Beatus Benedicto

11/09/2024

TANZIA:
Mhashamu baba Askofu Mkuu Gervas Nyaisonga, anasikitika kutangaza Kifo cha mpendwa Wetu Frt. Emily Mwalwiba wa parokia ya Mwambani aliyekuwa anasoma Seminari Kuu Peramiho.
Kifo hicho kimetokea akiwa matibabu Hospital ya Mhimbili leo tarehe 10/09/2024 asubuhi.

Mwili wa mpendwa wetu utawasili kesho sa tatu usiku na ndege, mazishi ni tarehe 13 siku ya ijumaa tumuombee apumzike kwa Amani.

11/09/2024

BWANA WAPE NJIA SAHIHI YA KUJIBU MITIHANI

Vijana wa Darasa la Saba Tanzania 🇹🇿 wanavuna walichopanda na kukutolea sadaka, uwabariki iwe sadaka ya sifa kwako nawe uwarudishie heshima ya kazi yao. Wapandao kwa machozi watavuna kwa kelele za furaha. Zab 126:5-6 Wape amani na usalama wa roho ili wafanikishe kilicho bora.

10/09/2024

Tuwaombee Roho Mtakatifu wanafunzi WA Darasa la Saba wanaofanya Mitihani Yao

10/09/2024

𝐌𝐀𝐒𝐎𝐌𝐎 𝐘𝐀 𝐌𝐈𝐒𝐀, 𝐒𝐞𝐩𝐭𝐞𝐦𝐛𝐞𝐫 𝟏𝟏, 𝟐𝟎𝟐𝟒: 𝐉𝐮𝐦𝐚𝐭𝐚𝐧𝐨

SOMO LA KWANZA
1 Wakorintho 7:25-31
Umekwishafunga ndoa na mke? Basi, usitajute talaka. K**a hukufunga ndoa na mke, usitafute mwanamke.

𝐒𝐨𝐦𝐨 𝐤𝐚𝐭𝐢𝐤𝐚 𝐛𝐚𝐫𝐮𝐚 𝐲𝐚 𝐤𝐰𝐚𝐧𝐳𝐚 𝐲𝐚 𝐌𝐭𝐚𝐤𝐚𝐭𝐢𝐟𝐮 𝐏𝐚𝐮𝐥𝐨 𝐤𝐰𝐚 𝐖𝐚𝐤𝐨𝐫𝐢𝐧𝐭𝐡𝐨
Ndugu: Kuhusu mabikira sina amri ya Bwana, bali natoa maoni yangu mimi ninayestahili kuaminiwa, kwa sababu ya huruma ya Bwana niliyojaliwa. Basi, maoni yangu ni haya: hali hii ya ubikira ni njema kwa sababu ya matatizo ya siku hizi, yaani yamfaa mtu kuishi hivi. Umekwishafunga ndoa na mke? Basi, usitafute talaka. K**a hukufunga ndoa na mke, usitafute mwanamke. Lakini ukioa, hutendi dhambi. Kadhalika bikira akiolewa, hatendi dhambi. Lakini watu wa hali hiyo watapatwa na matatizo ya mwili. Mimi lakini sipendi kuwatia katika matatizo. Ndugu, nasema hivi: muda ni mfupi. Basi, wenye wake wawe k**a hawana. Wenye kulia machozi wawe k**a hawalii. Wenye kufurahi wawe k**a hawafurahi. Na wenye kununua wawe k**a hawana kitu. Wenye kutumia ulimwengu huu wawe k**a hawautumii. Kwa maana mpango wa sasa wa ulimwengu huu unapita.

Neno la Bwana…………

WIMBO WA KATIKATI
Zaburi 45:11-12, 14-15, 16-17 (K. 11a)

𝐊. 𝐒𝐢𝐤𝐢𝐚, 𝐞𝐰𝐞 𝐛𝐢𝐧𝐭𝐢, 𝐮𝐭𝐚𝐳𝐚𝐦𝐞; 𝐮𝐭𝐞𝐠𝐞 𝐬𝐢𝐤𝐢𝐨 𝐥𝐚𝐤𝐨.

Sikia, ewe binti, utazame; utege sikio lako; usahau kabila lako na nyumba ya baba yako.
Naye mfalme atautamani uzuri wako.
Maana yeye ni bwana wako. K.

Binti malme anaingia akivikwa vizuri ajabu,
vazi lake ni la mfumo wa dhahabu.
Analetwa kwa mfalme akivaa vazi la rangi nyingi; wanawali wenzake wanaomsindikiza
wanapelekwa kwa mfalme. K.

Wanaletwa kwa furaha na kelele za shangwe; wanaingia katika jumba la mfalme.
Mahali pa baba zako watakuwapo wana; utawafanya kuwa wakuu katika dunia nzima. K.

SHANGILIO
Luka 6:23ab
W. Aleluya.
Furahini na kurukaruka kwa furaha, asema Bwana; tazama, thawabu yenu ni kubwa mbinguni.

INJILI
Luka 6:20-26
Heri ninyi mlio maskini. Ole wenu ninyi mlio matajiri.

+𝐒𝐨𝐦𝐨 𝐥𝐚 𝐈𝐧𝐣𝐢𝐥𝐢 𝐭𝐚𝐤𝐚𝐭𝐢𝐟𝐮 𝐢𝐥𝐢𝐯𝐲𝐨𝐚𝐧𝐝𝐢𝐤𝐰𝐚 𝐧𝐚 𝐋𝐮𝐤𝐚
Wakati ule: Yesu aliyainua macho yake, akawatazama wafuasi wake, akasema, "Wenye heri ninyi mlio maskini, kwa maana ufalme wa Mungu ni wenu. Wenye heri ninyi mlio sasa na njaa, kwa maana mtashibishwa. Wenye heri ninyi mliao machozi sasa, kwa maana mtacheka. Wenye heri ninyi ikiwa watu wanawachukia
na kuwatenga, na kuwatukana, na kulitupa nje jina lenu k**a neno baya kwa ajili ya Mwana wa Mtu. Furahini siku ile na kupiga vigelegele! Tazama thawabu yenu ni kubwa mbinguni.
Ndivyo baba zao walivyowatenda manabii. Lakini ole wenu ninyi matajiri, kwa maana mmekwisha kupata faraja yenu. Ole wenu ninyi mshibao sasa, kwa maana maona njaa. Ole wenzi. Ole chekao sasa, kwa maana mtasikitika na kulia machozi. Ole Wenu, ikiwa watu wote wanawasifu, ndivyo baba zao walivyowatendea manabii wa uongo."

Neno la Bwana…………..

𝐓𝐀𝐅𝐀𝐊𝐀𝐑𝐈

- Mtume Paulo anaendelea kukabiliana na matatizo yaliyokuwa yanaikumba jumuiya
ya Kikristo ya Korintho. Tayari alikwishaanza kulizungumzia suala la uzinzi na ndani ya ile jamii na leo basi anazungumzia juu ya mtindo wa maisha ya kuoa na kuolewa. Anasema kwamba mtu aweza kuishi Ukristo wake vyema akiwa katika maisha ya ndoa takatifu au katika ubikira au useja mtakatifu.

- Kuishi katika ubikira au useja mtakatifu ni jambo jema kwani ni ushuhuda tosha unaomtangaza Kristo kwamba ni wa muhimu kuliko vyote katika ulimwengu huu. Lakini changamoto ilikuwa hii: wale wasiooa au kuolewa kushindwa kujizuia na tamaa za mwili na hivyo kujikuta wakianguka kila mara.

- Paulo anashauri kwamba kwa hali k**a hii, kila
mmoja achunguze tamaa zake na k**a hawezi kuzuia tamaa za mwili, afadhali aoe au aolewe na hapa utamshuhudia Kristo kwa mapana zaidi. Lakini changamoto inayobakia ni kila mmoja kupambana na tamaa. Haimaanishi kwamba ukishaoa tamaa ndio hufikia mwisho.

- Tunatakiwa tuyalete maisha yetu mbele ya Kristo tukimwambia Bwana tufundishe kupambana na hizi tamaa. Tamaa zinatufanya tusimshuhudie Kristo. Pia tuepuke mazingira mabaya. Mazingira mabaya huvuta vishawishi na kutufanya tushindwe kutoa ushuhuda.

- Kwenye somo la Injili, Yesu anatoa matumaini makubwa kwa kutoa fundisho juu ya Heri. Somo hili ni faraja hasa kwa baadhi yetu ambao ndani ya hii dunia tunadharaulika na kuonewa na wengi. Tunaelezwa kwamba duniani sio mwisho wa kila kitu. Kuna tumaini jingine.

TUOMBE: Bwana, nisaidie mimi niweze kutafuta Baraka kutoka katika changanmoto na magumu ya maisha, Amina.

10/09/2024

Mama Bikira Maria, tunayakabidhi maisha yetu ya leo mikononi mwako, tunakuomba uanze pamoja nasi na umalize pamoja nasi.
Amina
🙏🙏🙏🙏🙏🙏🙏
Mama Bikira Maria, Mama wa Mungu ni Mama yetu🌹

09/09/2024

https://youtu.be/fwC-IlGkbH0?si=7AW2cGghvjXcTtWn

Novena ya Siku Tatu, Novena ya Siku 3

08/09/2024

Nenda YouTube andika hivi:

NOVENA YA SIKU TATU

08/09/2024

🍁SABABU ZA KUPAGAWA NA PEPO

Ulimwengu wetu leo unamazingira rafiki kwa uwepo wa matukio ya kupagawa na obsession kuliko ilivyokuwa zamani. Sasa ulimwengu umekuwa uwanja wa picha za ngono, ngono huria, pesa, kumiliki mali, madawa ya kulevya, ulevi wa kutupa n.k
Tena iko mifereji mingi sana ya kusambaza ujumbe na roho za kishetani kwa mfano Televisheni, Internet, Redio, Muziki, Mavazi na kadhalika; tena vijana ndio wako kwenye hatari zaidi.

(i) Ruhusa ya Mungu:

Hakuna kinachotokea bila ruhusa ya Mungu, lakini Mungu hakusudii mabaya hata mara moja, yaani mateso au maovu bali anaruhusu uwepo wake naye anaweza kuyabadilisha kuwa wema. Anaporuhusu shetani atende dhidi yetu anatuimarisha katika fadhila. Mfano Ayubu na Watakatifu, hata hivyo shetani hawezi kuingilia roho yetu na uhuru wetu wala hali ya neema.

(ii) Shetani mwenyewe,

kwani anaridhika sana akimjaribu au kumtesa mwanadamu. Lengo lake ni kuonesha chuki aliyonayo kwa Yesu anamtumia mwanadamu k**a njia ya kufikia lengo. Anapompagaa mtu anaridhika kuonesha nguvu zake; anafikiri kuwa anapomsumbua mtu anasababisha mshangao, analisha majivuno yake na kufunua chuki yake waziwazi.

(iii) Kutupiwa mapepo:

Mhusika hapa hana kosa, mwenye kosa ni yule anayemtupia. Hii hufanyika kwa njia mbalimbali k**a maapizo, kulaani, kijicho (evil eye) n.k

(iv) Kuzama dhambini

Watu wanamfungulia shetani wenyewe milango kwa kubobea na kuzama katika dhambi. Wanajitoa kwa ngono, mapenzi na watoto, machafuko, madawa ya kulevya, ulevi wa kutupa, utoaji mimba, ushoga, ulawiti, ugoni, umalaya na mengine k**a hayo. Ni mara chache sana (exception) Mungu kuruhusu kupagawa k**a njia ya utakaso wa mhusika. Kwa kawaida kupagawa huwapata wadhambi k**a adhabu ya dhambi20 (rej 1Kor 5:5; 1 Tim 1:20)

(v) Kuhusika na waganga, kupiga ramli, madhehebu ya kishetani Kwa kujihusisha au kuhusiana na watu wanaoshiriki, mapepo huwaingia watu kwani wameenda wenyewe.

Mazingira yafuatayo ni rafiki kumkaribisha shetani: - picha za ngono, filamu za ukatili na kutisha, muziki k**a wa rock mfano Madona (muziki unawachukua watu hadi kwenye ecstasy hapo pepo wabaya wanaingia), makala, au magazeti yanayohusu mambo ya kishetani, pia kwenye runinga vipindi k**a vya utabiri wa nyota, watoa mapepo, watengeneza hirizi, dawa za bahati n.k

08/09/2024

🍁DALILI ZA KUPAGAWA NA PEPO

Siku hizi ukijiliza tu na kujiangusha basi una pepo. Hebu tuache utani wa namna hii mchana kweupe. K**a hakuna hata moja ya haya nitakayoyataja basi ona shaka kuu.

🍁Dalili za kupagawa ni k**a vile:-

(i) Kuongea kwa namna ya kutisha lugha isiyofahamika na mgonjwa au kujua ni nani anayeongea. Mfano mtoto wa shule anaongea kifaransa vizuri wakati hakuwahi kujifunza lugha hiyo. Hapa tutofautishe na wale wanaojitamkia tu maneno yasiyoeleweka.

(ii) Kujua au kufunua vitu vilivyofichika au vilivyo mbali pia anaweza akajua baadhi ya mawazo ya mwingine.

(iii) Kuonesha nguvu au kufanya vitu ambavyo ni zaidi ya umri wake au uwezo wa maumbile ya mhusika.

(iv) Mhusika anaweza akatabiri mambo yajayo (wakati mwingine kupitia ndoto)

(v) Mhusika kuogopa sana vitu vitakatifu k**a Sakramenti, kupinga Kanisa na Neno la Mungu.

(vi) Kupinga na kukashifu jina la Yesu. Maria na Watakatifu.

(vii) Kupinga mambo ya kiroho, kumpinga Mungu na kuwa na chuki ya ndani. Kishawishi cha kujiua pia kinaweza kuwepo.

(viii) Inatokea pia mwili wa mgonjwa kutanuka kwa namna isiyo ya kawaida (elongation), au kuelea hewani bila kuona ni nini kilichomnyanyua (levitation), au kutambaa k**a nyoka n.k

*KUMBUKA*: Lazima kuwa makini, subira na kutokukurupuka, taaluma na busara vinahitajika kwani magonjwa ya akili k**a frauds, depression huonesha dalili baadhi k**a hizo wakati mwingine.

08/09/2024

🍁KUWINGA PEPO (EXORCISM )

➡️Join Group: 0628664319

Neno la kilatini "Exorcizare" lilimaanisha kuokoa kitu toka katika kitu kingine.

Kuwinga pepo ni Kisakramenti ambacho kwayo Kanisa linaliita jina la Yesu Kristo rasmi na kwa mamlaka, ili mtu au kitu kikingwe dhidi ya nguvu ya Yule mwovu, na kumtoa kutoka katika utawala wake. Yesu alifanya kazi hii, na kanisa pia linapata uweza na kazi ya kuwinga toka kwa Kristo mwenyewe. Uko uwingaji mdogo ambao daima hufanyika kabla ya adhimisho la ubatizo. Upo sasa uwingaji rasmi ambao huitwa "uwingaji mkubwa", na hauwezi kufanywa isipokuwa na padre, kwa idhini ya askofu. Ni uwingaji huu mkubwa kwa lengo la kufukuza pepo wabaya au kufanya huru (deliverance) kutokana na kupagawa na pepo wabaya, ndio kristo alilikabidhi Kanisa lake mamlaka ya kiroho.

✅Maana ya kupagawa (possession)

Kupagawa ni hali pale shetani anapoingia na kumiliki mwili na uwezo wa mgonjwa, japo roho na utashi vinabaki huru. Shetani hutenda kupitia mgonjwa bila ya mgonjwa kutaka. Ni ushahidi wa kushikika kuwa shetani yupo na unadhihirisha kazi zake mbaya. Daima shetani hucheza na mwili wa mgonjwa k**a vile ni wa kwake. Tunasisitiza roho hubaki huru daima hata k**a mgonjwa anapoteza fahamu.

Ili kupata uelewa zaidi napenda nikutofautishie kazi za shetani anazofanya katika namna mbalimbali.

Kazi ya shetani inaweza kuonekana katika nyanja mbili:-

1. Matendo ya kawaida: kumshawishi mtu kutenda mabaya, yaani kututia katika vishawishi vya dhambi moja kwa moja.

2. Matendo yasiyo ya kawaida: matendo haya yanaruhusiwa na Mungu katika mazingira fulani ambapo sababu zake anazijua Mungu tu. Kwa nje yanaweza kuonekana yafuatayo:-

(i) Maumivu ya mwili: kupigwa, majeraha yanayosababishwa na kusukuma, kuangukiwa na vitu n.k [mfano maisha ya padre Pio, Mt. Yohane Maria Vianney na wengine wengi]

(ii) Mgandamizo wa mawazo machafu (Diabolic obsession): kwa kutawaliwa na mawazo machafu mtu huzama katika vishawishi vikali na vya kudumu, vingine kwa akili ni vya kijinga lakini hawezi kutoka yeye mwenyewe, ambamo shetani hutumia mienendo hiyo mibaya au utashi dhaifu. Hali hii huandamana na kukata tamaa pamoja na kishawishi cha kudumu cha kujiua. Upo pia usumbufu unaoweza kumfanya mtu apoteze fahamu, kufanya mambo ambayo baadaye akiulizwa hajui kwamba ni yeye aliyeyafanya k**a vile kuongea maneno ya kumkashifu Mungu, Yesu na injili yake, Mama Maria na watakatifu.

(iii) Ukandamizaji (Diabolic oppression): Ni uzito, uchovu daima hutokana na mazoea na michezo ya "sayansi" ya kisiri-mizuka, ushetani, ushirikina, kuagua (kupiga bao, ramli Mdo 16:18). Ukandamizaji hudhoofisha afya, kazi, uchangamfu na mahusiano na wengine. Japo dalili na uzito hutofautiana kwa mmoja na mwingine lakini dalili nyingine ni k**a hasira kali isiyoelezeka mmoja anashindwa kujishinda, fujo na maelekeo ya kujitenga-kukaa peke. Ukandamizaji unaweza kudhuru mtu mmoja au kikundi cha watu.

(iv) Kupagawa "per se" (Diabolic possession): Hii ndiyo ile hali Yesu aliyosema aina hii inahitaji sala na kufunga. Ni uwepo wa shetani mwilini mwa mtu, japo roho yake inabaki huru. Kipo kipindi cha utulivu na kipindi cha mahangaiko. Shetani humfanya mtu aseme yale tu ambayo shetani anataka bila aliyepagawa kupinga.

(v)Diabolic infestation: Hapa madhara au kazi ya shetani huelekezwa katika maeneo (nyumba, ofisi, mashamba n.k), au vitu (K**a gari, shuka, nguo n.k), hivyo vinamzuru Binadamu kupitia mahali na vitu hivyo.

(vi)Diabolic Subjugation: Hapa ni pale mtu anapoamua kwa hiari kufanya mkataba na shetani, anajiweka chini ya utawala wa shetani. Tena iko mikataba isiyo ya hiari ambapo mtu huangukia tu, na inakua ni kupagawa ambako ni kubaya zaidi.

08/09/2024

Ukiangalia kwenye Komenti kuna namna ya Kujiunga na official group la Beatus Benedicto 👇

08/09/2024

HERI YA KUZALIWA KWA BIKIRA MARIA SEPTEMBA 8.

Tarehe ya leo amezaliwa Mama yetu Bikira Maria, Mama mpendelevu sana, aliyemzaa Bwana wetu Yesu Kristo, Mama wa Mungu.

Siku ya kuzaliwa kwa mwanadamu yoyote yule ni siku ya heshima na ambayo haipaswi kusahaulika.

Siku hiyo kila mmoja anakutakia matashi mema ili uendelee kukua katika kimo na hekima ya kimungu na ukiwa umetangulia mbele za haki, basi watu wote wanaokufahamu wanakuombea ufike Mbinguni, lakini leo Mama huyu ni mwombezi wetu kwa Mungu tuna kila sababu ya kumwomba lolote katika maisha yetu, tukiyaenzi maneno ya Bwana wetu Yesu Kristo aliyosema pale Msalabani.
"Mama Tazama Mwanao"

Mtakatifu Bernardini wa siena, anasema Mama Maria tangu kipindi cha kwanza cha utakaso wake alikuwa na elimu bora, hata alimjua barabara Muumba wake.

Mtakatifu Anselmo, ametufundisha yakuwa Maria alijua wazi wazi mafundisho yote ya dini hata kuwapitia mitume.

Basi mimi na wewe, tunapoienzi Siku yake hii ya Kuzaliwahttps://www.facebook.com/share/p/qKGjCzjVfwSTg9rc/?mibe

07/09/2024

Rozari Takatifu ya Gold..Anauza Mama Mmoja yupo Dar es salaam, anapatikana kwa namba 0752308383, K**a unahitaji Mfikie kwa hiyo namba.

07/09/2024

UMUHIMU WA KUSALI KILA WAKATI

Kusali kila wakati kuna umuhimu mkubwa katika maisha ya kiroho na ya kila siku. Hapa kuna baadhi ya manufaa yake:

1. Kumkaribia Mungu: Kusali ni njia ya kuwasiliana na Mungu, na kufanya hivyo mara kwa mara husaidia kudumisha uhusiano wa karibu na Yeye.

2. Kuimarisha Imani: Kusali mara kwa mara kunasaidia kuimarisha imani na kumtegemea Mungu zaidi katika maisha.

3. Amani ya Moyo na Akili: Sala ina nguvu ya kuleta utulivu wa akili na amani ya ndani, hasa wakati wa changamoto na majaribu.

4. Kupokea Mwongozo: Kupitia sala, mtu anaweza kupata mwongozo wa kiroho katika kufanya maamuzi na kuelekea katika njia sahihi maishani.

5. Kuhifadhi Usalama: Kusali ni njia ya kuomba ulinzi wa Mungu dhidi ya hatari na maovu mbalimbali.

6. Kukumbuka Neema na Baraka: Sala za kila siku zinasaidia kumshukuru Mungu kwa neema na baraka anazozitoa kila siku.

7. Kuwa na Nidhamu ya Kiroho: Sala za mara kwa mara zinasaidia kujenga nidhamu na kudumisha utaratibu mzuri wa maisha ya kiroho.

8. Kuwa na Tumaini: Katika nyakati za giza au changamoto, kusali hutoa tumaini na nguvu ya kuendelea mbele.

TAFADHALI SAMBAZA CHAPISHO HILI WATU WENGI WAJUE UMUHIMU WA KUSALI KILA WAKATI

07/09/2024

MASOMO YA MISA, SEPTEMBA 08, 2024

DOMINIKA YA 23 YA MWAKA B WA KANISA

MWANZO:
Zab. 119:137, 124

Ee Bwana, wewe ndiwe mwenye haki, na hukumu zako ni za adili. K**a zilivyo rehema zako umtendee mtumishi wako.

SOMO 1
Isa. 35:4-7a

Waambieni walio na moyo wa hofu, Jipeni moyo, msiogope; tazama, Mungu wenu atakuja na kisasi, na malipo ya Mungu; atakuja na kuwaokoa ninyi. Ndipo macho ya vipofu yatafumbuliwa, na masikio ya viziwi yatazibuliwa. Ndipo mtu aliye kilema atarukaruka k**a kulungu, na ulimi wake aliye bubu utaimba; maana katika nyika maji yatabubujika; na vijito jangwani. Na mchanga ung’aao mfano wa maji utakuwa ziwa la maji, na nchi yenye kiu itakuwa chemchemi za maji.

Neno la Bwana… Tumshukuru Mungu.

WIMBO WA KATIKATI
Zab. 146:7-10 (K) 1

(K) Ee nafsi yangu, umsifu Bwana.

Bwana ndiye ashikaye kweli milele,
Huwafanyia hukumu walioonewa.
Huwapa wenye njaa chakula;
Bwana hufungua waliofungwa. (K)

Bwana huwafumbua macho waliopofuka,
Huwainua walioinama.
Bwana huwapenda wenye haki,
Huwahifadhi wageni. (K)

Bwana huwategemeza yatima na mjane,
Bali njia ya wasio haki huipotosha.
Bwana atamiliki milele,
Mungu wako, Ee Sayuni, kizazi hata kizazi. (K)

SOMO 2
Yak. 2:1-5

Ndugu zangu, imani ya Bwana wetu Yesu Kristo, Bwana wa utukufu, msiwe nayo kwa kupendelea watu. Maana akiingia katika sinagogi lenu mtu mwenye pete ya dhahabu na mavzi mazuri; kisha akiingia na maskini, mwenye mavzi mabovu; nanyi mkimstahi yule aliyevaa mavzi mazuri, na kumwambia, Keti wewe hapa mahali pazuri; na kumwambia yule maskini, Simama wewe pale, au keti miguuni pangu, je! Hamkufanya hitilafu mioyoni mwenu, mkawa waamuzi wenye mawazo mabovu? Ndugu zangu wapenzi, sikilizeni, Je! Mungu hakuwachagua maskini wa dunia wawe matajiri wa imani na warithi wa ufalme aliowaahidia wampendao?

Neno la Bwana… Tumshukuru Mungu.

SHANGILIO
Yn. 8:12

Aleluya, aleluya.
Mimi ndimi nuru ya ulimwengu, asema Bwana; Yeye anifuataye atakuwa na nuru ya uzima.
Aleluya.

INJILI
Mk. 7:31-37

Yesu alitoka katika mipaka ya Tiro, akapita katikati ya Sidoni, akaenda mpaka bahari ya Galilaya, kati ya mipaka ya Deakapoli. Wakamletea kiziwi, naye ni mwenye utasi, wakamsihi amwekee mikono. Akamtenga na mkutano faraghani, akatia vidole vyake masikioni mwake, akatema mate, akamgusa ulimi, akamtazama juu mbinguni, akaugua, akamwambia, Efatha, maana yake, Funguka. Mara masikio yake yakafunguka, kifungo cha ulimi wake kikalegea, akasema vizuri. Akawaonya wasimwambie mtu; lakini kadiri ya alivyozidi kuwaagiza, ndivyo walivyozidi kutangaza habari; wakashangaa mno kupita kiasi, wakinena, Ametenda mambo yote vema; viziwi awafanya wasikie, na bubu waseme.

Neno la Bwana… Sifa kwako Ee Kristu.

DOMINIKA YA 23 YA MWAKA B WA KANISA

TAFAKARI

Karibuni ndugu zangu kwa adhimisho la misa takatifu asubuhi ya leo. Neno la Bwana leo tafakari yake inaongozwa na zaburi yetu ya wimbo wa katikati-Ee nafsi yangu umsifu Bwana. Hii ni zaburi ya shukrani na shangwe ya jinsi Bwana alivyomwema na mkuu. Yeye basi ameutendea makubwa moyo wa mwanadamu-yeye ndiye atoaye haki kwa anayeonewa, awapaye wenye njaa chakula, na awafunguao mateka. Yeye pia huwasaidia wageni, na kutoa nuru kwa vipofu, ni mume wa mjane na Baba wa yatima na nguvu zake na enzi yake ni kwa vizazi vyote.

Maneno yaliandikwa na kuhani mmoja baada ya ule uhamisho wa Babeli na baada ya wana wa Israeli kurudi nyumbani. Basi anakumbukia jinsi Mungu alivyosafiri nao akiwa kule utumwani, jinsi alivyokuwa Baba kwao kule ugenini ambako hawakuwa na mwenyeji, jinsi alivyoweza kuwapatia haki yao-basi waliishia kusema kwamba kweli ni lazima ee nafsi yangu umsifu Bwana, usiache kabisa kumsifu ee nafsi yangu. Na watoto wetu kumbukeni wema aliotutendea kule utumwani-kweli ni haki nafsi zetu zimsifu.

Maneno haya yanatumika kuelezea basi tena kwa msisitizo ujumbe wa nabii Isaya. Hapa tunakutana na wana wa Israeli wakiwa utumwani Babuloni nani wenye hofu kubwa. Wanawaogopa wababuloni, na pia wanaonewa. Leo basi anatoa matumaini kwa wale wenye moyo wa hofu na unyonge-anawaambia msiogope, Mungu Bwna wetu yupo, anatupenda, anakuja kutoa haki na hukumu. Na kwenye hukumu hii basi viziwi na vilema na bubu wasioweza kuona au kusikia watakuwa na sababu za kurukaruka na kushangilia kwani watatendewa kwa haki-wao hawajawahi kupata mtetezi lakini sasa basi watapata.

Maneno haya ya Isaya yalisemwa kwa baadhi ya wana wa Yuda na yalielekezwa kwa wale waliokuwa wamezoea kukosewa haki na kudhulumiwa. Sasa anawaambia kwamba Bwana atakuja kwenu na akija, kutakuwa na furaha. Palipozoea kudhulumiwa patakuwa na kila sababu ya kufurahi na kuchanua.

Ndugu zangu, ingawa basi unabii huu wa Isaya ulitimia kwa kiasi fulani baada ya wana wa Israeli kukombolewa utumwani Babeli, kwa mapana ulitimia kwa ujio wa Yesu. Huyu ndiye aliyekuwa sababu ya matumaini kwa wenye hofu, viziwi, bubu na wanaonewa na wageni. Na leo basi anawaponya viziwi na bubu tena kwa kutumia upendo mkubwa kabisa. Anamshika kwa kutumia mikono yake mitakatifu na baadaye kupona.

Ndugu zangu, Yesu alikuwa utimilifu mkuu kabisa wa unabii wa somo letu la kwanza. Yeye kweli alitangaza haya matumaini. Viziwi na bubu wa nyakati zetu ni wale wanaokosa maarifa katika jambo fulani-labda yule asiyejua kiingereza au asiyejua sheria fulani fulani.

Lazima tuwe k**a Yesu kwa watu hawa kwa kuwaletea matumaini. Usione mtu hajui kiingereza na wewe ukaamua kumtafsiria vitu vya uongo au asiyejua mahesabu na wewe ukamhesabia hesabu za uongo au asiyejua kuandika ukamdanganya. Au mgeni anayeulizia kutaka kujua eneo fulani wewe unamdanganya ili apotee au unampitisha njia ndefu ili basi labda u-uchukulie faida au unamuuzia kitu kibovu au unamuuzia kiwanja kilichoko kwenye maji, au gari bovu lililopigwa rangi au simu mbovu au bidhaa feki. Haya ni mambo tuliyokuwa tunayatenda maishani mwetu lakini kwa hapa kweli hatuwi k**a Yesu. Tunakuwa kinyume cha Yesu.

Jiulize kwa kudanganya wasiojua kiingereza au kuwauzia watu bidhaa fake kweli hapa umekuwa k**a Yesu? Sio vyema. Tusitese wageni. Yesu anafungua watu macho leo. Wewe wafungue macho.

Yesu amekwishakuja kuwapa viziwi na bubu na vipofu mwanga. Hivyo basi usivumilie giza leindelee kutawala. Wazuie wote wanaotaka kuziba macho na masikio ya wengine. Ukiona mtu akiuziwa kitu kibovu-mwambie, au ukiona mmoja anadanganya ili basi amzidi maarifa mwingine-mwambie Yesu amekwisha leta mwanga. Usiturudishe tena gizani. Acha tabia zako. Au hata ukimsikia mwanasheria anakuja na kudanganya na kuandaa uongo wake mpinge. Mwambie tumekwishaletewa mwanga na Kristo wetu.

Kingine ni kwamba Kristo leo ameonyesha kujali sana huyu bubu kiziwi. Amediriki hata kuugusa ulimi wake. Niambie ndugu zangu ni nani kati yetu aliye na utayari huu? Niambie jamani. Unafahamu kwamba hawa wasioweza kusema muda mwingi unakuta wanashusha udenda. Sasa yeye anaushika ule ulimi. Kweli hili ni tendo la ajabu. Sasa sisi tupo hivyo? Nikikuambia wewe kadada uliyevaa kana kwamba hujawahi kuchafuka, sasa nikikuambia uuguse ulimi wa bubu anayeshusha udenda utakubali? Au wa mwenye ukimwi au wa mwenye kansa. Kweli nasema ya kwamba Yesu ni mfano wetu wa kuigwa. Wengi kati yetu tunajitenga sana na wenzetu hasa kwa nyakati zetu. Hatuli na wagonjwa, tunawanyanyapaa. Wewe ndugu yanvu wewe-badilika. Tunza wazazi wako. Acha kujivuna na kujiona sana. Usijifanye kuona kinyaa.

Kingine ni kutambua kwamba kweli kuna watu wenye hofu kubwa. Kuna anayeishi kwa madeni kiasi kwamba anaogopa kupokea simu yoyote. Akiona simu anafikiri ni mtu anayetafuta deni lake anampigia na hivyo hapokei. Kuna asiyelipa kodi ya nyumba na hivyo basi hadhubutu kufika nyumbani mchana kwani anaogopa kudaiwa na mwenye nyumba. Akisikia hodi tu mara moja anamwambia mtoto usimwambie nipo. Kaa kimya. Kweli kuna wenye hofu nyingi sana. Mwingine ni mwoga uchawi au waganga au bundi akilia usiku hathubutu kulala. Atakwenda kuweka chumvi au akiingia ofisini na kukuta hata mjusi atamkemea. Mwingine ukimwalika ale chakula anafikiri labda utamloga au kumwekea sumu. Hivyo hali kabisa. Hivyo bado tunamhitaji Isaya mpya atutie matumaini. Wengi wetu bado tupo nyuma sana. Mwambie jamani Mungu yupo, sio kwamba ndani yahii dunia ni shetani ndiye aongozaye kila kitu. Yesu yupo pia nani wakutumainiwa sana. Acha woga wako hapa.
Unakuta hadi kiongozi wa jumuiya unaogopa uchawi; wewe?

Kingine ni kwamba watu ndio wanaoamua kumpeleka huyu mgonjwa na kilema kwa yesu na kweli anapona. Yule kilema hakuwa na uwezo wa kusema au kusikia yale mafundisho ya Yesu; ni Yesu ndiye aliyemfunulia tu. Ndivyo ilivyo na kwetu sisi ndugu zangu. Lazima jamii itusaidie, itupeleke kunakostahili, iwe k**a hii. K**a ni mgonjwa mumpeleke hospitali. Jamii mna mchango mkubwa sana. Sio vizuri mtu kuumwa na kuachwa k**a kwamba ni sisimizi aliyeshindwa na safari. Jamii lazima imsaidie na hili ni jukumu letu.

Kwenye somo la pili tunakutana na Paulo akikemea tabia za baadhi ya wakorintho kutokuwa watu wa kuwatilia wengine mataumaini. Walipoona maskini hawakuwapatia matumani-waliwafukuza na kuwastahi matajiri tu.

Sisi tuepukane na tabia hizi. Kwenye sherehe sio vizuri kuwafukuza maskini au kuwaalika tajiri tu. Maskini pia wapatiwe nafasi ndugu zangu. Kweli maskini tulikwishawadharau kwenye kanisa kiasi kwamba hadi leo kwenye kumchagua mwenyekiti wa halmashauri ya walei ni lazima uwe na pesa, maskini hapana jamani, tuwe watu wa kuwapatia maskini matumaini-baadhi ya hawa wenye viti hawana hekima yeyote-ni ujinga tu, watapigana hata na watu huko lakini ni pesa tu zinatufanya ati wachaguliwe. Hawa viongozi wasichaguliwe kwa kutazama fedha jamani. Wengine wanatumia dini k**a sehemu ya kufichia dhambi zao. Hekima yako ikuchague.
Tuwe Yesu leo. Watie watu matumaini. Amina.

06/09/2024

𝗙𝗔𝗛𝗔𝗠𝗨 𝗠𝗔𝗔𝗡𝗔 𝗬𝗔 𝗔𝗟𝗧𝗔𝗥𝗘 𝗡𝗔 𝗔𝗜𝗡𝗔 𝗭𝗔𝗞𝗘.

🎉LEO TUANGALIE UMUHIMU WA KUWA NA ALTARE YA NYUMBANI

Ibada njema inaanzia Nyumbani☑️

Altare ni eneo maalumu palipotengwa na Wakristo hasa Wakatoliki, kwa ajili ya kumtolea Mungu Baba Sadaka iliyo bora ya Mwanae Yesu Kristo pale Msalabani, kwa Ajili ya Kufanya Ibada fupi.

Kwa Wakatoliki, Altare ndio sehemu pekee yenye Utakatifu mkubwa sana, kwa sababu mahali hapo ndipo maombi ya Waamini wote hupelekwa huku ikisindikizwa na Sadaka kuu ya au Maombo Matakatifu, ambayo Waamini hupata fursa ya kushiriki kikamilifu Masomo, Rozari, na Sala kadhaa.

Kwani tangu zamani, kwa Waisraeli Altare ilijulikana k**a sehemu Patakatifu Pa Takatifu sana, ambayo Kuhani Mkuu peke yake ndiye aliyekuwa anaruhusiwa kuingia mahali hapo, tena mara moja tu kwa mwaka, kwa ajili ya kumtolea Mungu Baba Sadaka ya kuteketezwa ya mnyama, kwa lengo la kumuomba msamaha wa dhambi zilizofanywa na taifa lake na za kwake pia.

Lakini kabla ya kuingia, Kuhani huyu ilimpasa ajitakase kwanza k**a wanavyofanya Mapadre wetu wa siku hizi kabla ya kuadhimisha Misa, daima huungama kwanza dhambi zao kupitia Sakramenti ya Kitubio, ili aweze kumtolea Mungu vema Sadaka hiyo ya Misa Takatifu akiwa safi rohoni na mwilini.

🌼Altare: Mbali na picha au sanamu kadhaa ila hakikisha panakuwa na mishumaa mi wili pamoja na Maji ya Baraka. Hakikisha Nyumbani kwako unakuwa na Altare Ndogo.

NAWATAKI USIKU MWEMA NYOTE:

05/09/2024

SALA ZA MAPAMBANO
ni kijitabu nakiandaa kitakuwa tayari mwezi wa kumi tarehe moja, Kwa wanaohitaji,Bei itakuwa 3000/-.

05/09/2024

Mungu ni Mwema. Ndugu yangu Moyo Usiyokuwa na Shukrani Hukausha Mema yote.

Na Kushukuru ni Kuomba Tena. Tuunganike kwa Pamoja Leo Mwisho wa Mwezi wa Nane! Kumwambia Mungu Asante kwa Kutulinda Mwezi Mzima.

Tuuombe Pia Mwezi Ujao wa Tisa. Ukawe wa Heri, Baraka na Fanaka tele katika Maisha yetu. Mungu akufute Machozi yote! Akupe Amani, Furaha na Upendo. Akujalie Ukue zaidi Kiuchumi.

Upandishwe Cheo. Watoto wetu wakawe vichwa Darasani na siyo Mikia. Mungu akuepushe na K**ati ya Roho Mbaya. Akupe hitaji la Moyo wako.

Akupe Fulsa Au Michongo ya Kimafanikio. Ufanyike Baraka kwa kila mtu. Uzidi Kukua Katika Imani na Maadili Ukiwa na Hofu ya Mungu.

Daima Tumjue Mungu, Tumpende, Tumtumikie na Mwisho tupate kufika kwake Juu Mbinguni. Jitahidi Sana Kusamehe! Usiwabebe watu Moyoni.

Msamaha unaleta Amani, Uhuru, Unaangalia Mbele, Msamaha Unaponya. Mungu Akupe Riziki utokapo na Uingiapo.

Jina lako liandikwe kwenye Kitabu za Uzima Mbinguni. Basi Tujitahidi Kutumia Taranta zetu au Vipawa vyetu tulivyojaliwa na Mungu kwa ajili ya kuwasaidia wengine. Na katika yote Mungu atukuzwe. Tusiue Vipaji vyetu au vya Wenzetu. Bali tuvitumie na tuwasaidie wenye Vipaji. Basi tunayaweza Mambo yote hayo Katika yeye Atutiaye Nguvu.

Nikutie Moyo tu. Usikate Tamaa. Acha kulia! Pambana mpaka tone la Mwisho. Mungu bado anakupenda na sisi ndugu zako tunakupenda na Kukuombea. Ubarikiwe Mpaka Ushangae. Mwezi Ujao wa Tisa ukavunje Rekodi. Tembea Dunia nzima hakuna mkate Mgumu mbele ya chai.

Hivyo hakuna Sababu ya Kukata Tamaa. Ubarikiwe Sana.

05/09/2024

NINI UFANYE UNAPOKUWA/UNAPOPITIA CHANGAMOTO , MAGUMU NA MAPITO

Hebu Sasa jifunze nini ufanye pindi unapopitia /unapokutana na Changamoto ,jaribu,na magumu mbalimbali Kwenye Maisha
👇👇👇

(a)Jikumbushe Maandiko /ahadi za Mungu kwako

Jikumbushe ahadi za MUNGU Kwako kuhusu nyakati ngumu unazopitia kuwa yeye ni mwaminifu kwenye kutimiza ahadi zake , Kwamba aliloahidi Mungu Kwako lazima tu atalitimiza , lazima atafanya, lazima atatenda Maana MUNGU Hajawahi Kusema Uongo Yeye ni Mwaminifu Sana Katika Kuyatimiza aliyoahidi
ZABURI 89;34

(b)Jikumbushe Shuhuda za Mambo aliyowahi kukutendea Mungu

Jikumbushe Mema Mengi Sana MUNGU aliyowahi kukutendea Kuwa k**a alikuvusha pale hata hapo pia atakuvusha ,K**a alikutetea pale basi Hata hapo atakutetea,K**a alikusaidia Kwenye Lile atakusaidia Kwenye Hilo Pia ,K**a alisimama na Wewe ukavuka basi Hata Kwenye hili Yupo na Wewe Utavuka pia
1SAMWELI 17:37

(c)Chunga kile unachotamka /unachosema

Hata Siku Moja haijalishi Unapitia Nini Lakini Wewe tamka kile ambacho unataka kitokee na siyo kile ambacho unakipitia , Usitamke Magumu Uliyonayo, Bali Jitamkie Ushindi, Jitamkie Uzima Jitamkie Kufanikiwa, Jitamkie Kuinuka , Jitamkie Mema Hata K**a Unapitia Hali ngumu Kataa kulalamika Wala kunung'unika Kamwe
MITHALI 3:6

(d)Jijengee Mtazamo Chanya

Jenga Mtazamo Chanya Kuwa Kila jambo linawezekana ,kuwa Mungu atafanya jambo jipya kwako .. Mungu atakuonekania, Mungu atakutetea tu,Jijengee mtazamo chanya Wewe ni mshindi, MUNGU wako anakuwazia Mema, Jijengee Mtazamo chanya Kuwa MUNGU Wako ni Mkuu kuliko Hayo Unayopitia

Usiruhusu Mtazamo hasi utawale fahamu zako bali Mtazamo chanya ndiyo unaopaswa kutawala fahamu zako

(e)Dumu Katika Kuomba

Dumu katika Kuomba ninaposema Dumu katika Kuomba naamanisha endelea Kuomba mpaka umepata majibu,Bwana umevuka,Mlilie Bwana akutoe ,akuvushe ,akuponye na shida ,tabu na changamoto hiyoo unayopitiaaaa ,Maana Mungu ndiye Msaada Wa Pekee, Mungu anaweza Yote Omba Kwa kumaanisha,Omba Kwa userious wote,Omba Kwa Bidii,Omba ikiwezekana Kufunga Funga Muombe Mungu Juu Ya hilo unalopitia ,Usikae Kimya ukasema eti MUNGU anajua hili ninalopitia ni lazima UOMBE SANAA
ZABURI 107:6

(f)Jifunze kuisemesha nafsi yako

Usingoje kufarijiwa na Wengine, Usingoje kutiwa moyo na Wengine bali Isemeshe nafsi Yako Kuwa Mungu yu pamoja nawe ,Mungu hajakuacha. Mungu anakuwazia mema ,Mungu atafanya njia tu ,Ni ya kitambo tu ,unapita tu hautakaa milele Kwenye hilo,Wewe ni mshindi Hata Kwenye hilo unashinda, isemeshe nafsi yako kuwa hautakuwa k**a ulivyo leo,
ZABURI 131:2