https://www.facebook.com/110867801760202/

Lalis News

Home
Somalia
Mogadishu
Lalis News

Warar, dhacdooyin iyo xoggo ku saabsan dunida.

27/12/2022

MAGACAABIS
Gudoomiyaha Gobolka Banaadir ahma Duqa Muqdisho Yuusuf Xuseen Jimcaale Madaale ayaa ku xigeenka waaxda maamulka dhulka dowladda hoose ee Xamar u magacaabay Cabduraxmaan Cabdullaahi Cali.
C/raxmaan 10 kii sano ee u dambeeyey waxa uu Ka shaqeynayey waaxda dhulka isagoo xilal kala duwan Ka qabtay sida khasnajiga iyo xilal kale .
Magacaabistiisa waxey Ka dhigantahay sida gudoomiyaha u daneynayo inuu fursad u siiyo Dhalinyarada xog ogaalka u ah waaxyaha Gobalka Banaadir si lo dardargaliyo hawla

27/12/2022

Ciidamada dowladda iyo kuwa deegaanka oo shalay ka gudbay xadka gobolada Sh/dhexe iyo Galguduud ayaa kaabiga ku haya Degmada Galcad oo ah goob istaraatiiji u ah xoreynta gobolkaas.
Kooxda AS ayaa iskaga baxday magalada Galcad ka dib markii ay ka war heleen in ay ciidamada huwanta ah kusoo dhowyihiin, wuxuuna firxadkooda gaaray magaalooyinka Xaradheere iyo Ceelbuur.
Wararka laga helaayo saakay gobolka Galguduud ayaa sheegaya in ay ciidamadu saacadaha soo aaddan gali doonaan Degmada Galcad, xilli gobolka Galguduud uu h**e ugu furnaa dhowr furimood oo ka ah dhanka Wabxo, Qaayib, Ceel-lahelay iyo Runirgood.

26/12/2022

:- Ciidamada Gor Gor iyo kuwa Kumaandooska Danab Ayaa la wareegay Deegaanka Galbaax oo ka tirsan Degamada Galcad ee Gobalka Galgaduud .
Ciidamadaan oo ay hogaaminayaan Taliye Maxamed Macalin Abuukar (Shaarib) iyo Saraakiil kale ayaa hadda kaabiga ku haaya Degmada Galcad iyo Deegaano hoostaga degmadaas. iyadoo la soo warinaayo dhaq dhaqaaqyo kale ay ciidamada ka wadaan jihooyin kala duwan oo gobalka ah .

26/12/2022

Shirkii Golaha Wadatashiga Qaran oo ka furmay xarunta looga arimiyo dalka ee Villa Somalia.
Shirkaan oo uu guddoominayo madaxweyne Xasan Sheekh Maxamuud ayna ka qeyb galayaan ra'isulwasaare Xamse, ra'isulwasaare ku xigeenka dalka, madaxda dowlad goboleedyada iyo gudoomiyaha gobolka Banaadir ayaa looga hadli doonaa Dhameystirka Dastuurka ,Xoojinta Howlgalada lagu Ciribtiraayo Argigixisada iyo Arimaha Cadaaladda.

26/12/2022

Taliyaha qeybta guud ee Boliiska G/Banaadir G/sare Mahdi Cumar Muumin ayaa sheegay in shacabka Muqdisho ee aad ula shaqeeyaan laamaha amniga ayna soo gudbiyaan wixii lid ku ah amniga caasimadda

25/12/2022

:- Ciidamada NISA ee Galmudug ayaa gacanta kusoo dhigay odayaal saakay shir jaraa'id ku qabtay magaalada Cadaado kuwaa oo heshiis la soo galay AS.
Odayaashaan ayaa kal h**e la sheegay in ay ugoosteen dhanka AS balse saakay Ayay Shir Jaraid ay Cadaado ku qabteen waxa ay ku Sheegeen in AS ay u aadeen in ay ka soo daayaan dad ay xireen taasna ay ku soo guuleysteen.
Horay ayaa Dowladda Soomaaliya waxa ay u sheegtay in talaabo ay ka qaadeyso cid walba oo AS la macaamisha .

25/12/2022

:- Ciidamada Mudulood iyo Kuwa GorGor ee Xoogga Dalka qaybta uu hogaaminaayo Taliye Maxamed Macalin Abuukar (Shaarib) ayaa ujaheystay dhanka Degmada Galcad, Ceeldheer iyo Degmada Xara Dheere ee Gobalada Galgaduud iyo Mudug.
Ciidamadaan ayaa isbuucyadii la soo dhaafay waxaa fadhisin u ahaa Masaajid Cali Gaduud oo ay hadda Ka guureen maadaama ay soo gaba gabeeyeen Hawlgalkii Shabeelaha Dhaxe .

24/12/2022

:- Wasiirkii Warfaafinta KGS Ilyaas Cali Nuur ayaa iska casilay xilka, sababo la xiriiro dagaalkii shalay ka dhacay Magaalada Baydhabo sida uu ku sheegay Shir jaraa'id uu goor_dhow qabtay.

24/12/2022

:- Madaxweyne Xasan Sheekh Maxamuud oo ka qayb galayay Munaasabadda sanadguurada Ciidanka Boliiska Soomaaliyeed ayaa Sheegay in Qaraxyada magaalada Muqdisho ka dhaca Baabuurta Ciidamada lagu soo galiyo xiliyada qaar ayna Saraakiil Checkpointiyada ka soo fasaxaan oo Askarta amar la siiyo iyadoo laaluush la qaadanaayo.
Waxa uu sheegay in la wada ogyahay xanta ciidamada dowladda ee baraha koontarool jooga utaal magaalada ayna jiraan saraakiil ku edeysan qaraxyo ka dhacay muqdisho oo ay baaritaano ku socdaan dhawaana sharciga lahor keeni doono.

24/12/2022

Guddoomiyaha Shabeellada dhexe"Khawaarijtu Mugdi ayay Bulshada ku ahaayeen, dhib intii ay noo geesteen alle hanoogu Ekeeyo"

24/12/2022

Madaxweyne Hassan Sheikh Mohamud”Qofkii xoolaha dowladda xada cafis malaha. Qofkii dowladda mushaar ka qaata ee aan u shaqeyn waa tuug, agaasimihii aan kula xitaamtaminna waa tuug kalkaal. Qaade iyo qariye waxba isma dooriyaan”

22/12/2022

:- Ciidamada Dowladda Iyo Kuwa Dadka Deegaanka oo la wareegay degmada Ruunirgood ee gobalka Shabeelaha Dhaxe.
Ruunirgood waa degmadii ugu dambeysay ee gobalka Shabeeleha dhaxe Ay uga sugnaayeen AS.

22/12/2022

Guddoomiyaha Amniga Gobolka Banaadir oo uu wehliyo Taliyaha qeybta guud ee Boliiska ayaa xalay kormeer Amniga la xiriira ku tagay qaar ka mid ah Saldhigyada Degmooyinka Gobolka.

21/12/2022

Ciidamada Qaranka oo casharro ku saabsan Dhaqamada xunxun ee Khawaarijta ku qaadanaya furimaha.

18/12/2022

Xulka Qaranka Argentina ayaa ku guuleystay Koobka adduunka ee ka socday dalka Qatar waana markii ugu horreysay muddo 36 sano ah ka dib ay qaadaan, ciyaar Rigoore yaal la isla aaday.

Xulka France ayaa laba ciyaartoy rigooreyaal ka qasaariyeen sidaas ayuuna ku lumisay fursaddii uu ku hanan lahaa koobka markii labaad oo xiriir ah.

Ciyaarta ayaa 120 daqiiqo ku dhamaatay 3-3 iyadoo Da'yarka Kalyan Mbappe uu wacdaro dhigay oo kulankaan 4 Goal ka dhaliyay.

17/12/2022

Guddoomiye ku xigeenka Amniga iyo siyaasadda gobolka Banaadir Maxamed Axmed Diiriye (Yabooh) ayaa kulan muhiim ah oo looga hadlayay xoojinta amniga caasimadda la qaatay taliyaasha Ciidamada amniga gobolka.

Kulanka oo ka qabsoomay xafiiska guddoomiyaha ayaa waxaa ka qeyb galay taliyaha qeybta guud ee Boliiska gobolka iyo taliyaha Nabad sugidda gobolka.

15/12/2022

MADAXWEYNE XASAN SHEEKH OO LA KULMAY DHIGGIISA DALKA MARAYKANKA

Washington DC, Diseembar 15, 2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ka qeyb galay Munaasabad ku qabsoomtay Aqalka Cad ayaa la kulmay dhigiisa dalka Maraykanka Mudane Joe Biden.

Madaxweynaha ayaa la wadaagay Madaxda iyo diblumaasiyiinta Maraykanka, xaaladda dalka iyo dagaalka ka dhanka ah argagixisada, isagoo xusay guulaha wax ku-oolka ah ee ay gaareen Ciidamada Soomaaliyeed oo kaashanaya bulshada deegaannada ay kuu dhuumaaleysanayaan argagixisada Alshabaab.

Madaxweynaha dalka Maraykanka ayaa bogaadiyey howlgallada xoreynta deegaannada Shabeellaha Dhexe iyo Hiiraan oo muujiyey kartida iyo awoodda ay u leeyihiin dowladda iyo shacaka Soomaaliyeed cirib-tirka argagixisada, waxa uuna adkeeyey taageerada joogtada ah ee ay la garab taagan yihiin dowladda Soomaaliyeed.

15/12/2022

Professor Xasan Sheekh 38 sano ka dib muxuu ku soo arkay Aadan Yabaal.

14/12/2022

Madaxweyne Xasan Sheekh “Militarigu waa qayb muhiim ah si kooxahan Khawaarijta looga guulaysato balse marka aan ka hadlaynno duruufaha Soomaaliya waxaan go'aansannay in labo jihood lagu siyaadiyo dadaallada socda: Dagaal fikir iyo mid dhaqaale”

14/12/2022

:- Raisul Wasaaraha Soomaaliya iyo Madaxwaynaha Hirshabeele oo si wada jir ah u dhagax dhigay garoon caalami ah oo laga hergalinaayo degmada Aadan Yabaal ee Gobalka Shabeelaha Dhexe.

14/12/2022

Xogta Villa Aadan-yabaal iyo warbaahinta qaranka oo heshay documentiyadii ay Khawaarijtu carruurta degmadaas ku bari jireen is-qarxinta {Warbixin}

14/12/2022

Wefdi ballaaran oo uu hoggaaminayo Ra'iisul wasaaraha dalka Xamza Cabdi Barre ayaa maanta ku wajahan Hirshabeelle si uu usoo indha indheeyo xaaladda dhulkii laga xoreeyay Khawaarijta.
Degmada Aadan Yabaal ayaa ka mid ah goobaha uu booqan doono Wefdiga Ra'iisul wasaaraha waxaana socota qaban qaabada soo dhaweynta wefdiga.
La soco Faah faahin dheeraad ah.

14/12/2022

Maxkmadda ciidamada qalabka sida oo dil toogasho ah ku xukuntay Maxamed Cabdulle Nuur Abkow (Biyamaalow), sida uu Warbaahinta u sheegay Gaashaanle Sare Xasan Cali Nuur Shuute, Guddoomiyaha Maxkamadda Darajada Koowaad Ee Ciidamada Qalabka Sida.
Biyamaaloow waxa uu ka dambeeyay Weerarkii Garoonka Diyaaradaha Aadan Cadde dhacay 23-kii March ee Sanadkan.
Waxaana weerarkaas uu Abaabulkiisa lahaa Biyamaaloow ku Geeriyooday Cabdirisaaq Aabi Cali oo ka tirsanaa Ciidamada gaarka ah Ee Haramcad.

13/12/2022

𝗦𝗮𝗱𝗱𝗲𝘅 𝗪𝗮𝘀𝗮𝗮𝗿𝗮𝗱𝗼𝗼𝗱 𝗔𝘆𝗮𝗮 𝗚𝗮𝗹𝗮𝗯𝘁𝗮 𝗦𝗼𝗼 𝗚𝘂𝗱𝗯𝗶𝘆𝗮𝘆 𝗤𝗼𝗿𝘀𝗵𝗲-𝗵𝗮𝘄𝗹𝗲𝗲𝗱𝗸𝗼𝗼𝗱𝗮 𝗦𝗮𝗻𝗮𝗱𝗸𝗮 𝟮𝟬𝟮𝟯

Iyadoo ay dardar ku socdaan dejinta qorshe hawleedka kala duwan ee Wasaaradaha Xukuumadda DarQaran, ayaa Ra'iisul Wasaaraha Xukuumadda Federaalka, Mudane Hamza Abdi Barre waxaa uu galabta ka guddoomay Qorshe Howleedkooda sanadka 2023, Wasiirka Wasaaradda Caafimaadka Dr Cali Xaaji Aadan, Wasiirka Wasaaradda Dhallinyarada iyo Cayaaraha ,Maxamed Barre Maxamuud iyo Wasiirka Wasaaradda Isgaarsiinta iyo Tiknoolajiyadda, Jaamac Xasan Khaliif.

Ra'iisul Wasaaraha ayaa ku adkeeyay saddexda Wasiir inay xoogga saaraan sidii looga miradhalin lahaa halbeegyada iyo qorshooyin wakhtiyeysan ee ku saleysan tiirarka barnaamijka Xukuumadda.

Soo gudbinta qorshooyinka Wasaaradaha ayaa aas-aas u yihiin helidda hannaan wanaagsan oo lagula xisaabtami karo Wasaaradaha iyo Hay’addaha kale si loo hubiyo in shaqooyinka horyaala lagu qabto wakhtigii loogu talagalay iyo in la xaqiijiyo in shacabka Soomaaliyeed ay helaan dhammaan adeegyada kala duwan ee ay Xukuumaddu u ballan qaaday fulintooda.

13/12/2022

Ciidanka Sida Gaarka ah u tababaran ee Haramcad Ayaa Howlgalo Lagu Xaqiijinayo Amniga Ka Sameeyey Wadada isku xirta Muqdisho Iyo Afgooye Iyo sidoo kale Suuqa Deegaanka Ceelasha Biyaha.

Howlgalkaan ayaa sidoo kale waxaa qeyb ka ahaa Ciidanka Booliska Deegaanka Ceelasha Biyaha, Waxaana Hogaaminaayay Abaanduulaha Ciidanka Haramcad Cabdi Xakiin Saciid Eeldheer iyo Taliyaha Saldhiga Ceelasha Biyaha Mahad Hasan Bakow.

Ciidanka Ayaa Baarayey Gaadiidka Dadweynaha, Guryaha Iyo Meel Kasta Oo Argagixisada U Sahli Karta In ay u isticmaalaan Qal Qal Gelin Amni.

12/12/2022

Ra’iisul Wasaaraha Xukuumadda Fedraalka Soomaaliya, mudane Xamse Cabdi Barre, oo caawa Muqdisho uga qeyb galay munaasabadda xuska todobaadka xoriyada Qatar ayaa dowladda Qatar uga mahad celiyay taageerada joogtada ah iyo mashaariicda horumarineed ee dalka ay ka hir-gelisay

12/12/2022

Maamulka Degmada Warshiikh ayaa war ka soo saaray Warar been abuur ah oo ku saabsan Isbitaalka Deg. Warshiikh kuwaas oo maalmihii u danbeeyay la isla dhaxmarayay Baraha Bulshada.

12/12/2022

MADAXWEYNE XASAN SHEEKH OO KA QEYB-GALAYA SHIRKA MAREYKANKA IYO MADAXDA AFRIKA

Washington DC, Diseembar 12, 2022: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hoggaaminayo ayaa gaaray dalka Mareynkanka halkaas oo uu kaga qeyb geli doono shirka madaxda Afrika iyo Mareykanka oo ka dhacaya magaalada Washington.

Shirkan oo socon doona muddo saddex cisho ah ayaa looga hadli doonaa muhiimadda xiriirka Afrika iyo Mareykanka iyada oo la xoojinayo dhinacyada iskaashiga; dhaqaalaha, amniga, gargaarka, caafimaadka, dowlad wanaagga, xuquuqul insaanka iyo isbeddelka cimilada.

Madaxweyne Xasan Sheekh oo ka mid ah madaxda Afrika ee shirkan lagu casuumay ayaa jeedin doona khudbad ku saabsan la dagaallanka argagixisada, guulaha dowladda Soomaaliya ay ka gaartay ciribtirka khawaarijta Al-shabaab, iyo dhinacyada kale ee dowladda Soomaaliya ay muhiimadda siineyso in ay iskaashi ka sameyso.

DHAMMAAD

12/12/2022

Xoghayaha Guud ee Xisbiga Waddani Khadar Xuseen Cabdi. “Diiwangelinta ayaa laga wada hadlay, Insha Allah Doorashooyinka waa laga heshiinayaa.”

12/12/2022

GUDDIGA KHAYRAADKA QARANKA AQALKA SARE OO XAFIISKOODA UGU YEERAY MADAXDA WASAARADDA WASAARADDA GAADIIDKA IYO DUULISTA HAWADA.
Guddiga Khayraadka Qaranka, kaabayaasha Dhaqaalaha iyo Gaadiidka Aqalka Sare oo gudanaya waajibaadkiisa shaqo ee isla xisaabtanka, kor joogtaynya iyo dabagalka Wasaaradaha iyo Hay’adaha ku abaaran shaqadooda, ayaa manta kulan is xog-waraysi ah xafiiskooda Aqalka Sare kula qaatay Wasiirka Wasaaradda Gaadiidka iyo Duulista Hawada Fardowsa Cismaan Cigaal iyo xubno kale oo la socday.
Kulanka oo ay shir guddoominaysay Guddoomiyaha guddiga Khayraadka Qaranka Senator Saynab Ismaaciil Maxamed oo ku bilowday isbarasho ayaa la isku dhaafsaday warbixinno su’aalo iyo xogo kale oo ku saabsan hanaanka shaqo ee Wasaaradda Gaadiidka iyo Duulista Hawada iyada oo ay si faahfaahsan guddiga warbixin u siiyeen Wasiirka iyo xubnihii kale ee la socday oo ay ka mid ahaayeen wasiir Kuxigeenka wasaaradda Sulub Firin Agasimaha Wasaaradda Cali Gacal Maareeyaha Hay’adda Duulista Rayidka Axmed Macalin iyo Xoghaye Maxamed Cabdicasis.

12/12/2022

Dib u milicso, Sanadihii adkaa iyo hayaankii waxbarashada ee Madaxweyne Dr. Xasan Sheekh Maxamuud.

12/12/2022

Wafdi uu hogaaminaayo Guddomiyaha Barlamaanka Soomaali Sheikh Aadan Mohamed Nuur (Aadan Madoobe ) ayaa gaaray degamada Xudur ee xaruunta Gobolka Bakool.
Waxaa garoonka diyaaraha Xudur Wafdiga Gudoomiyaha kusoo Soo dhoweeyey Maamulka gobolka Bakool Kan Degmada Xudur, saraakiil ciidan Iyo qeybaha kala duwan ee bulshada Xudur ku nool.
Sheekh Aadan Madoowe ayaa xudur Ka bilaabay kulamo kala duwan asigoona xaruunta madaxtooyada Xudur kulamo kula qaadanaaya Maamulka Degmada.

12/12/2022

WASIIR AHMED HASSAN OO SOO DHAWEEYEY MAREEYAHA CUSUB EE MASHRUUCA HORUMARINTA XEEBAHA IYO KALLUUMEYSIGA
Muqdisho, 12, December 2022, Wasiirka Wasaaradda Kalluumeysiga iyo Dhaqaalaha Buluuga ah ee Xukuumadda Soomaaliya mudane Axmed Xasan Aadan oo uu wehliyo Wasiiru dowlaha Wasaaradda mudane Maxamed Bashiir Cali (Baxnaan) ayaa maanta soo dhaweeyay Maareeyaha cusub ee mashruuca horumarinta Xeebaha iyo Kalluumeysiga mudane Cabdinaasir Aadan Cusmaan.
Wasiirrada ayaa kula darmaamay maareeyaha cusub in uu si hufan u guto waajibaadka shaqo ee loo idmay islamarkaana la yimaado qorsheyaal hoga tusaaleynaya horumarinta xeebaha iyo kalluumeysiga dalka.
Wasiir Ahmed Hassan Aden ayaa ra’iisul wasaaraha Xukuumadda Jamhuuriyadda Federaalka Soomaaliya Mudane Xamse Cabdi Barre uga mahadceliyey tixgalinta soojeedinta lagu magacaabay mareeyaha cusub oo u dooray qof ku haboon shaqadan kaas oo aqoon iyo waaya-aragnimo u leh arrimahan.
Dhanka kale Wasiirka Wasaaradda Kalluumeysiga iyo Dhaqaalaha Buluuga ah ee Xukuumadda Soomaaliya mudane Axmed Xasan Aadan guddoomiyey shirka agaasimeyaasha waaxaha ee wasaaradda kaas oo sidoo kale qeyb ka ahaa agaadimaha guud ee Wasaaradda Mudane Maxamuud Shiekh Cabdullahi.
Shirkan ayaa warbixin looga dhagegstay agaasimeyaasha waaxaha iyaga oo soo bandhigay shaqooyinka ka socda xafiisyadda Wasaaradda.
Wasiir Axmed Xasan ayaa agaasimeyaasha kula dardaarmay in kor loo qaado hufnaanta shaqada, waxa uu faray dhamaan agaasimeyaasha in shirarka soo socda ay keenaan warbixin dhameystiran oo ku saabsan qeybaha ay ka kooban tahay Wasaaradda iyo qorshaha Mustaqbalka ah ee Wasaaradda.

12/12/2022

Wasiirka Maaliyadda Soomaaliya oo Daah-furay tartanka Iibka Qandaraasyada Dowladda ee laamaha Amniga Soomaaliya
Muqdisho, December 12, 2022: Wasiirka Maaliyadda Xukumadda Federaalka Soomaaliya Dr. Cilmi Maxamuud Nuur ayaa maanta si rasmi ah u daah-furay tartanka Iibka Qandaraasyada Dowladda ee ku saabsan sahayda, gaar ahaanba keenista raashinka aan bislayn iyo shidaalka ee loogu talagalay laamaha amniga ee Soomaaliya.
Wasiirka Maaliyadda Soomaaliya Dr. Cilmi ayaa sheegay in ay muhiim tahay horumarinta hannaanka Iibka Qandaraasyada Dowladda si ay dadweynaha Soomaaliyeed u wada gaarto Qandaraasyada Dowladda.
Wasiirka Maaliyadda Soomaaliya ayaa sidoo kale sheegay in ay arrintaan ay muujinayso xoojinta iyo kor u qaadid hannnaanka daah-furnaanta Qandaraasyada Dowladda iyo isla xisaabtanka taasi oo muhiim ah horumarinta dhaqaalaha dalka.
"Waxa aan maanta ka qaybgalay munaasabadda furitaanka tartanka Iibka Qandaraasyada Dowladda ee ku saabsan sahayda, gaar ahaanba keenista raashinka aan bislayn iyo shidaalka ee loogu talagalay laamaha amniga ee Soomaaliya.
Si kor loogu qaado daahfurnaanta qandaraasyada Dowladda, waxaa dhawaan hab casri ah loo sameeyay Portalka Iibka Qaranka Soomaaliya (Somali Public Procurement Portal) kaasi oo aan dhawaan daahfuri doono.
Waxa naga go'an inaan xoojino nidaamyada iyo hababka wax iibsiga si aan ugu helno alaabta ugu tayada badan qiimaha ugu wanaagsan". Ayuu yiri Wasiirka Maaliyadda Soomaaliya Dr. Cilmi.
Munaasadada furitaanka Qandaraasyada Dowladda ee Amniga waxa sidoo kale ka qeybgalay Wasiiru Dowlaha Wasaaradda Gaashaandhigga, Wasiiru Dowlaha Wasaaradda amniga,Taliyeyaasha iyo Saraakiisha Ciidanka Booliska, Militariga iyo masuuliyiin ka tirsan Xafiiska Ra'iisul Wasaaraha iyo Madaxweynaha.
Waa sanadkii saddexaad oo ay Dowladda Federaalka Soomaaliya gaar ahaan Wasaaradda Maaliyadda ay shaaciso tartanka furan Iibka Qandaraasyada Dowladda ee ku saabsan sahayda, gaar ahaanba keenista raashinka aan bislayn iyo shidaalka ee loogu talagalay laamaha amniga ee Dowladda Federaalka Soomaaliya.

12/12/2022

Ra'iisul wasaare Xamza" Waxaan u baahanahay in ka gudubno in dadkeenu u dhintaan cuduro yaryar oo si fudud lagu daaweyn karo"

10/12/2022

Wasiir ku xigeenka Wasaaradda Caafimaadka iyo daryeelka bulshada Dr Mohamed Hassan Mohamed Bulaale ayaa booqasho u kuurgalid iyo kormeer ku tagay Isbitaalka Demartino ee magaalada Muqdisho.

Wasiir ku xigeenka ayaa warbixin ka dhagaystay Agaasimaha guud ee isbitaalka iyo howlwadeenada Isbitaalka isagoo si qoto dheer uga waraystay qayb walba iyo shaqada ka socoto hormarada laga sameeyay culeeysyada jira iyo caqabadaha ku xeeran shaqada Isbitaalka

Wasiir ku xigeenka ayaa booqday qaybaha Isbitaalka uu ka kooban yahay isagoo soo wada kormeeray bukaan jiifka, qaybaha bukaan socodka , Saalada qaliinka iyo xarumaha shaybaarada iyo kaydka dawada.

Wasiir ku xigeenka ayaa shaqaalaha Isbitaalka ku amaanay xil gudashadooda kuna dhiiro galiyay in ay laba jibaaraan howlaha ay u hayaan Umadda Soomaaliyeed.

10/12/2022

Xulka kubadda cagta dalka Morocco ayaa gaartay ciyaarta affar dhammaadka ( Semi final) ee tartanka kubadda cagta adduunka ee ka socda dalka Qatar, ka dib markii 1-0 ku gaarceen dhigooda Portugal.

Waa markii ugu h**eysay oo xul Afrikaan ahi gaaro ciyaarta affar dhammaadka Koobka kubadda cagta dunida.

10/12/2022

Wasiir Jaamac "Qof walba oo Soomaali ah waa inuu door ku yeesho dagaalka Khawaarijta."

10/12/2022

General Odawaa Yuusuf Raage "lagama yaabo in Khawaarijtu dib ugu soo laabato dhulkii aan ka xoreynay kuwa dhiman waan ku gaareynaa."

10/12/2022

(Gaari raaxo, Bajaaj, RBG, Ak47, Guryo, Dhaqtar, Daawooyin) - Maxkamdaynta koox isku Xeran oo loo Haysto Argagixisanimo.
Shabakad soo jirtay ilaa 2020….

Address

Maka Almukarama
Mogadishu

Website

facebook.com

Alerts

Be the first to know and let us send you an email when Lalis News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lalis News:

Videos

Warsaxaafadeed Hirshabelle. Hirshabelle waxay Cambaareysay Dagaalka Ahliga ah ee ka socda deegaanka waxayna ku baaqeysaa in si degdeg ah loo joojiyo.

G/le Ismaaciil Cabdi maalik ‘’ Khawaarijta cashar baa u dhignay waa koox aad u cabsato kaliya shacabka ayee ka adagyihiin awood walbo ayaa u isticmaalnay waana dhameyneenaa’’

Gudoomiye axmad Faal “Deeganka Nuur Dugle Marba Hada Soo booqanay Waxa ku Xigta Degmada Aadan Yabaal ogaada”

Qaabkee loola wareegay Nuur dugle, Muuqaal cadeenayo iyo Hadalkii Xildhibaan Yuusuf kabaale

Madaxweyne Xasan Sheekh "Dagaalka ay ku jiraan dowladda iyo shacabka Soomaaliyeed ee ka dhanka ah kooxaha argagixisada, waxa uu u baahan yahay awood lagu xaqiijiyo hiigsaga aan uga golleenahay, hiigsigaas oo ah xaqiijinta Soomaaliya oo aan argagixiso joogin, xasillooni, amni ah, heshiis ah, dunidana heshiis la ah, doorkeedii firfircoonaa ee soojireenka ahna ku leh heer Carbeed, gobol iyo caalamba."