https://m.facebook.com/pg/Sawena-Media-Network-102817812200853/about/?ref=page_internal&mt_nav=0

Sawena Media Network, Robe (2025)

14/10/2024

Sawena Media Network 👀👂

13/10/2024

SMN} Onkololeessa 03/02/2017
Ummanni Aanaa Sawweenaa Baga Gammaddan" Godina Baalee Bahaa Aanaa Sawweenaa Magaalaa Miicaatti Projeektiin Kuusaa Boba'aa (Yetabaabbaruut) Eebbifamee Jira!

Godina Baalee Bahaa Aanaa Sawweenaa Magaalaa Miicaatti Projeektiin Kuusaa Boba'aa (Yetabaabbaruut) "HARDHA" Bakka Bulchaan Bulchiinsa Godina Baalee Bahaa obbo Jaarsoo Boruu Raroo I/G Siyaasa Paartii Badhaadhinaa Obbo Zalaalam Xilahuun fi H/Yahayaa H/ Aliyyii , Abbootii Gadaa,Abbootiii Amantaa,Abbootii Qabeenyaa, Hoggantoonni Godinaa Ol'aanoon, Hoggantoota Aanaa Sawweenaa fii Hawaasa Magaalaa Gindhiiriifii Hawaasni Magaalaa Miicaa Argamanitti Eebbifamee Jira! Baga!

Dhaamsa H/Yahayaa H/ Aliyyii Haasa'a Guyyaa Hardhaa Keessatti Pirojektiin Kuusaa Boba'aa Kana Xumuruuf Baasii birrii Miliyoona 32.5 Oliin Baasee Xumure Jedhan. H/Yahayaan Kuni Anaaf Jalqaba waan taheef Ammas Uummata Irraa Dhaladhe Fayyadamaa Taasisuuf Hanga Humna Koooti Cimeen Hojjadha Jedhan.

Ergaa Dabalataa H/Yahayaa H/Aliyyii Dabalan Abbootii Qabeenyaa Teenna Namoonni Qabeenyi Keessan Haa Xiqqaatuu Hawaasa Utubuu Dandeettan Hundinuu Hawaasa Irraa Dhalattan Hin Dagatinaa Humna Qabdaniin Hawaasa Keenna Fayyadamaa Taasisaa Jechuun Abbootii Qabeenyaatiif Dhaameera!
Uummata Aanaa Sawweenaallee Galateeffatee jira!

Dhaamsaa Fii Haasa'a Bulchaa Bulchiinsa Godina Baalee Bahaa•

Eebba Guyyaa Hardhaa Irratti
Bulchaan Bulchiinsa Godina Baalee Bahaa Aabba Jaarsoo Boruu Raroo Pirojektiin Kuusaa Boba'aa Kuni Investimantii Gaggeeffamaa jiru keessaa Isa Tokkoodha Jedhan.

Pirojektiin Kuni Rakkoolee Gama Boba'aatiin Hawaasa Keenna Mudachaa Ture Hunderraa ni Fura,Harmeen Teenna Sababa Boba'aa Dhabuutiin Kana Booda Rakkoof hin Saaxilamtu, Daldaaltonni Keenna Sababa Boba'aa Dhabuutiin Qaabeenya Imalchiifachuu hin Hanqatan jedhan Aabba Jaarsoo Boruu Raroo .

Dhaamsa Bulchaan Bulchiinsa Godina Baalee Bahaa Aabba Jaarsoo Boruu Raroo Abbootii Qabeenyaatiif Dhaame Keessaa Muraasa: Abbootii Qabeenyaa Pirojektii Gurguddaa Akkana Ijaaran Nu Malee Qaamni Biraa hin Jiru Jechuun Hawaasa Irraa Dhalattan Hin Miidhinaa Gatii Hanga Jedhameen Hawaasaaf Gurguraa. Hawaasatti Mirga Hin Laallatinaa Hawaasa Qixa Sirriitiin Tajaajilaa Jechuun Abbootii Qabeenyaatiif Dhaamsa Dhama Qabu Dhaamaniiru"

Dhaamsa Xiiqii Of-Keessaa Qabus Dhaamaniiru, Waggaa Dhibbaafii Shantamaa Uummanni Oromoo Cabiinsa Siyaasa-Diinagdee keessa Turuu Irraa kan ka'e Abbootii Qabeenyaa Oromoos Laamsha'anii Turan Hardha Garuu Mootummaan Jijjiiramaa Cabiinsa Siyaasa-Diinagdee Sana Deebisee Dhaabuuf Gadi Fageenyaan Hojjachaa Jira Waan ta'eef Abbootiin Qabeenyaa Oromoo Gama Mootummaa Koottaa Ofiifi Hawaasa Keennas Fayyadamaa Taasisaa Jechuun Dhaamanii Jiru.

Walumaa-Galatti Hawaasa Aanaa Sawweenaatiif Fayyadamtoonni Kuusaa Boba'aa Kanaa Hundinuu Baga Gammaddan!

Onkololeessa 03/2017 Sawena Media Network ✍️

04/10/2024

SMN } Fulbaana 24/2017 Uummanni Oromoo Baga Jala Bultii Ayyaana Irreechaa Kan Bara 2017 Nagaan geessan!

Handhuurri Oromiyaa magaalaan Finfinnee Uummata Oromoo, sabaa fi sablammoota biyya keessaa fi alaa bahaa-dhiyaa, kaabaa-kibbaa, giddu-galeessaa walitti bahee ayyaana Irreecha Hora Finfinnee fi Hora Arsadee kabajuuf dhufe simachaa jirti.

Irreechi Ayyaana sabni Oromoo garaagarummaa tokko malee bu'ura Oromummaatiin gamtaan bahee sabaa fi sablammoota Itoophiyaa, keessummoota biyyoota gara garaa waliin kabajuudha!

Irreecha dhiifamaa, araara, jalaalaa, galataa fi tokkummaa! Ummanni Oromoo fi jaallattoonni sablammoota Itoophiyaa hundi baga nagaan geessan!

Baga Irreecha Finfinnee fi Hora Arsadee Geessan!
Sawena Media Network ✍️

01/10/2024

SMN } Fulbaana 21/2017-Aadaa Oromoo Itoophiyaafi Afrikaa bira darbee, addunyaarratti beeksisuuf Irreechi gahee guddaa qaba. Irreechi duudhaa ganamaa uummanni Oromoo Uumaa isaatiif uumama qabatee galata galchuudha. Oromoon biyyoota garaagaraa irraa irreecha kabajachuuf magaalaa guddoo isaa imalaa jira. Ayyaanni baranaa kun caalatti aadaa Oromoo addunyatti beeksisa jedhamee eegamaa jira.

27/09/2024

SMN} Fulbaana 17/2017- Ethiopia Dabalatee Lammiileen 'Hamster Kombat' taphacha turani gatii gurgurtaa isaatti mufataniiru.

Ji'ootaaf taphni kiriptoo tireendi ture erga gurgurtaafi gabaatti ba'ee booda lammiilee Itoophiyaa dabalatee kan biyyoota biroo hedduu dallansuu keessa galcheera.

Ji’oota shaniif badhaasa argachuuf walitti fufiinsaan erga taphatanii booda, fayyadamtoonni kaffaltii guddaa
eegaa turan baay'ee rifataniiru.

Namoonni hedduun waadaa Hamster kombat galaa turee irraa ka'uun miliyeenara ta’uuf abjootaa turan.

Haa ta'u malee, dhumarratti Kamisa kaleessa badhaasa maallaqaa xiqqaa tahe 'Hamster kombat' maamiltoota isaafi gadii lakkiseera.

Kaffaltiin hanga ammaatti kaffalamu harki caalaan doolaara 1 hanga 4 qofa akka tahe Punch Gaazexaa jedhamu Katabee jira.

Lammiileen biyyoota hedduus Waltajjiiwwan Miidiyaa hawasummaa adda addaatti bahuun aarii isaanii ibsuun, 'Hamster Coin' nu dogoggorseera jechuun yaada isaanii ibsachaa jiru.

Waa'ee Hamsters kombat isin hanga ammaatti Maalfaa dhageessani?

Guyyaa Gaarii qabadhaa!

26/09/2024

SMN } Fulbaana 16/2017 Uummanni Magaalaa Miicaa Sababa Networki Gahaa Dhabuutiin Duubatti Hafnee Jirra Jedhan .Kanaaf Falli Maali?

Magaalota Godina Baalee Bahaa Keessaa Magaalaan Miicaa Magaalaa Saffisaan Sadarkaaa Tokkoffaa Irratti Argamtuudha, Akkasuma Magaalaa Miidhagduu,Quxisuu Saffisa Gaariin Guddachaa Jirttuu fii Haalli Teessuma Lafa Ishii Miidhaguu fii Jireenya Namatiif Mijattuuti!

Teessoo Bulchiinsa Aanaa Sawweenaa Tan Taate Magaalaan Miicaa Rakkoolee Bu'uuraalee Misoomaa Hedduun Miidhamaa Jirti. Fakkeenyaaf Rakkoon Bishaan Magaalaa Miicaa Gaafii Baroota Hedduuti,Hardhas Furmaata Hin Arganne! Rakkoon Niitworkiis Sanuma Gaafii Baroota Baay'ee Ta'us Furmaanni Laatame hin jiru.

Magaalaa Miicaa Keessatti Networkin 3Gn Guutumaan Guututti Bilbila Yoo Ta'e Malee "SOCIAL MEDIA" Kamuu Banuu Dadhabee jira. Fayyadamtoonni Social Media Magaalaa Miicaa Keessa Jiran Humna Networki 3G Ol-Dabranii Jiru Jedhan! Rakkoo Kanatu Duubatti nu Hanbise jechuun Qaama Dhimmi Ilaallatutti Wat-waataa jiru!

Walumaa-Galatti Gama Network "tiin Furmaanni Barbaachisu Network 📶4G Qofa Tahuu Hubattanii Qaamni Dhimmi Ilaallatu Network 4G Uummataaf Akka Galuu Godhuu Qabdan. Ammatti Gaafiin Uummata Magaalaa Miicaa Ol'aanaan tokko Kana! Caldhisanii Taa'uun Furmaata hin tahu Waan taheef Qaamni Dhimmi Ilaallatu Lamaan Bulchiinsa Aanaatii fii Bulchiinsi Ganda Miicaa Waliin Ta'aatii Qaama Ol'aanaa Dhimmi Ilaallatu Dubbisaa Uummataa fii Ofiifis Furmaata Godhaa !?

Mootummaan Rakkoo Uummata Magaalaa Miicaa Hatattamaan Furmaata godhuu Qaba?

21/09/2024

SMN} Fulbaana 11/2017-Dookmentarii fiilmii ‘ATEETEE’ jedhu tibba kana Finfinnee hoteela Sharaatanitti eebbifame hojjechuuf yeroo waggoota lama nutti fudhateera jedha barreessaan Dookimentarii fiilmii kanaa dargaggoo Roobsan Waabee.

Dookumentarii kana hojjechuuf qorattoota sirna Gadaa irratti hojjetan hayyoota garaagaraa hirmaachisuu isaa kan hime, dokimentariin kun harki 80 ol hawaasa Oromoo keessa kan jiru fudhanne jedhan.

Dookumentariin kun barreeffama hedduu kan hin qabneefi hangi barreeffama dookumentaricha keessa jiruu taatota hirmaachiseefi bifa diraamaan dhiyaate parsantaa kudhan yokaan diigdama ta’a jechuun ibsa barreessaafi daarikteera fiilmichaa kan ta’e Roobsan Waabee.

Kaan immoo kan uummata keessa jiru irratti hayyoota addaa addaa waliin qorannoo taasisuun hojjenne jedha.

Oromiyaa guutummaa keessa naannofnee hojjechuuf karoora qabannu illee haalonni tokko tokko nuuf mijachuu didaniiru kan jedhu, Arsii Lixaa bakka sirni kun qabatamaan keessa jiru bu’uura taasifachuun hojjechuu hime.

Hanga dandeenyetti aadaa, duudhaa, seenaafi tuuriizimiin illee wal qabsiifnee hojjechuu qabna turre kan jedhu dargaggoo Roobsan, bakka sirni kun qabatamaan jira jennu irratti xiyyeeffannee hojjechuun xumurre jedha.

Uummata akka Oromoo seenaa isaanii afoolaan dhalootaa dhalootatti dabarsaa as ga’aniif dookumentariin fiilmii baay’ee barbaachisaa ta’uu ibsa Roobsan.

Kanaaf dookumentariin fiilmii kun dhalattoota Oromoo biyya alaa seenaafi aadaa isaaniin wal agarsiisuufi barsiisuu keessatti shoora jabaa taphachuun alatti seenaafi aadaa tursiisuu keessatti shoora olaanaa qaba jedhee akka amanu ibseera.

Ateetee jechuun sirna siinqee qabatanii ittiin sirna sana raawwatani kan jedhu, sirna Gadaa keessatti dhiiraaf alangeen ykn Bokkuun yoo kennamu dubartiif siinqeetu kennama jedha.

Qorattoonni Ateeteen gosa kudha torbaa ol jiraachuu nutti himan kan jedhu Roobsan, sirni Ateetee kun immoo siinqee qabatamee hawwoota siinqeen raawwatama jechuun ibsa.

Sirni eebba dookumentarii kanaa haala miidhagaa ta’een hayyootaafi uummata bal’aa hirmaachisuun raawwatame kan jedhu, akkaataafi mijuun ittiin eebbifame hawataa ture jedha.

Dookumentarii fiilmii kana Oromiyaa keessaafi alarra naanna'anii agarsiisuuf karoora qabaachuu kan himu barreessaafi daarekteerri dookimentarichaa Roobsan Waabee, sanaa booda karaa miidiyaanis uummata hunda biraan geenya jedheera.

Seenaa, aadaa, duudhaafi falaasafni Oromoo ijaafi gurra addunyaa keessa seenuu qaba kan jedhu Roobsan, qaamonni hundi deggersa barbaachisu taasisuu akka qaban dhaamee jira.

19/09/2024

SMN } Fulbaana 09,2017-Aanaa Heeban Arsiitti dargaggoon tokko Kophee ammayyaa 'Heban Arsi' jedhamu oomishuun gabaaf dhiheessuu eegale.

Godina Arsii Lixaa Aanaa Heeban Arsiitti dargaggoo Teewodiroos Asraat muuxannoofi leenjii hojii argateen kophee ammayyaa oomishuun gabaaf dhiheessuu eegaleera.
Maqaan kophee dargaggoo kanaas ‘Heban Arsi’ kan jedhamu yoo ta’u muuxannoofi leenjii hojii Chaayinaarraa argateen hojii kanatti eegaluun himameera.

Dargaggoon kun karoorri qabate akka milkaa’uuf deeggaraa turuu Itti gaafatamtuun Waajjira Investimentii Goina Arsii Lixaa Aadde Addis Akkawaaq himaniiru.

Yeroo ammaas naannoon inni itti hojjetaa jiru tajaajila elektiriikaa waan hin qabneef jenereetaraan fayyadamuun maashina ittiin hojjetu sochoosaa jiraachuu eeraniiru.
Elektiriikatti fayyadamuun hojiisaa kana akka si’eessuufis hojjetamaa jiraachuu Aadde Addis himaniiru.

14/09/2024

SMN} Fulbaana 4/2017-Dokumantarii fiilmiin 'Ateetee Ayyaana Haawwotaa Jedhamu Fulbaana 8/ 2017 eebbifamuuf jedha.

Dokumantarii fiilmiin 'ATEETEE AYYAANA HAAWWOTAA' Jedhamu baasii qarshii miiliyoona 4'n hojjetame sirna gadaa keessatti gahee dubartoonni qaban agarsiisu Fulbaana 8/ 2016 Finfinnee Hoteela Sharaaten Addisitti eebbifamuuf jedha.

Ibsa koreen Eebba Fiilmicha keeneni Filmiin kun Finfinnee, gaarreen Ikoo Turizimii Adaabbaafi Dodolaa akkasumas gaarreen Baalee keessatti hojjetame jedhan!

09/09/2024

SMN} Qaammee 4, 2016 - Barattoota qormaata Biyyaleesaaa Kutaa 12ffaa fudhataan keessaa barattoonni kuma 36 fi 409 (%5.4) darbuu Ministeerri Barnootaa beeksise.

Ministirri Ministeeraa Barnootaa Pirofeesar Birhaanuu Naggaan firii qormaataa biyyaalessaa kutaa 12ffaa 2016 ilaalchisuun ibsa miidiyaaleef kennaniin, barattoota qormaaticha fudhachuuf galmaa’an kuma 701 fi 749 keessaa barattoonni kuma 684 fi 205 qormaaticha fudhachuu kaasaniiru.

Ministirri Ministeera Barnootaa Pirofeesar Birhaanuu Naggaan firii qormaata biyyaalessaa kutaa 12ffaa 2016 ilaalchisuun ibsa miidiyaaleef kennaniin, barattoota qormaatichaa fudhachuuf galmaa’an kuma 701 fi 749 keessaa barattoonni kuma 684 fi 205 qormaaticha fudhachuu eeraniiru.

Barattoonni kuma 29 fi 736 qormaatichaaa oonlaayiniin fudhachuu himaniiru.

Bu’aan qabxii baranaa kan waggoota lamaan darbaniin yoo walbira qabamuu fooyya’aa ta’uu kaasaaniiru.

Qabxii olaanaan galmaa’e 675 kanneen qormaata 700 keessaa qoraman yoo ta’u, kanneen 600 keessaa qoraman Saayinsii Umamaan 575, Saayinsii Hawaasaan ammoo 538 qabxii olaanaan akka galmaa’e ibsaniiru.

Manneen barnootaa kumni 1 fi 363 barataa tokkooyyuu hin dabarsine ta'uu Pirofeesar Birhaanuun himaniiru.

Barattoonnis qabxiiisaanii halkan keessaa sa'aatii 6:00 irraa eegalee ilaallachuu akka danda'an ibsaniiru.

07/09/2024

SMN } Qaammee 2/2016-Abbootiin Gadaa Oromoo Irreechi bara kanaa karaa aadaa, duudhaa fi safuu isaa eeggateen akka kabajamu ergaa dabarsan

Kabaja Irreecha bara kanaa ilaalchisee mariin gaggeeffameera.

Abbootiin Gadaa, Hayyoonni, Jaarsoliin Biyyaafi Haadholii Siinqee marii magaalaa Bishooftuutti gaggeeffamerratti hirmaataniiru.

Irreecha bara kanaa karaa aadaa, duudhaafi safuu Oromoo eeggateen waloomaan daangaa tokko malee akka kabajamu dhaamaniiru.

Qaamoleen sababa wal dhibdee yaadaatiin gargar fagaatanis waliif araaramuun afaan tokkoon,yaada tokkoon Oromoofi Orommiyaaf jedhanii nagaa buusuun waliin akka irreeffatan waamicha waloomaa dabarsaniiru.

Abbootiin Gadaa,nageenyi qabeenya guddaa dhala namaa ta'uu ibsuun qorsi lolaa fi jibbaa jaalala ta'uu dubbachuun Uummanni Oromoo biyyaa keessaafi alaa nagaa waaressuun ayyaana isaa nagaan kabajatuun murteessaa ta'uu eeraniiru.

Uummanni Oromoo injifannoo argate kunuunfachaa ayyaanni Irreechaa nageenya,tokkummaa,jaalalaa fi diingdee ta'uu hubachuun waloon kabajamuu akka qabu ibsuun Irreechi garee kamiiyyuu ol ta'uu beekanii waliin bahanii Irreeffatanii nagaan galuu guddina Oromoo kan agarsiisu ta'uu Abbootin Gadaa dhaamsa dabarsuu ragaan BKO irraa argame ni mu’isa.

05/09/2024

SMN} Hagayya 30, 2016-Jaalallee isheetiin abiddaan kan gubamte Atileet Ribqaa Cheepteegee boqotte.

Atileetiin lammii Yugaandaa Ribqaa Cheepteegee fiigicha maaraatooniin Olompikii Paarisirratti hirmaatteefi jaalallee isheen ibiddan gubamte boqochuun dhaga’ame.

Cheepteegeen Dilbata darbe ture kan jaalalleen ishee boba’aa itti fufirsuun ibiddaan gubuun gabaafame.

Balichaan qaamni miidhamtuu harka 80 ibiddichaan gubamuu kan eerame yoo ta’u, wal’aansarra utuu jirtuu har’a boqochuushee BBC'tu gabaase.

27/08/2024

SMN } Hagayya 21/2016 Uummanni Oromoo Kutaa Garaa Garaa Irraa Wal-waraansi Waraana Adda Bilisummaa Oromoo fi Waraana Mootummaa Giddutti Adeemsifamaa jiru akka Dhaabbatuufii Araarri Akka Bu'u Akkaataa Amantaa Isaaniitiin Kadhannaa Geggeessaa jiru!Qaama Lamaan Oromiyaa Keessatti Wal-Waraanaa Jiruufis Waamicha Godhanii jiru!

Godina Shawaa Kaabaa Aanaa Sulultaa fi Magaalaa Caancootti Uummanni Addabaabaayiitti bahee Qaamonni Oromiyaa keessatti Wal-waraanaa jiran Nagaa akka buusan gaafate.Uummanni farda Luugamee, daa'imaa camadee, kallacha, Caaccuu fi Marga qabateeti bahee araarri akka bu'u kan Gaafate.

Abbootiin amantaa, abbootiin gadaa, haadholiin siiqqee fi hawaasni bal'aan irratti hirmaatee jira.

27/08/2024

SMN } Hagayya 21,2016 Seenaa Gabaabaa Jeneraal Huseen Bunee Daraaraa Dubbisaa!? Gootichi Gammoojjii Baalee Jeneraal Huseen Bunee Daraaraa, Jeedala ta'ee waggaa 100 jiraachuu Mannaa Leenca ta'ee Guyyaa tokko Aadee Du'uu Naaf wayya jechuu dhaan Ofirratti Murteessee Akkuma Leencaatti Sodaa Tokko Malee Miseensota Baay'ee Horachuu dhaan Qabsaa'ota Baaleetiifii Oromiyaa Kutaa Garaa Garaa keessa jiraniin Wal_Qunnamuu dhaan Waliin Ta'anii Qabsoo Sabaa Finiinsaa Turan Jeneraal Huseen Bunee !
Jeneraal Huseen Bunee Abbaa isaa obbo Daraaraa Godaanaa fi haadha isaa aadde Hawwaa Badhaasoo irraa bara 1906 Oromiyaa Godina Baalee Bahaa Aanaa Sawweenaatti dhalate. Yeroo Sana Sawweenatti bakki barnoota ammayyaa itti baratan waan hin jirreef, Barnoota amantii baratee, boodas barsiisaa Amantii ture.Mootummaa Hayle Sillaasee Keessa Qaamni Yeroo sana angoo 1abu ciminna isaa ilaaluun aangoon kennaniifii Baalabbaata tahee naannoo isaa bulchaa ture.

Haa Ta'uu malee, Cunqursaa fi miidhaa Nafxanyaan ummata isaarra geessisaa ture waan hubateef, Cunqursaa kana jalaa ummata isaa baasuuf yaaduu eegale.Walgahii Baalabbaatota kudha saddeet waliin magaalaa Gindhiir keessatti godhame irratti akka Nafxanyaatti gara galanii itti qabsaawan yaada kaase. Jarri garuu akka waan Oromoon Nafxanyaa ajjeesuu hin dandeenyetti waan fudhataniif sodaatanii yaada isaa kana harkatti didan. Inni garuu soda tokko malee gootummaadhaan akka Nafxanyaa ajjeesuun dandayamu itti agarsiisuuf sangoota isaa sagal Gurguree, qawwee sadi bitachuun namoota saddeet tahanii Nafxanyaa adamsuu eegalan. Naannoo Nafxanyaa tokko ajjeesanii qawwee zinnaara guutuu waliin irraa hiikkatan.
Akkasuma Reeffa nafxanyichaa ummatatti agarsiisuun,akka Qawween Oromoo Nafxanyaa ajjeesuu danda'u Uummataaf Mirkaneessan,
Achiin booda shiftaa jedhamee, gaara Goonii kan Amma gaara Jeneraal Huseen Bunee jedhamuun Beekkamu, Waheloota isaa waliin galee qabsoo itti fufe.Warri laalaan gabrummaa itti dhagayamte Huseen Buneetti dabalamuun miseensonnillee huddummaachuu eegale. Humni Waraanaa Dabaluu irraa Kan ka'e Qawween hedduun isaan barbaachise. Waraana isaa keessaa nama saddeet ergee gargaasa qawwee Perezidaantii Somaalee yeroo sanii Aadam Addee gaafachuudhaan qawwee saddeet argatanii Gara Iddoo Qubsuma Waraana isaa Gaara Goonii Galan, Qawwee Sadan jalqaba loon gurguree bitatee fi kan nafxanyicha ajjeesan irraa hiikkatan waliin qawwee kudha lamaan qabsoo itti fufan.

Bara 1970 tti Somaaliyaa dhaqee mootummaa Somaaleetti rakkoo Oromoo erga ibsee booda akka gargaarsa qawwee godhaniif gaafatee milkiidhaan qawwee hedduu argatee gaalatti fe’ee biyyatti gale. Qabsoo cimsanii naannoon biraallee akka waliin ka’anii qabsaawan waamicha qabsoo jabeessanii itti fufan, Somaaleen maqaa Oromoo jedhu kana Oromoon akka ittiin hin waamamne dhiibbaa godhuun maqaa “Somaalee Abboo”jedhu Oromoof baasanii turan. Baqattoonni Oromoo Somaaliyaa jiran, Maqaa Oromoof kenname, “Somaalee Abboo” kana balaaleffatan. Sababa kanaan mootummaan Somaalee baqattoota Oromoo magaalaa Muqdishootti walgahii waame. Itti aanaan perezidaantii Somaaliyaa yeroo sanii Muhammad Ali Samattar walgahicharratti argamuun baqattoota Oromoo lakkoofsaan namoota dhibba saddeet tahan keessaa nama tokko akka bakka buufatanii dubbisan gaafate; Ana jechuudhaan namni gaafa san bakka bu’ee Jeneraaltichi gaafii gaafate Jeneraal Huseen Bunee ture. Afaan Soomalee sirriitti waan hin beeyneef Siraaj Haaji Isaaq turjumaana taheefii gaafiin inni gaafatame, “Nuti Somaalee
Abboodhaan isin beeynaa yoomii as Oromoo taatan?” kan jedhu ture. Jen. Huseen Bunee deebii isaa kennuun dura gaafii gaafate; “Jecha Oromoo jedhu yoom dhageette ati?” jedheen. Jeneraaltichis “Bara 1962 dhagaye” jedheen. Jen. Huseen Bunee deebisee akkana jedheen; “Gaafni isin Oromoo dhageettan gaafa dhalattan, san dura isinuu rimaya turtan jedheen Gootichi Jeneraal Huseen Bunee.

Afrikaanota isin dura dhalatte Oromoon yoomii as jirti jedhaa gaafadhaa. Akka Oromoon gaafa ilmi namaa uumamu uumamte isinitti himanii. Ummata baldhaa lafa qabu, aadaa qabu, sirna gadaatiin bulu dhagayuu dhabuun keessan nama ajaa’ibsiisa!” Jeneraaltichi dubbii Jen. Huseen Bunee kanatti baayyee aaree walgahii xumure. Sababa kanaan waraanni
Somaalee halkan Jeneraal Huseen Bunee fuudhee mana hidhaa lafa jalaatti hidhan.Jeneraal Huseen Bunee mana hidhaarraa fuudhanii Perezidantii Somaaliyaa yeroo sanii Ziyaad Barreetti geessanii dubbisan. Ziyaad Barreen akka Jeneraal Huseen Bunee maqaa Somaalee Abbootiin yoo qabsaawe mana, makiinaa fi mindaa ol’aanaa godhaniif waadaa seeneef. Jeneraal Huseen Bunee garuu Kanas ni dide, Biyya isaa bilisoomsuuf malee gurgurachuuf akka manaa hin bahin murannoo dhaan itti hime. Ziyaad Barreenis gootummaa isaa kana xiinxalee, ajjeesuuf nama Uummanni duuba jiruufii Nama Jabaa akka tahe waan hubateef waggaa sadi booda Jeneraal Huseen Bunee mana hidhaarraa bilisaan gadi lakkise.
Seenichi itti fufa.....!

Hangasiifuu Miidiyaa Keessan Sawena Media Network Follow gochuun hordofaa Nu Eegaa?!!

25/08/2024

SMN } Hagayya 19/2016 Komaandar Atileet Taammiraat Tolaa, Taphoota Olompikii 33ffaa magaalaa Paarisitti adeemsifame irratti fiigicha Maraatoonni injifachuun Itoophiyaaf Warqee kan argamsiise bakka dhaloota isaa Aanaa Alaltuutti simatame.

Bulchiinsi Aanaa Alaltuu Simannaa Komaandar Atileet Tammiraat Tolaatiif kan qooheesse yoo ta'u, sirna simannaa kana irratti ummanni aanichaa, Haadha Warra Atileet Taammiraat Tolaa, Atileet Sisaay Lammaafi keessummoonni garagaraa argamani jiru.

Ummanni Aanaa Alaltuu kabajaafi jaalalaa isaaf qaban fardaafi lafoon bahuun sirbàafi dhiichisaan simannaa gootaaf malu taasisani jiru.

18/08/2024

SMN } Hagayya 12/ 2016- Ethiopia Keessatti Daldaaltota Doolaarri Dabale Jedhanii Sababaan Malee Meeshaalee Garaa Garaa irratti Gatii Malle Dabalanii Argaman Irratti Tarkaanfiin Seeraa Akka Fudhatamu Mootummaan Ethiopia Dhaamanii jiru!
Godina Baalee Bahaa Aanaa Sawweenaatti Qaala’insi Gabayaa Too'achuu dhaaf Koreen Qaama Hundaa Of-keessatti Hammate Dhaabamee Hojitti Galee jira!

Magaalaa Miicaa Keessatti Daldaaltota Ol-Ka'iinsa Doolaaraa Sababeeffachuu dhaan Meeshaalee Garaa Garaa Irratti Gatiin Mallee Dabalanii Gurguraa Turan Irratti Tarkaanfiin Seeraa Fudhatamuu Eegalee jira, Fakkeenyaaf Daldaaltota Boba'aa, Lallaafaa,
Shaqaxootaafi Midhaan nyaataa Irratti Gatii Dabalanii Gurguraa Turaniifii Gurguruuf Yaalan Irratti Tarkaanfiin Fudhatamee fii Fudhatamaa jiru Abdachiisaa dha!

Koreen Qaala’insi Gabayaa Sirreessuuf Torbaan tokko Dura Aanaa Sawweenaatti Dhaabbatee ture Dhiheenya Kana Magaalaa Miicaa Keessa Socho'anii jiru, Koreen Qorannoofii Hordoffii Geggeessite Irratti hundaa’uun Manneen Boba'aa, Lallaafaa, Daakuu fii Suuqiiwwan Garaa Garaa Irratti tarkaanffii Seeraa Fudhatanii Saamsanii Jiru, Daldaaltota Daballii Gatii Malee Hamma Jedhamaniin Meeshaa Gurgurachuu
dhaaf fedhii Qaban Waliinis Mari'atanii Of-Eeggannoo Cimaa dhaan Hawaasaaf akka Gurguranis Itti Himamee Kallattii Kaa'uun Hayyamanii jiru,

Qaamni Dhimmi Ilaallatu Qaamni Qaala’insi Gabayaa Mudate Tasgabbeessuuf Qooda Isinirraa Barbaachisu hundaa Baatanii Koree Itti Dhaabdanii fii Koreen Akka Jedhametti Tarkaanfii Barbaachisu Hundaa Fudhatanii Dhimma kanarratti waliin Qindaa'anii Halkaniifii Guyyaa hojjachaa Turanii fii Ammas Hojjachaa jiran Haala Gaarii Irratti argaman!

Qaala’insi Gabayaa Aanaa Sawweenaa Magaalaa Miicaa Keessatti Muldhachaa tureefii Ammas Muldhachaa Jiru Sodaachisaadha Waan ta'eef Ammas kana Daran Gadi Fageenyaan Irratti hojjatamuun Dirqama,

Walumaa-Galatti Qaala’insi Gabayaa Muldhachaa jiru Tasgabbeessuuf Koreen Qofti Gahaa waan hin Ta'iniif Qaamni Hunduu Waliin Ta'ee Irratti Hirmaatuu dhaan Qaama Dhimmi Ilaallatuuf Eeruu Kennuu qabdan!

17/08/2024

SMN} Hagayya 11/2016 Liiverpuul leenjisaa haaraa Waliin Tapha dorgommii jalqabaa injifattee jirti! Mohaammad Saalaah goolii tokko Mijeessee kenne tokkommoo ofii lakkoofsiise jira! Tihaagoo Jootaan Takka galchee jira, Walumaa-Galatti Lamaafii Zeeroon Moo'attee Jirti Liverpool!