16/01/2024
ഓര്‍മകളുടെ കടലിരമ്പം തീര്‍ത്ത് വയോജന യാത്ര
വയോജനങ്ങള്‍ക്കായി മെംബര്‍ ടി.കെ.അബൂബക്കര്‍ മാസ്റ്റര്‍ നടത്തിയ ജനകീയ ഉല്ലാസയാത്ര വേറിട്ട അനുഭവമായി
മുക്കം: കൊടിയത്തൂര്‍ ഗ്രാമ പഞ്ചായത്ത് ഒന്നാം വാര്‍ഡ് അംഗം ടികെ അബൂബക്കര്‍ മാസ്റ്ററുടെ നേതൃത്വത്തില്‍ വയോജനങ്ങള്‍ക്കായി നടത്തിയ ഉല്ലാസ യാത്ര കളിച്ചുംരസിച്ചും പഴയകാല ഓര്‍മകളുടെ കടലിരമ്പംതീര്‍ക്കുന്ന വേറിട്ട അനുഭവമായി. 65ന് മുകളില്‍ പ്രായമുള്ള 50പേര് 'കാരണവര്‍' എന്ന യാത്രയില്‍ പങ്കാളികളായി. 87 വയസ്സുള്ള പാലക്കാടന്‍ മുഹമ്മദും 76 പിന്നിട്ട ആമിന പുതുക്കുടിയുമായിരുന്നു ഏറ്റവും മുതിര്‍ന്നവര്‍. പുറംകണ്ടി ചാത്തന്‍കുട്ടിയും ഭാര്യ ശാരദയുമായിരുന്നു പ്രായം കൂടിയ ദമ്പതിമാര്‍. കോര്‍ഡിനേറ്റര്‍ കെ.ഇ. ജമാല്‍ മാസ്റ്റരുടെ നേതൃത്വത്തില്‍ അരങ്ങേറിയ വിവിധ പരിപാടികള്‍ യാത്രികരെ ഏറെ ഹരം കൊള്ളിച്ചു. നറുക്കിലൂടെ ഓരോരുത്തര്‍ക്കും ലഭിച്ച കുറിപ്പിലെഴുതിയ പഴയകാല സാധനങ്ങളെയും സംഭവങ്ങളെയും കുറിച്ച് ഓരോരുത്തരും ഓര്‍മകള്‍ പങ്കുവെച്ചുള്ള പരിചയപ്പെടുത്തല്‍ ഏറെ ഹൃദ്യമായി. ഗാനങ്ങളും ക്വിസ് പ്രോഗ്രാമും പാര്‍ക്കില്‍ നിന്നുളള മത്സരങ്ങളും യാത്രയുടെ മാറ്റ്കൂട്ടി. വിജയികള്‍ക്ക് തദ്‌സമയം സമ്മാനങ്ങളും വിതരണം ചെയ്തു. യാത്രയുടെ ഫ്‌ളാഗോഫ് കോട്ടമ്മല്‍ അങ്ങാടിയില്‍ ഗ്രാമ പഞ്ചായത്ത് വൈസ് പ്രസിഡണ്ട് ഫസല്‍ കൊടിയത്തൂരും കൊടിയത്തൂരിലെ കാരണവരും പൗര പ്രമുഖനുമായ പി.എം. അഹ്‌മദ് ഹാജിയും സംയുക്തമായി നിര്‍വ്വഹിച്ചു. ക്യാപ്റ്റന്‍ ടി.കെ.അബൂബക്കര്‍ മാസ്റ്റര്‍ അധ്യ..............
°°°°°°°°°°°°°°°°°°°°°°°°°
ഈ ലിങ്ക് ഓപണ്‍ ചെയ്താല്‍ ഓണ്‍ലൈന്‍ പതിപ്പ് വായിക്കാം. 👇🏻
https://www.grmedias.com/2024/01/blog-post_16.html
✨✨✨✨✨✨✨✨✨
വാര്‍ത്തകള്‍ ലഭിക്കാന്‍ ലിങ്കില്‍ ക്ലിക്ക് ചെയ്ത് ജി.ആര്‍ മീഡിയ വാട്സാപ്പ് ഗ്രൂപ്പില്‍ അംഗമാവുക
🌏 https://chat.whatsapp.com/Fl9Hsm06ZZ48WF8EyMgc0z
°°°°°°°°°°°°°°°°°°°°°°°°°
🎬 Subscribe YouTube Channel:
https://www.youtube.com/channel/UCpgWmv1KJwnFk8w4yskLdJg
°°°°°°°°°°°°°°°°°°°°°°°°°
