Kawthoolei Today

Home
United States
Charlotte, NC
Kawthoolei Today

Contact information, map and directions, contact form, opening hours, services, ratings, photos, videos and announcements from Kawthoolei Today, Media, Charlotte, NC.
(6)

Kawthoolei Today´s purpose is to provide broadcast news around the world as a voice to the Karen people, exposing human rights violations and abuse, and promoting education, language, culture, health, leadership and journalism.

07/27/2024

ကော်သူးလေ ဒူးပလာယာခရိုင် နှင့် ဘားအံ ခရိုင်အတွင်းမိုးများအဆက်မပြတ်ရွာသွန်းမှုကြောင့် တောင်ကျချောင်းရေများစွာ ကျဆင်းလာကာ မြစ်ရေတက်ပြီး ရေကြီးရေလျှံမှုများဖြစ်ပေါ်

၂၇.၇. ၂၀၂၄ (Kawthoolei)

ပြီးခဲ့တဲ့ရက်ပိုင်းအတွင်း မိုးများအဆက်မပြတ်ရွာသွန်းပြီးနောက် ဒူးပလာခရိုင်အတွင်းရှိ ဖလူး/ရာမတီး အစရှိသော သူးမွဲကျိ (သောင်းရင်းမြစ်) ဘေးတွင် နေထိုင်ကြသော ကျေးရွာမြို့ပြများသို့ ရေများဝင်ရောက်ပြီး ကမ်းပြိုမှုများ ရေကြီးရေလျှံမှုများဖြစ်ပေါ်လက်ရှိသည်။ နို့တကော(ကြာအင်းဆိပ်ကြီး)တွင်လည်း ဇမိမြစ်ရေမြင့်တက်လာမှုကြောင့် မြို့တွင်းရှိ ရက်ကွက်များသို့ ရေများဝင်ရောက်လျက်ရှိသည်။ ဘားအံခရိုင် ဘားအံမြို့တွင်း၌လည်း သံလွင်မြစ်ရေမြင့်တက်လာမှုကြောင့် ကားလမ်းများရေဖုံးလွမ်းရှိ လမ်းပန်းဆက်သွယ်ရေး အသုံးပြုနေသော ပြည်သူများလည်း ဒုက္ခကြုံတွေ့နေရလျက်ရှိပါသည်။ ရေများမှာ ယနေ့အချိန်တင်ကျန်လျက်ရှိနေပြီး နောက်ထပ်မိုးဆက်တိုက်ရွာသွန်းပါက ယခုထက်ပိုပြီး အခက်ခဲများရင်ဆိုင်ရမည့် အခြေအနေရှိကြောင်း ဒေသခံပြည်သူများသုံးသပ်ထားပါသည်။

Sky

Photo - CJ

07/24/2024

KNU ဒု-ဥက္ကဌ ဟောင်း ဆရာမ ပဒိုစီဖိုးရာစိန် လူကြီးရောဂါဖြင့် ခရစ်တော်၌အိပ်ပျော်

၂၄. ၇. ၂၀၂၄ (Rest In Peace)

ယနေ့ဇူလိုင် ၂၄ ရက်နေ့ ၌ KNU ဒု-ဥက္ကဌ ဟောင်း ဆရာမ ပဒိုစီဖိုးရာစိန်သည် ကော်သူးလေ-ထိုင်း နယ်စပ်ရှိနေအိမ်တွင် ခရစ်တော်၌အိပ်ပျော်သွားကြောင်း မိသားစုနှင့်ရင်းနှီးသူများမှ ပြောပြချက်များ အရသိရှိရသည်။ ဆရာမ ပဒို စီဖိုးရာစိန်သည် အရင် KNU ဥက္ကဌ ဖူးတာမလာဘော သွေးသားတစ်ဦးဖြစ်သည့် အလျောက် ကရင့်နိုင်ငံရေးနှင့် ကရင့်လူမျိုးအကျိုးအတွက်မိမိတက်စွမ်းသမျှအစွမ်းကုန် တာဝန်ထမ်းဆောင်ခဲ့သူတစ်ဦးဖြစ်သည်။ ကရင့်အမျိုးသားရေးသာမက အခြား အဖိနှိပ်ခံ တိုင်းရင်းသားအရေးတို့တွင် အားတက်စွာ ပါဝင်ခဲ့မှုများကို ဦးသိန်းစိန်အစိုးရလက်ထက်တွင် သိသာမြင်သာစွာတွေ့ရသည်။ ဆရာမသည် ရောဂါဝေဒနာကို နှစ်ရှည်စွာ ကုသခံစားခဲ့ရပြီး နောက် ယနေ့တွင် ခရစ်တော်၌ အိပ်ပျော်သွားခဲ့ပြီး မိသားစုဝင်များနှင့် ဆရာမကို ချစ်ကြောက်ရိုသေသော တပည်များအား နှုတ်ဆက်သွားခဲ့ပြီးဖြစ်ပါသည်(RIP)။

Sky

07/14/2024

ဒေါ်နယ်ထရန့် မဲဆွယ်ပွဲတွင် ပစ်ခတ်ခံရ
မဲဆွယ်ပွဲ တက်ရောက်သူတစ်ဦးနှင့် သေနတ်သမား သေဆုံး

14.7.2024 (International news)

အမေရိကန်သမ္မတဟောင်း၊ ရီပတ်ဘလီကန်ပါတီ သမ္မတကိုယ်စားလှယ်လောင်းဒေါ်နယ်ထရန့်သည် ဇူလိုင် ၁၃ ရက်က ပန်ဆယ်ဗေးနီးယားပြည်နယ်၊ ဘတ်တလာမြို့တွင် မဲဆွယ်စည်းရုံးရေးပြုလုပ်နေစဉ် ပစ်ခတ်ခံရပြီး ယင်းဖြစ်စဉ်ကို လုပ်ကြံရန်ကြိုးပမ်းမှုအဖြစ် ဖော်ထုတ်စစ်ဆေးလျက်ရှိကြောင်း အာဏာပိုင်များကပြောသည်။

ဖြစ်စဉ်အတွင်းပစ်ခတ်သူ သေနတ်သမားနှင့် မဲဆွယ်ပွဲတက်ရောက်လာသူတစ်ဦး သေဆုံးခဲ့ပြီး နောက်ထပ်နှစ်ဦး ဒဏ်ရာပြင်းထန်စွာရခဲ့ကာ ထရန့်မဲဆွယ်ရေးအဖွဲ့က ထရန့်ဘေးကင်းလုံခြုံသည်ဟု ထုတ်ပြန်ခဲ့သည်။ ထရန့် သည် မဲဆွယ်ဟောပြောနေစဉ် သေနတ်သံများထွက်ပေါ်လာပြီးနောက် ထရန့်က ၎င်း၏ညာဖက်နားရွက်ကို လက်ဖြင့်အုပ်ထားခဲ့သည်။ သေနတ်သမားကိုမူ secret service လုံခြုံရေးတာဝန်ရှိသူများက ပစ်ခတ်ရှင်းလင်းလိုက်နိုင်ခဲ့သည်။ Secret service အဆိုအရ သေနတ်သမားသည် မဲဆွယ်ပွဲအပြင်ဘက် အမြင့်တစ်နေရာမှ ပစ်ခတ်ခဲ့ခြင်းဖြစ်သည်။ မျက်နှာတစ်ခြမ်းတွင် သွေးစများပေကျံလျက် ခေါ်ထုတ်ခံသွားရသည့်ထရန့်က လက်သီးလက်မောင်းတန်းနေပုံများလည်း မြင်တွေ့ရသည်။

Sky

Photo&Source: AFP

07/06/2024

ကရင့်လက်ဝှေ့ကျော် စိုးလင်းဦးမှ ပြိုင်ဘက် ထိုင်နိုင်ငံသားကို အလဲထိုး ဒိုင်ပွဲရပ်အဖြစ်အနိုင်ရရှိ

၆.၇.၂၀၂၄ (Bangkok)

ထိုင်းနိုင်ငံ၊ ဘန်ကောက်မြို့၌ ကျင်းပသည့် One Championship ၏ Friday Fight မွေထိုင်းပြိုင်ပွဲတွင် ကရင့်လက်ဝှေ့ကျော် စိုးလင်းဦးက ထိုင်းရိုးရာလက်ဝှေ့သမား Pongsiri ကို အလဲထိုးဖြင့် အနိုင်ရရှိခဲ့သည်။ ကရင့်လက်ဝှေ့ကျော် စိုးလင်းဦးက ထိုင်းလက်ဝှေ့သမား Pongsiri ကို ဒုတိယအချိန်တွင် ညာပင့်လက်သီးဖြင့် အလဲထိုးအနိုင်ရရှိခဲ့ခြင်းဖြစ်သည်။ ကရင်လူမျိုးဂုဏ်ဆောင် စိုးလင်းဦးကိုလည်း နိုင်ပွဲအတွက် ဂုဏ်ယူမိပါသည်။

Photo - Social media

07/05/2024

5.7.2024 (KNU)

On the 75th Karen National Liberation Army Day, we honor the soldiers and our allied forces who have been fighting with all their might to end the military dictatorship and restore our rights. The Karen National Union urges each and every one of us to continue this revolutionary journey that is not yet finished.

Credit :KNU

07/01/2024

ကော်သူးလေ တစ်ပြည်နယ်လုံးဆိုင်ရာ စုပေါင်းသစ်ပင်စိုက်လဖွင့်ပွဲ အခမ်းအနားကျင်းပပြုလုပ်

၁.၇. ၂၀၂၄ (KNU HQ)

KNU -ကရင်အမျိုးသားအစည်းအရုံး ဗဟိုသစ်တောဌာနမှဦးဆောင်ပြီး ကော်သူးလေ တစ်ပြည်နယ်လုံးဆိုင်ရာ စုပေါင်းသစ်ပင်စိုက်လဖွင့်ပွဲအခမ်းအနားကို KNU -ကရင်အမျိုးသားအစည်းအရုံးဌာနချုပ်ရှိ ကလိုယောလေးတွင် ကျင်းပပြုလုပ်ခဲ့ပါသည်။ အခမ်းအနားတွင် KNU -ကရင်အမျိုးသားအစည်းအရုံး ဒုဥက္ကဌ ပဒိုစောဆဲဂေ၊ ကေအန်ယူ-ကရင်အမျိုးသားအစည်းအရုံး သစ်တောဌာနမှူး ပဒိုမန်းဘထွန်း၊ ကရင်မြစ်ချောင်းများစောင့်ကြည့်ရေးကွန်ရက်တာဝန်ခံ စောဟဲစေး၊ ကေဝိုင်အို-ကရင်လူငယ်အစည်းအရုံးခရိုင် (၇) ခုမှ လူငယ်ခေါင်းဆောင်များ၊ သစ်တောဌာနမှ ဌာနဆိုင်ရာဝန်ထမ်းများအပါအဝင် လူဦးရေ စုစုပေါင်း (၆၀) ကျော်တက်ရောက်ခဲ့ပြီး သစ်ပင်အရေအတွက် (၂၀၀) ခန့် စိုက်ပျိုးခဲ့ကြောင်း Kawthoolei Forestry Department မှထုတ်ပြန်ထားပါသည်။

Photo&source:
Credit :

07/01/2024

အမေရိကန် နယူးယောက်ပြည်နယ် အထက်ပိုင်း ယူတီကာမြို့မှာ နေထိုင်တဲ့ ၁၃ နှစ်အရွယ် ကရင်ကောင်လေးတစ်ဦးကို ရဲတပ်ဖွဲ့များမှ ပစ်ခတ်ဖမ်းဆီးပြီး နေရာတွင် ပွဲချင်းပြီး သေဆုံး

၁.၇. ၂၀၂၄ (International news)

ပြီးခဲ့တဲ့ ဇွန်လ (၂၈)ရက် နေ့ ဒေသစံတော်ချိန် ည (၁၀:၁၈)ခန့်တွင် ညကင်းလှည့်နေသောရဲများက လူငယ်နှစ်ဦးကို စစ်ဆေးမေးမြန်းရာမှာ တစ်ဦးကထွက်ပြေးသွားသောကြောင့် လိုက်လံဖမ်းဆီးရာ ၌ ရဲများက ပစ်ခတ်ဖမ်းဆီးလိုက်သောကြောင့် (၁၃)နှစ်အရွယ် ကရင်လူငယ် Nyah Mway ဆိုသူမှာ နေရာတွင်ပွဲချင်းပြီးသေဆုံးခဲ့ကြောင်းသိရှိရပါသည်။

အစောပိုင်း ဒေသတွင်း မျက်မြင်တွေ့လိုက်တဲ့သူတွေ ရိုက်ပြီး အင်တာနက်မှာတင်ထားတဲ့ video ၌ ရဲတပ်ဖွဲ့ဝင်သုံးယောက်ဟာ Nyah Mway ဆိုတဲ့ ကရင်လေးနောက်ကိုပြေးလိုက် ထိုးနှက်သတ်ပုတ်ပြီး သေနတ်နဲ့ ပစ်သတ်လိုက်ကြောင်း၊ ယူတီကာရဲတပ်ဖွဲ့က သတင်းစာရှင်းလင်းပွဲလုပ်ပြီးပြောချိန်မှာတော့ ပြီးခဲ့တဲ့ တစ်ညမှာ ရပ်ကွက်ထဲ ခိုးယှက်မှုဖြစ်ခဲ့ကြောင်း၊ အဲဒီခိုးယှက်မှုမှာပါတဲ့သူတွေနဲ့ ရုပ်ချင်းဆင်တယ်ဆိုပြီး ညဘက် လမ်းလျှောက်လာသော လူငယ်နှစ်ဦးကို စစ်တဲ့အချိန်မှာ လက်ထဲမှာ သေနတ်ပါမပါ မေးတဲ့အကြောင်း၊ အဲဒီအချိန်မှာ Nyah Mwayက ထွက်ပြေးကြောင်း၊ Nyah Mway မှာ သေနတ်ပါတာကိုတွေ့ကြောင်း၊ အဲဒီနောက် မြေကြီးပေါ်မှာ လုံးထွေး သတ်ပုတ်ကြရင်း ပစ်ခတ်ခဲ့ကြောင်း၊ Nyah Mway လက်ထဲမှာပါလာတာ သေနတ်ဆိုပေမဲ့၊ ကော်သီးနဲ့ပစ်ရတဲ့ သေနတ်ဖြစ်နေတာကို နောက်ပိုင်းမှ သိခဲ့တယ်လို့ ပြောပါတယ်။ အစိုးရဘက်မှလည်း ရဲတပ်ဖွဲ့၏ Video camera ကို Social Media ပေါ်သို့ ထုတ်ဖော်ပြသထားသော်လည်းဒေသခံတော်တော်များများက ရဲတပ်ဖွဲ့ရဲ့ လုပ်ရပ်ကြောင့် ခံပြင်းဒေါသထွက်လျက်ရှိကြောင်းသိရှိရပါသည်။

Sky

Video :Social media

06/28/2024

ကော်သူးလေ ဒူးပလာယာခရိုင် KNU (ကရင်အမျိုးသားအစည်းအရုံး) မှ စစ်ကောင်စီ အုပ်ချုပ်ရေးဌာနဆိုင်ရာများကို အသိပေး ထုတ်ပြန်ချက်။

၂၈.၆. ၂၀၂၄ (ကော်သူးလေ ဒူးပလာယာခရိုင်)

ကော်သူးလေ ဒူးပလာခရိုင်အတွင်းရှိ KNU တပ်မဟာ (၆) ထိန်းချုပ်နယ်မြေအတွင်း စစ်ရေးအရ နေ့စဥ်နှင့် အမျှ နေရာအနံ့ ဖော်ဆောင်လျှက်ရှိနေသောကြောင့် ခရိုင်းအတွင်း အုပ်ချုပ်ရေးလုပ်ငန်းများဆောင်ရွက်ရာတွင် ရှပ်ထွေးမှုမရှိစေရန် စစ်ကောင်စီ လက်အောက်ခံ ဌာနဆိုင်ရာ အသီးသီးတွင် အမှုထမ်းနေသော ဝန်ထမ်းများအားလုံး နုတ်ထွက်ရန်နှင့် ပြောင်းရွေ့ခြင်းပြုလုပ်ရန် (သို့) မိမိတို့ KNU အုပ်ချုပ်ရေးဌာနဆိုင်ရာများနှင့် ပူးပေါင်းဆောင်ရွက်ရန် ယနေ့ရက်စွဲဖြင့် ထုတ်ပြန်ထားပါသည်။

ထုတ်ပြန်ချက်အတိုင်း လိုက်နာဆောင်ရွက်မှုမရှိပါက ကေအဲန်ယူ - ကရင်အမျိုးသားအစည်းအရုံး ဒူးပလာယာခရိုင်၊ တပ်မဟာ (၆) မှ အဆင့်ဆင့်သော အရေးယူဆောင်ရွက်မှုများ ပြုလုပ်သွားမည် ဟုအသိပေးဖော်ပြထားပါသည်။

Sky

Source:

06/22/2024

ကော်သူးလေ ဒူးပလာယာခရိုင် စုကလိမြို့ အခြေစိုက် အာဏာသိမ်း အကြမ်းဖက် စစ်ကောင်စီတပ်စခန်းအား K.N.L.A - ဦးဆောင်သော တော်လှန်ရေးပူးပေါင်းတပ်ဖွဲများ မှ အပြီးသပ် တိုက်ခိုက် သိမ်းပိုက်နိုင်ခဲ့ပြီး သိမ်းဆည်းရရှိသော လက်နက်များကို ထုတ်ဖော် ပြသ

၂၃.၆.၂၀၂၄ (ကော်သူးလေ ဒူးပလာယခရိုင်)

ကော်သူးလေ KNU (ကရင်အမျိုးသားအစည်းအရုံး) ထိန်းချုပ်နယ်မြေ၊ ဒူးပလာယာခရိုင်၊ ကော့ကရိတ်မြို့နယ် အရှေ့ခြမ်း၊ စုကလိမြို့ အခြေစိုက် စခက(၁၃) လက်အောက်ခံ၊ ခမရ(၅၆၀) တပ်ရင်းမှ ဗိုလ်မှူးကြီး ၀ဏ်ဏတိုး နှင့် ဒု-ဗိုလ်မှူးကြီး သူရိန်ဦး ဦးဆောင်သော ထိုတပ်စခန်းအား K.N.L.A - ကရင်အမျိုးသား လွတ်မြောက်ရေးတပ်မတော်မှ ၎င်းတို့အား လက်နက်ချကာ အမှန်တရားဘက် ရပ်တည်သွားရန် ၂၀၂၄ ခုနှစ်၊ မတ်လ (၂၅) ရက်နေ့ မှ မတ်လ (၃၀) ရက်အထိ စာဖြင့်အသိပေး အကြောင်းကြားထားခဲ့သည်။ သို့ပေသည့် ၎င်းတို့မှ လိုက်နာခြင်းမရှိသည့်အတွက် K.N.L.A - ကရင်အမျိုးသားလွတ်မြောက်ရေးတပ်မတော်၊ K.N.D.O - ကရင်အမျိုးသား ကာကွယ်ရေးတပ်ဖွဲ နှင့် K.N.L.A ဦးဆောင်သော တော်လှန်ရေး ပူးပေါင်းတပ်ဖွဲ့တို့မှ ၂၀၂၄ ခုနှစ်၊ မတ်လ (၃၀)ရက်နေ့မှ ၂၀၂၄ ခုနှစ်၊ ဇွန်လ (၁၆) ရက်နေ့ အထိ ထိုစခန်းတွင်းရှိ ၎င်းတို့၏ စိတ်ဓာတ်ရေးရာ နှင့် ခွန်အားများ ပျက်ပြားစေရန် စနိုက်ပါ ဖြင့် သော်လည်းကောင်း ဒရုန်း နှင့် လက်နက်ကြီးဖြင့် သော်လည်းကောင်း စတင်လှုပ်ရှားခဲ့ပြီး ၂၀၂၄ ခုနှစ်၊ ဇွန်လ (၁၇) ရက်နေ့၊ မနက် (၇း၀၀) နာရီမှ မနက် (၁၀း၃၀) မိနစ် အချိန်တွင် စုကလိ တပ်စခန်းအား ၀ငျရောကျတိုကျခိုကျကာ ၂၀၂၄ ခုနှစ်၊ ဇွန်လ (၂၁) ရက်နေ့တွင် စခန်းတစ်ခုလုံးအား အပြီးသပ် တိုက်ခိုက်သိမ်းပိုက် ရှင်းလင်းနိုင်ခဲ့သည်။

ထိုစခန်းသိမ်းတိုက်ပွဲတွင် အာဏာသိမ်းအကြမ်းဖက် စစ်ကောင်စီတပ်မှ (၆)ဦး သေဆုံးကာ အများအပြား ဒဏ်ရာရပြီး (၁၄) ဦး ထွက်ပြေးလွတ်မြောက် သွားခဲ့သည်။ စစ်သုံ့ပန်းအဖြင့် တပ်ခွဲမှူး အပါအ၀င် (၂၁) ဦး ဖမ်းဆီးရမိခဲ့သည်။ တော်လှန်ရေး ပူးပေါင်းတပ်ဖွဲ့မှ (၁၅) ဦး ဒဏ်ရာ ရခဲ့သည်။

စုကလိ တပ်စခန်းသိမ်းတိုက်ပွဲမှ သိမ်းဆည်းရမိ လက်နက်ခဲယမ်း နှင့် ပစ္စည်းများမှာ -
(၁) ၆၀ မမ (ပြောင်းရှည်) - ၁ လက်
(၂) ၆၀ မမ (ပြောင်းတို) - ၁ လက်
(၃) RPG - 7 - ၁ လက် (ပျက်စီး)
(၄) MA-1 - ၁၂ လက် (၄ လက် ပျက်စီး)
(၅) MA-2 - ၁၅ လက် (၄ လက် ပျက်စီး)
(၆) MA-3 - ၄ လက် (၁ လက် ပျက်စီး)
(၇) MA-79 - ၂ လက်
(၈) ငါးကြင်းမှီး စက်လက် - ၁ လက် (ပျက်စီး)
(၉) ၈၁ မမ ကျည် - ၃၇ လုံး
(၁၀) ၆၀ မမ ကျည် - ၃၉ လုံး
(၁၁) ရှေ့ထွက်မိုင်း (အကြီး) - ၃ လုံး
(၁၂) ရှေ့ထွက်မိုင်း (အသေး) - ၂၇ လုံး
(၁၃) နင်းမိုင်း - ၁၁ လုံး
(၁၄) ခွင်းဗုံး - ၁၀ လုံး
(၁၅) တိုက်မိုင်း - ၁၄ လုံး
(၁၆) လက်လုပ် သံပိုက်မိုင်း - ၈ လုံး
(၁၇) ဆက်သွယ်ရေး စက်ကြီး - ၂ လုံး
(၁၈) MA-1,2,3,4 ကျည်ဘောက် - ၇၀ ဘောက်
(၁၉) MA-1,2,3,4 ကျည် - ၆၅၀၁ တောင့်
(၂၀) ငါးကြင်းမှီး စက်လက် ကျည် - ၇၉၂၃ တောင့်
(၂၁) RPG-7 ကျည် - ၇၇ လုံး
(၂၂) ပို့ယမ်း - ၅၄ တောင့်
(၂၃) မိုင်းရှင်းစက် - ၁ ခု
(၂၄) ဒရုန်း အသေး - ၁ စီး
(၂၅) Jumper - ၁ ခု
(၂၆) ဆက်သွယ်ရေး စက်အသေး - ၂ လုံး
(၂၇) ဆက်သွယ်ရး (အထိုင်) စက်တိုင် - ၂ ခု
(၂၈) ER ဘောက် - ၁၃၀ ခု
(၂၉) ကျည်ကာ ဦးထုပ် - ၈ လုံး စသည့် လက်နက်ခဲယမ်း နှင့် အခြားပစ္စည်းများ သိမ်းဆည်းရမိခဲ့ကြောင်း Dooplaya District သတင်းနှင့်ပြန်ကြားရေးမှ ထုတ်ပြန်ထားပါသည်။

SKy

Photo & Source: Dooplaya District

06/19/2024

ကော်သူးလေ ဒူးပလာယာခရိုင်အတွင်းရှိ KFD(Kawthoolei Forestry Department) မှ သင်တန်းသား အယောက် (၂၀)မွေးထုတ်

၁၉.၆.၂၀၂၄ (ကော်သူးလေ ဒူးပလာယာခရိုင်)

ကော်သူးလေ ဒူးပလာယာခရိုင် (KNLA တပ်မဟာ ၆) အတွင်း ရှိ တောရိုင်းတိရိစ္ဆာန်ကာကွယ်ရေးယူနစ် (WPU) နှစ်ခုအတွက် KFD တောရိုင်းတိရိစ္ဆာန်ရိန်းဂျားသင်တန်းကို နှစ်ပတ်ကြာ အောင်မြင်စွာ ပြုလုပ်ခဲ့ပြီး ရိန်းဂျား သင်တန်းသား စုစုပေါင်း အယောက်(၂၀) သင်တန်းပြီးမြောက်ခဲ့ပါသည်။ အဆိုပါ ရိန်းဂျားအများစုသည် သစ်တောနှင့် တောရိုင်းတိရိစ္ဆာန်များအကြောင်း ဗဟုသုတများစွာ သယ်ဆောင်ပေးသော ဒေသခံနှင့် ဌာနေတိုင်းရင်းသားများဖြစ်သည်။ အဆိုပါသင်တန်းတွင် ရိန်းဂျားများအား ဒေတာစုဆောင်းခြင်း၊ ရပ်ရွာပူးပေါင်းဆောင်ရွက်မှုနှင့် သတ်မှတ်ဧရိယာအတွင်း ဥပဒေစိုးမိုးရေးဆိုင်ရာ မရှိမဖြစ်လိုအပ်သော အသိပညာနှင့် ကျွမ်းကျင်မှုများ သင်ကြားပေး ခဲ့ပါသည်။

Sky

Photo&Source: KFD

06/19/2024

ကော်သူးလေ ဒူးပလာယာခရိုင်အတွင်းရှိ စကစ စုကလိစစ်ဆင်ရေးခြေကုတ်စခန်းကို KNLA ပူးပေါင်းအဖွဲ့များက အပြီးအပိုင် သိမ်းပိုက်

၁၉.၆.၂၀၂၄ (ကော်သူးလေ ဒူးပလာယာခရိုင်)

ကော်သူးလေ ရာမတီးမြို့(မြဝတီ) တောင်ဘက်ခြမ်းရှိ စစ်ကောင်စီတပ်ရဲ့ စုကလိစစ်ဆင်ရေးခြေကုတ်စခန်းကို KNLA ပူးပေါင်းအဖွဲ့က ဒီကနေ့ ဇွန် ၁၈ ရက်နေ့မှာ အပြီးသတ်သိမ်းပိုက်နိုင်ခဲ့ပါသည်။စုကလိဒေသရှိ စစ်ကောင်စီတပ်ရဲ့ စုကလိစစ်ဆင်ရေးခြေကုတ်စခန်းကို ပြီးခဲ့တဲ့ရက်ပိုင်းတွေကစပြီး ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၆ ပူးပေါင်းအဖွဲ့တို့က တိုက်ခိုက်ခဲ့တာဖြစ်ပြီး အကြမ်းဖက်စစ်ကောင်စီဘက်မှ ဝေါလေ ဗျူဟာကုန်း လက်နက်ကြီးများ/ လေကြောင်းစစ်ကူများပေးခဲ့သော်လည်း စစ်ကောင်စီတပ် ခမရ ၅၅၆ တပ်ရင်းနဲ့ ခလရ ၃၂ တပ်တို့ ပူးတွဲထိုင်ထားသည့် စုကလိတပ်စခန်းကို KNLA/KNDO တော်လှန်ရေးပူးပေါင်းတပ်များမှ အရသိမ်းပိုက်နိုင်ခဲ့ပြီး ထွက်ပြေးလွတ်မြောက်နေသည့်စစ်ကောင်စီတပ်သားများကို ရှာဖွေရေးနှင့် စုကလိတစ်ဝိုက်နှင့် မုလအိဘက်များတွင် နယ်မြေရှင်းလင်းရေးများပြုလုပ်လျက်ရှိကြောင်း မြေပြင်စစ်သတင်းများမှ သိရှိရသည်။

Sky

Photo:SOG

06/17/2024

ထိုင်းနိုင်ငံ နယ်စပ်တွင်ပြုလုပ်ခဲ့သော နိုင်ငံတကာ ကရင်တစ်မျိုးသားလုံးဆိုင်ရာ နှီးနှောဖလှယ်ပွဲ ၏ ဆွေးနွေးမှုများကို ထုတ်ပြန်ကြေညာ

17.6.2024 (Kawthoolei)

ပြီးခဲ့တဲ့ ဇွန်လ( ၆) ရက်နေ့မှ ၈ရက်နေ့အထိ ထိုင်းနိုင်ငံနယ်စပ်တစ်နေရာ၌ ပြည်တွင်းပြည်ပရှိ ကရင့်အဖွဲ့အစည်းကိုယ်စားလှယ်များ (၃)ရက်အကြာနှီးနှောဖလှယ်ပွဲ ပြုလုပ်ခဲ့ကြောင်းသိရှိရပါသည်။ အဆိုပါနှီးနှောဖလှယ်ပွဲသို့ KNU ဗဟိုအဆင့်ကိုယ်စားလှယ်တော်များ၊KNLA ထိပ်တန်း အဆင့် ဗိုလ်ချုပ် ကိုယ်စားလှယ်တော်များမှ တက်ရောက်ဆွေးနွေးဖလှယ်မှုများပြုလုပ်ခဲ့ကြောင်း သိရှိရပါသည်။

KNU မှ လက်ရှိမြန်မာ့နိုင်ငံရေး အခင်းအကျင်းနှင့်အတူ စစ်ရေးအခြေအနေများနှင့် KNU ၏နိုင်ငံရေးလမ်းပြမြေပုံတို့ကို သုံးသပ်တင်ပြခဲ့ကြပါသည်။ ပြည်တွင်းပြည်ပ ကရင့်အဖွဲ့အစည်းများကလည်း ၎င်းတို့၏ထင်မြင်ယူဆချက်များ အပါအဝင် ကရင်ပြည်သူလူထု၏ လိုအပ်ချက် မျှော်လင့်ချက် နှင့် ကရင်စစ်ဘေးဒုက္ခသည်များအတွက် ထောက်ပံ့လိုအပ်ချက်များကို တင်ပြခဲ့ကြပြီး အနာဂတ်လုပ်ငန်းများအတွက် သက်ဆိုင်ရာနယ်ပယ်ကျွမ်းကျင်သည့် လူသားအရင်းအမြစ်ရရှိအောင် ဖိတ်ခေါ်ကမ်းလှမ်းမှုအစီစဥ်များ ဆွေးနွေးခဲ့ကြပါသည်။

ယခုနှီးနှောဖလှယ်ပွဲ၏ ရလဒ်အနေဖြင့် ကရင့်နိုင်ငံရေးကိုဦးဆောင်နေသော KNU/KNLA နှင့် ပြည်တွင်းပြည်ပ ကရင့်လူမှုအဖွဲ့အစည်းများ အားလုံးမှ ကရင့်တစ်မျိုးသားလုံး၏နိုင်ငံရေးနှင့်လုံခြုံရေးကို အာမခံချက်ပေးနိုင်သော အစိုးရတစ်ရပ်ပေါ်ပေါက်လာစေရန် စည်းလုံညီညွတ်စွာ စုပေါင်းတာဝန်ယူသွားမည်ဖြစ်ကြောင်း ကတိပြုခဲ့ကြပါသည်။ နှီးနှောဖလှယ်ပွဲသို့ KNU/KNLA ထိပ်တန်းခေါင်းဆောင်ကြီးများအပါအဝင် ပြည်းတွင်းပြည်ပ နိုင်ငံတကာအသီးသီးမှ ကိုယ်စားလှယ်တော် စုစုပေါင်း (၈၀)ကျော် တက်ရောက် ပြီး ရင်းနှီးပွင့်လင်းစွာဖြင့် အကြံပြုဆွေးနွေးမှုများပြုလုပ်ခဲ့ကြောင်းသိရှိရပါသည်။

Sky

Photo & Source : IKC

06/03/2024

KTLA တပ်မတော်မှ ဒု-ရုံးထိုင်မှူးချုပ် Saw English အား ရာထူးမှ အပြီးအပိုင် ထုတ်ပယ်ကြောင်း ထုတ်ပြန်

၃.၆. ၂၀၂၄

05/31/2024

ကော်သူးလေ ဒူးပလယာခရိုင် တောနော်(ဒေါန) တောင်ပေါ်တွင် မိုးများ ဆက်တိုက်ရွာသွန်းမှုကြောင့် မြဝတီ-ကော့ကရိတ်လမ်းဟောင်း လမ်းများပျက်စီးပြီး ကုန်ကားများနှင့် ခရီးသည်ယာဥ်အိမ်စီးကားများ ပိတ်ဆို့ရပ်တန့်လျက်ရှိ

၃၁.၅. ၂၀၂၄ (ကော်သူးလေ တောနော်)

ပြီးခဲ့တဲ့ရက်ပိုင်းအနည်းငယ်၌ ကော်သူးလေ(ကရင်ပြည်နယ်) အတွင်း မိုးများ ဆက်တိုက်ရွာသွန်းခြင်းကြောင့် တောနော်(ဒေါန)တောင် မြဝတီ-ကော့ကရိတ် လမ်းဟောင်း လမ်းများ ရေစီးကြောင်းများ ပျက်စီးပြီး ကုန်တင်ကားများ ခရီးသည်တင်ယာဥ်ငယ်များ တောင်ပေါ်လမ်းတွင်း ပျက်စီးတိမ်မှောက်မှုများ ဖြစ်ပေါ်လျက်ရှိသောကြောင့် ကော့ကရိတ်ဘက် တောင်ခြေ၌ ယာဥ်များ ပိတ်ဆို့ရပ်တန့်လျက်ရှိကြောင်းသိရှိရပါသည်။ မြဝတီ-ကော့ကရိတ် အာရှလမ်းသစ်တွင်လည်း တိုက်ပွဲများဖြစ်နေ၍ နယ်စပ်ကုန်စီးဆင်းမှုများ ခေတ္တရပ်တန့်လျက်ရှိသည်။ မြန်မာငွေလဲနှန်းကျဆင်းမှုနှင့်အတူ ကုန်စီးဆင်းမှုများရပ်တန့်မှုများကြောင့် စီးပွားရေး ကျဆင်းမှုများနှင့် ရင်ဆိုင်ရလျက်ရှိကြောင့် မြဝတီမြို့နေ ကုန်သည်တစ်ဦးမှလည်းဖွင့်ဟပြောဆိုထားသည်။

Sky

photo: social media

05/23/2024

ရာမညမြေ(မွန်ပြည်နယ်) ရန်ကုန်-မော်လမြိုင်ကားလမ်းပေါ်ရှိ မစောတံတား မိုင်းခွဲခံရသဖြင့် ပြိုကျသွားပြီး လူ ၁ ဦးသေဆုံးကာ ၃ ဦးဒဏ်ရာရရှိ

၂၃.၅.၂၀၂၄ (ရာမည)

ရာမညမြေ( မွန်ပြည်နယ်) ရန်ကုန်-မော်လမြိုင်ကားလမ်းပေါ် ဘီးလင်းမြို့အနီး မစောတံ တား မိုင်းခွဲခံရသဖြင့် ပြိုကျသွားပြီး လူ ၁ ဦးသေဆုံးကာ ၃ ဦးဒဏ်ရာရရှိကြောင်း နံနက် ၅ နာရီဝန်းကျင်အချိန်တွင် ဘီးလင်းမြို့နှင့် သထုံမြို့အကြား ရန်ကုန်-မော်လမြိုင်ကားလမ်းပေါ်တောင်ကလေးကျေးရွာအနီးရှိ မစောတံတားမှာ မိုင်းခွဲခံရပြီး တံတားပြိုကျစဉ် ဆိုင်ကယ် ၃ စီး ဖြတ်သန်းနေချိန်ဖြစ်၍ ဆိုင်ကယ်စီးနင်းသူ ၄ ဦးပါ တံ တားပြိုကျမှု တွင်ပါဝင်သွားရာ ၁ ဦးသေဆုံးပြီး ၃ ဦးဒဏ်ရာရရှိထားကြောင်း သိရှိရပါသည်။ လက်ရှိအချိန်တွင် မော်တော်ယာဥ်များ ပိတ်ဆို့ လျက်ရှိကြောင်းသိရှိရပါသည်။

Sky

Photo- Social media

05/21/2024

21.5.2024
(International News)

It is learned that a Singapore Airlines plane flying from London to Singapore was forced to make an emergency landing at Suwannaphu Airport in Bangkok, killing one person and injuring 30 others due to Airplane shaking. It is learned that there were 211 passengers and 18 crew members on board. It is learned that the local authorities in Thailand are providing assistance to provide the necessary medical assistance.

Sky

photo- Social media

05/17/2024

Japan နိုင်ငံ၌ KNU ဥက္ကဌ ပဒိုစောကွယ်ထူးနှင့် ဂျပန်လွတ်တော်အမတ်များ၊ဝန်ကြီးချုပ်ဟောင်း ရှင်ဇိုအာဘေးဇနီး၊NUGဝန်ကြီး၊KNPP၊CNF တာဝန်ရှိသူများနှင့် တွေ့ဆုံဆွေးနွေးပွဲပြုလုပ်

17.5.2024 (Japan)

Photo:CJ
Sky

05/17/2024

ကော်သူးလေ မူတြော်ခရိုင်အတွင်း လလယ်တိုက်ပွဲသတင်းနှင့် အကြမ်းဖက်စစ်ကောင်စီ၏လူ့အခွင့်အရေးချိုးဖောက်မှုများ

၁၇.၅. ၂၀၂၄ (ကော်သူးလေ မူတြော်ခရိုင်)

ကော်သူးလေ ကေအဲန်ယူ-မူတြော်ခရိုင် အတွင်း
ယခုလ မေလ(၁)ရက်နေ့မှ မေလ(၁၅)ရက်နေ့အထိ မိမိတို့ ကေအဲန်အဲလ်အေ၊ အမှတ်(၅)တပ်မဟာစစ်သည်တော်များနှင့်အတူ မဟာမိတ်ပူးပေါင်းတပ်ဖွဲ့များနှင့် မိစ္ဆာအကြမ်းဖက်စစ်ကောင်စီတို့အကြား တိုက်ပွဲပေါင်း(၄၆)ကြိမ်ဖြစ်ပွားခဲ့သည်။ ထိုသို့တိုက်ပွဲဖြစ်ပွားရာတွင် အကြမ်းဖက်စစ်ကောင်စီဖက်မှ (၁၇)ဦးသေဆုံးပြီး (၇)ဦး ထိခိုက်ဒဏ်ရာရရှိသွားသည်။
တိုက်ပွဲဖြစ်ပွားစဥ်နှင့် တိုက်ပွဲဖြစ်ပွားမှုမရှိသော်ငြား အကြမ်းဖက်စစ်ကောင်စီမှ ဝေဟင်စစ်ဆင်ဆင်ရေးဖြစ်သည့် ဂျက်တိုက်လေယာဥ်၊ ဒရုန်းလေယာဥ်နှင့် လက်နက်ကြီးရမ်းသန်းပစ်ခတ်မှုအား နေ့စဥ်လိုလိုဗုံးသီးနှင့်အမြောက်ဆံများ ကျေးရွာအတွင်းသို့တမင်ရည်ရွယ်ပစ်ခတ်ခဲ့ရာ အပြစ်မဲ့ပြည်သူအိမ်ယာ(၁၅)လုံးနှင့် စပါးကျီတစ်လုံး ထိမှန်ပျက်စီသွားခဲ့ကြောင်း KNU-Mutraw News မှ ထုတ်ပြန်ထားပါသည်။

Photo&source:
-Mutraw News

05/06/2024

ကော်သူးလေ ဖားအံခရိုင်တွင် သစ်တောဆိုင်ရာရှင်းလင်းချပြခြင်းအစည်းအဝေးကျင်းပပြုလုပ်

၆.၅.၂၀၂၄ (ကော်သူးလေ ဖားအံခရိုင်)

ကော်သူးလေ ဖားအံခရိုင်တွင် KNU သစ်တောဗဟိုဌာနမှ ဦးဆောင်ပြီး မေလ (၁)ရက်နေ့မှ(၃)ရက်နေ့အထိ(၃)ရက်တာအတွင်းသစ်တောဆိုင်ရာရှင်းလင်းချပြခြင်း အစည်းအဝေးပြုလုပ်ခဲ့ပါသည်။အစည်းအဝေးကို ခရိုင်နှင့်မြို့နယ်အဆင့် သစ်တောဌာနမှ တာဝန်ရှိသူများ စုစုပေါင်း ( ၂၇)ဦးတက်ရောက်ခဲ့သည်။
အစည်အဝေးတွင် ခရိုင်သစ်တောဌာန၏ လက်ရှိအခြေနေ အကျဉ်းချုပ်ကို တင်ပြခြင်း၊ (၄) နှစ်တာကာလတွင်း သစ်တောဌာနကဏ္ဍမဟာဗျူဟာမြောက် လုပ်ငန်းစီမံချက်များကို ရှင်းလင်း တင်ပြခြင်း၊ ရေဝေရေလဲဒေသ စီမံအုပ်ချုပ်ခြင်းဆိုင်ရာလုပ်ငန်းညွှန်း ရှင်းလင်းတင်ပြခြင်း၊ ကျေးရွာပိုင်ဘုံသစ်တော ထူထောင်ခြင်းဆိုင်ရာလုပ်ငန်းလမ်းညွှန်းအပေါ်ရှင်လင်းတင်ပြခြင်း၊သစ်တောမူဝါဒ (ပေါ်လစီ)စသည့်တို့ကို ဗဟိုသစ်တောဌာနမှူး ပဒိုမန်းဘထွန်းမှရှင်းလင်းချပြဆွေးနွေးခဲ့ကြောင်း KNU သစ်တောဗဟိုဌာနမှ ထုတ်ပြန်ထားပါသည်။

Photo &Source: KFD

05/05/2024

မင်းရေသောက်တဲ့အခါ ဇစ်မြစ်ကို သတိရပါ၊ မင်းဘယ်ကလာသလဲဆိုတာ ဘယ်တော့မှ မမေ့ပါနဲ့ (When you drink water remember the source /Never forget where you from)

၅.၄. ၂၀၂၄
Sky

ယခင် "ကရင့်နိုင်ငံရေးခေါင်းဆောင်ကြီးများနှင့် အာဏာရှင် စစ်အစိုးရများ၏ မဟာဗျူဟာမြောက်စစ်ဆင်ရေးများ" အဆက်ဖြစ်သည် ယခုအခါ တွေ့မြင်ရသည့်အတိုင်း ရာမတီး(မြဝတီ) မြို့သိမ်းတိုက်ပွဲတွင် KNU/KNLA ပူးပေါင်းတပ်များက ရန်သူ့ထောင်ချောက်ထဲဝင်မှာစိုးသောကြောင့် မြို့ကိုစွန့်ခွာ၍ ဒေါနတောင် တောထဲသို့ တပ်ပြန်ဆုတ်သွားခဲ့ရကြောင်း KNU ပြောခွင့်ရ ပုဂ္ဂိုလ် ပဒို "တောနီး"မှ ပြည်တွင်းပြည်ပ မီဒီယာ များကို ပြောကြားခဲ့သည်။ ဤသို့ မြဝတီမြို့မှ KNU/KNLA ပူးပေါင်းတပ်မှ လျှင်မြန်စွာ ဆုတ်ခွာရခြင်းကြောင့် ပြည်တွင်းပြည်ပ တိုင်းရင်းသားပြည်သူများအားလုံး အားမလိုအားမရဖြစ်ခဲ့ရပြီး ဟိုလူအပြစ်တင် ဒီလူအပြစ်တင်နှင့် နောက်ဆုံးကရင့်Clothes Meaning ကို တောင် ပြစ်တင်ဝေဖန်ရှုပ်ချခဲ့ ကြသေးသည်။ စစ်ရေးသည်နိုင်ငံရေးနှင့်မတူပေ အရင်က DVB debate တွင်တွေ့ရသလို နိုင်ငံရေးသမားများသည်သူမနာကိုယ်မနာအောင် စကားကြွယ်အောင်ပြောဆိုတက် ရသည် စစ်ရေးမှာ သူသေကိုယ်သေတိုက်ရသော်လည်း ကိုယ့်ဘက်အထိမနာအောင် မဟာဗျူဟာကျသော စစ်ဗျူဟာများခင်းကျင်းရသည် ဆုံးသွားသော စာရေးသူ ဦးလေးပြောသောစကားကိုမှတ်မိသေးသည် "ငါတို့ ရန်သူ(ပယော)စခန်းဘယ်စခန်းမဆိုတက်သိမ်းလို့ရတယ် ဒါပေမဲ့ငါတို့ကြာကြာတပ်စွဲထားဖို့ လက်နက်အင်အားမရှိဘူး"ဟုပြောဆိုခဲ့သည် ရာမတီး(မြဝတီ) တိုက်ပွဲမှာသက်သေပင်ဖြစ်သည် KNLA ပူးပေါင်းတပ်များသည် ခွာစစ်အဖြစ် မြို့မှထွက်ခွာသွားခြင်း ဖြစ် သည် တပ်ဆုတ်ခြင်းမဟုတ်ပေ တပ်ဆုတ်သည်မှာ စစ်ရေးအရ မိမိစခန်းကို လက်လွတ်လိုက်ရလို့တပ်ဆုတ်ခြင်းဖြစ်သည်။ ယခု ဒေါနတောင်ပေါ်တွင် တိုက်ပွဲများ ဆက်လျက်ဖြစ်ပွားနေသည်နေ့စဥ် နှင့်အမျှထိခိုက်ကျဆုံးလျက်ရှိသည် ဆိုလိုခြင်းသည့်လိုရင်းမှာ နိုင်ငံရေးသည် ရှုပ်ထွေးလှသည် စစ်ရေးမှာလည်းရှုပ်ထွေးလှသည် ဤကဲ့သို့လဲ ရာမတီး(မြဝတီ) မြို့သည် ဟိုအရင်ကတည်းက အဖွဲ့အစည်းများစွာနှင့် ရှုပ်ထွေးလှသည်။ ယခုတော်လှန်းရေးတွင် ပါဝင်သူအချို့နှင့် Online စာမျက်နှာပေါ်တွင် ဝေဖန်သူများ သည် နွေဦးတော်လှန်မတိုင်မီ ရာမတီး(မြဝတီ)မြို့ကို မသိကြသလို ရောက်ဖူးကြသူများအနည်းငယ်သာ ရှိကောင်းရှိလိမ့်မည်ဟုစာရေးသူ မှတ်ချက်ချသည်။ အဘယ်ကြောင့်ဆိုသော် မြဝတီ အမှတ် (၂)တံတားတည်ဆောက်မှုမပြီးသေးခင် အမှတ် (၁)တံတား တစ်ခုထဲသာရှိပြီး သောင်းရင်းမြစ်ဘေးတစ်လျောက်တွင် နယ်စပ်ဖြတ်ကျော်ဂိတ်ပေါင်း (၃၀) ခန့်ရှိ သည် ဤသည်မှာစာရေးသူရှိစဥ်က နောက်တိုးဂိတ်များမသိတော့ချေ။ ထိုဂိတ်များသည် ခေတ်အဆက်ဆက် DKBA (တိုးတက်သောကရင့်ဗုဒ္ဓဘာသာတပ်မတော်)ကြီးစိုးခဲ့ပြီး ဝင်ငွေစီးဆင်းမှုကောင်းခဲ့သောနေရာဖြစ်သည် ဒါကိုသိသောစစ်အာဏာရှင်များက KNU နှင့် စစ်ဖြစ်နေသော်လည်း DKBA များစစ်လက်နက်အင်အားများပြားလာမည်ကို စိုးရိမ်သောကြောင့်သီးခြားတည်ရှိနေသော DKBA တပ်များကို စစ်အစိုးရလက်အောက်ခံ BGF(Border Guard Force) အတင်းပြောင်းလဲခဲ့သည့် ဤသည်ကို လက်မခံသော စောလားဘွယ်(ဗိုလ်နှာခမ်းမွေး) ၏ ကလို့ထူးဘော ဗျူဟာတစ်ခုလုံး (2010) မြဝတီမြို့သိမ်းတိုက်ပွဲဆင်နွဲခဲ့ကြသေးသည် ထို့အချိန် စောလားဘွယ်မှလည်း မြဝတီမြို့ကို အပြီးသိမ်းမည်ဟု ကြွေးကြော်ခဲ့သေးသည်။ ဤသည်ကို ယခုခေတ်လူငယ်များ သိကြမည်မဟုတ်ပေ။ ထို့တိုက်ပွဲများပြီးဆုံးပြီးနောက် ရာမတီး(မြဝတီ)မြို့သည် စီးပွားရေးဆန် လက်နက်ကိုင်အဖွဲ့အစည်းများ၏ ကြီးစိုးရာဒေသဖြစ်လာခဲ့သည် သောင်းရင်းမြစ်ဘေးရှိ နယ်စပ်ဂိတ် (၃၀)တွင် (BGF/DKBA/KNLAPC) တို့၏ စီးပွားရေး Partner များက ငွေရှိတိုင်းထင်ရာစိုင်းလို့ရသော (လက်နက်၊ကား၊အရက်ဘီယာ၊မူးယစ်ဆေး၊မိန်းကလေး) စိတ်ကြိုက်ရှာဝယ်လို့ရသည့် မြို့တစ်မြို့ဖြစ်လာခဲ့သည်။ အရင်စာရေးသူရှိစဥ်က Local ဘောစီဂန်းစတားများသာရှိသေးသည် ယခု အချိန်ဆို တရုတ်ဂန်းစတားများပါလာသောကြောင့် ရာမတီး(မြဝတီ)ကို စာရေးသူနောက်ဆုံးတစ်ခေါက်ပြန်ရောက်အချိန်တွင် မှတ်တောင်မမှတ်မိတော့ချေ နေ့ချင်းညချင်းတော်တော်ပြောင်းလဲသွားသည်။ စာရေးသူ Intro နည်းနည်းများသွားသည် ဆိုလိုချင်သည်မှာ နယ်မြေအနေအထားအကြောင်းကို အတိအကျမသိဘဲ Online ပေါ်တွင် ရမ်းသမ်းပြောဆိုသောသူများကို သိစေချင်သောရည်ရွယ်ချက်ဖြင့်ရေးသားရခြင်းဖြစ်သည်။(သူတို့တွေစာဖတ်ကြမည်လည်းစာရေးသူမထင်) "စစ်တိုက်သည်ဆိုသည်မှာ အောင်မြင်မှသာလျှင် ကောင်း၏ ဟု" ကုန်းဘောင်ခေတ် က နန်းတွင်းအတွင်းဝန်မင်းကြီး မောင်ကောင်းပြောခဲ့သလိုဘဲ ဧပြီလ ဝက်လောက်မှ စတင်ခဲ့သော ရာမတီး(မြဝတီ)မြို့သိမ်းတိုက်ပွဲသည် ယခုထိတိုက်ပွဲဆင်နွဲနေကြသည် လက်ရှိချိန်၌ ဒေါနတောင်ပေါ်မှ ရဲရင့်စွာ တိုက်ပွဲဝင်နေသော Cobra စစ်ကြောင်း မှ တော်လှန်းရေးညီကို များကို ဤနေရာမှ လေးစားကြောင်း ထည့်ပြောလိုပါသည်။ တိုက်ပွဲအစကို ပြန်သွားမည်ဆိုလျှင် ခလရ၃၅၅နှင့် ခလရ၃၅၆ ကိုKNLA ပူးပေါင်းတပ်များက တိုက်ခိုက်သိမ်းပိုက်ရခဲ့သည်မှမထူးဆန်းလှပေ (တော်လှန်းရေးရဲဘော်များ၏ စိတ်ဓာတ်များ ရဲရင့်ပြင်းထန်လျက်ရှိသည်ကို သိရှိလို့ဖြစ်သည်) ဒါပေမဲ့ ဗျူဟာကုန်းနှင့် (အမှတ်၂၇၅)တပ်ရင်းကို လွယ်ကူစွာတိုက်ခိုက်နိုင်သည်မှာ သဘာဝမကျလှပေ အဘယ်ကြောင့်ဆိုသော် ရာမတီး(မြဝတီ)မြို့နှင့် အများကြီးဝေးသော ဥကရိထ စခန်းမကျရေးအတွက် စကစမှ လေတပ်အကူအညီများစွာ အသုံးပြုခဲ့ရသေးသည်။ ထို့ကြောင့် ညီနောင်ဗျူဟာကုန်းနှင့် အမှတ်၂၇၅ လက်ချရသည့်နောက်ကွယ်တွင် ဗိုလ်စောချစ်သူ၏ အကွက်ကျသော မဟာဗျူဟာစစ်ဆင်ရေးများကိုတွေ့ရလျက်ရှိသည် (ဗိုလ်ချစ်သူသည် ၁၅အရွယ်ကတည်းက KNUထဲဝင်ခဲ့သည်) ဤသို့ရန်သူ(စကစ) ကိုလည်းလှည့်စား /တော်လှန်းရေးပူးပေါင်းတပ်များနှင့်လည်းညှိနှိုင်း/ မိမိအကျိုးစီးပွားရေးနှင့် ရာမတီး(မြဝတီ)မြို့ စစ်ဘေးဒဏ်မှအထိအခိုက်နည်းအောင် စွမ်းဆောင်သွားသည်ကို စာရေးသူမလေးစားဘဲမနေနိုင်တော့ချေ ကျွန်တော်တို့သည် အသင်းအဖွဲ့အစွဲ/ပုဂ္ဂိုလ် စွဲ/အမုန်းစွဲများ ရှိနေသောကြောင့် ကိစ္စတစ်ခု၏ အားနည်းချက်/အားသာချက် ကို သိမြင်နိုင်စွမ်းအားနည်းသွားသည်(ဥပမာ အားဖြင့် ဆရာချစ်ဦးညိုရေးသားခဲ့သော ရာမဇာတ်ထွက်ထွက်ခြင်းတွင် ရန်ကုန်တက္ကသိုလ်မှ မြန်မာစာပါမောက္ခမှ ယခုခေတ်လူငယ်များက သမိုင်းကိုဖျက်ရေးနေကြသည်ဟု)ပြောဆိုခဲ့ဖူးကြောင်း စာရေးဆရာချစ်ဦးညို၏ ပြောကြားချက်အရသိရှိရသည်။ ယခုလို ရှုပ်ထွေးလှသည်နိုင်ငံရေးနှင့် မြဝတီကိစ္စအရေးတွင် ဗိုလ်ချစ်သူသည် အဓိက ကစားသမားဖြစ်နေသည် မမြင်ရသေးသော အနာဂတ်သမိုင်းတွင် ၎င်း၏အမည်ကို သမိုင်းကောင်းစွာရေးထိုးမလား (သို့မဟုတ်) အဘယ်သို့ရေးထိုးမည်ကို ရာမတီးမြဝတီတိုက်ပွဲတွင် ၎င်း၏မဟာဗျူဟာလှည့်ကွက်များကို စောင့်ကြည့်လျက်ရှိပြီး ပုဂ္ဂိုလ် ရေးအနေဖြင့်အကြံပေးလိုသည်မှာ (When you drink water remember the source/ Never Forget where u from)

photo: Social media

05/04/2024

P'doh Myine Poe

05/03/2024

ကော်သူးလေ ကရင်အမျိုးသားလွတ်မြောက်ရေးတပ်မတော် (K.N.L.A) ဗဟို စစ်ဌာနချုပ် သေ့ဘေ့ထ ၌ အပတ်စဉ် ၃ (Medic) ဆေးသင်တန်းဆင်းပွဲကျင်းပပြုလုပ်။

၄.၅. ၂၀၂၄ (ကော်သူးလေ KNLA HQ)

ကေအဲန်ယူ-ကရင်အမျိုးသား အစည်းအရုံး၊ ကော်သူးလေအုပ်ချုပ်နယ်မြေ၊ ကရင်အမျိုးသား လွတ်မြောက်ရေးတပ်မတော် (K.N.L.A) ဗဟို စစ်ဌာနချုပ် သေ့ဘေ့ထ ခန်းမ၌ ဗဟိုစစ်ဆေးဌာနနှင့် (B.P.H.W.T) အဖွဲ့အစည်းတို့မှ ပူးပေါင်းဆောင်ရွက်ဖွင့်လှစ်သည့် အပတ်စဉ် ၃ (Medic) ဆေးသင်တန်းဆင်းပွဲအခမ်းအနားအား ၂၀၂၄ ခုနှစ်၊ မေလ (၁) ရက်နေ့တွင် ကျင်းပပြုလုပ်ခဲ့သည်။

အခမ်းအနားသို့ ကေအဲန်ယူ ကရင်အမျိုးသားအစည်းအရုံးမှ ခေါင်းဆောင်များ၊တပ်ပိုင်းဆိုင်ရာ ခေါင်းဆောင်များ၊အရာရှိများနှင့် ရဲဘော်များ၊ ကရင်နီအမျိုးသားစည်းလုံးညီညွတ်ရေးအဖွဲ့ (K.N.S.O) မှခေါင်းဆောင်များ၊ ကျောင်သားတပ်မတော်(A.B.S.D.F) မှ ခေါင်းဆောင်များ တက်ရောက်ခဲ့ကာ ဆေးသင်တန်းတွင် အောင်မြင်ခဲ့သည့် သင်တန်းသား (၁၈) ဦး နှင့် သင်တန်းသူ (၂၂) ဦး စုစုပေါင်း (၄၀) ဦးတို့အား သင်တန်းအောင်လက်မှတ် ချီးမြှင့်ခဲ့ပြီး အခမ်းအနားသို့ လူဦးရေ ၇၀ ကျော် တက်ရောက်အားပေးခဲ့ ကြောင်း KNU ဗဟိုသတင်းနှင့်ပြန်ကြားရေးမှ ထုတ်ပြန်ထားပါသည်။

Photo& Source: KNU သတင်းနှင့်ပြန်ကြားရေး

05/03/2024

ကော်သူးလေ ဒူးပလာယာခရိုင် အတွင်းရှိ စကစအခြေစိုက် တောင်စွန်းတပ်စခန်းအား Lion Battalion စစ်ကြောင်းနှင့် ပူးပေါင်းမဟာမိတ်တပ်များ တိုက်ခိုက်သိမ်းပိုက်ရရှိ
၄.၅. ၂၀၂၄ (ကော်သူးလေ ဒူးပလာယာခရိုင်)

ဗိုလ်အယ်စေးဝါးဦးဆောင်သော Lion Battalion Commando-ဗျူဟာစစ်ကြောင်းနှင့်မဟာမိတ်ပူးပေါင်းတပ်ဖွဲ့များမှ ဒူးပလယာခရိုင်အတွင်းရှိ တောင်စွန်းအခြေစိုက်စစ်တပ်စခန်းအား အပြီးသတ်သိမ်းပိုက်ရရှိကြောင်း Lion battalion commando စစ်ကြောင်းမှ ထုတ်ပြန်ထားပါသည်။

Photo &Source:

05/02/2024

Nyein Chan Win အကောင့်ပိုင်ရှင်မှ အကူအညီတောင်းခံလာသော အဖအမည်ဦး စောနိုင် ရေးမြို့နယ် အစင်ရွာတွင်နေထိုင်သော မောင်မင်းစိုး ဆေးရုံတက်နေရပါသဖြင့် အသိဆွေမျိုးများသိရှိပါက 0629395847 ထိုင်းဖုန်းကို ဆက်သွယ်အကြောင်းကြားပေးပါရန် လေးစားစွာ တင်ပြအပ်ပါသည်။

Sky

04/29/2024

စစ်ကောင်စီ (အမတ-၄၀၂)တပ်မှ လက်နက်ကြီး ပစ်ခတ်မှုကြောင့် အရပ်သား (၁)ဦး သေကာ ရော်ဘာခြံ (၁၅)ဧက မီးလောင်ပျက်စီး

၂၉.၄.၂၀၂၄ (ကော်သူးလေ ဒူးသထူခရိုင်)

ကော်သူးလေ ဒူးသတူခရိုင်အတွင်း ၂၀၂၄ ခုနှစ်၊ ဧပြီလ (၂၇)ရက်နေ့ ည (၉)နာရီ (၅၀)မိနစ်တွင် စစ်ကောင်စီ (အမတ-၄၀၂)တပ်စခန်းမှ လက်နက်ကြီး (၂)လုံး ပစ်ခတ်ရာ ကေအဲန်ယူ-သထုံမြို့နယ်၊ ဓနုကျေးနယ်၊ ဓါးရိုးရွာအနီးရှိ အရပ်သားပြည်သူ လုပ်ငန်းခွင်ထဲ ကျရောက်ပေါက်ကွဲပြီး ကွမ်းခြံလုပ်ငန်း လာရောက်လုပ်ကိုင်နေသော အသက် (၆၇)နှစ်အရွယ်ရှိ နောင်ဘိုရွာသား တီးရိုးအား လက်နက်ကြီးကျည်စ ထိမှန်သေဆုံးခဲ့သည်။

ထိုနေ့ မွန်းလွဲ (၁)နာရီ (၃၀)မိနစ်တွင်ပင် ၎င်းတပ်စခန်းမှ လက်နက်ကြီး (၂)လုံး ပစ်ခတ်ရာ ကေအဲန်ယူ-သထုံမြို့နယ်၊ ကော့လှိုင်းကျေးနယ်၊ ကော့လှိုင်းရွာအနောက်ဘက် ဒေသအခေါ်အဝေါ်(ဃို့ဖိုးကော်ကုန်း)ရှိ အရပ်သားပြည်သူလုပ်ငန်းခွင်ထဲ ကျရောက်ပေါက်ကွဲပြီး ကော့လှိုင်းရွာနေ တီးဂီလိ ပိုင်သော ရော်ဘာခြံ (၁၀)ဧကနှင့် စောမောင်ကသဲ ပိုင်သော ရော်ဘာခြံ (၅)ဧက တို့ကို မီးလောင်ပျက်ဆီးခဲ့သည်။

အာဏာသိမ်းစစ်ကောင်စီတပ် အမှတ်-(၄၀၂)အမြောက်တပ်ရင်းဌာနချုပ်သည် ကေအဲန်ယူ-သထုံမြို့နယ်ရှိ အင်းရှည်ရွာတွင်အခြေစိုက်တပ်စွဲထားကာ ထို့နေ့ မနက် (၁၁)နာရီ (၂၀)မိနစ်ခန့်တွင် စစ်ကောင်စီ (ခမရ-၉)တပ်စခန်းမှလည်း လက်နက်ကြီး (၂)လုံး ပစ်ခတ်ခဲ့သည်ဟု ကေအဲန်ယူ-သထုံမြို့နယ် သတင်းနှင့်ပြန်ကြားရေးမှ ထုတ်ပြန်ထားပါသည်။

Credit : KNU-Doo Tha Htu District

04/26/2024

စစ်ကောင်စီတပ်စခန်းအားKNLA နှင့် မဟာမိတ်ပူးပေါင်းတပ်ဖွဲ့များတိုက်ခိုက်သိမ်းပိုက်၊ တိုက်ပွဲများပိုမိုပြင်းထန်လာ

၂၆.၄.၂၀၂၄ (ကော်သူးလေ မူတြော်ခရိုင်)

ကော်သူးလေ မူတြော်ခရိုင်အတွင်း ပြီးခဲ့တဲ့ ဧပြီလ (၂၅) နေ့ နံနက် ၀၄း၀၀နာရီအခြိနျတှငျ မိမိတို့ KNLA/KNDOစစ်သည်တော်များနှင့်အတူ မဟာမိတ်ပူးပေါင်းတပ်ဖွဲ့ဝင်များဖြစ်ကြသည့် ပြည့်သူ့ကာကွယ်ရေးတပ်-PDF, ဗမာပြည်သူလွတ်မြောက်ရေးတပ်မတော်-BPLAမှ ဖာပွန်ဒေသအခြေစိုက် ခမရ-၄၃၄တပ်စခန်းအား တစ်ရက်တည်းအပြီးတိုင် တိုက်ခိုက်သိမ်းပိုက်လိုက်ပြီးဖြစ်သည်။

ထိုသို့စခန်းသိမ်းတိုက်ပွဲအပြီး အကြမ်းဖက်စစ်ကောင်စီ၏လက်နက်ခဲယမ်းအမြောက်အများအားသိမ်းဆည်းရရှိသော်လည်း စာရင်းအတိအကျကိုမူ စစ်ပူကာလအတွင်းရေတွက်၍မရသေးသော်လည်း များမကြာမီအချိန်တွင် အလျဥ်းသင့်လျှင် အသေးစိတ်ဖေါ်ပြပေးသွားပါမည်။
ရှေ့တန်းစစ်မျက်နှာအတွင်းရှိ ဗိုလ်အယ်ခူစိုးမှ, "လုပ်ငန်းရဲ့လုံခြုံရေးအရ၊ ရှေ့ဆက်လုပ်ဆောင်သွားမည့်လုပ်ငန်းများအပေါ် လုပ်ငန်းဖြစ်မြောက်ခဲ့သမျှကိုကောက်ကာငင်ကာထပြီးမဖေါ်ပြချင်သေးဘူး။ သို့ပေသိ လတ်တလောဖြစ်ပေါ်နေတဲ့ ပြည်သူတွေစိတ်ကုန်လက်ပန်းကျစရာအကြောင်းအရာတွေတွေ့နေရတော့ မဖေါ်ပြမဖြစ်ဖေါ်ပြပေးရခြင်းဖြစ်တယ်။"
၎င်းမှဆက်ပြီး, "အခု ကျွန်တော်တို့တစ်တွေသွားနေတာက စစ်အာဏာရှင်အမြစ်ပြတ်ချုပ်ငြိမ်းရေးနဲ့ ကိုယ့်ကံကြမ္မာကိုယ်ဖန်တီးနိုင်ဖို့ နေ့နေ့ညညတိုက်ပွဲဝင်နေပါတယ်ဆိုတာကို ပြည်တွင်း၊ နယ်စပ်၊ ပြည်ပမှာရှိနေကြတဲ့ ကရင်ပြည်သူတွေရော တိုင်းရင်းသားပြည်သူတွေအားလုံးကိုပြောချင်ပါတယ်။ ရှိရှိသမျှငွေအင်အား၊ လူအင်အား၊ စိတ်ဓာတ်အင်အား အားလုံးပါဝင်ပေးဆပ်ကြသူတွေကိုပြောချင်တာက ဒွိဟသံသယမဖြစ်ကြပါနဲ့ စိတ်ဓာတ်ကျဆုံးမှုတစ်စုံတစ်ရာမဖြစ်ကြပါနဲ့ လို့.....။"
အကြမ်းဖက်စစ်ကောင်စီစခန်းနှစ်ခုမကျဆုံးမီနှင့် ကျဆုံးသွားပြီးနောက်ပိုင်း မူတြော်ခရိုင်အတွင်းရှိ မြို့နယ်(၃)မြို့နယ်လုံးအတွင်း တိုက်လေယာဥ်ဖြင့်တိုက်ခိုက်ခြင်း၊ ဒရုန်းလေယာဥ်ဖြင့်တိုက်ခိုက်ခြင်းအား ယခင်ကထက်ပိုမိုတိုက်ခိုက်လာလင့်ကစား ကျင့်သားရအပြစ်မဲ့ပြည်သူများတစ်ဦးတစ်ယောက်မျှသေကြေထိခိုက်မှုမရှိကြောင်း အတည်ပြုသိရှိရကြောင်း KNU မူတြော်ခရိုင် မူတြော်သတင်းစဥ်မှ ထုန်ပြန်ထားပါသည်။

Photo &Source:KNU-Mutrawnews
credit:

-Mutrawnews

04/24/2024

ကရင်ရိုးရာနှင့်ယဥ်ကျေးမှုကို လေးစားသော ကရင်လူငယ်တစ်ယောက်အနေဖြင့် ဤ Cartoon post ကို ကရင်မျိုးချစ်တစ်ယောက်အနေအဖြင့် ပြန်လည်ချေပခြင်းဖြစ်သည်

မှတ်ချက် /စကော်ကရင်လိုမရေးရခြင်းမှာ အခြားကရင်မျိုးနွယ်စုများအားလုံးနားလည်ရန် Burmes လိုရေးသားခြင်းဖြစ်သည်။

ကရင်သင်တိုင်းအဓိပ္ပါယ် သည် နိုင်ငံရေးနှင့်မသက်ဆိုင်သလို လက်နက်ကိုင်အဖွဲ့အစည်း(KNLA/KNDO/DKBA/BGF) များနှင့်လည်းမသက်ဆိုင်ပေ။

ကရင်သင်တိုင်း ၏အဓိပ္ပါယ်သည် ကရင်တမျိုးသားလုံးနှင့် သက်ဆိုင်ပြီး ကရင်လူမျိုးတို့ တန်ဖိုးထားသော အရာပင်ဖြစ်သည် ဤသည်ကိုပြည်တွင်းသာမက ပြည်ပနိုင်ငံခြားသားများကပါ လေးစားလက်ခံသောအရာပင်ဖြစ်သည်။ ဤကာတွန်းကိိုရေးဆွဲသောသူသည် မည်သည့်ရည်ရွယ်ချက်ရှိသည်ကိုမသိသော်လည်း ကရင်လူမျိုးတို့၏သိက္ခကို ထိခိုက်အောင်ဖော်ဆောင် သော စကစနောက်လိုက်ခွေးများပင်ဖြစ်ကြောင်း Kawthooleitoday မှကောက်ချက်ချသည်။

Sky
Photos:စခ

04/23/2024

P'doh Myine Poe

04/23/2024

ကော်သူးလေ ဒူးသတူခရိုင် ထီးလေးခေါးကျေးရွာ အတွင်းရှိ Doothahtu(Htee Lay Koh) Junior College ဂုဏ်ပြုကျောင်းဆင်းပွဲ အောင်မြင်စွာကျင်းပပြုလုပ်

၂၃.၄. ၂၀၂၄ (ကော်သူးလေ ဒူးသတူခရိုင်)

ကော်သူးလေ ဒူးသတူခရိုင် Htee Lay Koh Junior College ၌ (2023-2024) ပညာတက်ရောက်သင်ကြားခဲ့သော ကျောင်းသူကျောင်းသားများ၏ ဂုဏ်ပြုကျောင်းဆင်းပွဲကို ယနေ့( ၂၃.၄. ၂၀၂၄)ရက်နေ့တွင် အောင်မြင်စွာကျင်းပခဲ့ကြောင်း ကျောင်းသားမိဘတစ်ဦးမှ Kawthooleitoday ကို တင်ပြထားပါသည်။ ကျောင်းဆင်းပွဲ ကို ၈ရက်နေ့၌ ကျင်းပဖို့ စီစဥ်ထားသော်လည်း တပ်မဟာ (၁) ဒေသအတွင်း၌ စစ်ကောင်စီ လေယာဥ်များဒရုန်းများ ပျံဝဲနေသောကြောင့် ရက်အနည်းငယ်နောက်ကျကျင်းပလိုက်ရကြောင်း သိရှိရပါသည်။ ကျောင်းဆင်းပွဲ သို့ ကျောင်းသူကျောင်းသား မိဘများနှင့် ရပ်မိရပ်ဖ ဆွေမျိုးမိတ်ဆွေများစွာ တက်ရောက်ဂုဏ်ပြုခဲ့ကြောင်းသိရှိရပါသည်။

Photo&source:
Thaw

04/21/2024

ပြင်ပ သတင်းမီဒီယာများ သတင်းရယူခြင်း နှင့်ပါတ်သက်၍ KNU (ကရင်အမျိုးသားအစည်းအရုံး) ၏သတင်းနှင့်ပြန်ကြားရေးလုပ်ငန်းဆိုင်ရာ ပေါ်လစီမူဝါဒများ၊ ကျင့်ဝတ်စည်းကမ်းများ ကို KNU ထုတ်ပြန်

၂၁. ၄. ၂၀၂၄ (ကော်သူးလေ KNUHQ)

Photo&Source:KNU သတင်းနှင့်ပြန်ကြားရေး
Credit:

Address

Charlotte, NC
28269

Telephone

+19802934973

Website

https://youtu.be/w_au0gcL2_Q

Alerts

Be the first to know and let us send you an email when Kawthoolei Today posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kawthoolei Today:

Videos

P'doh Myine Poe

ကော်သူးလေ ဒူးပလာခရိုင် ရာမတီး (မြဝတီ)တွင် တိုက်ပွဲများပြင်းထန်လျက်ရှိပြီး ဒေသခံပြည်သူများလဲ ဘေးလွတ်ရာသို့ ရှောင်တိမ်နေရ ၂၀.၄. ၂၀၂၄ (ကော်သူးလေ ရာမတီး) Video: CJ

P'doh Saw Thamain Tun

Hsa Moo

Naw Pawpoe Sheeler

Naw Linda

Naw Hsarpaw Sheehei

ကော်သူလေး ဒူးပလာယာခရိုင် ရာမတီးတွင် ဗိုလ်မုတ်သုံမှ ၂၀၂၄ အတွင်း ဖြစ်ပေါ်လာမည့် စိန်ခေါ် မှုများကို စစ်သားရော၊ပြည်သူရော သိက္ခရှိရှိ စိတ်ရှည်ရှည် မေတ္တစေတနာအမှန်နှင့်ရဲစွမ်းသတ္တိ နှင့် ဖြတ်ကျော်ရမည် Video File ထွက်ပေါ် ၁၁.၃.၂၀၂၄ (ကော်သူးလေ ရာမတီး) Video: social media

Campaign Thaw Thi Koh

Karen Organization of America is raising funds for Kawthoolei and Karen people in their fight for freedom, democracy, equality and self-determination. The people of Kawthoolei urgently need our help. Currently eight hundred thousand Karen civilians are displaced and have been uprooted from their home in Kawthoolei since the Myanmar military staged a coup in 2021. They need help to protect themselves against the evil military regime. Please encourage your friends, neighbours, and family members to contribute to this great cause. We call on our fellow Karen people around the world to stand together in solidary with the people of Kawthoolei in this difficult time. Alone we are nothing, but together we can make change for the people of Kawthoolei.

KOA Fundraising tickets update

We are reminding and encouraging everyone to support People in Kawthoolei. Our people being torturing, killing and abusing every days, We need everyone to support and save innocent people in Kawthoolei click the link and donate here. https://chuffed.org/project/2cqthy9ex9wjwcc?fbclid=IwAR0Zl4GodORpm5UQPR43O5IaLD9bsQUQ2sLEVGCiZYlETBrB6MQ66ZVPUYA