වන්නට හේතුව පසුගිය කාලයේ අයවැය පරතරය පියවන්නට විශාල වශයෙන් මුදල් අච්චු ගැසීමයි. මුදල් අච්චු ගසන්නට හේතුව රටේ විදේශ ණයබර ඉහල ගොස් තව දුරටත් ණය ගැනීම අපහසු වීමයි. ඒ වගේම රටට එන ඩොලර් ප්‍රමාණය අඩුවී විදේශ සංචිත ක්ෂය වීමයි.

20/09/2022

නෙළුම් කුලුනේ දෙවන අදියර කඩිනමින් විවෘත කිරීමට බලාපොරොත්තු වන බව නෙළුම් කුලුන පුද්ගලික සමාගම පවසයි.

එහි ප්‍රධාන විධායක නිලධාරී විශ්‍රාමික මේජර් ජනරාල් ප්‍රසාද් සමරසිංහ මහතා සඳහන් කළේ, තෙවන අදියර ද ලබන වසර ආරම්භයේදී විවෘත කිරීමට සැලසුම් කර ඇති බවය.

පසුගිය 15 වන දින නෙළුම් කුලුනේ පළමු අදියර ජනතාව සඳහා විවෘත කළ අතර පෙරේදා දිනය වන විට පමණක් ගතවූ දින 04 තුළ පුද්ගලයින් 25‍,000කට අධික පිරිසක් එය නැරඹීම සඳහා පැමිණ තිබේ.

එමඟින් රුපියල් මිලියන 11කට වැඩි ආදායමක් උපයා ගැනීමට හැකි වී ඇති බව වාර්තා වේ.

ඊයේ (19) දිනයේද විශාල ජනතාවක් නෙළුම් කුලුන නැරඹීම සඳහා පැමිණ ඇති අතර මේ හේතුවෙන් අද දිනයේ සිට එය නැරඹීම සඳහා ලබා දී තිබූ කාලය වැඩි කිරීමට ද පියවර ගත් බව විශ්‍රාමික මේජර් ජනරාල් ප්‍රසාද් සමරසිංහ මහතා පැවසුවේය.