Ditori.com

09/12/2024

Vdes kryetari shumëvjeçar i KB Trepçës, Shaban Miftari, klubi shpreh ngushëllime

Telegram Ngushëllimi nga KB Trepça:

Me pikëllim të thellë morëm lajmin për ndarjen nga jeta të kryetarit shumëvjeçar të klubit tonë, Shaban Miftari. Ai shërbeu me përkushtim dhe dashuri për një periudhë të gjatë si drejtues i klubit, duke lënë pas një trashëgimi dhe ndikim të pashlyeshëm në komunitetin tonë sportiv.

Në këtë moment të vështirë, shprehim ngushëllimet tona më të sinqerta për familjen dhe të gjithë komunitetin sportiv.

09/12/2024

Kurti: Diaspora e Kosovës gjatë viteve është bërë shtyllë e vendit dhe ekonomisë tonë

Sot është mbajtur ceremonia e hapjes së Edicionit të Dytë të Forumit Ndërkombëtar “Ulpiana”(UF), i cili ka sjellë në Kosovë pjesëmarrës nga 30 shtete të botës, siç thuhet në njoftimin MPJD-së, duke shërbyer kështu si një platformë diskutimi dhe bashkëpunimi për liderë globalë, vendimmarrës dhe komunitete të diasporës, për të eksploruar dhe shfrytëzuar fuqinë transformuese të angazhimit dhe diplomacisë së diasporës.

Në komunikatën e MPJD-së thuhet se në fjalën e tij, kryeministri i Kosovës, Albin Kurti është shprehur se diaspora e Kosovës gjatë viteve është bërë shtyllë e vendit dhe ekonomisë tonë.

Ndërsa, ministrja e Punëve të Jashtme dhe Diasporës, Donika Gërvalla, tha para të pranishmëve se duke qenë vetë pjesë e diasporës së Kosovës e kupton shumë drejt sa e rëndësishme është që i gjithë vendi të vazhdojë të dërgojë sinjale të marrëdhënieve të vërteta me diasporën e tij.

“Para të pranishmëve foli edhe profesori nga Australia, Alan Gamlen, duke uruar Kosovën për organizimin si dhe rëndësinë që i ka dhënë diasporës. Pjesëmarrës në ceremoninë hapëse të Forumit Ulpiana ishin edhe zëvendësministrja e Punëve të Jashtme dhe Diasporës, Liza Gashi, zëvendësministrja për Punë të Jashtme dhe Evropë nga Shqipëria, Silda Anagnosti, ambasadorë dhe përfaqësues të misioneve diplomatike në Kosovë, ministra, zëvendësministra e deputetë të Kuvendit”.

“Përmes një programi dinamik të sesioneve, punëtorive interaktive dhe diskutimeve frymëzuese, që do të zhvillohen në tre ditët e ardhshme, Forumi Ulpiana synon të arrijë rezultate të zbatueshme. Në qendër të misionit të tij është shfrytëzimi strategjik i kapitalit të diasporës—duke përfshirë burimet kulturore, ekonomike, njerëzore dhe sociale—për të adresuar disa nga sfidat më urgjente globale, si ndryshimet klimatike, pabarazitë në shëndetësi dhe paqëndrueshmëria ekonomike”, thuhet tutje në njoftimin e MPJD-së.

09/12/2024

Terapia intravenoze ne pediatri të spitalit “Sami Haxhibeqiri” në Mitrovicë pergatitet në kushte totale te papastërtisë duke rrezikuar infektimin e fëmijëve.

Për më tepër, sipas lexuesit, shiringat kanë qëndruar rreth 20 minuta pa prezencën e infermiereve, ndërkohë fëmijët silleshin afër, gjë që ka mund të jetë rrezik për ta, nëse do tu shkonte mendja t’i kapnin.

09/12/2024

Tahiri: Çështje ditësh hapja e objektit të ri të QKMF-së , Mitrovica po bëhet me Qendrën më të madhe në Ballkan që ofron shërbime të mjekësisë familjare

Nënkryetari i komunës së Mitrovicës A***n Tahiri ka njoftuar se Mitrovica po bëhef me qendrën më të madhe në ballkan që ofron shërbimin emergjent dhe mjekësinë familjare.

“Jam shumë i lumtur me ecurinë e punimeve në objektin e ri të QKMF-së. Tani po punohet vetëm në detaje, sepse është çështje ditësh hapja e saj”, ka shkruar Tahiri.

“Mitrovica po bëhet me Qendrën më të madhe në Ballkan, që ofron shërbimin emergjent dhe mjekësinë familjare”, ka shkruar ndër të tjera i dyti i Mitrovicës.

“Kishim premtuar se shëndetësia do të jetë prioritet kryesor i qeverisjes tonë, dhe çdo ditë po konfirmohet kjo gjë”./Ditori/

09/12/2024

Osmani: Gratë në uniformë janë imazhi i Kosovës dhe i FSK-së

Presidentja e vendit, Vjosa Osmani ka ndarë disa fotografi të reja në llogarinë e saj në Facebook, të ushtareve gra të Forcës së Sigurisë së Kosovës.

“Gratë në uniformë, profesioniste dhe të përkushtuara janë imazhi i Kosovës dhe i Forcës së Sigurisë së Kosovës që duam ta shohim gjithnjë e ta zhvillojmë në vazhdimësi”, ka shkruar presidentja.

Më tutje, ajo thotë se sa më shumë gra në procese të sigurisë, aq më të sigurtë dhe më të fortë jemi i shtet.

“Kosova është kampione e Agjendës për Gratë, Paqen dhe Sigurinë, jo vetëm në rajon dhe Evropë, por edhe përtej. Sa më shumë gra në procese të sigurisë dhe vendimmarrje, aq më të sigurtë dhe më të fortë jemi si shoqëri dhe si shtet”, ka shkruar e para e vendit.

09/12/2024

Banorët e fshatrave Vinarc dhe Gushavc bllokojnë rrugën që lidh fshatrat, ankohen se nuk kanë rrymë nga mëngjesi

09/12/2024

Banorët e fshatrave Vinarc dhe Gushavc bllokojnë rrugën që lidh fshatrat, ankohen se nuk kanë rrymë nga mëngjesi

09/12/2024

09/12/2024

Vandalizmi i sotëm në sallën e Kuvendit komunal, Gëzim Sveçla thotë se po dërgohet 48 orë në mbajtje

Gëzim Sveçla, asamblisti i Vetëvendosjes në komunën e Prishtinës, i cili sot e vandalizoi sallën e mbledhjeve të kësaj komune duke demoluar mikrofonin, është dërguar në mbajtje 48 pikërisht për shkak të këtij veprimi.

Ai veprimin e tij e ka quajtur simbolik, dhe se të njëjtin e bëri sipas tij, për të shfaqur një pazar të madh në Prishtinë.

Postimi i plotë:

Ai ka njoftuar për këtë veprim dhe ka treguar se do të dërgohet në mbajtje për 48 orë.

Unë mbiemrin e kam ‘Sveçla’, dhe nga një aksion simbolik që bëra, po më dërgojnë në mbajtje 48h. Por, kjo ndoshta është edhe Kosova që po e ëndërrojmë, pavarësisht mbiemrave të jemi të gjithë të barabartë. A jemi nuk e di?

Veprimi im ishte për të shpërfaqur një pazar të madh në Prishtinë. Asgjë më shumë.

Por, imagjinoni përpara me mbiemra pushtetarësh çka ndodhte. As me thirrë nuk kanë guxu, se lëre më shumë!

Shihemi!

09/12/2024

KEDS shkyq nga rrjeti i furnizimit tre fshatra të Mitrovicës, përfaqësuesit: U shkel memorandumi

Kompania për furnizim me energji elektrike, KEDS, ka shkyqyr nga rrjeti i furnizimit fshatrat Vinarc i Epërm, Vinarc i Ulët dhe fshatin Gushavc.

Përfaqësuesi i Vinarcit të Epërm, Lulzim Hasani, së bashku me pêrfaqësuesit e fshatrave Vinarc i Ulët e Gushavc, kanë thënë se KEDS ka shkelur memorandumin sipas së cilit banorët e këtyre fshatrave nuk do të paguajnë energjinë elektrike përderisa komuniteti serb nuk e paguan poashtu.

Hasani i ka bërë thirrje drejtorit të KEDS në Mitrovicë t'i përmbahet marrëveshjes.

Reagimi:

Reagim ndaj kompanis Elektro Energjetike Keds.

Shqetësuese dhe shokuese për ne nga ana e kompanis Keds. Pa paralajmërim jemi shkyqr nga rrjeti energjetik sot që nga ora 11:00 e mëngjesit, ku tre fshatrat Vinarc i Eperm, Vinarc i Ulët si dhe fshati Gushavc.

Si perfaqësuse i f. Vinarc i Epërm së bashku me përfaqësuesit e f.Vinarc i ulët Mustaf Mustafa dhe i f.Gushavc Nazmi Beka, shprehim shqëtësimin tonë pasi që në kemi një marrëveshje memorandumi me Kedsin kurse këta të fundit e ndërpresin rrymen pa paralajmrim.

I bëjm thirrje drejtorit të Kedsit për Mitrovicë, që këtë reagim tonin t'a merr parasysh sepse po veprohet njëanshëm dhe nuk është e rrugës, pasi që në memorandumin midis Keds-it dhe të tre fshatave thuhet që, për deri sa fillojn t'a paguajn rrymën i gjithë komuniteti serb dhe shqiptarë në pjesën Veriore as ne nuk do e paguajm e as nuk do shkyqemi.
Kjo çfar sot ka bërë keds e shkel memorandumin e marrëveshjes qe kemi me Kedsin.

Për ne si banorë të këtyre tre fshatrave është e pa pranueshme dhe shume absurde !

E lusim kompanin keds që ti permbahet marrveshjes sepse ne e dim se ende nuk ka filluar pagesa e tersishme e rrymes në pjesen veriore as nga shqiptaret e as nga serbët.

09/12/2024

LAJMI I FUNDIT
Uji nga sot mund të përdoret për pije

Komunikatë për media nga IKSHPK:

Që nga dita e parë e ngjarjes së fundit në kanalin Ibër-Lepenc, datë 29.12.2024, Instituti Kombëtar i Shëndetësisë Publike të Kosovës (IKSHPK) dhe Qendra Rajonale e Shëndetësisë Publike në Mitrovicë (QRSHP) ka forcuar monitorimin e ujit për pije në zonën e shërbimit të KRU “Prishtina” dhe KRU”Mitrovica”, në Impiantet e trajtimit në Shipol, Balincë, Drenas dhe Shkabaj.

Nga data 29 nëntor deri me 06 dhjetor janë aplikuar restrikcionet në rrjetet shpërndarëse të këtyre dy kompanive si pasojë e veprimeve të ndërmarra për sanimin e gjendjes në kanal.
Bazuar në të dhënat nga KRU “Mitrovica” dhe KRU”Prishtina” me aktivizimin e By-pass, furnizimi me ujë nga kanali Ibër-Lepenc është stabilizuar në të gjitha Impiantet e lartëcekura për trajtimin e ujit, prandaj që nga data 07.12.24 nuk ka pasur restrikcione që nënkupton furnizim me ujë për konsumatorët për nevoja teknike (higjieniko-sanitare).

IKSHPK gjatë këtyre ditëve nga të gjitha impiantet e lartëcekura ka marrë gjithsej 100 mostra të ujit për analiza fiziko-kimike, 100 për analiza bakteriologjike si dhe 13 mostra për analiza në metale të rënda (në ujin e pa trajtuar dhe ujin nga rrjeti shpërndarës).
Rezultatet laboratorike nga dy laboratoret , IKSHPK dhe QRSHP-Mitrovicë, për katër ditët e fundit (e premte, e shtunë, e diele dhe e hënë, 06-09 dhjetor-2024) rezultojnë brenda standardeve të parapara për ujin e pijes për të gjithë parametrat e kërkuar sipas UA 10/2021 ”Cilësia e Ujit të destinuar për konsum nga njeriu”.

Prandaj bazuar në këto rezultate:

Uji që nga sot (09.12.2024) mund të përdoret për pije.

IKSHPK i rekomandon KRU “Mitrovica” dhe KRU “Prishtina” që të vazhdojë mbikëqyrjen dhe trajtimin e ujit dhe të sigurojë ujë në sasi dhe cilësi, sipas standardeve për ujin e pijes bazuar në UA 10/2021 ”Cilësia e Ujit të destinuar për konsum nga njeriu”.
IKSHPK falënderon qytetarët për mirëkuptimin e shprehur gjatë tërë kësaj periudhe dhe i siguron ata se do të vazhdojë me monitorim të rregullt të cilësisë së ujit me qëllim të mbrojtjes së shëndetit të qytetarëve.
Bashkëpunimi i IKSHPK-së me KRU “Mitrovica” dhe KRU “Prishtina” do te jetë i vazhdueshëm për të garantuar furnizim me ujë, në sasi dhe cilësi, për të gjithë qytetarët.
IKSHPK apelon te qytetarët që t'i referohen vetëm informatave zyrtare të IKSHPK-së dhe KRU-ve përkatëse.

09/12/2024

Ankohet mitrovicasi, disa markete po e shfrytëzojnë rastin, e kanë ngritur çmimin e ujit në bidona nga 1 euro në 1 euro e 20 cent

09/12/2024

Persona të panjohur sulmojnë tre policë në veri

Tre policë u sulmuan nga persona të panjohur në Mitrovicën e Veriut.

Rasti ka ndodhur mesnatën e së dielës gjersa ata ishin duke qëndruar në një pikë statike.

Të dyshuarit nga ndërtesa kanë hedhur mjete piroteknike dhe shishe qelqi.

Nuk raportohet për të lënduar.

Rasti është duke u hetuar nga njësitë relevante dhe po cilësohet si “Sulm ndaj personit zyrtar”.

09/12/2024

Presidenca organizon konferencën “Avancimi i përfaqësimit dhe rolit të grave në ushtri”

Sot do të mbahet konferenca “Avancimi i përfaqësimit dhe rolit të grave në ushtri: Një hap drejt barazisë më të madhe gjinore, paqes dhe sigurisë”.

Kjo nën organizimin e Presidencës, duke filluar nga ora 10:00.

Ngjarja zhvillohet në kuadër të Qendrës Rajonale të Ekselencës për Gratë, Paqen dhe Sigurinë në Kosovë, bëhet e ditur në njoftim.

09/12/2024

Lajm i hidhur: Vdes mitrovicasi Faik Kahrimani, i njohur si Stari, daja i kryesueses së kuvendit komunal të Mitrovicës Vesa Broja

Ka vdekur në moshën 73 veçari Faik Kahrimani nga Mitrovica.

I ndjeri ishte punonjës në Trepçë dhe shumë i njohur në qytetin e Mitrovicës dhe njihej si Stari, transmeton Ditori.

Lajmin e ka bërë të ditur, kryesuesja e kuvendit komunal të Mitrovicës Vesa Broja, që të ndjerin e kishte dajë.

Njoftimi:

Të Allahut jemi dhe tek ai do të kthehemi!

Me dhimbje të thellë ju njoftojmë se me datën 09.12.2024 ndërroi jetë daja im Faik Kahrimani(i njohur si STARI).

Varrimi i të ndjerit bëhet sot me Aksham në varrezat e qytetit në Shipol.

All-llahu e mëshiroftë.

09/12/2024

Moti sot i vranët, me intervale me diell

Temperaturat minimale parashihet të lëvizin ndërmjet – 2 deri 1 gradë Celsius, ndërsa maksimalet 6-10 gradë Celsius.

“Do të fryjë erë e lehtë kryesisht nga verilindja”, shkruan tutje në njoftimin e Institutit Hidrometeorologjik të Kosovës.

08/12/2024

Kurti i rendit mediat e Kosovës përkrah Serbisë – reagon AGK-ja, e dënon gjuhën e rrezikshme të kryeministrit

Kryeministri Albin Kurti i ka sulmuar sërish mediat sot, edhe pasi u nominua nga VV-ja si kandidat për kryeministër në zgjedhjet e reja. Kurti ka vazhduar me gjuhën e tij kundër mediave të Kosovës, duke i akuzuar se po ia mbajnë anën Serbisë.

Sulmin e Kurtit ndaj mediave, e ka shpërndarë Lëvizja Vetëvendosje në faqen e saj.

“Kush i sheh portalet apo debatat televizive, patjetër që befasohet. Shpesh edhe emisionet e lajmeve janë të mbushura me keqdashje. Si ka mundësi që gjithë këto të pavërteta për Kosovën, gjithë këto shpifje për njerëzit tanë, gjithë ky vrer kundër Vetëvendosjes të shpërndahet kësisoj publikisht. Kurrë nuk kanë qënë më shumë medie kaq shumë kundër qeverisë, sesa në katërveçarin tonë”, sulmon ndër të tjera Kurti mediat.

“Ata që për çdo sulm e agresion të Serbisë ndaj shtetit tonë, fajtorin çdoherë e gjetën tek qeveria jonë, por asnjëherë tek Serbia, nuk meritojnë vëmendjen tuaj”, bëri thirrje kundër mediave Kurti.

Ndaj këtyre deklaratave ka reaguar Asociacioni i Gazetarëve të Kosovës, i cili e ka dënuar gjuhën e Kurtit ndaj mediave.

“Kryeministri i Kosovës, Albin Kurti, e ka shfrytëzuar mbledhjen e partisë së tij, Vetëvendosje, ku është nominuar për kryeministër, që të shënojë një tjetër sulm të papranueshëm kundër medieve”.

“AGK-ja e dënon fuqishëm këtë gjuhë ofenduese dhe shumë të rrezikshme të kryeministrit Kurti, që i rendit mediat e Kosovës përkrah Serbisë. Një fjalor i tillë i papranueshëm që vjen nga kreu i qeverisë, direkt vë në rrezik sigurinë e gazetarëve dhe punonjësve të tjerë të medias”, thuhet në reagimin e AGK-së.

08/12/2024

Vjosa Osmani tregon çka foli me Elon Muskin

Presidentja e Kosovës, Vjosa Osmani ka treguar se çfarë ka diskutuar me miliarderin, Elon Musk, në Paris të Francës.

Ajo zbuloi detaje nëpërmjet një postimi në “X”.

“Një bisedë e madhe për efikasitetin dhe efektivitetin e qeverisë, përpjekjet për të luftuar dezinformimin, si dhe rëndësinë e respektimit gjithmonë të vullnetit të popullit”, ka shkruar e para e vendit.