Sirrinsu Media Nigeria Limited

12/04/2024

DUK WACCE TA SO SAURAYIN TA SAI TA KASHE SHI.....

28/03/2024

Duk wanda ta aura sai ya mutu.....

04/03/2024

KARIMA SERIES DAY 13

28/02/2024

KARIMA SERIES
KWANA NA SHIDA

23/02/2024

KARIMA SERIES DAY 02

22/02/2024

KARIMA SERIES

18/02/2024

KUN YARDA DA FATALWA?
https://youtu.be/JaDsaAxSe9M

10/02/2024

JARUMA MAFI KARFIN JINI A KANNYWOOD

Kafin fara wannan rubutun na ziyarci shafin Google tare da rubuta Nafisat domin neman ma'anar sunan, amsar da s**a ba ni cikin harshen Turanci ita ce, suna ne da Musulmi suke sanyawa ƴaƴa mata da ya ke nufin abu mai daraja, mai martaba da daraja.

A kwanan nan an shirya wa jarumi Ali Nuhu shirya liyafar taya murna sak**akon mukamin da ya samu. Jaruman Kannywood maza da mata duk kusan kowa ya hallara amma ba wanda ake yayata batun sa k**ar jaruma Nafisat Abdullahi

A dan karamin bincike da na yi kusan ta fi sauran matan Kannywood karfin jini domin kusan duk fina-finan ta babu wanda bai yi tasiri a wajen ƴan kallo ba.

Sannan idan ka shiga shafukan sadarwa na zamani kusan ta fi sauran matan yawan mabiya.

Wani dan fim ya ke faɗa min cewa, kusan duk bidiyon da s**a yi yawo a shafin TikTok na wannan liyafar sai wanda ta ke ciki.

Wasu sun ce suna son ta ne saboda ba ta bilicin, wasu kuma sun ce saboda ta iya fim, wasu kuma su ce saboda jan ajin ta da kuma rashin karɓar wargi.

Mawaƙi Muddassir Kasim ya wallafa cewa ga masu son Nafisa suke kuma yayata batun kyanta, su sani gyara ne sirrin kyan, kowa ya koma unguwar su ya duba ya'yan makwabta ya aura ya gyara su zai ga sun fi Nafisa.

Maje El-Hajeej Hotoro

09/02/2024

INA SO MA YI AURE -HADIZA GABON

29/01/2024

LABARI MAI RIKITARWA

08/01/2024

MACEN SIRRI (RIKICI DA FATALWA)

25/07/2023

https://youtu.be/wX7ZPspurr8

LABARIN YARINYA MAI GANIN MUTUWA

16/01/2023

Mudi ya tona asiri 😁

18/11/2022

TA YAYA KUKE ISAR DA SAKON SOYAYYA GA MASOYAN KU?

17/11/2022

ZAFAFAN KALAMAN SOYAYYA

16/11/2022

MACEN SIRRI EPISODE 43

https://youtu.be/cxwciCU_CfY

09/11/2022

Mace Da Tafi Kankanta A Duniya

Wannan Ita Ce Jyoti Amge Yar Asalin Ƙasar Indiya Mai Shekara 28 A Duniya Kuma Ita Ce Mace Mafi Gajarta A Duniya

30/10/2022

Wasan Gasar Tsallake Mutane Da Mashin A Jihar Massachusetts A Kasar Amurka 1957.

Picture: Dr Saliacey

02/10/2022

Muradit, Dan Kabilar Surma, Ethiopia 🇪🇹

Muradit, jarumi Ne kuma sanannen mayaki Dan Kabilar Surma, Yayi fenti a fuskarsa da farin alli don tsoratar da Abokan Takararsa a fadan sanda da Akewa Lakabi da Donga. Zai yi yaƙi don ya tabbatar da Shi namijine, don samun Matar Aure, idan Ya Sake Akayi Nasara A Kansa Kuwa To Bashi Ba Neman Wani Auren Sai Bayan Wasu Shekaru Goma.

Saliadeen Muhammad Sicey.

29/09/2022

Laetitia Ky, Yar Kasar Cote d'ivoire Mai Yawan Gashi Da Kuma Fasahar Iya Gyaran Gashin Zuwa Launuka Daban-daban.

Laetitia KY mai zanen kaya ce kuma, k**ar yadda ta bayyana kanta, 'yar wasan fasaha ce daga Ivory Coast a Afirka. A baya-bayan nan tayi suna sosai a shafinta na Instagram bayan ta fitar da sabon jerin hotunan ta inda ta ke canza gashinta zuwa kowane nau’i da zane Yadda Take so.

Saboda tana iya tsallake gashin kan nata a cikin dakika 30 ⏱️ ko 60 Laetitia Ky, Yar Kasar Cote d'ivoire 🇨🇮 ta shiga cikin littafin Guinness World Records Na Duniya A Watan maris 2021.

© Saliadeen Muhammad Sicey.

28/09/2022

LURCH SANIYA MAFI GIRMAN KAHO A DUNIYA

Saniya mai suna Lurch mafi tsawon Kaho A Duniya A Jihar Arkansas A kasar Amurka, Girman ƙahon Ya kai 95.25 cm (37.5 in) Tsayinsa (Taku Bakwai) a ranar 6 ga Mayu 2003 Saniyar an samota Ne Hannun Yan Kabilar watusi na Afirka A Kasar Rwanda.

Dr Saludeen ya wallafa a shafinsa cewa saniyar mallakar Wata mata ce Janice Wolf ( Wata Yar Amurka) a Garin Gassville, A jihar Arkansas, Amurka. Abin baƙin ciki, Lurch ta mutu da ƙarfe 3 na yamma a ranar 22 ga Mayu 2010 Dalilin ciwon daji a gindin ɗaya daga cikin ƙahonin.

26/09/2022

Kifi mafi Girma a Duniya

Bincike ya tabbatar mana da cewa, wani Kifi da ake kira da suna Whale shark a Turance,shine kifi mafi girma da aka taba k**awa a Duniya. Wato a Hausance dai a iya bayyana wannan kifi da cewa, babban Kifin da ake samu a Teku. Kuma an k**a wannan Kifi ne a Tekun Kasar Thailand, a shekarar 1919, wato kimanin shekaru 103 kenan da s**a wuce. Tsawon wannan Kifi dai ya kai kafa 59, kuma ba wai gamdakatar akai ba, dama dai shi jinsin kifi na Whale shark, shine jinsin kifi da aka dauka a matsayin kifi mafi girma a Duniya, inda bisa al’ada babban kifi na Whale shark yakan kai tsawon kafa 45 , a nauyi kuwa yakan kai har Ton 15, wato kimanin buhu hatsi 150 kenan.

Dr Sacey Salihudeen ya wallafa a shafinsa cewa an fara gano kifin Whale shark a watan Afrilun 1828, lokacin da aka gudanar da wani bincike a dakin bincike na kimiyya akan wani karamin Whale shark da ka k**a, wanda tsawonsa ya kai kafa 15 a Kasar South Africa. Kuma daga baya an samu cikaken bayanin wannan kifi daga wani likitan sojoji mai suna Andrew Smith, tare da taimakon wasu Sojoji ‘Yan Kasar Birtaniya wadan da s**a yi kaka-gida a birnin Cape-town, inda a shekarar 1849 aka radawa wannan kifi suna Whale shark. Kuma ya samu wannan suna ne saboda tsananin girmansa da kuma yanayin cin abincinsa. Gashi dai Shark ne, amma mai girma da yanayin cin abinci Irin na Whale.

Ana samun nau’i na irin kifin Whale shark a Tekunan da suke a bangaren Kasashen Duniya masu zafi.ko da dai, bincike da aka yi na kimiyyar halittun ruwa na baya-bayannan, ya tabbatar da cewa, yawansu yana raguwa.

25/09/2022

A watan October wani abun mamaki zai faru, ku kasance da mu don ji da ganin abinda zai faru

25/09/2022

Yau da Gobe.

Banda wadda ta turowa Sirrinsu Media hoton wa kuka iya ganewa?

23/09/2022

Ko ka san tusa ta gagari likitoci?

Tusa ba abar kunya ba ce kaɗai, za ta iya kasancewa wata alama ce mai muhimmanci ta yanayin lafiyar jikinka. Amma kuma har yanzu likitoci sun gagara fahimtar lamarinta.
Na tsani in fito fili in yi wannan magana amma ba shakka kam likitoci suna da matsala kan sanin al'amarin da ya danganci yadda tusa take faruwa. Domin a yanzu dai abin kunya ba wani abin a-zo-a-gani da s**a sani game da yadda iskar mai wari ke haduwa a cikinmu.

''Iskar da ke fitowa daga duburarmu, tana gaya mana abin da ya shafi dan taki ne (20cm) a cikinmu kawai,'' in ji Peter Gibson na jami'ar Monash a Victoria ta Australia. Gibson na son sanin abin da ke faruwa a can cikin cikinmu ( nisan 130cm), inda abinci ke narkewa, har a samu tusa a ƙarshe.

Sarrafa abincin da ciki ke yi, ya danganta ne ga mu'amullar da ake yi tsakanin kwayoyin halittarka da irin abincin da ka ci, da aikin samar da kuzari da kayan ciki ke yi, sannan kuma da irin ƙwayoyin halittar da ke jikinka, wanda duka wadannan abubuwa ne da kowanne za a iya samun wata alama tasa a cikin wannan iska (tusa). Samun wani fitaccen sauyi kan yadda warin tusarka yake ka iya kasancewa alamar wata mummunar cuta da ta shafi wani daga cikin dukkanin wadancan abubuwa da muka bayyana a baya wadanda suke haifar da tusar.

Gibson ya ce, '' Mun san dan wani abu kadan game da ita, amma ya kasance abu mai wuyar gaske a san ainahin abin da ke faruwa game da tusa. Saboda haka ne ayarin masanin s**a duƙufa kan wani bincike a cikin 'yan hanjinka, inda za su rika auna iskar tusarka daga wuri zuwa wuri a kowane mataki na narka abinci da kayan ciki ke yi.

Dan muhimmin abin da muka sani a kan tusa kawo yanzu ba shakka ya nuna mana cewa batun tusa muhimmin abu ne da ke buƙatar bincike. Idan ya kasance jikinka na samar da iskar hydrogen da methane da yawa, to hakan na nuna ga alama akwai matsala da yadda cikinka ke sarrafa kayan abinci mai ba wa mutum karfi (carbohydrates).

Misali hakan na sa wasu daga cikin sinadaran wannan kayan abinci mai ba mutum karfi (starche, sugar) su rube a cikin ciki.

Yawan iskar methane ka iya kawo cikas ga yadda hanjinka ke motsawa, abin da ke nufin zai iya haifar maka da matsalar kasa yin bayan gida akai akai, musamman ga mutanen da suke da wata matsala ta hanji. Sai dai kuma abin takaicin shi ne, tak**aimai ba mu san inda wannan iska ta methane take samuwa ba a cikin mutum. ''Abin dai da aka ɗauka kawai shi ne, tana samuwa ne daga can ƙasan babban hanji, amma dai ba mu sani ba,'' in ji Gibson.

Sinadarin hydrogen sulphide ne ke sa tusa ɗoyi ko wari k**ar na rubabben kwai. Bayan damuwa da wannan iska ko wari ke haifar wa mutane idan wani ya yi tusa a wuri, idan mutum yana fitar da iskar da yawa to hakan zai iya kasancewa wata alama ce ta wani ciwo a bangon 'yan hanji wanda zai iya bayar da wani muhimmin bayani,'' in ji Gibson.

Wani babban abin mamaki kuma shi ne, har ya zuwa yanzu fitacciyar hanyar da aka fi iya bincike a kan tusar mutum, ita ce ta numfashi, wato ba ta kai tsaye ba ta dubura. Tun da wata daga cikin iskar da kake fitarwa ta tusarka na shiga cikin jininka, kuma ka fitar da ita ta huhunka, zai iya kasancewa a samu ɓurɓushin tusarka ya biyo ta bakinka.

Sai dai kuma abin takaicin shi ne wannan ba zai nuna maka inda ainahi iskar ta samo asali ba. Sannan kuma wata iskar da jikinka ke fitarwa k**ar wadda kwayoyin bakteriya da ke tsakanin haƙoranka ke fitarwa na iya jirkita sak**akon da za a samu.
Wani zabin kuma shi ne, a ruɓar da kashin mutum, to daga nan iskar da za a samu ta ruɓewar kashin za ta iya zama daya da warin tusarka. Ko da yake a nan ma, ba za a gane matsalolin da ke samuwa ba a farkon narkewar abinci.

To a nan ayarin Gibson na ganin akwai hanyar da za su yi maganin wannan ƙalubale, inda s**a ƙirƙiro 'yar wata mitsitsiyar na'ura wadda mutum zai haɗiye, k**ar ƙwayar magani.

Yayin da take tafiya a cikin mutum daga nan zuwa can za ta rika aika wa wata kwamfuta bayanan irin iskar wurin da ta je, haka kuma za ta riƙa auna wasu abubuwan k**ar yanayin zafin wurin da take da kuma guba ko sinadaran da ke wurin.

Gibson ya ce daga karshe na'urar za ta biyo kashi ta fito.

Ta wannan hanya likita zai iya samun cikakken bayani na duk wurin da wannan na'ura take. Kawo yanzu wadannan masu bincike sun jarraba wannan dabara a kan wasu aladu kuma nan da 'yan watanni suke sa ran gwada ta a jikin mutum.

Idan aka ga cewa wannan 'yar na'ura ba ta da wata illa a cikin mutum, Gibson ya ce, zai samar da matattarar bayanai ta irin iskar da ke cikin mutum wadda ta shafi cutuka daban-daban da kuma yanayin irin rayuwar mutum. Daga nan za a iya sanin irin illa ko matsalar wani magani da ake yi wa mutum na irin wadannan cutuka.

To tun da an gano cewa iskar methane tana da alaƙa da matsalar rashin yin bayan-gida yadda ya k**ata, Gibson yana fatan gano inda wannan iska (tusa) take haduwa da kuma lokacin da take samuwa. A nan kuma, sai ya ce, ''Abin da kawai kake buƙata shi ne, abin da zai rage samar da wannan iska, wanda shi ne, sauyin abinci ko kuma wani magani da zai rage wannan matsala ta rashin yin kashi yadda ya k**ata.

Wanda wannan kuma wata babbar matsala ce a duniya a yau.'' Ya kara da cewa ''to amma ba za mu iya sani ba har sai mun auna mun gani.''

Ba shakka ba za a ga aibun Gibson na dagewa da ya yi a kan wannan lamari na tusa ba. Kamar yadda shi kansa ya ce, ''Abin sha'awa ne sosai, kana ƙara nitsawa a cikin binciken kana ƙara hangen irin hasken da ke tattare da shi.''

Fatanmu dai shi ne ya yi nasarar tabbatar da alƙawarin da ya yi, kada ɗokin ya ƙare da wata tarin iska(tusa) mai dumi kawai.

Daga: Dr Salahudeen Sicey

23/09/2022

Wata Bokanya Ta Auri Maza Bakwai Don Samun Haihuwa Da Kowanensu.

Wata Bokanya ’yar asalin kasar Rwanda ta jefa jama’a cikin mamaki bayan ta auri maza bakwai, wacce ta kasance a duk tsawon rayuwarta ba ta taba aske gashin kanta ba.

Prince Ahmad Amoeva ya fassaro mana labarin inda ya shaida mana matar dai mai ba da maganin gargajiya ce, kuma ta auri maza bakwai da shirin kara auran wadansu a nan gaba.

Ta ce, duk mazan da ta aura tana ganinsu a matsayin dattawan rauhanai ne kafin ta aure su.

Ta aure su ne, saboda bukatar dattawan rauhananta, wadanda s**a ce mata ta haifi yara da yawa sannan kowane mijinta zai haifi da guda ne kawai da ita, hakan ya sa a yanzu take da ’ya’ya shida da mazan.

A cewar matar, ta kasance mai karfin ruhi kuma babu wani daga cikin mazajen nata da zai yi kuskuren yaudara ko tunanin barin ta.

Matar ta ce tana taimaka wa marasa lafiya ne da karfin matattu.

A cewarta, ta yi imani mutanen kirki da s**a mutu ba za su bari jama’arsu su wahala ba, don haka s**a ba ta lakanin warkarwa.

Ta ki yarda da ta aske gashin kanta ne, saboda hakan k**ar wani garkuwa ne gare ta.

Duk da auren maza bakwai da ta yi, tana daukar dawainiyarsu tare da gina wa kowane miji gida, takan zabi lokacin da kowane mijin zai kasance tare da ita, sannan ba namijin da zai yi kuskuren cutar da ita, kuma suna fita shakatawa tare da ita.

Hakanan kuma Wadannan Mazajen ne ke Daukarta akan karaga duk inda zata.

Sai dai rahotanni sun bayyana cewa, yanayin rayuwar wannan mata ya sa wadansu suna tsoronta.

21/09/2022

Wasu Daga Cikin Jaruman Da Aka Cire Yayin Da Aka Shafe Fuskokin Wasu A Cikin Shirin Labarina

Shuaibu Abdullahi Ya Rubuta

1-Ibrahim Mandawari

Tun da farko Jarumi Ibrahim Mandawari ne aka fara yin waje da shi a cikin shirin LABARINA mai dogon zango, idan baku manta ba shine ya fara fitowa a matsayin Mahaifin Presidor, kafin daga bisani aka cire shi aka sauya da Jarumi Tijjani Faraga, kuma har yau babu cikakken dalili.

2-Nuhu Abdullahi

Nuhu Abdullahi wanda aka aka fi sani da Mahmoud a cikin shirin, shine na biyu a cikin Wanda aka cire a cikin shirin na LABARINA, Rahotanni sun tabbatar da cewar matsala aka samu hakan ta saka dole aka lauya alkalami aka ce Mahmoud ya Mutu ba don ana so ba.

3-Lailah

Maryam Waziri, ita ce ta uku data fita a cikin shirin LABARINA sak**akon Aure data yi a Jihar Kaduna, sai dai kwata kwata labarin bai sake bi ta wajen ta ba bare a iya ganewa ko zaa iya sauya ta da wata, kuma har yanzu masu shirya shirin basa amsa tambaya a kan haka.

4-Nafisa Abdullahi

Nafisa Abdullahi, wacce aka fi sani da Sumayya a cikin shirin, wanda ita ce tauraruwa mai haske, sai da aka kusa yin Uwa-Uban ka da ita kafin ta rubuta takardar yin Murabus, an danganta cire kanta data yi a cikin shirin da samun wata hatsaniya da Nazir Sarkin waka, wasu hujjojin Kuma sun bayyana cewar kan batun bayar da kudin aiki ne sarkin waka yayi mata ba daidai ba a saboda haka aka yi baran-baran.

5-Halima Atete.

Tun bayan da aka fara haska sabon Shirin baa sake ganin Halima Atete a cikin shirin ba har ma ake tunanin an sauya ta da wata Jaruma Mai suna Hajara Mai wushirya, tana nan a cikin shirin.

6-Garzali Miko

Garzali Miko wanda aka fi sani da Habu, a cikin shirin an dauki dogon lokaci baa sake ganin shi a cikin shirin ba, kuma an tabbatar da cewar baza a sake ganin shi a cikin shirin ba.

7 Aminu Dambazau.

Dambaza'u, ya fito a cikin shirin wanda sune taurarin farko-farko a cikin shirin na LABARINA amma sauya akalar rubutun shirin ya saka dole aka goge babin su.

8-Malam Aminu Saira.

Daraktan Shirin Malam Aminu Saira, shima yana daga cikin jaruman farko-farko a cikin shirin, idan baku manta ba shine ya fara fitowa a matsayin direban Baban Presidor, a farkon Shirin Ibrahim Mandawari ne Baban Presidor kafin daga bisani aka sauya da Tijjani Faraga.

9-Dija

Hafsat Idris, wacce ake yiwa lakabi da Barauniya, tayi shura a cikin shirin kuma ana kiran ta da Dija, salon rubutun labarin ya saka dole aka shafe fuskar ta a cikin shirin ba don ana so ba.

Sauye-sauyen da aka sami a cikin shirin ya saka wasu na ganin cewar yanzu shirin bashi da alkibila, yayi da wasu suke cewar yanzu ne ma Shirin yake daukar seti.

A sanin SorrinSu Media duk film mai dogon zango yana tafiya da chanje-chanje na jarumai da ma'aikata waɗɗanda su ma ƙwararru ne kuma zasu iya ci gaba da jan zaren ragamar labarin, sannan wasu ana ajiye su daga baya a kuma dawo dasu in da yihuwar hakan, wannan ba abinda zai tayar da hankalin mai kallo ko nazari ba ne

13/09/2022

Dandalin Ɗaukar Shirin Film Ɗin Siyasa

A yayin da aiki yayi nisa na ɗaukar shiri mai dogon zamani dake tattare da ƙalubale, ciku murɗa, gulmace-gulmace, rikici, cin amana, adalci, zalunci, mugunta da sauran nau'ika dake tattare da yadda ake tafiyar da siyasa a wannan lokacin.

Shirin yazo da sabon salon da zai ƙayatar da ɗan kallo ya kuma ilimantar dashi tare da buɗewa talaka idanu ta yadda zai banbance aya da tsakuwa cikin yan siyasan wannan zamanin

Shiri ne da idanu ne kurum zasu tabbatar da komi sannan zuƙata suyi daukin son baiwa ƙwayar idan su abinci

Ku kasance da wannan filin da jin yadda daukar wannan aikin zai ringa kasancewa na Kamfanin SirrinSu Media