Zamon.uz internet nashri

Home
Uzbekistan
Tashkent
Zamon.uz internet nashri

zamon informatsion - tahliliy dasturining axborot sahifasi

02/11/2022

iPhone заводи ходимлари оммавий қочиб кетди

Хитойда жойлашган дунёдаги энг йирик iPhone заводи ишчилари СОVID-19 эпидемияси туфайли оммавий қочиш уюштиришди.

Қайд этилишича, ишчиларнинг бир қисми октябрь ойи ўрталарида касал бўлиб, ҳеч қандай даволанмаган. Шу муносабат билан Foxsonn раҳбарияти Чженчжоудаги заводда санитария чекловларини жорий қилган.

Ходимларга завод ҳудудида овқатланиш, кампус атрофида ҳаракатланиш тақиқланган va ҳимоя ниқобларини кийиш талаб қилинган. Хавфли вазият va иш шароитлари туфайли норозиликни келтириб чиқарган.

Ходимлар вирус тарқалиши сабабли Foxsonn кампусини тарк этиб, ўз уйларига пиёда қайтган.

28/10/2022

"Кўксарой" қароргоҳида Шарль Мишелни Президент Шавкат Мирзиёев кутиб олди.

Шарль Мишель 27 октябрь куни мамлакатимизга ташриф буюрди. Бугун, 28 октябрь куни тонгда олий мартабали меҳмон “Янги Ўзбекистон” боғига бориб, Мустақиллик монументи пойига гулчамбар қўйди.

«Кўксарой» қароргоҳида Шарль Мишелни Ўзбекистон Президенти Шавкат Мирзиёев кутиб олди. Улар биргаликда суратга тушди.

Сўнг олий даражадаги музокаралар бошланди.

Тор доирадаги учрашувда кўп қиррали ҳамкорликни янада кенгайтиришнинг долзарб масалалари кўриб чиқилди, халқаро ва минтақавий кун тартиби юзасидан фикр алмашилди.

Мамлакатимиздаги демократик янгиланишлар ва иқтисодий ислоҳотларни, энг аввало, инновациялар, "яшил" иқтисодиёт, рақамлаштириш соҳаларида амалга оширишга кўмаклашиш мақсадида амалий ҳамкорликни кенгайтириш борасидаги биргаликдаги ишларни давом эттириш юзасидан келишувга эришилди.

28/10/2022

Ҳодиса оқибатида тўрт киши вайроналар остида қолиб кетган.

Клэй округи маъмурияти маълумотларига кўра, ишчилар бетон қуяётган вақтда кўприк қурувчиларнинг устига қулаган. Ҳодиса оқибатида вайроналар остида қолган бир фуқаро вафот этган, уч нафари эса ўзлари чиқиб кетган. Улар турли тан жароҳатлари билан вилоят шифохонасига етказилган.

Маҳаллий ҳокимият маълумотларига кўра, кўприк қулаган пайтда воқеа жойида бир неча пудратчи компаниялар бўлган. Икки қаторли кўприк 2016 йилдан бери ёпилган. Қурилиш 2021 йилнинг май ойида бошланиб, 2023 йил бошида қайта очилиши режалаштирилган.

Полиция маълумотларига кўра, қурилиш вақтида хавфсизлик чораларига риоя қилинган. Инженер пудратчи бетон қуйишдан олдин кўприкни кўздан кечирди. Бахтсиз ҳодиса бўйича тергов АҚШ Меҳнат департаментининг Меҳнатни муҳофаза қилиш ва соғлиқни сақлаш бошқармасига топширилди.

28/10/2022

Энди қонунга ўзгартириш киритилаётганда бунинг зарурияти, сабаб ва мақсадларини тушунтириши муқаддима бўлади.

Президент “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонунни имзолади.

“Ўзбекистон Республикаси Олий Мажлиси Қонунчилик палатасининг Регламенти тўғрисида”ги Қонунга киритилган ўзгартиришга кўра, Қонун лойиҳасини Қонунчилик палатаси томонидан иккинчи ўқишда кўриб чиқиш чоғида муҳокама унинг номи, муқаддимаси (агар мавжуд бўлса), ҳар бир моддаси бўйича алоҳида-алоҳида ўтказилади.

“Норматив-ҳуқуқий ҳужжатлар тўғрисида”ги Қонун билан тасдиқланган Норматив-ҳуқуқий ҳужжатлар лойиҳаларини, шунингдек уларга илова қилинадиган ахборот-таҳлилий материалларни юридик-техник жиҳатдан расмийлаштиришнинг ягона услубиётига қуйидаги қўшимчалар киритилди:

🔹 Қонуности ҳужжатларига ўзгартиш ва қўшимчалар киритишни, шунингдек уларни ўз кучини йўқотган деб топишни назарда тутувчи қонуности ҳужжати лойиҳасининг номида мазкур лойиҳа билан киритилаётган асосий ўзгартиш ва қўшимчаларнинг моҳияти кўрсатилиши керак.

🔹 Норматив-ҳуқуқий ҳужжатларга ўзгартиш ва қўшимчалар киритишни, шунингдек уларни ўз кучини йўқотган деб топишни назарда тутувчи лойиҳа, қоида тариқасида, уни қабул қилиш зарурияти, сабаблари ва мақсадларига оид тушунтиришни қамраб олган, шунингдек норматив-ҳуқуқий ҳужжатнинг моҳиятини ва аҳамиятини очиб берадиган муқаддимага эга бўлади.

Ушбу Қонун расмий эълон қилинган кундан эътиборан кучга киради.

28/10/2022

Кеча Россия Президенти Жанубий Кореяни Украинага қурол етказиб беришда айблаганди.

Сеул Киевга ҳужумкор қуролларни бермаган. Бу ҳақда Жанубий Корея Президенти Юн Сок Ель маълум қилди.

Пайшанба куни Владимир Путин "Валдай" клубидаги нутқида Корея Республикасини Украинага қурол етказиб беришга қарор қилганини айтганди. Шунингдек, Россия етакчиси агар Москва КХДРга қурол жўнатса, бу Сеулга ёқмаслигини ҳам таъкидлади.

"Биз Украинага гуманитар ёрдам бериш масаласида халқаро ҳамжамият билан биргамиз ва ҳеч қандай ҳужумкор қуроллар бермаганмиз. Аммо нима бўлган тақдирда ҳам бу суверенитет масаласи", — деган Юн Сок Ель журналистлар билан суҳбатда.

Сеул АҚШнинг энг муҳим иттифоқчиларидан бири бўлса-да, Украинага ҳужумкор қуроллар беришдан қочиб келади. Бу Россия билан иқтисодий масалаларда келишмовчиликлардан қочиш ҳамда Москванинг Шимолий Кореяга таъсири билан изоҳланади.

"Биз барча давлатлар, хусусан, Россия билан яхши муносабатларни сақлаб қолишга ҳаракат қиляпмиз", — деган Жанубий Корея Президенти.

Аввалроқ Исроил Президенти унинг мамлакати нима учун Украинага қурол етказиб бера олмаслигини очиқлаганди.

28/10/2022

Руминияликлар харид учун Украинага келмоқда

Муаллиф: Шарофат Маҳмудова

28/10/2022

Қайд этилишича, икки марта оила қуриб ажрашган эркак 2 нафар фарзандига алимент тўламай келган.

Бюро органларидан доимий равишда қочиб юргани боис унга нисбатан қидирув эълон қилинган.

Қидирувдаги фуқаронинг уйига борган МИБ ходимларига қарздорнинг укаси ошхона пичоғи билан ташланган ва тан жароҳати етказишга уринган.

Мазкур ҳолат юзасидан Бухоро шаҳар прокуратураси Жиноят кодексининг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) 2-қисми билан жиноят иши қўзғатилиб, айбланувчи эҳтиёт чораси сифатида қамоққа олинган

28/10/2022

Бу топшириқ ижросини шахсан Администрация раҳбари Сардор Умурзақовнинг ўзи назорат қилади.

Иссиқхоналарни газ таъминотидан узиш ҳолати бўйича тадбиркорларнинг норозилигидан хабар топган Шавкат Мирзиёев зудлик билан мазкур масалани кўриб чиқиш учун Администрация раҳбари Сардор Умурзаковга тегишли топшириқ берди.

Администрация раҳбари бошчилигида ўтган мажлисда иссиқхоналарни табиий газ таъминотидан огоҳлантиришсиз узиш ҳолатлари бўйича жуда кўп эътирозлар билдирилаётгани, хусусан 25 октябрь куни республиканинг турли ҳудудларидан иссиқхоналари газдан узилган тадбиркорлар норозилик билдириб, Тошкентда тўплангани бўйича тегишли масъуллар қаттиқ танқид остига олинди.

"Жумладан, Вазирлар Маҳкамаси ва Қишлоқ хўжалиги вазирлиги мутасадди раҳбарларининг ушбу масала билан умуман шуғулланмагани учун, тадбиркорларнинг муаммоларига ечим топмагани учун улар Президент Администрациясига келишмоқда", — деди С.Умурзақов.

28/10/2022

Миллиардер Twitter микроблоглар хизматини сотиб олиш бўйича келишувни 28 октябргача якунлашга ваъда берганди.

Америкалик тадбиркор, SpaceX ва Tesla компаниялари эгаси Илон Маск Twitter ходимларига компания ходимларининг 75 фоизини тармоқ сотиб олинган тақдирда ишдан бўшатмасликка ваъда берди. Бу ҳақда маълумотли манбаларга таяниб, Bloomberg хабар бермоқда.

Аввалроқ Washington Post газетаси Маскнинг кенг кўламли ишдан бўшатишни ташкил этиш режалари ҳақида ёзган эди. Bloomberg Маск Twitter микроблоглар хизматини сотиб олиш бўйича келишувни 28 октябргача якунлашга ваъда бергани ҳақида хабар берганди. Агентлик маълумотларига кўра, тадбиркор ижтимоий тармоқни сотиб олиш бўйича битимни “молиялаштиришга кўмаклашаётган” банкирлар билан ўтказилган видеоконференция давомида шундай баёнот берган.

Шу билан бирга, ОАВ Маск компания ходимларининг 75 фоизини ишдан бўшатишни режалаштираётгани ҳақида ёзди. Кейинроқ ижтимоий тармоқ раҳбарияти ходимларга мактуб йўллаб, миш-мишларга ишонмасликни сўради.

27/10/2022

Вилоят прокуратураси тафсилотларни очиқлади.

Ижтимоий тармоқларда Бухоро муҳандислик-технология институтида суиқасд уюштирилгани ҳақида хабарлар тарқалди. Ҳолат юзасидан вилоят прокуратураси расмий изоҳ берди.

Маълум қилинишича, институт талабаси Т.М. меъёридан ортиқ қон босимини тушурувчи дори воситаларини истеъмол қилганлиги сабабли заҳарланиб, 26 октябрь куни шифохонага ётқизилган. Беморга малакали тиббий ёрдам кўрсатилган ва айни пайтда у шифохонада даволанмоқда.

Тезкор-тергов гуруҳи томонидан ҳодиса жойи кўздан кечирилган. Институт ва бошқа маъсул шахсларнинг хатти-ҳаракатлари юзасидан хизмат текширувлари тайинланган.

Ҳозирда мазкур ҳолат бўйича Бухоро шаҳар прокуратураси томонидан терговга қадар текширув ҳаракатлари олиб борилмоқда.

27/10/2022

Бу бўйича йирик ҳисобот эълон қилинди.

Иқлим ўзгариши тобора бутун сайёра аҳолиси саломатлигига салбий таъсир кўрсатмоқда. Бу ҳақда Lancet тиббиёт журналида эълон қилинган “Тескари ҳисоб” номли йиллик ҳисоботда сўз боради.

Унинг муаллифлари ўнта халқаро ташкилот, жумладан, ЖССТ тадқиқотларини бирлаштирган.

Тадқиқотлар натижаларига шуни кўрсатадики, иссиқлик оқибатида одамлар аввалгига қараганда бир ярим баробар кўп вафот этмоқда; чивин ва турли ҳашаротлар олдингидан кўпроқ инфекцион касалликларни тарқатмоқда.

БМТ Бош котиби Антониу Гутерриш ҳам BBC’га берган интервьюсида сўнгги вақтларда иқлим муаммоларини ортга суриш тенденцияси кучайганини тан олган ва дунё давлатларини бу масалага жидддий эътибор қаратишга чақирганди. У қазиб олинадиган ёқилғига қарамлик бутунлай назоратдан чиқиб кетганини таъкидлаганди.

“Ҳақиқатни айтишимиз керак. Иқлим ўзгаришлари айрим давлатларга ҳалокатли таъсирини ўтказмоқда”, – деган Бош котиб.

Ноябрь ойида Мисрда БМТнинг иқлим бўйича йиллик конференцияси ўтказилади. Lancet ҳисоботи дарҳол ҳаракат қилишга ундовчи ўзига хос чақириқ ҳисобланади.

“Ҳукуматлар ва компаниялар инсон саломатлиги ва фаровонлигини ҳисобга олмай, ҳамон қазиб олинадиган ёғилғига устуворликни бериб келмоқда. Биз бунга қарши дарҳол чора кўришимиз керак”, – деган ҳисобот муаллифларидан бири Кэтрин Боуэн.

Йель университети тиббиёт факультети ва иқлим ўзгариши ва саломатлик маркази эксперти доктор Жоди Шерман ўз навбатида бу чоралар ҳам ривожланган, ҳам ривожланаётган давлатлар томонидан кўрилиши кераклиги таъкидлаган. Унинг сўзларига кўра, айнан ривожланаётган давлатлар иқлим ўзгаришига қарши стратегияларни истамай амалга оширмоқда.

“Ҳеч қайси давлат етарли иш қилмаяпти. Иқлим ўзгаришидан энг кўп азият чекадиган давлатлар унинг оқибатларига қарши кураш учун энг кам тайёргарликка эга. Бой давлатлар атмосферага катта миқдорда газ чиқаради, аммо камбағал давлатларда бу ҳолатга мослашиш учун маблағ йўқ”, – деб қайд этган Шерман.

Ҳисоботда нималар ўрин олган?

“Дунё аҳолисининг саломатлиги ёнувчан энергия тарафдорлари томонидан гаровга олинган”, – дейилади ҳисоботда.

Давоми
⬇️⬇️⬇️

27/10/2022

Ҳолатга вилоят ХТБ изоҳ берди.

Ижтимоий тармоқларда Наманган вилояти Чуст туман халқ таълими бўлимининг телеграм каналида ҳар бир мактаб директори кўмирхона олдида расмга тушиб, раҳбариятга юбориши кераклиги ҳақида хабарлар тарқалди. Ҳолат юзасидан вилоят халқ таълими бошқармаси ахборот хизмати расмий муносабат билдирди.

Қайд этилишича, таълим муассасаларининг кўмирхонаси ёнида тушилган расмни жўнатиш мазмунида хабар юқори турувчи ташкилотлар томонидан берилмаган. Мазкур хабар туман халқ таълими бўлими телеграм каналига масъул шахс томонидан англашилмовчилик сабаб кетиб қолган ва бу борада туман халқ таълми бўлими мудири, телеграм админи келгусида ҳақиқатдан йироқ ва ноўрин хабарларни жойламаслиги юзасидан жиддий огоҳлантирилган.

27/10/2022

Шавкат Мирзиёев Остона шаҳридаги “Марказий Осиё – Европа Иттифоқи” саммитида иштирок этди.

Бугун, 26 октябь куни Ўзбекистон Республикаси Президенти Шавкат Мирзиёев Остона шаҳрида “Марказий Осиё – Европа Иттифоқи” форматидаги делегациялар раҳбарларининг мажлисида иштирок этди.

Тадбирда Европа кенгаши Президенти Шарль Мишель, Қозоғистон Республикаси Президенти Қасим-Жомарт Тоқаев, Қирғиз Республикаси Президенти Садир Жапаров, Тожикистон Республикаси Президенти Эмомали Раҳмон ва Туркманистон Вазирлар Маҳкамаси Раисининг ўринбосари Хожамират Гелдимиратов ҳам қатнашди.

Кун тартибига мувофиқ, сиёсий мулоқотни ривожлантириш, ҳудудлараро алоқаларни кенгайтириш, савдо-иқтисодий ҳамкорлик ва маданий-гуманитар алмашинувни фаоллаштириш истиқболлари муҳокама қилинди.

Президент Шавкат Мирзиёв ўз нутқида Янги Ўзбекистондаги ортга қайтмас тус олган ислоҳотларнинг асосий устувор вазифаси самарали фаолият кўрсатадиган бозор механизмларига, юқори ҳаёт даражаси ва қулай турмуш шароитларига эга кучли ҳуқуқий давлатни барпо этишдан иборат эканини таъкидлади.

“Биз эришган муваффақиятларимиз билан чекланмаймиз ва янги ўзгаришлар кўламини янада кенгайтиришни ўз олдимизга мақсад қилиб қўйганмиз. Бу ўринда гап, аввало, қонуннинг сўзсиз устуворлиги, фуқаролик жамияти институтларини ҳар томонлама қўллаб-қувватлаш, инсон ҳуқуқлари ва гендер тенгликни, сўз ва эътиқод эркинлигини таъминлаш ҳақида бормоқда”, - деди давлат раҳбари.

Иқтисодий соҳада бундан буён ҳам тадбиркорлар учун энг қулай шароитларни яратиш, коррупцияга қарши муросасиз курашиш, рақобат ва инновацион бизнес муҳитининг ривожланишини рағбатлантириш давом эттирилиши қайд этилди.
Яхши қўшничилик ва минтақавий шерикликни илгари суришга алоҳида эътибор қаратилди.

Шавкат Мирзиёев таъкидлаганидек, “биргаликдаги саъй-ҳаракатлар натижасида Марказий Осиёда мутлақо янги сиёсий муҳит вужудга келди. Бир неча ўн йиллар мобайнида йиғилиб қолган, ҳал этилишига ҳеч ким ишонмай қўйган кўплаб муаммолар бир неча йил давомида бартараф этилди”.

Бугун вазият тубдан ўзгарди. Визасиз режим жорий қилинди, барча ўтказиш пунктлари очилди. Авиақатновлар ва ер транспортида ташишлар кўпайди.

27/10/2022

Пенсия бўйича янги қонун, Эрондаги отишма ва кемалар ҳаракати тўхтаган Истанбул бўғози

Zamon.uz куннинг энг муҳим хабарларини битта видеога жамлади

27/10/2022

Шунингдек, Ташқи ишлар вазирлиги ҳам расмий баёнот билан чиққан.

Ўзбекистон Республикаси Мудофаа саноати давлат қўмитаси баъзи бир оммавий-ахборот воситаларида тарқатилаётган, гўёки Ўзбекистон Украинадаги ҳарбий харакатларда қўлланилаётган эрон жанговар учувчисиз учиш аппаратларининг (жанговар дронлар) ишлаб чиқариш (йиғиш) майдони эканлиги тўғрисидаги хабарларни қатъий инкор этади.

Шу билан бирга, таъкидлаш жоизки Ўзбекистон ҳозирги кунга қадар ҳеч қачон Эрон томони билан ҳамкорликда қурол-яроғ ва ҳарбий техника ишлаб чиқармаганлигини ва ҳозирги кунда ҳам ишлаб чиқармаётганини маълум қилади.

Шу муносабат билан, Мудофаа саноати давлат қўмитаси ОАВ орқали текширилмасдан туриб тарқатилаётган бу каби хабарлар жамоатчилик эътиборини ёлғон маълумотлар билан чалғитиши ҳамда Ўзбекистоннинг хорижий давлатлар билан дўстона муносабатларига салбий таъсир кўрсатишига сабаб бўлиши мумкин деб ҳисоблайди.

Интернет тармоғида украиналик журналист ва блогер Дмитрий Гордоннинг исроиллик тадбиркор Леонид Невзлин билан видеоинтервюси тарқалиб, гўёки унда Эроннинг учувчисиз учоқлари (дрон) Ўзбекистон ҳудудида йиғилаётгани тўғрисида ёлғон маълумотлар келтирилган.

Шуни алоҳида маълум қиламизки, Ўзбекистон Республикаси Эрон Ислом Республикаси билан ҳарбий-техник соҳада ҳамкорлик қилмайди ва ўз ҳудудида Эрон ҳарбий техникасини йиғмайди.

Шу билан бирга, ҳозирги вақтгача Украина томонидан ҳам, бошқа хорижий ҳамкорлардан ҳам “Эрон дронларини йиғиш” масаласи бўйича расмий мурожаатлар келиб тушмаган.

Шу муносабат билан Ўзбекистон Республикаси Ташқи ишлар вазирлиги Украина расмий ҳукуматига Украина оммавий ахборот воситаларида Ўзбекистон тўғрисида икки томонлама муносабатларга путур етказиши мумкин бўлган бундай асоссиз айбловлар ва бошқа ишончсиз маълумотлар тарқатилишининг олдини олиш бўйича тегишли чоралар кўришни сўраб мурожаат қилади.

27/10/2022

У Владимир Зеленский билан музокара ўтказгани айтилмоқда.

АҚШ Марказий разведка бошқармаси директори Уильям Бернс октябрь бошида Киевга ташриф буюрган. Бу ҳақда CNN хабар берди.

Разведка раҳбари Владимир Зеленский ва бошқа расмийлар билан учрашган.

“У АҚШнинг Украинани Россияга қарши курашида қўллаб-қувватлашини, хусусан, тўхтовсиз разведка маълумотларини алмашилишини тасдиқлади”, – деган телеканал манбаларидан бири.

Бернс Россия томонидан ядро зарбалари берилиши мумкинлиги тўғрисидаги хавотирлар кучайган пайтда Украинага келгани алоҳида қайд этилган.

Аввалроқ Россия мудофаа вазири Сергей Шойгу Ғарб давлатларидаги қатор ҳамкасблари билан телефон орқали мулоқот қилганди.

27/10/2022

U Vladimir Zelenskiy bilan muzokara o‘tkazgani aytilmoqda.

AQSH Markaziy razvedka boshqarmasi direktori Uilyam Berns oktyabr boshida Kiyevga tashrif buyurgan. Bu haqda CNN xabar berdi.

Razvedka rahbari Vladimir Zelenskiy va boshqa rasmiylar bilan uchrashgan.

“U AQSHning Ukrainani Rossiyaga qarshi kurashida qo‘llab-quvvatlashini, xususan, to‘xtovsiz razvedka maʼlumotlarini almashilishini tasdiqladi”, – degan telekanal manbalaridan biri.

Berns Rossiya tomonidan yadro zarbalari berilishi mumkinligi to‘g‘risidagi xavotirlar kuchaygan paytda Ukrainaga kelgani alohida qayd etilgan.

Avvalroq Rossiya mudofaa vaziri Sergey Shoygu G‘arb davlatlaridagi qator hamkasblari bilan telefon orqali muloqot qilgandi.

27/10/2022

Ўзбекистон Президенти Остонага "Марказий Осиё-Европа Иттифоқи" биринчи саммитида иштирок этиш учун ташриф буюрди.

Саммитда Тадбирда Европа кенгаши Президенти Шарль Мишель ва минтақа мамлакатларининг етакчилари иштирок этиши кўзда тутилган.

27/10/2022

Аэропортда давлатимиз раҳбарини Қозоғистон Бош вазири Алихан Смаилов ва бошқа расмий шахслар кутиб олди.

Ўзбекистон Республикаси Президенти Шавкат Мирзиёев Қозоғистон пойтахтига етиб борди.

Аэропортда давлатимиз раҳбарини Қозоғистон Бош вазири Алихан Смаилов ва бошқа расмий шахслар кутиб олди.

Бугун Остонада биринчи «Марказий Осиё – Европа Иттифоқи» саммити бўлиб ўтади. Унинг кун тартибидан минтақамиз мамлакатлари ва Евроиттифоқ ўртасидаги сиёсий, савдо-иқтисодий ва маданий-гуманитар ҳамкорликни кенгайтириш масалалари ўрин олган.

27/10/2022

Қовоқлардан ясалган қайиқларда мусобақа ўтказилди

Сиз хам қовоқли қайиқда сузган бўлармидингиз?

Муаллиф: Шарофат Маҳмудова

27/10/2022

Янги тартиб 2022 йил охиригача кучга киради.

Қарорга мувофиқ, 2023 йил 1 январдан тегишли рўйхатда белгиланган дорилардан ташқари барча янги дори воситалари клиник тадқиқотларнинг ижобий натижаси асосида давлат рўйхатидан ўтказилади.

Қуйидагилар бекор қилинади:

рецептсиз бериладиган дорилар рўйхатини Соғлиқни сақлаш вазирлиги томонидан тасдиқлаш;

дори моддаларини (субстанцияларни) давлат рўйхатидан ўтказиш;

Ўзбекистондан ташқарида амалга оширилган дори воситаларининг рўйхатдан ўтказиш натижаларини тан олишда стандарт намуналарини талаб этиш.

Давлат тиббий суғуртаси жамғармаси орқали молиялаштириладиган республика даражасидаги давлат стационар тиббиёт муассасаларида беморлар дори ва тиббий буюмлар билан шифохона орқали таъминланади.

Мазкур жараён дастлаб республика даражасидаги шифохоналарда 2023 йил давомида тажриба-синов тариқасида амалга оширилади.

Шунга кўра, 2022 йил якунигача шифохоналарда дори воситалари ва тиббий буюмлар хариди бўйича мутахассис лавозими жорий этилади.

2023 йил 1 июлдан референт нархлари қайд этилмаган ёки қайд этилган нархдан юқори бўлган дори воситаларини сертификатлаштириш тақиқланади.

2023 йил 1 майдан жисмоний шахслар томонидан сотиб олинган дорилар учун дорихоналар томонидан бериладиган харид чекининг фискал белгиси солиқ органларининг махсус мобил иловасида рўйхатдан ўтказилганда дорилар нархлари Фармацевтика тармоғини ривожлантириш агентлигининг ахборот тизимидаги дори воситаларининг чакана референт нархлари билан автоматик тарзда солиштирилади.

Дориларнинг чакана нархларига белгиланган устамалар ошириб қўлланилганлиги аниқланган тақдирда, бу ҳақида истеъмолчилар ҳуқуқларини ҳимоя қилиш учун махсус ваколат берилган давлат органига автоматик равишда хабар юборилади.

Харид чеки бўйича нарх дорининг чакана референт нархидан ортиқ деб топилганда, ҳуқуқбузардан жарима ундирилади.

2023 йил 1 мартгача дори воситаларининг ишлаб чиқарилишидан бошлаб уларнинг истеъмоли натижасигача бўлган жараёнларни назарда тутувчи Фармацевтика маҳсулотлари ҳисоби ва назорати ахборот тизими жорий этилади.

27/10/2022

Мамлакат Президенти бу бўйича маълумот берди.

Украинага Исроил қуролларини етказиб бериш бўйича кўплаб чекловлар бор. Бу ҳақда Исроил президенти Ицхак Герцог маълум қилди.

“Айрим қуролларимизнинг экспорт вариантлари йўқ. Айрим тизимларимиз душман қўлига тушмаслиги керак. Баъзи сирларни ҳеч кимга бера олмаймиз. Аммо қаерда имкони бўлса, биз ёрдам беряпмиз”, – деган у CNN телеканалига берган интервьюсида.

Бундан ташқари, Президент қурол етказиб бермаётгани учун Исроилга ёғилаётган танқидларни инкор қилди. Герцог АҚШ ва Европанинг Киевга айрим қуролларни беришдан бош тортганини эслатган.

Шу билан бирга Исроил раҳбари Украинада Эрон дронлари қўлланилиши билан боғлиқ вазиятни диққат билан таҳлил қилинаётганини таъкидлаган. Владимир Зеленскийнинг маълумотларига кўра, ҳарбий можаро бошлангандан буён Москва Эронда ишлаб чиқарилган 400 дрондан фойдаланган.

Аввалроқ Исроил Украинага муҳим разведка маълумотларини бергани тўғрисида хабар қилинганди.

27/10/2022

Россиядаги ўзбекистонлик меҳнат мигрантларидан ҳарбий ҳаракатларга аралашмаслик сўралмоқда.

Россия Федерациясининг Орлов вилоятида вақтинча меҳнат фаолиятини амалга ошираётган ўзбекистонлик меҳнат мигрантларини сафарбарликка жалб қилиш учун чақирувлар келгани ҳақида ижтимоий тармоқларда тарқалди.

Ушбу ҳолат Ўзбекистоннинг Москва шаҳридаги элчихонаси ва Ташқи меҳнат миграцияси агентлигининг Россия Федерациясидаги ваколатхонаси вакилларидан иборат ишчи гуруҳ томонидан назоратга олинди ва ташкилот раҳбарияти ҳамда фуқаролар билан алоқа ўрнатилиб, воқеа жойига йўл олинди.

Ўрганишлар натижаси юзасидан қўшимча маълумот берилади.

"Шу муносабат билан, Россиядаги ўзбекистонлик меҳнат мигрантларидан ҳарбий ҳаракатларга аралашмасликни, низоли ҳудудларга бормасликни ҳамда бундай ҳолатларга дуч келса, Ташқи меҳнат миграцияси агентлиги ва бошқа ваколатли ташкилотлага мурожаат қилишларини сўраймиз", дейилади хабарда.

27/10/2022

Улардан қарийб 12 кг гашиш мусодара қилинган.

Дастлаб Сариосиё туманида ўтказилган тезкор тадбирда Шўрчи ва Узун туманларида яшовчи 3 нафар фуқаро кетаётган Lacetti тўхтатилиб, кўздан кечирилганда, муқаддам 2 нафари судланган ушбу шахслар ёнида 670 гр. “гашиш” моддаси борлиги маълум бўлди.

Шунингдек, ушбу ажал оғуси Сариосиё туманида истиқомат қилувчи 1976 йилда туғилган муқаддам гиёҳвандлик воситалари савдоси билан боғлиқ жинояти учун судланган шахсдан 2800 АҚШ долларига сотиб олинганлиги маълум бўлиб, у ҳам қўлга олинди. Тезкор тадбирнинг иккинчи босқичида эса Бойсун туманидаги “Дарбанд” ЙПХ масканида Узун туманида яшовчи 3 нафар шахс кетаётган Nexia – 2 тўхтатилиб, кўздан кечирилди.

Натижада, автомашина салонида 9 кг 410 гр “гашиш” моддаси борлиги аниқланиб, процессуал тартибда расмийлаштириб олинди.

Терговга қадар текширув ҳаракатлари давомида, тожикистонлик наркокурьерлар томонидан Узун тумани ҳудудига ўтказилган мазкур гиёҳвандлик воситаси аслида Самарқанд вилоятида кутиб турган харидорларга етказилиши кераклиги маълум бўлди.

Тезкор тадбир давом эттирилиб, Нуробод туманида ушбу наркотик модданинг маълум бир қисмини қабул қилиб олган вақтда Самарқанд ва Андижон шаҳарларида яшовчи 3 нафар фуқаро ҳам ушланди.

Шунингдек, Денов туманида истиқомат қилувчи, 1971 йилда туғилган фуқаронинг яшаш хонадонида 964 гр “гашиш” моддаси борлиги аниқланиб, у ҳам ўрнатилган тартибда расмийлаштириб олинди.

Ўтказилган тезкор тадбир давомида жами 11 нафар шахс ушланиб, улардан 11 кг 44 гр “гашиш” моддаси мусодара қилинди.

Ҳозирда мазкур фуқароларга нисбатан Давлат хавфсизлик хизматининг Сурхондарё вилояти бўйича Бошқармаси томонидан жиноят иши қўзғатилиб, тергов ҳаракатлари олиб борилмоқда.

27/10/2022

Йўловчилар орасида жабрланган ва тан жароҳати олганлар йўқлиги айтилмоқда.

Fly Dubai авиакомпаниясининг Тошкентдан Дубайга учаётган самолётида авариявий ҳолат юзага келди. Бу ҳақда "Новости Ташкенцкого неба" Telegram каналида маълум қилинди.

Унга кўра, FZ-1942 йўловчи рейсини амалга ошираётган Boeing 737-8KN самолёти Эрон ҳудудидан учиб ўтаётганида оператор squawk 7700 сигналини берган.

Бу бортда авария ҳолати юзага келганини англатади. Экипаж белгиланган манзилга яқин аэропорт — Эроннинг Шероз шаҳридаги аэропортга қўнишга қарор қилган ва самолёт соат 07:36 да мувафаққиятли қўндирилган.

27/10/2022

WhatsApp нега ишламади?

Шарофат Маҳмудова шарҳи

26/10/2022

Ҳолат юзасидан ҳокимлик расмий изоҳ берди.

Ижтимоий тармоқларда Наманган вилояти ҳокимининг хизмат автомашинаси Уйчи туманида йўловчини уриб юборгани ҳақида хабарлар тарқалди. Ҳолат юзасидан вилоят ҳокимлиги матубот хизмати расмий муносабат билдирди.

Маълум қилинишича, ҳодиса 7 октябрь куни соат 12:50 ларда Наманган–Уйчи–Учқўрғон йўлининг 8-километрида юз берган. Вилояти ҳокимлиги тасарруфидаги Toyota Land Cruiser русумли автомашина йўлни кесиб ўтаётган 2017 йилда туғилган фуқарони туртиб юборган. Йўловчини зудлик билан туман тиббиёт бирлашмасига олиб борилган. Тўлиқ тиббий текширув ўтказилган, жиддий шикастланиш аниқланмаган, фақатгина юз соҳасида шилиниш бўлган, тез тиббий ёрдам кўрсатилган. Қўшимча даволаниш талаб этилмайди.

“Ҳозирда йўловчининг аҳволи яхши ва ўзининг уйида одатдаги ҳаётий фаолиятини давом эттирмоқда”, — дейилади хабарда.

Йўл транспорт ҳодисаси бўйича барча хужжатлар ИИБ томонидан расмийлаштирилган.

Address

Tashkent

Telephone

+998970347972

Website

http://zamon.uz/

Alerts

Be the first to know and let us send you an email when Zamon.uz internet nashri posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zamon.uz internet nashri:

Videos

iPhone заводи ходимлари оммавий қочиб кетди Хитойда жойлашган дунёдаги энг йирик iPhone заводи ишчилари СОVID-19 эпидемияси туфайли оммавий қочиш уюштиришди. Қайд этилишича, ишчиларнинг бир қисми октябрь ойи ўрталарида касал бўлиб, ҳеч қандай даволанмаган. Шу муносабат билан Foxsonn раҳбарияти Чженчжоудаги заводда санитария чекловларини жорий қилган. Ходимларга завод ҳудудида овқатланиш, кампус атрофида ҳаракатланиш тақиқланган va ҳимоя ниқобларини кийиш талаб қилинган. Хавфли вазият va иш шароитлари туфайли норозиликни келтириб чиқарган. Ходимлар вирус тарқалиши сабабли Foxsonn кампусини тарк этиб, ўз уйларига пиёда қайтган.

#Жаҳон_хабари Руминияликлар харид учун Украинага келмоқда Муаллиф: Шарофат Маҳмудова

Ўзбекистон Президенти Остонага "Марказий Осиё-Европа Иттифоқи" биринчи саммитида иштирок этиш учун ташриф буюрди. Саммитда Тадбирда Европа кенгаши Президенти Шарль Мишель ва минтақа мамлакатларининг етакчилари иштирок этиши кўзда тутилган.

#Жаҳон_хабари Қовоқлардан ясалган қайиқларда мусобақа ўтказилди Сиз хам қовоқли қайиқда сузган бўлармидингиз? Муаллиф: Шарофат Маҳмудова

#жаҳон_хабар WhatsApp нега ишламади? Шарофат Маҳмудова шарҳи

Бугун Россия стратегик тийиб туриш кучларининг ўқув машғулотларини ўтказди. Мамлакатнинг турли чеккаларида қитъалараро баллистик ракеталар учирилган. Атом сувости кемалари ва ядро қуролини олиб юришга мўлжалланган стратегик бомбардимончи самолётлар ҳам машғулотларга жалб қилинган. Халқаро кескинлик кучайган бир пайтда бундай машғулотларни ўтказиш қай даражада тўғри деб ўйлайсиз?

#жаҳон_хабар Энездаги сувости музейи Сиз қандай ноодатий музейларни биласиз? Шарофат Маҳмудова шарҳи

#Жаҳон_хабари Мадрид кўчаларини қўй-қўзилар эгаллаб олди Бундай воқеага аввал ҳам дуч келганмисиз? Шарофат Маҳмудова шарҳи.

#жаҳон_хабар Макрон: "Кун келиб тинчлик ўрнатилади" Бошқа дунё етакчиларини Украина масаласи бўйича муносабатини маъқуллайсизми? Шарофат Маҳмудова шарҳи

Майсазорда адашиб қолган Байден, ядровий самолётнинг янги авлоди ва ишламай қолган WhatsApp.. Zamon.uz куннинг энг муҳим хабарларини битта видеога жамлади

#Жаҳон_хабари Финляндия аҳолиси ноодатий шимол ёғдусига гувоҳ бўлди Шарофат Маҳмулова шарҳи

#Жаҳон_хабари Бразилия полициясида ит хизмат олиб бормоқда Унинг махсус кийими ва тўппончаси бор. Сиз ижтимоий тармоқларда машҳур бўлган яна қайси ҳайвонларни биласиз?

#Жаҳон_хабари Яқин Шарқда катта пандалар пайдо бўлди. Сизнинг ушбу воқеа юзасидан фикрингиз қандай? Шарофат Маҳмудова шарҳи

#Жаҳон_хабари АҚШда эртаклардаги каби “тезюрар кавушчалар” ихтиро қилинди Сизнинг ушбу воқеа юзасидан фикрингиз қандай? Шарофат Маҳмудова шарҳи

#Жаҳон_хабари Икки француз Қатардаги чемпионатга велосипедда бормоқчи. Сизнинг ушбу воқеа юзасидан фикрингиз қандай? Шарофат Маҳмудова шарҳи

Шавкат Мирзиёевнинг Туркманистонга ташрифи, ҳарбий полигонга борган Путин ва Сахаров мукофотига лойиқ кўрилган Украина… Zamon.uz ҳафтанинг энг муҳим хабарларини битта видеога жамлади. Сизнинг ушбу воқеалар юзасидан фикрингиз қандай?

#Жаҳон_хабари Болливуд юлдузлари қайта ишланган матодан либос кийиб, модалар ҳафталигида иштирок этди. Сизнинг ушбу воқеа юзасидан фикрингиз қандай? Шарофат Маҳмудова шарҳи