Casiauz

Casiauz Contact information, map and directions, contact form, opening hours, services, ratings, photos, videos and announcements from Casiauz, Media/News Company, Tashkent.

4 oylik kelin tug‘uruqxona oldida chaqalog‘ini tug‘ib, chiqindiga tashlab ketdiSamarqandning Payariq tumanida 4 oylik ke...
10/01/2026

4 oylik kelin tug‘uruqxona oldida chaqalog‘ini tug‘ib, chiqindiga tashlab ketdi

Samarqandning Payariq tumanida 4 oylik kelin tug‘uruqxona oldida chaqalog‘ini dunyoga keltirib, hojatxonaning chiqindi qutisiga tashlab ketdi. 27-dekabr kuni ayol qaynonasi bilan tibbiyot birlashmasiga kelgan lekin, tibbiy ko‘rikdan o‘tishdan bosh tortgan va qabziyatdan shikoyat qilgan. Keyin esa muolaja xonasida hamshiradan yolg‘iz qoldirishni so‘ragan. Shu vaqt ichida u chaqalog‘ini tug‘ib, chelak ichida qoldirgan va shifoxonani tark etgan. Tibbiyot xodimlari kuzatuv kameralari orqali ayolni aniqlab, Ichki ishlar organlariga xabar bergan. Chaqaloq to‘qqiz oylik o‘g‘il jinsli bo‘lgan. Hozir Payariq tumani Ichki ishlar bo‘limi tomonidan tergovga qadar tekshiruv ishlari olib borilmoqda.

10/01/2026

Birmingem osmoni pushti rangga kirdi

Buyuk Britaniyaning Birmingem shahrida osmon g‘ayrioddiy pushti rangga bo‘yalib, ijtimoiy tarmoqlarda katta qiziqish uyg‘otdi. Guvohlar bu manzarani mashhur “Stranger Things” serialidagi sahnalarga o‘xshatdi.
Mutaxassislar hodisa tabiiy yoki sirli emas, oddiy fizik jarayon — yorug‘likning atmosfera sharoitida aks etishi ekanini ta’kidladi. Kuchli yoritish tizimi bulutlar va qor yuzasidan aks etib, osmonni pushti rangda ko‘rsatgan.

10/01/2026

Mototsiklchi mashinaga urildi

6-yanvar kuni Malayziyada mototsiklchi qarama-qarshi yo‘nalishda harakatlanib, avtomobil bilan to‘qnashdi. To‘qnashuvdan so‘ng haydovchi “kapot” ustida, xuddi uxlashga yotgandek yotib qoldi. Voqea aks etgan video ijtimoiy tarmoqlarda keng tarqaldi. Bu kulgili, lekin xavfli holat edi. Mototsiklchi olgan jarohatlari sabab shifoxonaga yotqizilgan. Avtomobil haydovchisi esa jabrlanmadi. Politsiya voqea yuzasidan tergov olib bormoqda.

09/01/2026

🐑 Germaniyada 50 bosh qo‘y do‘konga bostirib kirdi!

5-yanvar kuni Bavariyaning Burgzinn shahrida qariyb 50 bosh qo‘y podasidan ajralib, Penny supermarketiga bostirib kirdi. Hayvonlar taxminan 20 daqiqa davomida do‘konda kezib, xodimlar va xaridorlarning ularni chiqarishga urinishlariga qaramay, ketishga shoshilmadi. Do‘kondagi mijozlarning ko‘pchiligi bu “qo‘y bosqini”ni kulib qarshi oldi. Supermarket rahbari Filipp Stiler yetkazilgan zarar uchun cho‘pondan pul talab qilinmasligini, buning supermarket uchun bepul reklama bo‘lganini aytdi.

09/01/2026

Buxoroda mast holda avtomobil boshqargan ayol qamaldi

Buxoroning Gʻijduvon tumanida haydovchilik guvohnomasiga ega bo‘lmagan ayol spirtli ichimlik ta’sirida avtomobil boshqargani aniqlandi. Sud qaroriga ko‘ra, qoidabuzarga 15 sutka ma’muriy qamoq jazosi tayinlandi.

09/01/2026

Intervyu berayotgan deputatlarga bombali hujum

Gonduras poytaxti Tegusigalpada Milliy kongress oldida intervyu berayotgan muxolifat deputatiga portlovchi modda uloqtirildi. Hodisa 8-yanvar kuni sodir bo‘lgan. Bosh, bo‘yin va yelka qismidan og‘ir jarohatlangan deputat zudlik bilan shifoxonaga yotqizilgan. Shifokorlar uning ahvoli hozircha barqaror ekanini ma’lum qilgan. Voqea jurnalistlar kameralariga tushib qolgan. Hodisa yuzasidan tergov boshlangan.

09/01/2026

Eronda namoyishlar: kamida 45 kishi halok bo‘ldi, internet uzib qo‘yildi

28-dekabrdan buyon Eronda davom etayotgan norozilik namoyishlarida kamida 45 kishi halok bo‘ldi, jumladan sakkiz nafar voyaga yetmagan bola. Tehron va boshqa yirik shaharlarda xavfsizlik kuchlari namoyishchilarga qarshi ko‘zdan yosh oqizuvchi gaz qo‘llamoqda. Buyuk Britaniyaning NetBlocks tashkiloti ma’lumotiga ko‘ra, namoyishlar fonida mamlakat bo‘ylab internet taxminan 90 foizga uzildi; faqat amaldorlar va xavfsizlik xodimlari uchun internet ishlamoqda. Noroziliklar milliy valyuta — rial kursining keskin tushishi va iqtisodiy qiyinchiliklar fonida boshlandi. Hukumat aholini yumshatish uchun oylik nafaqa joriy qilgan, biroq bu aholining noroziligini kamaytira olmadi.
AQSH prezidenti Donald Tramp vaziyatni diqqat bilan kuzatayotganini bildirgan va Eron rahbariyatini odamlarni o‘ldirishni to‘xtatishga chaqirgan.

Ombudsman Mubashshir Ahmad saqlanayotgan koloniyada tekshiruv o‘tkazdiAvvalroq Mubashshir Ahmadning salomatligi turmada ...
09/01/2026

Ombudsman Mubashshir Ahmad saqlanayotgan koloniyada tekshiruv o‘tkazdi

Avvalroq Mubashshir Ahmadning salomatligi turmada keskin yomonlashgani aytilgandi. Advokatining murojaatidan so‘ng Inson huquqlari bo‘yicha vakilning Navoiy viloyatidagi mintaqaviy vakili 5-sonli jazoni ijro etish koloniyasida monitoring tashrifini amalga oshirdi va Mubashshir Ahmad (Alisher Tursunov)ning sog‘lig‘i va saqlanish sharoitlarini o‘rgandi. Tekshiruv davomida mahkum bilan xoli suhbat o‘tkazilib, tibbiy hujjatlar ko‘zdan kechirildi. Ombudsman ma’lumotiga ko‘ra, Alisher Tursunov tibbiy yordamdan shikoyat qilmagan, muntazam tibbiy nazoratdan o‘tkazilayotgani va zarur davolanishni olayotganini bildirgan. Shuningdek, u ixtiyoriy ravishda mehnatga jalb etilgani, ish va yashash sharoitlari hamda oziq-ovqat ta’minoti bo‘yicha e’tirozi yo‘qligini ma’lum qilgan. Ombudsman xabarida qayd etilishicha, mahkum avvalgi monitoring tashriflari chog‘ida ham murojaat bildirmagan.

09/01/2026

Turkiyada kuchli bo‘ron: bir kishi halok bo‘ldi

Turkiya bo‘ylab kuzatilgan kuchli bo‘ron bir qator shaharlarda hayotni izdan chiqardi. Shamol oqibatida tomlar uchdi, elektr tarmoqlari uzildi, harakatlanib ketayotgan yuk mashinalari ag‘darilib ketdi, kemalar va qayiqlar qirg‘oqqa chiqib qoldi. Devor qulab tushishi natijasida 22 yoshli yigit halok bo‘ldi. Kuchli to‘lqinlar sabab sohil hududlari suv ostida qoldi. Istanbulda shamol tezligi soatiga 80 km ga yetib, mayoq qulab tushdi, qayiqlar ag‘darildi.
Hukumat va favqulodda xizmatlar zarar ko‘rgan hududlarda bo‘ron oqibatlarini bartaraf etish ishlarini davom ettirmoqda.

Yangiyo‘lda itlarni go‘shti uchun o‘ldirgan erkak ushlandiAvvalroq Toshkent viloyati Yangiyo‘l shahrida erkak o‘z itini ...
09/01/2026

Yangiyo‘lda itlarni go‘shti uchun o‘ldirgan erkak ushlandi

Avvalroq Toshkent viloyati Yangiyo‘l shahrida erkak o‘z itini go‘shti uchun o‘ldirgani haqida xabar berilgandi. Viloyat IIBB ma’lumotiga ko‘ra, holat 2025-yil sentabr oyida “Sabo” mahallasida sodir bo‘lgan. Fuqaro ushlanib, unga nisbatan Ma’muriy javobgarlik to‘g‘risidagi kodeksning 111-moddasi bilan hujjatlar rasmiylashtirildi, dastlabki tergov harakatlari boshlandi.
Qonunchilikka ko‘ra, hayvonlarga shafqatsiz munosabat uchun 1,2–2 mln so‘mgacha jarima, takroran sodir etilsa esa 20 mln so‘mgacha jarima yoki 6 oygacha ozodlikdan mahrum etish jazosi belgilangan.

09/01/2026

AQSHda namoyishlar avj oldi

AQSHning Minnesota shtati, Minneapolis shahrida Immigratsiya va bojxona xizmati (ICE) xodimi 37 yoshli ayolni otib o‘ldirgani ortidan keng ko‘lamli norozilik namoyishlari boshlandi.
Hodisa 7-yanvar kuni immigratsiya reydi vaqtida sodir bo‘lgan. ICE ma’lumotiga ko‘ra, ayol avtomobil bilan agentlarga xavf tug‘dirgani sabab o‘q uzilgan. Biroq guvohlar va videoyozuvlarda ayolning jiddiy tahdid solmagani aytilmoqda.Marhuma 37 yoshli, uch farzandning onasi bo‘lgan. Hodisadan so‘ng Minneapolis va boshqa shaharlarda ICE faoliyatiga qarshi norozilik namoyishlari o‘tkazilmoqda
Hodisa yuzasidan federal tergov e’lon qilindi.

Address

Tashkent

Website

Alerts

Be the first to know and let us send you an email when Casiauz posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Casiauz:

Shortcuts

Share

Category