22/11/2023
Хөгжлийн стратеги #1 СИНГАПУРЫН ХӨГЖЛИЙН ФИЛОСОФИ
Би сэтгүүлч, маркетер хүний хувьд хөгжлийн стратегийн талаар жаахан сонирхдог ухаантай юм.
Өнөөдрөөс эхэлж амжилттай хөгжиж байгаа улс орнууд, тэдний ийн амжилттай хөгжих гол философи, хөгжлийн хөшүүрэг нь юу байв гэдэгт олж мэдсэн мэдээллээсээ бага ч болтугай хуваалцъя гэж бодлоо.
Цуврал постынхоо нэлээд хэсгийг 640хөн мянган км2 газар нутагтай, баялаг гээд байх юм бараг нэн ховор, бүр ундны ус ч үгүй шахам арал улс, өдгөө Азийн бар, дэлхийн санхүү, эдийн засгийн бас нэгэн төв СИНГАПУР улсын талаар нийтэлж байна.
Гол нь дэлхийн өнцөг булан бүрээс бүрдсэн харь улсын иргэдтэй үндэсний нэгдмэл үнэт зүйл нэн ховор ийм улс яагаад ийм өндөр хөгжилд хүрчихсэнд их гайхдаг.
Хөгжингүй Сингапурыг үндэслэгч Ли Куан Ю гээд эх орныхоо төлөө сэтгэлтэй, мундаг нөхөр байж. Энэ нөхрийн гол баримталсан зарчим нь манай улс шиг “Тийм юм өгөө ч, тэгээ ч” гэж гуйх биш “Бусдаас илүү чанартай, бусдаас хямд нийлүүлэх, эс бөгөөс мөхөх” гэдгийг баримталсан байгаа юм.
1959 онд Ли Ерөнхий сайд болоход тус улсын ДНБ нь 400 ам.доллар л бж. Гэтэл 30 жилийн дараа ЕС-аас буухад нь 12,200 ам.доллар болтлоо өсчихжээ.
Бар болсон бас нэг онцлог нь маш сайн алсын хараа, зорилгоо тун оновчтой тодорхойлсон амбиц байж. Тухайлбал, аж үйлдвэржсэн томоохон орнуудтай худалдаа хөрөнгө оруулалтаар холбогдсон чадварлаг үндэстэн болох, бараа үйлчилгээ мэдээллийг бүс нутагтаа түгээх томоохон төв болгохын төлөө ард түмэндээ сайтар ойлгуулж, нэгдэн зүтгэх байв.
Тэдний Батлан хамгаалахын сайд Кен Сви нэгэн илтгэлдээ “Өөрийн орны ба хөрш орнуудын хүн амын тоог харьцуулж үзээд ховсдуулсан мэт идэвхигүй байх нь яав ч ухаантай явдал биш” гэж онцолж байсан гэдэг.
Өөрөөр хэлбэл, “Бид бүгд бүтээхгүй л бол мөхнө” гэдэг зарчмыг хэлж.
Гэтэл манай Монгол Улсад яг тийм оновчтой алсын хараа, Азидаа, дэлхийд тийм улс болно гэсэн том амбиц, тодорхой зорилго бий билүү. Цаасанд бичээд хүнд зүйлээр дарчихсан эс бол би, та хэн ч ийм зүйлийг сайн мэдэхгүй байгаа. Хэрэв тийм зүйл тодорхой байгаа бол ард түмэндээ сайтар ойлгуулж зорилгын үнэ цэнийг бий болгох хэрэгтэй байна.
Ингээд ойлгуулахгүй байгаа учраас ард түмэн төрд хэтэрхий найдаад өөрсдөө зүгээр л шүүмжлэгч болчихсон хэрэг. Яг л тахиа шиг орилдог л ажилтай.
Харин бараг анх удаа "Алсын хараа 2050" гээд одоогийн Ерөнхий сайд Оюун-Эрдэнэ Засгийн газрын Хэрэг эрхлэхийн дарга байхдаа нэг юм дуугарч эхэлсэн.
Уг нь нэг товхимол ном гарсан сурагтай. Гэвч УИХ-ын гишүүдэд нэг нэг, өөр олдоцгүй сураг төдий буюу дараастай бичиг болон үлдсэн аж.