BulakeNews

12/06/2024

#𝗣𝘂𝗹𝘀𝗼𝗡𝗴𝗕𝘂𝗹𝗮𝗸𝗲𝗡𝗲𝘄𝘀

Base sa inilabas na Memorandum Circular No. 52 na pirmado ni Executive Secretary Lucas Bersamin na ipinag-uutos na kantahin ang Bagong Pilipinas hymn sa mga Flag Ceremonies sa lahat ng Government Agencies, State-run Companies at Educational Institutions sa ating bansa.

𝗞𝘂𝗻𝗴 𝗶𝗸𝗮𝘄 𝗮𝗻𝗴 𝘁𝗮𝘁𝗮𝗻𝘂𝗻𝗴𝗶𝗻, 𝗣𝗔𝗕𝗢𝗥 𝗞𝗔 𝗕𝗔 𝗦𝗔 𝗣𝗔𝗚 𝗔𝗪𝗜𝗧 𝗡𝗚 “𝗕𝗔𝗚𝗢𝗡𝗚 𝗣𝗜𝗟𝗜𝗣𝗜𝗡𝗔𝗦” 𝗛𝗬𝗠𝗡 𝗦𝗔 𝗙𝗟𝗔𝗚 𝗖𝗘𝗥𝗘𝗠𝗢𝗡𝗬?

❤️ kung OO
😡 kung HINDI

Boto na, ating ipaalam sa kina-uukulan ang PULSO NG BULACENOS!

𝗣𝗔𝗚𝗟𝗜𝗟𝗜𝗡𝗔𝗪: Ito po ay survey lang po upang alamin ang pulso ng ating mga kababayan pagdating sa kautusan ng Malacañang pagdating sa Bagong Pilipinas hymn. Salamat po 🙏

31/05/2024

𝗗𝗘𝗣𝗘𝗗 𝗗𝗜𝗦𝗧𝗥𝗜𝗖𝗧 𝗦𝗨𝗣𝗘𝗥𝗩𝗜𝗦𝗢𝗥, 𝗜𝗡𝗜𝗥𝗘𝗞𝗟𝗔𝗠𝗢 𝗡𝗚 𝗣𝗔𝗡𝗚𝗠𝗢𝗠𝗢𝗟𝗘𝗦𝗧𝗬𝗔!

Inireklamo ng pangmomolestya si DepEd Public Schools District Supervisor Marilao North District Gilbert M. Agapito ng isang minor de edad na binatilyo na residente ng Meycauayan, Bulacan.

Batay sa salaysay ng ina ng biktima, nagkakilala umano ng kanyang anak si Agapito sa isang area meet noong nakaraang taon. Nagmagandang loob umano si Agapito sa kanyang anak at binibilhan pa ito umano ng pagkain at mga gamit nito sa kanyang pag-aaral. Ngunit hindi umano inaasahan ng ina ng biktima na may kapalit pala umano ang pagmamagandang loob nito.

Kwento ng biktima na isang Grade 10, ilang beses umano hinipo at isinubo ni Agapito ang ari nito kapag siya ay pinapapunta nito sa kanyang opisina sa Marilao at tinakot na kapag hindi siya pumayag at nagsumbong ito ay maaring mawala ang kanyang scholarship at hindi na papayagang mag enrol sa kahit anu pang pampublikong paaralan sa buong Bulacan.

Dagdag pa ng ina ng biktima, natakot ang kanyang anak na magsumbong agad at nagkaroon lamang ng lakas ng loob nang malamang maliban sa kanya ay may iba pang kamag-aral na minolestiya na rin ni Agapito.

Balak ng pamilya na magsampa ng reklamong paglabag sa Republic Act No. 7610 o Speical Protection of Children Against Abuse, Exploitation and Discimination Act laban sa g**o.

Sinusubukan ngayon ng BulakeNews na makapanayam ang inirereklamong District Supervisor ng Department of Education - Marilao.

- Jeffray Reyes | BulakeNews

22/05/2024

Congratulations to Chelsea Anne Manalo of Bulacan on being crowned Miss Universe Philippines 2024! 🎉 Your grace, charisma, and dedication have truly shone throughout this competition. Your victory is a testament to your hard work and perseverance. Wishing you an unforgettable reign filled with meaningful experiences and opportunities to make a positive impact. Bulacan is proud, and the world awaits your remarkable journey as Miss Universe Philippines. 👑

01/05/2024

Ulanin ka sana ng maraming blessings! 💚🙏

01/05/2024

LABOR DAY | Ngayong araw, May 1, 2023, Ginugunita ang Araw ng Manggagawa o Labor Day, isang araw ng pagpapasalamat sa mga manggagawang tinuturing na mukha ng Pilipinas. Ngayong araw rin ipinagdiriwang ang 50th Anniversary of the establishment of the Labor Code of the Philippines.

Halina't magsama sama at ipagbunyi ang kabayanihang ipinamamalas ng ating mga minamahal na manggagawang Pilipino. 👊

Maligayang Araw ng Manggagawa!

29/04/2024

𝗜𝗠𝗘𝗟𝗗𝗔 𝗠𝗔𝗥𝗖𝗢𝗦, 𝗕𝗜𝗡𝗜𝗦𝗜𝗧𝗔 𝗔𝗡𝗚 𝗢𝗨𝗥 𝗟𝗔𝗗𝗬 𝗢𝗙 𝗟𝗢𝗨𝗥𝗗𝗘𝗦

Bumisita ang ina ng Pangulong Ferdinand Marcos Jr. na si Imelda Marcos sa Our Lady of Lourdes Grotto Shrine ngayong Biyernes, April 19, upang mag-alay ng taimtim at buong pusong pananampalataya sa Birheng Maria.

Bahagi ito ng debosyon ng dating first lady para sa Mahal na Ina.

- Jeffray Reyes | BulakeNews

12/09/2023

𝗣𝗔𝗡𝗢𝗢𝗥𝗜𝗡: 𝗚𝗢𝗩𝗘𝗥𝗡𝗢𝗥 𝗗𝗔𝗡𝗜𝗘𝗟 𝗙𝗘𝗥𝗡𝗔𝗡𝗗𝗢, 𝗜𝗡𝗔𝗧𝗔𝗞𝗘 𝗦𝗔 𝗣𝗨𝗦𝗢

Usap-usapan ngayon sa social media ang kumakalat na video ni Governor Daniel Fernando na tila nahirapan magsalita sa isang pagdiriwang sa Kapitolyo nitong nakaraang araw.

Ayon sa nagpost, kaagad sinugod sa ospital si Governor Daniel Fernando nang makaramdam ito ng hirap sa paghinga.

Inaalam pa sa ngayon ang kalagayan ng ating Mahal na Governor Daniel Fernando.

Wala pa ring anunsyo ang Kapitolyo sa kalagayan nito.

06/05/2022

Narito po ang ulat ng INQUIRER.net tungkol sa maanomalyang Christmas Foodpacks ni Mayor Jose "JJS" Santiago.

Diin pa ng opisyal hindi kapani-paniwala na aabot sa P400 ang foodpacks dahil naglalaman lamang ito ng isang spaghetti and sauce pack, isang luncheon meat at isang pirasong keso.

06/05/2022

P400 halaga ng Christmas foodpacks ng Bocaue LGU kinuwestiyon

Hiningi ng isang konsehal ng pamahalaang-bayan ng Bocaue sa Bulacan ang paliwanag ng mga opisyal kaugnay sa ipinamahaging Christmas foodpacks noong nakaraang Disyembre.

Naniniwala si Coun. Jerome Reyes na kailangan magkaroon ng linaw ang mga isyu na bumabalot sa foodpacks na iniulat na nagkakahalaga ng P400 bawat isa.

Nabatid na naglaan ng P16 milyon para sa 40,000 households na bibigyan ng foodpacks.

Sinabi ni Reyes marami siyang natanggap na reklamo na hindi nakataanggap ng foodpacks..

“P400 na ba ang spaghetti, isang Tulip luncheon meat at isang keso? ang nagtatakang tanong ni Reyes.

Dagdag pa nito; “Noong chineck kasi namin P110 ang spaghetti atsauce, P120 ang Tulip luncheon meat at P45 ang keso. More or less nasa 275 lang ang halaga nito.”

Dagdag pa niya, humingi na siya ng mga paliwanag, ngunit walang humaharap sa kanya para sagutin ang kanyang mga katanungan.

“Tatlong beses naming ipinatawag ang mga opisyal ng munisipyo pero di sila sumisipot. Ang isinasagot nila ay di sila binibigyan ng authority ng mayor.” banggit pa ni Reyes.

Aniya bunsod nang pagtatanong ng kanilang mga kababayan kayat hiniling niya sa Sangguniang Bayan na ipatawag ang mga kinauukulang opisyal na may nalalaman sa pagbili at pamamahagi ng foodpacks para magkalinaw ang isyu.

Paliwanag pa ni Reyes, layon lamang niya na ilagay sa tamang proseso ang lahat para maisama na sa taunang budget ng kanilang LGU ang pamamahagi ng munting regalo.

“Ang gusto natin ay hindi ito maging source pa ng corruption,” diin pa ng konsehal.

Ulat mula sa Radyo Inquirer: https://bit.ly/3yii5Bi

04/05/2022

Pabahay project ni Mayor JJS Santiago hindi raw totoo ayon mismo sa mga aplikante. Binabatikos ngayon si JJS matapos na matuklasan ng mga beneficiary na ginagamit lang ni JJS ang proyektong pabahay para makakuha ng boto. Sinasamantala raw ni JJS ang kahirapan ng mga aplikante at ang kagustuhan nilang magkaroon ng sariling bahay.

Basahin po natin ang ulat ng INQUIRER tungkol sa isyung ito.

Nabatid na hindi pa rin naipapaliwanag ang halaga ng downpayment at ang magiging buwanang bayad ng mga mabibiyayaan ng pabahay.

03/05/2022

Pabahay ni JJS binatikos ng mga Bocaueño. Political gimmick lang daw ito para makakuha ng boto.

Hindi raw ito totoo dahil sa mga sumusunod:
1. Wala sa pangalan ng munisipyo ang titulo. Nakapangalan pa rin ito sa private owner.
2. Agricultural ang lupa at hindi residential kaya hindi pwedeng patayuan ng pabahay.
3. Dadaan sa Sangguniang Bayan ang reclassification at matagal na proseso ito.
4. Kaya hindi totoong maipapamigay na ito agad agad katulad ng pinapalabas ni JJS.
5. Hindi ito para sa lahat. Pili lang ang mabibigyan.
6. Ayon sa mga eksperto, aabutin ng mahigit tatlong taon bago matapos ang construction nito.

Makikita sa video ang basehan kung bakit isa lang panloloko ang pabahay.

(c) Video courtesy of Ronda Balita

02/05/2022

BOCAUE: GINAGAWANG BASURAHAN NG TAGA-IBANG BAYAN, HULI SA AKTO

Umiikot ngayon sa Facebook ang video na ito. Huling huli sa akto na nagtatapon ng kanilang basura ang ibang bayan sa dumpsite ng Bocaue. Ipinagbabawal ito ng batas. Hindi ito mangyayari kung walang basbas ng mayor.

Makikita sa mga komento na hindi nagustuhan ng mga Bocaueño ang iligal na gawain.

"Pati basura ginawang negosyo ni JJS. Milyon ang binabayad ng ibang bayan para makapagtapon sila dyan. May kumita."

"Wag nyo gawin tapunan ang Bocaue! Dami na langaw sa min. Ngkasakit na mga anak ko!

"Bawal ito eh. ngayon lang nngyari sa panahon ni jjs ang ganito kagarapal na korapsyon sa Bocaue."

Ayon sa mga sources, may mga nakasuhan sa pangyayaring ito. Inaalam namin kung ano ang status ng kaso.

23/04/2022

17 MILYONG PISO NA PARA SA SAP NOONG NAKARAANG TAON, HINAHANAPAN NG LIQUIDATION NG COA

Ayon sa Department of Social Welfare and Development Office (DSWD), nakatanggap ng 17 milyong piso (P17,000,000) ang Pamahalaang Bayan ng Bocaue sa pangunguna ni Mayor Jose "JJS" Santiago para sa Social Amelioration Program (SAP) para sa mga mamamayan ng Bocaue. Ngunit halos isang taon na ang lumipas ay hindi pa rin nakakatanggap ang DSWD ng liquidation o mga patunay na naipamigay ng tama ang SAP sa Bocaue. Lalo na at nakatanggap umano ang ahensya ng maraming reklamo mula sa mga residenteng hindi nakatanggap ng SAP.

Nag-iimbistiga na rin ang Commission on Audit (COA) tungkol sa isyu.

"On December 29, 2020, the Municipality received another fund transfer from DSWD for SAP amounting to ₱17,000,000.00 covered by OR No. 468028. A cash advance was drawn in January 2021 and as of the date of this report, the amount has not yet been liquidated," ayon sa COA.

Kinukwestyon din ng COA ang mahigit isanlibong pangalan na inilista ng lokal na pamahalaan ng Bocaue. Ito'y matapos na matuklasan na pawang mga patay na at hindi na nakatira sa Bocaue ang mga nasa listahan.

Dagdag pa rito, natuklasan din na mahigit isanlibong beneficiary ng SAP ang hindi nakatanggap ng ayuda. Nasa listahan sila ng DSWD pero hindi sila naisama sa payroll pagdating sa Bocaue.

Nabisto rin na 1,544 na nakatanggap ng SAP ay kamag-anak ng mga empleyado at mga Job Order (contractual worker) ni Mayor Jose "JJS" Santiago. Labag ito sa batas. Ipinagbabawal ito ng DSWD dahil tuloy-tuloy naman daw ang sweldo ng mga empleyado at JO kaya mas dapat ibigay ang SAP sa mga nangangailangang residente ng Bocaue.

"It was revealed that a total of 13,918 recipients were included in the e-copy while 14,500 were the intended beneficiaries. Further, it was found out that the listed 1,001 names of recipients in the e-copy of the DSWD were not included in the payroll," ayon sa COA investigation.

Pinagpapaliwanag ng COA si Mayor Jose "JJS" Santiago tungkol sa isyung ito ngunit hanggang sa ngayon ay hindi pa siya nagsusumite ng mga patunay na naging maayos nga ang pamamahagi ng SAP at nabigyan lahat ng nangangailangan sa Bocaue.

Ayon sa mga residenteng nakausap namin naging palakasan ang basehan sa pamimigay ng SAP. Hindi rin daw nabigyan lahat ng ayuda.

"Kapag supporter ka ng namayapang Mayor Joni Villanueva, matic hindi ka bibigyan ng SAP. Ganyan sila maghiganti."

"Palakasan talaga ginawa nila. Kapag di ka malakas kay JJS o sa mga lider niya wala ka. Di ka mabibigyan ng SAP."

"Puro papogi lang si JJS. Pero pekeng kabaitan lang. Marami dito sa looban namin hindi nakakuha ng SAP kaya kapos na kapos kami sa pagkain ng ilang buwan."

Maari umanong maharap si Mayor Jose "JJS" Santiago at iba pang kawani ng munisipyo sa kasong administratibo at kriminal kung hindi nila maipapaliwanag ng maayos ang nasabing anomalya.

Maaaring mabasa ang COA report sa link na ito:

https://www.coa.gov.ph/.../loc.../2020/category/8911-bulacan

09/04/2022

𝗚𝗜𝗡𝗔𝗦𝗧𝗢𝗦 𝗡𝗔 𝟭𝟮 𝗠𝗜𝗟𝗬𝗢𝗡𝗚 𝗣𝗜𝗦𝗢𝗡𝗚 𝗣𝗔𝗥𝗔 𝗦𝗔 𝗖𝗢𝗩𝗜𝗗-𝟭𝟵, 𝗞𝗔𝗗𝗨𝗗𝗔-𝗗𝗨𝗗𝗔 𝗔𝗬𝗢𝗡 𝗦𝗔 𝗖𝗢𝗔

Sa inilabas na Annual Audit Report ng Commission On Audit (COA) sa bayan ng Bocaue noong nakaraang taon, hindi nila mahanap ang mga tindahang pinagbilhan ng mga gamit para sa pandemya. Mahigit labindalawang milyong pisong (12,531,643.92) pondo ng bayan ang dinala sa mga kuwestiyonableng tindahan. May mga kulang o mali rin daw sa supporting documents ng mga naturang supplier.

"total obligated amount of ₱204,951,349.37 to covid related expenses, payments totalling ₱12,531,643.92 were made to various suppliers of goods, materials, and other commodities despite deficiencies in the supporting documents, contrary to CY 2016 Revised IRR of RA No. 9184, GPPB Circular No. 01-2020 dated April 6, 2021, and COA Circular No. 2012-001 dated June 14, 2012," ayon sa COA report.

Dagdag pa ng COA, limang kumpanya na pinagbilhan ng Pamahalaang Bayan ng Bocaue sa pangunguna ni Mayor Jose "JJS" Santiago ang mali ang address at walang maiprisintang business permit.

"Review of the disbursement vouchers and attached supporting documents revealed that procurements made totalling ₱2,455,660.35 lacked the documentary requirements and proper procedures stated under the CY 2016 Revised Implementing Rules and Regulations (RIRR) of R.A. No. 9184," saad ng COA.

Isa sa nakita ng COA ang Tagumpay Enterprises na may address sa Barangay Lolomboy na napag-alamang isang residential area. Sa pagtatanong ng COA sa mga residente ng barangay, itinanggi ng mga nakatira doon na may opisina ang Tagumpay Enterprises. Matagal na umano silang nakatira sa barangay ngunit wala pa silang naririnig na ganong kompanya sa kanilang lugar.

Pinuntahan din ng COA ang address ng LD-RA Trading na nakakuha ng proyekto sa munisipyo na nagkakahalaga ng anim na milyong piso. Natuklasan ng COA na ang naturang kumpanya ay naka-address sa isang bakanteng lote.

Mababasa ang COA report sa link na ito:

https://www.coa.gov.ph/index.php/local-government-units/2020/category/8911-bulacan

05/04/2022

𝐓𝐈𝐍𝐆𝐍𝐀𝐍: 𝐒𝐀𝐒𝐀𝐊𝐘𝐀𝐍 𝐍𝐆 𝐌𝐔𝐍𝐈𝐒𝐈𝐏𝐘𝐎, 𝐆𝐈𝐍𝐀𝐆𝐀𝐌𝐈𝐓 𝐒𝐀 𝐊𝐀𝐌𝐏𝐀𝐍𝐘𝐀!

Trending ngayon ang isang post sa social media tungkol sa utos diumano ni Mayor Jose "JJS" Santiago na tanggalin ang mga sticker ng mga sasakyan ng Pamahalaang Bayan ng Bocaue para gamitin sa kanyang kampanya.

Makikita sa mga larawan na huling huli sa akto na tinatanggal ng mga taga-munisipyo ang sticker sa mga sasakyan ng munisipyo. Ang mga sasakyang ito raw ang makikitang nagkakabit ng tarpaulin at ginagamit na panghakot ng gamit para sa kampanya.

Ayon sa uploader, malinaw na paglabag sa batas, pandaraya at pagnanakaw ang ginagawa ni Mayor JJS Santiago dahil pera, gasolina at gamit ng taumbayan ang ginagamit niya sa pangangampanya. Nagpapakita umano ito ng tunay na kulay ni JJS.

"Pinapalabas niya kasi super bait siya tapos malalaman natin ginagamit niya ang pera, gasolina at gamit natin sa kampanya. Dishonesty yun di ba? Yun ba ang gusto nating ituro sa mga anak natin? Na ok lang magnakaw at magsinungaling? Ayaw natin sa sinungaling at nagpapanggap na mabait pero nasa loob pala ang kulo," ayon sa nagpost.

Ipinarating na rin daw niya ang reklamong ito sa opisina ni Secretary Eduardo Año ng Department of Interior and Local Government (DILG).

Sa ulat naman ng Philippine News Agency (PNA), binigyang diin ni Año na labag sa batas at hindi pwedeng gamitin sa pangangampanya ang mga sasakyan, gamit at pondo ng gobyerno.

“Yes, may mga report tayo na ganyan, ‘yung hinahakot at ang ginagamit ay LGU vehicles. Bawal ‘yan. Hindi pupuwede ‘yan,” ayon kay Año.

Pinapayuhan din ni Año na ireport ang mga ganitong paglabag sa local Comelec campaign committee.

Maaaring mabasa ang ulat ng PNA sa link na ito:
https://www.pna.gov.ph/articles/1170558

03/04/2022

𝟐𝟔 𝐌𝐈𝐋𝐘𝐎𝐍𝐆 𝐏𝐈𝐒𝐎 𝐍𝐀 𝐆𝐈𝐍𝐀𝐒𝐓𝐎𝐒 𝐒𝐀 𝐏𝐀𝐍𝐃𝐄𝐌𝐘𝐀, 𝐊𝐈𝐍𝐔𝐊𝐖𝐄𝐒𝐓𝐘𝐎𝐍 𝐍𝐆 𝐂𝐎𝐀

Pinagpapaliwanag ng Commission on Audit (COA) si Bocaue Mayor JJS Santiago dahil sa ilang kuwestiyonableng transaksyon. Sa inilabas na Annual Audit Report ng COA, kuwestiyonable diumano ang mahigit 26 milyong pisong ginastos ng Pamahalaang Bayan ng Bocaue sa panahon ng pandemya.

Ayon sa COA, hindi dumaan at hindi pinayagan ng Sangguniang Bayan ng Bocaue ang mga proyekto at pinagkagastusan ng munisipyo. Hindi rin pinayagan ng Sangguniang Bayan na gastusin sa ibang bagay ang pondo at pumasok sa kasunduan at kontrata ang alkalde.

"1.11 As such, expenditures for procurement of supplies, materials and other commodities for COVID 19 funded by LDRRMF were made by the Municipal Mayor in behalf of the Municipal Government without the approved authority of the Sanggunian Bayan for realignment of funds and to enter into a contract."

Ayon sa batas, ang mga ganitong bagay ay dapat munang paaprubahan ng mayor sa Sangguniang Bayan para matiyak na walang corruption na mangyayari.

Mahigit 17 milyong piso naman ang ginastos ng Pamahalaang Bayan ng Bocaue ang hindi malaman kung saan ginamit dahil walang isinumiteng resibo at dokumento.

"the amount of ₱17,167,807.10 were charged from the unexpended previous years’ LDRRMF has no receipts and no proper documentation."

Makikita ang COA report sa link na ito: https://www.coa.gov.ph/index.php/local-government-units/2020/category/8911-bulacan

03/04/2022

𝟏𝟗 𝐘𝐄𝐀𝐑𝐒 𝐎𝐋𝐃, 𝐇𝐈𝐍𝐔𝐋𝐈 𝐒𝐀 𝐒𝐄𝐗𝐓𝐎𝐑𝐓𝐈𝐎𝐍

Hinuli ng Philippine National Police Anti-Cybercrime Group (PNPACG) noong Huwebes ang 19 years old na binatilyo sa Bocaue at kinasuhan ng extortion.

Ayon kay PNP-ACG Director BGen. Robert Rodriguez, kinilala lamang ang biktima sa alyas "Mika" na nakilala lamang ang suspect na si "Jun" sa isang dating app.

Matapos nilang makilala ang isa't isa at magkapalagayan ng loob. Nagpadala si Mika ng mga hubad na larawan at videos kay Jun.

Nagtangkang humiram ng pera si Jun kay Mika ngunit tinanggihan ito.

Ito ang nag-udyok kay Jun na takutin at i-blackmail si Mika at sinabing ipapadala nito ang kanyang mga hubad na litrato at bidyo sa mga kaibigan at kamag-anak nito sa Facebook.

Kung kaya't humingi agad si Mika ng tulong sa kapulisan.

Magkasama ang Regional Anti-Cubercrime Unit (RACU) na pinamunuan ni Operations Section Chief Major Evangeline Germiano at ng RACU 3 Chief Col. Tirsi Manoli ay kaagad nadakip ang suspect sa Bocaue, Bulacan.

Nahaharap si Jun sa kasong paglabag sa Article 268 (grave coercion), Article 294 (robbery extortion) of the Revised Penal Code, at Republic Act 9995 (Anti-Photo and Video Voyeurism Act of 2009) all in relation to Sec. 6 of Republic Act 10175 (Cybercrime Prevention Act of 2012).

Nagpaalala naman si BGen. Rodriguez na maging responsable sa pag gamit ng social media para maiwasan maging biktima ng mga cybercriminals.

03/04/2022

𝐁𝐎𝐂𝐀𝐔𝐄 𝐌𝐔𝐍𝐈𝐂𝐈𝐏𝐀𝐋 𝐏𝐎𝐋𝐈𝐂𝐄 𝐒𝐓𝐀𝐓𝐈𝐎𝐍,𝐍𝐀𝐆𝐃𝐀𝐎𝐒 𝐍𝐆 𝐂𝐎𝐌𝐄𝐋𝐄𝐂 𝐂𝐇𝐄𝐂𝐊𝐏𝐎𝐈𝐍𝐓

Kahapon, nagsagawa ang Bocaue Municipal Police Station ng Checkpoint para sa National and Local Election sa pangunguna ni PLT. Ferdie S. Santos kasama ang anim na PNP Personnel sa supervision ni PLTCOL Ronie R. Pascua sa pakikipag-ugnayan sa COMELEC.

Naganap ang checkpoint sa Mc Arthur Highway Barangay Lolomboy, Bocaue upang masigurado na tahimik ang magaganap na eleksyon at walang resindente ang may dala ng baril.

Umabot sa sampung (10) residente mula sa karatig bayan ang hinuli ng ating kapulisan dahil sa iba't ibang violations tulad ng hindi pagsusuot ng helmet at iba pa.

- Arthur De Guzman | News Correspondent | Bocaue Balita at Opinyon