https://www.facebook.com/106232548404742/

Yeju Standard, Al amudin, Woldia (2024)

02/12/2023

ኢትዮጵያ እስከ መጋቢት መጨረሻ ከዓለማቀፉ የገንዘብ ድርጅት ጋር አዲስ የብድር ስምምነት ላይ ካልደረሰች ባለፈው ሳምንት ከአበዳሪዎቿ ጋር የብድር መክፈያዋ ጊዜ ለተወሰነ ጊዜ እንዲራዘምላት የደረሰችበት ስምምነት ውድቅ እንደሚኾን ሮይተርስ ዘግቧል።

30/11/2023

የወልድያ ከተማ የአስፓልት መንገድ ፕሮጀክት ስራ ተጠናክሮ እንደቀጠለ ነዉ።

ከአስፓልት ማንጠፍ በተጨማሪ ያሉ የድልድይ፣የእግረኛ መንገድ፣የመንገድ ላይ መብራት ስራዎች በቀጣይ ተጠናክረዉ እንደሚቀጥሉ ተገልጿል።

26/11/2023

ፍርድቤቱ ለድምፃዊ ቴዲ አፍሮ ከወር በፊት የሰጠዉን ዉሳኔ በመቃወም ይግባኝ ተጠየቀበት

የፌዴራሉ ፍርድ ቤት ጥቅምት 6 ቀን 2016 ዓ.ም. በዋለዉ ችሎት ለአርቲስት ቴዎድሮስ ካሳሁን (ቴዲ አፍሮ) የሰጠዉን የፍርድ ዉሳኔ በመቃወም ላየን ፕሮሞሽን በጠበቃዉ በኩል ይግባኝ ጠይቋል።

ፍርድ ቤቱ በመቃወሚያ ላይ በሰጠው ብይን እና በህጋዊ ማስረጃ ከተረጋገጡ ፍሬነገሮች ይልቅ ለግምት ክብደት በመስጠት የሰጠው ፍርድ ክርክር የሚመራበትን ሥርዓትና የማስረጃ ህግ መርህዎችን በግልፅ በመቃረን የሰጠው ፍርድ ጉድለት ያለበት በመሆኑ ይግባኝ እንደተጠየቀበት ካፒታል ሰምቷል።

ከአራት ዓመት በፊት የካቲት 14 ቀን 2012 ዓ.ም. በመስቀል አደባባይ በተደረገዉ "የኢትዮጵያ ወደ ፍቅር ጉዞ" የሙዚቃ ኮንሰርት ከሚገኘው ገቢ አዘጋጁ ላየን ፕሮሞሽን ኃ/ የተወሰነ የግል ማህበር ለድምፃዊ ቴዲ አሥር ሚሊዮን ብር ለመክፈል በፅሑፍ እና በቃል ተደርጓል ያለዉን የዉል ግዴታ ተፈፃሚ ሊሆን አልቻለም በሚል ጉዳዩን ወደ ፍርድቤት በመዉሰድ ላለፉት አራት ዓመታት ክርክር ሲደረግበት ቆይቷል።

በዚህ ሂደት ፍርድቤቱ ጥቅምት ወር በተሰየመዉ ችሎት ላየን ፕሮሞሽን እና ድምፃዊ ቴዎድሮስ ካሳሁን ከኮንሰርቱ የተገኘውን 10 ሚሊዮን እኩል እንዲካፈሉ በሚል ብይን መስጠቱ ይታወሳል ።

ከድምፃዊ ቴዲ አፍሮ የቀድሞ ጠበቃ እና አሁን በላየን ፕሮሞሽን በኩል በመሆን የፍርድቤቱ ዉሳኔዉን በመቃወም ይግባኝ የጠቀየዉ ጠበቃ ሚሊዮን አሰፋ መርሻ ነዉ።

ህዳር 12፤2016 ዓ.ም. ለፌደራል ጠቅላይ ፍርድቤት ለፍትሃብሔር ይግባኝ ሰሚ ችሎት በቀረበው አቤቱታ “በህጋዊ አካል በታተመው መግቢያ ትኬት አማካኝነት የታደሙ ሰዎች ቁጥር የተረጋገጠ ሆኖ ሳለ ፍርድቤቱ ከህጋዊ ማስረጃ ይልቅ በግምት የተመሰረተ የሰጠዉ ፍርድ ጉድለት አለበት ፣ የፅሑፍ ውል የለም ካለ በኋላ መልሶ የቃል ውል አለ በማለት መልስ ስጪው ( ቴዲ አፍሮ) በክሱ መሠረት ያላስረዳውንና በክሱ ያልተመለከተውን አምስት ሚሊዮን ብር ይግባኝ ባይ ለመልስ ሰጪ ከወለድና ካስከተለው ወጪና ኪሣራ ጭምር ሊከፍል ይገባል በማለት የሰጠው ፍርድ ጉድለት ያለበት ነው ተብሎ እንዲሻር” የሚሉት ይገኙበታል ።

24/11/2023

"አንድ ሰው 100 ሚሊዮን ብር ከሌለው ምንም የለውም!"

«ከአንድ ጓደኛዬ ጋር በወር አንድ ሚሊዮን መስራት ከቻልን በየሶስት ወሩ እንዞራለን እንዝናናለን ተባባልን። ለሆኑ ልጆች ስንነግራቸው ዶላር ነው ብለው ሳቁብን፣ ኧረ ብር ነው ስንላቸው በአመት 12 ሚሊዮን? አሉን። ለካ ሁሉም ነገር እስክትደርስበት ነው። አሁን በአመት 12 ሚሊዮን ምንም እንዳልሆነ ገብቶናል። አሁን ባለሁበት ሁኔታ አንድ ሰው 100 ሚሊዮን ከሌለው ምንም የለውም እላለሁ»
ወ/ሮ ሄይሪያ አህመድ በማርኬቲንግ ስራ ተሰማርታ የምትገኝ ስትሆን ከእዮሃ ሚዲያ ጋር ካደረገችው ኢንተርቪው የተወሰደ።

29/07/2023

በመቀሌ ከተማ ሰልፍ የወጡ ከስድስት ሺሕ በላይ አካል ጉዳተኛ የሕወሓት ታጣቂዎች በፖሊስ ኃይል መበተናቸው ተገለጸ
======= #=======

በትናንትናው ዕለት በመቀሌ ከተማ ድጋፍ እንዲደረግላችው እና ጥቅማ ጥቅም እንዲከበርላቸው ሰላማዊ ሰልፍ ለማድረግ የተሰባሰቡ ከስድስት ሺሕ በላይ አካል ጉዳተኛ የሕወሓት ታጣቂዎች፤ በፖሊስ ኃይል እንዲበተኑ መደረጋቸውን ትንሳኤ ሰባ እንደርታ ፓርቲ ለአዲስ ማለዳ ገልጿል።

ከሰላም ስምምነቱ በኋላ ወደ ተለያዩ የክልሉ ቦታዎች ተመልሰው ከቤተሰቦቻቸው በሚደረግላቸው ድጋፍ የሚኖሩ ከስድስት ሺሕ በላይ በጦርነቱ ወቅት ቆስለው የአካል መጉደል ያጋጠማችው ወጣቶች፤ በመቀሌ ከተማ ሃያ ኹለት ተብሎ በሚጠራ አካባቢ ሰላማዊ ሰልፍ ማድረጋቸውን እና ፖሊስ ሠልፈኞቹን በኃይል እንዲበተኑ ማድረጉን የትንሳኤ ሰባ እንደርታ ፓርቲ አደራጅ ጊደሰና መድኅን ለአዲስ ማለዳ ተናግረዋል።

የፓርቲው አደራጅ አክለውም፣ ከዚህ ቀደም በሕወሓት ሥር ተመዝግበው ከሚገኙ 274 ሺሕ ታጣቂዎች መካከል 50 ሺሕ የአካል መጉደል ያጋጠማቸው ታጣቂዎች፤ በሕወሓት የሰው ኃይል አሥተዳደር ኃላፊ ኮለኔል ነጋሽ ዳኘው አማካኝነት ሰርተፍኬት እና ገንዘብ ተሰጥቷቸው በቅርቡ መሰናበታቸውን ገልጸዋል።

25/07/2023

የጁ የባህል ማዕከል 🙇

የወልድያ ከተማ አስተዳደር የወልድያ ባህል አዳራሽን ሙሉ ግቢዉ የየጁ የባህል ማዕከል ለማድረግ እንቅስቃሴ መጀመሩ ታዉቋል።

በዚህም መሰረት በዉስጡ
👉አዳራሹን ለተለያዩ የባህል እሴቶች ማሳያ ምቹና ዉብ ማድረግ
👉የባህል እሴቶች ማሳያ ሙዝየም
👉የወጣቶች ማንበቢያና መዝናኛ
👉የቱሪስት መረጃ ማዕከል
👉የእደ ጥበብ ዉጤቶች መሸጫ
👉የመፀዳጃ ቤት እና የመኪና ማቆሚያ እንደሚያካት ታዉቋል።

22/07/2023

የ20 የክብር ዶክትሬቶች ንጉስ
******
1- ግንቦት 20 ቀን 1946 ዓ.ም ከሐዋርድ ዩኒቨርሲቲ በሕግ የክብር ዶክተሬት ድግሪ
2- ግንቦት 25 ቀን 1946 ዓ.ም ከኮሎምቢያ ዩኒቨርሲቲ በሕግ
3- ግንቦት 28 ቀን 1946 ዓ.ም ከሞንትሪያል ዩኒቨርሲቲ የክብር ዶክተሬት
4- ግንቦት 30 ቀን 1946 ዓ.ም ከሚቺጋን ዩኒቨርሲቲ የሕግ የክብር ዶክተሬት ድግሪ
5- ግንቦት 1946 ዓ.ም ከመክጊል ዩኒቨርሲቲ የሕግ የክብር ዶክተሬት ድግሪ
6- ሐምሌ 16 ቀን 1946 ዓ.ም ከኬምብሪጅ ዩኒቨርሲቲ የሕግ የክብር ዶክተሬት ድግሪ
7- ሐምሌ 29 ቀን 1946 ዓ.ም ከአቴና ብሔራዊና ካፓዲስትሪን ዩኒቨርሲቲ በፍልስፍና የክብር ዶክተሬት ድግሪ
8- 1946 ዓ.ም አትላንታ ጆርጂያ ከሚገኘው ሞርሐውስ ኮሌጅ የሕግ የክብር ዶክተሬት ድግሪ
9- ጥቅምት 10 ቀን 1947 ዓ.ም ከኢክስፎርድ ዩኒቨርሲቲ የሕግ የክብር ዶክተሬት ድግሪ
10- ከቦን ዩኒቨርሲቲ በእርሻ የክብር ዶክተሬት ድግሪ
11- ሕዳር 4 ቀን 19 49 ዓ.ም ከባናራስ ሂንዱ ዩኒቨርሲቲ የሥነ-ጽሑፍ ዶክተሬት ድግሪ
12- ሐምሌ 5 ቀን 1951 ዓ.ም ከሞስኮ ዩኒቨርሲቲ በሕግ የክብር ዶክተሬት ድግሪ
13- ሐምሌ 8 ቀን 1951 ዓ.ም ከፕራግ ከቻርልስ ዩኒቨርሲቲ በሕግ የዶክተሬት ድግሪ
14- ህዳር 27 ቀን 1952 ዓም ከላይቤሪያ ዩኒቨርሲቲ በሕግ የክብር ዶክተሬት ድግሪ
15- መስከረም 22 ቀን 1956 ዓ.ም ከጆርጅ ታውን ዩኒቨርሲቲ በሥነ-ጽሑፍ የክብር ዶክተሬት ድግሪ
16- መስከረም 18 ቀን 1957 ዓ.ም ከሩማኒያ ከቡካሬስት ዩኒቨርሲቲ የሕግ የክብር ዶክተሬት ድግሪ
17- መስከረም 30 ቀን 1959 ዓ.ም ከሊባኖስ ዩኒቨርሲቲ የሀገሪቱ ፕሬዘዳንት ቻርልስ ሄሉ ባሉበት ክብር ዶክትሬት
18- ሚያዚያ 24 ቀን 1960 ዓ.ም ከታይላንድ ከተማስት ዩኒቨርሲቲ የህግ የክብር ዶክተሬት ድግሪ
19- ግንቦት 9 ቀን 1960 ዓም ከምዕራብ አውስትራሊያ ዩኒቨርሲቲ በሕግ የክብር ዶክተሬት ድግሪ
20- ግንቦት 13 ቀን 1960 ዓም ከደቡብ ኮሪያ ዩኒቨርሲቲ የህግ ዶክሬት ድግሪ
***********

በአፍሪካ ብቸኛው ተወዳዳሪያቸው፣ ኔልሰን ማንዴላ ናቸው። አልበርት ኤነስታይን በአጠቃላይ 17 የክብር ዶክትሬቶች ያገኘ ሲሆን፣ ከፍተኛው ቁጥር 32 በዴቪድ አቴንበርግ የተያዘ ነው።

10/07/2023

ላምበረት አካባቢ በሚገኝ ሆቴል ላይ በደረሰ የእሳት አደጋ በመኝታ ክፍል ውስጥ የነበሩ ወንድ እና ሴት ሕይወታቸው አለፈ‼️

⚡️በአዲስ አበባ ከተማ፤ ላምበረት ተብሎ በሚጠራው አካባቢ በሚገኝ ሆቴል ትላንትና ምሽት 3:30 ላይ በደረሰ የእሳት አደጋ የኹለት ወጣቶች ሕይወት ማለፉ ተሰምቷል።

⚡️በአደጋው ሕይወታቸውን ያጡት ወጣቶች ወደ ክፍለሀገር ለመሄድ አልጋ ይዘው የነበሩ እድሜያቸው 26 እና 24 ዓመት የሆኑ ወንድ እና ሴት ሲሆኑ፣ በጭስ ታፍነው ሕይወታቸውን ማለፉን የኮሚሽኑ የሕዝብ ግንኙነት ባለሙያ ንጋቱ ማሞ ገልፀዋል!

01/07/2023

የትግራይ ክልል ጊዜያዊ አስተዳደር ትምህርት ሚንስቴር ሕገመንግሥቱን ጥሷል ሲል ትናንት ማምሻውን በወጣው መግለጫ ከሷል።
ሚንስቴሩ የሕገ መንግሥት ጥሰት የፈጸመው፣ በምዕራብ፣ ሰሜን ምዕራብ እና ደቡባዊ ትግራይ የሚገኙ ትምህርት ቤቶችን ወደ አማራ ክልል በማጠቃለሉ እንደኾነ አስተዳደሩ ገልጧል። የሚንስቴሩ ድርጊት "ኾን ተብሎ የተፈጸመ"፣ "ተቀባይነት የሌለው" እና "የሰላም ሂደቱን የሚያደናቅፍ" መኾኑን የገለጸው አስተዳደሩ፣ ሚንስቴሩ ድርጊቱን "ባስቸኳይ እንዲያስተካክል" አሳስቧል። ፌደራል መንግሥቱም ለተፈጸመው ድርጊት በሚንስቴሩ አመራሮች ላይ ርምጃ እንዲወስድ አስተዳደሩ ጨምሮ ጠይቋል።

29/06/2023

በመቀሌ ከተማ በዝርፊያ እና ንጥቂያ የሰዎች ህይወት እያለፈ ነው ተባለ።መቀሌ ከጦርነቱ በኋላ መልኳ ተቀይሯል ተብሏል።

ነዋሪዎቹ በከተማዉ የሚፈጸም ዝርፊያ እና ንጥቂያ አሳሳቢ ደረጃ ላይ መድረሱን ተናግረዋል።

ስማቸዉ ለደህንነታቸው ሲሉ እንዳይጠቀስ ያሉ አስተያየት ሰጪ በመቀሌ 14 ፣ 15 እና 16 ቀበሌ በሚል በሚጠሩት አካባቢዎች አንዳንድ ወጣቶች በተደራጀ መልኩ በስለታማ መሳሪያዎች የታገዘ ዘረፋ እንደሚፈጽሙ ገልጸዋል።

"ሞባይል ስልክ ይዞ መንቀሳቀስ የማይቻልበት ደረጃ ላይ ነን" ያሉት አስተያየት ሰጪ ከምሽት 1 እና 2 ሰዓት በኋላ በከተማዉ እንቅስቃሴ ማድረግ ዋስትና የሌለዉና እጅግ ለደህንነት አስጊ መሆኑን ጠቁመዋል። ከተማዋ ከጦርነቱ በኋላ ያላት መልክ መቀየሩንም ነዉ ነዋሪዎቹ የተናገሩት።

ሌላኛዉ ነዋሪ ከሰሞኑ ወደ እምነት ተቋም ሲያመሩ የነበሩ አንድ አዛዉንት ላይ በተፈጸመ የዝርፊያ ጥቃት ህይወታቸው ማለፉን ገልጸዋል። ሌሎች ሰዎችም በደረሰባቸዉ አካላዊ ጉዳት በህክምና ላይ ያሉ እንዳሉም ተናግረዋል። እንደ አስተያየት ሰጪዉ ንግግር ከሆነ በመጠጥ ቤቶች በቀን ጭምር ዘረፋ እንደሚፈጸም አስረድተዋል።

የከተማው አስተዳደርና የጸጥታ አካላት ወንጀሉን የሚፈጽሙ ሰዎችን በቁጥጥር ስር ቢያዉሏቸዉም በቀናት ልዩነት እንደሚፈቱና ዳግም በስርቆት እንደሚሰማሩ ነዋሪዎቹ ገልጸዋል። በከተማዋ የሞባይል እና የቦርሳ ንጥቂያ የተመደ እየሆነ መምጣቱንም ነዉ ያብራሩት።

ከዚህ ቀደም በቂ የጸጥታ አካላት ባለመኖራቸዉ ማህበረሰቡ በመተባበር በየመንደሩ ጥበቃ ያደርግ እንደነበር ነዋሪዎቹ ገልጸዉ ፤ ጥበቃዉ ከተቋረጠ ወዲህ ግን በከተማዋ ዝርፊያዉ እያየለ መምጣቱን እና ለእንቅስቃሴ መቸገራቸውንም ጨምረዉ ተናግረዋል።ከአስተዳደሩ ምላሽ ለማግኘት ቢጠይቅም አለመሳካቱን ጠቅሶ ብስራት ራዲዮ ዘግቧል

29/06/2023

የጊዜ ገደቡ ያለፈበት ጭማቂ (ጁስ) ተወገደ

| ትናንት፣ ሰኔ 21 ቀን 2015ዓ.ም ጊዜ ገደቡ ያለፈበት 4,000 ደርዘን በፍሬ 48,000 የኃይላንድ ጁስ ጭኖ ሲጓዝ የነበረ የጭነት ተሽከርካሪ ወልዲያ ላይ በቁጥጥር ስር ውሏል።

የጤና ባለሙያ፣ ንግድ ባለሙያና፣ የዞኑ ኮሚኒኬሽን ባለሙያ እና የፖሊስ አባላት ባሉበት የቆሻሻ ማስወገጃ ላይ እንዲወገድ ተደርጓል።

ወልዲያ ከተማ ፖሊስ

26/06/2023

በመላው ትግራይ እናቶች የልጆቻቸው መርዶ እየተነገራቸው ነው።
የናቶች ሀዘን አንጀት ይበላል። አንጀት ያቆስላል።
ፅናቱን ይስጣቸው 🙏

23/06/2023

ጠቅላይ ሚኒስትር ዐቢይ አሕመድ እና እሌኒ ገብረመድህን (ዶ/ር) ተገናኝተዋል። ዐቢይ እና እሌኒ የተገናኙት በፓሪሱ አዲስ ዓለም አቀፍ የፋይናንስ ስምምነት ጉባኤ እንደሆነ የኢትዮጵያ ምርት ገበያ መስራቿ በትዊተር ገልጸዋል።

እሌኒ ገብረመድኅን በኅዳር 2014 በፌዴራል መንግሥት እና ሕወሓት ጦርነት ወቅት "ዓለም አቀፍ የሰላም እና ልማት ማዕከል" በተባለ መንግሥታዊ ያልሆነ ድርጅት አዘጋጅነት በተካሄደ "ምስጢራዊ ስብሰባ" ላይ ተሳትፈዋል በሚል ለመንግሥት ከሚሠራው የገለልተኛ የኢኮኖሚ ምክር ቤት አባልነት መባረራቸው ይታወሳል።

የፕላን እና ልማት ሚኒስቴር በወቅቱ እንዳስታወቀው፣ የአማካሪ ምክር ቤቱ ባደረገው አስቸኳይ ስብሰባ ዶ/ር እሌኒ ገብረመድህን በምርጫ ስልጣን የያዘን መንግስት የመለወጥና የሽግግር መንግስት የማቋቋም አላማ ባለው ስብሰባ ላይ ባራመዱት ጠንካራ አቋም በጣም ማዘኑን በመግለጽ ነበር በገለልተኛ የኢኮኖሚ አማካሪ ም/ቤት አባልነት መቀጠል አይችሉም ያለው።

ዶክተር እሌኒ አሁን በትዊተር ጠቅላይ ሚኒስትሩ ጋር ሲገናኙኝ ከሰሞኑ ዓለም አቀፍ የኢኮኖሚ ተቋም ላገኘሁት ሽልማት እንኳን ደስ አለሽ ብለውኛል ሲሉ አስፍረዋል።

22/06/2023

ከ5 ቢሊየን ብር በላይ በሆነ ወጭ የተገነባውና ከ400 በላይ ለሆኑ ዜጎች የስራ እድል የፈጠረው በኮሞቦልቻ ከተማ የተገነባው አማራ ብረታብረት ፋብሪካ ወርክሾፕ በጋዜጠኞች ቡድን እየተጎበኘ ነው።ፋብሪካው በቅርቡ ተመርቆ ወደ ስራ ይገባል።

21/06/2023

በሹፌሩ የተሰረቀ ደብል ፒካፕ መኪና በቁጥጥር ስር ዋለ

ከአፋር ክልል በአሽከርካሪው የተሰረቀ የመንገድ ስራ ድርጅት ተሽከርካሪ በሰሜን ወሎ ዞን ራያ ቆቦ ወረዳ እሮቢት ከተማ ሰኔ 10 ቀን 2015 ዓ.ም በቁጥጥር ስር መዋሉን የሰሜን ወሎ ዞን ፖሊስ መምሪያ አስታውቋል ።

ንብረትነቱ የሻንድንግሉቸው ማንዳ ቡሬ መንገድ ስራ ድርጅት የሆነ የሰሌዳ ቁጥር አ.አ B 14630 ደብል ፒካፕ ቲዮታ መኪና ሲሆን መነሻውን ከአፋር ክልል አንድ ኤሊዳር ወረዳ ያደረገ እንደሆነ ተገልጿል ።

አሽከርካሪው በፀጥታ ሀይል ክትትል እየተደረገበት መሆኑን ተረድቶ በአማራ ክልል ሰሜን ወሎ ዞን ራያ ቆቦ ወረዳ እሮቢት ከተማ መኪናውን አቁሞ የተሰወረ መሆኑን የሰሜን ወሎ ዞን ፖሊስ መምሪያ ሃላፊ ኮማንደር ተመስገን በረሳው ተናግረዋል ።

መኪናው የተሰረቀው በድርጅቱ ሾፌር በሆነ አለም በሪሁን በተባለ ግለሰብ መሆኑንና ሌላ የድርጅቱን መኪና ከተመለከተ በኋላ መኪናውን አዙሮ እሮቢት ከተማ መመለሱ ተነግሯል ። ነገር ግን ሌላኛው የድርጅቱ መኪና በአካባቢው ለስራ በጉዞ ላይ የነበረ እንደሆነ ተገልጿል ።

ተሽከርካሪውን የሰሜን ወሎ ዞን ፖሊስ መምሪያ ባለንብረት ለሆነው ድርጅት በትናንትናው ዕለት ያስረከበ መሆኑንና ወንጀል ፈፃሚውን ለመያዝ ክትትል እያደረገ እንደሚገኝ ተገልጿል ።

21/06/2023

የቀድሞዋ አፈጉባኤ ኬሪያ ኢብራሂም መረጃ በማጥፋታቸው የራያ አላማጣ የማንነት ጥያቄ እንዲጓተት ምክንያት ሆኗል ተባለ

የራያ አላማጣ ማህበረሰብ የማንነት ጥያቄ እልባት እንዲሰጠው በሚል ለፌዴሬሽን ምክር ቤት የላከው ደብዳቤ በቀድሞ የምክር ቤቱ አፈ ጉባኤ ኬሪያ ኢብራሂም አማካኝነት እንዲጠፋ ተደርጓል ተብሏል።

የአላማጣ ከተማ የብልፅግና ፓርቲ ፖለቲካ ዘርፍ ኃላፊ ሞገስ እያሱ፤ የራያ አላማጣ የማንነት እና የበጀት ጥያቄ ከ2011 ጀምሮ ለፌደሬሽን ምክርቤት ሲቀርብ እንደነበር ገልጸው፤ “የወቅቱ የፌዴሬሽን ምክር ቤት ኬሪያ ኢብራሂም የማንነት ጥያቄውን ለማዳፈን በማሰብ ለምክር ቤቱ የገባው መረጃ እንዲጠፋ አድርገዋል፡፡” ሲሉ ለአዲስ ማለዳ ተናግረዋል።

በዚህም ለምክር ቤቱ የገባው መረጃ እንዲጠፋ መደረጉ፤ የራያ አላማጣ ማህበረሰብ የማንነት ጥያቄ መፍትሄ ሳያገኝ ለአራት ዓመታት እንዲጓተት ምክንያት ሆኗል ነው ያሉት።

“አፈጉባኤዋ ስልጣን ከለቀቁ በኋላ በገባው ደብዳቤ መሰረት የማንነት ጥያቄው መልስ እንዲያገኝ የፌዴሬሽን ምክር ቤቱን ስንጠይቅ፤ መረጃው መጥፋቱ ስለተነገረን ቅጂውን በድጋሜ ለማስገባት ተገደናል፡፡” ሲሉ ጠቁመዋል።

ባሳለፍነው ሰኞ ሰኔ 12/2015 የራያ አላማጣ እና ባላ አካባቢዎች በፈቃደኝነት ላይ የተመሰረተ ከ150 ሺሕ በላይ የሕዝብ ፊርማ ተሰብስቦ ለፌደሬሽን ምክር ቤት መግባቱን የጠቀሱት ኃላፊው፤ “ዋና ዓላማውም የማንነት ጥያቄያችን ተፈቶ ወደ አማራ ክልል ሰሜን ወሎ ዞን እንድንካተትና በጀቱ በትግራይ ክልል ሳይሆን በአማራ ክልል በኩል እንዲለቀቅልን ነው፡፡” ብለዋል።

አክለውም፤ በተለይ የፌደራል ተቋማት በአካባቢው የተሟላ አገልግሎት እየሰጡ ባለመሆኑ፣ ከባንክ፣ ከኤሌክትሪክና ከኢንተርኔት ጋር ያለው አገልግሎት በቶሎ ምላሽ ሊስጠው እንደሚገባ ጠቁመዋል።

ለዚህም አራት ዓመታትን ያስቆጠረው የራያ አላማጣ የማንነት እና የበጀት ጥያቄ መልስ እንዲያገኝ ኮሚቴ ተቋቁሞ፤ ሰኞ ሰኔ 12/2015 ለፌድሬሽን ምክር ቤት መግባቱ ነው የተገለጸው።

ሕወሓት ለራያ እና አላማጣ አካባቢዎች አመራር መድቧል በሚል የሚነሳውን ጉዳይ በተመለከተም መድቧል ከተባለበት ጊዜ ጀምሮ አምስት አመራሮችን የቀያየረ መሆኑን ጠቁመው፤ “ወደ ራያ እና አላማጣ ግን ሊመጡ አይችሉም፡፡” ሲሉ ተናግረዋል።

ራያ አላማጣ ለኹለት ዓመታት ያለ በጀት መቆየቱን የገለጹት ኃላፊው፤ የማንነት ጥያቄው እና ለኹለት ዓመት የተቋረጠው በጀት በአስቸኳይ መፍትሄ እንዲሰጠው ህዝቡ በተደጋጋሚ በመጠየቅ ላይ መሆኑን ጠቁመዋል።

አዲስ ማለዳ በጉዳዩ ላይ ከፌደሬሽን ምክር ቤት ፅሕፈት ቤት ተጨማሪ ማብራሪያ ለማግኘት ጥረት ብታደርግም ሳይሳካ ቀርቷል።

በተያያዘም፤ በዛሬው ዕለት የአላማጣ ከተማ ነዋሪዎች ''መንግሥት የማንነት ጥያቄቸውን ሕጋዊ እንዲያደርግላቸው'' በሰላማዊ ሰልፍ የጠየቁ ሲሆን፤ ነዋሪዎቹ በሰላማዊ ሰልፉ “አማራ ነን እንጂ አማራ እንሁን አላልንም”፣ “የፌደራል መንግሥት ተቋማት ዲስትሪክት ወደ ሰሜን ወሎ ዞን ይዛወሩልን”ና ሌሎች የተለያዩ መፈክሮችን ማሰማታቸውን የሰሜን ወሎ ዞን ኮሙኒኬሽን አስታውቋል።

19/06/2023

ኮለኔል ደመቀ ዘውዱ ሒዩማን ራይትስ ዋችን ለሕወሓት በመወገን ከሰሱ

የወልቃይት ማንነት አስመላሽ ኮሚቴ አስተባባሪ እና የወቅቱ የወልቃይት ጠገዴ ሰቲት ሁመራ ዞን ምክትል አስተዳዳሪ እና የሰላም እና ፀጥታ መምሪያ ኃላፊ የሆኑት ኮሎኔል ደመቀ ዘውዱ ከጥቂት ሳምንታት በፊት የመብቶች ተሟጋቹ ሒዩማን ራይትስ ዋች ባወጣው ሪፖርት የቀረበባቸውን ክስ አጣጥለውታል፡፡

ሂዩማን ራይትስ ዋች ግንቦት 24፣ 2015 ባወጣው ሪፖርት በምዕራብ ትግራይ ከፕሪቶሪያው ስምምነት በኋላም በርካታ የትግራይ ተወላጆች በግዳጅ መፈናቀላቸውን፣ ብዙዎችም በእስር ላይ እንደሚገኙ እና ግድያዎችም እንደሚፈጸሙ በማመልከት ለዚሁ ተግባር ተጠያቂ ናቸው በማለት ከጠቀሳቸው ግለሰቦች መካከል ኮለኔል ደመቀ ዘውዱን በሥም ጠቅሷል፡፡ የመብት ተሟጋቹ ድርጅት በሪፖርቱ የኢትዮጵያ መንግሥት በዚህ ወንጀል ተጠያቂ የሚሆኑት ፀጥታ ኃይሎችን እና ባለሥልጣናትን ከሥራ በማገድ ምርመራ አድርጎ እንደ አግባቡ በሕግ ተጠያቂ እንዲያደርግ ጥሪ አቅርቦ ነበር፡፡

በዚሁ ድርጊት ሥማቸው የተጠቀሰው ኮለኔል ደመቀ ዘውዱ ከቢቢሲ ጋር ባደረጉት ቆይታ ስለ ሪፖርቱ ተጠይቀው ‹‹የወልቃይት ጠገዴ አማራ ሕዝብ ለዘመናት ከፍተኛ ግፍ ሲፈጸምበት አይተው እንዳላዩ ሲያልፉ›› ኖረዋል ያሉ ሲሆን፣ ‹‹አሁን የራሳቸው አጀንዳ ሲሆን ግን ግለሰብ እስከ መወንጀል መድረሳቸውን ስመለከት የህወሓት ቃል አቀባይ እንጂ የመብት ተሟጋች ሆነው አልመጡም›› ሲሉ የመብት ተቆርቋሪ ድርጅቱን በወገንተኝነት ከሰዋል፡፡

15/06/2023

የትምህርት ማስረጃ ማጣራት በተጀመረበት ደብብ ክልል 67 መምህራን ስራቸውን ጥለው ጠፉ
በደቡብ ብሔር ብሔረሰቦችና ሕዝቦች ክልል ውስጥ በሚገኘው ስልጤ ዞን የትምህርት ማስረጃ የማጣራት መጀመሩን ተከትሎ 67 መምህራን ስራቸዉን ጥለው መጥፋታቸው ተነግሯል።

በዞኑ በሚገኙ ሁሉም ወረዳዎች በተለያዩ ሴክተር መስሪያ ቤቶች ተቀጥረው በሚሰሩ የ4 ሺህ 417 ሰራተኞች የትምህርት ማስረጃ ለከፍተኛ የትምህርት ተቋማት ተልኮ እንዲጣራ መደረጉ ሲነገር፣ ከነዚህ መካከል የሆኑት 67 መምህራን ተደናግጠው ስራቸውን ጥለው ጠፍተዋል ነው የተባለው።

በዞኑ ከሚገኙት ውስጥ 82 መምህራን ሐሰተኛ የትምህርት ማስረጃ አቅርበው እንደተቀጠሩ የተነገረ ሲሆን፣ ከመካከላቸው 28 መምህራንን ፖሊስ በቁጥጥር ስር በማዋል ምርመራ በማካሄድ 13 ግለሰቦች በፍርድ ቤት ቅጣት እንደተጣለባቸው ተሰምቷል። ቀሪዎቹ በፍርድ ቤት በዋስ ከተለቀቁ በኋላ አካባቢያቸውን ጥለዉ ተሰውረዋል የተባለ ሲሆን፣ ፖሊስ ተከሳሾችን አድኖ በመያዝ ለፍርድ ለማቅረብ ብርቱ ክትትል እያደረገ እንደሚገኙ የደቡብ ፖሊስ አስታውቋል።

14/06/2023

‹ ኢትዮጵያ ኢየሱስን ለማግኘት ቃል የተገባላቸው 80 ኡጋንዳውያንን ወደ ሀገራቸው መለሰች። ›

የኡጋንዳ የሀገር ውስጥ ጉዳይ ሚኒስቴር ቃል አቀባይ ሲሞን ፒተር ሙንዴይ እንደተናገሩት ‹ ቡድኑ ወደ ኢትዮጵያ ሲደርስ ወደ ” ገነት ” በሚያደርጉት ኢየሱስን እንደሚያገኙ › ቃል ተገብቶላቸዋል፡፡

‹ ፓስተር ኦፖሎት፣ ኢየሱስ ወደ ” ገነት ” የሚሄዱትን ጥቂት ሰዎችን እንደሚመርጥ፣ ለመመረጥም ኢትዮጵያ ውስጥ መሆን አለባቸው የሚል ራዕይ እንደተቀበለ › ተናግሯል።

ቃል አቀባዩን ዋቢ ያደረገው የሞኒተር ዘገባ ‹ የኢትዮጵያ ባለስልጣናት ወደ ሀገር ቤት የሚገቡትን ሰዎች በሙሉ በቡድን ለመሰብሰብ ወስነው በአንድ ቦታ እንዲቆዩ በማድረግ፣ በኋላም የኡጋንዳ አቻዎቻቸውን በማነጋገር ወደ ሀገራቸው የሚመለሱበትን ሰነድ ማዘጋጀታቸውን › አመልክቷል።

ፓስተር ኦፖሎት፣ ተመላሾቹን ለ40 ቀናት እንዲጾሙ አሰምኗቸዋል፤ በማግስቱም (በ41ኛው ቀን) ኢየሱስን ማግኘት እንደሚችሉ እንደነገራቸው ገልፀዋል፡፡

ለዚህም ቅድመ ሁኔታው ኢየሱስን ለማግኘት ኢትዮጵያ ውስጥ መገኘት ሲሆን ዓለምም ወዲያው እንደምትጠፋ እንደነገራቸው ቃል አቀባዩ ገልፀዋል፡፡
ይህ የሆነው በኬንያ የሚኖረው ፓውል ማኬንዚ ወደ ” ገነት ” ለመሄድ ሲል ተከታዮቹን እስከ ሞት ድረስ እንዲጾሙ ባሳመናቸውና ከ150 በላይ ሰዎች ከሞቱ ከሳምንታት በኋላ ነው።

14/06/2023

ኒውዮርክ ከተማ የመስመጥ አደጋ እንዳንዣበበባት ተገለጸ

በዘመናዊ ከተማ ታሪክ የብዙ የዓለማችን ምሳሌ የሆነችው ኒዮርክ ከተማ የመስመጥ አደጋ እንዳንዣበበባት የከርሰ ምድር ጥናት ባለሙያዎች አስጠንቅቀዋል።

እንደ ባለሙያዎቹ ገለጻ ከሆነ በኒዮርክ ከተማ በየዓመቱ ከ1 ነጥብ 7 ትሪሊዮን ቶን በላይ ጠጣር የግንባታ ግብዓቶች፣ ብረቶች እና መስታዋት ግንባታ ይካሄዳል።

ይህ ከፍተኛ ክብደት መጠን ያላቸው ምርቶች አጠቃላይ መሬቱ መሸከም ከሚችለው አቅም በላይ እየሆነ መምጣቱ ተገልጿል።

13/06/2023

ኢጋድ የዋና ጸሐፊው ወርቅነህ ገበየሁን (ዶ/ር) የሥራ ዘመን ለተጨማሪ አራት ዓመታት ማራዘሙ ተነገረ

የምስራቅ አፍሪካ በይነ መንግስታት ድርጅቱ አባል ሀገራት በዙር በሚደርሳቸው የሊቀመንበርነት ስልጣን ላይ ለውጥ ማድረጉን ነው ያስታወቀው።

በዚህም ላለፉት አራት ዓመታት ኢጋድን በሊቀመንበርነት ስትመራ የቆየችው ሱዳን ለጅቡቲ ኃላፊነቱን አስረክባለች።

ከዚህ ቀደም ኢትዮጵያ ኢጋድን ለዘጠኝ ዓመታት በሊቀመንበርነት መምራቷ ይታወሳል።

14ኛው የኢጋድ የመሪዎች ጉባኤ ትናንት በጅቡቲ መካሄዱ ይታወቃል።

በጉባኤው ጠቅላይ ሚኒስትር ዐቢይ አህመድን ጨምሮ የጅቡቲ፣ ሶማሊያ፣ ኬንያ እና ደቡብ ሱዳን ፕሬዚዳንቶች ተሳትፈዋል።

07/06/2023

‹በወራሪዎች ስር የሚገኙትን የትግራይ ክልል ሕገ-መንግስታዊ ግዛቶች በአጭር ጊዜ ወደ ትግራይ ለመመለስ እየተረባረብን ነዉ። › - ሌ/ጄነራል ፃድቃን ገብረትንሳኤ
****************************************

የትግራይ ክልል ጊዜያዊ አስተዳደር ምክትል ፕሬዝዳንት ሌተናል ጀነራል ፃድቃን ገብረትንሳኤ ‹ ወራሪዎች › ሲሉ በጠሯቸው አካላት ስር ይገኛሉ ያሏቸውን ‹ የትግራይ ክልል ግዛቶች በአጭር ጊዜ ውስጥ ለመመለስ እየተረባረብን ነው › ሲሉ ተናግረዋል፡፡

ምክትል ፕሬዝዳንቱ ይህንን ያሉት በትግራይ ቲቪ እና ‹ ሰክሰስ › በተሰኘ ድርጅት በተዘጋጀ ‹ የክህሎትና ፈጠራ › የዉይይት መርሐ ግብር ላይ ነው፡፡

በንግግራችው ‹ የትግራይ ህዝብ ከከባድ አውዳሚ ጦርነት ወደ ሰላማዊ እና የተርጋጋ ህይወቱ ለመመለስ የሽግግር ጊዜ ላይ ነው › ሲሉ ተደምጠዋል።

ሰፊዉ የትግራይ ግዛት አሁንም ‹ወራሪ› ብለዉ በጠሯቸዉ በአማራ ሃይል እና በኤርትራ ሰራዊት ስር መሆኑን የገለጽት ምክትል ፕሬዝዳንቱ እነዚህ ሃይሎች ከትግራይ እንዲወጡ እና ህገ-መንግስታዊ የትግራይ ግዛት እንዲመለስ ጠንክረዉ እየሰሩ መሆናቸውን ገልጸዋል።

ከእዚህ ንግግር አንድ ቀን አስቀድሞ የዩናይትድ ስቴትስ አሜሪካ የአፍሪካ ቀንድ ልዩ መልዕክተኛ ማይክ ሐመር፣ በኢትዮጵያ የአሜሪካ ጉዳይ አስፈፃሚ ትሬስ አን-ጃኮብሰን በመቀሌ ተገኝተው ከገዜያዊ አስተዳደሩ ጋር በተወያዩበት ወቅት
ዓለምአቀፉ ማህበረሰብ ግዛቶቹ ወደትግራይ እንዲመለሱ ግፊት እንዲያደርጉ መጠየቃቸው ይታወሳል፡፡

በሌላ በኩል በወልቃይት በተካሄደ ሰላማዊ ሰልፍ መልዕክት ያስተላለፉት ኮሎኔል ደመቀ ዘውዱ ‹ ፍላጎታችን፣ ማንነታችንና ሥነ ልቦናችን ጎንደሬ አማራ ነው › ሲሉ መናገራቸው አይዘነጋም፡፡ በዚህ ንግግራቸው ‹ የማንንም ጣልቃ ገብነት እንደማይፈልጉ › አስረግጠው ተናግረው ነበር፡፡

26/05/2023

በስርቆት ወንጀል የተጠረጠረው ግለሰብ ውሳኔ አገኘ
በቀን15/9/2015 ዓ/ም የትውልድ አካባቢው ሀዋሳ ከተማ የሆነ አቶ ተመስገን ሲሳይ የተባለው ግለሰብ በወልድያ ከተማ አስተዳደር ፖሊስ መምሪያ ስር በጣይቱ ክፍለ ከተማ ከሚገኝ ወርቅ ቤት ወርቅ ለመግዛት በማስመሰል ከገባ ቡሀላ ብር 14000/አስራ አራት ሺህ/እና የሀገር ውስጥ 23.4 ግራም ወርቅ ሲሰርቅ እጂ ከፈንጂ ተይዞ የክፍለ ከተማው ፖሊስ ምርመራውን አጣርቶ ለሚመለከተው የፍትህ አካላት በመላኩ የወልድያ ከተማ አስተዳደር ፍርድ ቤት በቀን18/9/2015 ዓ/ም በዋለው ችሎት የቀረበለትን የምርመራ መዝገብ መርምሮ ተጠርጣሪው ጥፋተኛ ሆኖ በመገኘቱ በሁለት ዓመት ጽኑ ዕስራት እንዲቀጣ የውሰነበት መሆኑን የክፍለ ከተማው ፖሊስ የህዝብ ግንኙነት ክፍል ሀላፊው ለመምሪያው የህዝብ ግንኙነት ዋና ክፍል አሳውቋል።
ዋና ክፍሉም ህብረተሰቡ ምን ያህክል የወንጀል ድርጊት ለመፈጸም ከቦታ ቦታ የሚንቀሳቀሱ ግለሰቦች እንዳሉ ተረዲቶ አካባቢውን ነቅቶ በመጠበቅ ከተለያዩ የወንጀል ድርጊቶች እና ስጋቶች ነጻ የሆነ አካባቢን ይፈጥር ዘንድ መልዕክታችን ነው።
የወልድያ ከተማ አስተዳደር ፖሊስ መምሪያ

22/05/2023

የትግራይ ሃይሎችን ከ85 እስከ 90 በመቶ የሚሆን ትጥቅ የማስፈታት ስራ መፈፀሙ ተሰማ። የፕሪቶሪያ ውል አፈጻጸም ለመገምገምና አሁናዊ ሁኔታን ለመመልከት የ43 ሃገራት ወታደራዊ አታሼዎች ከአለፈው አርብ ጀምሮ በትግራይ ጉብኝት ሲያደርጉ እንደነበር ለማወቅ ተችሏል።
በአፍሪካ ሕብረት የሰላም ስምምነቱ ተቆጣጣሪ ልኡክ መሪ ሜጀር ጀነራል ስቲፈን ራዲና ዛሬ በመቐለ ከተማ በተሰጠው መግለጫ እንዳሉት የሰላም ስምምነቱ አፈጻጸም በጥሩ ሁኔታ እየተከናወነ ነው።
የትግራይ ክልል ጊዚያዊ አስተዳደር ፕረዚደንት ጌታቸው ረዳ የኤርትራ መንግስት የዕርዳታ እህል ለሕዝቡ እንዳይዳረስና የአፍሪካ ሕብረት የስምምነቱ ትግበራ ተቆጣጣሪ ስራውን እንዳያከናውን እያደናቀፈ ነው ሲሉ ከሰዋል ተብሏል!

21/05/2023

የሰሜን ኢትዮጵያ ጦርነት ከ1.5 ትሪሊዮን ብር በላይ ጉዳትና ኪሳራ ማድረሱን መንግሥት ይፋ አደረገ።

በሰሜን ኢትዮጵያ አካባቢዎች በተለይም ማዕከሉን በትግራይ ክልል አድርጎ ለሁለት ዓመታት በተካሄደውና በሌሎች የተወሰኑ አካባቢዎች በነበረው ጦርነት፣ ከ1.5 ትሪሊዮን ብር በላይ የሚገመት ጉዳትና ኪሳራ በአገር ላይ መድረሱን ገንዘብ ሚኒስቴር ይፋ አደረገ።

ግንቦት 9 ቀን 2015 ዓ.ም. የገንዘብ ሚኒስቴርን የዘጠኝ ወራት የሥራ አፈጻጸም ሪፖርት ለሕዝብ ተወካዮች ምክር ቤት የፕላን፣ በጀትና ፋይናንስ ጉዳዮች ቋሚ ኮሚቴ ያቀረቡት ሚኒስትሩ አቶ አህመድ ሽዴ፣ ተቋማቸው በሰሜን ኢትዮጵያ አካባቢዎች በተካሄደው ጦርነት የደረሰውን ጉዳትና የመልሶ ግንባታ ፍላጎት የተመለከተ የዳሰሳ ጥናት (Damage and Needs Assessment) በማከናወን፣ የጥናት ውጤቱን ለመንግሥት እንዳቀረበ ተናግረዋል።

በጥናት ግኝቱ መሠረትም ያጋጠመው አጠቃላይ ጉዳትና የኢኮኖሚ ኪሳራ በአጠቃላይ 28 ቢሊዮን ዶላር እንደሚሆን ሪፖርታቸው አመላክቷል። ይህም በወቅቱ የውጭ ምንዛሪ ተመን ከ1.5 ትሪሊዮን ብር በላይ ነው።
ለቋሚ ኮሚቴው ያቀረቡት ሪፖርት ላይ ከተቀመጠው መረጃ መረዳት እንደተቻለው፣ ‹‹22 ቢሊዮን ዶላር ወይም ከጠቅላላ የአገር ውስጥ ምርት (GDP) 20.4 በመቶ የሚገመት ጉዳት›› ደርሷል።

በዚሁ ምክንያት የደረሰው የኢኮኖሚ ኪሳራ ደግሞ፣ ‹‹ስድስት ቢሊዮን ዶላር ወይም ከጠቅላላ የአገር ውስጥ ምርት (GDP) 5.5 በመቶ የሚገመት የኢኮኖሚ ኪሳራ (Economic Loss)›› መድረሱን ሪፖርቱ ያመለክታል።
ግጭትና ጦርነት በነበረባቸው አካባቢዎች ከሚገኙ ጠቅላላ ነዋሪዎች ውስጥ አንድ ሦስተኛ የሚሆኑት በጦርነቱ በቀጥታ የተጎዱ መሆናቸውን፣ ከእነዚህ ውስጥ ደግሞ ሦስት ሚሊዮን የሚሆኑት የአገሪቱ ዜጎች በጦርነቱ ምክንያት የከፋ ድህነት ውስጥ መግባታቸውንም አስረድተዋል።

ሚኒስትሩ ባቀረቡት ሪፖርት የተቀመጠው የጉዳት መጠን፣ ኢትዮጵያ ባለፉት በርካታ ዓመታት ከውጭ አበዳሪዎች ለኢኮኖሚ ልማት ተበድራ ካልመለሰችው አጠቃላይ የውጭ ዕዳ ጋር እኩል መሆኑን መረዳት ይቻላል። የገንዘብ ሚኒስቴር በየሩብ ዓመቱ ይፋ በሚያደርገው የዕዳ ሁኔታ መግለጫ መሠረት፣ ኢትዮጵያ በአሁኑ ወቅት ያለባት አጠቃላይ የውጭ ዕዳ መጠን 28 ቢሊዮን ዶላር ነው።
ዘገባው የሪፖርተር ነው!

15/05/2023

ጠፍታ በፖሊስ ስትፈለግ የቆየችው ግለሰብ በአሰቃቂ ሁኔታ ተገድላ በመኖሪያ ቤቷ ውስጥ ተቀብራ ተገኘች
======= #=======

በምዕራብ ጎጃም ዞን በመርዓዊ ከተማ አስተዳደር 03 ቀበሌ በተለምዶው ሚካዔል ቁጥር 1 ተብሎ በሚጠራው አካባቢ ነዋሪ የሆነችው ወረቀት አደመ አመራ የተባለች ግለሰብ ግንቦት 02/2015 እንደጠፋች ከሟች ዘመድ ለፖሊስ ጥቆማ ይደረሳል፡፡

ፖሊስ የደረሰውን ጥቆማ መሰረት በማድረግ ባደረገው ክትትል ግንቦት 06/2015 በቤቷ ውስጥ በአሰቃቂ ሁኔታ ተገድላ ተቀብራ ተገኝታለች፡፡

የሟች አስከሬን ቤተሰቦቿ ፤በአካባቢው ነዋሪዎችና በፖሊስ አባላት ተቆፍሮ ወጥቶ መርዓዊ ከተማ የመጀመሪያ ሆስፒታል ምርመራ የተደረገ ሲሆን፤ ተጠርጣሪዎቹን ይዞ ለፍርድ ለማቅረብ እየተሰራ መሆኑን የከተማ አስተዳደሩ ፖሊስ ጽ/ቤት የወንጀል ምርመራ ክፍል አስታውቋል፡፡

12/05/2023

ስራ አስፈጻሚው በጥይት ተመተው ህይወታቸው አለፈ።

የቂርቆስ ክፍለ ከተማ ወረዳ 08 ዋና ስራ አስፈጻሚ አቶ አለባቸው አሞኘ በጥይት ከፖሊስ በተተኮሰ ጥይት ተመተው ዘውዲቱ ሆስፒታል ቢገቡም ህይወታቸው አልፏል።

12/05/2023

ምርጫ ቦርድ ከሦስት ዓመታት በኋላ በመቀሌ የትግራይ ክልል ቅርንጫፍ ጽሕፈት ቤቱን ትናንት እንደገና ከፍቶ ሥራ ማስጀመሩን ቪኦኤ ዘግቧል። ቦርዱ ወደ መቀሌ የላካቸው ባለሙያዎችም ከትግራይ ክልል ፖለቲካ ፓርቲዎች አመራሮች፣ ከሲቪል ማኅበራት ተወካዮችና መገናኛ ብዙኀን ጋር እንደተወያዩ ዘገባው ጠቅሷል። ምርጫ ቦርድ የትግራይ ክልል ከሦስት ዓመታት በፊት በተናጥል ያካሄደውን ክልላዊ ምርጫ ውድቅ ያደረገ ሲኾን፣ በቀጣዩ ዓመት የክልልና የፌደራል ምክር ቤቶች ምርጫ እንደሚያካሄድ ሰሞኑን እንደተገለጠ ይታወሳል።

11/05/2023

የኬንያ ፖሊስ ራሱን "እየሱስ ነኝ" ብሎ የሚጠራውን ግለሰብ ለማብራሪያ ጠራ

የኬንያ ፖሊስ ራሱን "እየሱስ ነኝ" ብሎ የሚጠራውን ግለሰብ ለማብራሪያ ጠራ።

ኢልዊድ ዌኬሳ በሚል ስሙ የሚጠራው ይህ ግለሰብ የአዲሷ እየሩሳሌም አዳኝ ነኝ በሚል ራሱን እየሱስ እንደሆነ በመናገር ላይ እንደሆነ ቢቢሲ ዘግቧል።

ዚህ ጉዳይ ምርመራ እያደረገ የሚገኘው የኬንያ ፖሊስ አሁን ደግሞ ራሱን እየሱስ ክርስቶስ እያለ የሚጠራን ግለሰብ ማብራሪያ እንዲሰጥ ጠይቋል።

በኬንያ አንድ ፓስተር አማኞች እየሱስ ክርስቶስን ለማግኘት እንዲጾሙ እና በረሀብ እንዲሞቱ አድርጓል በሚል በፖሊስ ቁጥጥር ስር መዋሉ ይታወሳል።

የፓስተር ፖል ማኬንዜ መልዕክትን ተቀብለው እየሱስን እናገኘዋለን በሚል ሲጾሙ ህይወታቸው ያለፉ ዜጎች ቁጥር እያሻቀበ ሲሆን ግለሰቡ በፖሊስ ቁጥጥር ስር ውሎ ምርመራው እንደቀጠለ ነው ተብሏል።

Yeju Standard

02/12/2023

30/11/2023

26/11/2023

24/11/2023

29/07/2023

25/07/2023

22/07/2023

10/07/2023

01/07/2023

29/06/2023

29/06/2023

26/06/2023

23/06/2023

22/06/2023

21/06/2023

21/06/2023

19/06/2023

15/06/2023

14/06/2023

14/06/2023

13/06/2023

07/06/2023

26/05/2023

22/05/2023

21/05/2023

15/05/2023

12/05/2023

12/05/2023

11/05/2023

Address

Website

Alerts

Contact The Business

Videos

Shortcuts

Share

Category

Other Media/News Companies in Woldia

You may also like