Himalpost.com

18/10/2024

काठमाडौँ महानगरपालिका वडा नम्बर २२ खिचापोखरीमा १जना महिलाको पर्स काठमाडौँ महानगर प्रहरीले ड्युटी समयमा भेटिएको हुँदा लाइसेन र रु ६००० सहित सोही व्यक्तिलाई फिर्ता दिएको छ।

30/09/2024

काठमाडौं महानगरपालिकाले 'वुक फ्री फ्राइडे' कार्यक्रम सञ्चालन, प्राप्त उपलब्धी र आगामी बाटोका बारेमा सुझाव मागेको छ । अहिलेसम्म प्राप्त भएका उपलब्धीलाई सार्वजनिक दस्तावेजका रुपमा विकास गरेको छ । यसलाई थप वैज्ञानिक, परिपक्व र समयको मागबमोजिमको बनाउन जोकोहीले पनि सुझाव दिन सक्नुहुन्छ । महानगरपालिकाले ग्रहण गरेर कार्यान्वयन योग्य सुझावलाई तत्काल कार्यान्वयनमा लैजाने समेत बताएको छ ।

थाप जानकारी - https://metronews.kathmandu.gov.np/news/detail/2709588476
दस्तावेजहरु अध्ययन गर्न र सुझाव दिन -
https://drive.google.com/drive/folders/1jusD1ZoIuF000DlYhZghmNsc0ZT9EVBI

29/09/2024

प्रतिवेदनले काठमाडौंभित्र कुल १ हजार ८५९ रोपनी १४ आना जग्गा मिचिएको खुलासा गरेको छ । प्रतिवेदनले शहरी क्षेत्रका बहुमूल्य सार्वजनिक र सरकारी जग्गा मिचिएको देखाउँछ । मुख्यतया चाबहिल, बौद्ध, बत्तीसपुतली, थापाथली, बानेश्वर, कोटेश्वर, हाँडीगाउँ, बूढानीलकण्ठ क्षेत्रमा धेरै जग्गा मिचिएको छ । पोखरी, मन्दिर, खोला, कुवा, ढुङ्गेधारा, गुठीको जग्गा र घर, सार्वजनिक पेटी, बाटो धेरै मिचिएको छ ।

काठमाडौंमा मात्रै पाँच हजारले मिचेका छन् १८०० रोपनी सार्वजनिक जग्गा

28/09/2024

बर्षाका कारण आजका प्रमुख १० समाचार :

१ - झरीका कारण झापामा स्थानीय खोलामा आएको बाढीले बनाउँदा तीनजना बेपत्ता भएका छन्। बेपत्ता हुनेमा एक बालिका तथा दुई पुरुष रहेको जिल्ला प्रहरी कार्यालय झापाले जनाएको छ।

२ - काभ्रेका विभिन्न स्थानमा पहिरोमा परेर नौजना बेपत्ता भएका छन्।

३ - अविरल वर्षासँगै बाढीले राजधानीमा एउटा ग्यास बुलेट बगाएको छ । ग्यास चुहिँदै गरेको अवस्थामा शनिबार बिहान उक्त बुलेट हनुमन्ते नदीमा बग्दै गरेको देखिएको हो ।

४ - बल्खु खोलामा एकजनाको शव भेटियो, नख्खु खोलामा फसेका ३० जनाको उद्धार

५ - अविरल वर्षासँगै आएको बाढी र डुबानका कारण मोरङ जिल्लामा एक सय बढी परिवार विस्थापित भएका छन् । विराटनगर, कटहरी, रंगेली, धनपालथान र जहदामा एक सय बढी परिवार विस्थापित भएका हुन् ।

६ - अत्याधिक वर्षाका कारण पहिरो जाँदा र सडक भासिँदा नारायणगढ-मुग्लिन सडकखण्ड पूर्णरूपमा अवरुद्ध भएको छ । नौकिलो भन्ने स्थानमा सडक जमिनबाट २ फिट तल भासिएको छ । थप भासिने क्रममा रहेकाले सो स्थानमा ठूला सवारी साधन तत्काल सञ्चालन गर्न नमिल्ने भएको छ ।

७ - काभ्रेमा पहिरोमा परी एकै परिवारका ५ जना बेपत्ता, २ जनाको मृत्यु

८ - त्रिशूली नदीले ३ टिपर र २ एक्साभेटर बगायो

९ - लगातारको वर्षाले काठमाडौं उपत्यकास्थित नदीनाला आसपासका सडक तथा केही मुख्य सडकखण्डको सवारी आवागमन प्रभावित भएको छ । जसअन्तर्गत तीनकुने, गैरीगाउँ वरिपरी, युएनपुल, टेकु स्थित विष्णुमती करिडोरको बाटो, माइतीघर, नयाँबाटो, ग्वार्को, ईमाडोल सडकखण्ड, परोपकार, सानेपा, कालोपुल, बल्खुपुल सडकखण्डको सवारी आवागमनमा प्रभाव परेको हो । पहिरोका कारण विभिन्न नाका हुँदै सञ्चालन हुने सवारी साधन पनि चल्न सकेका छैनन् ।

१० - सप्तकोशी ब्यारेजका ५६ वटै ढोका खोलिए, दुवैतर्फ रातो बत्तीको संकेत

फोटो : Socal Media

19/09/2024

हातमा चिराक लिएर काठमाडौँ महानगरपालिकाका प्रमुख बालेन्द्र शाह (बालेन) पुलुकिसि नृत्यमा पथप्रदर्शक

यँयाः (इन्द्रजात्रा) का अवसरमा प्रदर्शन गरिने देवगणसँग सम्बन्धित तथा जात्रा मनाउनुको किंवदन्तीसँग सम्बन्धित परम्परागत नृत्यलाई काठमाडौँ महानगरपालिकाले यस वर्षदेखि पूजासहित प्रदर्शन परम्पराको थालनी गरेको छ । यस क्रममा काठमाडौँ महानगरपालिकाले आज सव: भकु, पुलुकिसि, मजिपा लाखे र महाकाली नृत्य प्रदर्शन आयोजना गर्‍यो । कार्यक्रममा महानगरपालिकाका प्रमुख बालेन्द्र शाह (बालेन) ले हातमा चिराक लिएर पुलुकिसीको पथ प्रदर्शकका रुपमा सहभागिता जनाउनुभयो ।

कार्यक्रम यँया ११४४ महानगर विशेष कार्यक्रम सञ्चालन मूल समारोह समितिले आयोजना गरेको थियो । प्रमुख शाहसँग पुलुकिसि नृत्यमा प्रवक्ता नविन मानन्धर र मूल समारोह समितिका संयोजक आशामान संगत सहभागी हुनुभएको थियो ।

यस अवसरमा उपत्यकाका स्थानीय तहका प्रमुख, उपप्रमुख र प्रमुख प्रशासकीय अधिकृतहरुलाई आमन्त्रण गरिएको थियो । नृत्य अवलोकनका लागि महानगरपालिकाका नगर सभा सदस्यहरु, कर्मचारीहरु, परम्परागत नृत्यका गुठियारहरु र जनसाधारणको बाक्लो उपस्थिति थियो ।

15/09/2024

सोमबार सार्वजनिक बिदा

सरकारले सोमबारका लागि सार्वजनिक बिदा दिएको छ । गृह मन्त्रालयले आइतबार एक सूचना जारी गर्दै मुस्लिम धर्मका प्रवर्तक पैगम्बर मोहम्मदको जन्मदिनको अवसरमा सार्वजनिक बिदा दिएको हो ।

05/09/2024

उपत्यकाका नदी वरिपरि ४० मिटरभित्रका घर भत्काउन लागिएको होइन, त्यसो भए हल्ला किन ?

सर्वोच्च अदालतले गत वर्ष पुस ३ गते एउटा फैसला ग¥यो । उक्त फैसलामा काठमाडौं उपत्यकाको बढ्दो सहरीकरण र त्यसले नदी प्रणालीमा पर्ने चाप र हाल वाग्मती, विष्णुमतीलगायत केही खोलाहरूमा दुवै किनारमा तटबन्धसहित सडक बनिरहेको अवस्थालाई मध्यनजर गर्दा मिति २०६५ कात्तिक १ को मन्त्रिपरिषद्को निर्णयले छाड्नुपर्ने भनी तोकेको क्षेत्रमा थप अर्को २० मिटर छाड्नुपर्ने बाध्यात्मक व्यवस्था गरिनु आवश्यक देखिन्छ । अर्थात्, पहिले छाडिएको २० मिटरमा अब थप २० मिटर छाड्नुपर्ने उल्लेख छ ।

“नदीको दायाँबायाँ दुवैतर्फ साविकमा छाडिएको दूरी र हाल थपिएको न्यूनतम २० मिटर समेत हुन आउने दूरीभित्र पर्ने जग्गामा कुनै स्थायी संरचना निर्माण गर्न नपाइने क्षेत्र अर्थात् ‘नो कन्स्ट्रक्सन जोन’ कायम गर्नुपर्ने देखिन्छ” आदेशमा उल्लेख छ ।

यता काठमाडौं महानगरपालिका क्षेत्रभित्रका नदीको नापीनक्साबाट कायम रहेको छेउबाट दायाँबायाँ छाड्नुपर्ने भनी तोकेको दूरीका अतिरिक्त थप २० मिटर जग्गामा भवन निर्माण गर्न अनुमति नदिने, निर्माण कार्य रोक्का राख्ने भनेर महानगरको सूचना जारी गरेको थियो ।

30/08/2024

बालेनको संयोजकत्वमा यातायात प्राधिकरण परिषद्को ‘स्टेरिङ कमिटी’

९ सदस्यीय स्टेरिङ् कमिटी गठन गर्ने परिषदको निर्णय

‘सार्वजनिक यातायात प्रणालीका लागि स्थानीय तहको दायित्व प्रमुख रहन्छ । यसलाई स्थानीय तहकै आर्थिक योगदानमा सञ्चालन गर्नुपर्छ ।’ वैठकका अध्यक्ष शाहले भन्नुभयो, ‘परिषदका सदस्य स्थानीय तहले आउँदो पुस महिनामा हुने नगर सभाबाट कोषका लागि आर्थिक योगदान सम्बन्धी निर्णय गर्नुहुनेछ ।’

https://metronews.kathmandu.gov.np/news/detail/3008518425

22/08/2024

बौद्ध स्तुप परिसरमा आयोजना गरिएको गाईजात्रा तथा रोपाइँ (घोनाइ) जात्रामा सहभागी हुन जानु भएका काठमाडौँ महानगरपालिकाका प्रमुख बालेन्द्र शाह (बालेन) || GaiJatra & Ropai (Ghonai) Jatra || २०८१ भाद्र ५ गते, बुधबार ||

16/08/2024

"दलका झण्डा बोकेर विद्यालय छिर्ने समूहलाई स्कुलले रोक्नु । रोक्न नसके महानगर प्रहरीलाई फोन गर्नु ।"

27/07/2024

काठमाडौं महानगरपालिकाको छात्रवृत्ति छनोट समितिको निर्णयानुसार कक्षा ११ को छात्रवृत्ति छनोट परीक्षाको प्रारम्भिक योग्यताक्रम (Merit) मिति २०८१/०४/०७ गते प्रकाशन गरिएकामा उक्त नतिजामाथि चित्त नबुझी मिति २०८१/०४/१० गतेसम्म प्राप्त भएका दावी/विरोध एवम् पुनर्योगको निवेदनउपर छानविन गरी समूहगत र विषयगत रुपमा विस्तृत योग्यताक्रम entrance.kathmandu.gov.np मा अद्यावधिक गरी नतिजा प्रकाशन गरिएको व्यहोरा सम्बन्धित सबैको जानकारीका लागि यो सूचना प्रकाशन गरिएको छ । साथै उक्त योग्यताक्रमवमोजिम विषयगत रुपमा परीक्षार्थीले आवेदन दिँदाका बखतमा शिक्षण संस्थागत रूपमा दिएको प्राथमिकताक्रम अनुसार साधारण र समूहगत रुपमा मनोनयन सूची (शिक्षण संस्था छनोटको नामावली. म्याचिङ लिष्ट) मिति २०८१/०४/१३ गते प्रकाशन गरिने व्यहोरासमेत सूचीत गरिन्छ ।

17/07/2024

विश्वकै अग्लो त्रिशुल

दाङको घोराही उपमहानगरपालिका- ५ स्थित पाण्डवेश्वर महादेव मन्दिर धारपानीमा राखिएको विश्वकै अग्लो त्रिशुल ।

-पञ्चधातुबाट निर्माण
-त्रिशुलको उचाइ ५५.५ फिट
-तौल १३ हजार तीन सय ८० किलो

तस्वीरः कुलदीप न्यौपाने/रासस

16/07/2024

एसईई रिटोटलको तेस्रो लटको ४ हजार २९७ जना परीक्षार्थीको नतिजा प्रकाशित भएको छ । नतिजा हेर्न:-

https://see.gov.np/uploads/news/7sTMYBV9YNzXpqKb.pdf

16/07/2024

नीति, बजेट तथा कार्यक्रम सर्वसम्मत पारित गर्दै काठमाडौँ
महानगरपालिकाका मेयर बालेन्द्र शाह

09/07/2024

एसइईको नतिजामा नन ग्रेडेड समूहमा परेका विद्यार्थीलाई काठमाडौँ महानगरपालिकाले तयारी कक्षा सुरु गरेको छ । विद्यार्थीलाई निःशुल्क खाना र खाजाका लागि पैसासमेत दिने तयारी गरेको छ।

07/07/2024

काठमाडौँमा बाढीजन्य विपदमा सम्पर्क गर्ने फोन नम्बरहरु
जिल्ला सुरक्षा समिति

प्र. जि. अ., जितेन्द्र बस्नेत, जिल्ला प्रशासन कार्यालय, काठमाडौँ ९८५१२०७७७७
प्र. व. उ.,बसन्त रजौरे, जिल्ला प्रहरी परिसर, टेकु ९८३१२०५५५५
सह–अ. नि., विकास पाण्डे, राष्ट्रिय अनुसन्धान, जिल्ला कार्यालय, काठमडौँ ९८५११०७८६६
प्रमुख सेनानी, गणेश खड्का, नरसिंह दल गण, सिंहदरबार ९८५१०८७०५३
स. प्र. उ., पूर्ण साउद, सशस्त्र प्रहरी बल नेपाल नं. २० गण, सिनामंगल ९८५१२७२०३५
स. प्र. उ., भानुभक्त लम्साल, सशस्त्र प्रहरी बल नेपाल नं. १८ गण, कीर्तिपुर ९८५१२७२०३२
स. प्र. जि. अ., माधवप्रसाद ढुङ्गाना, जिल्ला प्रशासन कार्यालय, काठमाडौँ ९८५१३३८३२२

काठमाडौँ महानगरपालिका

हटलाइन १६६००१०५५११ ११८०
महानगर प्रहरी बलको हटलाइन ९८५१३५६५०९

02/05/2024

नेपालको सबैभन्दा ठूलो ताल

मुगुको छायाँनाथ रारा नगरपालिकाभित्र रहेको रारा ताल। यो नेपालको सबैभन्दा ठूलो र प्रसिद्ध ताल हो। यो ताल समुद्र सतहदेखि २,९७२ मिटर उचाइमा अवस्थित छ।
तस्बिर : हेमन्त केसी/रासस