04/05/2023
Ajaay Baangaan Perezidaantii Haaraa Baankii Addunyaa Ta'uun Filataman.
Baankiin Addunyaa Pireezidaantii haaraa Ajaay Baangaa filate.
Baankichi ogeessa faayinaansii fi invastimantii Ameerikaa duraanii, Perezidaantii taasisuun filachuu isaa beeksise.
Miseensonni Boordii Baankii Addunyaa, Ajaay Baangaa perezidaantii ta’uuf sagalee caalmaa tokkoon kan hin mormine ta’uun raggaasisaniiru.
Kana hordofuun, Perezidaantii Baankii Ameerikaa ammaa Deeviid Maalpaas bakka bu’uun, Baatii Waxabajjii keessa bakka kana akka fudhatu himama.
Pirezidaantiin Baankii ammaa, Malpas jijjiirama qilleensaa fi dhimmoota kanaan walqabatan irratti deebii ariifataa waan hin kennineef aangoo gadhiisuuf dhiibbaan isaanii dabalaa dhufuu irraa kan ka’e, aangoo gadhiisuu isaaniin dura, aangoo akka lakkisan himama.
Odeeffannoon Baankichaa akka agarsiisutti, perezidaantiin filataman kun kanaan dura dhaabbilee Faayinaansii fi Invastimantii keessatti, ogummaa irraa kaasee hanga hojii olaanaatti hojjetaniiru.
Baangaan ganna 63, waggoota 11f Master Card bu'aa qabeessa ta'ee akka hooggane himama.
Odeeffannoon waa'ee perezidaantii haaraa kanaa akka agarsiisutti, Baangaan qabeenya doolaara miiliyoona 206 qaba.
Ajay Baangaa hawaasa "S**i" kan Hindii keessatti, baay'ee cunqurfamaa ta'e irraa kan dhufe yoo ta'u, waggoota 15 oliif, Muummicha Ministeeraa ta'uun Hindii hoogganee, hawaasa kana keessaas kan dhufedha.
Gara aangootti dhufuun isaa, lammiilee Hindii keessumaa hawaasa isaan keessa jiraniif akkasumas kutaalee hawaasaa sababoota adda addaatiin biyya hunda keessatti jiraataniif kabajaafi jaalatama guddaa akka qabaatutu amanama.
Marsaalee Hawaasaa keenya kan biroon nu hordofuuf, geessituu armaan gadii fayyadamaa.