https://www.facebook.com/516149741878100/

Cambodian Australian News Network

Home
Australia
Adelaide, SA
Cambodian Australian News Network

Cambodian Australian News Network aims to broadcast News, Lifestyle and entertainment from Cambodian
(82)

Cambodian Australian News Network( CANN TV) aims to broadcast news in Khmer and English to a wider audience for Cambodian Australian community locally and globally. We aim to making news more accessible to the world and sharing ideas through networking with other organisations. We are determined to inspire, influence, educate and entertain.

30/08/2024

29/08/2024

28/08/2024

26/08/2024

23/08/2024

22/08/2024

មេដឹកនាំយុវជនក្នុងប្រទេស #កូរ៉េខាងត្បូង អំពាវនាវឱ្យពលករខ្មែរផ្តល់ដំណឹងឱ្យខ្លួន បើមានការគំរាមពីមន្ត្រីទូតខ្មែរ

⏰ ផ្សាយថ្ងៃទី២២ ខែ០៨ ឆ្នាំ២០២៤

👉 អានព័ត៌មានលម្អិត៖ https://www.cambodiadaily.com/2024/08/22/14/40/77109/

🔽

មេដឹកនាំចលនាយុវជន #សង្គ្រោះជាតិ ក្នុងប្រទេសកូរ៉េខាងត្បូង អំពាវនាវឱ្យ #ពលករខ្មែរដែលកំពុងធ្វើការនៅប្រទេសកូរ៉េទាំងអស់ដែលរងនូវការគំរាមកំហែងពីស្ថានទូតខ្មែរ ដោយការមិនបន្តទិដ្ឋាការឱ្យធ្វើការនៅប្រទេសនេះ ដោយសារតែពួកគេប្រឆាំង #គម្រោងអភិវឌ្ឍន៍ត្រីកោណ សូមផ្តល់ដំណឹងមកឱ្យខ្លួនជាបន្ទាន់។

ប្រធានចលនាយុវជនសង្គ្រោះជាតិ លោក #មាសពិសាល លើកឡើងក្នុងកម្មវិធី នៃសារព័ត៌មាន កាលពីរាត្រីថ្ងៃទី២០ ខែសីហា ថា លោកទទួលបានព័ត៌មានច្បាស់ការថា #មន្ត្រីស្ថានទូតខ្មែរ ប្រចាំប្រទេសកូរ៉េខាងត្បូង ចាប់ផ្តើមគំរាមពលករខ្មែរដែលកំពុងធ្វើការ និងរស់នៅប្រទេសកូរ៉េខាងត្បូង ចំពោះអ្នកដែលធ្វើបាតុកម្មប្រឆាំងនឹងគម្រោងអភិវឌ្ឍន៍ត្រីកោណ។

លោក មាស ពិសាល អះអាងថា ក្រោយការធ្វើបាតុកម្មនៅសាធារណរដ្ឋកូរ៉េ កាលពីថ្ងៃទី១១ សីហា កន្លងទៅ ពលករខ្មែរ ឬពលរដ្ឋខ្មែរដែលកំពុងធ្វើការ និងរស់នៅលើទឹកដីនៃប្រទេសកូរ៉េ ដែលត្រូវបន្តទិដ្ឋាការនោះ ត្រូវបានមន្ត្រីស្ថានទូតខ្មែរសួរនាំ និងស្រាវជ្រាវគណនីហ្វេសប៊ុករបស់ពួកគេ ដើម្បីចង់ដឹងថាអ្នកទាំងនោះបានចូលរួមបាតុកម្ម ឬបានចែកចាយនូវសារដែលប្រឆាំងនឹងគម្រោងត្រីកោណអភិវឌ្ឍន៍ដែរឬក៏អត់។

ប្រធានចលនាយុវជនរូបនេះ ចាត់ទុកទង្វើរបស់មន្ត្រីស្ថានទូតខ្មែរបែបនេះ គឺជាការគំរាមកំហែងលើសិទ្ធិបញ្ចេញមតិរបស់ពលរដ្ឋយ៉ាងធ្ងន់ធ្ងរ ហើយការគំរាមកំហែងនេះ គឺបង្ហាញពីការគាបសង្កត់ឆ្លងដែនកាន់តែខ្លាំងរបស់រដ្ឋាភិបាលកម្ពុជា មកលើសិទ្ធិបញ្ចេញមតិរបស់ពលរដ្ឋ និងសិទ្ធិចូលរួមកិច្ចការនយោបាយរបស់ពលរដ្ឋខ្មែរនៅឯនាយសមុទ្រ។

លោក មាស ពិសាល បញ្ជាក់ថា បើពលករខ្មែរ ឬអ្នកដែលរស់នៅប្រទេសកូរ៉េខាងត្បូង ណាម្នាក់ត្រូវរងនូវការគំរាមពីមន្ត្រីស្ថានទូតខ្មែរប្រចាំប្រទេសកូរ៉េខាងត្បូង សូមទាក់ទងទៅកាន់រូបលោក ដើម្បីឱ្យលោកចងក្រងជាភស្តុតាងដាក់ជូនរដ្ឋាភិបាលសាធារណរដ្ឋកូរ៉េ ឱ្យជួយអន្តរាគមន៍លើករណីនេះ។

អ្នកវិភាគនយោបាយ និងជាប្រធានវេទិកាពលរដ្ឋលោក គឹម សុខ លើកឡើងនៅក្នុងកិច្ចពិភាក្សានេះដែរថា ប្រទេសកម្ពុជាសព្វថ្ងៃនេះគ្មានរដ្ឋាភិបាលតំណាងឱ្យជាតិខ្មែរសម្រាប់ដោះស្រាយបញ្ហាឱ្យប្រជាជាតិខ្មែរទេ គឺមានតែរដ្ឋាភិបាលតំណាងឱ្យគ្រួសារត្រកូលហ៊ុន សម្រាប់ដោះស្រាយបញ្ហាឱ្យសែស្រឡាយបក្ខពួករបស់គ្រួសារហ៊ុនប៉ុណ្ណោះ។

លោក គឹម សុខ លើកឡើងថា ក្រោយការដឹកនាំប្រទេសកម្ពុជារបស់លោក ហ៊ុន ម៉ាណែត ជិត ១ឆ្នាំមកនេះ គាត់បានបង្ហាញពិភពលោកយ៉ាងច្បាស់ថា រដ្ឋាភិបាលកម្ពុជាគឺជារដ្ឋាភិបាលយោធាក្រោមការគ្រប់គ្រងផ្ដាច់មុខរបស់គ្រួសារហ៊ុន និងបង្ក្រាបពលរដ្ឋដែលបញ្ចេញមតិតវ៉ាទាមទារជុំវិញការភ័យព្រួយពីការបាត់បង់ទឹកដីនាពេលនេះ។

អ្នកវិភាគរូបនេះបញ្ជាក់ថា មេដឹកនាំរដ្ឋាភិបាលយោធាលោក ហ៊ុន ម៉ាណែត បានបង្ហាញឱ្យពលរដ្ឋខ្មែរ និងអន្តរជាតិបានឃើញយ៉ាងច្បាស់ថា គាត់កំពុងចេញមុខការពារផលប្រយោជន៍របស់វៀតណាម បន្តពីលោក ហ៊ុន សែន ឪពុករបស់គាត់យ៉ាងពេញទំហឹង តាមរយៈនៃការបង្ក្រាបពលរដ្ឋខ្មែរជុំវិញការរិះគន់លើគម្រោងអភិវឌ្ឍន៍ត្រីកោណនេះ។

លោកអះអាងថា ទាំងលោក ហ៊ុន សែន និងលោក ហ៊ុន ម៉ាណែត កំពុងការពារផែនការឈ្លានពានទឹកដីខ្មែរតាមរយៈការដាក់ខេត្តខ្មែរចូលក្នុងតំបន់ត្រីកោណ ជាថ្នូរនឹងការសុំឱ្យវៀតណាម ជួយជ្រោមជ្រែងលោក ហ៊ុន ម៉ាណែត និងគ្រួសារហ៊ុន កាន់កាប់អំណាចដឹកនាំគ្រប់គ្រងប្រទេសកម្ពុជាទៅថ្ងៃមុខបន្តទៀត។

ក្រោយផ្ទុះការរិះគន់ និងការធ្វើបាតុកម្មប្រឆាំងនឹងគម្រោងអភិវឌ្ឍន៍ត្រីកោណ គេសង្កេតឃើញថារដ្ឋាភិបាលថ្មីដែលមានអាយុជិត ១ខួបរបស់លោក ហ៊ុន ម៉ាណែត បានធ្វើសកម្មភាពបង្ក្រាបពលរដ្ឋដោយពេញមុខ មានទាំងការចាប់ដាក់គុក ការចោទប្រកាន់ដោយប្រើតុលាការ និងគំរាមកំហែងសាច់ញាតិរបស់អ្នករិះគន់នៅក្រៅស្រុក ជាដើម។

ក្នុងរយៈពេលចុងក្រោយនេះ រដ្ឋាភិបាលលោក ហ៊ុន ម៉ាណែត បានគំរាមឱ្យមន្ត្រីក្រោមឱវាទរបស់ខ្លួនគ្រប់ជាន់ថ្នាក់ តាមដានពលរដ្ឋ មន្ត្រីរាជការ ព្រះសង្ឃ តាជី យាយជី កុមារា កុមារី គ្រប់មូលដ្ឋានទាំងអស់ ដើម្បីទប់ស្កាត់ខ្លាចក្រែងអ្នកទាំងនោះចូលរួមបាតុកម្មប្រឆាំងគម្រោងអភិវឌ្ឍន៍ត្រីកោណដែលខ្លួនកំពុងដោះដូរដើម្បីឱ្យវៀតណាម ជួយជ្រោមជ្រែងអំណាចត្រកូលហ៊ុនបន្តទៀតនោះ៕

22/08/2024

21/08/2024

19/08/2024

18/08/2024

#អ្នកវិភាគរិះគន់លោក ហ៊ុន ម៉ាណែត ថាប្រយ័ត្នខ្មាសជប៉ុន បើហ៊ានសួរជប៉ុនពាក់ព័ន្ធការធ្វើបាតុកម្មរបស់ពលរដ្ឋខ្មែរ

⏰ ផ្សាយថ្ងៃទី១៨ ខែ០៨ ឆ្នាំ២០២៤

👉 អានព័ត៌មានលម្អិត៖ https://www.cambodiadaily.com/2024/08/18/14/30/77039/

🔽

ក្រុមអ្នកឃ្លាំមើលស្ថានការណ៍កម្ពុជា លើកឡើងថា ការសម្ដែងមតិពីក្រៅប្រទេសគ្មានការរៀបចំកម្លាំងកងទ័ពនៅខាងក្នុងនោះទេ គឺគ្រាន់តែជាការសម្ដែងមតិប៉ុណ្ណោះ ខណៈ #រដ្ឋាភិបាលជប៉ុន ក៏មិនដែលហាមឃាត់នូវការសម្ដែងមតិស្របច្បាប់បែបនេះដែរ។

អ្នកវិភាគនយោបាយ និងជាប្រធានវេទិកាពលរដ្ឋលោក #គឹមសុខ ប្រាប់សារព័ត៌មាន នៅថ្ងៃទី១៦ សីហា នេះថា ការប្រតិកម្មរបស់លោក #ហ៊ុនម៉ាណែត ជុំវិញការធ្វើបាតុកម្មនៅប្រទេសជប៉ុន គ្រាន់តែបង្ហាញថា នាយករដ្ឋមន្ត្រីថ្មីរូបនេះខ្សោយនយោបាយការទូតដោយប្រើភាសារវើរវាយទៅកាន់ប្រទេសជឿនលឿនប៉ុណ្ណោះ។

លោកបន្តថា ករណីប្រជាពលរដ្ឋខ្មែរនៅប្រទេសជប៉ុន ដែលបន្លឺសំឡេងប្រកាសសុំឱ្យលោក ហ៊ុន ម៉ាណែត ចុះចេញពីតំណែងពីការភ័យព្រួយបាត់បង់ទឹកដី គ្រាន់តែជាការ #សម្ដែងមតិ ប៉ុណ្ណោះ ហើយការសម្ដែងមតិបែបនេះ តែងតែកើតមានជាធម្មតានៅប្រទេសជប៉ុន និងប្រទេសសេរី #ប្រជាធិបតេយ្យ ជាច្រើនទៀត នៅពេលដែលប្រជាពលរដ្ឋលែងទុកចិត្តការដឹកនាំរបស់រដ្ឋាភិបាលរបស់ខ្លួន។

អ្នកវិភាគរូបនេះព្រមានថា បើក្រសួងការបរទេសកម្ពុជា សួររដ្ឋាភិបាលជប៉ុន ប្រយ័ត្នជប៉ុន ឆ្លើយប្រាប់រដ្ឋាភិបាលខ្មែរវិញថា នេះជាសិទ្ធិសេរីភាពរបស់មនុស្សគ្រប់រូបដែលជប៉ុន តែងតែគោរព ហើយជប៉ុន សូមឱ្យលោក ហ៊ុន ម៉ាណែត រៀនសូត្រតាមដែរនោះ តើមុខមាត់រដ្ឋាភិបាលរបស់គាត់ និងមុខមាត់របស់កម្ពុជា នឹងអាប់ឱនយ៉ាងណាទៅ។

លោក គឹម សុខ ផ្តល់យោបល់ទៅកាន់លោក ហ៊ុន ម៉ាណែត ថា ក្នុងឋានៈជាបញ្ញវន្តដែលរៀនដល់ថ្នាក់បណ្ឌិតយោធាអាមេរិក សូមកុំឆោតហួសហេតុពេក ព្រោះមេដឹកនាំជប៉ុន ចេះបែងចែកហើយថា ក្របខ័ណ្ឌប៉ុនណាជាការរៀបចំចលនាផ្ដួលរំលំរដ្ឋាភិបាល និងក្របខ័ណ្ឌប៉ុនណាគ្រាន់តែជាកម្រិតសម្ដែងមតិនោះ។

អ្នកវិភាគរូបនេះបញ្ជាក់ថា បើលោក ហ៊ុន ម៉ាណែត ចង់ឃើញខ្មែរឯកភាពជាតិ និងមានកិត្តិយសជាអ្នកដឹកនាំ គាត់ត្រូវបញ្ឈប់ការបំបែកបំបាក់ជាតិដោយខ្លួនឯងដើម្បីតែអំណាចគ្រួសារបន្តទៀតទៅ។ លោកបន្ថែមថា ឈប់បំបែកបំបាក់ជាតិ គឺនៅត្រង់ថា ទាំងលោក ហ៊ុន ម៉ាណែត ទាំងលោក ហ៊ុន សែន ឈប់បង្ក្រាប និងគំរាមបង្ក្រាបប្រជាពលរដ្ឋបន្តទៀត ប៉ុន្តែស្ដាប់សំណូមពររបស់ប្រជាពលរដ្ឋវិញ។ ជាងនេះទៀត ត្រូវបញ្ឈប់ការតាមកម្ទេចគណបក្សប្រឆាំង ប៉ុន្តែត្រូវចរចាគ្នារកការប្រកួតប្រជែងដោយត្រឹមត្រូវ និងឈប់បំពានរដ្ឋធម្មនុញ្ញ ប៉ុន្តែត្រូវគោរពរដ្ឋធម្មនុញ្ញ ដើម្បីធានាប្រជាធិបតេយ្យសេរីពហុបក្ស និងការគោរពសិទ្ធិមនុស្ស ជាដើម នោះខ្មែរនឹងរួបរួមសាមគ្គីជាធ្លុងមួយជាមិនខាន។

កាលពីថ្ងៃទី១៥ ខែសីហា ឆ្នាំ២០២៤ នាយករដ្ឋមន្ត្រីសួពូជ លោក ហ៊ុន ម៉ាណែត លើកឡើងក្នុងពិធីសំណេះសំណាលជាមួយអាចារី អាចារិនី ថា លោកបានណែនាំក្រសួងការបរទេសកម្ពុជារួចហើយឱ្យសួរទៅរដ្ឋាភិបាលជប៉ុន ថាតើពួកគេគាំទ្រទេដែលបាតុករយកទឹកដីជប៉ុន ធ្វើជាមូលដ្ឋានសម្រាប់មកផ្តួលរំលំ។ លើសពីនេះទៀត ត្រូវសួរបន្ថែមទៀតថា តើពួកគេយល់យ៉ាងណាចំពោះប្រជាពលរដ្ឋខ្មែរមួយចំនួនតូចដែលបានយកទឹកដីជប៉ុន រៀបចំផែនការផ្តួលរំលំរាជរដ្ឋាភិបាលស្របច្បាប់នៅកម្ពុជា ដែលកើតឡើងពីការបោះឆ្នោត?

មជ្ឈដ្ឋានខ្លះសួរដោយឆ្ងល់ថា ហេតុដូចម្តេចលោក ហ៊ុន ម៉ាណែត ដែលរៀននៅសហរដ្ឋអាមេរិក ចង់ទៅសួររដ្ឋាភិបាលជប៉ុន បែបពកថ្ងាស មិនដឹងអ្វីអ៊ីចឹង? តើប្រទេសជប៉ុន ដូចប្រទេសខ្មែរផ្ដាច់ការនោះឬ?

លោក ហ៊ុន ម៉ាណែត អះអាងថា លោកពិតជាខ្លាចខ្មែរបែកបាក់គ្នាមែន ខ្លាចខ្មែររងគ្រោះ និងពិការឡើងវិញដោយសារសង្គ្រាម ព្រោះប្រទេសកម្ពុជាបានភ្លក់រសជាតិការឈ្លោះប្រកែកគ្នា បែកគ្នាឆ្អែតឆ្អន់ហើយ ដូច្នេះប្រជាពលរដ្ឋទាំងអស់ត្រូវតែរួមគ្នារក្សាសុខសន្តិភាព ស្ថិរភាពនយោបាយដើម្បីកុំឱ្យខ្មែរបែកបាក់គ្នាដូចអតីតកាលទៀត។

កាលពីថ្ងៃទី១១ ខែសីហា ឆ្នាំ២០២៤ ប្រជាពលរដ្ឋខ្មែរដែលរស់នៅប្រទេសជប៉ុន បានប្រមូលផ្តុំគ្នាធ្វើបាតុកម្មទាមទារឱ្យរដ្ឋាភិបាលកម្ពុជា ដកខ្លួនចេញពី #គម្រោងអភិវឌ្ឍន៍ត្រីកោណ ( ) ឡាវ និងវៀតណាម ក្រោមហេតុផលថា គម្រោងនេះនឹងធ្វើឱ្យទឹកដីខ្មែរបាត់បង់នៅថ្ងៃអនាគត ក្រោមមហិច្ឆតាឈ្លានពានរបស់វៀតណាម ដូចដែលធ្លាប់កើតមានកាលពីអតីតកាលកន្លងមក៕

18/08/2024

18/08/2024

17/08/2024

16/08/2024

មន្ត្រីតុលាការថា ព្រះរាជអាជ្ញារងខេត្តស្ទឹងត្រែង ដែលដោះលែងជនជាតិចិន ៨នាក់ពុំបានរងទណ្ឌកម្ម និងចំណាត់ការអ្វីឡើយ
---
មន្ត្រីតុលាការខេត្តស្ទឹងត្រែងឱ្យដឹងថា ព្រះរាជអាជ្ញារង គឺលោក ជា សុភ័ក្រ ដែលបង្គាប់ឱ្យដោះលែងជនជាតិចិន ៨នាក់រឿងឆ្លងដែនខុសច្បាប់ ពុំទទួលរងទណ្ឌកម្ម និងចំណាត់អ្វីឡើយ។ មន្ត្រីសង្គមស៊ីវិលចាត់ទុក ករណីអនុវត្តច្បាប់ធូររលុង ចំពោះមន្ត្រី ដែលជាប់សង្ស័យរឿងពុករលួយនេះថា ជាគំរូអាក្រក់។

អ្នកនាំពាក្យសាលាដំបូងខេត្តស្ទឹងត្រែង លោក សុំ ស៊ាងហាក់ ប្រាប់វិទ្យុអាស៊ីសេរី នៅថ្ងៃទី១៣ ខែសីហាថា ទោះបីក្រសួងមហាផ្ទៃបង្កើតគណៈកម្មការ ដើម្បីស្រាវជ្រាវករណីដោះលែងជនជាតិចិនចំនួន ៨នាក់ ដែលមិនប្រក្រតីនាពេលកន្លងមកក្ដី ប៉ុន្តែ មកទល់ពេលនេះ ព្រះរាជអាជ្ញារងដែលកាន់សំណុំរឿង និងបង្គាប់ឱ្យដោះលែងជនជាតិចិនទាំង ៨នាក់នៅមានសេរីភាព និងបម្រើការងារជាធម្មតា។
លោក សុំ ស៊ាងហាក់៖ «ព្រោះអីគេបង្កើត [គណៈកម្មការ] នៅក្រសួង ខ្ញុំអ្នកនាំពាក្យនៅសាលាដំបូងអត់មានសិទ្ធដឹងរឿងហ្នឹងទេ គេអត់ឱ្យដឹងទេ ព្រោះអីការងារហ្នឹងដោះស្រាយនៅក្រសួង ខ្ញុំនៅសាលាដំបូងនៅថ្នាក់ក្រោមម៉េចដឹងថ្នាក់លើ»។

រដ្ឋមន្ត្រីក្រសួងមហាផ្ទៃ លោក ស សុខា កាលពីខែឧសភា បានបង្កើតគណៈកម្មការចំពោះកិច្ចមួយ ដែលមានការចូលរួមដោយរដ្ឋលេខាធិការក្រសួងយុត្តិធម៌ លោក គឹម សន្តិភាព កម្លាំងស្នងការដ្ឋាននគរបាលខេត្តស្ទឹងត្រែង នគរបាលថ្នាក់ជាតិ និងកម្លាំងអាវុធហត្ថជាដើម ដើម្បីស៊ើបអង្កេតលើព្រះរាជអាជ្ញារងខេត្តស្ទឹងត្រែង និងមន្ត្រីពន្ធនាគារខេត្ត ដែលបានដោះលែងជនជាតិចិនទាំង ៨នាក់ ដោយពុំបានធ្វើលិខិត និងប្រគល់ជនជាតិចិនទាំងនោះ មកមន្ត្រីនគរបាលអន្តោប្រវេសន៍ ដើម្បីបណ្ដេញចេញពីកម្ពុជា។

តុលាការខេត្តស្ទឹងត្រែងសម្រេចផ្ដន្ទាទោសជនជាតិចិនទាំង ៨នាក់ ឱ្យជាប់ពន្ធនាគាររយៈពេល ៤ខែ ពីបទលួចឆ្លងដែនដោយខុសច្បាប់ កាលពីថ្ងៃទី១០ កុម្ភៈ។ ប៉ុន្តែ ជាប់គុកបានប្រមាណជាង ១០ថ្ងៃប៉ុណ្ណោះ ក៏ត្រូវបានព្រះរាជអាជ្ញារងអមសាលាដំបូងខេត្តស្ទឹងត្រែង គឺលោក ជា សុភ័ក្រ បង្គាប់មន្ត្រីពន្ធនាគារខេត្តឱ្យដោះលែងពួកគេឱ្យមានសេរីភាពវិញ។ នេះបើយោងតាមអ្នកនាំពាក្យសាលាដំបូងខេត្តស្ទឹងត្រែង លោក សុំ ស៊ាងហាក់។

ចំណែកឯអ្នកនាំពាក្យក្រសួងមហាផ្ទៃ លោក ទូច សុខៈ បដិសេធអត្ថាធិប្បាយជុំវិញលទ្ធភាពស្រាវជ្រាវករណីដោះលែងជនជាតិចិនទាំង ៨នាក់នេះ ដោយលោកបញ្ជាក់យ៉ាងខ្លីថា រឿងនេះបានបិទបញ្ចប់ច្រើនខែមកហើយ។

វិទ្យុអាស៊ីសេរីមិនអាចទាក់ទងរដ្ឋលេខាធិការក្រសួងយុត្តិធម៌ លោក គឹម សន្តិភាព បាននៅឡើយទេនៅថ្ងៃទី១៣ ខែសីហា។

ទាក់ទងនឹងរឿងនេះ មន្ត្រីសម្របសម្រួលនៃសមាគមការពារសិទ្ធិមនុស្សអាដហុក (ADHOC) ប្រចាំខេត្តស្ទឹងត្រែង លោក ចឹក ចិត្រា សង្ស័យថា ករណីនេះអាចជាការឃុបឃិតប្រព្រឹត្តអំពើពុករលួយជាប្រព័ន្ធ ហើយប្រសិនជាគ្មានស្ថាប័នពាក់ព័ន្ធចាត់វិធានការលើមន្ត្រីដែលល្មើសច្បាប់ទេនោះ លោក បារម្ភថា ករណីមន្ត្រីតុលាការដោះលែងជនល្មើសឱ្យរស់នៅក្រៅប្រព័ន្ធច្បាប់អាចបន្តកើតឡើងដដែល។
លោក ចឹក ចិត្រា៖ «យើងទទូចឱ្យអាជ្ញាធរ ជាពិសេស គណៈកម្មការចំពោះកិច្ចលើការស៊ើបអង្កេតទៅលើការដោះលែង [ជនជាតិចិន ៨នាក់] គួរតែមានចំណាត់ការឱ្យតឹងរ៉ឹង ចំពោះមន្ត្រីទាំងអស់ហ្នឹង គួរណាមានការដាក់ទោសទណ្ឌឱ្យមានភាពតឹងរ៉ឹង ចំពោះភារកិច្ច ក៏ដូចជា ការបំពេញតួនាទី ចំពោះមន្ត្រីដែលរំលោភច្បាប់ ជាពិសេស មន្ត្រីផ្សេងៗ ដែលគាត់រំលោភច្បាប់មិនថា តែករណីជនជាតិចិនហ្នឹងទេ»។

មន្ត្រីសង្គមស៊ីវិលនៅតែអំពាវនាវដល់ស្ថាប័នពាក់ព័ន្ធ បោសសម្អាត ឬចាត់វិធានការលើមន្ត្រីដែលពាក់ព័ន្ធនឹងការប្រព្រឹត្តអំពើពុករលួយ ក្នុងការសម្រួលឱ្យជនល្មើសរួចផុតពីការដាក់ទោសទណ្ឌ៕

#វិទ្យុអាស៊ីសេរី #កម្ពុជា #ហ៊ុនសែន #ហ៊ុនម៉ាណែត #គណបក្សកាន់អំណាច #គណបក្សប្រជាជនកម្ពុជា #ស្ទឹងត្រែង #តុលាការ #ព្រះរាជអាជ្ញា #នគរបាលខេត្តស្ទឹងត្រែង #ជនជាតិចិន៨នាក់ #ឥទ្ធិពលចិន

15/08/2024

រដ្ឋាភិបាលកម្ពុជា «ប្រឈមនឹងការដួលរលំ» បើមិនព្រមដកកម្ពុជាចេញពីគម្រោង CLV-DTA
---
ក្រុមអ្នកឃ្លាំមើលព្រមានថា ជោគវាសនារបស់រដ្ឋាភិបាលនេះអាចប្រឈមនឹងការរង្គោះរង្គើ បើនៅតែមិនព្រមដកកម្ពុជាចេញពីតំបន់ត្រីកោណអភិវឌ្ឍន៍ CLV-DTA ដ៏ចម្រូងចម្រាស។

ខណៈនៅមិនដល់ជាង ១សប្តាហ៍ទៀត រដ្ឋាភិបាលលោក ហ៊ុន ម៉ាណែត គ្រប់គ្រងប្រទេសបាន១ឆ្នាំ ក្រុមអ្នកឃ្លាំមើល ព្រមានថា ជោគវាសនារបស់រដ្ឋាភិបាលនេះអាចប្រឈមនឹងការរង្គោះរង្គើ បើនៅតែមិនព្រមដកកម្ពុជាចេញពីតំបន់ត្រីកោណអភិវឌ្ឍន៍ ដ៏ចម្រូងចម្រាស។
លោក គឹម សុខ៖ «រដ្ឋាភិបាលលោក ហ៊ុន ម៉ាណែត ប្រឈមនឹងការដួលរលំហើយប្រសិនបើមិនដកទឹកដីកម្ពុជាចេញពីគម្រោងតំបន់ត្រីកោណអភិវឌ្ឍន៍នោះទេ ពីព្រោះប្រជាពលរដ្ឋខ្មែរមើលឃើញច្បាស់គ្រប់គ្នាថាគម្រោងតំបន់ត្រីកោណអភិវឌ្ឍន៍នោះ ធ្វើឱ្យទឹកដីកម្ពុជារបស់យើងរងហានិភ័យបាត់បង់ ហើយមិនត្រឹមតែ៤ខេត្តទេ ខ្ញុំសិក្សាច្បាស់ណាស់ អាចនឹងកម្ពុជាទាំងមូលរអិលធ្លាក់ទៅក្រោមការគ្រប់គ្រងរបស់វៀតណាម ដូចឡាវបច្ចុប្បន្នអ៊ីចឹង»។

ការព្រមាននេះកើតមានឡើងស្របពេលដែលពលរដ្ឋខ្មែរនៅក្រៅប្រទេសរាប់ម៉ឺននាក់បាននាំគ្នាធ្វើបាតុកម្មនឹងគម្រោងត្រីកោណអភិវឌ្ឍន៍។ សម្រែកខ្មែរនៅក្រៅស្រុកស្ទើរកក្រើកពិភពលោក រាប់ចាប់ពីប្រទេសកូរ៉េខាងត្បូង ដល់ប្រទេសជប៉ុន អូស្ត្រាលី និងកាណាដា កាលពីថ្ងៃទី១១ ខែសីហា បានអំពាវនាវឱ្យរដ្ឋាភិបាលលោក ហ៊ុន ម៉ាណែត ដកកម្ពុជាចេញពីគម្រោងអភិវឌ្ឍន៍ ជាបន្ទាន់ ព្រោះពួកគាត់បារម្ភថាអាចធ្វើឱ្យកម្ពុជាបាត់បង់បូរណភាពទឹកដី និងអធិបតេយ្យទៅឱ្យប្រទេសវៀតណាម មិនខុសពីប្រវត្តិសាស្ត្ររឿងទឹកដីកម្ពុជាក្រោម។ ខ្មែរនៅក្រៅស្រុកទាំងនោះ ក៏អំពាវនាវឱ្យលោក ហ៊ុន ម៉ាណែត ចុះចេញពីតំណែងបើនៅតែមិនអាចដោះស្រាយរឿងរ៉ាវដែលពួកគាត់ចោទថាអាចធ្វើឱ្យកម្ពុជាបាត់បង់ទឹកដីនេះបាន។

ក៏ប៉ុន្តែ ការអំពាវនាវនេះ ត្រូវអតីតនាយករដ្ឋមន្ត្រី ហ៊ុន សែន ចេញមុខបដិសេធជាថ្មីម្តងទៀត។ លោក ហ៊ុន សែន បានរំលោភអំណាចនីតិប្រតិបត្តិរបស់នាយករដ្ឋមន្ត្រីជាកូន ដោយគំរាមចាប់ដាក់គុកអ្នកទាំងឡាយណាដែលហ៊ានប្រើប្រាស់សិទ្ធិចេញតវ៉ានៅក្នុងស្រុក។
លោក ហ៊ុន សែន៖ «ប៉ុន្តែ សារដែលបានបញ្ជូនពីខាងក្រៅគឺញុះញង់បងប្អូនខាងក្នុងទទួលយកការវិនាសមួយដែលពិបាកនឹងស្រោចស្រង់។ នេះមិនមែនជាការគំរាមទេ ប៉ុន្តែ គឺជាការនិយាយដោយបញ្ជាក់ច្បាស់ៗអំពីផលប្រយោជន៍ជាតិ និងប្រជាជន។ យើងមិនអាចទុកឱ្យមនុស្សប៉ុន្មាននាក់បំផ្លាញសេចក្តីសុខរបស់ប្រជាជន ១៧លាននាក់បានឡើយ។ មានអ្នកខ្លះឃើញហេតុការណ៍នៅបង់ក្លាដេស្ហប្រៀបធៀបជាមួយហេតុការណ៍នៅក្នុងប្រទេសកម្ពុជា សូមសាកល្បងមើលប្រសិនបើអ្នកអាចចាត់ទុកថាខ្លួនឯងជាអ្នកខ្លាំងគឺសូមអញ្ជើញសាកល្បង»។

សារព្រមានរបស់លោក ហ៊ុន សែន នេះ គឺបន្ថែមទៅលើសារព្រមានរបស់នាយករដ្ឋមន្ត្រីជាកូន គឺលោក ហ៊ុន ម៉ាណែត ដែលប្តេជ្ញាចាត់វិធានការផ្ដាច់ការទៅលើក្រុមអ្នកធ្វើបាតុកម្មដែលយកគំរូតាមប្រទេសបង់ក្លាដេស្ហ។
លោក គឹម សុខ៖ «ខ្ញុំជឿជាក់ថាប្រជាពលរដ្ឋខ្មែរមិនធ្វើឱ្យប្រទេសកម្ពុជាបាត់បង់ទេ។ លោក ហ៊ុន សែន តែងតែនិយាយថា ប្រជាពលរដ្ឋដើរហួសបន្ទាត់ក្រហម។ ក៏ប៉ុន្តែ អ្វីដែលយើងចង់បញ្ជាក់នៅពេលនេះ មិនមែនប្រជាពលរដ្ឋទេដែលដើរហួសបន្ទាត់ក្រហម គឺលោក ហ៊ុន សែន ខ្លួនឯងជាអ្នកដើរហួសបន្ទាត់ក្រហមទៅហើយ។ ហួសឆ្ងាយហើយ សម្លាប់ប្រជាធិបតេយ្យ ឥឡូវនេះធ្វើឱ្យទឹកដីជាតិទាំងមូលរងហានិភ័យ។ រឿងនេះគឺហួសបន្ទាត់ក្រហមហើយដល់បន្ទាត់ខ្មៅ»។

ជុំវិញកិច្ចសហប្រតិបត្តិការតំបន់អភិវឌ្ឍន៍ត្រីកោណ CLV នេះ រដ្ឋាភិបាល អះអាងថា គ្មានឡើយការកាត់ទឹកដី៤ខេត្តទៅឱ្យប្រទេសវៀតណាម ឬការយកខេត្តទាំង៤ គឺមណ្ឌលគិរី រតនគិរី ក្រចេះ និងស្ទឹងត្រែង ទៅដាក់ហ៊ុនជាមួយប្រទេសជិតខាងរួមបញ្ចូលគ្នាជាដែនដីតែមួយ។ ទន្ទឹមនឹងនេះ ក៏គ្មានការដាក់ហ៊ុនធនធានធម្មជាតិ ឬការអនុញ្ញាតឱ្យពលរដ្ឋប្រទេសនីមួយៗចេញចូលដោយសេរីឡើយ។
ទោះយ៉ាងណា កត្តាប្រវត្តិសាស្ត្រ ភាពមិនទុកចិត្តលើវៀតណាម និងមេដឹកនាំបច្ចុប្បន្ន ព្រមទាំងការចាក់ស្រេះនៃអំពើពុករលួយ កំពុងធ្វើឱ្យពលរដ្ឋខ្មែរបន្តព្រួយបារម្ភពីការបាត់បង់ដីទៅប្រទេសវៀតណាមនាពេលអនាគត។
លោក ប៉ែន សង្ហា អ្នកជំនាញវិទ្យាសាស្ត្រនយោបាយ៖ «ដូច្នេះ ការណ៍ដែលរដ្ឋាភិបាលបដិសេធ ឬច្រានចោលមិនពិចារណាទៅលើសំណើរបស់ប្រជាពលរដ្ឋនេះ គឺបញ្ហានេះនឹងនៅតែបន្តរ៉ាំរ៉ៃ។ ខ្ញុំជឿថា បញ្ហានេះនឹងនៅតែបន្តរ៉ាំរ៉ៃបើសិនជាមិនមានដំណោះស្រាយសមស្របណាមួយចំពោះមតិពលរដ្ឋ។ បញ្ហានេះ នឹងក្លាយជាបញ្ហាក្តៅរហូតដល់ដំណាក់កាលណាមួយដែលយើងពិបាកនឹងស្មានថា តើវានឹងវិវឌ្ឍន៍ទៅដល់ចំណុចណាមួយពីព្រោះបញ្ហារបស់ប្រជាពលរដ្ឋខ្មែរមិនមែនមានតែបញ្ហាប៉ុណ្ណឹងទេ គឺមានបញ្ហាច្រើនយូរណាស់មកហើយដែលធ្វើឱ្យប្រជាពលរដ្ឋខ្មែរចង់ចូលរួមសម្ដែងមតិអំពីបញ្ហាដែលពួកគាត់ជួបប្រទះ»៕

រូប៖ ហ្វេសប៊ុកលោក ហ៊ុន ម៉ាណែត
អានលើគេហទំព័រ៖ www.rfa.org/khmer/news/politics/observers-warned-of-destabilize-if-govt-still-not-pulls-out-from-clv-08152024040232.html
ទស្សនាលើហ្វេសប៊ុក Facebook, https://www.facebook.com/rfacambodia/videos/1444369849600294
ទស្សនាលើហ្វេសប៊ុកYouTube https://www.youtube.com/watch?v=QjowZLZoybw
#វិទ្យុអាស៊ីសេរី #កម្ពុជា #បង់ក្លាដេស្ហ #ស្រីលង្កា #ហ៊ុនម៉ាណែត #ហ៊ុនសែន #ត្រកូលហ៊ុន #របបដឹកនាំបែបផ្តាច់ការ #បក្ខពួកនិយម #តំបន់អភិវឌ្ឍន៍ត្រីកោណ #បាតុកម្ម #សេក្ខហាស៊ីណា #ហ្គោតាបាយ៉ារ៉ាចាប៉ាក់សា #អំណាចពលរដ្ឋ #សេរីភាពបញ្ចេញមតិ

15/08/2024

Address

Adelaide, SA
5108

Telephone

+61411701691

Website

facebook.com

Alerts

Be the first to know and let us send you an email when Cambodian Australian News Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Cambodian Australian News Network:

Videos

ខ្មែរក្រោមរំលឹកការបាត់បង់ទឹកដីដូនតាខ្មែរ ផ្នែកខាងក្រោមនៃអាណាច័ក្រមហានគរ ទៅយួន 75 ឆ្នាំមុន ក្នុងឆ្នាំ 1949. Khmer Krom mourn the loss of Khmer ancestral land, a lower part of former Khmer Empire to South Vietnam in 1949.

Tasting Australia ភ្លក់រសជាតិអូស្ត្រាលី

Food & Wine Festival in Adelaide South Australia, 3-12 May 2024

ចូលឆ្នាំថ្មី “រាត្រីសមោសរ” ទីក្រុង Adelaide South Australia. វត្តខ្មែរសន្តិភាព.

(Part 2) រាត្រីសមោសរ បុណ្យចូលឆ្នាំខ្មែរ - មហាសង្ក្រាន្ត 2568 / 2024 សម្រាប់វត្តខ្មែរសន្តិភាព Watt Khmer Sanitpheap, Adelaide Australia. សួស្តីឆ្នាំថ្មី។

Khmer New Year 2024 - Maha Songkran 2568. Celebrating and welcoming a new angel named, Taria Tevi, the 7th daughter of Lord Brahman. Best wishes to all, blessed with happiness! ❤️🙏🏼

សកម្មភាពបុណ្យចូលឆ្នាំខ្មែរ មហាសង្ក្រាន្ត ២៥៦៨។ វត្តព្រះពុទ្ធមានជ័យ។ Khmer New Year Celebration 2024 Maha Songkran 2568. Cambodian Temple, MacDonald Park. Adelaide Sa.

“You’ve enjoyed the way of life in Australia, the freedom of speech, the freedom of thinking & the government services being provided to you, instead you support a dictator regime in Cambodia! Then you shouldn’t live in Australia, you don’t belong here!!!”

Part 2 បាតុកម្មប្រឆាំងរបប ហ៊ុន - ហ៊ុន ម៉ាណែត Protest in Melbourne Parliament House Melbourne for Democracy - Free Cambodia

កម្រងចំរៀង តារា រាជសែន ពិសេស Special Compilation Songs by Dara Rajasen | ច្រៀងដោយ តារាចំរៀងល្បីៗ

កម្រងចំរៀង តារា រាជសែន ពិសេស។ ច្រៀងដោយ តារាចំរៀងល្បីៗ រួមមាន ភេន បូទី, សុន ស្រីណុន , ទិត្យ សុធារី និង តារាចំរៀងពី ទីក្រុងអាឌឺលែត។ ទំនុកច្រៀង តារា រាជសែន Songs compilation - official MVs up to date, lyrics by Dara Rajasen.

បទ”ស្នេហ៍បងខ្លះទេ?” ច្រៀងដោយ ប៊ុន សំបូរ ។ និពន្ធទំទុកច្រៀងដោយ តារា រាជសែន។ “Love Me Just A Little..”New song by Sambo Bun. Lyricist : Dara Rajasen

ភាពយន្តក្បាច់គុនល្បុក្កតោ ចាក់បញ្ចាំងនៅឡុងប៊ិច! >>> ថ្ងៃទី ១៧ ខែ វិច្ឆិកា ម៉ោង ៧យប់។ >>> ទីតាំង Aquarium of the Pacific: 100 Aquarium Way, Long Beach, CA 90802

ខ្មែរមួយចំនួននៅអូស្ត្រាលីប្រតិកម្មការប្រគំតន្ត្រីលោក ព្រាប សុវត្ថិ ដែលពាក់ព័ន្ធរឿងរំលោភដីធ្លី --- ពលរដ្ឋខ្មែរអូស្ត្រាលីមួយចំនួនមិនគាំទ្រការប្រគំតន្ត្រី ឬខនស៊ត (Concert) របស់លោក ព្រាប សុវត្ថិ នៅលើទឹកដីអូស្ត្រាលីឡើយ ដោយពួកគាត់យល់ថា ក្នុងរយៈកាលប៉ុន្មានឆ្នាំចុងក្រោយនេះ លោក មានជាប់ឈ្មោះអាស្រូវរឿងទទួលបានដីនៅបឹងតាមោក កំពុងមានការតវ៉ាពីពលរដ្ឋរងគ្រោះ និង ជម្លោះដីធ្លី នៅខេត្តរតនគិរី។ លោក ព្រាប សុវត្ថិ ដែលជាកំពូលតារាចំរៀងខ្មែរប្រចាំប្រទេសកម្ពុជា កំពុងរៀបចំសម្ដែងខុនសិត (Concert) ក្នុងប្រទេសអូស្ត្រាលី នៅចុងសប្តាហ៍នេះ និងសប្តាហ៍ក្រោយ ប៉ុន្តែខុសពីពេលមុនដែលលោកតែងទទួលបានការគាំទ្រពីពលរដ្ឋខ្មែរនៅទីនោះ លើកនេះ លោកត្រូវបានអ្

ស្នេហ៍មេឃនិងដី | Heaven & Earth MV និពន្ធទំនុកច្រៀង : តារា រាជសែន (Dara Rajasen) ច្រៀង : សុន ស្រីណុន (Sreynon Son) សម្តែង : ទាវ សិលាមុនី(Tenisha Teav) ប្រគំភ្លេង : (Sovannarith Keyborad) កាត់ត : អែល្លិសិន ឈន (Allison Chhorn) រៀបចំឈុតឆាក និង សំលៀកបំពាក់ : សាលីណា & សុភ័ណ្ណ Wardrobe : Saleenna Khem & Sophon Teav Lyrics : Dara Rajasen Sung by : Sreynon Son Performed by : Seyla Tenisha Teav Music produced by : Sovannarith Keyborad Editor : Allison Chhorn

Khmer first night club opening in Melbourne at Happy Bar

Minister Penny Wong - Yes 23 Campaign for the VOICE to the parliament, “ It’s about the people, about recognition and listening to the indigenous’s voice” រដ្ឋមន្ត្រីក្រសួងការបរទេសមានប្រសាសន៍ថា- “ដើម្បីមនុស្សលោក ដើម្បីទទួលស្គាល់ ដើម្បីផ្តល់សម្លេងដល់ជនជាតិដើមអូស្ត្រាលី” ពលរដ្ឋអូស្ត្រាលីនឹងមានឱកាសបោះឆ្នោតប្តូររដ្ឋធម្មនុញ្ញ ដើម្បីផ្តល់សិទ្ធិដល់ជជនជាតិដើមអូស្ត្រាលី អាបូរីជិនី មានគណកម្មការពិសេសក្នុងរដ្ឋសភាអូស្ត្រាលី។