Goob media

03/10/2024

Diyaaraddo aan duuliyaha lahayn ayaa lagu weerarray waxyar ka hor magaalada Tel Aviv, kuwaasoo loo badinayo inay soo direen kooxda Xuutiyiinta Yemen, isla waqtigaa weerar noocan oo kale wuxuu ka dhacayay aagga buraha Golan oo ay ku yaalan saldhigyada ciidanka Israa’iil, iyadoo weerarka dambe lagu warramayo inay fuliyeen dhaqdhaqaaqyada Ciraaq. Illa hadda ma jiro khasaare laga soo bandhigay weerarradan, sida laga soo xigtay wargeyska Israa’iil ee Yedioth Ahronoth.

03/10/2024

03/10/2024

Sawirrada dayax gacmeedka u qaaday oo ay soo bandhigtay wakaaladda wararka ee AP ayaa muujinaya burbur ay gaarsiiyeen gantaallada ay Iran ku weerartay habeen ka hor gudaha Israa’iil saldhigga ciidanka cirka Israa’iil ee Nevatim oo ku yaalla koonfurta dhulka ay Israa’iil heysato. Sawirrada ayaa muujinayay duleel weyn oo ka muuqda saqafka dhismaha ku dhex yaal saldhigga iyo waddada ay diyaaradaha ku ordaan, illaa hadda ma cadda haddii ay khasaare gaarsiiyeen gantaalladan diyaaradaha ugu casrisan dagaal ee Israa’iil ee F-35 Lightning II oo uu Maraykanku soo saaray oo saldhigan ay ka duulaan.

03/10/2024

03/10/2024

Dilkii hoggaamiyihii Xisbullah, Xasan Nasrallah kaddib markii u horreysay ayaa hadda la xaqiijiyay in la xiray xubno ka tirsan Ilaalada Kacaanka Iran , waxaa kalo gudaha Iran ka socda baaritaan xooggan oo la sheegay in lagu baarayo xiriirka xubnaha Ilaalada Kacaanka iyo Israa’iil, hadda si gaar ah waxaa loo beegsanaya xubnaha ay qoysaskooda degganyihiin meel ka baxdan Iran iyo kuwa u safray Lubnaan, kaddib dilka Nasrallah waxaa la sheegay inay sare martay tuhunka illaa heerka ay soo faragelisay Israa’iil xubnaha Ilaalada Kacaanka Iran iyo Xisbullah, mid ka mid ah dadka la xiray ee ka tirsan saraakiisha Ilaalada Kacaan Iran ayaa la sheegay inuu ku howlana raadinta xogta Nasrallah ka hor inta aan la dilay oo ay ku jirto goobta uu ku suganyahay iyo illaa muddada uu joogo, sida ay ku warrantay wakaaladda wararka Reuters oo xiganaysa ilo ka tirsan Iran.

Warbixinta ayaa intaa ku dartay , in hoggaamiyaha sare ee Iran , Cali Khamenei uu isku dayay inuu badbaadiyo Nasrallah, balse waxaa la dilay hoggaamiyaha Xisbullah iyo wakiilkii Iran ee loo diray si uu uga dhaadhiciyo inuu u gaaro Iran , sidoo kale warbixinta ayaa sheegtay in hadda boqollaal ruux oo ka tirsan Xisbullah la xiray kuwaasoo ay ku jiraan xubnihii soo iibiyay nidaamkii isgaarsiinta Xisbullah ee la qarxiyay, sidoo kale gudaha Iran waxaa qof kasta oo laga shakisanyahay laga qariyay goobta uu ku suganyahay hoggaamiyaha sare ee Iran, Cali Khamenei oo hadda lagu hayo meel gaar ah , si looga hortago iskuday kasta oo ay Israa’iil ku dili karto, sida ay sheegtay Reuters.

02/10/2024

Madaxweynaha Iran, Masoud Pezeshkian; “Waxaan uga jawaabi doonnaa si adag oo daran haddii Israa'iil ay na soo weerarto.”

Fiiro gaar ah;

Waxyar ka hor , ergayga Qaramada Midoobay ee Israa’iil, wuxuu sheegay jawaabta ay Israa’iil ka bixinayso weerarkii xalay ee Iran inuu noqonayo mid ka ballaaran nooc kasta oo weerar jawaab ah oo la filanayo.

02/10/2024

Shirkadaha bixiya sawirrada dayax-gacmeedka, ayaa billaabay inay daruuro ku qariyaan magaalooyinka Israa’iil ee weerarrada Iran ee xalay ay ka dhaceen , tallaabo u muuqata in lagu qarinayo khasaaraha ay Israa’iil u geysteen gantaallada Iran.

02/10/2024

Bank of America , oo ka mid ah bankiyada ugu weyn Mareykanka ayaa wajahaya cilaad aan la soo bandhigin waxa dhaliyay, taasoo ay wajahayaan dadka isticmaalayaasha ah oo aan arki karin dhaqdhaqaaqooda kuwa kalana wuxuu u sheegaya inaysan wax lacag ah ugu jirin koontadooda, sida laga soo xigtay shabakadda Downdetector oo ah mareeg soo bandhigta adeegyada danabeysan (online-ka) ee hawada ka baxa ama ciladaha wajaha.

02/10/2024

Telefishinka Israa'iil ee Channel-ka 13, ayaa ku warramay "Netanyahu waxa uu saacado ku sugan yahay isagoo ay waheliyaan tiro wasiirro ah meel la ilaaliyo oo dhulka hoostiisa ah."

Iman Jama.

02/10/2024

Askarta Israa’iil ee lagu dilay weerarrada Xisbullah ee xadka koonfurta Lubnaan ayaa gaartay 7 sarkaal iyo askar , kuwani dhammaantood waa ciidanka gaarka ah ee kumaandooska, taasi oo ka dhigaysa inaysan ahayn askar caadi ah iyo saraakiil laga maarmi karo aysan dhiman. Waa dhimashii ugu badnayd ee ciidanka Israa’iil ka soo gaaraysa hal maalin weerarro dhulka ah oo ay fulinayaan guutooyinka hubaysan ee Xisbullah , tan iyo sannadiii 2006-dii.

02/10/2024

Warsaxaafadeedka ciidanka Israa’iil, waxaa ay ku qirteen “ Saraakiisha lagu dilay dagaalladii ka dhacay koonfurta Lubnaan waxaa ka mid ahaa 3 sarkaal oo darajadoodu ahayd Gaashaanle iyo labo kale oo darajada Kabtan ah.”

Warka ka soo baxay ciidanka Israa’iil, ayaa sidoo kale lagu xaqiijiyay dhimashada guud ee saraakiisha inay gaartay 7 sarkaal, halka toddobo kale oo saraakiil ah ay dhaawacyo soo gaareen oo labo ka mid ah uu dhaawacooda culus yahay, askarta dhimashadooda iyo dhaawacooda lama soo bandhigin.

02/10/2024

Dhimashada saraakiisha kumaandooska Israa’iil ee weerarka Xisbullah ayaa gaartay 8 sarkaal. Halkan waxaa ku jira muuqaalka meydadka saraakiisha laga qaadayo aagga dagaal;

02/10/2024

Macawiisleeyda Beesha Jijeelle ayaa ilaa shalay ku hortaagan Degmada Qurac-joome ee Gobolka Bakool Gaadiidkan oo loo malaynayo in ay hub sidaan islamarkaana ay deegaanada Koonfur-galbeed u galbinayeen Ciidamo Itoobiyaan ah.

Macawiisleeyda Jijeelle ayaa isku dayey in ay baaraan gaadiidka balse Ciidanka Itoobiya ayaa ka biyo diidsan, waxaana jirta xiisad ka dhalatay arrintan oo ka taagan degmada Qurac-joome.

Gaadiidkan oo ilaa lix ka kooban islamarkaana ay galbinayaan Ciidanka Itoobiya ayaa kusii jeeday Gobolka Baay ee maamulka Koonfur-galbeed.

Itoobiya ayaa mudooyinkan gaadiid hub ah soo gelinaysa Soomaaliya siyaabo kala duwan, hasa ahaatee tilaabada ay ku hor istaageen Macawiisleeyda Jijeelle gaadiidkan ayaa ah mid ugub ah.

02/10/2024

Taliyaha guud ee ciidanka Iran , Mohammad Bagheri ayaa goor dhow markii u horreysay sheegay inay weerarri doonaan saldhigyada iyo xarumaha ay ku leeyihiin bariga dhexe dal kasta oo Israa’iil ku taageerro weerar ay ka geysato gudaha Iran, wuxuu intaa ku daray ; “ Maamulka Israa’iil waa inuu ka fakara haddii uu isku dayo inuu weerarkan ka jawaabo burbur ballaaran oo gaari doona.”

02/10/2024

Madaxweynaha Turkiga, Recep Erdogan ayaa saacadihii dambe ee maanta ka hor jeediyay Baarlamaanka dalkaa, khudbad u muuqatay inuu ku muujinayo sida uu maamulkiisa si adag uga soo horjeedo Israa’iil iyo inay jiraan xubno gudaha Turkiga ah oo taageersan, wuxuu sheegay inta uu khudbada ku jiray ; “ Meesha ay Israa’iil cagta dhigi doonta si ay u gaarto, waxa beenta ah ee ay ku sheegaan dhulka ballanta ee Falastiin iyo Lubnaan kaddib waa Turkiga … waxaan rajeynaya tan inad fahantaan oo xubnihiina iyo taageerrayaasha Israa’iil ee gudaha Turkiga waa inay fahmaan … waxa inagu soo socda ma aha waddan sharci xeerinaya ee waa dilaa…!”

Wuxuu intaa ku daray inaysan Lubnaan oo ay Israa’iil ku duushay aysan la mid ahayn Qasa oo ah meel xiran, taa beddelkeedana ay taageerro dhinac kasta ah ay siin doonaan Lubnaan,isagoo sii hadlayana wuxuu yiri ; “Halkan ka digtoonow Israa’iil in difaacidda Lubnaan aysan la mid noqon doonin Qasa oo adduunka ka go’doonsan, natiijada dagaalkana ay aad ugu xun tahay.”

Fiiro gaar ah;

Waxaa laga yaaba inuu Erdogan la kulmayo cadaadis gudaha ah kala duwanaashaha ka jirta Turkiga ayaanna surageliyay inuu sii socdo ganacsiga Turkiga ee gaaraya gudaha Israa’iil, tani waxay u muuqataa tallaabo si kasta oo h**ey lagu arki karo inay tahay wax ka baxsan Erdogan oo h**ey u mamnuucay ganacsiga Israa’iil.

02/10/2024

Ra’iisul wasaarihii h**e ee Israa’iil,Naftali Bennett ; “ Israa’iil waa inay hadda tallaabo qaadaa si ay u burburiso mashruuca Nukliyeerka Iran.”

02/10/2024

Sida laga soo xigtay website-ka GeoConfirmed, oo ku takhasusay arrimaha militariga iyo isku xirkooda ayaa sheegay in Iran ay gantaaladeeda ballistic-ga ku garaacday labo saldhig oo ciidanka cirka Israa’iil ay leeyihiin, kuwaaso kala ah ; Saldhigga Ort Telnov iyo aldhigga hawada ee Nevatim.Warbixinta waxaa lagu sheegay , inay tan ka dhigantahay haddii aysan diyaaradaha dagaalka Israa’iil marka hawada ku jirin , waxay u badan tahay inay khasaare gaartay.

01/10/2024

Dalalka Jordan iyo Ciraaq ayaa xiray hawadooda, taan waa dariiqa kaliya ee gantaallada Iran ay mari karaan marka ku socdaan Israa’iil.

Fiiro gaar ah;

Xiritaanka wuxuu la macno yahay in la soo ridayo wax kasta oo hawadaa soo galaya, sidoo kale diyaaradaha ganacsiga iyo rayidka ayaa laga joojiyay.

01/10/2024

Wargeyska Israa’iil ka soo baxaya ee Yedioth Ahronoth ayaa sheegay inay ciidanka Israa’iil diyaarinayaan weerarkii ugu weynaa oo ay ka geystaan bariga dhexe. Lama sheegin bartilmaameedyada , balse warbixinta ayaa lagu sheegay weerar bariga dhexe wada gaari doonaa.

01/10/2024

Israa'iil ayaa soo saartay amar ka mamnuucaya dadka ku sugan gudaha Israa'iil inay sawirro iyo muuqaallo ka qaadaan goobaha ay waxyeelada gaarsiiyeen gantaallada Iran, tallaabo lagu xaddidayo khasaaraha weerarkii ugu weynaa ee Iran ay caawa ku qaaday gudaha Israa'iil. Go'ankan waxaa baahiyay afhayeenka ciidanka Israa'iil.

01/10/2024

Telefishinka Israa'iil ee Channel-ka 13, ayaa ku warramay; " Netanyahu waxa uu saacado ku sugan yahay isagoo ay waheliyaan tiro wasiirro ah meel la ilaaliyo oo dhulka hoostiisa ah."

28/09/2024

🚨
Shacabka magaalada idlib ee dalka suriya🇸🇾ayaa u dabaal dagay dilka hogamiyaha hizbullah,xasan nasrullah iyo xizbigiisa ayaa ku eedaysanaa inay xasuuqyo ka gaysteen dalka syria ayagoo ka garab dagaalamay dhiigyacabka bishaarul_asad

28/09/2024

🚨
Wararka naga soo garay dalka iran🇮🇷ayaa sheegaya in duqayntii xalay Israel ka gaysatay dalka Lebanon🇱🇧 uu ku geeriyoday hogaamiyaha xizbiga towriga mr_Nilforushan

28/09/2024

🚨
Israel ayaa boqolaal gadiidka dabaabadka ah geysay xuduuda ay laleedahay lubnan ee waqooyiga lebonan ayadoo laga cabsiqabo in uu dagaal dhaco

28/09/2024

🚨
Dhamaaan waxaa laga taqalusay hogaaamiyashii xisbullah eee dalka lubnaan kajiray Israeli ayaa kusoo afjartay kudhawaad 48saacadood