28/08/2023
Ergaa Waamichaa kana Waliif Qoodaaโ๏ธ๐
Waamicha Waldaa Misooma Oromiyaa irraa Barattoota bara 2015 qormaata naannoo kutaa 8 ffaa qoramtanii darbuun ulaagaa guutan hundaaf Taasifame .
Barattoota bara 2015 qormaata naannoo kutaa 8ffaa qoramtanii mana barnootaa bultii addaa galuuf qophiirra jirtan hundi keessan baga gammaddan!!
Waldaan Misooma Oromiyaa /WMO/ bara 2006 A.L.I irraa eegalee mana barnootaa bultii addaa banuudhaan barattoota ciccimoo dorgomsiisee simatee barnoota qulqullina qabu kennuudhaan yeroo ammaa kana barattoota sadarkaa biyyaattifi addunyaatti dorgomaa ta'an oomishaa jira.
Dabalataaniis, barattoota kutaa 12ffaa baroota adda addaa xummuran dhaabbilee ol'aanaa ykn yunivarsitoota biyyoota alaafi keessaa adda addaatti barsiisaa jira.
Muxxannoon mana barnootaas naannoolee adda addaatti akka babal'atu ta'ee jira.
Kanaafuu, bara 2016 kanattis barattoota ciccimoo filatee qormaata seensaa mana barnootaa bultii addaa qopheessee kanneen qabxii olaanaa galmeessan simatee barsiisuuf haal duree hundi xumuramee jira.
kanaafuu, barattootni qabxii giddu galeessaa /Average point/ kutaa 8ffaa bara 2015 dhiiraaf 83%fi ol dubaraaf immoo 80% fi ol galmeessitan waajjira barnootaa aanaa keessan jirutti ragaa barbaachisu hunda dhiyeeffachuun guyyaa 23-27/12/2015tti qofa akka galmooftan isin beeksifna jechuun Waamichi Barattoota Keenyaaf Taasifameera .
Tokkummaan Misoomaaf!!