Fugug Oromo Online Social & Historical Informative Magazine

09/09/2023

21/12/2022

20/12/2022

According to UN data, 1 in 3 women experiences physical violence

18/12/2022

🇦🇷🔟 Legendary.

08/08/2022

DHAMDHAMA- CIICOO-6-Dhugaawwan Qorqalbii-1-
 Yoo nama saffisaan barreessu taate carraan ati nama abdii dhabeessa ta’uuf qabdu guddaadha. Yoo nama suuta jechoota waraqaarra qubachiisu taate ati nama amanamaafi mala qabeessa.
 Namoonni yeroo barreessan jechaafi jecha giddutti banaa guddaa hambisan bilisummaa dhunfaa isaanii argachuu barbaadan; gama kaaniin warreen jechoota walitti maxxansanii barreessan immoo kophaa isaanii dhaabbachuu hin danda’an.
 Namoonni guyyayyuu jechoota kakuu fayyadaman ofitti-amantummaa xiqqaa qaban.
 Ati kan jijjiiramtuuf sababoota lama qofaafi: barachuun beekkumsa si jijjiiruu danda’u argachuu yookaan miidhamuun akka jijjiiramtu ta’uudha.
 Namoonni dhibbeentaa sagaltama (90%) ta’an kanneen umriin waggaa kudhanii hanga digdamii sagalii (10-29) jiran bilbila harkaa isaanii wajjiin rafan.
 Ergaan barreeffamaa gabaabaan bulteefi ooltee inni waliif ergamu kutaa sammuu isa gammachuun walqabatu kakaasuuf gargaara.
 Dhala namaa keessaa dhibbeentaan sagaltamni (90%) yeroo sagaleen TV lakkoofsa lakkoofsoota lama yookaan shaniin hiraman irra jiraachuu baate itti hin tolu.
 Namoonni umriin isaanii waggaa kudha saddeetii (18) hanga soddomii sadii (33) jiru addunyaa keessatti namoota hunda caalaa warreen caraqamoo (stressed) ta’aniidha. Yeroo umriin isaanii afurtamii saddeet (48) guuttu, caraqamni isaan gad dhiisaa deema.
 Namoonni biraa waan gaarii akka siif godhan gochuun akka ati isaan jaalattu si taasisuu qofa osoo hin ta’in, akka isaanillee si jaalatan taasisa.
 Namoonni yeroo rakkoon tokko uumamteefi lola keessa jiran, waan rakkinicha uume yookaan lolicha kaase caalaa nama biraa komatan. Sababni isaas, sammuun isaanii keemikaala akka waan namni biraa isaan ganee itti fakkeessu waan maddisiiftuufi.
 Yoo nama tokko gurra mirgaatti dubbatteefi yoo harka ciqilee gad qabaa itti haasoofte, harka dhibba keessaa shantama (50%) waan ati jettuun yookaan itti himtu san ni fudhata.
 Waliinhaasaa nama tokkoo wajjiin gootan keesssatti millannaa ijaa (eye contact) dhibbeentaa jahaatama (60%) fayyadamnaan haasawichi si nuffisiisa; dhibbentaa saddeetama (80%) taanaan si hawwata; dhibbeentaa dhibba (100%) taanaan si sodaachisa.
 Giddugaleessaan namni sobu tokko guyyaatti soba afur (4) hima, waggaatti soba kuma tokkoofi dhibba afuriifi jahaatama (1460); waliigala waggaa jahaatama keessatti soba kuma saddeetami torbaafi dhibba jaha (87,600) hima jechuudha.
HORAA BULAA, DEEBANAA!!!!!!!
An Bulchaa Boruu / Shamshaddiin Ahmad/ Abbaa Simbooti

06/08/2022

DHAMDHAMA- CIICOO-4-Dhugaawwan Ardiilee Addunyaa
Biyyi baay’ina lakkoofsa ummataatiin hundaa gadii Vaatikaan Siitii yemmuu taatu, lakkoofsi baay’ina ummata isii kuma sagal (9,000) qofa.
Biyyi baay’ina lakkoofsa ummataatiin dursa qabatte biyya Chaaynaati. Lakkoofsi baay’ina ummata isiitiis akka ragaa bara 2012tti biliyoona tokko tuqaa sadii.
Biyyi lakkoofsa baay’ina ummataatiin lammaffaarratti argamtu immoo biyya Hindiiti. Lakkoofsi baay’ina ummata isii biliyoona tokko tuqaa lama-lama.
Biyyi bal’ina lafaa hundarra xiqqaa qabdu Biyya Vaatikaan Siitii (Vatican City) jedhamtuudha. Biyyi bal’ina lafaatiin hundarra caaltu immoo Raashiyaadha. Bal’inni lafa biyyattii iskuweer kiloo meetirii 17, 098, 242 dha.
Afaan Maandaraan jedhamu kan biyya Chaaynaa keessatti dubbatamu, baay’ina dubbatootaatiin sadarkaa duraarratti argama. Dubbattoonni afaanichaa akka biliyoonii tokko caalu ni himama.
Teempreechariin hanga ammaatti safarame keessaa inni hundarra ol aanaa kan Fulbana 13, bara 1922tti safarame ture. Iddoon teempreechariin ol aanaan kun itti galmaa’ees biyya Liibiyaa keessatti yoo ta’u teempreecharichiis digrii faaraanaaytii 136 yookiin digrii seelshiyasii 57.8 ture.
Biyya Deenmaarkii keessatti, maqaa daa’imaa kan baafatan maqoota 7,000 kan mootummaa biyyattiitiin raggaasifame keessaa filachuudhaani.
Biyya Faransaayii keessatti, nama du’ee wajjiin gaa’eela uumuun ni danda’ama.
Bhuttaan keessatti irra caalaan gamoowwan biyyattii kan miidhagfaman hasxaa qaama saalaa dhiiraa (qunxurroo) dhaabbateeni.
Baay’ina lakkoofsa ummata muslimootaa keessaa dhibbeentaan 12.7% lammiiwwan biyya Indooneeziyaati. Kun akka biyyattiin lakkoofsa baayina ummata muslimaatiin addunyaarratti tokkoffaa taatu taasiseera. Biyyattii keessatti dhibbeentaan 87% hordoftoota amantii Islaamaati.
Biyyi Chaaynaa baay’ina lakkoofsa loltootaatiin addunyaarratti sadarkaa tokkoffaa qabatteera; bajatii waraanaa guddaa ramaduudhaan sadarkaa lammaffaa irrattti argamti.
Biyya Chaaynaa keessatti manoonni miliyoonii soddomii shanii (35,000,000) ol ta’an hanga ammaatti holqa keessa jiraatan.
Byyi Deenmaarkii biyya namoota gagammadoo qaban jedhaman keessaa tan duraati. Biyya tana keessatti baay’ina lakkoofsa ummataarra kan boyyeewwaniitu caala.
Biyyi Hindii lakkoofsa namoota ulfa baasan qabaachuun addunyaarratti kan isii dursu hin jiru.
Fiinlaandi biyya aduu halkan walakkaa qabduudha; aduun ji’oota waxabajjiifi Adooleessaa keessa hanga halkan walakkaatti ifa adii ibsaa turti.
Ameerikaa bulchiinsa Arizoonaa keessatti yoo muka ‘kaaktasii’ jedhamu tokko murte waggoota digdamii shaniif (25) gaashiree keessatti darbamta.
HORA BULAA, DEEBANAA!!!!!
An Shamshaddiin Ahmad/Bulchaa Boruu/ Abbaa Simboo/ti.

04/08/2022

DHAMDHAMA- CIICOO-4-(Dhugaawwan Ardiilee Addunyaa)
Afrikaan Afardii bal’inaan addunyaarratti Eeshiyaatti aanuun sadarkaa lammaffaarratti argamtuudha.
Gammoojji Addunyaarratti keessatti hunda caalaa bal’oo, Sahaaraan, kan argamtu Afrikaa keessatti.
Diyaamandiiwwan addunyaa dhibbeentaan sagaltamii shan (95%) fi warqiin dhibbeentaan shantamni (50%) kan argamu Afrikaa keessaayi.
Chokoleetiin dhibbeentaan jahaatamii jaha (66%) addunyaaf kan raabsamu Afrikaarraayi.

Ardiin Antaarkitikaa cabbii addunyaa dhibbeentaa torbaatamii shan (75%) qabattee argamti. Cabbiin Antaarkitikaa hanga kiiloomeetira afurii (km 4) akka yabbattu tilmaamama. Antaarkitikaan, kana malees, bishaan qulqulluu (fresh water) addunyaa kanaa keessaa dhibbeentaa torbaatamii shan (75%) qabatteerti.
Eeshiyaan ardii hunda caalaa bal’oo yemmuu taatu bal’ina lafa gogaa addunyaa keessaa tokko-sadaffaa isiituu qabate.
Eeshiyaan ardii hunda caalaa bal’oo qofaa miti, ardii hunda caalaa baay’ina lakkoofsa ummataa qabduudha. Biyyoonni addunyaarratti baay’ina lakkoofsa ummataa guddaa qabaachuun sadarkaa tokkoffaafi lammaffaa jiran, Chaaynaafi Hindi, ardii kana keessatti argaman. Walakkaan baay’ina lakkoofsa ummata addunyaa kan jiraatan ardii Eeshiyaa keessa.

Awustiraaliyaan addunyaarratti ardii hunda caalaa xiqqoo tan iskuweer maaylii miliyoona sadii bal’attuudha. Yeroo Eeshiyaa tan iskuweer maaylii miliyoona kudha torba tuqaa lama taateen walbira qabamtu, haalaan xiqqoodha.
Awrooppaan ardii gammoojjii hin qabne ta’uun isii adda ardiiwwan biroorraa adda isii taasisa.
Waraanni addunyaa lamaanuu kan gaggeeffamte guutumattuu ardii Awrooppaa Keessatti.
Awroppaa keessatti biyyi hunda caalaa baay’ina lakkoofsa ummataa qabdu Jarmaniidha; Landaniifi Paaris immoo magaaloota Awrooppaa hunda caalaa baay’ina lakkoofsa ummataa qabaniidha.

Ameerikaan Kaabaa ardii haala qilleensaa baramaa gosa hunda—jechuuniis Tirooppikaalii, Gogaa, Kontinantaal, Giddugaleessaafi Poolaarii qabdu tan addaati.
Haroon Suppiiriyarii (Lake Superior) Haroowwan Gorguddoo keessaa takka tan taate, addunyaarratti haroo bishaan qulqulluu (fresh water) tan hunda caalaa bal’attuudha. Haroon tun Ameerikaa Kaabaa, daangaa biyyoota USA fi Kaanaadaa irratti argamti.
Ameerikaan Kaabaa bal’ina dachii kan iskuweer maaylii miliyoona sagal tuqaa shan-afur ta’een, Eeshiyaafi Afrikaatti aantee sadarkaa sadaffaarratti argamti. Baay’ina lakkoofsa ummataatiin immoo ardiiwwan Eeshiyaa, Afrikaafi Awrooppaatti aanuudhaan sadarkaa afraffaarratti argamti.
Fincaa’aan bishaanii inni addunyaarratti hunda caalaa dheeraa yookaa olka’aa, Finca’aan Anjel Ameerikaa kibbaa keessatti argama.
Ameerikaan Kibbaa mana, laga qabiyyee bishaaniitiin addunyaarratti tokkoffaa, Laga Amaazooni. Maqaan Amaazoon jedhu kan dhufe jecha Afaan Ameerikaanoota Ganamaa (Native Americans) isa ‘Amazunu’ jedhurraayi. Hiikni isaas, ‘Danbalii Guddaa’ jechuudha.
HORA BULAA, DEEBANAA!!!!!
An Shamshaddiin Ahmad/Bulchaa Boruu/ Abbaa Simboo/ti.

31/07/2022

Hordoftoota (Fugug Oromo Online Social & Historical Informative Magazine (FOOSHIM), Nagayatti jirtanii? Sagantaa DHANDHAMA CIICOO jedhu kana jalatti har’a odeeffannoowwaniifi dhugaawwan adda addaa qabadheetiin dhufe. Na hordofaa, isinitti tollaan ‘like’ tuqaa! Namni biroolleen haa irraa baratuu barbaannaan ‘share’ godhaa! Akkasumaas sagantaa keenyaafi qabiyyee isaa irratti yaada qabaannaan ‘comment’ irratti naaf barreessaa! An Bulchaa Boruuti.

 Lakkoofsa baay’ina ummata addunyaa keessaa tilmaamaan dhibbeentaan kudha lama (12%) bitaachoota. Lakkoofsa baay’ina namoota harka bitaachaatiin biyyi addunyaarratti dursa qabatte Neezarlaandiidha.
 Addunyaa tanarratti, dubartoota harka-bitaachaa caalaa dhiiroota harka-bitaacha ta’antuu baay’ata.
 Yoo xiqqaate pireezidaantoonni Ameerikaa beekkamoon afur harka-bitaachoota. Akkasumaas, Osama Bin Laden, hundeessaan Al-Qa’ida, harka-bitaacha ture.
 Guyyaan Harka-Bitaachootaa Addunyaa Hagayya 13 irratti kabajama.

Dhuufuun gaasii ibidda qabsiiftuu yookaan ibiddaan qabattuudha. Miiteeniifi haaydroojiiniin dhuufuu baakteeriyaan uumamtu keessatti argaman haalaan boba’oo (flammable) dha.
Rirmi bineensoota hunda caalaa dhuufuu hedduu dhuufan. Ilbiisni xiqqaan kun dabaliinsa hoo’a addunyaatiif itti gaafatamaa ta’uun nama ajaa’ibsiisuu danda’a. Garuu, rirmi bineensa kamiyyuu caalaa gaasii miiteenii (methane gas) maddisiisu.
Wanti dhuufuu ajeessu salfariidha. Wanta xuux jedhaa keessaa dhibbeentaan sagaltamii sagal (99%) hin ajaa’u. Kuniis naaytiroojiinii, oksijiinii, haaydiroojiinii, kaarboondaayoksaayidiifi miiteenii of keessaa qaba. Isaan kun hundi hin ajaa’an. Salfarii wantoota soorannu keessatti argamuudha kan akka dhuufuun ajooftu taasisu.
Dhuufuu ofiitti dhoowwuun hin danda’amu.
Biyya Jarmanii keessatti poolisootarratti dhuufuun nama adabsiisa.

Umrii waggaa afurtamoota keessatti umrii yeroo kamiyyuu caalaa miira namootaatiif iddoo laatta. Hubannaan haala namoonni itti yaaduufi miireeffatuu kun akka namootaa wajjiin waliigaltuufi wal taatu si taasisa.
Yeroo rifeensoonni kee kan mataarraa dhabamuu eegale, rifeensi biraa iddoo hin baratamnetti sirratti mul’achuu eegala. Kuniis dhiiroota funyaan keessaafi gurrarratti, dubartoota immoo tafa isaaniirratti biqiluu jalqaba. Kun hundi kan ta’uuf sababa jijjiirama hormooniitifi.
Dhalli namaa akkuma umrii ga’eessummaa, waggaa digdamii shan (25) irra ga’een dulloomuu jalqaba.
Biizinasii milkaa’aa jalqabuuf yeroo hin dabartu. Harlan David Sanders beektaa? Namni kun umrii waggaa jahaatamii shan irratti dhaabbata foon lukkuu Kentucky Fried Chicken jedhamu hundeessuun milkaa’ina gonfate.

Kitaabni addunyaarratti hunda caalaa qaalii yookaan mi’aayaa ta’e isa nama Bay Psalmiin bara 1640 barreeffamuun maxxanfame kan doolaarii miliyoona kudha afurifi kuma dhibba lama (14, 200,000) tti gurgurameedha.
Kitaabni addunyaarratti hunda caalaa guddaa ta’e isa ‘Za Kileenk Atlaas’ (The klencke Atlas) jedhamu kan meetira tokko tuqaa torba-shan (m 1.75) dheeratuufi meetira tokko tuqaa sagal-duwwaa (m 1.90) bal’atuudha.
Bara 1453 kitaabni yeroo jalqabaatiif maxxanfame gara addunyaa kanaa as bahe. Inniis Kitaaba Qulqulluu Guteenbarg (Gutenberg Bible) jedhama. Kitaabichi namicha maashina maxxansaa kalaqe, Johannes Gutenbergiin, maxxnfame.
Namittiin Verjiiniyaa Woof jedhamyu kitaaboota isii hunda dhabbachuudhaan barreessite.
Asoosamni dheeraan (novel) hunda caalaa dheeraa isa nama Marcel Proust jedhamuun barreeffame kan qooddattoota yookaan nam-fakkiilee (characters) miliyoona sagaliifi kuma dhibba jahaafi kuma sagal (9,609,000) of keessaa qabuudha. Matadureen kitaaba asoosamaa kanaa ‘Rimeembarans of Tiings Past’ (Remberance of Things Past) jedha.

HORA BULAA, DEEBANAA!!!!!

16/07/2022

DHUGAAWWAN FAYYAA QORQALBII
Dhiiroonni ganama niitii isaanii dhungatan umrii isaan jiraachuu dana’anirratti waggoota shan (5) dabalataan akka jiraatan hubatameera.
Oksiitoosiiniin (oxytocin), inni hormoonii jaalalaa yookaan hormoonii hammannaa jedhamuun beekkamu, yeroo walhammatan burqisiifama.
Qorannoowwan akka argisiisanitti, namoonni yeroo jaalala jalqabarra jiran baay’ina seerootooniinii (serotonin), keemikaala miira gammachuutiin walqabatu, gad aanaafi sadarkaa koortiisoolii (cortisol), keemikaala caraqamaan walqabatu, olaanaa ta’e qaban. Kanaaf jecha kan yeroo jaalalaan qabamne gocha adda ta’e kan raawwannuufi amala adda ta’e kan argisiifnuuf.
Jaalalti yeroo nuti hin barbaanne jalqabamteeti yeroo nuti hedduu barbaannu dhumatti.
Namni tokko waan ati jibbitu jaalachuu isaatiif yoo irra deddeebitee balaaleeffatte yookaan komatte, wanta san hin jibbu; kan jibbu si kan isa balaaleeffatuudha.
Dubartoonni dhiiroota caalaa yeroo dheeraaf hirriiba rafan. Kuniis kan ta’eef, dubartoonni dhiiroota caalaa hoj-daneeyyii (multi-taskers) waan ta’aniif sammuun isaanii haalaan hojjechuurraa kan ka’e bayfachuuf yeroo dheeraa itti fudhata.
Hanga dhugaatii alkohooliitiin machaa’uun sammuu kee miitu takka halkan tokko hirriiba dhabuun sammuu kee miiti.
Namoonni halkan tokkotti hirriiba sa’aatii torbaa gadii rafan warreen kaan caalaa carraa du’a lafjalee (premature death) mudachuu dhibbeentaa kudha lama (12%) qaban. Haa ta’uu malee, hirriba hedduu rafuuniis carraa du’a lafjalee ni bal’isa.
Namni tokko nyaatan maleetti guyyota jahaatamiif (60) lubbuun turuu danda’a, garuu hirriibaan malee guyyoota kudha tokko (11) qofaaf lubbuun jiraachuu danda’a.
Kurruufaa yeroo raftu abjjuu arguu hin dandeessu. Sababni isaas kurruuffiifi abuun gonkumaa al tokko mudachuu waan hindandeenyeefi.
Qorannoon akka bira ga’etti, yeroon abjoochuun dabarfamu yaadannoowwan laaleessoo irraanfachuuf nu gargaara.
Hanguma iddoon rafte qabbanaa’u, abjuun argituus sodaachisaa ta’a.

15/07/2022

Hordoftoota (Fugug Oromo Online Social & Historical Informative Magazine (FOOSHIM), Nagayatti jirtanii? Sagantaa DHANDHAMA CIICOO jedhu kana jalatti har’a odeeffannoowwaniifi dhugaawwan bineensoota manaa qabadheetiin dhufe. Na hordofaa, isinitti tollaan ‘like’ tuqaa! Namni biroolleen haa irraa baratuu barbaannaan ‘share’ godhaa! Akkasumaas sagantaa keenyaafi qabiyyee isaa irratti yaada qabaannaan ‘comment’ irratti naaf barreessaa! An Bulchaa Boruuti.

Bineensoota manaa wanti hanga yeroo wal argan dubbii walbarbaaduu yookaan wal a’uufi walnyaachuu isaan gammachiisu hin jiru.
Funyaan saree akkuma barruu harkaa dhala namaati; isaan lachuu haalcaasaa (pattern) kan hundaatiin adda ta’e qaban.
Akka qorannoo dhiheenya kana gaggeeffamte takkaatti, maqaan saree hunda caalaa baramaa ta’e Maaks kan jedhuudha. Maqaaleen baratamoon biroo kanneen akka Moolii, Saam, Zaak, fi Magiiyee faa’a.
Adureeewwan sagalee miwiinsaa isaanii haaloota garaa garaarratti hundaa’uudhaan jijjiiru.
Gaalli nyaaroota yookaan qola ijaa sadii kan ija isaarraa wantoota akka cirrachaafi huubaa (huuraa) ittisu qaba.
Ilkaanoonni fardaa sammuu caalaa qaamoota mataa isaanii keessaa iddoo bal’aa qabatu.

Sareen miira fuunfachuu isa kan namaa caalaa harka 10, 000 ta’e qabdi. Garuu, kuskusseewwan dhandhamaa tokko-jahaffaa isa namaa ta’e qaban.
Ra’een xixiqqoon loqoda walii wal akkeessuun walirraa fudhatti.
Saawwan xiqqo malee digrii dhibba sadiifi jahaatamatti ilaaluu danda’u. Ilaalchi paraanoomikiin kun adamsitoota kallattii hundaan ofirraa ilaaluuf isaan fayyada.
Sareen salphaadhatti dhuufti.
Saroonni kormaan yeroo fincaanan kan miila isaanii ol kaasaniif hanga danda’ame lafarraa olka’uu barbaaduurraayi.
Fardoonni yeroo waan seeqan fakkaatan san, isaan seeqaa hin jiran. Qabatamaan isaan mala funyaan cimsuu isa ‘fileeehimeen’ jedhamu kan fooliin ta’e tokko gaarii moo badaa jechuun ittiin murteessan gaggeessaa jiran.

12/07/2022

Hordoftoota keenya, sagantaa DHANDHAMA CIICOO jedhu kana jalatti dhugaawwaniifi odeeffannoowwan ajaa’ibsiisoofi barbaachisoo ta’an kanneen maddeen garagaraarraa walitti coccore isiniif dhiheessa. Na hordofaa, isinitti tollaan ‘like’ tu’aa! Namni biroolleen haa irraa baratuu barbaannaan ‘share’ godhaa! Akkasumaas sagantaa keenyaafi qabiyyee isaa irratti yaada qabaannaan ‘comment’ irratti naaf barreessaa jechaa gara odeeffannoo dhandhama ciicoo dabarra. An Bulchaa Boruuti; na faana turaa!
Biyya Filippiinsi keessa odola Luuzoon jedhamuutu jira. Odola kanarratti, haroo Taal jedhamtuu argama. Haroo tana keessatti ammaas odola ‘Odola Voolkaanoo’ (Volcano Lake) jedhamuutu argama. Odola haricha keessatti argamu keessa ammas haroo ‘Qabxii Voolkaanoo’ (Volcano Point) jedhamtuu jira. Ajaa’iba! Iddoo haroofi odolli yookaan odolaafi haroon walkeessa qasamanii argaman!
Lakkoofsi olaanaan daa’imman dubara takkaraa dhalatanii jahaatamii sagal (69) yemmuu ta’u, baroota 1725 fi 1765 jiddutti dubartiin biyya Raashiyaa takka ilmaan sakkuulee (triplets) yeroo torba, lakkuulee yeroo kudha jaha, afkuulee (quadruplets) yeroo afur, walumaagalatti, ilmaan jahaatamii sagal da’uudhaan dubartii daa’imman hedduminaan hunda caalu da’uun addunyaarratti sadarkaa qabatte taateerti.
Bara 1978 keessa, daa’imni jalqabaa ardii Antaarkitikaa keessatti dhalate. Inniis Emilio Marcos Palma jedhama.
Dheerinni giddugaleessaa dhiiraa yeroo ammaa sm 175; ulfaatinni giddugaleessaa dhiirootaa immoo kg 86. Bara 1960 keessa dheerinni giddugaleessaa sm 172 yemmuu ta’u ulfaatinni giddugaleessaa immoo kg 66 ture.
Guutuu addunyaarratti, umriin giddugaleessaa dhiirootaa waggaa jahaatamii afur tuqaa shan-lama (64.52) yeroo ta’u, kan dubartootaa immoo waggaa jahaatamii saddeet tuqaa torba- jaha (68.76).
Lakkoofsa baay’ina ummata addunyaa keessaa tilmaamaan dhibbeentaan kudha lama (12%) bitaachoota. Lakkoofsa baay’ina namoota harka bitaachaatiin biyyi addunyaarratti dursa qabatte Neezarlaandiidha.

12/07/2022

Hordoftoota keenya, sagantaa DHANDHAMA CIICOO jedhu kana jalatti dhugaawwaniifi odeeffannoowwan ajaa’ibsiisoofi barbaachisoo ta’an kanneen maddeen garagaraarraa walitti coccore isiniif dhiheessa. Na hordofaa, isinitti tollaan ‘like’ tu’aa! Namni biroolleen haa irraa baratuu barbaannaan ‘share’ godhaa! Akkasumaas sagantaa keenyaafi qabiyyee isaa irratti yaada qabaannaan ‘comment’ irratti naaf barreessaa jechaa gara odeeffannoo dhandhama ciicoo dabarra. An Bulchaa Boruuti; na faana turaa!
Biyya Filippiinsi keessa odola Luuzoon jedhamuutu jira. Odola kanarratti, haroo Taal jedhamtuu argama. Haroo tana keessatti ammaas odola ‘Odola Voolkaanoo’ (Volcano Lake) jedhamuutu argama. Odola haricha keessatti argamu keessa ammas haroo ‘Qabxii Voolkaanoo’ (Volcano Point) jedhamtuu jira. Ajaa’iba! Iddoo haroofi odolli yookaan odolaafi haroon walkeessa qasamanii argaman!
Lakkoofsi olaanaan daa’imman dubara takkaraa dhalatanii jahaatamii sagal (69) yemmuu ta’u, baroota 1725 fi 1765 jiddutti dubartiin biyya Raashiyaa takka ilmaan sakkuulee (triplets) yeroo torba, lakkuulee yeroo kudha jaha, afkuulee (quadruplets) yeroo afur, walumaagalatti, ilmaan jahaatamii sagal da’uudhaan dubartii daa’imman hedduminaan hunda caalu da’uun addunyaarratti sadarkaa qabatte taateerti.
Bara 1978 keessa, daa’imni jalqabaa ardii Antaarkitikaa keessatti dhalate. Inniis Emilio Marcos Palma jedhama.
Dheerinni giddugaleessaa dhiiraa yeroo ammaa sm 175; ulfaatinni giddugaleessaa dhiirootaa immoo kg 86. Bara 1960 keessa dheerinni giddugaleessaa sm 172 yemmuu ta’u ulfaatinni giddugaleessaa immoo kg 66 ture.
Guutuu addunyaarratti, umriin giddugaleessaa dhiirootaa waggaa jahaatamii afur tuqaa shan-lama (64.52) yeroo ta’u, kan dubartootaa immoo waggaa jahaatamii saddeet tuqaa torba- jaha (68.76).
Lakkoofsa baay’ina ummata addunyaa keessaa tilmaamaan dhibbeentaan kudha lama (12%) bitaachoota. Lakkoofsa baay’ina namoota harka bitaachaatiin biyyi addunyaarratti dursa qabatte Neezarlaandiidha.
Seeloonni gogaa du