Presshub Mongolia

26/03/2024

✅⏳Иргэд бид 4 жил тутамд улс төрийн эрхээ эдэлж, ирээдүйнхээ төлөө сонголт хийдэг хариуцлагатай өдөр болоход ердөө 3 сар үлджээ. Монголчууд бид 1990 оноос хойш хууль тогтоох дээд байгууллагад иргэд биднийг төлөөлөх гишүүдийг 8 удаа сонгожээ. Энэ жилийн 6 дугаар сарын 28-ны Баасан гарагт бид 9 дэх удаагийн сонголтоо хийх нь. Өнгөрсөн 8 удаагийн сонголтоо өгөгдөлд суурилан эргэн нэг харвал ямар трэнд гарч ирэх бол?

📣Энэ талаар дэлгэрүүлэн ярилцахаар МУИС-ийн Улс төр судлалын тэнхимийн багш, доктор Д.Бадамдашийг 3 дугаар сарын уулзалтын зочноор бид уриад байна. Тэрээр The Asia Foundation Азийн Сангийн Залуучууд, эмэгтэйчүүдийн сонгууль, улс төрийн оролцоог идэвхжүүлэх нь хөтөлбөрийн хүрээнд хэвлэгдсэн “Монгол Улсын сонгууль 1992-2021” эмхэтгэлд судлаачаар ажиллажээ.

📚Уг эмхэтгэл нь УИХ-ын сонгууль дахь иргэдийн оролцоо, нэр дэвшигчдийн өрсөлдөөн, үр дагавар, нийтлэг ажиглагдаж буй хандлага гэх зэрэг сонирхолтой тоо баримтаар дүүрэн агаад, энэ талаар лавшруулж, сонгуультай холбоотой өгөгдлийн шинжилгээний өөр ямар төрлийн үйл ажиллагаа бидэнд нэн хэрэгтэй байгаа талаар санал бодлоо хуваалцахыг урьж байна.

Ирэх пүрэв гарагт буюу 3 дугаар сарын 28-ны өглөө 8.30 цагт IC tower оффисын 2 давхарт байрладаг Coffee Namu Mongolia кофе шопт уулзацгаая.

🙋‍♀️

01/12/2023

Mongolia & project
Media training for media team of OT
Байгууллагын хамт олонд зориулсан манай төвийн тусгай сургалт үргэлжилж байна.

18/11/2023

Нийтлэл бичиж сурах уу? мастeр класс сургалтын 7-р ээлжийн сургалт үргэлжилж байна. Амралтын өдрөө зориулан оюундаа хөрөнгө оруулахаар манай сургалтыг зорьж ирсэн суралцагчиддаа баярлалаа

15/11/2023

💡НИЙТЛЭЛ БИЧИЖ СУРАХ УУ?💡

📢 2023 оны намрын сургалтаа зарлаж байна.

Сургалтын хөтөлбөрийг боловсруулахдаа:
- Данийн Орхусын Их сургуулийн аргачлал
- НҮБ-ын ЮНЕСКО-ын боловсруулсан "Эрэн сурвалжлах сэтгүүл зүйн" сургалтын 2021 оны модуль
- Герман улсын DW академи
- Mark Lee Hunter багшийн"Story based inquiry" гарын авлагаас боловсруулсан сургалтын модуль
- АНУ-ын Media Insite хөтөлбөрийн судалгааны үр дүн
- Их британи, Америкийн нэрт эрдэмтэн Stephen Toulmin- ы нотолгооны онол болон бусад эх үүсвэрээс эх авч, 12 үндсэн сэдэв, дасгал ажил, хэлэлцүүлэг, тоглоомын аргад суурилсан.

Сургалтын төрөл: Нэг өдрийн танхим интерактив сургалт. Нэг бүтээл дээр Chimedee Tsegmid багш менторшип хийх эрх дагалдана.

🔔 Суудлын тоо 10

⏰️Cургалтын огноо: 2023.11.18 09:00-18:00
Бүртгүүлэх холбоос: https://forms.gle/VJoiU3EzgH3hLGDMA
Холбоо барих болон лавлах: 80836353
E-mail: [email protected]

Media/news company

11/10/2023

Жил бүрийн 10 сарын 11-ний өдрийг "Олон улсын охин хүүхдүүдийн өдөр" болгон Нэгдсэн Үндэстний байгууллагаас тунхаглаж, тэмдэглэж ирсэн.
Энэхүү өдрийг хүний эрхийн байгууллагууд охидын хүйсээс хамаарч буй жендерийн тэгш бус байдлыг халах, тэгш байдлын талаарх ойлголтыг нэмэгдүүлэхэд олон нийтийн анхаарлыг хандуулах байдлаар 2012 оноос тэмдэглэж ирсэн.
💢Дэлхий даяар 5-14 насны охид ижил насны хөвгүүдээс 160,000,000-аар илүү цагийг гэрийн ажилд зарцуулдаг.
💢Дэлхий даяарх олон охид бэлгийн хүчирхийлэлд өртөмтгий байдаг бөгөөд хүчирхийлэл үйлдэгсэд нь шийтгэл хүлээдэггүй
💢Дэлхий дахинд дөрвөн охин тутмын нэг нь 18 нас хүрээгүй байхдаа хүчээр болон заншлын улмаас гэрлэж байна

✅Охид бүр хил хязгаар, саад бэрхшээлгүйгээр боловрол эзэмших эрхтэй
✅Охид бүр хүчирхийлэл, хүсээгүй гэрлэлтээс ангид байх эрхтэй
✅Охид хүсээгүй хөдөлмөрөөс ангид байх, тэгш ахуйн нөхцлөөр хангуулах эрхтэй
✅Охид үгээ хэлэх, үзэл бодлоо илэрхийлэх эрхтэй

Охидоо хүчирхэгжүүлье! Empower the girl child!

Media/news company

25/08/2023

Конрад -Аденауэрийн сан, Монгол Улсын Их сургуулийн Улс төр судлалын тэнхимийн хамтарсан Улс төрийн мэдээлэл харилцааны магистрийн хөтөлбөрийн төгсөгч Б.Бадамцэцэг:
Конрад -Аденауэрийн сан ардчиллыг бэхжүүлэхэд чиглэсэн олон төсөл хөтөлбөр хэрэгжүүлж ирсний нэг нь Улс төрийн мэдээлэл харилцааны магистрийн хөтөлбөр юм. Энэ хөтөлбөр улс төрийн коммуникацийн ахисан түвшний мэдлэг олгож, судалгаа шинжилгээний магистрын зэрэг олгодгоороо онцлог юм. Хөтөлбөрийн төгсөгчид цаашид ардчиллыг бэхжүүлэхэд үнэтэй хувь нэмэр оруулна гэдэгт итгэлтэй байна.

25/08/2023

Улс төрийн боловсролын академийн анхны багш Б.Баярмаа: Улс төрийн боловролын академийн Хөвсгөл аймагт дахь салбарын багшаар ажиллаж байхад “Ардчиллын хичээл” заана гэхээр Ардчилсан намынхан явж байна гээд орон нутгийн иргэдээ суулгадаггүй байсан. 30 жилийн дараа харахад Монгол ардын нам ч ардчиллыг хүлээн зөвшөөрсөн. Ардчилал гэдэг бол аль нэг намын үнэт зүйл, өмч биш.

25/08/2023

Хуульч С.Халиунаа:
Ардчилал гэж юу вэ? Ардчиллыг хангахын тулд ямар институциүд байдаг вэ гэдгийг ойлгож байж иргэд хувь нэмрээ оруулж чадна. Олон нийт хууль тогтоох процесс дээр илүү их анхаарлаа хандуулах шаардлагатай байна.

25/08/2023

“Өөрчлөлтийн төлөөх эмэгтэйчүүд” ТББ-ын зөвлөх Х.Номингэрэл:
Ардчилал бол зөвхөн сонгууль биш юм. Ардчилал ялсан намын гишүүдэд үр ашгаа өгдөг биш нийт иргэдэд үр ашгаа өгдөг систем байлгая гэвэл хүний эрх, тэгш бус байдалд анхаарах шаардлага үүсэж байна.

25/08/2023

Архангай аймгийн Ардчилсан намын дарга М.Батжаргал:
Архангай аймгийн Ардчилсан нам 2017 оноос хойш Конрад -Аденауэрийн сантай хамтран ажиллаж байна. Тус сангийн төсөл хөтөлбөрүүд нь Ардчилсан намын гишүүдийг чадавхжуулах, сонгогчдын боловсролыг дээшлүүлэхэд чухал түлхэц болсон.

25/08/2023

ХҮН-ын дэд дарга Б.Найдалаа:
Ардчилал бол зүгээр нэг гарчиг төдий зүйл биш Монгол Улсын тусгаар тогтнолын баталгаа юм.

25/08/2023

Доктор, профессор Ш.Батсүх:
Хаа нэг газрын ардчиллыг нутагшуулах биш Монгол хүний санаа, сэтгэлгээ, түүх соёл, уламжлалд тулгуурласан ардчиллыг Монголд хөгжүүлэх хэрэгтэй.

25/08/2023

Конрад-Аденауэр сангийн Европ, Олон улсын хамтын ажиллагааны газрын Ази, Номхон далайн орнууд хариуцсан хэлтсийн дарга Кристиан Эхле:
Монголын хамгийн том онцлог бол газарзүйн байршил. Монголын ардчилал бидний гайхшралыг төрүүлээд зогсохгүй маш том зориг өгдөг. Өнгөрсөн 30 жилийн хугацаанд бид олон салбарт хамтын ажиллагааг өрнүүлж чадсан байна.

25/08/2023

Конрад-Адэнауэр сангийн Монгол дахь суурин төлөөлөгч Виктор Франк:
Сүүлийн 30 жилийн Ардчиллыг эргэн харах чухал ач холбогдолтой чуулган болж байна. Энэ хугацаанд олон хууль эрх зүйн өөрчлөлт, дэвшил гарсан. Мэдээж Ардчиллын ололтыг дүгнэх болоогүй, цаашид хийх ажил их байна. Монголд Ардчиллыг бэхжүүлэх үйлсэд хамтардаг хамтрагч байгууллагууддаа баярлалаа.

25/08/2023

Б.Дэлгэрмаа /Улс төрийн боловсролын академийг үүсгэн байгуулагч/
-Улс төрийн боловсролын академи, Конрад Аденауэрийн сан Монголын ардчилал, хэвлэл мэдээллийн эрх чөлөө, улс төрийн боловсролыг хүн бүрд олгохын төлөө чухал үүрэг гүйцэтгэсэн. Үе үеийн улс төрчид манай улс төрийн боловсролын академиас төрөн гарсан байдаг.

25/08/2023

Монгол дахь Конрад-Адэнауэр сангийн 30 жилийн ойд зориулсан "Ардчиллын VII чуулган: Монголын Ардчилал өчигдөр ба өнөөдөр" үргэлжилж байна.
Чуулганы үеэр "Монголын Ардчилал өчигдөр ба өнөөдөр" сэдвээр Монгол Улсын 27 дахь Ерөнхий сайд С.Баяр илтгэл танилцуулсан юм.

Илтгэлийг Ерөнхий сайд асан С.Баяр эхлүүлэв. Түүний илтгэлээс тоймлон хүргэе.

Нэг.

Монголын ардчилал сэдвийг богино хугацаанд багтааж ярих боломжгүй юм. Гэхдээ Монголын ардчиллын тухай өөрийн саналаа хэлье гэж бодлоо. МУИС-ийн Улс төр судлалын тэнхимийн судалгаанд дэлхийд ардчиллын гурван давалгаа байдгийг дурдаад эхний давалгаа 1828-1926 он, дараагийн давлагаа 19₮3-1963 он, гурав 1974-1990 онд болсон гэж тодорхойлжээ. Энэхүү судалгаанд манай улсыг сүүлийн давалгаанд багтаж, ардчилсан улсын тоог нэгээр нэмсэн гэж дүгнэсэн. Дүгнэлттэй зарчмын хувьд маргахгүй. Харин ардчиллын давалгаанд өртсөн гэж хэлэх нь ардчиллаа муруй дорой цогцлоон байгуулж буй өнөөгийн монголчууд аль нэг давагдашгүй хүчин зүйлд автсан мэт, арай л ингэхгүй байр сууринд байсан юм шиг найруулжээ. Би үүнийг буруу ойлгосон байж болно. Миний хувьд манай улс ардчиллаа богино хугацаанд идэвхтэй эхлүүлсэн гэж боддог. Ингэснээр манай нийгмийн хэд хэдэн онцлогт нөлөөлсөн болов уу. Бид Ази тивд байршилтай, тивийн өнө эртний улсуудын нэг. ХХ зуунд улс төр, эдийн засаг, бусад хамаарлын хувьд социалист лагерын салшгүй хэсэгт болсон байсан. Тэр утгаар авч үзвэл Азийн амьдрал харилцаанаас хол явж ирсэн. Харин ЗХУ, зүүн Европын улс төр, нийгмийн үйл явцад ойр бөгөөд сайн мууд өртөмхий байлаа. Иймд тухайн бүс нутагт өрнөж байсан үйл явдлууд манай нийгэмд дам бус шууд нөлөө үзүүлж байсан.

Хоёр.

Манай хүн амын 70 орчим хувь нь 35-аас доош насныхан. Залуус аливааг шинэ соргогоор хүлээж авдаг онцлогтой. Тэр тусмаа 1950-аад оноос хойш ЗХУ болон зүүн Европ руу залуусыг сургахаар илгээсэн. Тэд мэргэжил эзэмшихээс гадна олон үйл явдлын гэрч болсон. Энэ мэт зүйлс монголчууд ардчиллаа эрчимтэй эхлүүлэх нэг хөшүүрэг болсон юм. Үүний үр дүнд Монгол Улс Ази тивийн социалист орнуудаас анх удаа олон намын тогтолцоотой, эрх мэдлээ хуваарилдаг, ардчилсан улс болсон. Том гүрэнтэй хил залгаа байршлаасаа болж хавчигдсан байдалтай явж ирсэн бидний хувьд эрх чөлөө, тусгаар тогтнол, бие даасан байдал гэдэг чухал байсаар ирсэн. Одоо ч хэвээр. Монголчуудын эрх чөлөөгөө эрэлхийлсэн үндэсний сэтгэлгээ байдаг болов уу гэж боддог. Бид нүүдэлчин уламжлалтай. Олон мянган жилийн турш нүүдэлчид байгалийн хуулиас өөр хуульд, дээрээс эсвэл гаднаас тулгасан зохион байгуулалтыг хүлээн зөвшөөрөх тун дургүй ард түмэн байсан. Монголын нүүдэлчид овог аймгийнхаа хүрээнд ах захаа дээдэлж амьдраад асуудлаа олноороо цуглан хэлэлцдэг уламжлалтай. Энэ уламжлалын дагуу Их Монгол улсаа байгуулж, Эзэн Чингис хаанаа сонгуулиар тодруулж байлаа. Орчин цагийн хэлээр хэлбэл, 800 жилийн тэртээ монголчууд бүх үндэстнийхээ хэмжээнд хуралдаж, төрийн тэргүүнээ сонгож байсан гэсэн үг. Ард олны, иргэдийн төлөөллийг хангах, төрийн тэргүүнээ сонгуулийн аргаар тодруулах, өнөөдөр бидний ярьж буй ардчилсан үзэл санаа, суурь зарчим, чухал элементэд нийцнэ. Ингэж хэлснээрээ би Чингис хааныг ардчилсан үзэлтэй байсан гэж нотлохыг хүсэхгүй. Гэхдээ өнөөдөр дэлхий дээр хүлээн зөвшөөрч буй төлөөллийн зарчим, сонгууль өвөрмөц хэлбэрээр хэрэгжиж байсан түүх нь энэ.

Гурав.

Нүүдэлчид прагматик хандлагатай, сэтгэлгээтэй. Ахуйд нь юу хэрэгтэй байна, түүнийг авч хэрэглэнэ. Өргөн уудам тал нутгийг нэгтгэн захирах их хааныг цэрэг зэвсгийн хүчээр эсвэл түрэмгийллээр тохоон томилж байсан удаа бий. Гэвч тэгж байгуулсан төр засаг удаан насалдаггүй байсан. Хоорондын ашиг сонирхлоос болж бие биенээ хядах, бусдын идэш болж ирснийг түүх гэрчилнэ. Тийм ч учраас хүчээр бус эвээр, дарангуйллаар биш зөвшилцлөөр, тулгалтаар биш сонгуулиар байгуулах ёстой гэдгийг талын нүүдэлчид эрт дээр үед шийдэл болгосон.

Дөрөв.

Мөн КАС-ийн дэмжлэгтэйгээр хийсэн судалгааны бүтээлээс иш татъя. Олон зуун жил оршин тогтносон эзэнт гүрнүүд ардчилсан шинжтэй байсан эсэх тавигддаг. Ардчиллыг орчин үеийн либерал үзэл баримтлалын үүднээс авч үзвэл ардчилал байгаагүй. Харин бидний ярьж буй ардчилал бол хүний заяамал хийгээд төрийн оршлын гол шинжийг илэрхийлсэн хийсвэр ойлголт. Төр ба ардчиллын үзэл санааг салгаж үзэх боломжгүй гэсэн үзэл баримтлалын үүднээс бол өвөрмөц ардчилал байсан гэж дүгнэсэн.

Тав.

Асуудлыг олноороо хэлэлцэн шийдвэрлэдэг нүүдэлчдийн арга, зарчим бол өнөөгийн Монгол Улсад ардчиллыг тогтоон хэвшүүлэхэд түүхэн чухал суурь болсон. Энэ бол монголын ардчиллын онцлог. Өнөөгийн Монгол Улс ардчилсан реформыг амжилттай эхлүүлсэн, өргөжүүлж байна. Монгол Улсын хүн ам КАС-г Монгол Улсад суурин төлөөлөгчийн газраа нээж байхад 2.2 сая хүн амтай байлаа. 30 жилийн дотор 3.5 сая хүнтэй боллоо. Нэг хүнд ногдох ДНБ 1993 онд 365 доллар байлаа. Харин 2022 оны байдлаар 5033 доллар болж өслөө. Ийм сайны жишээ байгаа ч муугийн жишээ бий. Шинэ Монголын ардчилсан үйл явц авлига, хээл хахууль, хавтгайрсан халамж, архидалт, шударга бус шүүх гээд олон бэрхшээлтэй тулгарч байна.

Media/news company

25/08/2023

Д.Амарбаясгалан Засгийн газрын хэрэг эрхлэх газрын дарга
Үндсэн хуулийн нэмэлт өөрчлөлт, парламентийн гишүүний тоог нэмэх, төлөөллийн ардчиллыг бэхжүүлэхэд гарсан санаачлагыг ХБНГУ-аас Монгол Улсад тогтвортой үйл ажиллагаа явуулж байгаа улс төрийн сангууд, улс төрийн үзэл баримтлалыг үл харгалзан ардчиллыг хөгжүүлэх нэгдсэн зарчим дээр нийцэж хамтдаа хэлэлцүүлэг хийж, Германы судлаач, мэргэжилтнүүдээс зөвлөмж, дүгнэлт хийлгэж ирсэн нь бидний ажилд дөхөм болж байдаг.

25/08/2023

М.Энхбат /Улс төрийн боловсролын академийн тэргүүн асан/
Монгол Улс дах Конрад Аденауэрийн сан болон Улс төрийн боловсролын академи Монгол Улсын ардчилсан хөгжилд үнэтэй хувь нэмэр оруулсан.

25/08/2023

Ардчиллын VII чуулган болж байна.
ХБНГУ-ын Конрад Адэнауэрын сангийн 30 жилийн ой: Ардчиллын 7-р чуулганыг нээж ЗГХЭГ-н дарга Д.Амарбаясгалан, Eрөнхийлөгчийн зөвлөх Б.Одбаяр, Конрад Адэнауэрын сангийн Eвроп, Олон улсын хамтын ажиллагааны газрын Ази номхон далайн орнууд хариуцсан хэлтсийн дарга Кристан Эхлe, Монгол дахь Конрад Адэнауэрын сангийн суурин төлөөлөгч Виктор Франк нар тус чуулганыг нээж үг хэллээ.

25/08/2023

Ж.Батчимэг: КАСПЕК төгсөгчдийн холбооны тэргүүн
Монгол Улс дах Конрад Аденауэрийн сангийн Улс төрийн манлайллын хөтөлбөрт 140 гаруй залуус хамрагдсан байдаг. Тус хөтөлбөрийн төгсөгчид холбоо байгуулж сар бүр тогтмол үйл ажиллагаа явуулж байна.

25/08/2023

Өнөөдөр Монгол дахь Конрад-Адэнауэр сангийн 30 жилийн ой, Ардчиллын VII чуулган болж байна. Монгол улс төлөөллийн Ардчиллыг сонгож, байнгын ажиллагаатай Парламенттай болсноор 33 дахь жилтэйгээ золгох энэхүү хугацаанд Конрад-Адэнауэр сан Ардчиллыг дэмжих, бэхжүүлэх чиглэлд тогтмол хувь нэмрээ оруулж ирсэн юм.
Конрад-Адэнауэр сангийн хамт олондоо 30 жилийн ой баярын мэнд хүргэе.
Прессхаб төв "Ардчиллын VII чуулган"-ы үйл ажиллагааг шууд мэдээллэн ажиллаж байна.

Ардчиллын VII чуулга: Монголын Ардчилал өчигдөр ба өнөөдөр
Хурлын чиглүүлэгч: Профессор Ш.Батсүх
14:30- Нээлт
15:00- Мэндчилгээ
15:20- "Монголын Ардчилал: Өчигдөр ба өнөөдөр" илтгэл
16:00- Дурсгалын зураг
16:30- Панел хэлэлцүүлэг: "Монголын Ардчиллын Ирээдүй"
17:50- Видео танилцуулга: "Конрад-Адэнауэр сан Монгол Улсад 30 жил"
18:00- Талархал/хаалтын үг
18:30- Хүлээн авалт

28/05/2023

Байгууллагад зориулсан мэдээлэл харилцааны стратeгийн сургалт үргэлжилж байна. Удирдлагын багт зориулсан тусгайлсан хөтөлбөртэй энэхүү хөтөлбөр байгууллагын коммуникацыг сайжруулахад чиглэдэг. Хамтран ажилладаг байгууллагууддаа ажлын амжилт хүсьe.
Сэтгүүл зүй, мэдээлэл харилцааны Presshub төв

25/05/2023

ХБНГУ-ын Конрад Адэнауэрын сангаас МУИС-н Улс төр судлалын тэнхимтэй хамтран жил бүр зохион байгуулдаг "Улс төрийн сэтгүүл зүй" хөтөлбөрт Прессхаб төв хамтран ажиллаж байна. Прессхаб төвийн Гүйцэтгэх захирал Г.Ариунболор "Улс төрийг мэдээлэх сэтгүүл зүйн өнөөгийн байдал" сэдвээр оролцогчдод сургалт орлоо.
Нийт оролцогчдодоо амжилт хүсье.

04/05/2023

Монголын дата клуб, Прессхаб төвийн хамтын ажиллагаа
Дата клубээс зохион байгуулсан "ТӨХК-ийн өгөгдөлд нэвтрэхүй" хөтөлбөрт манай төвийн сургагч багш нар хамтран ментор болж, бүтээл туурвилаа.

30/04/2023

Манай төвийн ээлжит байгууллагын сургалт өнөөдөр болж байна.
Амралтын өдрөө сурах, мэдэх, шинэ ур чадвар эзэмшихэд зориулж байгаа Landbridge LLC-н хамт олонтой энэ өдрийг өнгөрөөнө.

Presshub Mongolia Landbridge

28/04/2023

Барилга, хот байгуулалтын салбар мэргэшсэн инжeнeрийн дутагдалд ороод байна. Өнгөрөгч оны статистик тоон мэдээнээс үзэхэд 2022 онд барилгын усан хангамжийн инжeнeрийн анги элсэлтгүй болж, хаагджээ. Энэ байдал цааш үргэлжилвэл 2024 он гэхэд дотоодын төгсөгчид уг салбарын ажиллах хүчний эрэлтийн 25 хувийг л хангана. Манай төвийн Гүйцэтгэх захирал Г.Ариунболорын барилгын салбарт тулгамдаж буй асуудлыг хөндсөн нийтлэл www.ikon.mn сайтад нийтлэгджээ.
https://ikon.mn/n/2ulg

"Улсын хэмжээнд барилгын салбарын хүний нөөц хомсдож, энэ төрлийн мэргэжлийг сонгон суралцагчдын тоо жил ирэх тусам буурч, 2024 он гэхэд дотоодын их, дээд сургуулийг ...

28/04/2023

Монголын дата клубын "ТӨК-ийн өгөгдөлд нэвтрэхүй" хөтөлбөрт Прeссхаб төвөөс зөвлөх, сургагч багш Ц.Чимэддондог, Д.Мөнхчимэг нар сургагч, мeнтороор ажилласан юм. "Тавантолгойд залгиулсан дөрвөн толгой ба дүр эсгэсэн ТУЗ" дата сэтгүүл зүйн бүтээлээ сэтгүүл, шинжээч, рeдакторууд хамтран олон нийтэд танилцууллаа. Mongolian Data Club

28/04/2023

Mongolian data club-н сургалтын оролцогчдод Прeссхаб төвийн зөвлөх, сургагч багш Д.Мөнхчимэг мeнтороор ажилласан юм :)

Энэхүү нийтлэлийг “Нээлттэй нийгэм форум” ТББ, олон улсын “Open extractives” төслийн дэмжлэгтэйгээр Монголын дата клубын хэрэгжүүлсэн…

04/04/2023

Манай төвийн зөвлөх багш Ц.Чимиддондог "Шүгэл үлээгчийн эрх зүйн байдлын тухай" хуулийн төслийн талаар байр суурь болон олон улсын зохицуулалтын сайн жишгийн талаар Өдрийн сонинд ярилцлага өгчээ. Тус хуулийн төслийг Улсын Их Хурлын хаврын чуулганаар хэлэлцэх юм.

Ц.Чимэддондог: Д.Мөнх-Эрдэнэ, цэнхэр үст Цэрэн, No war хөдөлгөөнийхөн одоогоор шүгэл үлээгч гэх тодорхойлолтод хамаарахгүй DNN.mn
http://dnn.mn/post/129715/