https://www.facebook.com/110386927223107/

በጉራጌ ዞን የምሁር አክሊል ወረዳ የመንግስት ኮሚዩኒኬሽን ጉዳዮች ጽ/ቤት

Home
Ethiopia
Wolkite
በጉራጌ ዞን የምሁር አክሊል ወረዳ የመንግስት ኮሚዩኒኬሽን ጉዳዮች ጽ/ቤት

ፈጣንና ወቅታዊ መረጃ ለዜጎች!

01/07/2024

ሰኔ 24 /2016ዓ.ም *****የተክለ ሀይማኖት ከተማን ለማሳደግ የህብረተሰቡ አስተዋፅኦ ወሳኝ መሆኑ ተገለፀ።

ከተማውን ለማሳደግ በህብረተሰቡ እና በመንግሥት በርካታ ስራዎች እየተሰሩ መሆናቸውን የማዘጋጃ ቤቱ ስራ አስኪጅ አቶ ገብሬ ዘበርጋ ገልጸዋል።

በ2016 በጀት ዓመት ማዘጋጃ ቤቱ እቅድ መሠረት በማድረግ በርካታ ስራዎች መሰራታቸው ገልፀው ከእንዚህም ውስጥ ከ640 ካሬ በላይ የንግድ እና ከ800 ካሬ ለመኖሪያ መሬት በሊዝ ማስተላለፍ መቻሉን አመላክተዋል።

በተጨማሪም ለኢንቨስትመንት የሚሆን መሬት ተዘጋጅቶ የጠየቀ አለመኖሩን እና የውስጥ ለውስጥ የመንገድ ከፍታ ስራ እንዲሁም የቢሮ ግንባታ መሰራቱ ገልፀዋል።

የመድረኩ ተሳታፊዎች በመንግሥት በኩል ኔት ወርክ ከማስፋፋት አንፃር ለተደረገው ድጋፍ እና የከተማው እድገት ለማፋጠን እየተሰራ ላለው ተግባር ምስጋና በማቅርብ ከውሃ፣ ከማብራት፣ከመንገድ አንፃር ከፍተኛ ችግር መኖሩን አንስተዋል።

የምሁር አክሊል ወረዳ የመንግስት ዋና ተጠሪ የሆኑት አቶ ከበደ ሳህል በህብረተሰቡ የውይይት መድረክ ተገኝተው በማዘጋጃ ቤቱ አቅም የተሰሩ ስራዎች የሚበረታቱ መሆናቸውን ገልፀው የመንግስት እና የህብረተሰብ ቅንጅት ለከተማ እድገት ወሳኝ ነው ብለዋል።

ማህበረሰቡ ዘመናዊ ኑሮ እንዲኖር የከተማው እድገትና የመሠረት ልማት መሟላት እንዳለባቸው እና ከተማ ሊያድግ የሚችለው በነዋሪዎች ተሳትፎ ስለሆነ ሁሉም ባለድርሻ አካላት በትኩረት እና በቅንጅት መስራት አለበት ሲሉም ገልፀዋል።

ሌላው በውይይት መድረኩ የተገኙት የምሁር አክሊል ወረዳ ከተማ ልማትና ኮንስትራክሽን ፅ/ቤት ኃላፊ የሆኑት አቶ ሰይፈ ይልማ በተክለ ሀይማኖት ማዘጋጃ ቤት በጣም በርከታ ስራዎች እየተሰሩ መሆኑን አንስተው ማህብረሰቡ ለከተማው እድገት አጋዥ መሆኑን ገልፀዋል።

ማዘጋጃ ቤቶች በራሳቸው ገቢ ስለሚተዳደሩ የገቢ አማራጭን በተገቢው መንገድ ማስፋት ይጠበቅባቸዋል በማለት የተነሳው የገበያ ችግር መፍታት ያለበት ህዝቡ መሆኑን እና ወደ ሌላው የሚሄደውን ገቢ በውይይት እና በቅንጅት በመስራት ገቢውን ማሳደግ እንደሚቻል ገልፀዋል።

የምሁር አክሊል ወረዳ ዋና አስተዳዳሪ አቶ ብስራት ገብሩ በውይይቱ ማጠቃለያ የተጀማመሩ መልካም ስራዎች መኖራቸው አንስተው የህብረተሰቡ ተሳትፎ ወሳኝ እንደሆነ ገልፀው ከተማውን ለማሳደግ መንግስት እና ህብረተሰቡ በቅንጅት መስራት አለባቸው በማለት እየተሰሩ ስራዎች እውቅና መሰጠት ያስፈልጋል ብለዋል።

የተክለ ሀይማኖት የውሃ ችግር የሚታወቅና መንግስት ከረጂ ድረጅት ጋራ በመወያየት እየተሰራ መሆኑን አንስተው የኮተ ቀበሌ እየተገነባ ያለው ውሃ አንድ ቦኖ ለተክለ ሀይማኖት መሆኑን ጠቅሰው ለዘላቂ የህብረተሰቡን የውሃ ችግር ለመፍታት ታቅዶ እየተሰራ መሆኑንና በየቤቱ ለማስገባት የሚሰራ እንደሆነ ገልፀዋል።

የመንገድ ስራን በተመለከተ ውስጥ ለውስጥ የተሰራው ጥሩ መሆኑን ገልጸው ማዘጋጃ ቤቱ ይብልጥ መስራት እንዳለበት አመላክተዋል።

የመብራት ችግር ወደ ወረዳው ሲገባ ከመጀመሪያው ችግር መኖሩን አንስተው በዘላቂነት ችግሩን ለመፍታት እየተሰራ መሆኑን ገልፅዋል።

ከስራ ዕድል ፈጣራ አንፃር ወጣቱ እየስራ ያለው ተግባር የተሻለ መሆኑን ገለፅው በግብርና በእንስሳት እርባታ ዘርፍ የሚሰሩ በርካታ የስራ ዕድል መኖሩን በመገንዘብ በሌሎች ስራዎች መሰማራት መቻል አለባቸው ብለዋል።

ገበያውን ሠላማዊ እና በቂ ምርት እንዲኖረው በማድረግ እንዲሁም አገልግሎት ሰጪ ተቋማት ተገቢን አቀባበል በማድረግ ገበያ እንዲኖር ማድረግ ይጠበቃል ሲሉ መልዕክታቸውን አስተላልፏዋል ሲል የዘገበው የምሁር አክሊል ወረዳ የመንግስት ኮሚዩኒኬሽን ጉዳዮች ፅ/ቤት ነው

30/06/2024

ሰኔ 23/2016 ዓ.ም # # # # # # # # ፅዱ ወረዳን ለመፍጠር የሁሉም ማህበረሰብ ቁርጠኝነት ወሳኝ ተግባር መሆኑን ተገለፀ።

የምሁር አክሊል ወረዳ ጤና ጥበቃ ፅ/ቤት በ2016 በጀት ዓመት በበሽታ መከላከያ ለሞዴል ቀበሌያቶች የእውቅና መርሀ ግብር በጭሬት ቀበሌ አካሄደ።

ሁሉም የልማት ቡድን ላይ የተገነቡ የጎዳና መፀዳጃ ቤቶችን በንፅህና በመያዝና የፅዳት ክትትል በማድረግ አካባቢያችን ከተላላፊ በሽታዎች እንጠብቅ ሲሉ የምሁር አክሊል ወረዳ ጤና ፅ/ቤት ዋና ኃላፊ ይታገሱ መለሰ ተናግረዋል።

በሁሉም ቀበሌዎች የሚገኝ ተቋማት የተሻሻለ መፃዳጃ ቤት ገንብቶ መጠቀም መቻል እንዳለባቸው ተናግረው በጤናው ዘርፍ የተጀመሩ መልካም ስራዎች በማጠናከር ለማህበረሰቡ ጤና በዘላቂነት ማስቀጠል እንደሚያስፈልግና የእንኳን ደስ አላችሁ መልዕክታቸው አስተላልፈዋል።

በጤና ዘርፍ የተጀመሩ ጠንካራ ስራዎች ይበልጥ ውጤታማ ለማድረግ ባለድርሻ አካላት በቅንጅት በመስራት የማህበረሰቡ የበሽታ መከላከል አቅም መጨመር ይገባል ያሉት ደግሞ የጉራጌ ዞን ጤና መምሪያ ተወካይ አቶ ሳምሶን አሳስበዋል።

በመድረኩ የተገኙት የምሁር አክሊል ወረዳ ዋና አስተዳደር አቶ ብስራት ገብሩ እንደተናገሩት በሀገራችን በስፋት ከሚሰሩ ስራዎች የማህበረሰቡ የበሽታ መከላከል የመንግስት ፓሊሲ መሆኑን ጠቅሰው የሴቶች የልማት ህብረት በማጠናከር አምራች ዜጋ መፍጠር ያስፈልጋል ብለዋል።

የእናቶችናህፃናት በሽታ ለመከላከል የተጀመሩ ጠንካራ ስራዎች በማጠናከር ለማህበረሰችን ተላላፊ የሆኑ በሽታዎች ለመከላከል በዘላቂነት መስራት እንደሚያስፈልግ የምሁር አክሊል ወረዳ ዋና አስተዳደር አቶ ብስራት ገብሩ ተናግረዋል።

ማህበረሰብ ሚጠይቃቸው በጤናው ዘርፍ እንዲሁም ሌሎች የመሠረተ ልማት ጥያቄዎች ደረጃ በደረጃ ምላሽ ለመስጠት ከባለድርሻ አካላት ጋር በትብብር እየተሰራ መሆኑን አቶ ብስራት ገብሩ አመላክተዋል።

ለማህበረሰቡ የበሽታ መከላከል አቅሙን ለማዳበር የግንዛቤ ስራዎች መሠራት እንዳለበትና ለጤና ኬላዎች የሚያስፈልጉ ግብዓቶች እንዲሟሉ በማድረግ የማህበረሰቡ ጤና በዘላቂነት ለመጠበቅ ሁሉም በጋራ መስራት አለበት ሲሉ ተሳታፊዎች ተናግረዋል።

የቀበሌው የመሠረተ ልማት ጥያቄዎች ምላሽ እንዲያገኙ የሚመለከተው አካል ሊያግዝ እንደሚገባና የጤና ፖሊሲዎች በአግባቡ በመተግበር ቀበሌው በቀጣይም ለሌሎች ተሞክሮ እንዲሆን በትኩረት እንደሚሰሩም ገልፀዋል ሲል የዘገበው የምሁር አክሊል ወረዳ የመንግስት ኮሚዩኒኬሽን ጉዳዮች ፅ/ቤት ነው።

27/06/2024

ሰኔ 20/2016ዓ.ም
# # # # # # # # # በምሁር አክሊል ወረዳ ሐዋርያት ከተማ ለቤት ልማት በማህበር ለተደራጁ የህብረተሰብ ክፍሎች የመሬት ርክብክብ መካሄዱ የምሁር አክሊል ወረዳ ከተማ ልማት እና ኮንስትራክሽን ጽ/ቤት ገለፀ፡፡

የምሁር አክሊል ወረዳ ከተማ ልማት እና ኮንስተራክሽን ጽ/ቤት ዋና ኃላፊ አቶ ሰይፈ ይልማ በመሬት ርክብክቡ ላይ ተገኝተው እንደተናገሩት የመንግስት ሰራተኞች እና በአነስተኛ ገቢ ለሚተዳደሩ የህብረተሰብ ክፍሎች በመኖርያ ቤት ህብረት ስራ ማህበር የቤት ልማት ፕሮግራም ለማስተላለፍ ተሻሽሎ በወጣው መመረያ መሰረት በመጀመርያ ዙር በ 26 ማህበራት ለተደራጁ 274 አባላት 3.5072 ሄ/ር መሬት ተላለፏል ብለዋል፡፡

መመርያው በሚፈቀደው መሰረት የተደራጁ ቀሪ 13 ማህበራት መኖራቸውን አቶ ሰይፈ ጠቁመው በሁለተኛው ዙር መሬት ለማስተላለፍ ቅደመ ዝግጅት እየተደረገ መሆኑን በመሬት ርክብከቡ ወቅት ተናግረዋል፡፡

እንደ ኃላፊው ገለፃ መመርያው በሚፈቅደው መሰረት ለተደራጁ ማህበራት 1ሚሊየን 56ሺ 6መቶ ብር ወጪ በማደረግ ጥርጊያ እና ቦታ ዝግጅት ሲደረግ መቆየቱን ተናግረው ማህበራቱ የተላለፈላቸውን መሬት በተሰጣቸው የጊዜ ገደብ እና ዲዛይን በፈጥነት እንዲያለሙ አሳስበዋል፡፡

የምሁር አክሊል ወረዳ ዋና አስተዳዳሪ አቶ ብስራት ገብሩ የሁሉም ነገር መነሻ እና መዳረሻ ተግባቦት እነደሆነ በመግለፅ የተሰጣቸውን መሬት በአግባቡ እና በአንድነት ስሜት በመገንባት ማልማት እንዳለባቸው አመላክተዋል፡፡

በቤት ልማት ለሚደራጁ ማህበራት የአባልነት ምዝገባ መስፈርቶች መሰረት በመመዝገብ ተደራጅተው ሲጠብቁ ለነበሩ የሃዋርያት ከተማ የማህበረሰብ ክፍሎች ያለምንም ልዩነት አፋጣኝ ምላሽ እንዲያገኙ ላደረጉ ለወረዳው የካቢኔ አባላት፣የወረዳው ከተማ ልማት እና ኮንስትራክሽን ጽ/ቤት ፣የሐዋርያት መዘጋጃ ቤት፣አመራሮች እና ባለሙያዎች አቶ ብስራት ምስጋና አቅርበዋል፡፡

የማህበሩ አባላቶች በበኩላቸው ያገኙትን አገልግሎት እና ፈጣን ምላሽ የወረዳው መንግስት ለህዝቡ ተጠቃሚነት ያለው ቁርጠኛ አቋም ማሳያ ነው ያሉ ሲሆን ለተሰጣቸው አፋጣኝ ምላሽ እና አገልግሎት ምስጋና አቅርበዋል ሲል የዘገበው የምሁር አክሊል ወረዳ የመንግስት ኮምዩኒኬሽን ጉዳዮች ጽ/ቤት ነው፡፡

26/06/2024

ሰኔ 19/2016ዓም
# # # # # # # # # # ለበርካታ ዘመናት ሲነሳ የነበረው የመቆርቆ ቀበሌ የንፁህ መጠጥ ውሃ ጥያቄ ችግር ለመፍታት በዛሬው እለት የመሰረት ድንጋይ ተጣለ።

የመቆርቆር ቀበሌ እና የአካባቢው ማህበረሰብ ለዘመናት ሲጠይቀው የነበረው የንፁህ መጥጥ ውሃ ጥያቄ ምላሽ ለመስጠት የፌደራል ፣የክልል፣ የዞንና የወረዳ አመራሮች እና የክብር እንግዶች በተገኙበት የመሰረት ድጋይ ተቀምጧል።

የምሁር አክሊል ወረዳ ዋና አስተዳዳሪ አቶ ብስራት ገብሩ የእንኳን ደህና መጣችሁ መልእክት ባስተላለፉበት ወቅት ሀገራችን ኢትዮጵያ በማያቋርጥ የለውጥ ምዕራፍ እንደምትገኝ የገለፁ ሲሆን የምንወዳት እና በእጅጉ የምንሳሳላት ሀገራችን ትንሳዔዋን ለማብሰር እና የሚፈለገውን ሀገራዊ እድገት እና ከፍታ እውን እንዲሆን ህብረትና ትብብር በእጅጉ ያስፈልጋልም ብለዋል።

ለዘመናት በንፁህ የመጠጥ ውሃ ችግር ሲሰቃይ ለነበረው የመቆርቆር ቀበሌ እና አካባቢው ህዝብ ለመታደግ እና በዛሬው እለት ልዩ ደስታ ለማብሰር በማህበረሰቡ የሚተዳደር የንፁህ መጠጥ ውሃ አቅርቦት የግልና የአካባቢ ንፅህና አጠባበቅ ፕሮጀክት ለማስጀመር እንግዶች በመምጣታቸው በቃላት መግለፅ የሚከብድ ውስጣዊ ስሜት እንደተሰማቸው አስተዳዳሪው ገልፀዋል።

አቶ ብስራት ገብሩ አክለውም መንግስት እና ህዝብ በትብብር ሲቆሙ የማይፈታ ችግር እንደሌለ የዘመናት ጥያቄ ሆኖ የቆየው የመቆርቆር እና አካባቢው ህዝብ የንፁህ መጠጥ ውሃ ጥያቄ በኢትዮጵያ የአፍሪካ ቀንድ ዘላቂ የከርሰ ምድር ውሃ ፕሮጀክት አማካይነት በአለም ባንክ በተገኘ የፋይናንስ ምንጭ መልካም ዜና መሰማት እና በአፋጣኝ ለማጠናቀቅ እንቅስቃሴ መጀመሩ ትልቅ አብነትና ማሳያ መሆኑን ጠቁመው ህብረተሰቡ ፕርጀክቱ እስከሚጠናቀቅ ድረስ የገቡ ቁሳቁሶች በእኔነት ስሜት እንዲጠብቅ አደራ ብለዋል።

የጉራጌ ዞን ዋና አስተዳዳሪ አቶ ላጫ ጋሩማ በውሃ እና ኢነርጂ ሚኒስቴር የሚገነባውን የአፍሪካ ቀንድ ዘላቂ የከርሰ ምድር ውሃ ፕሮጀክት አካል የሆነው የመቆርቆር የንፁህ መጠጥ ውሃ ግንባታ የመሰረት ድንጋይ የመጣል ፕሮግራም ላይ ተገኝተው ለእለቱ የክብር እንግዶች የእንኳን ደህና መጣችሁ እና ለአካባቢው ማህበረሰብ የእንኳን ደስ አላችሁ መልእክት አስተላልፈዋል።

አቶ ላጫ ውሃ ህይወት ላላቸው ፍጥረታት በህይወት ለመቆየት እጅግ አስፈላጊ መሆኑን ጠቅሰው የህይወት መሰረት የሆነውን ውሃ ሁሉም ማህበረሰብ ማግኘት አለበት በሚል መንፈስ ለመጣል የፌደራል፣ የክልል፣ የዞን እና የወረዳ አመራሮች በተገኙበት የመሰረት ድንጋይ መጣሉን ገልጸዋል።

አቶ ላጫ አክለውም የዞኑ የውሃ ሽፋን በገጠር 36.5%እና በከተማ ከ48% በላይ መሆኑን ገልጸው በአጠቃላይ በዞኑ 961 የውሃ ተቋማት ለ562,313 የማህበረሰብ ክፍል አገልግሎት እየሰጡ መሆኑን እና ከ 813,000 በላይ የህብረተሰብ ክፍል የንጹህ መጠጥ ውሃ እንደሚፈልግ በመጠቆም የምሁር አክሊል ወረዳ ከፍተኛ የሆነ የንጹህ መጠጥ ውሃ እጥረት መኖሩንና የመቆርቆር ቀበሌ ንጹህ መጠጥ ውሃ ፐሮጀክት ሲጠናቀቅ የወረዳውን የውሃ ሽፋን ከፍ እንደሚያደርግ አመላክተዋል፡፡

የማእከላዊ ኢትዮጵያ ክልላዊ መንግስት ውሃ መስኖና ማዕድን ልማት ቢሮ ኃላፊ የሆኑት አቶ ዳዊት ሃይሉ በእለቱ ተገኝተው እንዳሉት ለሰው ልጅ አስፈላጊ ከሆኑ ነገሮች ውሃ መሰረታዊ ነው፡፡ በህዝቡ ዘንድ የሚነሱ የልማት እና መልካም አስተዳደር ጥያቄ ምላሽ የሚሰጥ ቢሆንም የንጹህ መጠጥ ውሃ በተለየ ሁኔታ የሚታይ ጉዳይ መሆኑን ተናግረዋል፡፡

የምሁር አክሊል ወረዳ በክልሉ የንጹህ መጠጥ ውሃ እጥረት ካለባቸው ወረዳዎች አንዱ መሆኑን ተናግረው በውሃ እና ኢነርጂ ሚኒስቴር የሚገነባው የመቆርቆር ቀበሌ የንጹህ መጠጥ ውሃ ግንባታ ችግሩን እንደሚቀንስ አውስተዋል፡፡

በውሃና ኢነርጂ ሚኒስቴር መጠጥ ውሃና ሳኒቴሽን ዘርፍ ሚኒስቴር ዴኤታ የተከበሩ አምባሳደር አስፋው ዴንጋሞ የዘመናት ጥያቄ የነበረውን የወረዳውን የንጹህ መጠጥ ውሃ ችግር መኖሩን በመረዳት በትኩረት እየተሰራ መሆኑን ተናግረዋል፡፡

የውሃው ፕሮጀክት በኢፌድሪ የውሃና ኢነርጂ ሚኒስቴር ሆርን ኦፍ አፍሪካ ዘላቂ የከርሰ ምድረ ውሃ ፕሮጀክት አመካይነት ከ57ሚሊየን 44ሺህ 800 ብር በላይ ወጪ በማድረግ የአካባቢው የንፁህ መጠጥ ውሃ ተደራሽነት ለማረጋገጥ የሚገነባ መሆኑን ክቡር አምባሳደሩ ገልፀዋል።

የአፍሪካ ቀንድ ዘላቂ የከረሰ ምድረ የውሃ ፕሮጀክት በአምስት የአፍሪካ ቀንድ ሀገራት የመጠጥ ውሃ፣ ለመስኖ ልማት እና የከርሰ ምድር ውሃ ሃብት አስተዳደር ስራዎችን ለመደገፍ የተቀረጸ ፕሮጀክት መሆኑን ጠቅሰው በዋናነት በሶስት ሃገራት በኬንያ በሶማልያ እና በኢትዮጵያ ከአለም ባንክ በተገኘ ድጋፍ የንጹህ መጠጥ ውሃ ችግር ለመቅረፍ በትኩረት እንደሚሰራ አመላክተው ፕሮጀክቱ በተያዘለት የጊዜ ገደብ ቀድሞ እንዲጠናቀቅ ሁሉም የድርሻውን እንዲወጣ አሳስበዋል ሲል የዘገበው የምሁር አክሊል ወረዳ የመንግስት ኮምዩኒኬሽን ጉዳዮች ጽ/ቤት ነው፡፡

26/06/2024

ሰኔ 19/2016ዓ.ም
# # # # # # # # # # የመቆርቆር ቀበሌ እና የአካባቢው ማህበረሰብ ለዘመናት ሲጠይቀው የነበረው የንፁህ መጥጥ ውሃ ጥያቄ ምላሽ ለመስጠት የመሰረት ድንጋይ ለማኖር የፌደራል ፣የክልል፣የዞንና የወረዳ ከፍተኛ አመራሮች እና የክብር እንግዶች ወደ ስፍራው እየገቡ ይገኛሉ።

የውሃው ፕሮጀክት በኢፌድሪ የውሃና ኢነርጂ ሚኒስቴር ሆርን ኦፍ አፍሪካ ዘላቂ የከርሰ ምድረ ውሃ ፕሮጀክት አመካይነት ከ57,44,000 ብር በላይ ወጪ በማድረግ የአካባቢው የንፁህ መጠጥ ውሃ ተደራሽነት ለማረጋገጥ የሚገነባ መሆኑን መረጃዎች ያመለክታሉ።

ዝርዝር መረጃዎች ተከታትለን የምናደርሳችሁ ይሆናል።

25/06/2024

ሰኔ 18/2016 ዓ.ም
# # # # # # # # # #በ2016 በጀት ዓመት የተረጋገጡ ጥንካሬዎች እና እጥረቶችን ለይቶ ለቀጣይ መዘጋጀት እንደሚገባ የምሁር አክሊል ወረዳ አስተዳደር ገለፀ።

በ2016 በጀት ዓመት የታዩ ጥንካሬዎች በማስቀጠል እና ጉድለቶችን በማረም ለቀጣይ ስራዎች ለመዘጋጀት የምሁር አክሊል ወረዳ አስተዳደር በሴክተር መስርያ ቤቶች የተሰሩ የ11 ወር የተግባር አፈጻጸም ግምገማ አካሄደ።

የምሁር አክሊል ወረዳ ዋና አስተዳዳሪ አቶ ብስራት ገብሩ የወረዳው የመልማት አቅም እና የህዝቡ የመልማት ፈላጎት ከግንዛቤ ያስገባ እቅድ ታቅዶ አስፈፃሚዎች እና ፈፃሚ አካላት ያሳተፈ ተግባቦት እየተፈጠረ ግቦችን ለማሳካት ጥረት እየተደረገ መሆኑን ተናግረው በቅንጅት እና በትብብር የሚሰሩ ስራዎች ውጤታማ መሆናቸውን ሪፖርቱ በቀረቡበት ወቅት ገልጸዋል።

በተግባር ወቅትም የህብረተሰቡን ተጠቃሚነት እንዲረጋገጥ እና ምላሽ ለመስጠት የተደረጉ ድጋፎች ውጤታማ መሆናቸውን ዋና አስተዳዳሪ አመላክተዋል።

ከመንገድ ከውሃ ፣ከትምህርት ፣ከጤና እና በግብርናው ዘርፍ እንዲሁም በሌሎቹም የተሻለ ስራዎች መሰራታቸውን አንስተው ለአብነትም የገራ አንጋጥጥ 3ኪ.ሜ ፣የደንገዝ 4.23ኪ.ሜ የመንገድ ጥርጊያ እና የጠጠር ንጣፍ፣ የሰላም ቀበሌ እና የፈረስ ጉራ የንፁህ መጠጥ ውሃ ሽፋን እና ሌሎችም ተግባራት መከናወናቸውን በሪፖርቱ ከተመላከቱ መረጃዎች ውስጥ ተጠቃሽ ናቸው።

አርአያነት ካላቸው ተግባራት ውስጥ ትምህርትን ለትውልድ የሚለውን ንቅናቄ ተከትሎ እና በሌሎችም መሠረተ ልማት ስራዎች የበጎ አድራጎት ተቋማት፣ ባለሀብቱ እና የወረዳው ተወላጆች እያደረጉት ያለው ድጋፍ ከፍተኛ መሆኑን አቶ ብስራት አመላክተዋል።

በካፒታል ፕሮጀክት 32,429,000 ለመስራት ታቅዶ 25,314,686 ማከናወን መቻሉን እና አፈፃፀሙም 78% መሆኑን ጠቁመው በሪፖርቱ የተመላከቱ ጥንካሬዎች በማስቀጠል እና የተለዩ ጉድለቶ በማረም የህብረተሰቡ የልማት ጥያቄ ለመመለስ በቀጣይ በትኩረት ልንሰራ ይገባል ሲሉ አሳስበዋል።

ተሳታፊዎች ከማዘጋጃ ቤቶች የዘናበነር ማዘጋጃ የካፒታል ስራ ክፍተት ማረም እንደሚገባ እና የወረዳውን የገቢ መጠን ለማሳደግ እየተሰራ ያለው ስራ በማጠናከር የወረዳው ሁለንተናዊ እድገት ማሳካት እንደሚገባ አንስተዋል።

የምሁር አክሊል ወረዳ ዋና የመንግስት ተጠሪ አቶ ከበደ ሳህሌ የማጠቃለያ ሀሳብ በሰጡበት ወቅት እንዳሉት የተሳካ እና ውጤታማ ስራ ለመስራት መደማመጥና ቅንጅታዊ አሰራር ወሳኝ ነው።

አቶ ከበደ አክለው በወረዳው ህብረተሰቡ የመልካም አስተዳደር ጥያቄ አድርጎ ሲያንሳቸው የነበሩ ጥያቄዎች ምላሽ እንዳገኙ ጠቁመው የተመዘገበው ውጤት አመራሩ፣ ፈፃሚ ባለሙያ እና ህዝቡ ተደማምጦ እና ተቀናጅቶ በመስራቱ ነው ብለዋል።

እንደ አጠቃላይ በወረዳው የተሰሩ መልካም ስራዎች እጅግ የሚበረታታ ነው ያሉ ሲሆን ለቀጣይ ስራ አቅጣጫ ሊሆኑ ይገባሉ ብለው ካነሷቸው ሀሳቦች መሀከል የሴቶች ተሳትፎ ማሳደግ፣ ስራ-አጥ ወጣቶች ለይቶ ወደ ስራ ማስገባት እና ሁሉም የማህበረሰብ ክፍል በሁሉም የስራ ዘርፍ የድርሻውን እንዳወጣ ትኩረት ሰጥቶ በመስራት እንደ ሀገር የታቀደውና ሁለንተናዊ ብልፅግና ለማሳካት በሚደረገው ጥረት የድርሻችንን ልንወጣ ይገባል ሲሉ አቶ ከበደ ሳህሌ አሳስበዋል ሲል የዘገበው የምሁር አክሊል ወረዳ የመንግስት ኮምዩኒኬሽን ጉዳዮች ፅ/ቤት ነው።

21/06/2024

የመንግሥት ሰራተኞች የደረጃ እድገት እና የእርከን ጭማሪ በአዲሱ ረቂቅ አዋጅ ተፈቅዷል፦ የፌደራል ሲቪል ሰርቪስ ኮሚሽን
**************

አዲሱ የፌዴራል መንግስት ረቂቅ የሰራተኞች አዋጅ ሰራተኞች ተመዝነው በአፈጻጸማቸው የሚለዩበት እንደሆነ የፌደራል ሲቪል ሰርቪስ ኮሚሽን ኮሚሽነር መኩሪያ ኃይሌ (ዶ/ር) ገለጹ።

አዋጁን በተዛባ መንገድ መረዳት አይገባም ያሉት ኮሚሽነሩ፤ አንድ ሰራተኛ ሁለት ጊዜ ተመዝኖ ውጤቱ ከመካከለኛ በታች ከሆነ ከስራው እንደሚሰናበትም ጠቁመዋል።

በዚህ ምዘና በቂ ውጤት ያመጡ ሰራተኞች ደግሞ የደረጃ እድገት እንዲሁም በየሁለት ዓመቱ የሚኖር የእርከን ጭማሪ እንዲያገኙ በአዋጁ ተደንግጓል ብለዋል።

የአዋጁ ዋና ዓላማ ሰራተኛን መቀነስ ሳይሆን ማብቃት ነው ያሉት መኩሪያ ኃይሌ (ዶ/ር)፤ በምዘናው ደረጃ አሟልተው ብቁ የሆኑ፣ የተወሰነ ክፍተት ያለባቸው እና ሰፋ ያለ ክፍተት የታየባቸው ተለይተው ክፍተቶቹ በስልጠና እየተሟሉ ሶስቱም በመንግሥት መዋቅር ውስጥ የሚቀጥሉ ናቸው ብለዋል።

የመንግሥት ሰራተኛው በስራው ተመጣጣኝ ገቢ አለማግኘቱ በኑሮው ላይ ጫና ፈጥሮበታል፤ አዋጁ ይህን ችግር ለመፍታት የሚያስችል ነው ወይ ተብሎ ለቀረበላቸው ጥያቄ በሰጡት ማብራሪያ፥ አዋጁ የብቃት ምዘናውን ያለፉና መስፈርቱን የሚያሟሉ ሰራተኞች የደሞዝ ጭማሪ በእርከንና በደረጃ ዕድገት እያገኙ የሚሄዱበትን አስገዳጅ አሰራር መደንገጉን ተናግረዋል።

አዋጁ የፐብሊክ ሰርቪስ አገልግሎትን ለማሻሻልና ዲጅታል ሲቪል ሰርቪስን ለመፍጠር ዓላማ ያደረገ ነው ያሉት ኮሚሽነሩ፤ ሁሉም ብሄረሰብ የተማረ የሰው ኃይል አለው ተብሎ ስለሚታሰብ ብዝሃነትን መሰረት ያደረገ ፕብሊክ ሰርቪስ ለመገንባት መታሰቡን ተናግረዋል።

ሥራ ላይ ያለው የፌዴራል መንግሥት የሰራተኞች አዋጅ ፖሊሲን መሰረት አድርጎ የተቀረጸ አይደለም ያሉት ኮሚሽነሩ፤ የመንግሥት አገልግሎትን መሰረታዊ በሆነ መልኩ ለመቀየር የሚያስችልም አልነበረም ብለዋል።

አሁን የተዘጋጀው አዋጅ ነጻና ገለልተኛ ሲቪል ሰርቪስ ለመገንባት፣ የሰራተኛውን ብቃት ለማረጋገጥ፣ ብዘሃነትና አካታችነትን በተገቢው መንገድ ለመምራት እንደሚረዳ መኩሪያ ኃይሌ (ዶ/ር) ገልጸዋል።

FBC

20/06/2024

ሰኔ 13/2016ዓ.ም
🙏🙏🙏🙏🙏 በምሁር አክሊል ወረዳ ለመገራን 1ኛ ደረጃ ሁለተኛ ሳይክል ትምህርት ቤት ከተማ የሚኖሩ የቀድሞ ተማሪዎች እና የአካባቢው ተወላጆች የትምህርት ቁሳቁስ ድጋፍ አደረጉ።

በምሁር አክሊል ወረዳ መገራን ቀበሌ ለሚገኘው መገራን 1ኛ ደረጃ እና ሁለተኛ ሳይክል ትምህርት ቤት ከተማ የሚኖሩ የአካባቢው ተወላጆች እና የትምህርት ቤቱ የቀድሞ ተማሪዎች ከ500,000 ብር በላይ ወጪ ፈሰስ በማድረግ ለአዲሱ ስርዓተ ትምህርት ሊያግዙ የሚችሉ የትምህርት ቁሳቁስ ማድረጋቸው የምሁር አክሊል ወረዳ ትምህርት ጽ/ቤት ገልጿል።

የምሁር አክሊል ወረዳ ትምህርት ጽ/ቤት ዋና ኃላፊ አቶ አንዳምላክ ባረጋ በምስጋናና እውቅና መርሃ ግብሩ ላይ ተገኝተው ትምህርት የነገሮች ሁሉ መሰረት ነው።

አቶ አንዳምላክ እውቀት ከሚገኝባቸው መንገዶች አንዱ ትምህርት መሆኑን ተናግረው ለዚህ ደግሞ ደረጃውን የጠበቀ እና ግብአቱን የተሟላ ትምህርት ቤት አስፈላጊ ነው ብለዋል።

በትምህርት እስታንዳርድ መሰረት ደረጃ 1መማር ማስተማር የማይችል፣ደረጃ 2 ለመማር ማስተማር ዝግጁ ያልሆነ ፣ደረጃ3 መማር ማስተማር የሚችል እና ደረጃ 4 የሚፈለገው ደረጃ የደረሰ መሆኑን በመግለፅ በመመዘኛው መሠረት የመገራን 1ኛ ደረጃ እና ሁለተኛ ሳይክል ትምህርት ቤት ደረጃ3 ላይ የሚገኝ ትምህርት ቤት መሆኑን ተናግረው ደረጃውን በማሻሻል ተወዳዳሪ ተማሪዎች ለማፍራት ለአዲሱ ስርዓተ ትምህርት የሚየስፈልጉ አጋዥ መጽሀፍት ፣የቅድመ መደበኛ መማርያ ክፍል፣እና ሌሎችም ግብአቶች ማሟላት አስፈላጊ መሆኑን ኃላፊው ተናግረዋል

የትምህርት ጥራት ለማረጋገጥ እንደ ሀገር የተጀመረው የስርዓት ትምህርት ለውጥ ለስርዓተ ትምህርቱ የሚያግዙ የትምህርት ቁሳቁስ ለማሟላት በሚደረገው ጥረት ከተማ ነዋሪ የሆኑ የአካባቢው ተወላጆች እና የቀድሞ ተማሪዎች የቁሳቁሱ አስፈላጊነት በመገንዘብ ከ 500,000 ብር በላይ የሚያወጣ የትምህርት ቁሳቁስ ድጋፍ ማድረጋቸውን ተናግረው ለዚህም በወረዳው ትምህርት ጽ/ቤት ስም ምስጋና አቅርበዋል።

የምሁር አክሊል ወረዳ ዋና አስተዳዳሪ አቶ ብስራት ገብሩ እንዳሉት አሁን የምንገኝበት አለም በባህሪው ተለዋዋጭ እና በኢኮኖሚ ደረጃ ከፍተኛ ልዩነት ባላቸው ሀገራት የተሞላች ናት።

እንደ አቶ ብስራት ገለፃ ብዙዎች ሃያላን የሆኑበት ምስጢር ቴክኖሎጂ መሆኑን ጠቅሰው ይህንን አለም ለመምራት እና ለማስተዳደር በውድድር ሂደትም አሸንፎ ለመገኘት እውቀት ቁልፍ ጉዳይ ነው።

ዋና አስተዳዳሪው አክለውም በአዲሱ የትምህርት ስርዓት ላይ ለቴክኖሎጂው በተሰጠው ትኩረት እና አለም በውድድር ሂደት ውስጥ መሆኗ መንግስት በማመን ቀድሞ በኮሌጅ እና በዩኒቨርስቲ ደረጃ ይሰጥ የነበረው የ ICT ትምህርት ከ7ኛ ክፍል ጀምሮ ተማሪዎች ስለ ቴክኖሎጂ እና መረጃ ግንኙነት በኮምፒውተር ደረጃ እንዲማሩ ማድረግ አስፈላጊ ሆኖ ተገኝቷል ብለዋል።

ይህንን ለማሟላት ወላጅ ፣የአካባቢው ተወላጆች እና የቀድሞ ተማሪዎች ኃላፊነት በመውሰድ ድጋፍ እንዲያደርጉ በተደረገው ጥሪ መሠረት ስለ ጉዳዩ የገባቸው ከተማ የሚኖሩ የአካባቢው ተወላጆች እና የቀድሞ ተማሪዎች ሶላር ፣ኮምፒውተሮች፣ኮፒ ማሺን እና አስፈላጊ የሆኑ የትምህርት ግብአቶች እንዳቀረቡ አቶ ብስራት ተናግረው ለዚህም ከልብ የመነጨ ምስጋና አቅርበዋል።

በመጨረሻም አቶ ብስራት ትውልዱን ለማዳን፣ በእውቀት ለማበልፀግ እና የትምህርት ውጤት ሊሻሻል ሚችለው የትምህርት ግብአት ሲሟላ መሆኑን በተገነዘቡ ባለፀጎች የተደረገው ድጋፍ በተገቢው በመጠቀም ውጤት ማምጣት እንደሚያስፈልግ አሳስበዋል

ድጋፍ ያደረጉት አካላት በበኩላቸው ለድጋፉ ያነሳሳቸው ዋናው ምክንያት እንደ ሀገር ተግባራዊ ለተደረገው አዲሱ ስርዓተ ትምህርት የሚያስፈልጉ ቁሳቁሶች ለማሟላት እና የትምህርት ጥራቱን ለማሻሻል የመምህራን፣ የመንግስት እና የባለሀብቶች ድርሻ አስፈላጊ እንደሆነ መንግስት ባስቀመጠው አቅጣጫ እና የትምህርት ቤቱ ርዕሰ መምህር ፣ወመህ እና ስልጠና ቦርዱ ፣የክላስተሩ ሱፐር ቫይዘር እና የሚመለከታቸው ባለድርሻ አካላት የት/ቤቱ ጉድለት በመለየት በጠየቁት መሰረት የድርሻቸውን ለመወጣት መሆኑን አመላክተዋል።

ተግባራዊ በሆነው ስርዓተ-ትምህርት የአይሲቲ ትምህርት ከ7ኛ ክፍል እንደመጀመሩ እና ብቁ ተማሪዎች በማፍራት ረገድ ትምህርት ቤቱ ከሌሎች ትምህርት ቤቶች ተወዳዳሪ እንዲሆን በማሰብ አራት ሶላር እያንዳንዳቸው 390 ዋት ፣ 5ኮምፒውተሮች ፣ኮፒ ማሺን ፣ለመምህራኖች መዝናኛ የሚሆን 42 ኢንች ቴሌቪዥን እና ሌሎችም ቁሳቁሶች በአጠቃላይ ከ500,000 ብር በላይ ወጪ ፈሰስ በማድረግ ማበርከታቸውን ገልፀው በቀጣይም ድጋፋቸው እንደማይለይ አሳስበዋል ሲል የዘገበው የምሁር አክሊል ወረዳ የመንግስት ኮምዩኒኬሽን ጉዳዮች ጽ/ቤት ነው።

20/06/2024

ስኔ 13/10/016
*****
ከአንድ ሚሊዮን ብር በላይ በቱርክ ቤተሰቦች አንድ ቦኖ ለአንድ ቤተሰብ በሚል መሪ ቃል በምሁር አክሊል ወረዳ በፈረስ ጉራ ቀበሌ ሲገነባ የነበረው ንፅህ መጠጥ ውሃ ተጠናቆ ለማህበረሰቡ አገልግሎት መስጠት ጀመረ።

የህብረተሰቡን የመሠረት ልማት ፈላጎት ለማሟላት መንግስት እና ማህበረሰቡ በትብብር መንፈስ መስራት ወሳኝ መሆኑን የምሁር አክሊል ወረዳ የውሃና ማዕድን ፅ /ቤት ኃላፊ የሆኑት አቶ ወርቁ ርዳ ገልፀዋል።

የወረዳው መንግስት ከፅ/ቤቱ ጋራ በመሆን የተለያዩ ረጂ አካለት ጋር የቅርብ ግንኘነት በማድረግ በ2015 በወገራወ ቀበሌ አንድ የውሃ ፕሮጀክት 10 ቦኖ ለህብረተሰቡ ንፅህ የመጠጥ ውሃ ከህብረተሰቡ ጋራ ቃል በገቡት መሠረት በቀን 12/10/2016 ለፈረስ ጉራ አራት ቦኖ ለወገራወ ሁለት ቦኖ ግንብተው በማጠናቀቅ አገልግሎት እንዲሰጥ አድርገዋል።

የተገነባው የውሃ ፕሮጀክት ከ1260 በላይ ለሆኑ የህብረተሰብ ክፍሎች አገልግሎት እንደሚያገኙ እና በቱርክ ቤተሰቦች አንድ ቦኖ ለአንድ ቤተሰብ በተገኘ ከአንድ ሚሊዮን በላይ ውጪ የተሸፈነ እና የወረዳ መንግስት እሰከ 250 ሺህ ብር በላይ መሸፈኑን ኃላፊው ገልፀዋል።

አክለውም የወረዳው መንግስት የህብረተሰቡን የንፁህ መጠጥ ውሃ ፈላጎት ለማሟላት ባደረገው ጥረት እንዲሁ የፅ/ቤቱ ባለሙያዎች በጉልበት እና በሙያው ላደረጉት ከፍተኛ ትብብር ምስጋና አቅርበዋል።

በውሃ ፕሮጀክት ረክብክብ ላይ የተገኘት የምሁር አክሊል ወረዳ ዋና አስተዳዳሪ አቶ ብስራት ገብሩ በህብረት በትብብር የሚሰሩ የንፁህ መጠጥ ውሃ ጥያቄ በቱርክ ቤተሰቦች የተገኘው ገንዘብ እና በወረዳው መንግስት አቅም ታክሎበት መሰራቱ ለትብብሩ ትልቅ ማሳያ ነው ብለዋል።

የማህበረሰብ ልማት በጎ አሳቢና የውሃ አሰሪ ክቡር ባባ ነጃቴ ኤሪል እና የማህበረሰብ ልማት አስተባባሪ ለሆኑት ለክብረት ወ/ሮ አሚና መኑር ልባዊ ምስጋና በወረዳው መንግስት እና በተጠቃሚው የህብረተሰብ ክፍሎች ስም ምስጋና አቅርበዋል።

ግንባታው በቱርክ ቤተሰቦች አንድ ቦኖ ለአንድ ቤተሰብ በሚል 1,050, 000 ውጪ እና የወረዳው መንግስት በወጣ 250,000 በላይ የተሸፈነ መሆኑን ጠቅሰው ማህበረሰቡ የውሃ ቦኖዎቹ ተገቢውን ጥበቃ በማድረግ በዘላቂነት የንፁህ መጠጥ ውሃ ተጠቃሚ መሆን አለበት በማለት መልዕክታቸው አስተላልፈዋል።

የማህበረሰብ ልማት በጎ-አሳቢና የውሃ አሰሪ ክቡር ባባ ነጃቴ እና የማህበረሰብ ልማት አስተባባሪ የሆኑት ክብርት ወ/ሮ አሚና መኑር የውሃ ፕሮጀክቱ ቃል በተገባው መሠረት ለመሰራቱ እና የወረዳው መንግስት ለደረገው ትብብርና ለሰጠው እውቅና ምስጋና አቅርበው በቀጣይ ተጨማሪ የውሃ ቦኖዎች ለመገንባት ቃል ገብተዋል።

ዘገባው የወረዳው መንግስት ኮምዩኒኬሽን ነው።

16/06/2024

ሴኔ 9/2016ዓ.ም
************** ህዝበ ሙስሊሙ የኢድ አል አድሀ አረፋ በዓል ሲያከብር አቅም የሌላቸው ወገኖች በማሰብ ሊሆን እንደሚገባ በምሁር አክሊል ወረዳ ውስጥ የሚገኙ የእስልምና ሀይማኖት አባቶች ተናገሩ።

በእስልምና ሀይማኖት ከሚከበሩ ሀይማኖታዊ በዓላት ውስጥ ኢዳል ፈጥር፣ የኢድ አል አደሀ አረፋ በዓል እና ሌሎችም ሲኖሩ በእስልምና ሀይማኖት ተከታዮች ዘንድ የአረፋ በዓል ከፍተኛ ግምት ተሠጥቶት በድምቀት ከሚከበሩ በዓላት ቀዳሚዉን ስፍራ ይይዛል፡፡

1445ኛ አመተ ሒጅራ ኢድ አል-አደሃ አረፋ በዓልን በማስመልከት በምሁር አክሊል ወረዳ የሀዋርያት ከተማ መስጂድ ኢማምና የወረዳው እስልምና ስራ አስፈፃሚ አባል ኡስታዝ ሙህዲን አህመዲን ለመላዉ የእስልምና እምነት ተከታይ ወገኖች የእንኳን አደረሳችሁ መልዕክት ያስተላለፉ ሲሆን የአረፋ በዓል ከተቸገሩ ወገኖች አብሮ በማሳለፍ ፣ በመረዳዳት በደስታ ልናሳልፈዉ ይገባልም ብለዋል።

በዓሉ ሲከበር ሐይማኖታዊ ስርአት እንዳለው ተናግረው በመጀመርያ ህዝበ ሙስሊሙ ሰፊ ሜዳ ላይ ተሰባስቦ ያላህ ታላቅነት የሚገልፀውን ቃል አላህ ዋክበር እያለ ኢድ ሰላት እንደ ሚሰግድና ቀጥሎም የእርድ ስነስርዓት እንደሚከናወን አውስተዋል።

የአረፋ በዓል የእርድ ስነ-ስርዓት በእስልምና ህግ አንድ ለእርድ የቀረበ ከብት ለሰባት ሰው የሚታረድ ሲሆን አንድ ሰው ካስገባው የቅርጫ ሥጋ 1/3ኛው ለቤተሰብ ፣ 1/3ኛው ከጎረቤትና ቤተ-ዘመድ ጋር አብሮ በመሆን የሚበላና 1/3ኛው ደግሞ በአካባቢው ለሚገኙ አቅመ ደካማ አካፍሎ እንዲጠቀም የሀይማኖቱ አስተምህሮት መሆኑን አመላክተዋል፡፡

ኡስታዝ ሙህዲን የዚህ በዓል መከበር ምክንያቱ በእስልምና አስተምህሮት በግልጽ እንደተቀመጠው በዙል ሂጃህ ወር በ9ኛ ቀን የሚከናወነው የአረፋ ሥርዓት የእስልምና ሃይማኖት የመጨረሻ ከፍታውን ያገኘበት እና የቁርአን የመጨረሻ አንቀፆች ለነቢዩ መሀመድ የወረደበት እለት በማሰብ እንደሆነና አደምና ሀዋ ከጀነት ከወጡ በኋላ ለመጀመሪያ ጊዜ በምድር የተገናኙበት እለት መሠረት በማድረግ ነው ብለዋል።

በሌላ መልኩ ደግሞ ነቢዩላህ ኢብራሂም በአላህ ትዕዛዝ አንድያ የበኩር ልጃቸውን ነብዩላህ ኢስማኢልን ለመስዋዕት አቅርበው ለፈጣሪያቸው ትዕዛዝ ከመገዛታቸው የተነሳ በልጃቸው ምትክ የበግ መስዋዕትነት ከሰማየ ሰማያት የተተካላቸው መሆኑን የሚታወስበት ዕለት መሆኑን ጠቅሰዋል።

እንደ ኡስታዝ ገለፃ በዓሉ ከሐይማኖታዊ ይዘቱ ባለፈ በማህበረሰብ መስተጋብር መጠናከር ላይ ከፍተኛ ሚና ሲኖረው የእስልምና እምነት ተከታይ የሆኑ በተለያዩ ስፍራዎች ላይ ተሰማርተዉ ከሚኖሩበት የሀገሪቱ ክፍሎች ወደ ትዉልድ መንደራቸዉ የሚመመለሱበትና በዓሉን ከወላጆች፤ ቤተሰብ፤ ዘመድ-አዝማድና ከአብሮ አደግ ጓደኛ በጋራ በመሆን የሚያከብሩት እና በስራ ምክንያት ተራርቆ የቆየዉን ዘመድ-አዝማድ ከያሉበት አሰባስቦ የሚያገናኝ ታላቅ በዓል ነዉ፡፡

በዓሉ ሲከበር ፍፁም ሰላማዊ በሆነ መንገድ ለሰላም ቅድሚያ በመስጠት እና በመተሳሰብ ሊሆን እንደሚገባ በመግለፅ ለመላው እስልምና እምነት ተከታዮች እንኳን ለ1445ኛው የኢድ አል አድሀ አረፋ በዓል በሰላም አደረሳችሁ ሲሉም መልዕክታቸው አስተላልፈዋል ሲል የዘገበው የምሁር አክሊል ወረዳ የመንግስት ኮሚዩኒኬሽን ጉዳዮች ጽ/ቤት ነው።

16/06/2024

ስኔ 9/2016ዓ.ም
********** የምሁር አክሊል ወረዳ የስራ ዕድል ፈጠራና ኢንተርፕራይዞች ልማት ፅ/ቤት የወጣቶች ስራ ዕድል ምክር ቤት አባላት እና የተቋሙ የማኔጅመንት አካላት የተደራጁ ማህበረትን የመስክ ምልከታ አደረጉ።

በወረዳው በጥቃቅን እና አነስተኛ ማህበር በተለያዩ ዘርፎች በመደራጀት የሚሰሩ በርካታ ወጣቶች መኖራቸው እና አበረታች ስራዎችም መኖራቸውን የምሁር አክሊል ወረዳ የስራ ዕድል ፈጠራና ኢንተርፕራይዞች ልማት ፅ/ቤት ኃላፊ የሆኑት አቶ ባህሩ ስባ ገልፀዋል።

ኃላፊው አክለውም በምሁር አክሊል ወረዳ ውስጥ የሚገኙ "በ2016 በከተማ እና በገጠር 2953 ስራ አጥ የሆኑ ወጣቶችን ለመለየት ታቅዶ 3088 ስራ አጥ ወጣቶች በመለየት 2716 ወጣቶች የስራ እድል በመፍጠር ወደ ስራ መግባታቸውንም ጠቅሰዋል።

የምልከታው ዋና አላማ የስራ ዕድል ፈጠራ ምክር ቤቱ የመስክ ምልከታ በማድረግ ማህበራቱ ያለባቸውን ችግር በመለየት ድጋፍ ለማድረግ እና ችግሩ ቀርፎ ማህበራቱ በተሰማሩበት ዘርፍ ውጤታማ እንዲሆኑ መድረግ መሆኑን አመላክተዋል።

ወጣቶቹ በተደራጁበት የስራ ዘርፍ አመርቂ ውጤት እንዲያሳዩ በየጊዜው ጽ/ቤቱ ድጋፍ እና ክትትል እያደረገላቸው እንደሚገኝ ተናግረው በተጨማሪም ለማህበራቱ የብድር፣ የሙያና የተለያዩ ድጋፍ የማድረግ ስራ እየተሰራ መሆኑን ገልጸዋል።

በምልከታው በሽሃራ ቀበሌ ናትባቅርነ ከ21 ሺህ በላይ የቡና ችግኝ በማፍላት የተሠማሩ ወጣቶች፤ ዘናበነር ቀበሌ እዩየባጃጅና የሞተር መለዋወጫ፣ ቲቸን ሳረረ የአንድ ቀን ጫጩት እና ይፈዝ ነረን ጌታ የእንጨት ስራ ማህበራት የመስክ ምልከታ ተደርጎአል።

የምሁር አክሊል ወረዳ ዋና አስተዳዳሪ አቶ ብስራት ገብሩ በምልከታው ተገኝተው የስራ ዕድል ፈጠራ ምክር ቤቱ የመስክ ምልከታ ማድረጉ ማህበራት ያለባቸውን ችግር ለመለየትና ድጋፍ በማድረግ ሁለንተናዊ ለውጥ እንድያመጡ እንደሚረዳ ገልፅዋል።

ወጣቶች ካልባሌ ቦታ በመዋል ጊዜ ከማባከን ይልቅ በጥቃቅን እና አነስተኛ ማህበር በመደራጀት እራሳቸው እና ህብረተሰባቸውን ሊጠቅም በሚችል ስራ ላይ ጉልበታቸውን እና እውቀታቸውን በማቀናጀት ወቅቱ የሚፈልገውን የገበያ ሁኔታ ለይተው ወደተግባር መግባት አለባቸው ሲሉ ጠቅሰዋል።

አቶ ብስራት አክለውም በምልከታው አበረታች ስራ መኖሩን ተናግረው ማህበራት የሚገጥማቸውን ችግር በመቋቋም እና ጊዜያቸው በአግባቡ ተጠቅመው የማህበረሰባቸውን ችግር የሚቀርፍ ስራ በትጋት መስራት እንዳለባቸው አሳስበው የወረዳው መንግስት ወጣቶችን በማንኛውም መልኩ ድጋፍ ለማድረግ ዝግጁ መሆኑን አመላክተው በተጨማሪም በሚሰሩት ስራ የገበያ ትስስር በመፈጠር ረገድ ከሚመለከታቸው ባለድርሻ አካላት ጋራ እንድሚስራ ገልፅዋል።

በምሁር አክሊል ወረዳ በጥቃቅን እና አነስተኛ ዘርፍ ተደራጅተው በመስራታቸው ውጤታማ መሆናቸውን በጥቃቅን እና አነስተኛ ዘርፍ ተሰማርተው እየሰሩ የሚገኙ ወጣቶች ተናግረዋል።

እንደ ወጣቶቹ ገለፃ የወረዳው መንግስት በተለያዩ የቢዝነስ ዘርፎች ተደራጅተው እንዲሰሩ ምቹ ሁኔታዎች እንዳመቻቸላቸው ገልፀው በተፈጠረላቸው እድልም በዶሮ እርባታ፣በእንጨት ስራ፣በችግኝ ማፍላት እና ሌሎችም የስራ መስኮች በመሰማራት ውጤታማ እየሆኑ እንደሚገኙ ገልፀዋል።

ማህበራቶቹ ስራ በማጣት እንዳይባዝኑ የወረዳው መንግስት እና ኢንተርፕራይዝ ጽ/ቤት እያደረገው ላለው ሁለንተናዊ ድጋፍ እና ክትትል አመስግነው በቀጣይም በተደራጁበት የስራ መስክ ይበልጥ ውጤታማ እንዲሆኑ የገበያ ትስስር እንዲፈጠርላቸው እና ድጋፍና ክትትሉ ተጠናክሮ እንዲቀጥል ጠይቀዋል ሲል የዘገበው የወረዳው የመንግስት ኮምዩኒኬሽን ጉዳዮች ጽ/ቤት ነው።

15/06/2024

ሰኔ 8/2016ዓ.ም
➝➝➝➝➝➝የምሁር አክሊል ወረዳ ዋና አስተዳዳሪ አቶ ብስራት ገብሩ ለመላው እስልምና እምነት ተከታዮች ለ1445ኛ የኢድ-አል አደሃ አረፋ በዓል የእንኳን አደረሳችሁ መልዕክት አስተላለፋ።

የአረፋ በዓል ከሀይማኖታዊ በዓልነቱ ባለፈም በህዝባችን ዘንድ የሚፈጥረው ማህበራዊ መስተጋብር ከፍተኛ በመሆኑ ከእስልምና እምነት ተከታዮች ባለፈ የሌሎችም እምነት ተከታይ የህብረተሰብ ክፍሎች በፍቅርና በጉጉት የሚጠብቁት በዓል መሆኑን አቶ ብስራት ገልፀዋል።

የኢድ-አል አደሃ አረፋ በዓል በፍቅርና በአብሮነት የሚከበር ሲሆን አቅም የሌላቸዉ የእምነቱ ተከታይ ወገኖች ማዕድ የማጋራት፣ አልባሳት እና መሰል አስፈላጊ የሆኑ ግብዓቶችም ሳይቀር የሚለግሱበት፣ እርስ በርስ የመደጋገፍ ባህላችን በተግባር የሚገለፅበት ሀይማኖታዊ በዓል እንደሆነም ጠቅሰው ይህንን መልካም ዕሴት ይበልጥ ተጠናክሮ እንዲቀጥልም ገልፀዋል።

ዋና አስተደዳሪው አያይዘውም በዓሉ ከዚህ ቀደም እንደተለመደው የእርስ በርስ ማህበራዊ ግንኙነታችንና የትብብር ሥርዓታችን ይበልጥ በሚያጠናክር አግባብ የተሟላ ቅድመ ዝግጅት ከአካባቢያችን ፅዳት፣ የእርድ ከብት ከመግዛት ጀምሮ እሰከ እርድ ማሰናዳት፣ በበዓል ወቅትም እርስ በርስ በመጠያየቅ፣ እንግዶች ተቀብሎ የማስተናገድ ልማዳችን ከወትሮውም በላይ በማሳደግ ማህበራዊ መስተጋብራችን ከፍ ማድረግ እንደሚገባ አመላክተዋል።

በወረዳችን በእስልምናው እምነት ተከታዮች ዘንድ የአረፋ በዓል በልዩ አካባበር የሚከበር ሲሆን በስራ ምክንያት ከቤተሰባቸው ተራርቀዉ የነበሩና በተለያዩ የሃገራችን ከተሞችም ይሁን በውጭ አገር የሚኖሩ የእምነቱ ተከታይ ወገኖች ቤተሰቦቻቸው ጋር በዓል ለማክበር ብቻም ሳይሆን የቤተሰቦቻቸውና የታላላቆች ምርቃት ለመቀበል፣ ወዳጆቻቸውና በቆይታ ምክንያት የናፈቃቸው የአካባቢ ማህበረሰብ ለመጠየቅ የሚያስችላቸው በዓል እንደሆነም አመላክተዋል።

ታላቁ የኢድ አል–አድሃ አረፋ በዓል የመስዋዕትነት በዓል በመሆኑ ህዝበ ሙስሊሙ ሳይሰስት የወገን ደራሽነትና አጋርነቱ በተግባር ከሚያሳይባቸው መካከከል ይጠቀሳል። በጎነት ከፍ ተደርጎ የሚገለፅበት ዓይነት ሁነቶች በበዓሉ እንደሚከናወኑ በመጥቀስ በተለይም ድጋፍ የሚሹ ወገኖች የመደገፍ ሀይማኖታዊና የማህበረሰባችን ዕሴት የሆነውን መልካምነትና በጎነት ይበልጥ እያደገ እንዲሄድ በየአካቢው ዓረዓያነት ያላቸው ተግባራት እንዲፈፀሙ ዋና አስተዳዳሪው ገልፀዋል።

በዓሉ ሠላማዊና እንከን የለሽ ሆኖ እንዲከናወን የኃይማኖት መሪዎች፣ ወጣቶች፣ የዕምነቱ ተከታዮች፣ መላው ህዝባችን ከፀጥታ አባሎቻችን ጎን እንዲቆሙ እና በትብብር አስፈላጊው እንቅስቃሴ እንዲያደርጉ የአደራ መልዕክትም አቅርበዋል።

ለእስልምና ዕምነት ተከታዮች ሁሉ ታላቁ የኢድ አል–አድሃ አረፋ በዓል የሠላም፣ የፍቅር እና የበረከት እንዲሆንላቸው መልካም ምኞታቸው በማቅረብ እንኳን ለ1445ኛው አል–አድሃ አረፋ በዓል በሠላም አደረሳችሁ ማለታቸውን የዘገበው የምሁር አክሊል ወረዳ የመንግስት ኮሚኒኬሽን ጉዳዮች ፅ/ቤት ነው።

14/06/2024

ሰኔ 7/2016ዓ.ም
===========

የጉራ ጌዞን ወጣቶችና ስፖርት መምርያ የ2016 ዓ.ም የበጋ ወራት የወጣቶች በጎ ፈቃድ አገልግሎት መዝጊያ እና የክረምት የወጣቶች በጎ ፈቃድ አገልግሎት የማስጀመሪያ መርሃ-ግብር በምሁር አክሊል ወረዳ አካሄደ፡፡

በጎነት ለኢትዮጵያ ከፍታ" በሚል መሪ ቃል የዘንድሮ የበጋ የወጣቶች በጎ ፈቃድ መዝጊያና የክረምት የወጣቶች በጎ ፈቃድ አገልግሎት የማስጀመሪያ መርሃ ግብር የተካሄደ ሲሆን፤ በመድረኩም የጉራጌ ዞን ዋና አስተዳዳሪ አቶ ላጫ ጋሩማ፣ የዞኑ የመንግስት ዋና ተጠሪ አቶ ክብሩ ፈቀደ፣ የምሁር አክሊል ወረዳ ዋና አስተዳዳሪ አቶ ብስራት ገብሩ ፣የዞን፣ የወረዳና ከተማ አስተዳደር የስራ ኃላፊዎችና ሌሎችም ተገኝተዋል።

የጉራጌ ዞን ወጣቶችንና ስፖርት መምሪያ የበጋው ወቅት የበጎ ፈቃድ አገልግሎት መዝጊያ እና የክረምት በጎ ፈቃድ አገልግሎት ማስጀመሪያ ፕሮግራም ለመሳተፍ ወደ ምሁር አክሊል ወረዳ ለመጡ እንግዶች የወረዳው ዋና አስተዳዳሪ አቶ ብስራት ገብሩ የእንኳን ደህና መጣችሁ መልዕክት ባስተላለፉበት ወቅት አሁን ላይ በዕቅድ ታስቦበት የሚሰራው የበጎ ፈቃድ ስራ በማህበረሰቡ ዘንድ ሲሰራ የቆየ እና እንደ ባህል የሚወሰድ መሆኑን አንስተው በጎነት ለራስ ዋጋ ያለው በመሆኑ ለሠው ልጅ ካለማንም ግፊት እውቀትን፣ጉልበት እና ገንዘብን በማቀናጀት የሚስራ የመልካምነት መገለጫ ተግባር በመሆኑ ሁሉም ሊሰራው ይገባል ብለዋል።

የበጎ ፈቃድ ስራዎች በየዓመቱ በትኩረት እየተሰራባቸው ያሉ እና ከ16 በላይ ዘርፍ ያለቸው በቅንጅት የሚሰሩ የመልካምነት መገለጫ ስለሆኑ ሁሉ በትኩረት ሊስራቸው ይገባል በማለት በመልዕክታቸው ገልፀዋል።

የ2016/17 የበጋው የበጎ ፈቃድ የተግባር አፈፃፀም እና የክረምት የበጎ ፈቃድ ማስጀመሪያ እቅድ ያቀረቡት የጉራጌ ዞን ወጣቶችና ስፖርት መምሪያ የወጣች ዘርፍ ኃላፊ የሆኑት አቶ ዳሳለኝ አንሳ በበጋው የበጎ ፈቃድ አገልግሎት በ16 ዘርፎች ከ100 ሺህ በላይ ወጣቶች በማሳተፍ ከ300 ሺህ በላይ የሆኑ የማህበረሰቡ ክፍሎችን መስጠቀም መቻሉን ገልፀዋል።

በበጎ አድራጎቱ በመንግሥት ሊወጣ የነበረው ከ88 ሚሊዮን ብር በላይ ማትረፍ መቻሉን ጠቅሰዋል።አክለውም በትምህርት፣በጤና በግብርና ዘርፍ የተሻሉ የበጎ ተግባር ስራ የተሰራ መሆኑን እና በተለይም የአዲሱን ስርዓት ትምህርት መፃህፍት ከማሟላት እና የደም ልገሳ ለአብነት አንስተዋል።
በተጨማሪም በክረምቱ የበጎ ፍቃድ አገልግሎት ያሉትን መልካም አጋጣሚዎች ተጠቅሞ በሁሉም ዘርፍ ወጣቶች በማሳተፍ ለመስራት ሁሉም ባለድርሻ አካለት የበኩላቸውን ለመወጣት፧ የተሰጣቸው እቅድ መነሻ በማድረግ መስራት ይገባቸዋል ብለዋል።

የጉራጌ ዞን ወጣቶችና ስፖርት መምሪያ ኃላፊ አቶ ፈይሰል ሀሰን በንቅናቄ መድረኩ ላይ ተገኝተው በጎ ፈቃድ አገልግሎት መስጠት የሞራል ግዴታ መሆኑን ጠቅሰው በጎ ነገር ለማድረግ መልካም ልብ እንጂ በሀይል የተሞላ ጉልበት እንደማይጠይቅ በመጠቆም የዞኑ ማህበረሰብ የቆየ የመረዳዳትና የመደጋገፍ እሴቶችን በመጠቀምና አቅመ ደካማ የማህበረሰብ ክፍሎች አዲስ ቤት የመገንባት፣ የማደስና የደም ልገሳ ፕሮግራም ላይ በ12 ዘርፎች 107 ሺህ 74 ወጣቶችን በማሳተፍ 307 ሺህ 2 መቶ 33 የማህበረሰብ ክፍሎችን ማስጠቀም መቻሉን ተናግረዋል።

እንደ ኃላፊው ገለፃ በበጎ ፍቃድ አገልግሎት ከ18 እሰከ 29 ዓመት የእድሜ ክልል ውስጥ የሚገኙ ወጣቶች እና የበጎ ፈቃድ አገልግሎት ማህበራት በማሳተፍ የዞኑ አቅምና የማህበረሰቡ ፍላጎት በማመጣጠን የማህበረሰብ ክፍሉ ተጠቃሚ ለማድረግ እየተሰራ፨ መሆኑን አመላክተዋል።

በክረምት በጎ ፈቃድ አገልግሎት ላይ የተሻለ ለውጥ ለማስመዝገብ በበጋ በጎ ፈቃድ አገልግሎት ላይ ከነበረው ትምህርት ወስዶ እና ጉድለቱ በማረም በጎ ፍቃደኞችን በአግባቡ በማሳተፍ የተሻለ እና ውጤታማ ስራ ይጠበቅብናል ብለዋል።

ሰዎች በመርዳት እራሳቸው ችለው እንዲወጡ ማድረግ የጉራጌ ማህበረሰብ የቆየ እሴቱና ባህሉ መሆኑን የጉራጌ ዞን ዋና አስተዳዳሪ አቶ ላጫ ጋሩማ ተናግረው ይህ በጎ እሴቱ አጠናክሮ ማስቀጠል እንዳለበት ገልፀዋል።

ከተረጂነት ወደ ምርታማነት በሚደረገው ጉዞ የበጎ ፈቃድ አገልግሎት ተግባር ወሳኝ መሆኑን ተናግረው በሚቀጥለው ሁለት ዓመታት ጊዜ ውስጥ ድህነትን እና ተረጂነት ለማስወገድ መረዳት የሚገባቸው የማህበረሰብ ክፍሎች(ራሳቸው መስራት የማይችሉ አቅመ ደካሞች ፣አካል ጉዳተኞች ፣በመሬት ጥበት ምክንያት እራሳቸው የማይችሉ ወገኖች እና መሠል የማህበረሰብ ክፍሎች መረጃ አጣርቶ በመያዝ እና መነሻ በማድረግ የበጎ ፈቃድ አገልግሎት እንዲያገኙ አድርጎ በዘላቂነት እራሳቸው እንዲችሉ ማድረግ እንደሚየስፈልግ አሳስበዋል።

አቶ ለጫ አክለውም የበጎ ፈቃድ አገልግሎት ከተረጂነት ወደ ምርታማነት በሚል የተጀመረው ሀገራዊ ንቅናቄ ጋር በማቀናጀት ተረጂዎችን ወደ ምርታማነት ማሳደግ እና ባላቸው መሬት ማረስ የማይችሉትን በበጎ ፍቃደኛ ወጣቶች አማካኝነት እና ህጋዊ ማንነት ያላቸው የበጎ ፍቃድ ማህበራት በማደራጀት ማሳዎቻቸው ማረስ ያስፈልጋል ብለዋል።

በመጨረሻም የአንድ አቅመ ደካማ ቤት በመስራት እና በሐዋርያት የመጀመርያ ደረጃ ሆስፒታል ግቢ ውስጥ ችግኝ በመትከል በበጎ ፈቃድ አገልግሎት ተሳትፈዋል።

14/06/2024

35ኛ መደበኛ የሚኒስትሮች ምክር ቤት ስብሰባ ውሳኔዎች

የሚኒስትሮች ምክር ቤት በዛሬው ዕለት ባካሄደው 35ኛ መደበኛ ስብሰባ በተለያዩ ጉዳዮች ላይ ተወያይቶ ውሳኔ አሳለፈ፡፡

1. ምክር ቤቱ በቅድሚያ የተወያየው የኢትዮጵያ መንግስት ከዓለም አቀፍ የልማት ማህበር ጋር የ2ኛ ዙር የከተሞች የመጠጥ ውሃ አቅርቦት እና ሳኒቴሽን ፕሮጀክት ማስፈፀሚያ የሚውል ተጨማሪ ብድር ለማግኘት የተፈረመውን የብድር ስምምነት ለማጽደቅ በቀረበ ረቂቅ አዋጅ ላይ ነው፡፡ በብድር የተገኘው 207,200,000 የአሜሪካ ዶላር ሲሆን የመጠጥ ውሃ አቅርቦት፣ የሳኒቴሽንና ሃይጂን አገልግሎት ተግባራትን ለማሻሻልና የዘርፉን የማስፈጸም አቅም ለማጠናከር የሚውል ነው፡፡ ብድሩ ወለድ የማይታሰብበት፣ 0.75% የአገልግሎት ክፍያ የሚከፈልበት ሆኖ 6 ዓመት የችሮታ ጊዜን ጨምሮ በ38 ዓመት ተከፍሎ የሚጠናቀቅ ነው፡፡ ምክር ቤቱ ብድሩ ከአሀራችን የብድር አስተዳደር ፖሊሲ ጋር የሚጣጣም መሆኑን በማረጋገጥ ረቂቅ አዋጁ ለህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

2. በመቀጠል ምክር ቤቱ የተወያየው የንብረት ታክስ ረቂቅ አዋጅ ላይ ነው፡፡ የንብረት ታክስ በከተሞች ነዋሪ በሆነው ሕዝብ መካከል ፍትሃዊ የሃብት ክፍፍል ለማስፈን፤ የመንግስት አገልግሎቶችን በተሻለ ጥራትና በዘመናዊ ዘዴ ማቅረብ ለማስቻል እና የከተማ መሰረተ ልማት ማሻሻያዎችን በቀጣይነት ለመተግበር የሚወጣውን የኢንቨስትመንት ወጪ በንብረት ዋጋ ማደግ ምክንያት በሚጣል ታክስ አማካኝነት ለመሰብሰብ የሚያስችል ነው፡፡ አዋጁ በመላ ሀገሪቱ በሚገኙ ከተሞች ውስጥ ተፈጻሚነት የሚኖረው ሲሆን፤ ክልሎችም ይህንን አዋጅ መሰረት በማድረግ ከተጨባጭ ሁኔታቸው ጋር በተጣጣመ አኳኋን የየራሳቸውን የንብረት ታክስ ህግ እንዲያወጡ ያስችላል። በዚሁ መሰረት ይህንን ለማስፈጸም የሚረዳ ረቂቅ አዋጅ ተዘጋጅቶ ቀርቧል፡፡ ምክር ቤቱም በቀረበው ረቂቅ አዋጅ ላይ ከተወያየ በኋላ ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

3. በ3ኛ ምክር ቤቱ የተወያየው የኢትዮጵያ ንግድ ባንክ የሪፎርም እና የካፒታል ማሳደጊያ ዕቅድ ላይ ነው፡፡ የባንኩን የሀብት ጥራት ለማሻሻል እና በአስተማማኝ መልኩ የካፒታል መጠኑን በማሳደግ ለኢኮኖሚው ዕድገት እና ልማት የሚያደርገውን አስተዋጽኦ ዘላቂነት ባለው መልኩ ተግባራዊ እንዲያደርግ ለማስቻል የሚረዱ የውሳኔ ሃሳቦች ለሚኒስትሮች ም/ቤት ቀርበዋል፡፡ እነዚህም የባንኩን አስተዳደራዊ ውጤታማነት ማጎልበት፤ የሂሳብ መግለጫዎቹን ጠንካራና ተቀባይነት ባለው መልኩ እንዲዋቀር ማድረግ እና የባንኩን ካፒታል ለማሳደግ የሚረዳ የመንግሥት የፋይናንስ አቅርቦት ማሻሻል የሚሉ ናቸው፡፡ ምክር ቤቱ በማሻሻያ እቅዱ ላይ ተወያቶ ወደቀጣይ ተግባር እንዲገባ በሙሉ ድምጽ ወስኗል፡፡
4. ሌላው ምክር ቤቱ የተወያየው የኢትዮጵያ ብሄራዊ ባንክ ረቂቅ አዋጅ ላይ ነው፡፡ ባለፉት 16 ዓመታት በስራ ላይ የቆየው አዋጅ ሁሉንም የልማት ተዋናዮች ያሳተፈ የብልጽግና ዕቅድ ተግባራዊ ከማድረግ አኳያ፣ ከዓለም አቀፍ ተሞክሮና መርሆች አንጻር፣ ከአቻ ማዕከላዊ ባንኮች መልካም ተሞክሮ፣ከገንዘብ ፖሊሲ ውጤታማነት እንዲሁም በፋይናንስ ራስን ከመቻል አንጻር ክፍተቶች ያሉበት በመሆኑ፤ ባለፉት አመታት በአገር ውስጥም ሆነ በዓለም አቀፍ ደረጃ የተከሰቱ በርካታ የኢኮኖሚ፣ የፋይናንስ፣ የቴክኖሎጂና የጂኦ-ፖለቲካ ለውጦች በመኖራቸው፤ የባንኩን ጤናማ የፋይናንስ ሥርዓት የማስፈን፣ ዋጋን የማረጋጋት እና ለኢኮኖሚ ዕድገት አስተዋጽኦ የማድረግ ተልዕኮ ለማሳካት አዋጁን ማሻሻል እንደሚገባ ስለታመነበት ረቂቅ አዋጁ ተዘጋጅቶ ቀርቧል፡፡
ምክር ቤቱም በቀረበው ረቂቅ አዋጅ ላይ ከተወያየ በሁዋላ ግብአቶችን ታክለው ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

5. በመቀጠል ምክር ቤቱ የተወያየው ስለባንክ ስራ በቀረበው ረቂቅ አዋጅ ላይ ነው፡፡ ባለፉት አመታት በሀገር አቀፍም ሆነ በዓለም አቀፍ ደረጃ በርካታ የኢኮኖሚ፣ የቴክኖሎጂ፣ የአደረጃጀትና የአሠራር እና የመንግስት ፖሊሲ ለውጦች በመኖራቸው፤ ሀገራችን ለረጅም ጊዜ ዝግ አድርጋው የነበረውን የባንክ ስራን ለውጭ ሀገራት ክፍት ማድረጓን ተከትሎ ይህንን ለመምራት፣ የፍቃድ አሰጣጥን ለመወሰን እና ለማስተዳደር የሚያስችል የህግ እና የቁጥጥር ስርአት መዘርጋት አስፈላጊ ሆኖ በመገኘቱ ረቂቅ አዋጁ ተዘጋጅቶ ቀርቧል፡፡ ምክር ቤቱም በቀረበው ረቂቅ አዋጅ ላይ ከተወያየ በኋላ ግብአቶችን ታክለውበት ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡
6. በመጨረሻም ምክር ቤቱ የተወያየው የአካባቢና ማህበራዊ ተፅዕኖ ግምገማ ረቂቅ አዋጅ ላይ ነው፡፡ የልማት ፕሮጀክቶች ከመተግበራቸው በፊት የአካባቢና ማህበረሰብ ተጽእኖ ግምገማና ጥናት እንዲካሄድባቸው በማድረግ ተጽእኖዎቹን አስቀድሞ በመተንበይ አሉታዊ ተጽእኖዎችን ለማስቀረት ወይም ለመቀነስ መተግበር ስላለባቸው ስራዎች የሚደነግግ እና የአካባቢ ጥበቃ ቁጥጥር አሰራርን በተቀናጀ መልኩ ስራ ላይ ለማዋል የሚያስችል ወጥ የሆነ ሀገራዊ የአካባቢና ማህበራዊ ተጽዕኖ ግምገማ ረቂቅ አዋጅ ተዘጋጅቶ ለሚኒስትሮች ምክር ቤት ቀርቧል፡፡ ምክር ቤቱም በረቂቅ አዋጁ ላይ በስፋት ከተወያየ በኋላ ግብአቶችን በማከል ወደ ህዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡

14/06/2024

ሰኔ 7/2016ዓ.ም
===========

ዞናዊ የ2016 የበጋ ወራት የወጣቶች በጎ ፍቃድ አገልግሎት መዘጊያ እና የክረምቱ መክፈቻ መርሀ ግብር በምሁር አክሊል ወረዳ ሐዋርያት ከተማ እየተካሄደ ይገኛል።

በመድረኩም በዞኑ የተከናወኑ የወጣቶች የበጋ በጎ ፍቃድ አገልግሎት ሪፖርት እየቀረበ ይገኛል።
በእለቱም የበጎ ፍቃድ ስራ በሐዋርያት ከተማ በይፋ ይጀመራል ተብሎ ይጠበቃል።

ዝርዝር መረጃዎች ይዘን የምንቀርብ መሆኑን እንገልፃለን።

12/06/2024

ሰኔ 05/2016ዓ.ም
=========== #በምሁር አክሊል ወረዳ በ14 የፈተና ጣቢያዎች ሲሠጥ የነበረው የ8ኛ ክፍል ክልል አቀፍ የሚኒስትሪ ፈተና በሰላም መጠናቀቁ የምሁር አክሊል ወረዳ ትምህርት ጽ/ቤት አስታወቀ።

ፈተና የተማሪዎች የመማር ውጤት የትምህርት ስርዓትን ውጤታማነት በመለካት የትምህርት ጥራት፣ ውስጣዊ ብቃትና ተገቢነት ለማረጋገጥ ጉልህ ሚና አለው ሲሉ የምሁር አክሊል ወረዳ ትምህርት ፅ/ቤት ዋና ኃላፊ አቶ አንዳምላክ ባረጋ ገለፁ።

ወረዳችን በትምህርቱ ዘርፍ እንደ ሀገር የትምህርት ጥራት ለማረጋገጥ በሚደረገው ጥረት ሁሉም የበኩሉን አስተዋጸኦ በማድረግ ኃላፊነቱን እየተወጣ ይገኛል።

በ2016 የትምህርት ዘመን የ8ኛ ክፍል ክልል አቀፍ የሚኒስትሪ ፈተና 1969 ተማሪዎች ይፈተናሉ ተብሎ ፎርም ሞልተው 1956 ተማሪዎች የተፈተኑ ሲሆን በግል 39 ተማሪዎች በአጠቃላይ 1998 ተማሪዎች ፈተናውን በዛሬው እለት ወስደው አጠናቀዋል።

እንደ ኃላፊው ገለጻ የፈተና ስርዓቱ ለመከታተል የትምህርት ተቋማት አመራር፣ የማኔጅመንት አካላት፣ ባለሙያዎች በ14ቱም የፈተና ጣቢያ ከኦረንቴሽን ጀምሮ ክትትል ሲያደርጉ እንደነበርና ፈተናውም በሰላማዊ መንገድ ወደ ወረዳ ማዕከል አስገብተናል ብለዋል።

አቶ አንዳምላክ አክለው ፈተናው በክላስተር ደረጃ እንደተሰጠ ገልፀው ተማሪዎቹ ፈተናውን ካጠናቀቁ በኋላ በተፈተኑበት ትምህርት ቤት ውስጥ የችግኝ ተከላ መረሃ-ግብር አከናውነዋል።

በመጨረሻም ለፈተናው ጥብቅ ክትትልና ድጋፍ ሲያደርጉ ለነበሩ ተቋማት፣ ግለሰቦች ምስጋና አቅርበው ለመላው የ8ኛ ክፍል ክልል አቀፍ ፈተና የወሰዱ ተማሪዎች መልካም ውጤትን ተመኝተዋል።

ፈተናው በሰላማዊ መንገድ ተረጋግተው መፈተናቸውንና በቀጣይ ጥሩ ውጤት አምጥተው ወደ ሁለተኛ ደረጃ ትምህርት ቤት ገብተው ለመማር ከወዲሁ ዝግጁ እንደሚሆኑ በፈተናው ማብቂያ ላይ ያነጋገርናቸው ተማሪ አህመድ ሁሴን እና ራህመት ሙሰማ በጋራ በሰጡት አስተያየት ገልፀዋል።

ተማሪዎቹ እንደገለፁት የፈተናው ስርዓት እጅግ ጥሩ እንደሆነና በቀጣይም ተጠናክሮ መቀጠል እንዳለበት አንስተው እንደ ወረዳ የመምህራን ምደባ በተለይ በሰለጠኑበት የሙያ መስክ እንዲያስተምሩ ቢደረግ በቀጣይ የተሻለ ውጤታማ የሆነ ትውልድ መፍጠር ይቻላል ሲሉ ሀሳባቸውን አንስተዋል።

ዘገባው፦ በማእከላዊ ኢትዮጵያ ክልል በጉራጌ ዞን የምሁር አክሊል ወረዳ የመንግስት ኮምዩኒኬሽን ጉዳዮች ፅ/ቤት ነው።

09/06/2024

ሰኔ 2/2016 ዓ.ም *******የምሁር አክሊል ወረዳ ግብርና ጽ/ቤት የ2016/17የምርት ዘመን ወረዳዊ የመኸር እርሻ ልማት ንቅናቄ መድረክ የተለያዩ ባለድርሻ አካላት በተገኙበት አካሄደ።

የምሁር አክሊል ወረዳ ግብርና ጽ/ቤት ዋና ኃላፊ አቶ መኑር ጀማል በመኸር የግብርና ወቅት የተሻለ ምርትና ምርታማነትን ለማስመዝገብ በሚደረገው ጥረት የታቀዱ ተግባራትን እውን ከማድረግ ረገድ ሁሉም የዘርፉ ባለሙያና ባለድርሻ አካላት በንቅናቄ መድረኩ የጋራ መግባባትን በመፍጠር በጋራ ሊረባረብ እንደሚገባ አሳስበዋል።

በ2015/16 ምርት ዘመን ወረዳው በመኸር እርሻ 5800 ሄክታር ታቅዶ 5190 ሄክታር መሬት በማልማት 149436 ኩንታል ምርት ማምረት መቻሉን ኃላፊው ጠቁመዋል።

አቶ መኑር 2016/17 ምርት ዘመን የመኸር እርሻ እንቅስቃሴ አበረታች መሆኑን ተናግረው በቀጣይም ካለፈው የምርት ወቅት ትምህርት በመውሰድ እና ውስንነቶች በማረም በሰብል ላይ ሊከሰቱ የሚችሉ በሽታዎችን ለመከላከል አርሶ አደሩ በቀበሌው ካሉ የግብርና ባለሙያዎች ጋር በቅርበት በመሥራት የመከላከል እና የመቆጣጠር ሥራ መስራት እንደሚያስፈልግና ምርትና ምርታማነት ማሳደግ እንደሚገባ አሳስበዋል።

የ2015/16 የመኸር አፈፃፀም እና የ2016/17 የመኸር እርሻ ዕቅድ በወረዳው የግብርና ጽ/ቤት ምክትል ኃላፊ እና የእርሻ ዘርፍ አስተባባሪ የቀረበ ሲሆን ተሳታፊዎቹ የቀረበው ሰነድ መነሻ በማድረግ ጥያቄ ቀርቦ ምላሽ ተሰጥቶበታል።

የምሁር አክሊል ወረዳ ዋና አስተዳዳሪ አቶ ብስራት ገብሩ በመድረኩ ላይ ተገኝተው የወረዳው የግብርና አቅም ከፍተኛ መሆኑን በመረዳት ተፈጥሮ የሰጠንን ፀጋ ከመጠቀም አንፃር ክፍተት መኖሩን ጠቅሰው ጊዜው ከተረጅነት በምግብ ራስን ወደ መቻል የምንሄድበት በመሆኑ ሁሉም ባለድርሻ አካላት የግብርና ስራ በትኩረት መስራት አለብን ብለዋል።

በግብርና ዘርፍ በሚሰሩ ስራዎች ላይ የታቀደውን ዕቅድ በማሻሻልና ተቀናጅቶ በመስራት የወረዳው የምግብ ዋስትና ማሳደግ እንደሚገባ አመላክተዋል።

በሁሉም የሰብል ዘርፍ ላይ ምርታማነት ለማሳደግ ያለውን የመሬት ተፈጥሯዊ ሁኔታ ከግንዛቤ በማስገባት ሞዴል አርሶ አደሮችን በመጠቀም ግንዛቤ መፍጠር እንደሚገባ አስተዳዳሪው ገልፀው ኩታ ገጠም የአተራረስ ዘዴን ተጠቅሞ በማረስ ምርትና ምርታማነት ለማሳደግ ሁሉም ባለድርሻ አካል የድርሻውን መወጣት እንዳለበት አስገንዝበዋል።

አቶ ብስራት አክለውም በቡና ልማት ስራ በትኩረት በመስራት በተለይም የመንግሥት እና የሀይማኖት ተቋማት በግብርና ስራ ላይ ሞዴል በመሆን የተቋሙን ገቢ ማሳደግና መማሪያ ሊሆኑ ይገባል ሲሉ ገልፀዋል።

በመጨረሻም የፍራፍሬና የሌማት ትሩፋት ስራዎችን በሁሉም ቀበሌ በመስራት ውጤታማ መሆን አለብን በማለት መልዕክታቸውን አስተላልፈዋል።
የኑሮ ውድነቱ ለመቋቋምና በምግብ ራስን ለመቻል የግብርና ዘርፋን በማዘመን በቅንጅት መስራት አማራጭ የሌለው መሆኑን የገለፁት የጉራጌ ዞን የፕላንና ልማት መመሪያ ኃላፊ እና የም/አ/ወ/ደጋፊ አመራር የሆኑት አቶ ከበደ ኃይሌ ናቸው።

የትኛውም የወረዳው አርሶ አደር በቀን ሦስት ጊዜ መመገብና በምግብ ራስን ለመቻል መስራት ይጠበቅበታል ብለዋል።በቀበሌ ውሰጥ የሚገኙ ምርት ሊሰጡ የሚችሉ የግል፣ የመንግስት እና የሀይማኖት ተቋማት መታረስ መቻል አለባቸው በማለት መልዕክት አስተላልፈዋል።

በመኸር እርሻው 1309 ሄክታር ለማረስ ታቅዶ እስካሁን የታረሰው 958 ሄ/ር መሆኑን ጠቅሰው ቀሪውን በቀጣይ ቀናት መታረስ እንዳለበት በማጠቃለያ መልዕክታቸው አሳስበዋል ሲል የዘገበው የምሁር አክሊል ወረዳ የመንግስት የኮምዩኒኬሽን ጉዳዮች ጽ/ቤት ነው።

Address

Hawariyat
Wolkite

Website

facebook.com

Alerts

Be the first to know and let us send you an email when በጉራጌ ዞን የምሁር አክሊል ወረዳ የመንግስት ኮሚዩኒኬሽን ጉዳዮች ጽ/ቤት posts news and promotions. Your email address will not be used for any other purpose, and you can unsubscribe at any time.

Contact The Business

Send a message to በጉራጌ ዞን የምሁር አክሊል ወረዳ የመንግስት ኮሚዩኒኬሽን ጉዳዮች ጽ/ቤት:

Videos

ግንቦት 21/2016ዓ.ም ==============#በማዕከላዊ ኢትዮጵያ ክልል በጉራጌ ዞን ምሁር አክሊል ወረዳ በፈረስ-ጉራ የሻለቃ ሱልጣን ሼህ ኢሳ አንደኛና መካከለኛ ደረጃ ትምህርት ቤት የምረቃ ስነ-ሥርዓት በጥቂቱ.....

ሚያዝያ 24/2016ዓ.ም ኩርፍወ ልዩ የልጃ-ገረዶች ባህላዊ ጭፈራ በይበልጥ እንዲከበርና እንዲተዋወቅ በማድረግ ለሃገርና አለማቀፋዊ የቱሪዝም መስህብ እንዲሆን መሰራት እንዳለበት የምሁር አክሊል ወረዳ ባህል ትሪዝም ፅ/ቤት ገለፀ። ኩርፍወ በየዓመቱ በሰሙነ ሕማማት ተጀምሮ እስከ ዳግም ትንሳኤ ድረስ ባሉት ቀናቶች በልጃገረዶች እየተዘፈነ የሚቆይ ባህላዊ የጨዋታ ዓይነት ነው። በጉራጌ ምድር በምሁር አክሊል ልጃገረዶች አምባሬ የሚባለው ተክል ቅጠል ከስሩ ነቅለው ሸንሽነውና አስጊጠውት ወገባቸው ላይ አስረው እጆቻቸው ዘርግተው ልክ እንደ ቁም ለቅሶ እግራቸው ከመሬት ከፍ አርገው እየዘለሉ በወፎች ዝማሬ ታጅቦ ቋጥኝ እየጣሰ እንደሚፈስ ወንዝ አውራጇ አምባሬ ኩርፍወ እያለች ስታወርድ ሌሎችም ዋይ ዋይ እያሉ በመቀባበል እያዜሙ የሚጫወቱት የጨዋታ አይነት ነው። የኩርፍወ ጨዋታ መከወኛ ስፍራ የለመለመ መስክ ወይም ሰፋፊ ጀፎሮ በሚገኝበት አካባቢ ሲሆን ልጃገረዶች ለጨዋታው ከየቤታቸው ሲወጡ ተጋጊጠው፣ አምረውና ደምቀው መታየታቸው ግድ ስለሆነ ባህላዊ የክት ልብሳቸውን ለብሰው በአምባርና በአልቦ ተሽቆጥቁጠው ከየአቅጣጫው ወደዚሁ ስፍራ ይተማሉ። ኩርፍወ በምሁር አክሊል ወረዳ በልጃ ገረዶች በተለየ ተውኔታዊ ትዕይንት በሚመስል መልኩ በጭፈራና በዜማ ደስ በሚል ድባብ ጀፎረ (ሰፊ መስክ) ላይ በመጫወት ከሰሙነ ሕማማት እስከ ዳግም

ሚያዝያ 14/2016ዓ.ም 🇪🇹🇪🇹🇪🇹🇪🇹🇪🇹🇪🇹🇪🇹በማዕከላዊ ኢትዮጵያ ክልል ጉራጌ ዞን የምሁር አክሊል ወረዳ ዋና ከተማ ሐዋርያት ከተማ ለማሳደግ በርካታ ስራዎች እየተሰራ እንደሚገኝ የምሁር አክሊል ወረዳ ከተማ ልማትና ኮንስትራክሽን ፅ/ቤት ገልጿል። የከተማ ዕድገት ቀንጨብ ተደርጎ በወረዳው የመንግስት ኮምዩኒኬሽን ተዘጋጅቶ የቀረበ። መልካም የሆነ ገንቢ አስተያየቶች ይለግሱን ዘንድ ይጠይቃል።

የደብረ-ዘይት በዓል አከባበር በታላቁ ምሁር ኢየሱስ ገዳም! መልካም ጊዜ!

ህዳር 08/2016ዓ.ም 🌾🌾🌾🌾🌾🌾🌾 የሀዋርያት ኮንስትራክሽንና ኢንዱስቲሪያል ኮሌጅ......

የመስቀል በዓል ዝግጅት

መስከረም 9/2015ዓ.ም የ2016ዓ.ም የመስቀል በዓል በጉራጌ ዞን በምሁር አክሊል ወረዳ በተክለ ሃይማኖት ቀበሌ በያንሶ መጠር መስከረም 13 በድምቀት ይከበራል። መልካም በዓል!

በጉራጌ ዞን በምሁር አክሊል ወረዳ የሐዋርያት ኢንዱስቲሪያልና ኮንስትራክሽን ኮሌጅ የሁለተኛ ዙር የሰልጣኞች የምረቃ ስነ-ስርዓት ላይ የህፃናት ትዕይንት በጥቂቱ

ከ360 ሚልየን ብር በላይ እየተገነባ የሚገኘው የከሬብ መካከለኛ መስኖ ፕሮጀክት በምሁር አክሊል ወረዳ የመንግስት ኮሚዩኒኬሽን ጉዳዮች ጽ/ቤት የተዘጋጀ አጭር ዶክመንተሪ ቪድዮ። Telegram channel:- t.me/MihurAklilCommunication

በ2013 እና በ2014 በጀት ዓመት በምሁር አክሊል ወረዳ የመንገድ ማስፋፊያ ምን እንደሚመስል በምሁር አክሊል ወረዳ የመንግስት ኮሚዩኒኬሽን ጉዳዮች ጽ/ቤት የተዘጋጀ አጭር ዶክመንታሪ ፊልም። ሚያዝያ 18/2014ዓ.ም Telegram:- t.me/MihurAklilCommunication