https://www.facebook.com/105441288942102/

Bocaue News Now

Home
Philippines
Bocaue
Bocaue News Now

We at Bocaue News Now promised unbiased reporting and uncompromised message of truth to satisfy the needs of every Bocaueños

21/10/2022

Bocaue Rescue Team nirespondehan ang isang aksidente sa motorsiklo sa Barangay Bunducan, Bocaue noong October 21, 1:15 am.

Binigyan ang mga nasugatan ng first aid at mabilis na dinala sa ospital.

12/10/2022

𝗦𝗞 𝗔𝗧 𝗕𝗔𝗥𝗔𝗡𝗚𝗔𝗬 𝗘𝗟𝗘𝗖𝗧𝗜𝗢𝗡, 𝗜𝗣𝗜𝗡𝗔𝗚𝗣𝗔𝗟𝗜𝗕𝗔𝗡!

Pinirmahan na ni President Ferdinand Marcos Jr., ang Republic Act 11935 o ang pagpapaliban ng Sanggunian at Barangay Eleksyon ngayong taon at nakatakdang matuloy ito sa Oktubre 30, 2023.

Ibig sabihin, isang taon pa muli uupo at magseserbisyo ang mga halal na Barangay Kapitan, Barangay Kagawad, SK Chairman at SK Kagawad.

09/10/2022

𝗠𝗔𝗬𝗢𝗥 𝗥𝗜𝗖𝗞𝗬 𝗦𝗜𝗟𝗩𝗘𝗦𝗧𝗥𝗘 𝗡𝗚 𝗠𝗔𝗥𝗜𝗟𝗔𝗢, 𝗣𝗔𝗧𝗔𝗬 𝗦𝗔 𝗥𝗢𝗔𝗗 𝗔𝗖𝗖𝗜𝗗𝗘𝗡𝗧

DEAD on the spot nitong Linggo ng hapon (Oct. 9) ang kasalukuyang alkalde ng bayan ng Marilao na si Mayor Ricky Silvestre matapos bumunggo sa poste ng kuryente ang sinasakyan nitong SUV sa Clark Freeport Zone.

08/10/2022

𝗔𝗞𝗦𝗜𝗗𝗘𝗡𝗧𝗘 𝗦𝗔 𝗕𝗢𝗖𝗔𝗨𝗘 𝗡𝗟𝗘𝗫

Isang closed van ang bumaliktad at isang oil tanker ang dumirecho sa palayan ngayong hapon sa may Bocaue NLEX.

Inaalam pa ng mga awtoridad ang naging sanhi ng aksidente. Kaagad naman naisugod sa pinakamalapit na ospital ang mga nasaktan sa nasabing aksidente.

📹 Garcia Diolo

06/10/2022

WEATHER ADVISORY as of 12:00 AM

Kasalukuyang nasa 11.60 meters ang level ng tubig sa Bocaue river na malapit nang maabot ang 11.75 meters na itinuturing na critical level.

Typhoon category na lang ang Bagyong Karding ngunit makakaranas pa rin ng malakas na ulan hanggang sa loob ng 12 oras kaya't malaki ang posibilidad ng pagbaha sa mga mababang lugar.

Manatiling alerto at handa sa paglikas kung kinakailangan.

06/10/2022

𝗣𝗔𝗚𝗦𝗔𝗞𝗟𝗢𝗟𝗢 𝗡𝗚 𝗕𝗢𝗖𝗔𝗨𝗘 𝗥𝗘𝗦𝗖𝗨𝗘 𝗧𝗘𝗔𝗠

Ayon sa Bocaue Rescue Team galing sila sa Luksang Parangal sa Malolos. Habang sila ay bumabiyahe pabalik ng Bocaue ay may pumarang concern citizen para humingi ng tulong para sa isang lalaki na di umano ay inaatake. Agad nila itong tinulungan, inaasses po nila ito at tinulungan itawag sa kamaganak upang ipagbigay alam ang pangyayari. Agaran din pong dinala ang pasyente sa ospital sa Malolos.

06/10/2022

𝗕𝗔𝗦𝗔𝗚 𝗞𝗢𝗧𝗦𝗘 𝗔𝗧 𝗡𝗔𝗞𝗔𝗪𝗔𝗡 𝗦𝗔 𝗧𝗜𝗣𝗔𝗡𝗔𝗡 𝗙𝗢𝗢𝗗𝗣𝗔𝗥𝗞!

Isang netizen ang nagpost ng insidente kung saan binasag daw ng magnanakaw ang kanyang kotse upang makuha ang kanyang bag na naglalaman ng ilang mamahaling gamit. Naganap daw ang nakawan kagabi bandang 9:45PM sa Tipanan Foodpark di kalayuan sa Bocaue Crossing.

Ang panawagan ng biktima ay maibalik ang kanyang mga gamit o maisoli ito sakanya ng kung sinomang pagbebentahan ng mga ito.
Paalala din sa lahat na hangga't maaari, huwag na po tayong mag iwan ng bag o mamahaling gamit sa ating mga sasakyan para na rin sa dagdag kaligtasan at seguridad.

11/09/2022

HARI AT REYNA NG SINGKABAN 2022

Narito ang mga nagwagi sa Hari at Reyna ng Singkaban 2022 Special Awards!

Best in Talent:
Hari ng Hagonoy
Reyna ng Sta Maria

Best in Costume:
Hari ng Hagonoy
Reyna ng Sta Maria

SMART Choice Award:
Hari ng Bocaue
Reyna ng Pulilan

Best in Swimwear:
Hari ng Bocaue
Reyna ng Malolos

Best in National Costume (Formal Wear):
Hari ng Bocaue
Reyna ng Malolos

Most Photogenic Award:
Hari ng Bocaue
Reyna ng Bocaue

11/09/2022

SINGKABAN FESTIVAL 2022 — Nauwi ng Bayan ng Bocaue ang korona kagabi mula sa Hari at Reyna ng Singkaban 2022 na ginanap sa Bulacan Capitol Gymnasium sa Malolos!

Congratulations to the newly crowned Hari at Reyna ng Singkaban 2022 🥳

Jordan San Juan - Bocaue, ang Hari ng Singkaban 2022 and Zeinah Al-Saaby - Bocaue, ang Reyna ng Singkaban 2022!

08/09/2022

𝐊𝐀𝐔𝐍𝐀-𝐔𝐍𝐀𝐇𝐀𝐍𝐆 𝐌𝐀𝐋𝐋 𝐀𝐓 𝐒𝐈𝐍𝐄𝐇𝐀𝐍 𝐒𝐀 𝐁𝐎𝐂𝐀𝐔𝐄, 𝐁𝐔𝐊𝐀𝐒 𝐍𝐀!

Pinangunahan ni Bocaue Mayor Jonjon "JJV" Villanueva at CIBAC Party-List Representative Bro. Eddie Villanueva ang pagbubukas ng kauna-unahang mall sa ating bayan ang Bocaue Citymall.

Sinimulan umano ang pagtatayo ng Citymall sa panahon ng panunungkulan ni dating si Mayor Joni Villanueva-Tugna. Isa ito sa katuparan ng mga pangarap at planong paunlarin ang Bocaue.

08/09/2022

𝐎𝐕𝐄𝐑𝐋𝐎𝐀𝐃𝐄𝐃 𝐓𝐑𝐔𝐂𝐊𝐒 𝐁𝐀𝐖𝐀𝐋 𝐍𝐀 𝐒𝐀 𝐌𝐂 𝐀𝐑𝐓𝐇𝐔𝐑 𝐇𝐈𝐆𝐇𝐖𝐀𝐘

Isa sa mga natukoy na dahilan ng pagkasira ng mga daan sa Bocaue ay ang mga overloaded trucks na bumabaybay sa Mc Arthur Highway at sa iba pang kalsada sa bayan.

Sa pagpupulong na ginawa nila Mayor Jonjon JJV Villanueva, Vice Mayor Sherwin Tugna, Konsehal Aries Nieto, Mira Bautista, Noriel German, dating Vice Mayor Coro Juan, hepe ng Bocaue Traffic Management Office at kinatawan ng NLEX Corporation na si Mr. Kiko Dagohoy. Kanilang tinalakay ang solusyon sa masikip na daloy ng trapiko at pagkasira ng mga daan sa Bocaue.

Isa sa mga tinitignang solusyon ay ang paglalagay ng timbangan ng mga truck sa NLEX para malaman agad kung ito ay overloaded, na maaaring hulihin dahil ito ay pinagbabawal at hindi rin sila papayagang makapasok ng Bocaue.

Source: Mayor Jonjon JJV Villanueva official page

06/09/2022

PAALALA MAG DOUBLE INGAT!

Pinaaalalahanan ng mga opisyal ng Barangay Taal ang lahat ng dumaraan sa NIA Road to Balagtas-Taal Bocaue lalo na po sa gabi na palagi pong mag-ingat at maging alerto bawat oras sapagkat nakatanggap po tayo ng report na mayroon pong muntik ng maagawan ng kanyang minamanehong motor sa pagitan ng oras na 10:00-10:30 pm kagabi.

Mabuti na lamang po at nasipa nya ang nagbabalak umagaw sa kanyang motor.Ayon po sa report ay dalawa di umano ang lalaki na kapwa nakamotor din na nag aabang sa nasabing lugar.

Kaagad naman nakipag-ugnayan ang mga opisyal ng Barangay Taal sa mga kapulisan upang mas mapalawig pa ang police visibility sa nasabing lugar.

05/09/2022

𝐁𝐎𝐂𝐀𝐔𝐄 𝐋𝐆𝐔 𝐆𝐈𝐍𝐀𝐖𝐀𝐑𝐀𝐍 𝐍𝐆 𝐄𝐗𝐂𝐄𝐋𝐋𝐄𝐍𝐂𝐄 𝐀𝐖𝐀𝐑𝐃 𝐍𝐆 𝐃𝐄𝐏𝐀𝐑𝐓𝐌𝐄𝐍𝐓 𝐎𝐅 𝐀𝐆𝐑𝐈𝐂𝐔𝐋𝐓𝐔𝐑𝐄

Nakatanggap ng Excellence Award mula sa Rice Competitivenes Enhancement Fund ang Pamahalaang Bayan ng Bocaue sa pangunguna ni Mayor Jonjon "JJV" Villanueva at Municipal Agriculture Office mula sa Department of Agriculture dahil sa kapuri-puring implementasyon ng "Rice Competitiveness Enhancement Fund - Seed and Extension Programs for 2022 Wet Season under Small Scale Category."

Sa buong lalawigan ng Bulacan at Central Luzon, tanging ang Pamahalaang Bayan ng Bocaue lamang ang nabigyan ng prestihiyosong parangal mula sa Department of Agriculture. Patunay din umano ang parangal na ito na buong puso ang suporta ng Pamahalaang Bayan ng Bocaue at ni Mayor Jonjon "JJV" Villanueva sa mga kababayan nating magsasaka.

30/08/2022

𝐎𝐕𝐄𝐑𝐌𝐈𝐍𝐈𝐍𝐆 𝐀𝐓 𝐎𝐕𝐄𝐑𝐋𝐎𝐀𝐃𝐈𝐍𝐆 𝐕𝐄𝐇𝐈𝐂𝐋𝐄𝐒 𝐒𝐀 𝐁𝐔𝐋𝐀𝐂𝐀𝐍, 𝐈𝐏𝐀𝐆𝐁𝐀𝐁𝐀𝐖𝐀𝐋 𝐍𝐀

Nitong Agosto 24, sinabi ni Gob. Daniel Fernando na nais nitong wakasan ang overmining sa Bulacan matapos makausap ang 300 mining stakeholders at iba pang apektadong sektor.

Inanunsyo ni Fernando ang plano nitong wakasan ang overmining sa Bulacan, upang mangyari ito, nag-isyu ng pinaigting na implementasyon ng Executive Order 21.

Bukod sa pagwakas ng overmining, ang executive order 21 ay para din sa pagbawal ng mga overloading vehicles na pumapasok sa Bulacan na sanhi ng pagkasira ng mga daanan dito.

Suportado ang panayam ng gobernador ng Bulacan Environmental and Natural Resources Office (BENRO).

Dumalo sa opisyal na pag anunsyo ni Fernando ang ilang kinatawan mula sa Bulacan Police Provincial Office, Department of Public Works and Highways, Provincial Mining Regulatory Board, at LTO.

30/08/2022

𝐈𝐊𝐀-𝟏𝟕𝟐 𝐓𝐀𝐎𝐍𝐆 𝐊𝐀𝐏𝐀𝐍𝐆𝐀𝐍𝐀𝐊𝐀𝐍 𝐍𝐆 𝐃𝐀𝐊𝐈𝐋𝐀𝐍𝐆 𝐏𝐑𝐎𝐏𝐀𝐆𝐀𝐍𝐃𝐈𝐒𝐓𝐀

Nakiisa ang buong lalawigan ng Bulacan sa ika-172 anibersaryo ng kapanganakan ni G*t Marcelo H. Del Pilar, ngayong araw.

Kinikilala si Del Pilar na Panlalawigang Bayani ng Bulacan at Ama ng Pamamahayag ng Filipinas, Ama ng Masoneriyang Filipino, at tinawag siyang Dakilang Propagandista.

Kinilala rin siya bilang isang manunulat, makata, peryodista, repormista, makabayan at abogado sa pangalang ‘Plaridel’ at naging patnugot ng La Solidaridad.

Sa pag-alala sa kapanganakan ni Del Pilar, idineklara ang 30 Agosto bilang National Heroes Day sa bansa na ipinagdiriwang din ng lalawigan ng Bulacan taon-taon.

30/08/2022

Ipinagdiriwang tuwing Huling Lunes ng Agosto ang Pambansang Araw ng mga Bayani. Nauna itong ipagdiwang tuwing Huling Lunes ng Agosto bago inilipat sa kasalukuyan nitong petsa sa bisa ng Republic Act No. 9492. Ginugunita ng pista opisyal na ito ang lahat ng mga bayaning Pilipino na nagbuwis ng buhay para sa bayan.

Mabuhay ang lahat ng Bayaning Pilipino!

30/08/2022

𝐁𝐎𝐂𝐀𝐔𝐄 𝐏𝐍𝐏, 𝐆𝐈𝐍𝐀𝐖𝐀𝐑𝐀𝐍 𝐍𝐆 𝐌𝐄𝐃𝐀𝐋𝐘𝐀

Lubos na ikinagalak ni PLTCOL Ronie R. Pascua, Acting Chief of Police ng Bocaue Municipal Police Station ang Medalya ng Kagalingan na iginawad sa kanya dahil sa matagumpay na operasyon ng Anti Illegal Drugs na nagbunga sa pagkakaaresto kay George Orquiola Jr na nakatira sa Barangay Caingin.

Ang Medalya ng Kagalingan ay iginawad ni PBGEN Ceasar Delos Reyes Pasiwen, Acting Regional Director ng PRO3 sa Camp General Alejo S. Santos, Malolos City, Bulacan.

21/08/2022

𝐏𝐀𝐌𝐀𝐌𝐀𝐇𝐀𝐆𝐈 𝐍𝐆 𝐄𝐃𝐔𝐂𝐀𝐓𝐈𝐎𝐍𝐀𝐋 𝐀𝐒𝐒𝐈𝐒𝐓𝐀𝐍𝐂𝐄, 𝐃𝐈𝐍𝐀𝐆𝐒𝐀!

Dinagsa ang Bulacan Capitol Gymnasium ng mga mag-aaral at mga magulang para sa programang Assistance to Individuals in Crisis Situation o AICS sa ngayong araw, Agosto 20, 2022.

Ang AICS ay programa ng Department of Social Welfare and Development (DSWD) sa pangunguna ni Secretary Erwin Tulfo upang matulungan ang mga mag-aaral sa kanilang mga pangangailangan sa pag-aaral tulad ng mga school fees, school supplies, projects, allowance at iba pang bayarin sa paaralan.

Ayon kay DSWD Region III, OIC Regional Director Venus Rebuldela, nakipagtulungan na sila sa Pamahalaang Lalawigan ng Bulacan at sa loob ng limang (5) magkakasunod na Sabado ay mamamahagi sila ng AICS.

Nilinaw naman ng DSWD Region III, na ang programang AICS ay programa ng Pamahalaang Nasyonal at hindi ng lokal na pamahalaan. Wala rin umano silang ibinababang pondo sa mga munisipyo o pamahalaang lungsod para dito. Nakikipag-ugnayan pa lamang sila umano sa mga lokal na MSWD o CSWD para sa mas mapabilis na pamamahagi ng programa.

Photos (c) Jhay Villavicencio

Address

Barangay Lolomboy
Bocaue
3018

Telephone

+639168855528

Website

facebook.com

Alerts

Be the first to know and let us send you an email when Bocaue News Now posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bocaue News Now:

Videos

Aksidente sa Bocaue NLEX

𝗔𝗞𝗦𝗜𝗗𝗘𝗡𝗧𝗘 𝗦𝗔 𝗕𝗢𝗖𝗔𝗨𝗘 𝗡𝗟𝗘𝗫 Isang closed van ang bumaliktad at isang oil tanker ang dumirecho sa palayan ngayong hapon sa may Bocaue NLEX. Inaalam pa ng mga awtoridad ang naging sanhi ng aksidente. Kaagad naman naisugod sa pinakamalapit na ospital ang mga nasaktan sa nasabing aksidente. 📹 Garcia Diolo