https://www.facebook.com/1730535903863121/

ن - nun, Arada sub-city, Addis Ababa (2024)

09/09/2024

" ዘንድሮ 1,363 ትምህርት ቤቶች ምንም አይነት ተማሪ አላሳለፉም" 🙄

የትምህርት ሚኒስትሩ ፕሮፌሰር ብርሃኑ ነጋ በ12ኛ ክፍል ብሔራዊ ፈተና ውጤት ዙሪያ መግለጫ እየሰጡ ይገኛሉ።

ሚኒስትሩ የፈተናው ውጤት ለሊት 6 ሰዓት ላይ ይፋ ይደረጋል ብለዋል።

የወንዶች አማካይ ውጤት - 30.66

የሴቶች አማካይ ውጤት - 28

ዘንድሮ ብሔራዊ ፈተና ከተፈተኑት ተማሪዎች 36,409 ተማሪዎች ናቸው ያለፉት ።

አጠቃላይ ፈተናውን ያለፉ ተማሪዎች 5.4 በመቶ ናቸው።

አዲስ አበባ 10,690 ተማሪዎች በማሳለፍ ከፍተኛውን ስፍራ ይዟል። ይህ ማለት አዲስ አበባ ካስፈተናቸው ተማሪዎች በመቶኛ ሲሰላ 21.4 በመቶ አሳልፏል።

በሀገር ከፍተኛ ውጤት የተመዘገበው በትግራይ ነው።

በትግራይ ፈተናው ከ700 ነው የተሰጠው።

በወንድ ተማሪ ከቀላሚኖ 675 ከፍተኛ ውጤት ተመዝግቧል ይህም በ ኢትዮጵያ ውስጥ ለመጀመሪያ ጊዜ ነው ተብሏል።

ሌላ በሀገር ደረጃ ከ600 ከተፈተኑት ውስጥ 575 ከተፈጥሮ ሳይንስ እንዲሁም ከማህበራዊ ሳይንስ ደግሞ 538 ከፍተኛ ውጤት ተመዝግቧል። በተፈጥሮም በማህበራዊ ሳይንስም ትልቅ ውጤት የመጣው በሴቶች ነው።

👉 ዘንድሮ 1,363 ትምህርት ቤቶች ምንም አይነት ተማሪ አላሳለፉም።

በሌላ በኩል ፤ በኦንላይን ከተፈተኑ ተማሪዎች 26.6 በመቶ የሚሆኑት አልፈዋል።

09/09/2024

ስቲቭ ሀርቬይ

ይኼ ቢሊዮኔሩ ስቲቭ ሀርቬይ የተባለው ዝነኛ የቴሌቪዥን ሰው ይገርመኛል፡፡

ዘወትር ደግሞ ደጋግሞ የሚለው ነገር አለው፡፡ እንደዚህ ይላል፦

"እኔ ያጣሁ የነጣሁ፣ የጎዳና ተዳዳሪ የሆንሁ ድሃ ሰው ነበርሁ፡፡ አሁን በዚህ ዓይነት የዝነኛነት ማማ ላይ የደረስሁት እና ድልቅቅ ያለ የንጉሥ ኑሮ መኖር የጀመርሁት ሁለት ነገሮችን ብቻ አድርጌ ነው፡፡ ሌላ ሦስተኛ የለውም፤ ይኸውም፦

ሀ, በአዱኒያ ውስጥ ማግኘት የምፈልገውን ነገር ዘርዝሬ ጻፍሁ፣

ለ, ከዚያም ይኼ የጻፍሁትን ነገር ይሰጠኝ ዘንድ ፈጣሪን (ሁሌ ፈጣሪ "God" ነው የሚለው ጂሰስ እንኳ ሲል ሰምቸው አላውቅም) አጥብቄ ለመንሁት፤ ከዚያም ሰጠኝ፡፡
አለቀ፡፡ እናንተም ይኼንን አድርጉ፡፡"
፡፡፡፡፡

08/09/2024

ሁላችንም ይህን ዜና እንሰማለን ብለን አልጠበቅንም 😔

የእነ ሕፃን ሶሊያና ዐይን ታክሞ ማየት እንደማይችሉ ተነግሯቸው ወደሀገራቸው ተመልሰዋል። እናታቸው ትግስት ከሰይፉ ጋር በነበራት ቆይታ ስትናገር ልብቻን ተሰብሯል ምክንያቱም በብዙ ጉጉት የህክምናውን መልካም ዜና ያለአንዳች ስጋት ስንጠባበቅ ቆይተናል ።

ብዙ ጉጉት ነበረን ፣ ለነዚህ ህፃናት ልቡ ያልተነካ ያላለቀሰ አልነበረም ፤ በቅርቡ በተሳሳተ መረጃ አይናቸው መብራት ችሏል ተብሎ የውሸት ዜና ሲሰራጭ እንኳን ውሸት መሆኑን መቀበል ያልፈለግን ብዙዎች ነበርን ፤ ምክንያቱ ደግሞ እኛም እንደቤተሰብ ተጨንቀን በተስፋ መልካሙን ዜና ስንጠብቅ ስለነበር ።

ይህች እናት ጠንካራ እና ብርቱ ናት ፤ የልጆቿን አይን መብራት ከማንም በላይ በጉጉት ትጠብቅ የነበረች ፣ በብዙ የተፈተነች እናት ፣ ጠንካራ መሆንሽን አይተናል ፤ እነዚህ ውድ ልጆችሽ አድገው እንደሚያኮሩሽ ጥርጥር የለንም ! 🙏

በልጅ መፈተን ከባድ ነው : ሁላችንም በልጆቻችን አይፈትነን !

08/09/2024

መንፈስን የሚያበረቱ ሰዎች
✨💓💞💛
እንዲህ አይነት ሰዎች ወሳኝ በሆነ ወይም በምትፈልጋቸው ጊዜ የሚያበረቱህ ናቸው።ያለምንም ፍርድ ወይም ከራስ ወዳድነት ፍላጎት ውጭ ድጋፍ በመስጠት በችግርህ ጊዜ ያበረታቱሃል። 💛

የእንደዚህ አይነት ሰዎች በህይወትህ ውስጥ መገኘት ምቾትና መፅናናትን ይሰጥሃል። ነቀፋን ወይም አሉታዊነትን ሳትፈራ በሙሉ ራስ መተማመን እራስህን መሆን የምትችልበትን አስተማማኝ ቦታ ይፈጥሩልሃል።
ጭንቀትህን ስጋትህን እንዲሁም የውስጥህን ሃሳብ ክልብ በማድመጥና በመረዳት የህይወት ፈተናዎችን በልበ ሙሉነት ለመምራት የሚረዳህን እውነተኛ ምክር እና ማበረታቻ ይሰጡሃል።✨

የእንደዚህ አይነት ሰዎች ደግነት እና ርኅራኄ እንደ ቋሚ የጥንካሬ ምንጭ ሆኖ በማገልገል ዋጋና ክብር እንዳለህ ያስታውስሃል።
የነሱ ታማኝነት እና ቅንነት የጓደኝነት እና የወዳጅነት ትስስርን እንደሚያጠነክር ከውሽት በመረዳት የደስታ እና የሀዘን ጊዜያትን በጋራ ትካፈላለህ።✨

የእነሱ አዎንታዊ ተጽእኖ ደግነታቸውን እንድትመልስ እና ከሌሎች ጋር ባለህ ግንኙነት ተመሳሳይ የርህራሄ እና የመተሳሰብ እሴቶችን እንድትጠብቅ ያነሳሳሃል።✨

ሁላችንም በህይወታችን ውስጥ እንዲህ አይነት ሰው ቤተሰብ፣ጓደኛ፣የትዳር አጋር ወይም በሆነ የህይወት አጋጣሚ የምናውቀው መቼም የማንረሳውና ውለታውን መክፈል የማንችለው ሰው ይኖረናል ወይም በህይወት ጉዞዋችን ላይ እንዲህ አይነት ተፅኖ የፈጠሩብን የማንረሳቸው ሰዎች ይኖሩናል።✨

እንዲህ አይነት ሰዎች ህይወትና ሰው መሆን ምን እንደሆነ የገባቸው የሰው ብርታትና ጥንካሬ የሚያስደስታቸው ከራሳቸው አልፎ ሌላውንም መረዳትና ማየት የሚችሉ ሰውን ከልባቸው መውደድና ማፍቀር የሚችሉ ጥበበኞች ናቸው።🙏💛

07/09/2024

ብዙ ቅሬታን እያስነሳ ያለው ከመስከረም 1 ጀምሮ ተግባራዊ የሚሆነው አዲሱ የመንግስት ሰራተኞች የደሞዝ ጭማሪ

07/09/2024

የአዋሬ አዲሱ ገፅታ

31/08/2024

Best quotes ❤

27/08/2024

ለዩቱብ ሽቀላ ያልተሰራ ምርጥ የጊዜአችን የጥበብ ስራ❤
#አንድቃል

#ሚካኤልበላይነህ

27/08/2024

ሮናልዶ ልዩ ሽልማት ሊበረከትለት ነው !

የአውሮፓ ሻምፒየንስ ሊግ የምንግዜም ከፍተኛ ግብ አስቆጣሪው ክርስቲያኖ ሮናልዶ በመጪው ሐሙስ ከአውሮፓ እግርኳስ ማህበር ልዩ ሽልማት ሊበረከትለት መሆኑ ተገልጿል።

ሮናልዶ ሐሙስ በሚካሄደው የአውሮፓ ሻምፒየንስ ሊግ እጣ ማውጣት ስነ ስርዓት ላይ ሽልማቱ ከዩኤፋ ፕሬዝዳንት አሌክሳንደር ሴፈሪን እንደሚበረከትለት ተነግሯል።

ክርስቲያኖ ሮናልዶ በአውሮፓ ሻምፒየንስ ሊግ ባደረጋቸው 183 ጨዋታዎች 140 ግቦችን በማስቆጠር የውድድሩ የምንግዜም ከፍተኛ ግብ አስቆጣሪ ነው።

27/08/2024

ኢትዮጵያ ውስጥ የዝንጀሮ ፈንጣጣ ተገኝቷል ?

“ የእኛም ሰዎች እዛ ሂደው ስላዩ አረጋግጠዋል ሞንኪፖክስ አይደለም፡፡ ቺክንፖክስ ነው ” - ጤና ሚኒስቴር

ኦክስፋም ኢትዮጵያ የተሰኘ መንግሥታዊ ያልሆነ ድርጅት በሶማሌ ክልል በዝንጀሮ ፈንጣጣ (Mpox) የተጠረጠረ ኬዝ መገኘቱን የሚያሳይ አጭር ሪፖርት ትላንት ይፋ አድርጎ ነበር፡፡

ሌላ አንድ ስሙ እንዳይገለጽ የጠየቀ ድርጅትም እዛ ካሉ ሰዎቹ የበሽታው ኬዝ በሶማሌ ክልል መገኘቱን እንደሰማ ገልጿል።

አንድ ስማቸው እንዲገለጽ ያልፈለጉ የሶማሌ ክልል ባለስልጣን ግን " ምንም የተገኘ ነገር የለም ውሸት ነው ያወጡት ሪፖርት " ብለውናል።

ቲክቫህ ኢትዮጵያም፣ እውነት ተከስቷል ? የሚለውን ጉዳይ ለማጣራት ሞክሯል፡፡

ጤና ሚኒስቴርንም በሽታው ወደ ሀገራችን ገብቷል እንዴ ? ሲል ጠይቋል።

የጤና ሚኒስትር ዴዔታ ደረጀ ጉዱማ (ዶ/ር) በሰጡን ምላሽ፣ “ አላጋጠመም፡፡ ያው ለነገሩ ትላንትም አረጋግጠን ነበር፤ ሰዎቹ (ኦክስፋም ኢትዮጵያን ማለታቸው ነው) የለጠፉትን እንዲያነሱ እያደረኩ ነበር፡፡ ቺክንፖክስ ነው ” ሲሉ ገልጸውልናል፡፡

“ የእኛም ሰዎች እዛ ሂደው ስላዩ አረጋግጠዋል ሞንኪፖክስ አይደለም፡፡ ቺክንፖክስ ነው፡፡ በእርግጥ ይመሳሰላል ሲምፕተማቸው፡፡ እንደ ቤተሰብ ሀፕን ያደረገ ነው፡፡ ኦረዲ ሌሎቹም ሪከቨር ስላደረጉ ሳምፕልም ወስደን ቼክ አድርገናል ሞንኪይፖክስ አይደለም ” ነው ያሉት፡፡

“ ቺክንፖክስ የሚባል አለ ፤ ሌላ በሽታ አለ ቀለል ያለ፡፡ ይህ ብዙ ቦታዎች አለ፤ ሰሞኑን ይሄኛው ስለተነገረ፣ ሰው ሲጠራጠር ቁስል፣ ቀላል የቆዳ ኢንፌክሽን እየመጣ ስለሆነ ከጥርጣሬ የተነሳ ነው ” ሲሉም ተናግረዋል፡፡

“ በእርግጥ ጥሩ ነው እንደዛ መሆኑ ግን ውዢምብርም ሊፈጠር ስለሚችል ጥንቃቄ አድርጉ፣ ፖስት እንዳታደርጉ ሚኒስቴሩ ነው ፖስት ማድረግ ያለበት ቼክ አድርጎ ከተፈጠረም፡፡ ሰስፔክትም አይባልም፡፡ ሰስፔክት በራሱ የራሱ ደፊኔሽን አለው ” ብለዋል፡፡

ቺክንፖክስ ከዝንጀሮ ፈንጣጣ ጋር ተመሳሳይ ነው እንዴ ? ስንል የጠየቅናቸው ሚኒስትር ዴዔታው፣ “ ተመሳሳይ ነው፡፡ ከ100 በላይ ተመሳሳይ ምልክቶች ያሏቸው የቆዳ ኢንፌክሽኖች፣ ሌሎችም ኢንፌክሽኖች አሉ ” ብለዋል፡፡

የዝንጀሮ ፈንጣጣ በኢትዮጵያ ደረጃ ተከስቷል ? አልተከሰተም ? ለህዝቡስ ምን የጥንቃቄ መልዕክት ታስተላልፋለችሁ ? ሲል ቲክቫህ ኢትዮጵያ ጥያቄ አቅርቧል።

ሚኒስትር ዴዔታው፣ “ ምንም ነገር የለም በርካታ ሳምፕሎችን ወስደን ቴስት አድርገናል፡፡ የእኛ ልጆች በየክልልም እየወረዱ በሁሉ ቦታ ላይ ሩመር ሲነሳ ያያሉ፡፡ ኢንቨስቲጌት ያደርጋሉ፡፡ ሳምፕል ይወስዳሉ፡፡ ሳምፕሉ ወደ እኛ ወደ ላብራቶሪ ይላክል፡፡ በርካታ ቴስቶች አድረገናል፡፡ ግን ምንም የለም ኔጌቲቭ ነው ” የሚል ምላሽ ሰጥተዋል፡፡

“ ኤርፖርት ላይ ሥራችንን አጠናክረን ቀጥለናል፡፡ መግቢያና መውጫ በሮች ላይ የተያዩ ምልክቶችን እናያለን በተለይ ትኩሳት ያላቸውን ሰዎች እንለያለን፡፡ የትኛውም ቆዳቸው እብጠት ካለ እያረጋገጥን እንገኛለን ” ብለዋል፡፡

“ ማህበረሰቡ ግን ይህን አይነት ምልክት ካለ ሊሆንም ላይሆንም ይችላል ግን በተለይ ለጤና ተቋማት ሪፖርት እንዲያደርግ ነው የሚጠበቀው፡፡ እንደዛ አይነት ሰው ካለ ደግሞ ንክኪ እንዳይኖር ጥንቃቄ ማድረግ፡፡ ንክኪም ካለ ቶሎ በአግባቡ እጅን መታጠብ፣ በፍጥነት ወደ ጤና ተቋም መሄድ ያስፈልጋል ” የሚል መልዕክት አስተላልፈዋል፡፡

NB. ቲክቫህ ኢትዮጵያ ይህን መረጃ ከጤና ሚኒስቴር ጠይቆ ባዘጋጀበት ሰዓት ኦክስፋም ኢትዮጵያ " በሶማሌ ክልል በዝንጀሮ ፈንጣጣ የ

26/08/2024

የቴሌግራም ባለቤት ፓቬል ዱሮቭ ታሰረ።
አለም ይፍረድ ሰውየው $15 ቢሊዮን ዶላር የሚጠጋ ሀብት አለው። ከዩክሬናዊት እናቱ ራሺያ ውስጥ ተወልዶ የሚኖረው ግን አረቦች ሀብታቸውን ተጠቅመው ባለሟት ባስገነቧት ዱባይ ውስጥ ነበር። ይሄ ሁሉ ነገር ኖሮት ለሁለት አመታት የያዘው ስልክ $180 ዶላር በኢትዮጲያ 20 ሺህ ብር ስልክ ነበር የአለማችን ትልቁ የቴክኖሎጂ ሰው የቴሌግራሙ መስራች ፓቬል ዱሮቭ።

አረቦች ስለሱ ሲወራ ደስ ይላቸዋል ኤምሬቶች ይወዱታል ትልቁን ማንነታቸውን አንተ ኤሚራቲ ነህ ከዚ በውሃላ ብለው የወደፊቱ ተስፋው ታይቷቸው ዜግነታቸውን ሰጥተውታል። ሰውየው የአምስት ጥምር ዜግነት ባለቤት ሲሆን ዛሬ ላይ በአንዱ በሀገሩ ፈረንሳይ ላይ በአሜሪካ መረብ ሸራቢነት በኔቶ አቀናባሪነት ፈረንሳይ ላይ ኦሎምፒኳን አሰናድታ በጨረሰች በሳምንታት ልዩነት ፓቬልን አስራ የዜና አውታሮች ላይ የስቅታ መአት እየወረደባት ነው።

ፓቬል ዱሮቭ ገና የ39 አመት ወጣት ነው የተጠቃሚዎችን መረጃ ላለመስጠት ከፑቲን ጋር ግብግብ ሲገጥሙ በወቅቱ የነበረውን የVK መተግበሪያ ሼሩን ሽጦ ከወንድሙ ጋር ስደት ወጡ። ያልረገጡት ሃገር አልነበረም እግሩ የመካከለኛው ምስራቅ አይን የሚጣልባት ዱባይ ላይ የእግሩ ጣቶች እስኪያርፉ ድረስ። በተለይ በአሜሪካ ሳንፍራንሲስኮ ከተማ ሳለ ሁለቱ የሪፐብሊካን እና የዲሞክራቲክ ምሰሶዎች መረጃ ካልሰጠኸን የአሜሪካን ህግ በመጣስ ትታሰራለህ ሲሉት እንደሸሸ የአሜሪካዊ ጋዜጠኛ ታከር ካርልሰን ጋር ያደረገው ቃለመጠይቅ ላይ በሰፊው እና በሀዘኔታ ያብራራው ጉዳይ ነበር።

የሚያስደንቀው ነገር 10ኛ አመቱን ያለፈው ሳምንት ያከበረው ቴሌግራም አንድ ቢሊዮን (1,000,000,000 ተከታዮች ) ለማፍራት ጥቂት ሰዎች ሲቀሩት እነዚህን ሁሉ ተጠቃሚዎች እና ያሁሉ የቴሌግራምን ሲስተም ግን የሚቆጣጠረው በ102 ሰራተኞቹ ብቻ ነበር አዎ ቴሌግራም በ10 አመቱ ውስጥ ያለው የሰራተኛ ብዛት 102 ብቻ ነው።

ታድያ ይሄ ከበርቴ እና ምጡቅ ሰው ሁሌም የደንበኞቼን መረጃ አሳልፌ አልሰጥም የሚለው ፓቬል የ20 ሺህ ብር ስልኩ ባሳለፍነው ወር በዱባይ ሙቀት የተነሳ ኪሱ ውስጥ ሳለ ለሁለት ይሰነጠቅበታል። ጓደኞቹ ሙቀቱ ስለከበዳቸው ገሚሶቹ ወደፈረንሳይ አቅንተው ነበር። ታድያ ፓቬልም ከዛ ወር በውሃላ የተለያዩ ሀገራት እየዞረ ሲዝናና ነበር ኡዝቤኪስታን ሳይቀር ከትላንት ወድያ ምሽት ላይ ነበር የፈረንሳይ ጋዜጦች ጀብድ እንደሰራ ተቋም በማክሮን ትዛዝ የፊት ገፆቻቸው ላይ የፓቬልን መታሰር ያረዱን።

ፓቬል ዱሮቭ በገንዘብ ዝውውር ፣ በህፃናት የወሲብ ንግድ ፣ በሽብርተኝነት ተደራራቢ ክሶች የቀረቡበት ሲሆን እስከ ሃያ አመትም እስር ሊጠብቀው ይችላል እያሉ የአሜሪካ በቀቀኖች እና የገደል ማሚቶ ከሆኑ የሰነበቱት ወትሮም የተቀረፁት ፈረንሳዮች አሜሪካ ስታስነጥስ እነሱ ያስሉላታል። ድራማው እና ፍጥጫው የሚጀምረው እዚህ ጋር ነው።

የምስራቁ ድብ አይኑን ገልጦ የደህንነት አማካሪዎቹን ሰብስቦ እንዴት እናስመልጠው እንዴት እናግተው ከጠላቶቻችን ቀምተን እጃችን ላይ እንጣለው የመረብ ስርአታቸውን እየሳሉ ነው።

ፈረንሳይ ከአሜሪካ ምትቀበለውን ትእዛዝና ከቴሌግራም ጭን ፈልቅቀው ማውጣት የፈለጉትን መረጃ ለማግኘት 48 ሰአቱን ጠረጴዛ እየበደቡ ያኔ ሳንፍራንሲስኮ ላይ የጠየቁትን ጥያቄ ደጋግመው እየጠየቁት ነው።

በመሃል ደግሞ ዝም ጭጭ ያሉ ምን ብለው መግለጫ እንኳ እንደሚሰጡ የጨነቃቸው አረቦች ያኔ ጀማል ካሾጊን ከቱርክ ቆራርጠውም ቢሆን እንዳስወጡት ፓቬልን በህይወት ለማስወጣት ግራ ተጋብተው ሶፋቸው ላይ ተቀምጠዋል።
Source CNN
®ፕ/ር ሄኖክ አረጋ

25/08/2024

ነፍስ ይማር😥😥
በርካታ ፊልሞች ላይ የምናውቀው ባቡጅ ትናንት ምሽት ከዚህ አለም በሞት መለየቱ ተሰምቷል።ለቤተሠቡና ለአድናቂዎቹ መፅናናቱት ይሰጥልኝ።

25/08/2024

#አብና🕯😥😥

" የ4ሰዎች አስክሬን ተገኝቷል ፤ የ6 ሰዎች አስከሬን ሊገኝ አልቻለም ! "

በአማራ ክልል፣ ሰሜን ጎንደር ዞን ጠለምት ወረዳ አብና ቀበሌ ልዩ ስሙ ኖላ በተባለ ቦታ ነሐሴ 18/2016 ዓ.ም በደረሰ የመሬት መንሸራተት አደጋ 10 ሰዎች ሞተዋል።

የጠለምት ወረዳ የመንግሥት ኮሙዩኒኬሽን ጽሕፈት ቤት ኀላፊ ተስፋየ ወርቅነህ ምን አሉ ?

" የ4 ሰዎች አስከሬን በፍለጋ ተገኝቷል ፤ የቀሪ 6 ሰዎች አስከሬን ሊገኝ አልቻለም።

በጉዳቱ በ8 ሰዎች ላይ ከባድ የአካል ጉዳት ደርሷል። በደጃች ሜዳ ጤና ጣቢያ የሕክምና እርዳታ እየተደረገላቸው ነው።

በመሬት መንሸራተት አደጋው ከ35 በላይ የቤት እንሰሳት ሞተዋል። ከ30 ሄክታር በላይ በሰብል የተሸፈነ መሬት ጉዳት ደርሷል።

በደረሰው አደጋ 480 አባውራዎች እና 2 ሺህ 400 የቤተሰብ አባላት ከመኖሪያ ቤታቸው ተፈናቅለዋል። በቀበሌው ማዕከል ወደሚገኙ ማኅበራዊ ተቋማት በጊዜያዊ እንዲጠለሉ ተደርጓል።

በቀጣይም የመሬት መንሸራተት አደጋ ሊከሰትባቸው ይችላሉ በተባሉ የኖላ፣ ላጌ፣ ውፋ፣ ኩዳድ እና ጅብ ዋሻ አካባቢዎች የሚኖሩ ወገኖች ጥንቃቄ ማድረግ አለባቸው። "
#አሚኮ

25/08/2024

ጥሩ ዜና🤩

የኅዳሴ ግድብ 3ኛው እና 4ኛው ተርባይኖች ሥራ ጀመሩ
*************

ጠቅላይ ሚንስትር ዐቢይ አሕመድ (ዶ/ር) በትናንትናው ዕለት የኅዳሴ ግድብ 3ኛው እና 4ኛውን ተርባይኖች ሥራ መጀመራቸውን አብስረዋል።

ጠቅላይ ሚንስትሩ ሌሎቹ ዩኒቶች በተቀመጠላቸው እቅድ መሰረት በመከናወን ላይ እንደሚገኙም ገልጸዋል።
#ህዳሴግድብ

20/08/2024

ስነ-ልቦናዊ እውነታ

"ሰዎች አንተን መበደላቸውን ወይም ስህተት መስራታቸውን ሲያውቁ አንተን ይርቁሃል."

አንድን ሰው የበደሉ ግለሰቦች የጥፋተኝነት ስሜት በሚሰማቸው ወይም በሚያፍሩበት ጊዜ ራሳቸውን ከዛ ሰው ማራቅን ወይም መሸሽን መፍትሄ አድርገው እንደሚወስዱና ይህም የተለመደ የሰዎች የስነ-ልቦና ባህሪ መሆኑ ይነገራል።

👉ጥፋተኝነት እና መራቅ፡-ሰዎች አንድ ነገር እንደበደሉህ ሲያውቁ፣ በተለይም በሚወዳቸውና በሚያከብሩት ሰው ላይ ከሆነ፣ ብዙ ጊዜ የጥፋተኝነት ስሜት ይሰማቸዋል። ይህ የጥፋተኝነት ስሜት የማይመች ሊሆን ይችላል።በዚህም ምክንያት ከአሉታዊ ስሜቶች ለማምለጥ የበደሉትን ሰው ስነ-ልቦናቸው እንደበፊቱ መቅረብ እንዳይችሉ ያደርጋቸዋል።

👉ግጭትን መፍራት፡-የበደሉትን ሰው መራቅ ግጭትን ከመፍራት ሊመነጭ ይችላል። እንደ ጭቅጭቅ ወይም ፍርድ አይነት መዘዞች ሊመጣባቸው ስለሚችል ከእንደዚህ አይነት ጭንቀቶች ለመገላገል ርቀታቸውን ለመጠበቅ ይመርጣሉ።

👉ስህተትን መቀበል፡- ሰዎች በደል መፈፀማቸውን ወይም ስህተት መስራታቸውን ውስጣቸው ቢያውቅም በግልጽ ግን ማመንን አይመርጡም። ስለዚህ መራቅን መምረጣቸው ለጥፋታቸው እውቅና የመስጠት አይነት ነው, አንድ ስህተት እንደሠሩ እንደሚያውቁ ያሳያል።

👉ስሜታዊ ርቀት፡- ከበደሉት ሰው ጋ አብረው ቢሆኑም እንኳ በአብሮነት ውስጥ ስሜታዊ ርቀት ሊፈጥሩ ወይም ሊያመለክቱ ይችላሉ የዚህም ምክንያት ያልተፈቱ ጉዳዮች እና ያልተፈቱ የጥፋተኝነት ስሜቶች በሰዎች መካከል የስሜት አለመግባባትን ስለሚፈጥሩ ነው።

ይሄ አጭር ፅሁፍ የሰው ልጅ ስህተትን በሚሰራበት ወቅት ከሀፍረት፣ ወይም ከግጭት ራሱን ለመጠበቅ ሲል መራቅን እንደ መፍትሄ አድርጎ የሚወስድበት የተለመደ ስነ-ልቦናዊ ምላሽን ያንጸባርቃል።

20/08/2024

አዝናኝና አስደማሚ የእንስሳት ፎቶዎች📸😁
የመጨረሻው ፎቶ ልዩ ነው!!

20/08/2024

በመሬት መንሸራተት አደጋ ምክንያት የደሴ ከተማን ከአዲስ አበባ የሚያገናኘው ዋና አውራ ጎዳና በከፊል አገልግሎት መስጠት ማቆሙ ተገለጸ

👉 ‹‹በከተማዋ 11 ቦታዎች ላይ የመሬት መንሸራተት አደጋ አጋጥሟል›› የደሴ ከተማ አስተዳደር

| በደሴ ከተማ በ11 የተለያዩ አካባቢዎች በደረሰው የመሬት መንሸራተት አደጋ ከ300 በላይ የሚሆኑ የከተማዋ ነዋሪዎች መፈናቀላቸው ተነግሯል፡፡

አደጋው ፊትበር፣ዶሮ ተራ፣ቄራን ጨምሮ 11 በሚሆኑ የከተማዋ አካባቢዎች የተከሰተ መሆኑን የገለጹት በደሴ ከተማ አስተዳደሩ የአራዳ ክ/ከተማ ዋና ስራ አስፈጻሚ አቶ መስፍን ግርማ ከተማዋ ላይ በቀጣይ መሰል አደጋ ይከሰታል የሚል ስጋት እንዳለ ጠቁመዋል፡፡

ከአደጋው ጋር ተያይዞ መኖሪያ ቤቶች በየቀኑ እየፈረሱ ነው የተፈናቃዮች ቁጥርም በከፍተኛ ደረጃ እያሻቀበ ነው ያሉት ስራ አስፈጻሚው እየተደረገ ያለው ድጋፍ ግን አጥጋቢ ነው የሚባል እንዳልሆነ ለአዲስ ማለዳ ገልጸዋል፡፡

የደሴ ከተማን ከኮምቦልቻና ከአዲስ አበባ የሚያገናኘው ዋና አውራ ጎዳና በአደጋው ምክንያት አገልግሎት መስጠት ማቆሙ ፣ እርዳታ በተፈለገው ልክ ወደ ከተማዋ እንዳይገባ እንዳደረገውም አንስተዋል፡፡

አሁን ላይ የተፈናቀሉ ዜጎችም በትምህርት ቤቶች ውስጥ በጊዚያዊነት ተጠልለው እነደሚገኙ የገለጹት ሃላፊው መጪው የትምህርት ዘመን ከመቃረቡ ጋር ተያይዞ ነዋሪዎችን በዘላቂነት ለማቋቋም ሁሉም ዜጋ ለከተማዋ ድጋፍ እንዲያደርግ ትብብር ጠይቀዋል፡፡

ከሁለት ሳምንት በፊት የብሄራዊ ሜትሮሎጂ ኢንስቲትዩት ባወጣው የቅድመ ስጋት ሪፖርት በመሬት መንሸራተት አደጋ ተጋላጭ ናቸው ካላቸው የአገሪቱ አካባቢዎች ውስጥ ደሴ ከተማ አንዷ እንደነበረች አይዘነጋም።S.F

19/08/2024

ከ15 ዓመት በፊት መጽሐፍ ማንበብ የጀመርኩት በዚህ ጣፍጭ መጽሐፍ ነበር ...

እናንተስ ለመጀመርያ ግዜ ያነበባችሁት መጽሐፍ ምን ይል ነበር..?
S.F

19/08/2024

አሶሳና አካባቢዋ : የተቋረጠውን የኤሌክትሪክ ኃይል

| በቤኒሻንጉል ጉሙዝ ክልል ከትናንት ጀምሮ በአሶሳ ከተማ፣ ባምባሲ፣ ቶንጎ፣ መንጌ፣ ሆሞሻ፣ ኩምሩክ እና አካባቢዎቻቸው የተቋረጠውን የኤሌክትሪክ ኃይል ዳግም ወደ አገልግሎት ለመመለስ ርብርብ እየተደረገ መሆኑ ተገለጸ፡፡

ከመንዲ ኃይል ማከፋፈያ ጣቢያ ወደ አሶሳ ከተማ በተዘረጋው ባለ 132 ኪሎ ቮልት የከፍተኛ የኃይል ማስተላለፊያ መስመር ላይ እያጋጠመው ባለው ተደጋጋሚ ብልሽት ምክንያት ኃይል መቋረጡ ተመላክቷል፡፡

በመሆኑም እየተከናወነ ያለው የጥገና ሥራ እስከሚጠናቀቅ በተጠቀሱት አካባቢዎች የሚገኙ ደንበኞች በትግዕስት እንዲጠብቁ የኢትዮጵያ ኤሌክትሪክ ኃይል ጥሪ አቅርቧል፡፡S.F

19/08/2024

ህይወት ከኢንተርኔት በፊት😃

18/08/2024

አረ ጎበዝ ወዴት እየተጓዝን ነው ? በድብደባ አንድ አይኑን ያጣው አትሌት አደጋው እንዴት ደረሰበት?!

| የ17 አመቱ አትሌት ሰው መሆን ታሪኩ፤ ፔሩ ለሚካሄደው የዓለም ከ20 አመት በታች ለሀገር ውክልና ተመርጦ ፌዴሬሽኑ ባዘጋጀላቸው ሆቴል በዝግጅት ላይ ነበር ። በዚህ ሁኔታ እያለ ባለፈው እሁድ ከሰዓት በኋላ ፕሮግራም ለመስራት ወደ ጫካ ወጣ ብሎ ልምምዱን ጨርሶ ያቀዘቅዛል ። በዚህ ሁኔታ አንድ ሰው ወደ አትሌቱ ይቀርብና ፓሊስ ነኝ በማለት ፤
' እዚህ አካባቢ ቁማር የሚጫወቱ ታውቃለህ ' በማለት ይጠይቃል ። አላውቅም ብሎ እንደመለሰ ወዲያው በፍጥነት አንገቱን ሲይዘው አትሌቱም እራሱን ለመከላከል ጥረት ያፈርጋል ።

ሌሎች ሁለት ሰዎች በድንገት በመምጣ በሁለት በድንጋይ ጭንቅላቱን በመምታ አልወድቅ ሲል በሽጉጥ አይኑን ተኩሰው ከመቱት በኋላ ከኪሱ ያለውን ሞባይል በመውስድ እንደተሰወሩ ጓደኛቹ ለኢትዮ ራነርስ ገልፀዋል። ጉዳቱም ከፍተኛ ነው።

አትሌቱ በዳግማዊ ሚኒልክ ሆስፒታል ህክምና እየተከታተለ ሲሆን የፌዴሬሽን ሰዎች እየመጡም እየጠየቁት እንደሆነ ለህክምና የሚወጣውን የወጪ ደረሰኝ ያዙ ማንኛውንም ወጪ እንሸፍናለን በማለት በቃል እንደነገሯቸውም ጓደኞቹ ለኢትይ ራነርስ ገልፀዋል።

ልጁ ለሀገር ውክልና ተመርጦ ባለበት ሁኔታ ነውና አደጋው የደረሰበት ሙሉ ሀላፊነት ፌዴሬሽኑ ይወስዳል ብለን እንገምታለን።

ምን አልባት በፓሪስ በመጣው ውጤት የተበሳጩ ሌቦች ሊሆኑ ስለሚችሉ የኢትዮጵያ ኦሊምፒክ ኮሚቴም ህክምናው ላይ እጁን ያስገባል የሚል ግምት አለን።

ኢትዮ ራነርስ የአትሌቱን ሁኔታ እስከ መጨረሻው እየተከታተለ መረጃውን ለአትሌቲክስ ቤተሰቦች ያደርሳችኋል።

Via Ethio runners S.F

18/08/2024

((ያማል )) ሕፃን ሔቨንን በተመለከተ
ከአማራ ክልል ዳኞች ማኅበር የተሰጠ መግለጫ

| ሕፃን ሔቨን ዕድሜዋ 7 ዓመት የሆናት ባ/ዳር ከተማ ውስጥ ሐምሌ 25/2015 ዓ.ም በተፈጸመባት የአስገድዶ መደፈር (የግብረ ስጋ ድፍረት በደል) ሕይወቷ ማለፉን እና በዚህ ወንጀል የተጠረጠረው አቶ ጌትነት ባይህ የተባለ ግለሰብም ምርመራ ተጣርቶበት በባ/ዳርና አካባቢዋ ከፍተኛ ፍ/ቤት ክስ ቀርቦበትና በማስረጃ ተረጋግጦ በ25 ዓመት ጽኑ እስራት ቅጣት የተወሰነበት መሆኑን በማህበራዊ ሚዲያው ከተለቀቀው ውሳኔ ለመረዳት ችለናል።

ማኅበሩ በሕፃን ሔቨን ላይ በተፈጸመው ዘግናኝ ወንጀል በእጅጉ ያዝናል። ድርጊቱም ከሃይማኖትና ከባሕል ያፈነገጠ በመሆኑ በጥብቅ ያወግዛል። ሆኖም በእኛ ሀገር ወንጀል እና ወንጀለኛ የሚዳኝበት ሕግና ስርዓት እያለ እና ጉዳዩም በዳኝነት አካሉ በይግባኝ እየታየ ባለበት ሁኔታ ከትናንት ጀምሮ ከዳኝነት ነጻነት እና ከሕግ የበላይነት መርህ ባፈነገጠ መልኩ የሴቶችና ማህበራዊ ጉዳይ ሚኒስቴሩን ጨምሮ በማህበራዊ ሚዲያው ቅጣት አንሷል፣ ተከሳሹ ይግባኝ ሊጠይቅበት አይገባም እና መሰል ነገሮችን በማናፈስ ዳኞች ህግና ማስረጃን ብቻ መሰረት አድርገዉ በነፃነት እንዳይሰሩ ያልተገባ ጫናን የሚፈጥር ተግባር እየተፈፀመ የሚገኝ በመሆኑ ይህንን መግለጫ ለማውጣት ተገደናል።

የሕግ የበላይነት መከበር የሚጠቅመው በቅድሚያ ለራስ በመሆኑ ፍ/ቤቶች ነፃና ገለልተኛ ሆነው እንዲዳኙ መፍቀድ ተገቢ ነዉ፡፡ ፍርድ ቤቶች የሚሰጧቸዉ ዉሳኔዎች ስህተት አለባቸዉ ቢባል እንኳ በተቀመጠዉ የይግባኝ ስርዓት መሰረት ከሚታረሙ በስተቀር ማንኛዉም የመንግስት አካልም ሆነ ግለሰብ ሊያከብራቸዉ የሚገቡ መሆናቸዉን ህገ መንግስታዊ እዉቅና ካለዉ የህግ የበላይት መርህ መገንዘብ የምንችለዉ ነዉ፡፡ ይህ ከሆነ ደግሞ ሁላችንም ውሳኔውን ከሰጠውም ሆነ ጉዳዩ በይግባኝ ከቀረበለት ፍ/ቤት ትችት ላይ መረባረብ ማቆም ይገባናል።

ከይግባኝ መብት አንፃርም በአገሪቱ በተቋቋሙ ፍ/ቤቶች በወንጀልም ሆነ በፍትሐብሄር የተፈረደበት ወገን ይግባኝ የመጠየቅ ህገ-መንግስታዊ መብት እንዳለው ከሕገ መንግስቱ ከአንቀጽ 20(6) ስር ተመላክቷል። ሆኖም ግን ሚኒስቴሩን ጨምሮ ማህበራዊ ሚዲያው ላይ ተከሳሹ ይግባኝ ማቅረብ የለበትም የሚለው ዘመቻ የአገሪቷን በሕግ የመዳኘት መብትን (Due process of law) አደጋ ላይ የሚጥል እና በይግባኝ የሚመለከተዉ ፍርድ ቤት ላይ ያልተገባ ጫና በማሳደር የዜጎችን ፍትህ የማግኘት መብት የሚጥስ ተግባር ነው።

በመሆኑም ማህበሩ የትኛዉም ፍትህ ፈላጊ አካል ነፃና ገለልተኛ በሆነ የዳኝነት አካል ፊት ቀርቦ እንዲዳኝ እና ዳኞችም ህግንና በማስረጃን ብቻ መሰረት አድርገዉ በነፃነት እንዲወስኑ የሚያስችሉ ሁኔታዎች እንዲፈጠሩ በማድረግ የህግ የበላይነት እንዲከበር የሚሰራ ከመሆኑ አኳያ ሚኒስትሩም ሆነ ሌላ አካል በሕፃን ሔቨን ላይ በተፈፀመዉ ወንጀል ፍርድ ቤቱ የሠጠዉን ዉሳኔ ስህተት አለበት ብሎ ካመነ በሕግ አግባብ እንዲለወጥ መስራት ከሚችሉ እና ይግባኝ ሰሚዉ ፍርድ ቤትም በነፃነት አከራክሮ እንዲወስን ከመፍቀድ ባለፈ የፍ/ቤቶችን የመወሰን ነጻነት በሚጋፋ መልኩ የሚደረገው የሚዲያ ዘመቻ አግባብነት የለዉም ብለን እናምናለን።

ማህበሩ በሕፃን ሔቨን ላይ የተፈፀመውን ድርጊት በእጅጉ እያወገዘ ለወላጆቿ እና ለመላዉ ቤተሰቧ ፈጣሪ መጽናናትን ይሰጥልን ዘንድ እንመኛለን።

የአማራ ክልል ዳኞች ማኅበር.S.F

18/08/2024

*** በአንድ ወቅት ጫካ ውስጥ መውለጃዋ የቀረበ አንዲት ሚዳቆ የመውለጃ ሰዓቷ ደርሶ ትግል ላይ ሳለች ድንገት አከባቢዋን ስትቃኝ ከፊት ለፊቷ ወንዝ ፣ ከኋላዋ ቀስት ያነጣጠረባትን አዳኝ፣ ወደ ጎን ስትዞር የተራበ አንበሳ አሰፍስፎባት ትመለከታለች።

ይህም ሳይበቃት ጭማሪ ከፍተኛ ነጎድጓድና መብረቅ ያጀበው ደመና መጥቶ ሰማዩን ያጨልመዋል።መብረቁም ሀይለኛ ስለነበር ደኑን ይመታውና ከፍተኛ ቃጠሎን ያስነሳባታል።ምን ታድርግ

ወደ ፊት ሮጣ እንዳታመልጥ ጥልቅ ወንዝ ተደቀነባት፤ከኋላዋ አዳኙ፤ከጎኗ ደግሞ አንበሳው፤ወደ ጫካ ገብታ እንኳ እንዳትደበቅ ደኑ ከፍተኛ ቃጠሎ ላይ ነው...

በዚያ ላይ የውልደት ህመም ነፍስ ውጪ ግቢ እያስባላት ነው ...

ሚዳቆዋ በዚህ ውጥረት ውስጥ ሆና ትኩረቷን መፈፀም ወደ ምትችለው ነገር ላይ ብቻ በማድረግ ቀሪውን ለፈጣሪ በመተው በመወለድ ላይ ስላለው ልጇ ብቻ ማሰብ ጀመረች.....

አዳኙ ቀስቱን አነጣጥሮ ሊለቅ ባለበት ቅፅበይ ድንገት የመብረቁ ብልጭታ አይኑ ላይ ብዥታ ፈጠረበትና ቀስቱ ተስፈንጥሮ ወደ ተራበው አንበሳ ይሄድና አንበሳውን ይገለዋል።

አጉበድብዶ የነበረው ደመናውም መዝነብ ይጀምርና የደኑን ቃጠሎ በቅፅበት አጠፋው።
በጭንቅ ታጅባ የነበረችው ሚዳቆም በሰላም ተገላገለችና ወደ ቀደመው ህይወቷ ተመለሰች

አንዳንዴ በህይወትህ ውስጥ በብዙ ፈተናዎችና ጭንቀቶች ልትከበብ ትችላለህ፣ ያኔ አንተ ልትፈታው በምትችለው ነገር ላይ ብቻ አትኩርና ቀሪውን ለመፍትሄዎች ሁሉ ባለቤት ለሆነው ለፈጣሪህ ተወው።

መውጫ መፍትሄ አንተጋ እንጂ ፈጣሪህ ዘንድ አይጠፋም.

አስታውስ ሁሌም ትላልቅ ከባባድ ፈተናዎች አሉብኝ ብለህ ለፈተናዎች እውቅና ከመስጠትህ ይልቅ የከባባድ ፈተናዎች አለቃ የሆነው ጌታ አለኝ እያልክ ጭንቀቶችህን አቅልላቸው።

በፈጣሪህ ፈፅሞ ተስፋ አትቁረጥ በጠረጠርከው ታገኛዋለህ "S.F

17/08/2024

* የኢትዮጵያ ቡጢኞች ውጤት አልቀናቸውም!

| በአድዋ ድል መታሰቢያ በተካሄደው የአ.ይ.ባ (IBA) ቻምፒየንስ ናይት የተሰኘ የቦክስ ውድድር ኢትዮጵያውያን ቦክሰኞች ጥሩ ተፎካካሪ ቢሆኑም ድል ሳይቀናቸው ቀርቷል።

በአ.ይ.ባ ቻምፒየንስ ናይት የቦክስ ውድድር ኢትዮጵያን ጨምሮ

ከሩሲያ፣
ከኡስቤክስታን፣
ከጋና፣
ከዛኪስታን፣
ከሜክሲኮ፣
ከሞሮኮ የተወጣጡ ከአስር በላይ ፕሮፌሽናል ቦክሰኞች ተሳትፈዋል።

በምሽት ውድድሩ፦

በሴቶች 75ኪ.ግ መካከለኛ ሚዛን ሞዛምቢካዊዋ ክራዲይ አዶሲንዳ ግራማኔ ከናይጀሪያዊቷ ፓትሪሺያ ምፓታ ጋር በ6ኛ ዙር በናይጄሪያ አሸናፊነት፤

በወንዶች 60ኪ.ግ ቀላል ሚዛን ኢትዮጵያዊው አቡበከር ሴፋን ከጋናዊው ኮሜይ ጆሴፍ በ6ኛ ዙር በጋና አሸናፊነት፤

በወንዶች 75ኪ.ግ መካከለኛ ሚዛን ኢትዮጵያዊው ተመስገን ምትኩ ከሞሮኮ ያሲን ኢሎራዝ በ2ኛ ዙር በሞሮኮ አሸናፊነት፤

በወንዶች 48ኪ.ግ ቀላል ሚዛን ሩሲያዊው ኢድመንድ ኩሁዶዮን ከሜክሲኮዊው ዳንኤል ቫላዴራዝ በ8ኛ ዙር በሩሲያ አሸናፊነት፤

በወንዶች 48ኪ.ግ ቀላል ሚዛን ኡዝቤኪስታናዊው ኖዲርጆን ሚዝራክሜዶቭ ከካዛኪስታናዊው ቴምራትስ ዝሁስፖቭ በ8ኛ ዙር በካኪስታን አሸናፊነት፤

በወንዶች 80ኪ.ግ ከባድ ሚዛን ታንዛኒያዊው ዩሱፍ ቻንጋላዌ ከዲሞክራቲክ ኮንጎው ፒታ ካቤጂ በ8ኛ ዙር በታንዛኒያ አሸናፊነት፤

በወንዶች 51ኪ.ግ ቀላል ሚዛን ጋናዊው አሎቲ ቲዮፊለስ ከዛምቢያዊው ፓትሪክ ችንዬምባ በ4ኛዙር በዛምቢያ አሸናፊነት፤ ውድድሩ ተጠናቋል።

ክብርት ወ/ሮ ሸዊት ሻንካ የባህልና ስፖርት ሚኒስቴር ሚኒሰትር ፣ ክቡር አምባሳደር መስፍን ቸርነት የስፖርት ልማት ዘርፍ ሚኒስትር ዴኤታ፣ የተከበሩ አቶ እያሱ ወሰን የአፍሪካ ቦክስ ኮንፌዴሬሽን ፕሬዚዳንትን ጨምሮ ክብርት ነፊሳ አልማህዲ የኪነጥበብ ስነጥበብ ፈጠራ ልማት ዘርፍ ሚኒስትር ዴኤታ በክብር እንግድነት ታድመዋል።

አለም አቀፍ ውድድሩ በድምቀት ተጠናቋል።S.F

17/08/2024

የሴንትራል የአማረች ሀዋሳ ካፕ ተጀመረ

| የ14ኛ አመት የሴንትራል የአማረች ሀዋሳ ካፕ የታዳጊዎች የክረምት የእግር ኳስ ውድድር በሀዋሳ ቄራ ሜዳ መጀመሩ አዘጋጆቹ አስታውቀዋል።

የሴንትራል የአማረች ሀዋሳ ካፕ በቅርቡ በሞት ያጣናቸው የስፖርተኛ እናት (እማዬ) የሚባሉት የሴንትራል ሀዋሳ ሆቴል መስራችና ባለቤት ወ/ሮ አማረች ዘለቀ ሀሳብ አመንጪነት ላለፉት 13 አመታት ከ30 - 50 የሚደርሱ የU13; U15 እና U17 ታዳጊዎችን ውድድር ተተኪ በማፍራት; ታዳጊዎችን ከአልባሌ ቦታ መታደግ እና ጠንካራ ዜጋ በማፍራት የሚታወቅ የክረምት የእግር ኳስ ሻምፒዮና ነው።

ከዚህም ውድድር የሀገራችን ክለቦች እና ብሄራዊ ቡድናችን ስመ ጥሩ የሆኑ ታዳጊዎች የፈሩበትና የሚፈሩበት እንደሆን ይታወቃል።

በዘንድሮ የ14ኛ ዓመት ውድድርም;

- ከ17 አመት በታች - 12 ቡድን
- ከ15 አመት በታች - 8 ቡድን
- ከ13 አመት በታች - 16 ቡድን

ታዳጊዎችን ቡድኖችን የሚያሳትፍ መሆኑን የውድድሩ የበላይ ጠባቂና የውድድሩ ባለቤት ሴንትራል ያማረች ሀዋሳ ሆቴል ዋና ስራ አስፈፃሚ የገለፁ ሲሆን ውድድሩም በጳግሜ 3/2016 ዓሞ እንደሚጠናቀቅ ገልፀው ውድድሩን ለሚመሩት ኮሚቴዎች መልካም እና ስኬታማ ስራ እንዲሆንላቸው ተመኝተዋል።S.F

17/08/2024

በፕሪሚየር ሊጉ አርሰናል ወልቭስን አሸነፈ🚨| Full-Time:
Arsenal 2:0 Wolves

Kai Havertz |⚽ [🅰️ Bukayo Saka]
Bukayo Saka |⚽ [🅰️ Kai Havertz]

Arsenal back — 👊

| በፕሪሚየርሊጉ የመጀመሪያ ጨዋታውን ያደረገው አርሰናል ወልቨስን 2 ለ 0 አሸነፏል፡፡

ቀን 11 ሰዓት ላይ በተደረገው ጨወታ ካይ ሀቨርዝ እና ቡካዮ ሳካ የአርሰናልን ጎሎች አስቆጥረዋል፡፡

በተመሳሳይ ሰዓት በተደረጉ ጨዋታዎች ብራይተን ኤቨርተንን 3 ለ 0፣ኒውካስትል ሳውዝሃምፕተንን 1 ለ 0 ሲያሸንፉ ኖቲንግሃም ፎረስት ከቦርንማውዝ 1 አቻ ተለያይተዋል፡፡

አስቀድሞ በተደረገ መርሃ ግብር ሊቨርፑል ኢፕስዊች ታውንን 2 ለ 0 ማሸነፉ ይታወሳል፡፡S.F

17/08/2024

አንድ ፍሬ ልጅ የሆነች ሚጣ በአንድ አረመኔ በግፍ ተ*ደፍራ ተገድላለች :: አሳፋሪ የሆነ 25 አመት የሚል ፍርድ የተፈረደበት ቢሆንም አሁንም ጠበቃ ቀጥሮ ይግባኝ ለማለት በግብረ አበሮች ወላጅ እናቷንም ጭምር እያስፈራሩ ነው ::

ለንደዚህ አይነት አረመኔዎች ህጉ ማሻሻያ ያስፈልገዋል :: እንደ ማህበረሰብም ሴት ልጅ ስትደፈር እሷኑ ጥፋተኛ ለማድረግ የምንሄድበትን ስነልቦና መታከም አለበት :: ነውረኞችን ከማህበረሰቡ በማግለል መቅጣት መሰል ተግባርን ነውረኝነት በሁሉም መንገድ መግለፅ ያስፈልጋል

17/08/2024

የመከላከያ ዩኒቨርስቲ በተለያዩ የሙያ ዘርፎች ያስተማራቸውን ተማሪዎች አስመረቀ

| የኢትዮጵያ መከላከያ ዩኒቨርስቲ በተለያዩ የሙያ ዘርፎች በመጀመሪያ፣ በሁለተኛና በሶስተኛ ዲግሪ ያስተማራቸውን ተማሪዎች አስመረቀ።

በምረቃ - ስነ ስርዓቱ ላይ የፕላንና ልማት ሚኒስትር እና የኢትዮጵያ መከላከያ ዩኒቨርስቲ የቦርድ ሰብሳቢ ፍጹም አሰፋ(ዶ/ር)፣ ተለዋዋጭ በሆነው ዓለም ኢትዮጵያ ከምትገኝበት ቀጣና ጋር ተናባቢ የሆነ ወታደራዊ አቅምን መገንባት ያሰፈልጋል። ለዚህ በውትድርናውም በአካዳሚም የበቃ የሰው ሃይል ማፍራት ወሳኝ መሆኑን ተናግረዋል።

በፈጠራ የላቁ ወታደር ኢንጅነሮች የሚፈልቁበት የኢትዮጵያ መከላከያ ዩኒቨርስቲን በሁለንተናዊ መስኩ ለማበልጸግ መንግስት ከፍተኛ ትኩረት ይሰጣልም ብለዋል።

ሚኒስትሯ ለተመራቂዎች የሀገር ጥልቅ ፍቅርን በሚፈጥረው የውትድርና ሞያችሁ በተጨማሪ በተማራችሁበት የሙያ መስክም ለኢትዮጵያ ዕድገትና ብሄራዊ ጥቅም እንደምትሰሩ እምነቴ ነው ሲሉ ገልፀዋል።

የኢትዮጵያ መከላከያ ዩኒቨርስቲ ኮማንዳት ብርጋዲየር ጄኔራል ከበደ ረጋሳ በበኩላቸው የመከላከያን ወታደራዊ የቴክኖሎጂ ዕድገት ማፋጠን የሚችሉ ብቁ ወታደር ኢንጅነሮችን በብቃት ከማፍራት ባለፈ ከተለያዩ የአፍሪካ ሀገራት ጭምር ተማሪዎችን እየተቀበለ እንደሚገኝ ተናግረዋል።

በምግብ እራስን የመቻል ተቋማዊ ፍላጎትን በማሳካት ረገድ የተቀናጀ የግብርና ልማት፣የዩኒቨርስቲው አካባቢ የህብረተሰብ ክፍሎችን የተለያዩ ማህበረሰባዊ ድጋፎችን በማድረግም በርካታ ተግባራት መከናወናቸውን ብርጋዲየር ጄኔራል ከበደ ረጋሳ መናገራቸውን የኢፌዴሪ መከላከያ ሠራዊት መረጃ ያመለክታል።S.F

17/08/2024

🛑 የአትሌቲክሱ “አኩቻ”

| “እኔ አኩቻ ነኝ” ብለዋል ዶ/ር አሸብር - ጋዜጠኞችን በሜሪየት ሆቴል ሰብስበው። “ማንንም አልሰማም” በሚል ትእቢታዊ ገለፃ አይናቸውን ሳያሻሹ ዳግም ብቅ ብለዋል። ለጩኸቱ ሁሉ መስሚያቸውን ጥጥ ማድረጋቸው እንግዳ ባይሆንም፣ በሕዝብ ስሜት ላይ በዚህ መጠን የመደንፋታቸው ምስጢር ግን ብዙዎችን ግራ ማጋባቱ አልቀረም። ከጀርባ የሚተማመኑበት ነገር ባይኖር በዚያ ልክ አይታበዩም የሚለው መደምደሚያም ላይ የደረሱም አልጠፉም። እሳቸው በእግር ብቻ ሳይሆን በረጂም እጃቸውም ስለሚሄዱ። ሰዎቹ “በርሶ መጀን” ስለሚሏቸው በጠንካራ አለት ላይ የቆሙም መስሏቸዋል። እንደ አሰልጣኙ- እንደ እንትና “ስልጣን ልቀቅ ማለት ለኔ ስድብ ነው።” የሚለውን ስላቅ ቃል ባያወጡም በዚያ መድረክ ላይ የተገበሩት ለዚያ ነው።

የንግግራቸው አውድ በጥሩ አማርኛ ሲገለፅ እናንተ ትለቋታላችሁ እንጂ እኔ ቦታዬን አልለቅም የሚል ትርጓሜ ይሰጠዋል። ሕዝበ-አዳምን ከአመት እስከ አመት እያሳበዱ መዝለቃቸውን ይኮሩበት ይሆናል እንጂ ከቶውንም አይክዱትም። በምስጢራዊ የ“ማዕድን” ስራ የጦዘ አዕምሮ ሲነክስ እንዲህ ባያደርግ ነው የሚገርመው። ትንሽ ጋብ ብሎ የነበረውን ሕዝባዊ ቁጣ እንደገና ለመቀስቀስ ብቅ ማለታቸው ደግሞ ለሕዝብ ሰሜት ቅንጣት የማይጨነቁ መሆናቸውን አስረግጦላቸዋል። “ሁለት ጊዜ ነው የዶሮ ልደት፣ አንዱ በእንቁላል አንዱ በጫጩት” እንዲሉ አበው በውጤት የቆሰለን ስሜት ለማከም ከመሞከር ይልቅ በስላቅ መውጋትን እንደ ጀብዱ ይዘውታል። ከጀገኑበት ከዚህ መድረክ የሚነቀንቃቸው ኃይል እንደሌለ አስረግጠው ሲናገሩ ማንነታቸው አፍጥጦ መውጣቱን ከማብሰር ውጪ ሌላ ትርጉም ሊሰጠው አይችልም። እርግጥ የጊዜ ጀግና መሆናቸውን አብስረዋልና የጊዜ ዛቢያ በራሱ እሽክርክሪት እስኪያፈርጣቸው መጠበቅ ግድ ይላል።

ጤነኛ አይምሮ ያለው ሰው ግን ከሕዝብ ጋር እልህ አይጋባም።

የዶ/ር አሸብር ባህርይ በስፓርቱ አለም ከሚታየው የመሪዎች ስነልቦና ውቅር ፍፁም የተለየ የሆነበት ምክንያት ይኖረዋል። በሌሎች ሀገራት ጥሩ ውጤት ያላስመዘገበ ኃላፊ ቦታውን ለሌላ ለመልቀቅ የህዝቡን ጩኸት አይጠብቅም። ችግሩ የራሱ ይሁን ወይንም የሌላ ገና ተጣርቶ እስኪመጣ እንኳ ጊዜ አይሰጥም። ማንም ሳይገፋው ኃላፊነቱን ያስረክብና የገነፈለን የሕዝብ ቁጣ በቀላሉ ያበርደዋል። ሥልጣን መልቀቅ መፍትሄ ባይሆንም እንኳ ስሜቱን ማብረዱ ሕዝብን እንደማክበር ስለሚቆጠር ነው።

የፓሪሱ ምስቅልቅል እንኳ በሕዝብ ላይ የፈጠረውን ስሜት መረዳት የማይችል ሰው፣ ኦሎምፒክን ለተሳትፎ ብቻ ቀርፆ አትሌቶችን የመረጠ ሰው፣ ሕዝብን ሳይሆን እንደ ሀውልት ያቆመኝን ጉባኤ ነው የምሰማው የሚል ሰው፣ ኦሎምፒክ ታሪክ ትልቅ ስፍራ የሚሰጣት ኢትዮጵያን ሊመጥን አይችልም። የሚተማመኑበት ጉባኤም ቢሆን እንዴት እንዳዋቀሩት ለማወቅ የዲዮጋን መብራት አያሻውም።

የሀገሪቱ ኦሎምፒክ እንደ ግል ርስት በመያዝ፣ የቱንም ያህል ብትንጫጫ እንደ ኢያሪኮ ቅጥር አልፈርስም፣ እንደ ካስትሮ ቦታዬን አልለቅም ያሉበት አውድ ግን ዋጋ ማስከፈሉን ገና የተረዱት አይመስልም።

አንድ ለመንገድ….

የባህል እና ሰፓርት ሚንሰቴር መንግስት ለቶኪዮ 2020 ኦሎምፒክ የሰጠውን በጀት ኦዲት እንዲደረግ በቀን 28/02/2016 ለፌደራል ኦዲተር የፃፈው ደብዳቤ እስካሁን ምላሽ አላገኘም። ፌደራል ኦዲተር በተደጋጋሚ ለኦሎምፒክ ኮሚቴ ደብዳቤ ቢፅፍም፣ አኩቻ የተለያዩ ምክንያቶች እየሰጠ ለማምለጥ ሲሞክር የሚያሳዩ ዶክመንቶችን አያይዣለሁ።

S.F

16/08/2024

አለም አቀፍ የቦክስ ዉድድር በኢትዮጵያ አስተናጋጅነት ይካሄዳል

| የአፍሪካ ቦክስ ኮንፌዴሬሽን ከአለም አቀፉ የቦክስ ፌዴሬሽን ጋር በመተባበር አለም አቀፍ የቦክስ ውድድርን በኢትዮጵያ አስተናጋጅነት ይካሄዳል።

የአፍሪካ ቦክስ ኮንፌዴሬሽን ዋና ፅሕፈት ቤት ነገ የመንግስት ስራ ኃላፊዎች በተገኙበት በአዲስ አበባ ይመረቃል።

በኢትዮጵያ አስተናጋጅነት በሚካሄደው በዚህ ውድድር ቦክሰኞቹ የክብደት ምዘና እና ትውውቅ አከናዉነዋል። ፍልሚያ ነገ ምሽት በዓድዋ ድል መታሰቢያ ይከናወናል።

ነገ በሚደረገው ውድድር ከሩሲያ፣ ከኡስቤክስታን፣ ከዛኪስታን፣ከሜክሲኮ፣ከሴኔጋል፣ ከሞሮኮ የተወጣጡ ከአስር በላይ ፕሮፌሽናል ቦክሰኞች ይፋለማሉ።

ኢትዮጵያም ሁለት ቦክሰኞችን ታሳትፋለች። ኢትዮጵያን በመወከል አቡበከር ሰፋን በ60ኪግ ከሴኔጋል አቻው እንዲሁም ተመስገን ምትኩ በ75ኪግ ከሞሮኮ አቻው ይፋለማሉ።

ዉድድሩ በሰባት የተለያዩ የክብደት እርከኖች ሲካሄድ ጋናዊዉ ቲዮፒለስ አሉተይ እና ዛምቢያዊዉ ፓትሪክ ችኔምባ የአይቢኤ ቀበቶን ለመዉሰድ የቡጢ ፍልሚያቸዉን ያከናዉናሉ።

የአፍሪካ ቦክስ ኮፌዴሬሽን ዋና መስርያ ቤት በኢትዮጵያ መከፈትን ምክንያት በማድረግ እንደሚካሄድም ተገልጿል። S.F

ن - nun

09/09/2024

09/09/2024

08/09/2024

08/09/2024

07/09/2024

07/09/2024

31/08/2024

27/08/2024

27/08/2024

27/08/2024

26/08/2024

25/08/2024

25/08/2024

25/08/2024

20/08/2024

20/08/2024

20/08/2024

19/08/2024

19/08/2024

19/08/2024

18/08/2024

18/08/2024

18/08/2024

17/08/2024

17/08/2024

17/08/2024

17/08/2024

17/08/2024

17/08/2024

16/08/2024

Address

Website

Alerts

Videos

Shortcuts

Share

Category

Other Digital creator in Addis Ababa