14/12/2023
Wantoota sagal (9) milkaa'ina dalagaa/hojii keenyaa balleessan!
(By Dr. Travis Bradberry)
************
1. HUMNAA OL WAADAA GALUU fi WAAN XIQQOO RAAWWACHUU!
Maamiltootaaf, hiriyootaa fi namoota biroof waa raawwachuuf waadaa galuun hawwataadha. Kun keessumaa namoota hojii isaaniitti cimanii hojjatanii fi nan raawwadha jedhanii yaadan irratti argama.
Waadaa baay'isanii galuun dhiibbaa cimaa kan namarratti uumuu fi yoo hin dhugoomfamiin hafe ammoo maamila biratti kan nama qaanessu, galata nama dhowwatu, akkasumas hamilee nama buusu dha. Kanaafuu yoo namootaaf waadaa gallu, haga hojjachuuf qaqqabsiisuu dandeenyu tilmaamnee ta'uu qaba.
2. OFTUULUMMAA!
Namoonni tokko tokko yoo wantoonni lama sadi walitti aananii milkaa'aniif jalqabnii fi xumurri milkaa'inaa anuma jedhanii yaaduu eegalu. Mo'ichi ykn milkaa'inni gaariidha, hamilee namatti hora, nama boonsa. Rakkoon kan dhufu gaafa milkaa'inni sun sammuu namaa keesaa seenee oftuulummaa namatti horudha. Miirri kun akka tasaa fuulduratti kufaatiin yoo dhufe illee kan irraa baratan osoo hin taane kan ittiin miidhaman nama taasisa.
3. HOJII SIYAASESSUU!
Bakka hojiitti jabaatanii cichoominaan hojjatanii fudhatama argachuun ni danda'ama. Gama biroon ammoo kana dhiisaanii kanneen lola kakaasuun, garee uummachuun, hojjetoota biroo hadheessuun, oduu sobaa daddabarsuun fi kanneen biroo kana fakkaatan gochuun da'atanii jiraatan ni jiru. Kun hojii siyaassessuu dha.
4. HOOGGANAATTI of AGARSIISUUF QOFA HOJJACHUU!
Waan hoogganaan jaallatu dalaguu fi hoogganaa qofatti argamuuf fiiiguun laga hin ceessisu gaaras hin baasu. Namoota hojii dhugaan sirriitti dalagan biratti jibbamuu fida. Hoogganaa ofii biratti fudhatama argachuun barbaachisaa akka ta'e beekamaadha, garuu hojii dhugaadhaan hojjatamuun ta'uu qaba. Milkaa'ina hojii ofiitiifis ammalli kun gufuu guddaa ta'a.
5. BAKKA JIRANII fi AKKA JIRANITTI QUUFUU!
Kun waan qaban, waan beekan ykn waan irra jiranitti quufuu ykn sanaa ol darbuuf fedhii dhabuudha. Kun akka namni waan haaraa hin