VOA Ndebele

Ikhasi leli ngelezindaba zolimi lwesiNdebele elizethulelwa ngumsakazo wabantu, umsakazo weStudio 7.

12/10/2024

EleZimbabwe ngoLwesine limanyane lamazwe omhlaba ekunanzeni usuku lwe International Human Rights Day, uhlangothi lukahulumende olweZimbabwe Human Rights Commission lusithi lonyaka kube lengqubela phambili ekuvikelweni kwamalungelo oluntu.

Embikweni walo wokunanza lolusuku uhlangothi lolu lukhuthaze ukumanyana kukazulu lenhlanganiso ezitshiyeneyo ekuthuthukiseni amalungelo oluntu.

Kodwa, inhlanganiso yamagqwetha alwela amalungelo oluntu eyeZimbabwe Lawyers for Human Rights ithi ikhathazekile ngokwephulwa mahlayana kwamalungelo elizweni.

Ithi kulobandlululo oluvimba abanye ukuthola amalungelo abo, isithi abathwele nzima ngabalwela amalungelo oluntu.

Lonyaka kulabalwela amalungelo oluntu abanengi ababotshwayo abagoqela uNkosazana Namatai Kwekweza, uMnu. Robson Chere labanye.

12/10/2024

WASHINGTON DC — Uhulumende weMelika loweBhilithani sebethese izijeziso zenotho abantu abayisitshiyagalolunye, 9, kanye lamankampani alitshumi lasitshiyagalolunye, 19, ngoba besithi yibo abantshontsha igolide leZimbabwe.

Uhulumende weMelika loweBhilithani sebethese abantu abayisitshiyagalolunye, 9, kanye lamankampani alitshumi lasitshiyagalolunye, 19, izijeziso zenotho ngoba besithi yibo abantshontsha igolide leZimbabwe. Abantu laba bagoqela obikwa eyingqungquthela uMnu Kamlesh Pattni, yena ophume kufilimu...

12/10/2024

Nanzi izindaba zanamuhla, ngoLwesibili, 10 Mpalakazi, 2024.

12/10/2024

UNkosikazi Nonhlahla Moyo oligqwetha obekuzifundo zeAWE uchaze ukuba ulwazi lokuphatha inkampani yakhe yamagqwetha isikhuphukile.

UNkosazana Sithabile Mlilo okubhizimusi yokuthunga impahla ngesikhumba ubonge imfundiso yeAWE, wathi inzuzo yakhe isikhuphukile.

UNkosikazi Sibhekinkosi Sigola, olenkampani yokuthunga uthole isipho senkulungwane yamadola eMelika ngokwethula umbono wokuhlela ibhizimusi lakhe.

UNkosikazi Ntombizami Nyathi umphathi webhanga leNMB uthi baletafula elikhangela indingeko zabesifazana okugoqela ukuthi bethole imali zokutshala kumabhizimusi ngentengo ephansi.

UNkosikazi Thubelihle Ndlovu, umqondisi we Purse on Point esebenza lohulumende weMelika ekufundiseni abesifazana uthi sebeqeqetshe omama abedlula amakhulu amane (Umfanekiso: Annahstacia Ndlovu).

Abesifaza bakoBulawayo abedlula itshumi lantathu abakumabhizimusi ehlukeneyo bathole izicoco ngoLwesithathu ezokuphatha amabhizimusi besekelwa nguhulumende weMelika kuhlelo lwe Academy for Women Enterprenuers lapho okukhuthazwe abanye osomabhizimisi ukuba bathathe inyathelo elifanayo....

12/10/2024

Lokhu kuza ngemva kokuba inhlanganiso eyeWomen in Law in Africa yaphanyeka udaba lolu emthethwandaba isithi kumele abesifazana ikakhulu abasakhulayo bavunyelwe ukukhipha izisu nxa bedlwengulwe besemitshadweni lokuba abantwana abangamankazana bonke abaleminyaka ephansi kwelitshumi lasitshiyagalombili-18 bavunyelwe ukukhipha izisu.

Idale lavumelana lakho lokhu lisithi ingxenye yomthetho we Termination of Pregnancy Act 2 isigaba (1) kawuhambelani lesisekelo sombuso welizwe ngoba awuvumeli ukuba omama benze intando yabo ngemizimba yabo.

Umthetho we Termination of Pregnancy Act kungakaphiwa isinqumo lesi ubuvumela kuphela abantu abadlwengulwayo ukukhipha izisu ngemva kokuthola incwadi ka dokotela, lapho okulengane engabelethwa iphazamisekile lalapho okulakho ukuba impilo yomzali ibesengozini.

Lokhu bekudala ukuba abanye bacine bekhipha izisu ngokungekho emthethweni obe kutshiya inengi labo lisengozini enkulu.

Inengi labo mama abasakhulayo lithi lifuna ukuba lamandla okwenza elikufunayo ngemzimba yalo kungakho selijabuliswe yisinqumo lesi.

Abasakhulayo abalwela ukunanzwa kwamalungelo abesifazana bathi isinqumo esathathwa ngumthethwandaba we High Court esokuba umthetho uvumele ukukhitshwa kwezisu kubantwana abancane labo mama abadlwengulwa besemtshadweni uyindlela enhle ekuphakamiseni amalungelo alabo abasakhulayo, lanxa abanye...

12/10/2024

: KuLiveTalk namuhla sikhuluma ngosuku lweHuman Rights Day, lona olunanzwa ngesikhathi abalwela amalungelo oluntu besithi uhulumende weZimbabwe uya phambili ngokuhlukuluza uzulu. Kodwa ngakolunye uhlangothi, ikhomishini kahulumende ebona ngezamalungelo ithi isimo sesingcono.

12/10/2024

: Icele leCCC elikhokhelwa nguMnu Welshman Ncube selifikise isicelo enkantolo yeHigh Court esokuthi inqabe ozithi nguye unobhala jikelele walelibandla uMnu Sengezo Tshabangu, yena obikwa efuna ukuguquba ubukhokheli balelibandla edale lePhalamende. UMnu Tshabangu ubikwa efuna ukufaka abalandeli bakhe.

12/09/2024

Osanda kukhethwa ukuba ngumongameli weGhana uMnu John Mahama ubonga abasekeli bakhe abamveteleyo kulandela ukukhutshwa kwempumela yokhetho luhlangothi lweElectoral Commission. Abencintisana laye owebandla elibusayo uvumile ukuthi unqotshiwe kulolukhetho.

12/09/2024

Nangu omunye esengani azisathathi kuhle esedakwe yinjengu utshwala obungekho emthethweni obuthengiswa endaweni ezitshiyeneyo koBulawayo lakwamanye amadolobho. (Video: Ezra Tshisa Sibanda/VOA)

12/09/2024

Isikhulumeli samapholisa akoBulawayo uInspector Abedinico Ncube utshela intathelizindaba yeStudio7 uEzra Tshisa Sibanda ukuthi izidakamizwa sezigcwele yonkindawo njalo abantu sekumele babambisane ukuze kumiswe udubo lolu.

12/09/2024

Uhlangothi lukahulumende olulwisa inkohlakalo elizweni olweZimbabwe Anti-Corruption Commission, ZACC luthi luzinikele ukuphathisa abatsha ukuthi bazwisise ububi bokungethembeki njalo benelise ukunqoba.

Lokhu kuphume emhlanganweni wokunanza usuku lweInternationali Anti-corruption Day oqoqwe luhlangothi lolu lusebenza ndawonye leTransparency International Zimbabwe, iZimcodd, lezinye inhlanganiso.

Isigodlo seMelika eZimbabwe sithi inkohlakalo inciphisa amathuba entuthuko yabatsha.

Kuluhlu lweTransparency International oluhlola inkohlakalo eleZimbabwe liphakathi kwamazwe akhokhelayo kudaba lwenkohlakalo.

Usuku lweInternational Anti-corruption Day lunanzwa mhlaka 9 Mpalakazi minyaka yonke ngenhloso yokuphakela uzulu ulwazi ngokuqakatheka kokulwisa inkohlakalo.

12/09/2024

: Uhulumende weMelika namuhla wethese izijeziso zenotho abantu lamankampani angamatshumi amabili lasitshiyangalombili, 28, bona athi baphatheke kumisebenzi yokweba igolide leZimbabwe. Abantu laba bagoqela uMnu Kamlesh Pattni, yena oke waphuma kufilimu yeAl Jazeera ebikhuluma ngokuntshontshwa kwegolide leZimbabwe. IMelika ithi uPattni nguye ingqungquthela.

12/09/2024

UMnu. Marshal Maphosa oleminyaka yokuzalwa engamatshumi amabili lambili, 22, ohlala eMpopoma koBulawayo, othatha izidakamizwa ezitshiyeneyo ukhuthaza abanye abatsha ukuthi bengathathi okudakayo. (Video: Ezra Tshisa Sibanda/VOA)

12/09/2024

Inengi lithatha okugoqela imbanje, intshengu lobunye utshwala obungekho emthethweni, umuthi wokukhwehlela, icrack, icocaine, iglue, inyaope, iheroine le iskunk lokunye. UNkosazana Lebohang Mthobi oleminyaka engamatshumi amabili ohlala logogo wakhe uthi uthatha iCrystal m**h

Lanxa uMongameli Emmerson Mnangagwa ngoNhlangula lonyaka wasungula uhlelo lukahulumende olubizwa ngokuthi yi “Zimbabwe Multi-Sectoral Drug Abuse Plan 2024-2030,” kuyimizamo yokulwisana lohlupho lwezidakamizwa elizweni, lolohlelo lubikwa alukaphumeleli ekuvimbeni ukuthathwa lwezidakamizwa...

12/09/2024

UMnu. Coltart uthe kudingakala imali efika phose ezigidi ezilikhulu zamadola eMelika;99 million dollars yokwakha lelo damu kanye lempompi esuka kulo isiya esititshini seNcema.

I-Africa Investment Forum iholwa zinhlanganiso ze AFDB Group, Afreximbank, Africa50, Africa Finance Corporation, Development Bank of Southern Africa, European Investment Bank, Islamic Development Bank, le Trade and Development Bank.

Umayor wedolobho lakoBulawayo uMnu.David Coltart uthi balethemba lokuthi uhambo abasanda ukulugqiba kweleMorrocco ukuyadinga usizo lwemali kuhlelo lokwakha idamu lamanzi ele Glassblock/Bopoma eMatabeleland South luzaphumelela. Eloba enkundleni yebulenjini eye X ngoMvulo, uMnu. Coltart uthe...

12/09/2024

Ele Zimbabwe lona elibikwa lilodumo lokuba ngelinye lamazwe angahloniphi amalungelo oluntu ledlule kuphela ele Angola (28) lele eSwatini (9) emhlubulweni owe SADC.

Ele Zimbabwe selibekwe kunombolo yamatshumi amathathu-30 kuluhlu lwamazwe afika ikhulu abikwa engahloniphi amalungelo oluntu, okuveza ukuthi lalo lihamba phambili kulokho, kuphenyo olwenziwe yinhlanganiso elwela ilungelo loluntu eye CIVICUS. Ele Zimbabwe lona elibikwa lilodumo lokuba ngelinye...

12/09/2024

WASHINGTON DC — Osemelele ukungena esikhundleni sikaMongameli weMelika ngoZibandlela uMnu Donald Trump uthi uzakwesula umthetho opha abantu abazalelwe eMelika ubuzwe balelilizwe, i-citizenship, lanxa abazali babo bengayisizo zizalwane zeMelika.

Osemelele ukungena esikhundleni sikaMongameli weMelika ngoZibandlela uMnu Donald Trump uthi uzakwesula umthetho opha abantu abazalelwe eMelika ubuzwe balelilizwe, i-citizenship, lanxa abazali babo bengayisizo zizalwane zeMelika. Isisekelo sombuso walelilizwe yiso esiphoqa ukuthi wonke umuntu...

12/09/2024

Nanzi izindaba zanamuhla, ngoMvulo, 09 Mpalakazi, 2024.

Address

330 Independence Avenue SW
Washington D.C., DC
22037

Website

http://www.voandebele.com/

Alerts

Be the first to know and let us send you an email when VOA Ndebele posts news and promotions. Your email address will not be used for any other purpose, and you can unsubscribe at any time.