Myanmar Sports

Myanmar Sports Best Sports Stories
(11)

အားလုံး ကို ၂ ချက်လောက် ပြောချင်ပါတယ်။၁/ ဝိတ်ကျော်ပြီး ပရိသတ်တွေကို စိတ်ပျက်မိစေခဲ့တဲ့ အတွက် တောင်းပန်ပါတယ်။၂/ အားပေးကြတ...
14/11/2024

အားလုံး ကို ၂ ချက်လောက် ပြောချင်ပါတယ်။

၁/ ဝိတ်ကျော်ပြီး ပရိသတ်တွေကို စိတ်ပျက်မိစေခဲ့တဲ့ အတွက် တောင်းပန်ပါတယ်။

၂/ အားပေးကြတဲ့ အတွက်လဲ ကျေးဇူးတင်ပါတယ်။ ခါးပတ်ပြန်ယူပြီး ၊ ချန်ပီယံ နောက်တစ်ကြိမ် ဖြစ်အောင် ကြိုးစားသွားမှာပါ။

#ရော့ထန်း

ဘောနပ်ဆု အရကြမ်းတဲ့ ဖိုက်တာ 2 ယောက် **********UFC မှာ နိုင်ရင်တော်ပြီ ၊ အနာခံပြီး စွန့်စားမှုတွေ သိပ်မလုပ်ဘူး ဆိုတဲ့ ပု...
13/11/2024

ဘောနပ်ဆု အရကြမ်းတဲ့ ဖိုက်တာ 2 ယောက်
**********

UFC မှာ နိုင်ရင်တော်ပြီ ၊ အနာခံပြီး စွန့်စားမှုတွေ သိပ်မလုပ်ဘူး ဆိုတဲ့ ပုံစံမျိုးနဲ့ ထိုးတဲ့ ဖိုက်တာ အတော်များပါတယ်။ ပွဲကို စောစောစီးစီး ဖြတ်လို့ရရဲ့သားနဲ့ 3 ချီ ပြည့်တဲ့အထိ အနာမခံ ၊ ဆွဲခေါ် ကစားသွားတဲ့ ဖိုက်တာတွေလဲ ဒု နဲ့ ဒေး ပါပဲ။

ဘာလို့လဲ ဆိုတော့ ကိုယ့်ရဲ့ ကြံ့ခိုင်မှု ၊ ဒဏ်ရာရသွားနိုင်ချေ ကို အလေးထား တွက်ချက်ကြလွန်းလို့ပါ။

ရလာဒ် အနေနဲ့ အဲဒီလို ဖိုက်တာတွေက တစ်ဟုန်ထိုး နာမည်ကြီးလာတာ ရှားပါတယ်။ နိုင်ပွဲဆက် မှတ်တမ်းတွေ အများကြီးနဲ့ စွမ်းဆောင်ပြလာရင်တောင် ပရိသတ် အသိမှတ်ပြုခံရမှုက အုံးနဲ့ကျင်းနဲ့ မရတတ်ပါဘူး။

ဒီတစ်ပတ် ကျင်းပမယ့် UFC 309 ပြိုင်ပွဲ ရဲ့ Co Main ပွဲ ကတော့ အထက်ဖော်ပြပါ အချက်လက်တွေ နဲ့ လုံး၀ ဆန့်ကျင်နေတဲ့ ပွဲလို့ ပြောနိုင်ပါတယ်။ ဘာလို့လဲ ဆိုတော့ ဒီဖိုက်တာ နှစ်ယောက် ဘောနပ်ဆု ဆွတ်ခူးထားတဲ့ နှုန်းထားနဲ့တင် သိသာနေလို့ပါ။

အိုလီဗဲရား က ဘောနပ်ဆုတင် 19 ကြိမ် ဆွတ်ခူးပြီးပါပြီ။ ပြောရရင် ထိုးကြေး မပါပဲ ဘောနပ်ဆုနဲ့တင် ဒေါ်လာ 1 သန်း နီးပါး အိတ်ထဲ ထည့်ထားပြီးပါပြီ။ UFC သမိုင်းကြောင်း တစ်လျှောက် ဘောနပ်ဆု ဆွတ်ခူးတဲ့ အရေတွက် အများဆုံး စံချိန် ဖြစ်ပါတယ်။

အိုလီဗဲရား က အဲဒီလို ဆွတ်ခူးလို့ မိုက်ကယ် ချန်ဒလာ ကို မျက်ကွယ်ပြုလို့ မရပြန်ပါဘူး။

UFC စင်မြင့်ထက် 5 ပွဲ ထိုးပါတယ်။ 2 ပွဲ နိုင် 3 ပွဲ ရှုံးပါတယ်။ ဒါပေမယ့် 5 ပွဲ မှာ ဘောနပ်ဆု က 4 ကြိမ်တောင် ဆွတ်ခူးခဲ့တာပါ။ UFC ကို နောက်ပိုင်းမှ ရောက်လာပြီး ဘောနပ်ဆု ဆွတ်ခူးတာ ကြမ်းတဲ့ ထိပ်တန်း ဖိုက်တာကြီးတွေထဲမှာ သူ့ထက် ပိုတာ ဆိုလို့ ဂျပ်စတင် ဂေဂျီ တစ်ယောက်ပဲ ရှိမယ် ထင်ပါတယ်။

အဲဒီတော့ ဒီဖိုက်တာ နှစ်ယောက်တွေ့ မကျေပွဲဟာ ဘောနပ်ဆု တွေ ပေါ်လာဖို့ ရာခိုင်နှုန်း အတော်များတယ်လို့ ပြောလို့ ရနေပါတယ်။

ပထမအကြိမ် တွေ့တုန်းကတော့ အိုလီဗဲရား က ချန်ဒလာ ကို ဒုတိယချီ မှာ အလဲထိုးပြီး အမှောက်သိပ်သွားတာပါ။ ဘောနပ်ဆုလဲ သူပဲ သိမ်းပိုက်သွားပါတယ်။ ချန်ဒလာ ဘောနပ်ဆု လက်လွှတ်လိုက်ရတဲ့ ပွဲက အဲဒီ တစ်ပွဲပဲ ရှိပါတယ်။

ဒါ့ကြောင့် မကျေပွဲမှာရော အရင်လို ဖျော်ဖြေမှုတွေ ပေးကြဦးမလား ၊ ပေါက်ကွဲသံဇဉ်တွေ ခင်းကျင်းကြဦးမလား ဆိုတာ စိတ်ဝင်စားဖို့ ကောင်းပါတယ်။

ချန်ဒလာ က ကော်နာကို စောင့်တာများပြီး ၂ နှစ်ဝန်းကျင်လောက် ပွဲဝေးသွားသလို ၊ အိုလီဗဲရား ကလဲ ချန်ပီယံ ခါးပတ် လက်လွှတ်လိုက်ရပြီးနောက်ပိုင်း ကတည်းက စွမ်းဆောင်ရည်ပိုင်းက မတည်ငြိမ်ပါဘူး။

အိုလီဗဲရားက 35 နှစ် ၊ ချန်ဒလာ က 38 နှစ် ဆိုတော့ ပထမကြိမ် တွေ့ဆုံမှုလောက်တော့ သွက်လက်မြိုင်ဆိုင်မှုတွေ အလှည့်ပြောင်းတွေ ဖြစ်လာဖို့ မလွယ်ဘူး ထင်ပါတယ်။

Older Version မှာ ဘယ်သူက ပိုကြမ်းမယ် ထင်လဲ ၊ ဘယ်သူက ဘောနပ်ဆု ထပ်ပြီး ကြိတ်ဦးမယ် ထင်လဲဗျာ.....🤜🤛


ချန်ဒလာ vs အိုလီဗဲရား (2)
နိုဝင်ဘာ 17 ရက် ၊ တနင်္ဂနွေ မနက်

မေတ္တာရပ်ခံချက် - ဒီ Page က Reach ချခံထားရလို့ Myanmar Sports TV Page သစ်မှာ အားပေးကြပါဦး ခင်ဗျာ 🙏

ချတ်ထရီ ကို ခေါင်းကိုက်ဆေးတွေ ကျွေးလာတဲ့ ဘူချက်ချာ 💊*************“ ဟိုနေ့ က ထိုးသွားတဲ့ ပွဲက ကျနော့် ရဲ့ လက်ရှိ စာချုပ်ပ...
13/11/2024

ချတ်ထရီ ကို ခေါင်းကိုက်ဆေးတွေ ကျွေးလာတဲ့ ဘူချက်ချာ 💊
*************

“ ဟိုနေ့ က ထိုးသွားတဲ့ ပွဲက ကျနော့် ရဲ့ လက်ရှိ စာချုပ်ပါ နောက်ဆုံးပွဲပါ။ ဒါကြောင့် လောလောဆယ် ချည်နှောင်မှု ကင်းမဲ့သွားလို့ ၊ လုပ်ချင်တာ လုပ်နိုင်ပါပြီ။

မန်နေဂျာ အလီ အဘ်ဒလာဇစ် နဲ့ စကားပြောပြီးပါပြီ ၊ ဆုံးဖြတ်ချက် ချရုံပဲ ကျန်တော့တာပါ။ လောလောဆယ်တော့ ဘာမှ အပြီးပိုင် ဆုံးဖြတ်လိုက်တာမျိုး မရှိသေးပါဘူး။ ဘာတွေ ဆက်ဖြစ်လာမလဲ ဆိုတာလဲ မသိသေးပါဘူး။

အခြေနေတွေက အရင်အပတ်ကနဲ့ အခုကို လုံး၀ မတူတာပါ။ အရင်ပတ်ကတော့ ကျနော် ဟာ ရုရု ကို ရှုံးထားတဲ့သူ အဖြစ် အမြင်ခံရပေမယ့် ၊ လက်ရှိမှာ အာမီယာ ကို ပထမချီနဲ့ ချုပ်ပြတဲ့သူ အဖြစ် အမြင်တွေ ပြောင်းကုန်ကြပါပြီ။

အဲဒီတော့ ရောက်လာတဲ့ ကမ်းလှမ်းမှုတွေကလဲ မတူတော့ပါဘူး။ ကိုယ့်အတွက် အကောင်းဆုံး ဖြစ်မယ့် အရာကိုပဲ ရွေးချယ်ရတော့မှာပါ”

“အရိုးသားဆုံး ပြောရရင်တော့ ကမ်းလှမ်းလာတဲ့ ပရိုမိုးရှင်းတိုင်းနဲ့ လက်ခံ စကားပြောဖြစ်ပါတယ်။ ONE Championship က စာချုပ် ပြန်ချုပ်ချင်ရင်လဲ စကားပြောလို့ ရပါတယ်။ ဒါပေမယ့် လောလောဆယ် ဘာတွေ ဖြစ်လာမလဲ မသိသေးပါဘူး။

ကျနော် ဟာ ONE စင်မြင့်ထက်မှာ 6 ပွဲတောင် ထိုးခဲ့တာလေ။ MMA ဖိုက်တာ ဘ၀ တစ်လျှောက်လုံး အဲဒီမှာပဲ ကုန်ဆုံးခဲ့တာပါ။ ဒါကြောင့်မို့ နောက်ထပ် ခြေလှမ်း ကိုတော့ ခေါင်းအေးအေးထားပြီး စဉ်းစား ဆုံးဖြတ်ချင်ပါတယ်”

ဘူချက်ချာ

------

ဒီ Page က Reach ချခံထားရလို့ အောက်က Page ကို လာပြီး ဝန်းရံ ပေးပါဦး ခင်ဗျာ.......🙏

Myanmar Sports TV

309ဝေးကွာနေသူတွေ ပြန်လာကြမယ့်ပွဲ*********လာမယ့် နိုဝင်ဘာ 17 ရက် ၊ ဒီတစ်ပတ် တနင်္ဂနွေနေ့ မနက်ပိုင်း မှာတော့ နယူးယောက်မြ...
12/11/2024

309

ဝေးကွာနေသူတွေ ပြန်လာကြမယ့်ပွဲ
*********

လာမယ့် နိုဝင်ဘာ 17 ရက် ၊ ဒီတစ်ပတ် တနင်္ဂနွေနေ့ မနက်ပိုင်း မှာတော့ နယူးယောက်မြို့က MSG ကွင်းကြီးထဲမှာ UFC 309 ပြိုင်ပွဲ ကျင်းပသွားတော့မှာပါ။

ကျနော် ကတော့ “ပွဲဝေးနေသူတွေ ပြန်လာကြမယ့်ပွဲ” လို့ ခေါင်းစဉ်တပ်ကြည့်ချင်ပါတယ်။

ဒီပြိုင်ပွဲမှာ Main Card ရဲ့ ခေါင်ပွဲ အဖြစ် GOAT ဖိုက်တာကြီး ဂျွန်ဂျုံး နဲ့ ဟဲဗီးဝိတန်းက ထိပ်တန်း စာရင်းဝင် ချန်ပီယံဟောင်းကြီး မီယိုချစ် တို့က ထိုးကြမှာပါ။

မီယိုချစ် ဟာ UFC မှာ 2021 ခုနှစ် မတ်လ က နောက်ဆုံးပွဲ ထိုးသတ်ခဲ့တာ ဖြစ်ပါတယ်။ ဒါ့ကြောင့် ထိုးပွဲတွေနဲ့ ဝေးကွာနေတာ ၃ နှစ်ခွဲကျော်ကြီးများတောင် ရှိနေပါပြီ။

MMA လောကထဲကို ပြန်ပြီး အခြေချလာတဲ့ ဂျွန်ဂျုံးကလဲ စရီရယ်ဂန်းကို အနိုင်ရပြီး ကတည်းက ဒဏ်ရာပြသနာတွေနဲ့ ဆက်တိုက် ရုန်းကန်နေခဲ့ရတာ အခုမှ ပြန်ထိုးနိုင်မှာ ဖြစ်ပါတယ်။ ကြားထဲမှာ သူလဲ 1 နှစ်ခွဲကျော် လောက်ထိ နားလိုက်ရပါတယ်။

ဒါကြောင့် ဒီပွဲဟာ ကာလရှည် အနားယူနေရတဲ့ ထိပ်တန်း ဖိုက်တာကြီး နှစ်ယောက် အဌဂံဝိုင်းအတွင်း ပြန်လာမယ့်ပွဲမျိုး ဖြစ်ပါတယ်။

စတီပေ မီယိုချစ်က အသက် 42 နှစ် ရှိနေပြီ ဖြစ်သလို ၊ ပွဲတွေလဲ အရမ်းဝေးထားတော့ ဂျွန်ဂျုံးလို ဖိုက်တာမျိုးကို ဒုက္ခပေးနိုင်ဖို့ မလွယ်ပါဘူး။

Co-Main ပွဲ အဖြစ်တော့ မိုက်ကယ် ချန်ဒလာ နဲ့ ချားလ် အိုလီဗဲရား တို့က ထိုးကြမှာပါ။

ဂျွန်ဂျုံး နဲ့ မီယိုချစ် တို့က အကြောင်းပြချက် ကိုယ်စီနဲ့ ပွဲဝေးခဲ့တာ ဖြစ်ပေမယ့် မိုက်ကယ် ချန်ဒလာ ကတော့ ကော်နာ နဲ့ ပွဲ ဖြစ်ဖို့ မျှော်ရင်း မျှော်ရင်း နဲ့ ကြားထဲမှာ 2 နှစ်လောက် ပွဲဝေးသွားပါတယ်။

ပြောရရင် မီယိုချစ် ၊ ချန်ဒလာ ၊ ဂျွန်ဂျုံး တို့ဟာ လက်ရှိ UFC က ပိုင်ဆိုင်ထားတဲ့ ဖိုက်တာတွေ အားလုံးထဲမှာ ပွဲ အဝေးဆုံး ဖိုက်တာကြီး ၃ ယောက် ဖြစ်ပါတယ်။

ဒါ့ကြောင့် ဒီတွဲဆိုင်းတွေနဲ့ ပတ်သက်လို့ သုံးသပ်ချက်တွေ ၊ ခန့်မှန်းချက်တွေ ထုတ်ကြမယ် ဆိုရင် အနီးစပ်ဆုံး ဖြစ်ဖို့ ရာခိုင်နှုန်း နည်းနိုင်ပါတယ်။

အားလုံးက အရွယ်ရ ဖိုက်တာတွေ ဖြစ်သလို ၊ ရစ်သမ်မိမိ နဲ့ ကစားပြနိုင်လိမ့်မယ်လို့လဲ တစ်ထစ်ချ တွက်ထားလို့ မရပါဘူး။

အိုလီဗဲရား ပရိသတ်တွေ ကတော့ သူတို့ ဖိုက်တာကြီးဟာ အောင်မြင်မှုတွေ အရင်လောက် မဆာလောင်တော့ဘူးလား ဆိုတဲ့ သံသယတွေ နဲ့ ကြည့်ကြရတော့မှာပါ။ ချန်ပီယံ ခါးပတ် လက်လွှတ်ရပြီး နောက်ပိုင်း သူ့ရဲ့ ကစားပုံ အတက်ကျတွေ များလွန်းပါတယ်။

ဘာပဲဖြစ်ဖြစ် ပြိုင်ဘက်က မိုက်ကယ် ချန်ဒလာ ဖြစ်နေလို့ ပျင်းစရာတော့ ကောင်းမှာ မဟုတ်ပါဘူး။ ချန်ဒလာ ဟာ UFC ကို ရောက်လာပြီး ကတည်းက စုစုပေါင်း 5 ပွဲ ထိုး 2 ပွဲ နိုင် 3 ပွဲ ရှုံး ရလာဒ် ထွက်ပေါ်ခဲ့ပေမယ့် ၊ ဘောနပ်ဆုတင် 4 ကြိမ်ထိ ဆွတ်ခူးထားသူပါ။

ကျနော် ကတော့ ချန်ဒလာပွဲတွေကို သဘောကျပါတယ်။ ပရိသတ် အမြင်နဲ့ပဲ ကြည့်တာပါ။ ရှုံးသည်ဖြစ်စေ ၊ နိုင်သည်ဖြစ်စေ ဖျော်ဖြေမှု တစ်ခုခုတော့ ပေးအောင်ထိုးပါတယ်။ အီစိမ်ပြီး ဆွဲ နေတာမျိုးလဲ မလုပ်ပါဘူး။

ဒါ့ကြောင့် ချန်ဒလာ ဟာ အခုထိ ပွဲကောင်းတွေချည်းပဲ ဆက်တိုက် ပေးခံရဆဲ ဖြစ်ပါတယ်။

ဒီဖိုက်တာ နှစ်ယောက် ပထမကြိမ် တွေ့တုန်းကလဲ အခိုက်တန့် ကိုယ်စီ ပိုင်ဆိုင်ခဲ့ကြပါတယ်။

ဒုတိယမြောက် မကျေပွဲ မှာတော့.......

🤜🤛“ ကိုဒီ ဒါဒန် နဲ့ ပွဲဖြစ်ချင်တယ်လို့ ပြောခဲ့တာက ကိုယ်ရေးကိုယ်တာကိစ္စတွေနဲ့ မဆိုင်ပါဘူး။ သူက ကျနော့် ကို အွန်လိုင်းပေါ်...
12/11/2024

🤜🤛

“ ကိုဒီ ဒါဒန် နဲ့ ပွဲဖြစ်ချင်တယ်လို့ ပြောခဲ့တာက ကိုယ်ရေးကိုယ်တာကိစ္စတွေနဲ့ မဆိုင်ပါဘူး။

သူက ကျနော့် ကို အွန်လိုင်းပေါ်မှာ ခဏခဏ စိန်ခေါ်နေတော့ ၊ ငါလဲ တစ်ခုခု ဘာလို့ မတုန့်ပြန်ရမှာလဲ ဆိုတဲ့ ပုံစံမျိုးနဲ့ ပြန် လေတိုက်ခဲ့တာပါ။ အဲဒီ ပုံစံနဲ့ ပွဲ စ ခဲ့တာပေါ့။

“ ဒီပွဲက ဒိုင် အဆုံးဖြတ်ထိ ရောက်စရာ မလိုပါဘူး။ အဲလောက်ဆို သဘောပေါက်မှာပါ။

သေချာပေါက် ပွဲကောင်း တစ်ပွဲ ဖြစ်လာပါလိမ့်မယ်”

ဂျော့ရှုအာဗန် ရဲ့ ပွဲကြို ပြောစကား

ဗန် vs. ကိုဒီ ဒါဒန်
UFC 310
ဒီဇင်ဘာ 8 ရက်
T-Mobile Arena, လက်စ်ဗီးဂက်

အန်ဂန်နူ နဲ့ ပွဲတည်ပေးဖို့ တောင်းဆိုလိုက်တဲ့ ဟဲဗီးဝိတ် ချန်ပီယံသစ် ရုရု******“ ဘော့စ် ချတ်ထရီ…… အန်ဂန်နူ vs. မာလီကင် ပွဲ...
12/11/2024

အန်ဂန်နူ နဲ့ ပွဲတည်ပေးဖို့ တောင်းဆိုလိုက်တဲ့ ဟဲဗီးဝိတ် ချန်ပီယံသစ် ရုရု
******

“ ဘော့စ် ချတ်ထရီ…… အန်ဂန်နူ vs. မာလီကင် ပွဲ ဖြစ်ဖို့ အတွက် ခင်ဗျား အားထုတ်ခဲ့ဖူးတယ်လေ။

အခု ကျနော် က မာလီကင် ကို အနိုင်ရပြီးပြီ ဆိုတော့ အာဖရိက ရဲ့ အကြီးကျယ် အခမ်းနားဆုံး ပွဲကို ဖန်တီးလိုက်ကြရအောင်ပါ။

အန်ဂန်နူ vs. ရုရု / PFL vs. ONE Championship

PFL က တာဝန်ရှိသူတွေ အားလုံးက ဒီ အိုက်ဒီယာ နဲ့ ပတ်သက်လို့ Yes လို့ ပြောကြမှာ သိထားပါတယ်။ အဲဒီတော့ ဒီပွဲဟာ ကျနော့် ရဲ့ ဖိုက်တာဘ၀ ဂုဏ်ယူရဆုံး ပွဲ ဖြစ်လာမှာပါ”

ရုရု (ဟဲဗီးဝိတ် ချန်ပီယံသစ်)

11/11/2024

ONE Championship ကို ပြန်ဝုန်းနေတဲ့ ရိုင်နီယာ ဒီရစ်ဒါ
**************

ဘူချက်ချာ UFC ကို ရောက်တော့မှာလား?********အာမီယာ နဲ့ ထိုးသွားတဲ့ ပွဲက ဘူချက်ချာ ရဲ့ လက်ရှိ ONE နဲ့ ချုပ်ဆိုထားတဲ့ စာချုပ...
11/11/2024

ဘူချက်ချာ UFC ကို ရောက်တော့မှာလား?
********

အာမီယာ နဲ့ ထိုးသွားတဲ့ ပွဲက ဘူချက်ချာ ရဲ့ လက်ရှိ ONE နဲ့ ချုပ်ဆိုထားတဲ့ စာချုပ်ပါ နောက်ဆုံးပွဲ ဖြစ်ပါတယ်။ အဲဒီတော့ ပွဲ အရေတွက် ပြည့်သွားပြီလို့ ပြောလို့ ရပါတယ်။

ဒါပေမယ့် စာချုပ်သစ် ညှိနှိုင်းကာလ ၁ နှစ် ထည့်သွင်း ချုပ်ဆိုထားတော့ ONE နဲ့ အပြီးပိုင် သက်တမ်းကုန်တာလား ၊ နောက်ထပ် အမြီးရှည် ရှိသေးလား ပြောလို့ မရသေးပါဘူး။

အာမီယာ ကို အနိုင်ရတဲ့ ပွဲအပြီးမှာ ချန်ပီယံ ခါးပတ် စိန်ခေါ်ခွင့်မှန်းနေပြီလား ၊ ရုရု နဲ့ မကျေပွဲ ဆော်ချင်လား ဆိုပြီး သတင်းထောက်တွေက ဝိုင်းမေးကြပါတယ်။

ဘူချက်ချာ ကလဲ ကြားထဲမှာ ညှိနှိုင်းစရာတွေ ရှိသေးတယ် ၊ အဝေးကြီးထိ မျှော်တွေးမထားဘူး ဆိုတဲ့ စကားလုံး လှလှလေးတွေနဲ့ ပယ်ချပါတယ်။

အဲဒီတော့ သူဟာ ONE နဲ့ စာချုပ် ဆက်ချုပ်မလား ၊ အခြား ပရိုမိုးရှင်း တစ်ခုခုကို ပြောင်းရွှေ့မလား ဆိုတာ စဉ်းစားစရာ ဖြစ်လာပါပြီ။

ဒီနေရာမှာ ONE အနေနဲ့ ဘူချက်ချာ ကို ကြိုးရှည်ရှည်နဲ့ ကိုင်လှန်ထားတဲ့ အကွက်တော့ ထုတ်သုံးဖို့ မလွယ်ပါဘူး။ ဘာလို့လဲ ဆိုတော့ အေးဂျင့်က နာမည်ကြီး အလီအဘက်ဒလာဇစ် ဖြစ်ပါတယ်။ ရိုင်နီယာ ကို UFC ထိ ဆွဲထုတ်သွားတဲ့သူပါ။

ဒါ့ကြောင့် ဘူချက်ချာ ဟာ ရိုင်နီယာ ရဲ့ လမ်းစဉ်နောက်ကို လိုက်မှာလား ဆိုတာ စဉ်းစားစရာ ဖြစ်လာပါတယ်။ UFC ကလဲ ဟဲဗီးဝိတ်တန်းမှာ ဖိုက်တာကောင်း မပေါသလို ၊ UFC 309 ပြီးတာနဲ့ ဂန္တဝင်ဖိုက်တာကြီး တချို့က အနားယူဖွယ် ရှိနေပြန်ပါတယ်။

အဲဒီတော့ ဘူချက်ချာ ဟာ ONE Championship ကို စွန့်ခွာနိုင်ချေ ရှိတဲ့ နောက်ထပ် နာမည်ကြီး ဖိုက်တာ တစ်ယောက်လို့ပဲ မယုတ်မလွန်လေး ပြောထားကြည့်ချင်ပါရဲ့

လူရွေး မှားခဲ့လေသလား ချတ်ထရီ ………ပုံမှန် အားဖြင့်တော့ ချတ်ထရီ ရဲ့ ဖိုက်တာတွေ အပေါ် ကိုင်တွယ်ပုံကို အကောင်းဘက်ကထက် အဆိုးဘက...
11/11/2024

လူရွေး မှားခဲ့လေသလား ချတ်ထရီ ………

ပုံမှန် အားဖြင့်တော့ ချတ်ထရီ ရဲ့ ဖိုက်တာတွေ အပေါ် ကိုင်တွယ်ပုံကို အကောင်းဘက်ကထက် အဆိုးဘက်ကနေ မြင်ပြီးပဲ ပြောလေ့ရှိပါတယ်။

ဒါပေမယ့် ဒီတစ်ပတ်တော့ ချတ်ထရီ ကို နည်းနည်းလေး ကိုယ်ချင်းစာမိသွားတယ်။

အစောပိုင်းမှာ မိုက်ကီ မူဆူမက်ချီ က ONE နဲ့ လမ်းခွဲကြောင်း ကြေငြာပါတယ်။ နှစ်ဦး နှစ်ဖက် အဆင်မပြေကြလို့ လမ်းခွဲကြတာ ပြောစရာ မရှိပေမယ့် ၊ ကစားသမားဘက်က ကြေငြာချက်ထုတ်တယ် ဆိုတဲ့ အနေထားကို ကြည့်ရင်ပဲ မှန်းကြည့်လို့ ရပါပြီ။

“မကျေနပ်လို့ ထွက်တယ်ကွာ” လို့ ဒဲ့ မပြောရုံ တမယ်ပါပဲ။

အဲဒီနောက် ရော့ထန်း က ပရော်ဖက်ရှင်နယ် မဆန်လို့ ၊ မြှောက်စားခဲ့လေသူကြီး ချတ်ထရီ ပါ အဖျားခတ်ခံ ရပြန်ပါတယ်။

ဟိုး... အမေရိကားက သတင်းစာမျက်နှာတွေ ထက်မှာတော့ ရိုင်နီယာ ရဲ့ စကားတွေက ပလူပျံနေတာပါပဲ။

ပွဲ မထိုးခင် က ONE Championship က Drug Policy က အာပလာကြီး

“ဟန်ပြအနေနဲ့ သူတို့ စစ်ချင်တဲ့ ဖိုက်တာလောက်ပဲ စစ်တယ်”

“ Hydration Test ကို ကျော်ခွနေကြတာ ၊ ထိထိရောက်ရောက် မလုပ်နိုင်ဘူး” ဆိုတဲ့ စကားတွေ ပြောပါတယ်။

UFC နိုင်ပွဲ ရပြီးရော ၊ ကင်မရာသမားတွေ အားလုံးက သူ့ဆီ တည့်တည့် လှည့်ချိန်နေတဲ့ အခိုက်တန့်မျိုး ရောက်မှ

“ONE Championship နဲ့ ဘယ် MMA ဖိုက်တာမှ စာချုပ် မချုပ်ကြနဲ့ ၊ ချုပ်ရင် မဟာအမှားကြီး ဖြစ်လိမ့်မယ်” ဆိုတဲ့ ပုံစံနဲ့ ထပ်ပြောချလိုက်ပါတယ်။

အားလုံးကို ခြုံကြည့်လိုက်ရင် ချတ်ထရီ အနေနဲ့ သွေးတောင် တိုးလောက်ပါတယ်။

ONE 169 ပြိုင်ပွဲ သတင်းစာရှင်းလင်းပွဲ တက်မလာတာ အဲဒီ ကိစ္စတွေ နဲ့ မဆက်စပ်ဘူးလို့ ပြောလို့ မရပါဘူး။

နောက်ကြောင်းကို ပြန်လှန်ကြည့်မယ် ဆိုရင်တော့ သူမွေးတဲ့ မျောက်တွေ သူ့ကို ပြန်ခြောက်ကြတာပါ။

ရော့ထန်း ဆိုတာ ထိုင်းဖိုက်တာတွေ အားလုံးထဲမှာ ချတ်ထရီ က အရင်ဆုံး မြှောက်ကစားခဲ့သူ ၊ မွေစားသား အကြီးဆုံးသားလေး လို့တောင် ပြောနိုင်ပါတယ်။

မိုက်ကီ မူဆူမက်ချီ ကတော့ မွေးစားသားတွေထဲမှာ မာနခဲပါပဲ။ သူ့ကိုလဲ ချတ်ထရီက ဖူးဖူးမှုတ်ပြီးကို မြှောက်စားတာပါ။

ပွဲ အဝေး မခံပါဘူး။ ပွဲတည်ပေးလိုက်တိုင်းလဲ နောက်ကနေ ဘောနပ် ဒေါ်လာ 50000 ထုတ်ပေးဖို့ ဟန်ပြင်ထားပြီးပါပြီ။

ဘယ်လောက်ပဲ အလိုလိုက်ပါစေ ၊ မာနရှိသူ ဆိုတော့ တစ်ခါလောက် မာန်တင်းလိုက်တာနဲ့ ကွဲလန်သွားပါတယ်။ မွေးစားသားတွေက သား/သမီး အရင်းမှ မဟုတ်ကြတာကိုး။

ရိုင်နီယာ ဒီရစ်ဒါ ကတော့ ပြန်ပြောနိုင်တဲ့ အင်အားလဲ ရှိတယ် ၊ ပြောနိုင်အောင်လဲ ကောင်းကောင်းအကွက်ရွှေ့သွားတယ်။

ပြန် ဖဲ့ ချင်လို့ ကို ဒီလမ်းကြောင်း ခင်းသွားတယ်လို့ ဆိုနိုင်ပါတယ်။

တကယ်တော့ သူလဲ အစောပိုင်းမှာ အလိုလိုက်ခံရတဲ့ ထဲမှာ ပါ ပါတယ်။

ဆယ်နှစ်ပတ်လည် ကျင်းပတဲ့ ပြိုင်ပွဲမှာ သူ့ကို ပါစေချင်လွန်းလို့ ကြံကြံဖန်ဖန် ဂါဗာအိုကြီး နဲ့ Grappling ပွဲ ချက်ခြင်း ပေးခဲ့တာပါ။

အဲဒီနောက် အမေရိကား သွားရောက် ကျင်းပတဲ့ ပထမဆုံး ပြိုင်ပွဲမှာလဲ ရူအိုတိုလို နဲ့ ပွဲ ဆက်ထုတ်ပေးခဲ့ပါတယ်။ ပြောရရင် ပွဲကြီး ပွဲကောင်းတွေဆို ရိုင်နီယာ ကို မဖြစ်ဖြစ်အောင် ထည့်ပေးခဲ့တာပါ။

ဒါပေမယ့် ရိုင်နီယာ ဟာ စာချုပ်ပါ နောက်ဆုံးပွဲကို မာလီကင် နဲ့ ထိုးချင်ပုံ မရခဲ့လောက်ပါဘူး။

ပရိုမိုးရှင်းဘက်က အဲဒီ ပုံစံ မဖြစ်မနေ တွန်းပို့တော့ ၊ ရှေ့က ကောင်းခဲ့သမျှ ပြန်ပြီး မမြင်နိုင်ပါဘူး။

မေးခွန်းထုတ်ကြည့်ချင်တာက ချတ်ထရီ အနေနဲ့ “လူရွေး မှားခဲ့လေ သလားပေါ့”

ဒါ့ကြောင့် ချတ်ထရီ ဟာ နောက်ပိုင်း ထိုင်း ဖိုက်တာတွေ ကိုပဲ သိသိသာသာ မျက်နှာလိုက်ဦးမှာပါ ၊ နိုင်ငံခြားသား ဖိုက်တာတွေ ထဲမှာ ဆိုရင် တော်တော်ကြီးကို သူ သဘောကျမှ မြှောက်စားမှာပါ။

ဘာလို့လဲ ဆိုတော့ အဖုထစ်တွေ စဖြစ်တာနဲ့ ဘယ်သူကမှ ကုပ်ကပ်တွယ်မနေဘူး ဆိုတာ ရိုင်နီယာ နဲ့ မိုက်ကီ မူဆူမက်ချီ တို့က သာဓက ဖြစ်သွားပါပြီ။

ထိုင်းဖိုက်တာတွေ ကတော့ သူ့ ဘာလုပ်လုပ် ပြန်ပြောရဲတဲ့ ပုံစံထိ မရှိသေးပါဘူး………..

11/11/2024

ONE 169 ပြိုင်ပွဲ အပြီး သုံးသပ်ချက်
***********

- ONE က မြှောက်စားတာခံရဖို့ အလားလာကောင်းသွားတဲ့ ဖီလစ်ပိုင်သူလေး

- အမျိုးသမီး ဂျိုကာ ဖိုက်တာ မီအူရာ

- ONE Championship ကို စွန့်ခွာဖွယ် ရှိနေတဲ့ ဘူချက်ချာ

- ချတ်ထရီ ပညာပြတာ ခံရတဲ့ မိုရာရက်စ်

- ပရော်ဖက်ရှင်နယ် ပိုပြီး ပီသဖို့ လိုနေတဲ့ ရော့ထန်း

- ဖြစ်တဲ့သတင်းတွေ ထွက်နေတဲ့ နာဘာတီ နဲ့ နာဘီးလ်

စတဲ့ အကြောင်းရာတွေကို စုစည်းတင်ဆက်ထားပါတယ်။

ဟက်ဇက် ကို စိန်ခေါ်လိုက်တဲ့ RDR*****“ ကျနော့် ကိုယ်စား Promotion က တာဝန်ရှိသူတွေကို ပြောပေးနိုင်လားတော့ မသိပါဘူး ဘာလို့လ...
10/11/2024

ဟက်ဇက် ကို စိန်ခေါ်လိုက်တဲ့ RDR
*****

“ ကျနော့် ကိုယ်စား Promotion က တာဝန်ရှိသူတွေကို ပြောပေးနိုင်လားတော့ မသိပါဘူး ဘာလို့လဲ ဆိုတော့ နယူးယောက် ဟာ အိမ်ပြန်လမ်းမှာ ဝင်ရမယ့် နေရာမျိုး ဖြစ်နေတယ်လေ။

အဲဒီတော့ နောက်တစ်ပတ် MSG မှာ ကျင်းပမယ့် ပြိုင်ပွဲ အတွက် ကျနော့်ကိုများ လိုအပ်သေးတယ် ဆိုရင် နာရီပိုင်း အတွင်း ချက်ခြင်း ဖုန်းပြန်ခေါ်လို့ ရပါတယ်။ ပြီးရင်တော့ ကျနော် နည်းနည်းလေး မူးနေချင် နေမှာပါ။

Promotion ဘက်မှာ ကျနော့်အတွက် သင့်တော်တဲ့သူ ရှိနေတယ် ဆိုရင် ကိုယ့်ဘက်က ပွဲချက်ခြင်း လက်ခံဖို့ အဆင်သင့်ပါပဲ။”

“လွန်ခဲ့တဲ့ အပတ်တုန်းကမှ ရှောင်စထရစ်ခ်လန်း နဲ့ အတူတူ လေ့ကျင့်ထားလို့ သူ့ကို ချက်ခြင်းကြီး ပြန်စိန်ခေါ်လို့ မကောင်းပါဘူး။ ဟမ်းဇက် နဲ့ ဘာလို့ မဖြစ်နိုင်ရမှာလဲ။ Grappling ရှုထောင့်ကနေ ကြည့်ရင် ပွဲကောင်းတစ်ပွဲတောင် ဖြစ်လာနိုင်ပါတယ်”

ရိုင်နီယာ ရဲ့ ပွဲပြီး ပြောကြားချက်

ရော့ထန်း အမြင်မှန် ရသွားပြီလား? 🤔********ဒီပုံထဲက မြင်ကွင်းက စိတ်ဝင်စားဖို့ အတော်ကောင်းပါတယ်။ ရော့ထန်း ဘေးမှာ ရပ်ပြီး အလ...
10/11/2024

ရော့ထန်း အမြင်မှန် ရသွားပြီလား? 🤔
********

ဒီပုံထဲက မြင်ကွင်းက စိတ်ဝင်စားဖို့ အတော်ကောင်းပါတယ်။

ရော့ထန်း ဘေးမှာ ရပ်ပြီး အလှဆုံး ပြုံးနေသူက သူ့ရဲ့ မန်နေဂျာပါ။ ရော့ထန်း ကို မွေးထုတ်ပေးလိုက်တဲ့ Jitmuangnon Gym ရဲ့ လက်ရှိ ပဲ့ကိုင် ဆရာမကြီးလို့ ပြောလို့ ရပါတယ်။ သူတို့ Gym က ဖိုက်တာတွေကို လမ်းကြောင်းမှန် တစ်ခုပေါ်ကို လျှောက်လှမ်းနိုင်အောင် သူမ ကပဲ ကန့်လန့်ကာ နောက်ကွယ်ကနေ ကြိုးကိုင်ပေးနေတာပါ။

ဒီ အကြောင်းတွေ လိပ်ပတ်လည်အောင် နားလည်ဖို့ ဆိုရင် စာနည်းနည်းရှည်ဖို့ လိုပါလိမ့်မယ်။ အဲဒီတော့ အချိန်ပေးပြီး ဖတ်စေချင်ပါတယ်။

ရော့ထန်း ဟာ ဒင်းနစ် ပူရစ်ချ် နဲ့ ပွဲအတွက် ပြင်ဆင် ကတည်းက Jinmuangnon Gym ကို စွန့်ခွာပါတယ်။ သူ့ရဲ့ ဇနီး Aida ရဲ့ Gym ဖြစ်တဲ့ Looksaikongdin Gym မှာ ပြောင်းပြီး လေ့ကျင့်ပါတယ်။

ဒါပေမယ့် Agent ကိစ္စ ၊ မန်နေဂျာ ကိစ္စ အ၀၀ ကိုတော့ သူ့ကို ငယ်ငယ်လေး ကတည်းက ပြုစု ပျိုးထောင်ခဲ့တဲ့ Jinmuangnon Gym ကပဲ ကိုင်တွယ်ထားသေးတာပါ။

အဲဒီ အပြောင်းလဲမှာ အဖုထစ်တွေ ဖြစ်ကြဟန်တူပါတယ်။

အခုပုံထဲမှာ ဖော်ပြထားတဲ့ မမ က ရော့ထန်း အနေနဲ့ တစ်ခါတည်း ယောက္ခမ Gym ကို လိုက်သွားချင်တယ် ဆိုရင် ၊ သူတို့ နဲ့ ချုပ်ဆိုထားတဲ့ စာချုပ်ကိုတောင် လျော်ကြေးပေးပြီး ထွက်လို့ရတယ် ဆိုတဲ့ စကားလုံးတွေ Live လွှင့်ပြီး ပြောခဲ့ပါတယ်။

ရော့ထန်း ကလဲ တစ်ပွဲ တစ်ပွဲ ထိုးကြေး မနည်းမနော ရနေတော့ တံခါးဖွင့်ပေးတာ နေမှာပါ။

အဲဒီမှာ ရော့ထန်းက ဝိတ် စပြီး ကျော်ပါတယ်။

“တစ်ချိန်လုံး ဘောလုံးပဲ ကန်နေတယ်”
“မိန်းမလဲရ ၊ ထိုးကြေးလဲ ရတော့ သာယာသွားပြီ”
“အရင်လို ရော့ထန်း မဟုတ်တော့ဘူး” ဆိုတဲ့ ဝေဖန်သံတွေ စပြီး ထွက်ခဲ့ပါတယ်။

ဟိုးလွန်ခဲ့တဲ့ တစ်လလောက်ကလဲ ထိုင်းက နာမည်ကြီး အဖော်ချွတ် မော်ဒယ် တစ်ယောက်က “အိမ်ထောင်သည်တွေ ၊ ပိုင်ရှင် ဇနီး ရှိရှိကြီးနဲ့ ငါနဲ့ အိပ်ခွင့်ရဖို့ မကြိုးစားကြနဲ့” ဆိုတဲ့ စတေးတပ် တစ်ခု တင်လိုက်ပါတယ်။

အွန်လိုင်းပေါ်မှာ တော်တော်လေးလဲ ပေါက်တာပါ။

အဲဒီ စတေးတပ်ကို ပြန်ရှဲရင်း Wonder gril က “မွေထိုင်းမှာ ထိုးကြေး အများဆုံး ရတဲ့ကောင် ၊ အွန်လိုင်းပေါ်မှာတော့ မိန်းမ ကို ချစ်ပြနေလိုက်တာ ၊ နောက်ကွယ်မှာတော့ ကောင်မလေးလှလှ လေးတွေ ရဲ့ Line အကောင့် လိုက်တောင်းနေတယ်” ဆိုပြီး ရွဲ့ ရေးပါတယ်။

အဲဒီ စတေးတပ် အောက်မှာ စတမ့်ဖဲတက် ကလဲ “မင်္ဂလာဆောင် လက်မှတ်မထိုးခင် အရင်ညကတောင် ငါ့ကို Chat Box ကနေ လာ စကားပြောတယ် ၊ သူ့ မိန်းမ ကို အရမ်းချစ်တယ် ဆိုပြီး ပြောသွားသေးတာ ၊ ဘာ အထာလဲ မသိဘူး” ဆိုပြီး ဝင် ဟားပါတယ်။

အဲဒီ ဖိုက်တာ နှစ်ယောက် အပြန်လှန် ပြောကြတဲ့ စတေးတပ်က ထိုင်းက ပေါက်ပေါက်ဖောက် ၊ ပွဲ ရှာတဲ့ လူတွေအကြား အတော်ကို ပျံ့နှံ့တာပါ။ မွေထိုင်း အကြောင်းရေးတဲ့ သတင်းသမားတွေတောင် “အဲဒီ ခေါင်းစဉ် မတို့ထိ ရဲ့ဘူး ၊ နတ်ကြီးတယ် ၊ ရှင်းပြဖို့ နက်နဲတယ်” ဆိုပြီး ဝိနည်းလွတ် ရှောင်ကြပါတယ်။

တစ်ချို့က သိသိကြီးနဲ့ “ဘယ်သူ့ကို ပြောတာလဲ ဆိုပြီး အတင်းဝိုင်းမေးကြပါတယ်”

Wonder Girl ကလဲ ဘာသာကိုးကွယ်မှု အယူပြောင်းသွားတဲ့ ကိစ္စကို ပေါ်လွင်အောင် “ အရင်ကတော့ ဝက်သားစားတယ် ၊ အခု စကီလေးတွေပဲ ပတ်ဝါးတော့တယ်” ဆိုပြီး သဲလွန်စတွေပဲ ပေါ်တင် ချပြတာပါ။

အဲဒီလို လူမှုရေး အရှုပ်ရှင်း အနံ့ ထွက်ပြီးချိန်မှာပဲ ၊ ဂျေကော့ စမစ်နဲ့ ပွဲမှာ ဝိတ် ထပ်ကျော်ပါတယ်။ ဒီတစ်ခါတော့ ချန်ပီယံ ခါးပတ်တောင် ရုပ်သိမ်း ခံလိုက်ရတာပါ။

နဂို တကည်းက ပြောဖို့ ချောင်းနေတဲ့ လူအုပ်ကြီးက ရော့ထန်း ကို ပုံစံမျိုးစုံ နဲ့ ဝိုင်း ဝုန်းကြပါတယ်။

“ONE က စင်တင်ပေးလို့ အခုလို ဖြစ်လာတာ ၊ ပွဲတွေသာ မချောင်ရင် အောက်ထိုးကျတာ ကြာပြီ”

“ ပြည်တွင်း နာမည်ကြီး စတေဒီယံတွေမှာတောင် ချန်ပီယံ မဖြစ်ဖူးတဲ့ကောင်က ၊ အခုလိုမျိုး မြှောက်စားခံရတော့ အောက်ခြေလွတ်ပြီပေါ့”

“ မ ဘက် လိုက်တော့ မိုက်ဘက်ပါတဲ့ ရော့ထန်း”

“Jitmuangnon Gym ကနေ ထွက်လာ ကတည်းက အခုလိုတွေ ဝိတ်တွေ ဆက်တိုက်ကျော်နေတာ ၊ ဘယ်သူ့ကြောင့်လဲ တွေးကြည့်ရုံနဲ့ သိသာပါတယ်”

စတဲ့ ပုံစံမျိုးစုံ နဲ့ ထိုးနှက်တာပါ။

တစ်ချို့ က မိန်းမဖြစ်သူက သေချာ ထိန်းကျောင်းနိုင်တဲ့ အရည်သွေး မရှိလို့ ဆိုတဲ့ အဓိပ္ပါယ်နဲ့ မှတ်ချက်ပေးကြလို့ ရော့ထန်း ကိုယ်တိုင်တောင် စတေးတပ် တင်ပြီး ထွက်ရှင်းရပါတယ်။

ဂျေကော့ စမစ် နဲ့ ပွဲပြီးတော့ ကြိုးဝိုင်းထဲမှာ သူ့ရဲ့ လက်ရင်း မန်နေဂျာ မမ ကိုယ်တိုင် လိုက်ပြီး ဝန်းရံတာ တွေ့ပါတယ်။ အခြားဖိုက်တာတွေဆိုရင် စင်ပေါ်တက်လေ့ မရှိတဲ့ သူမဟာ ဒီတစ်ခါတော့ ဘေးကနေ အလှဆုံးပြုံးပြီးကို တက်လာတာပါ။

ပြောရရင် သူတို့ မြေတောင်မြှောက်ပေးလိုက်တဲ့ ကစားသမားတစ်ယောက် ဝိုင်းပြီး ထိုးနှက်ခံရချိန်မှာ မားမားမတ်မတ် နဲ့ ဘေးကနေ ယှဉ်ရပ်လိုက်တာ ဖြစ်ပါတယ်။

ပြီးတော့ သူမ ရဲ့ အကောင့်ကနေလဲ ရော့ထန်း ကို ဒါမျိုးတွေ ထပ်မဖြစ်အောင် ဆိုတဲ့ အဓိပ္ပါယ်တွေနဲ့ စာသားတွေ ဆက်တိုက် ရေးနေပါတယ်။

သဘောက ရော့ထန်း တစ်ယောက် သူ့အတွက် ရှေ့ဆက် လျှောက်လှမ်းမယ် ဆိုရင် ဘယ်နေရာက အသင့်တော်ဆုံးလဲ ၊ ဘယ်သူတွေက မိတ်ဆွေကောင်းတွေလဲ ဆိုတာ ဒီလို အချိန်မျိုးမှာ ပိုပြီး သဘောပေါက်သွားမှာပါ။

ပွဲအပြီး သတင်းရှင်းလင်းပွဲမှာတော့ ကာယကံရှင် ကိုယ်တိုင်ကလဲ ဒါက နောက်ဆုံး အကြိမ် ဖြစ်ကြောင်း ၊ နောက်နောင် ဒီလို ဝိတ်ကျော်တာမျိုး ထပ်မဖြစ်အောင် ကြိုးစားမယ့် အကြောင်း ၊ ချန်ပီယံ ခါးပတ်ကိုလဲ ပြန်ရအောင် ကြိုးစားသွားမယ့်အကြောင်း ဖွင့်ဟ သွားပါတယ်။

ရော့ထန်း ဟာ တကယ်ပဲ အမြင်မှန်ရသွားတာလား ဆိုတော့ အချိန်က အဆုံးဖြတ် ပေးသွားမှာပါ…..

သမ္မတ ကတောင် ဂုဏ်ပြုလိုက်တဲ့ ရုရု******ဆီနီဂေါ သမ္မတ Bassirou Diomaye Faye က ဟဲဗီးဝိတ် ချန်ပီယံ ခါးပတ် သိမ်းပိုက်နိုင်ခဲ...
10/11/2024

သမ္မတ ကတောင် ဂုဏ်ပြုလိုက်တဲ့ ရုရု
******

ဆီနီဂေါ သမ္မတ Bassirou Diomaye Faye က ဟဲဗီးဝိတ် ချန်ပီယံ ခါးပတ် သိမ်းပိုက်နိုင်ခဲ့တဲ့ ရုရု ကို ဂုဏ်ပြုချီးကျူးစကား ဆိုလိုက်ပါတယ်။

ဆီနီဂေါ ဟာ ကမ္ဘာကျော် ဘောလုံးသမားတွေ ဆက်တိုက် မွေးထုတ်ရာ နေရာတစ်ခု ဖြစ်ပေမယ့် ၊ တိုက်ခိုက်ရေး ကစားနည်းဘက်မှာတော့ အခုမှ ထိုးဖောက်လာတာပါ။

ရုရု ဟာ ဆီနီဂေါ ကနေ ပေါ်ထွက်လာတဲ့ ပထမဆုံး MMA ကမ္ဘာ့ချန်ပီယံ ဖြစ်ပါတယ်။

👏👏👏

ONE နဲ့ လက်မတွဲဖို့ အခြားဖိုက်တာတွေကို တိုက်တွန်းလိုက်တဲ့ RDR*********“ ONE Championship ကို ပြန်ပြီး ပုတ်ခတ်တဲ့ စကားမျိ...
10/11/2024

ONE နဲ့ လက်မတွဲဖို့ အခြားဖိုက်တာတွေကို တိုက်တွန်းလိုက်တဲ့ RDR
*********

“ ONE Championship ကို ပြန်ပြီး ပုတ်ခတ်တဲ့ စကားမျိုး ပြောရတာ မလွယ်ပါဘူး။ ဘာလို့လဲ ဆိုတော့ အဲဒီမှာ အကောင်းဆုံး အခိုက်တန့်တွေ ပိုင်ဆိုင်ခဲ့ဖူးတယ်လေ။ အစောပိုင်းမှာ သူတို့က ကောင်းကောင်းမွန်မွန်ကို ဆက်ဆံခဲ့တာပါ။ နောက်ပိုင်းနှစ်တွေရောက်တော့ တော်တော်ကို ဆိုးဆိုးဝါးဝါးပါပဲ။

ဒီစကားက အခြားဖိုက်တာတွေ သိသင့်တယ် ထင်လို့ ကျနော် ထုတ်ပြောတာပါ။ ONE Championship နဲ့ လက်တွဲဖို့ စိတ်ကူးရှိတယ် ဆိုရင် ၊ မလုပ်ပါနဲ့ ဖျက်လိုက်ပါ။

ဒါက ရိုးရိုးရှင်းရှင်းလေးပါပဲ ။ လုံးဝကို မလုပ်သင့်တဲ့ အရာပါ။

အဲဒီမှာ ဘာမှ မရှိပါဘူး။ MMA ပွဲလဲ မပေးနိုင်ပါဘူး။ ဒီကြားထဲကမှ လက်မှတ်ထိုးမိလိုက်တယ် ဆိုရင်တော့ အမှားကြီး တစ်ခုကို ကျူးလွန်လိုက်တာပါပဲ”

ရိုင်နီယာ ရဲ့ UFC ပွဲအပြီး ပြောကြားချက်

UFC မှာ နိုင်ပွဲနဲ့ စတင် ကန့်လန့်ကာဖွင့်လှစ်လိုက်တဲ့ ရိုင်နီယာ👏👏👏ရိုင်နီယာ ဟာ ဂျရယ် မီယာချား ကို တတိယချီမှာ ချုပ်ကွက်နဲ့...
10/11/2024

UFC မှာ နိုင်ပွဲနဲ့ စတင် ကန့်လန့်ကာဖွင့်လှစ်လိုက်တဲ့ ရိုင်နီယာ
👏👏👏

ရိုင်နီယာ ဟာ ဂျရယ် မီယာချား ကို တတိယချီမှာ ချုပ်ကွက်နဲ့ ပွဲသိမ်းပြလိုက်ပါပြီ။

သူ့ရဲ့ UFC ဖိုက်တာဘ၀ အဖွင့်က ပြီးပြည့်စုံစွာနဲ့ လှပသွားပါတယ်။

ကြိုက်တဲ့နေရာမှာ ပွဲပြန်တည်လို့ ရတယ် ဆိုတဲ့ ရုရု**********မေး - " မာလီကင် က ကြိုးကို လှမ်းဆွဲလို့ အဝါကဒ် ပြခံခဲ့ရတယ်။ သူ...
09/11/2024

ကြိုက်တဲ့နေရာမှာ ပွဲပြန်တည်လို့ ရတယ် ဆိုတဲ့ ရုရု
**********

မေး - " မာလီကင် က ကြိုးကို လှမ်းဆွဲလို့ အဝါကဒ် ပြခံခဲ့ရတယ်။ သူ က မင်းလဲ လက်အိတ်ကို နှိုက်ဆွဲထားတယ် ဆိုပြီး စောဒက ပြန်တက်တယ်။ တချို့ရဲ့ အမြင်မှာ ရုရုလဲ အဝါကဒ် ပြခံရသင့်တယ်လို့ ပြောနေကြတယ်။ အဲဒီပေါ် ဘယ်လို မှတ်ချက်ပေးချင်လဲ?"

ရုရု - "မာလီကင် က ကလိမ်ကကျစ်ကောင်ပါ။ ကျနော်က သူ့ကို လှဲချဖို့ ကြိုးစားတဲ့ အချိန် ၊ ကြိုး ကို လှမ်းဆွဲပါတယ်။ ပြီးတော့ တစ်ချိန်လုံးနီးပါး ကျနော် လက်အိတ်ကိုပဲ ဆွဲနှိုက်နေတာပါ။ ဒါ့ကြောင့် သူ ဒိုင်ကို စောဒက တက်တဲ့ ပုံစံက စိတ်ဓါတ်စစ်ဆင်ရေး လုပ်တဲ့ သဘောမျိုးသာ ဖြစ်ပါတယ်"

မေး - " ဒီလိုပွဲမျိုးကို သံဇကာဝိုင်းထဲမှာ ထိုးချင်လား။ ဒါမှ မဟုတ် ကြိုးဝိုင်းထဲမှာ ကစားရတဲ့ ပုံစံကို ပိုသဘောကျမိလား?"

ရုရု - " ဒီအခန်းထဲမှာ ဆိုရင် ပိုတောင် ကောင်းပါသေးတယ်"

ဘဲဥခွဲခံလိုက်ရပြီ ဖြစ်တဲ့ မာလီကင်*************ရသ အပြည့်ပေးလွန်းတဲ့ ပွဲတစ်ပွဲပါပဲ။ဂေါ်ရီလာကြီး ၂ ကောင် ဆော်ကြသလိုကို ကြည့...
09/11/2024

ဘဲဥခွဲခံလိုက်ရပြီ ဖြစ်တဲ့ မာလီကင်
*************

ရသ အပြည့်ပေးလွန်းတဲ့ ပွဲတစ်ပွဲပါပဲ။

ဂေါ်ရီလာကြီး ၂ ကောင် ဆော်ကြသလိုကို ကြည့်ရတာ ကောင်းတာပါ။

အရင်ဆုံးပြောချင်တာက ရုရု အိုမာကင်း ဟာ ဘယ်သူမှ ထင်မှတ်မထားလောက်အောင်ကို တိုးတက်လာပါတယ်။ မာလီကင် ရဲ့ ထိုးချက်တွေကိုလဲ ခံနိုင်ရည်ရှိသလို ၊ ထိထိမိမိလဲ တုန့်ပြန် ကစားပြသွားတာပါ။

ဒီပွဲဟာ မာလီကင် အစွမ်းကုန် ထုတ် ကစားတဲ့ ပွဲဖြစ်သလို ၊ ပထမဆုံး အကြိမ် သွေးထွက်သံယိုတွေ ခံရတာ မြင်ဖူးခြင်းပါပဲ။

အစောပိုင်း ၂ ချီ လောက်ထိ ရုရု သာပါတယ်။

မာလီကင်လဲ ပြိုင်ဘက်ကို အထင်သေး ကစားရင်းနဲ့ တတိယချီ ရောက်မှ ပြန်ပြီး လက်ပူလာတာပါ။

ပွဲရလာဒ်ကတော့ ဒိုင်တွေ က ဆုံးဖြတ်တာပါပဲ။

ကျနော်ကတော့ ကောင်တာစောင့်လွန်းတဲ့ ရုရု ထက် စာရင် ၊ တိုက်စစ်ဖွင့်ကစားတဲ့ မာလီကင် ကို ပိုသဘောကျပါတယ်။

ဒါပေမယ့် ဘယ်သူနိုင်တယ် ၊ ရှုံးတယ် ဆိုတာလဲ ပြောရ ခက်ပါတယ်။ ပွဲက အတော်ကို ကောင်းတာပါ။

နောက်ထပ် မကျေပွဲ တန်းဖြစ်ဖို့လဲ မျှော်လင့်မိပါတယ်။

ထင်မှတ်မထားပဲ ချန်ပီယံ ခါးပတ်ယူ ၊ ဘဲဥခွဲပြသွားတဲ့ ရုရု ကိုလဲ Congratulations ပါ။ 🤝

👏👏👏

သာသာယာယာ နဲ့ နိုင်ပွဲရတဲ့ ရော့ထန်း**********ဟိုနေ့က မိုးမှောင်ကျပြီးပါပြီ ၊ ဒီကနေ့ ရော့ထန်း နေသာတဲ့ နေ့ပါပဲ။တည်ထားတဲ့ တွ...
09/11/2024

သာသာယာယာ နဲ့ နိုင်ပွဲရတဲ့ ရော့ထန်း
**********

ဟိုနေ့က မိုးမှောင်ကျပြီးပါပြီ ၊ ဒီကနေ့ ရော့ထန်း နေသာတဲ့ နေ့ပါပဲ။

တည်ထားတဲ့ တွဲဆိုင်းက နဂို ကတည်းက ကွာလွန်းသလို ၊ ပညာရပ်ပိုင်းကလဲ မိုး နဲ့ မြေ ပါပဲ။

ဒါတောင် ရော့ထန်း က ဖိဖိစီးစီး မကစားလို့ 5 ချီ ပြည့်တာပါ။

ဂျေကော့စမစ် က ဒင်းနစ် ပူရစ်ချ်လောက်တောင် လုပ်မပြနိုင်ပါဘူး။

ရော့ထန်း က ညှာပြီး ဆွဲခေါ်နေလို့သာ ပွဲက တစ်ဖက်သတ်ကြီး မမြင်ရတာပါ။

ONE Championship ကလဲ သူတို့ အတွက် ငွေရှာပေးနိုင်တဲ့ ရော့ထန်း ကို ပွဲကျပ်တွေ ဆက်တိုက် ဖန်တီးပေးမယ့်ပုံ မပေါ်ပါဘူး။

ဒါပေမယ့် နောက်ပွဲတော့ တာကေးရု နဲ့ မျှော်လင့်ထားကြတာပေါ့ 🤜🤛

ที่อยู่

Bangkok
10560

เว็บไซต์

แจ้งเตือน

รับทราบข่าวสารและโปรโมชั่นของ Myanmar Sportsผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง Myanmar Sports:

วิดีโอทั้งหมด

ONE Championship ကို ပြန်ဝုန်းနေတဲ့ ရိုင်နီယာ ဒီရစ်ဒါ
ONE Championship ကို ပြန်ဝုန်းနေတဲ့ ရိုင်နီယာ ဒီရစ်ဒါ

ONE Championship ကို ပြန်ဝုန်းနေတဲ့ ရိုင်နီယာ ဒီရစ်ဒါ **************

ONE 169 ပြိုင်ပွဲ အပြီး သုံးသပ်ချက်
ONE 169 ပြိုင်ပွဲ အပြီး သုံးသပ်ချက်

ONE 169 ပြိုင်ပွဲ အပြီး သုံးသပ်ချက် *********** - ONE က မြှောက်စားတာခံရဖို့ အလားလာကောင်းသွားတဲ့ ဖီလစ်ပိုင်သူလေး - အမျိုးသမီး ဂျိုကာ ဖိုက်တာ မီအူရာ - ONE Championship ကို စွန့်ခွာဖွယ် ရှိနေတဲ့ ဘူချက်ချာ - ချတ်ထရီ ပညာပြတာ ခံရတဲ့ မိုရာရက်စ် - ပရော်ဖက်ရှင်နယ် ပိုပြီး ပီသဖို့ လိုနေတဲ့ ရော့ထန်း - ဖြစ်တဲ့သတင်းတွေ ထွက်နေတဲ့ နာဘာတီ နဲ့ နာဘီးလ် စတဲ့ အကြောင်းရာတွေကို စုစည်းတင်ဆက်ထားပါတယ်။

သတင်းစာရှင်းလင်းပွဲကြီးတွေကို ပတ်ရှောင်နေတဲ့ ချတ်ထရီ
သတင်းစာရှင်းလင်းပွဲကြီးတွေကို ပတ်ရှောင်နေတဲ့ ချတ်ထရီ

အဓိက သတင်းစာရှင်းလင်းပွဲကြီးတွေကို ပတ်ရှောင်နေတဲ့ ချတ်ထရီ ************

ငယ်ဘ၀ ဖြတ်သန်းမှု ကောက်ကြောင်းတချို့ ကို ဖွင့်ဟလာတဲ့ မာလီကင်
ငယ်ဘ၀ ဖြတ်သန်းမှု ကောက်ကြောင်းတချို့ ကို ဖွင့်ဟလာတဲ့ မာလီကင်

ချန်ပီယံခါးပတ်တွေထက် သူ့ရဲ့ ဘဝဖြတ်သန်းမှု လမ်းကြောင်းကို ပိုပြီး လူသိများစေချင်တဲ့ မာလီကင် ************ - ငယ်ဘ၀ ဖြတ်သန်းမှု ကောက်ကြောင်းတချို့ ကို ဖွင့်ဟလာတဲ့ မာလီကင် - မာလီကင် vs. ရုရု တို့ ပွဲအပေါ် ဘူချက်ချာ ရဲ့ သုံးသပ်ချက် - ပြီးပြည့်စုံတဲ့ ဖိုက်တာ တစ်ယောက်ဖြစ်အောင် ပြင်ဆင်ထားတယ် ဆိုတဲ့ ဘူချက်ချာ - နောက်ဆုံး ကျင်းပမယ့် UFC Fight Night ပြိုင်ပွဲမှာ ပါဝင်လာမယ့် တွဲဆိုင်းတွေကို ချပြလိုက်တဲ့ UFC - ရှမီး ဂါဆာနော့ဗ် နဲ့ ပွဲဖြစ်မှာ မဟုတ်တော့တဲ့ မာတင် ငုယင် စတဲ့ အကြောင်းရာတွေကို စုစည်း တင်ဆက်ထားပါတယ်။

အိမ်ဖြည့် အဆင့်မဟုတ်ဘူး ဆိုတာ ပြသရတော့မယ့် မြန်မာဖိုက်တာများ
အိမ်ဖြည့် အဆင့်မဟုတ်ဘူး ဆိုတာ ပြသရတော့မယ့် မြန်မာဖိုက်တာများ

အိမ်ဖြည့် အဆင့်မဟုတ်ဘူး ဆိုတာ ပြသရတော့မယ့် မြန်မာဖိုက်တာများ ************* - ONE Friday Fights 76 နောက်ပိုင်းက စလို့ ရှုံးပွဲဆက်နေတဲ့ မြန်မာဖိုက်တာများ - ပါရေးရား ကို ၂ ပွဲဆက်တိုက်တောင် အနိုင်ယူပြမယ်လို့ ကြုံးဝါးလိုက်တဲ့ အန်ကလာယက်ဖ် - လိုက်ဝိတ်တန်းကို တက်ထိုးဖို့ ဆုံးဖြတ်ချက် ချလိုက်ပြီ ဖြစ်တဲ့ ဟော်လိုဝေး - ONE Championship ကို ကျောခိုင်းသွားတဲ့ မိုက်ကီ မူဆူမက်ချီ - မိုရီနို လက်စွမ်းပြသွားတဲ့ ကနေဒါက UFC Fight Night ပြိုင်ပွဲ စတဲ့ အကြောင်းရာတွေကို စုစည်းတင်ဆက်ထားပါတယ်။

မြန်မာဖိုက်တာတွေကို ပြန်ကြည့်ပေးတဲ့ ချတ်ထရီ
မြန်မာဖိုက်တာတွေကို ပြန်ကြည့်ပေးတဲ့ ချတ်ထရီ

မြန်မာဖန်တွေ နဲ့ မြန်မာဖိုက်တာတွေကို ပြန်ကြည့်ပေးတဲ့ ချတ်ထရီ *************

ချန်ပီယံ ခါးပတ်လုပွဲ ထိုးရတော့မယ့် ထွန်းမင်းနိုင်
ချန်ပီယံ ခါးပတ်လုပွဲ ထိုးရတော့မယ့် ထွန်းမင်းနိုင်

လူပီနီ စတေဒီယမ် ချန်ပီယံ ခါးပတ်လုပွဲ ထိုးရတော့မယ့် ထွန်းမင်းနိုင် ********** - ONE 170 ပြိုင်ပွဲ အတွက် မြန်မာ ဖိုက်တာ တစ်ချို့ ကို ထပ်ပြီး ပွဲထုတ်ဖွယ် ရှိနေတဲ့ ONE Championship - ထိုးပွဲ ဆိုင်ရာ စာချုပ်မှာ လက်မှတ်ထိုးလိုက်ပြီ ဖြစ်တဲ့ မာတင် ငုယင် - Gym ပြောင်းလေ့ကျင့်ပေမယ့် ၊ မန်နေဂျာ မပြောင်းတဲ့ ပန်ပါယက် - ထိုင်း အထိ နယ်ချဲ့ လာတော့မယ့် Karate Combat - UFC 308 ပြိုင်ပွဲ အပြီး သုံးသပ်ချက်တွေကို စုစည်း တင်ဆက်ပေးထားပါတယ်။

မြန်မာ ပရိသတ်တွေကို ကျေးဇူးတင်ကြောင်း ပြောပြသွားတဲ့ ဆွန်ရက်
မြန်မာ ပရိသတ်တွေကို ကျေးဇူးတင်ကြောင်း ပြောပြသွားတဲ့ ဆွန်ရက်

မြန်မာ ပရိသတ်တွေကို ကျေးဇူးတင်ကြောင်း ပြောပြသွားတဲ့ ဆွန်ရက် ************* ဆွန်ရက် က ပွဲအပြီး အင်တာဗျူး မလုပ်ခင် ကျနော် နဲ့ အရင်ဆုံး စကားပြောဖြစ်ပါတယ်။ ကျနော် ပြောတဲ့ စကားတွေကို သူနားလည်ပါတယ်။ ဒါပေမယ့် အင်တာဗျူး ဖြေဖို့ထိတော့ ယုံကြည်မှု ရှိဟန် မတူပါဘူး။ တစ်ချိန်တည်းမှာ ကျနော် က အင်္ဂလိပ်လို မေး ၊ ONE ကလူတွေက ထိုင်းလို ဘာသာပြန် ၊ သူက ထိုင်းလို ဖြေလို့လဲ ရနေပါတယ်။ ဒါပေမယ့် အဲဒီ နည်းလမ်းကို သူ သဘောကျဟန် မတူပါဘူး။ သူ့ရဲ့ မိခင် မွန်ဘာသာစကားတော့ ကောင်းကောင်း ပြောတတ်တယ် ဆိုတာလေးတော့ ပြချင်ဟန်တူပါတယ်။ ဒါ့ကြောင့် ကျနော့်ကိုလဲ မြန်မာလိုမေးခိုင်း ၊ မွန်လို ဘာသာပြန်ပေးမယ့် မသရဖီ ကို သူက သပ်သပ်ကြီးကို သွားခေါ်တာပါ။ မေတ္တာနဲ့ ကူညီပေးသွားတဲ့ မသရဖီ တို့ လင်မယား ကိုလဲ ကျေးဇူးအများကြီး တင်ပါတယ်ခင်ဗျာ။ တစ်ဖက်က အဲမွီပွဲ ထိုးနေချိန် ၊ ဆ

စိုးလင်းဦး vs. ဆက်ဆန် ပွဲ ပေါ်ပေါက်လာပုံ သုံးသပ်ချက်
စိုးလင်းဦး vs. ဆက်ဆန် ပွဲ ပေါ်ပေါက်လာပုံ သုံးသပ်ချက်

စိုးလင်းဦး vs. ဆက်ဆန် ပွဲ ပေါ်ပေါက်လာပုံ သုံးသပ်ချက် **********

ONE နဲ့ လက်မှတ်ထိုးထားတဲ့ ဘယ်ရော်နီကာ
ONE နဲ့ လက်မှတ်ထိုးထားတဲ့ ဘယ်ရော်နီကာ

ONE နဲ့ လက်မှတ်ထိုးထားတဲ့ အကြောင်း ခိုင်မာတဲ့ အချက်ထွက်ပေါ်လာတဲ့ ဘယ်ရော်နီကာ ************

ONE ရဲ့ မြန်မာဈေးကွက် အပေါ်ထားတဲ့ သဘောထား သုံးသပ်ကြည့်ခြင်း
ONE ရဲ့ မြန်မာဈေးကွက် အပေါ်ထားတဲ့ သဘောထား သုံးသပ်ကြည့်ခြင်း

ONE Championship ရဲ့ မြန်မာဈေးကွက် အပေါ်ထားတဲ့ သဘောထားကို သုံးသပ်ကြည့်ခြင်း ***************

ဝန်ထမ်းပေါင်း 20 ကျော်ကို အလုပ်ဖြုတ်လိုက်တဲ့ ချတ်ထရီ
ဝန်ထမ်းပေါင်း 20 ကျော်ကို အလုပ်ဖြုတ်လိုက်တဲ့ ချတ်ထရီ

ရုံးချုပ်က ဝန်ထမ်းပေါင်း 20 ကျော်ကို အလုပ်ဖြုတ်လိုက်တဲ့ ချတ်ထရီ --------------- - စင်္ကာပူ ရုံးချုပ်မှာ ဝန်ထမ်း နည်းသွားတဲ့ ONE Championship - CFFC ကို ပွဲထိုးဖို့ ရောက်နေပြီ ဖြစ်တဲ့ တီရယ်ထန် - လက်စ်ဗီးဂက် ကို ရောက်နေတဲ့ ဂျော့ရှူအာဗန် - UFC 312 ပြိုင်ပွဲမှာ ထိုးချင်တယ် ဆိုတဲ့ ဘိုကာနော့ဗ်စကီး - စောင့်ကြည့်သင့်တဲ့ အမာဘာယက်ဖ် - ဒီတစ်ပတ် ကျင်းပမယ့် UFC Fight Night ပြိုင်ပွဲ အကြောင်းတွေကို စုစည်း တင်ဆက်ထားပါတယ်။

ทางลัด

แชร์

ประเภท

บริษัทด้านสื่อ/ข่าวสาร อื่นๆใน Bangkok

แสดงผลทั้งหมด