https://www.facebook.com/104983658573232/

Jigjiga post, Main Street, Jijiga (2024)

28/02/2024

Kenya iyo Itoobiya oo heshiis iskaashi kala saxiixday ayaa isla meel dhigey:

"Waa in la ixtiraamo lana dhawro madax-bannaanida iyo wadajirka dhuleed ee dawladaha, iyo in la diido isbeddellada ama faragelinta dawladeed ee aan dastuuriga ahayn iyo sidoo kale faragelinta hannaanka siyaasadeed ee gudaha dalalka Afrika".

06/02/2024

Maayarka cusub Eng shaafi waanu salaamaynaa

03/07/2023

Astaamaha ay wataan Xulalka Gobolada DDS.

27/08/2022

Golaha fulinta caasimada ayaa maanta ansixiyay qorshaha sanadka 2015 t.i. ee xafiisyada magaalada

Sabti 21 Nehase/2014( Xiriirka warfaafinta xafiiska duqa caasimada)
Masuuliyiinta maamulka magaalada ayaa maanta ka dooday qorshaha miisaaniyada xafiisyada kala duwan ee sanadka 2015 t.i

Xafiiska maaliyada maamulka magaalada jigjiga ayaa soo bandhigey qorshaha miisaaniyada ee xafiis kasta oo kamida magaalada waxyaalaha u qorshaysan iyadoo dibu eegis lagu sameeyay qorsheyaasha qaarkood

Dood iyo falanqayn dheer kadib, gudiga fulinta magaalada ayaa ansixiyey qorshaha miisaaniyada sanadka 2015 t.i ee xafiisyada maamulka magaalada.

20/08/2022

Gargaarka gurmadka deg-degga ah ee barakacayaasha galbeedka gobolka Siti oo cir iyo dhulba loo marayo ayaa wali socda.

Xasan Reebe oo ah masuulka gobolka Siti u jooga Xafiiska Maareynta Khatarta Masiibooyinka DDS oo SRTV u waramayay ayaa sheegay in 12 jeer ay gaadhsiiyeen gurmad deg-deg ah barakacayaasha galbeedka gobolka Siti kuwaasi oo lagu gaadhsiiyay diyaaradaha sida qumaatiga ah ukaca iyo gawaadhi, waxaana noo qorsheysan in gurmadkaasi aanu sii wadno muddooyinka soo socda ayuu yidhi.

Bariis, sonkor, saliid, galay, daqiiq iyo boorash ku wajahan barakacayaasha galbeedka gobolka siti ayaana hadda laga raray bakhaarka.

Srtv

10/06/2022

Kenya Oo Sheegtay Inay Dib U Bilaabayso Dhoofinta Jaadka Ee Dalka Soomaaliya

Wasiirka Beeraha dowlada Kenya Peter Munya oo saxaafadda la hadlay maanta ayaa sheegay in madaxweynaha cusub ee Soomaaliya, Xasan Sheekh Maxamuud uu aqbalay inuu qaado xayiraadihii uu dalkiisa saaray qaadkii ka imaan jiray Kenya.
Peter Munya ayaa sheegay maxadweyne Kenyatta uu kala hadlay xayiraada saaran qaadka Kenya dhiggiisa Soomaaliya, Xasan Sheekh Maxamuud.

Munya ayaa ugu baaqay ganacsatda qaadka inay is diyaariyaan madamaa loo furi doono suuqa Soomaaliya.
Waxana uu sidoo kale sheegay in Soomaaliya loo oggolaan doono in kalluunkeeda ay u suuqgeyso Kenya,isla markaana loo fududeyn doono dal-ku-galka Soomaalida Imaneysa Kenya.
Dowladdii uu madaxda ka ahaa Maxamed Cabdulaahi Farmaajo ayaa hakisay duulimaadyada qaadka ee Kenya sanadii 2020 ka sababa la xiriira xanuunka Covid-19, balse xayiraadaasi ayaan la qaadin iyadoo ay jireen khilaaf dhinaca diblomaasiyadda oo u dhexeeyay labada dal.

Xigasho:- jawhar.com

Jigjiga Post

25/05/2022

Isu soo noqod wanaagsan

30/04/2022

: Warar lagu kalsoonyahay ayaa sheegaya in madaxweyne Farmaajo iyo Fahad Yaasiin ay dhisayaan musharrax Xasan Cali Khayre oo u tartamaya xilka madaxweynaha Soomaaliya.

Villa Somalia ayaa dadaal badan ku bixinaysa taageeridda musharrax Xasan Cali Khayre kadib markii ay yaraatay rajada dib loogu dooran karo madaxweyne Farmaajo.

Fahad Yaasiin ayaa aaminsan in uu mar kale mulkiile ka noqon doono dowladda cusub haddii Xasan Cali Khayre ku guulaysto xilka madaxweynaha Soomaaliya.

Fahad ayaa lagu tilmaami jiray mulkiilaha dowladda hadda jirta ee Soomaaliya ka hor intaan Ra’iisul wasaare Rooble awood-tirin.

Dhinaca kale weli ma cadda in madaxweyne Farmaajo mar kale u tartami doono xilka madaxweynaha xilli Villa Somalia ay raja xuma ka qaadday doorashadii guddoonka labada ee Baarlamanka dalka.

Jigjiga Post.

27/04/2022

: Liiska Xildhibaannada Golaha Shacabka ee dooranaya Guddoonka cusub ayaa loo gudbiyay Hawlgalka Nabad Ilaalinta Midowga Afrika ee ATMIS oo mas’uul ka ah Amniga Teendhada lagu qabanayo Doorashada.

Warar lagu kalsoon yahay ayaa sheegaya in Liiska Xildhibaannada loo gudbiyay Hawlgalka ATMIS ay ku jiraan 16 xubnood oo dhowaan lagu doortay degmada Ceelwaaq ee Gobolka Gedo.

Xubin kamid ah Guddiga Doorashooyinka heer Federaal ee FEIT ayaa noo xaqiijiyay in 16 Xubnood ee lagu soo doortay Ceelwaaq ay ku jiraan Liiska rasmiga ah ee Xildhibaannada dooranaya Guddoonka cusub.

Mar aan wax ka weydiinay sida laga yeelayo 16-ka Xildhibaan ee la sheegay in lagu doortay Garbahaarrey ayuu ku jawaabay “ Ciddii Facebook ku qortay ayaa la weydiinayaa sida laga yeelayo. Kuraastii Gedo waa la doortay waana 16-ka kursi ee ka soo baxay Ceelwaaq."

Tallaabadan ayaa ku soo beegantahay xilli lagu wado in saacadaha soo socda la qabto Doorashada Guddoonka Golaha Shacabka oo uu hareeyay khilaaf la xiriira 16-ka kursi ee Gobolka Gedo.

Jigjiga Post

25/04/2022

Qoraal ka soo baxay Howlgalka Midowga Afrika ee ATMIS, ayaa lagu sheegay in bandow socon doona mudda dhawr cisha ah lagu soo rogay xarunta Xalane iyo guud ahaan garoonka diyaaradaha Aadan magaalada Muqdisho.

Qoraal ayaa lagu sheegay in laga bilaabo 25 ilaa 28 bishan April aynu ku jirno ay xaalad bandow ay ku soo rugeen xeyndaabka garoonka Aadan Cadde.

Bandowgan ayaa saameyn doona dhammaan goobaha ay degan yihiin ATMIS, xarumaha UN-ka iyo dhammaan safaardaha degan gudaha garoonka dayuuradaha.

Bandowgan ay ATMIS ku dhawaaqday ayaa waxaa ay ku soo beegantay qabashada doorashada Guddoonka golaha shacabka oo la qorsheeyay in ay ka dhacdo teendhada
Jigjiga Post

08/04/2022

Ramadaan kariim Dhamaan umada Muslimiinta ah.

22/03/2022

hadaan dib idiin xusuusiyo bishii march 2021 ethiopia waxay samaysatay barnaamijkan cloud sending .

Cloud Seeding - hadii aan idiin faahfaahiyo waa hab loo maro in daruuraha lagu duro kiimikooyin ama lagu shubo koronto si loo abuuro roob been abuur ah.

Kimikooyinka sida silver iodide, potassium iodide, iyo baraf qallalan ayaa loo soo diraa jawiga iyada oo la adeegsanayo helicopters 🚁 ama diyaarado kale ama in dhulka laga toogto .

Marka qaabkan la sameeyo waxay soo jiitaan uumiga biyaha ee hawada, taasoo keenta samaynta daruuraha cumulonimbus iyadoo badanaa sidaa Roob ku noqota .

Waxay isku dayayaan inay maamulaan socodka dabiiciga ah ee cimilada iyo dariiqa daruurraha laakiin tani waa jid-gooyo xirfadaysan, ka soo qaad in waddan uu ku dhex jiro qariiradda map mideeya dhowr wadan , laakiin gobolka xeebta ahi wuxuu adeegsadaa hababkan oo kale si uu u 'duro' daruuraha ka hor inta uusan gaarin waddanka gudaha. hadaba soo lama odhan karo waa tuugo daruurihii xaday ?
Aqoonyahankii soomaaliyeed maalinka dhawayd lahaa roob baa la xaday cilmi jira ayuu ka hadlayay lkn dadkii qaarkii riwaayad bay u arkayeen

Hadaba daruuraha ma la kala xadi karaa ? Jawaabtu waa haaa.Lakiin yaa iska leh oo laga xaday daruuraha Ilaahay ee cirkaa iska maraya? Waa su’aal in la is waydiiyo muhiim tahay

W/Q Nimcaan Cabdiraxmaan
JIGJIGA POST

09/03/2022

Habeen wanaagsan dhamaan asxaabta

22/02/2022

Garabkii sixitaanku miyay dameen?
Mise way jugaysteen?

16/02/2022

Golaha Hawl-fulinta DDS ayaa kulankoodii caadiga ahaa oo ay yeesheen kaga hadlay qorshayaal kala-duwan islamarkaasina ku ansixiyay.

Kulankan Golaha hawl-fulinta DDS ayaa waxaa horyaallay qorshayaal kala ah:

1. Ansixinta war-bixinta 6-dii bilood.
2. Ansixinta misaaniyadda dheeriga ah
3. Ansixinta bayaanno kala-duwan oo kala ah:

1.Bayaanka komishinka booliska asluubta.
2.Bayaanka aas-aaska mac'hadka tababarka hay'adaha cadaaladda.
3.Bayaanka dib loo habeeyay ee maamulka maliyadeed.
4.Bayaanka go'aaminta canshuurta Exice-ka DDS.

5.Bayaanka canshuurta turn over-ka DDS
6.Bayaanka canshuurta timbaraha DDS.
7.Bayaanka dib loo habeeyay ee wax ka baddelka awoodaha iyo wajibaadka xafiisyada fulinta.
8.Bayaanka meel marinta misaaniyadda daynta.

Markii uu kulankani soo gaba'gaboobey waxaa war-bixin naga siiyay Wasiirka Xafiiska War-faafinta DDS, mudane C/qaadir Rashiid Ducaalle oo sheegay in kaddib markii ay Golaha Hawl-fulintu si qoto-dheer uga doodeen qorshayaashani horyaalley ay ansixiyeen lana hor-geyn doono Golaha Baarlamaanka ee Deegaanka.

15/02/2022

Waxay bahda Jigjiga post tacsi u diraysaa eheladii iyo qaraabadii ay kabexeen laboda wiil ee maanta sida qaladka ah ciidanku ugu dileen D/Awbare.
Xukuumadana waxaanu kacodsanaynaa inay sharciga horkeento ciidamadii dilay.

11/02/2022

Tababarkii hogaaminta sare ee xisbiga barwaaqo oo u socday mudo afartii maalmood ee lasoo dhaafay ayaa maanta lasoo gabagabeeyay

Xafiiska xarunta Dhexe ee xisbiga barwaaqo ayaa sheegay in hoggaaminta sare ee xisbiga barwaaqo ee qadatay tababarka uu ka caawin doono sidii ay u gudan lahaayeen waajibaadka shaqo ee loo igmaday isle markana ay abuuran howlkarnimo sido kale na bixiyaan adeega hufan oo bulshado
waxayna hogaamintu ay si buuxda uu balanqaaday in ay si hufan uu gudan doonto u adeegida danaha bulshada iyo ka midho dhalinta hawlaha suugnanta aminiga iyo horumarinta maamulka sinaan iyo jawaaba buuxda ka bixin doona su'aalaha bulshada ee adeeg bixinta

Kulamo isku mid ah oo lagu kobcinayo tayada shaqada iyo garaadka hogaanta xisbiga barwaaqo ayaa lagu qabtaa qab dhismeedyada ka jira dhammaan deegaanada iyo maamul magaalooyinka dalka

10/02/2022

Muxuu salkakuhayaa kacdoonka qaybo kamid ah PP?

31/01/2022

"99% boqolkiiba ayaan xallinnay dhulkii la isku haystay magaalada Jig-jiga 3-dii sano ee la soo dhaafay", inj. Shaafi Axmed, maareeyaha Maamulka Magaalada Jig-jiga.

Maareeyaha Maamulka Magaalada Jig-jiga Inj. Shaafi Axmed ayaa sheegay in dhulkii la isku qabsan jiray ee magaalada Jig-jiga ay xalliyeen 99% boqolkiiba, dhulkaas oo maamulkii h**e nidaam khaldan u bixiyeen.

Dhammaan guryaha xaafadaha Garab-case iyo xaafadda 12aad ayaa xujadahoodii dib loo cusboonaysiiyay, kuwaas oo ka mid ah ahaa xaafadaha is qabqabsiga u badan abuuray isbaddelkii kaddib. Inj. Shaafi Axmed ayaa sheegay in dhibaatada maamulkii h**e ay ka dhaxleen ee dhanka dhulka ay ka mid ahaayeen in ay arkeen illaa 5 qof oo 1 boos xujad u haysta.

Ugu dambayn, maareeyaha ayaa bulshada ugu baaqay in ay ka digtoonaadan dhulka aan qorshe-hagaha lahayn, iskana ilaaliyaan goobaha waddooyinka iyo danta guud ah.

26/01/2022

Madaxwayne Sahle-warqi Zewde ayaa 27 Safiir Magacawday.

Addis ababa, Tir 18/2014 (XWDDS) Xafiiska Madaxwaynaha JDFI ayaa sheegay in Madax wayne Sahle-warqi Zewde ay 27 Safiir oo 16 kamid ah ay Safiiro buuxa yihiin, 11ka kale ay Safiiro yihiin magacawday.

Hadaba Safiirada buuxa ee lamagacaabay ayaa kala ah sidan soosocota፦

1.Mudane Tafera daribew
2.Mudane des dhaalke
3.Dr Sulashi beqele
4.Jeneraal Baaja debele.
5.Jeneraal Xasan ibraahim
6.Marwo Sh*taaye minaale
7.Professor Fiqaadhu beyene
8.Mudane Rashaaf Maxamed
9.Danjire Jemaal bakar
10.Mudane faysal caliyi
11.Mudane isaayas gotaa
12.Mudane Tsega-ab kibabew
13.Mudane Taafu tuulu
14.Dr Getinet teshome.
15.Mudane daaba debele iyo
16.Mudane Fiqaadhu beyene.

Sidookale, Xubnaha Safiirada loo magacaabay ayaa iyaguna kala ah sidan soosocota፦

1.Mudane asaaye alamayehu
2.Mudane haylay birhaane
3.Mudane Awal wegris
4.Marwo bizunesh meseret.
5.Mudane anteneh taariiku
6.Mudane akliilu kebede
7.Mudane Sacjid maxamed
8.Mudane yoosef kasaaye
9.Mudane zelalem birhanu
10.Marwo fartuuna dibaako
11.Mudane werqaalmayehu desta

Madax waynaha ayaa magacaabistan kubixisay awoodaha uu siinayo qodabka 71aad ee dastuurka dalka qodab hoosaadka 3aad.

25/01/2022

Si aan Halista abaarta xal waara ugu helno waxaan dadajinaynaa dhismayaasha mashaariicda biyo xidheenada yar yar ee aan bilownay- R/wasaare Dr Abiy Axmed.

Jigjiga, tir 17/2014 (XWDDS)Raysal wasaare Dr Abiy Axmed oo bulshada abaartu saamaysay ee caasimada deegaanka ee jigjiga iyo nawaaxigeeda kusugan booqasho kusoo maray ayaa sheegay in si Abaarta soo noqnoqotay Xal waara loogu helo islamarkaana aan saamaynta abaarta iskaga caabino, ay dawladu dib uhabayn kusamaynayso hanaanka isticmaalka barkadaha biyaha ee dhul abaareedka, lana
dadajinayo dhismayaasha mashaariicda biyo xidheenada yar yar ee deegaanka kasocda.

Ra'iisul wasaare Dr Abiy Axmed ayaa qoraal uu bogiisa warbaahinta bulshada kuqoray, kusheegay in waftigiisu ay maanta booqdeen degmada qabribayax ee gobalka faafan oo kamid ah goobaha ay dadka abaarta kasoo doollay ku sugan yihiin.

Sidookale Ra'iisul wasaaraha ayaa cadeeyey inay dawlada federaalku si dhakhso ah kusoo xoojinayso gurmadka degdega ah ee booyadaha biyo dhaamiska, raashinka gargaarka, calafka xoolaha iyo daawooyinka muhiimka ah ee dadka iyo duunyada.

Dhanka kale, Dr Abiy Axmed ayaa tilmaamay in ladadajinayo mashaariicda biyo xidheenada yar yar iyo hawlaha waxka badalka habka isticmaalka biyo kayd, si markaasi saamaynta abaaraha ee deegaanada dhulka joogiisu hoose looga gaashaanto.

Ra'iisul wasaaraha ayaa waxaa booqashadiisan halka maalin ah ee DDS, kuwehelinayey Madaxwaynaha DDS Mudane Mustafe Muxmed Cumar iyo Madaxa Xarunta dhexe ee xisbiga barwaaqo ee dalka Mudane aadan faarax, wasiirka wasaarada nabadda JDFI binaalfi andu-alem, Afhayeenka golaha xildhibaanada DDS Ayaan Cabdi iyo masuuliyiin kale oo heer federaal iyo heer deegaan ah.

25/01/2022

Jig-jiga: Dr. Abiyi Axmed, Raysal Wasaaraha Dalka ayaa soo gaadhay si uu bulshada deegaanka ugala qayb'qaato xaaladda abaarta ee soo food saartay.

Masuuliyiin sare oo uu hoggaaminayo, Raysal Wasaaraha Dalka, Dr. Abiyi Axmed Cali ayaa lagusoo dhaweeyay garoonka diyaaradaha ee Garaad Wiil-waal.

Madaxweynaha DDS, mudane Mustafe Muxummed Cumar oo ay weheliyaan Af'hayeenka Golaha Xildhibaanada, marwo Ayaan Cabdi, Inj. Maxammed Shaalle Isaaq, Madaxa Xafiiska Xisbiga Barwaaqo ee Soomaalida iyo masuuliyiin sare oo heer Deegaan ah ayaa garoonka si diirran ugu qaabillay Raysal Wasaare Dr. Abiyi Ahmed iyo masuuliyiinta uu hoggaaminayo.

Raysal Wasaaraha ayaa goor-dhow booqasho ku gaadhi doona duleedka degmada Qabri-bayax oo ay ku suganyihiin bulshooyin ay saamaysay xaaladda abaarta oo kasoo doolay goobahoodii.

23/01/2022

Golaha Wasiirrada XFS oo maanta kulan yeeshay ayaa ansixiyay in laga laabto go’aan uu horay u gaaray Golaha Xukuumadda Sanadkii 2017, kaas oo ururka ONLF u aqoonsaday urur agagixiso, ka dib dhiibistii Cabdikariin Muuse Qalbi dhagax oo loo gacan geliyay Ethiopia.

20/01/2022

Madaxwaynaha DD Shucuubta Koon-fureed ayaa Jigjiga soo gaadhay.

Garoonka Diyaaradaha ee Garaad Wiil-waal ayaa waxaa ku qaabilay Masuuliyiin sar-sare oo deegaanka ah Madaxwaynaha DDS iyo Madaxwayne kuxigeenka DDS, Madaxa Xisbiga Barwaaqo ee Soomaalida iyo waliba masuuliyiin kale.

Madaxwaynaha Shucuubta Koonfureed Mudane Ristu Yirda ayaa waxaa ku wehelinaya imaanshihiisa Jigjiga Madaxa Xisbiga Barwaaqo ee deegaankaasi Mudane Tilaahun Kebedhe.

Imaanshaha Waftiga ayaa ah mid ay ku muujinayaan taageeradooda dhinaca ka jawaabida abaarta la soo darista shacabka ku dhaqan deegaanka Soomaalida.

17/01/2022

Golaha xildhibaannada DDS oo samaystay astaan u gaar ah.

Guddiga xidhiidhinta arrimaha golaha xildhibaannada DDS ayaa ansixiyay astaanta cusub ee baarlammaanku yeelanayo oo ah tii ugu horreysay ee uu xafiiska baarlaaanku si gaar ah u yeelan doono.

Af-hayeenka baarlammaanka DDS, marwo Ayaan Cabdi ayaana soo hordhigtay xubnaha guddiga ajandaha shirka oo ahaa ansixinta astaanta cusub, kaddibna xubnaha guddiga ayaa ka dooday, falanqaynna ku sameeyay astaantan cusub. Waxa ayna dood kaddib ku ansixiyeen cod buuxa, sidaas ayayna ku dhaqan-gashay oo ay ku noqonaysaa astaanta golaha xildhibaannada Deegaanka.

Astaantan ayaa waxaa dhexda kaga sawiran madasha shirarka ee baarlammaanka DDS ee dhismihiisu socdo oo u qaabaysan qaab aqal Soomaali ah, calankii Deegaanka oo ka dul babanaya iyo buug u taagan dastuurka.

16/01/2022

Shirka qiimaynta geedi-socodka gurmadka abaaraha ayaa maanta ka qabsoomay xafiiska Maaliyada DDS.

Kulankan oo diirada lagu saarayay islamarkaana lagu qiimaynayay geedisocodka gurmadka Abaaraha ayaa siwada jira ah waxaa u shir gudoominayay wasiirka xafiiska madaxweynaha,wasiirka xafiiska maaliyada iyo wasiirka xafiiska maareynta khatarta masiiibooyinka.

Ujeedada ugu wayn ee shirkan ayaa ahayd sii dardarglinta gurmadka abaaraha.Sidoo kale teamka xafiiska DRMB ayaa soo jeediyay warbixin kooban oo ka turjumaysa xaalada abaareed ee ay bulshada deegaanku ku sugan tahay gurmadka la sameeyay iyo sidoo kale meelaha u daran(hotspot).

Shirkan ayaa la,iskula qaatey talaabooyin wax ku ool ah kuwaas oo si wayn wax uga badali doona samato bixinta nolosha iyo hab-nololeedka bulshada ay abaaruhu saameeyeen.

Ugu danbayna in lasii xoojiyo jihada xukuumada ee gaadhsiinta gurmadka degdeg ah si loo xaqiijiyo in aan qofna u dhiman sababo la xidhiidha abaaraha.

14/01/2022

Waxaa sidiiran loogusoo dhaweeyay Garoonka garaad wiilwaal Adanech Ababa Maayarka Magaalada Adiss Ababa waxan leenahay waan idinka gudoonay deeqdii abaaraha.

13/01/2022

Golaha wakiilada shacabka JDFI ayaa sheegay in xulashada xubnaha koomishinka Wadatashiga Qaran ee itoobiya la dheereeyey ilaa 13ka Bishan Tir ee 2014T.I

Addis ababa Tir 5/2014T.I(XWDDS)Golaha Wakiilada shacabka JDFI oo xusay koomishinka Wadatashiga Qaran ee itoobiya lagu aas-aasay bayaanka tirsigiisu yahay
1265/2014 ayaa sheegay in ololaha Xulashada Xubnaha koomishineerada koomishinka Wadatashiga Qaran ee itoobiya oo Markii h**e ku ekaa 26ka Tahsaas ilaa 6da Tir ee 2014T.I.

Sidookale Golaha Wakiilada shacabka dalka oo sheegay in kaqaybgalka shacabka ee xulashada koomishineerada koomishinka Wadatashiga Qaran ee itoobiya ay bogaadin Mudan tahay, ayaa cadeeyey in xulashada
Xubnaha koomishinka Wadatashiga Qaran La dheereeyey ilaa 13ka Bishan Tir ee 2014, iyada oo loo eegayo Ahmiyada balaadhan ee uu koomishinka Wadatashiga Qaran wadanka uleeyahay iyo kala duwanaanshaha bulshada dalka.

12/01/2022

Daddaalo ku wajahan gurmadka abaaraha ayay dawladdu wadaa; Xukuumadda ayaana maanta la kulantay masuuliyiinta sare ee hay'adda UNICEF.

Madaxweynaha DDS, mudane Mustafe Muxummed Cumar ayaa shir-guddoomiyay, kulan lagaga hadlayay xaaladda abaarta Deegaanka oo ay xukuumaddu la yeelatay masuuliyiinta sare ee hay'adda UNICEF oo uu hoggaaminayo mudane Gianfranco Rotigliano oo ah Wakiilka ku-meel-gaadhka ah ee hay'adda UNICEF ee Itoobiya.

Madaxweynaha DDS, mudane Mustafe Muxummed Cumar ayaa masuuliyiinta uga xog warramay xaaladda bili'aadamtinimo ee ka jirta Deegaanka iyo dadaaladda ka xukuumad ahaan la sameeyay, halka masuuliyiintii heer Deegaan ee kulankani ku weheliyay Madaxweynahana ay si faah-faahsan usoo bandhigeen baaxada abaarta iyo bulshooyinka u baahan gurmadka joogtada ah.

"Aniga oo ka duulaya abaarta daran ee ka jirta Deegaanka Soomaalida waxa aan ka shaqayn doonaa qaabkii anaga iyo hay'addaha kale ee deeq bixiyayaashuba aanu doorkaanaga uga qaadan lahayn gurmadka abaaraha.", Gianfranco Rotigliano

Madaxweynaha DDS, mudane Mustafe Muxummed Cumar Cumar sheegay in Ka xukuumad ahaan billowgii abaaraha ay u qoondeeyeen kharash dhan 200 oo milyan, taasi oo tan iyo maanta aan kula tacaalayno ka jawaabidda abaarta ayuu yidhi Madaxweynuhu.

Ugu danbayn kulankan ayuu hoos udhaadhiciisu ahaa badbaadinta nolosha bulshada, ka-hor-tagga nafaqo-darada maadaama xili abaareed lagu jiro iyo in indhaha caalamka la tuso xaaladda ay ku sugan yihiin bulshada Deegaanka ee la daalaa dhacaya abaarta, masuuliyiintan ayaana la filayaa in kormeer ay kusoo markaan goobaha ay abaaruhu ka jiraan.

In kabadan 80 degmo oo ka kala tirsan 10 gobol oo ka mida Deegaanka Soomaalida ayay saamaysay abaartu, waxaana ka socda gurmad biyo-dhaamin iyo raashinba isugu jira oo ay xukuumaddu wado.

09/01/2022

Jidkan oo uu shakhsi si gaar ah u xidhay Todobaadkan ayuu MMJ maanta dib ufuray.

Jigjiga post

28/02/2024

06/02/2024

03/07/2023

27/08/2022

20/08/2022

10/06/2022

25/05/2022

30/04/2022

27/04/2022

25/04/2022

08/04/2022

22/03/2022

09/03/2022

22/02/2022

16/02/2022

15/02/2022

11/02/2022

10/02/2022

31/01/2022

26/01/2022

25/01/2022

25/01/2022

23/01/2022

20/01/2022

17/01/2022

16/01/2022

14/01/2022

13/01/2022

12/01/2022

09/01/2022

Address

Website

Alerts

Videos

Shortcuts

Share

Category

Other Media/News Companies in Jijiga

You may also like