GADI TV

Home
Tanzania
Arusha
GADI TV

GADI TV ni televisheni ya Mtandaoni ambayo inajihusisha na kutoa maudhui ya Kijamii na Kisiasa.
(2)

09/12/2024

Sherehe ya ubarikio iliyokuwa ikifanyika katika mtaa wa Ngusero kata ya Osunyai Jijini Arusha, imekatishwa ghafla wakati ikiwa inaendelea ikidaiwa ni baada ya kundi la watu tisa kuvamia eneo hilo huku wakiwa na mapanga na kumkata mtu mmoja sehemu ya mkono na sikio jijini humo.

Mashuhuda wa tukio hilo wakizungumza na mwandishi wetu, wameeleza kuwa chanzo cha tukio hilo ni dereva bodaboda kuponea chupuchupu kumgonga mtoto aliyekuwa eneo la nje ya shereha hiyo na alipokaripiwa na watu waliokuwepo karibu yake aliondoka na baadae kurejea akiwa wenzake huku wakiwa na mapanga na kutenda tukio hilo.

Kwa taarifa zaidi ingia YouTube tafuta GADI TV.

01/12/2024

"Nikaenda siku ya kwanza akaniogesha akaniambia nitafute elfu hamsini niende nayo, akaniogesha tena, akaniambia nitume laki na nusu, akaniambia niyakununua mbuzi, nikatuma, nilichoona ni ngozi na kichwa" Polinar Mwanga mkazi wa Kibosho mkoani Kilimanjaro akielezea namna alivyotapeliwa fedha kiasi cha milioni sita na laki saba.

Kwa taarifa zaidi ingia YouTube tafuta GADI TV.

01/12/2024

"Kesho yake akanipigia simu akaniambia kuna Blangeti la kununua ambalo linauzwa milioni 25, kwa hiyo kwa pesa uliyopata hiyo ela itapungua, kinachotakiwa tafuta mahali kopa ela tukodeshe kwa milioni na nusu, nikamtumia ile ela" Polinar Mwanga mkazi wa Kibosho mkoani Kilimanjaro akielezea namna alivyotapeliwa fedha kiasi cha milioni sita na laki saba.

Kwa taarifa zaidi ingia Youtube tafuta GADI TV.

01/12/2024

"Aliniambia nisiongee na mtu, nilivyofika nyumbani nilimpigia simu, akaniambia chukua udi washa, simama nao hadi uishe, nikasimama nao hadi ukaisha" Polinar Mwanga mkazi wa Kibosho mkoani Kilimanjaro akielezea namna alivyotapeliwa fedha kiasi shilingi milioni sita na laki saba.

Kwa taarifa zaidi ingia Youtube tafuta GADI TV.

01/12/2024

Mwanaume mmoja anayefahamika kwa jina la Polinar Mwanga mkazi wa Kibosho mkoani Kilimanjaro, amedai kuwa ametapeliwa milioni sita na laki saba na mtu aliyejitambulisha kuwa ni mganga wa kienyeji baada ya kwenda kwa mganga huyo akitaka utajiri wa mamilioni ya fedha ili kuondokana na umaskini mkoani humo.

Polnari akizungumza na mwandishi wetu akiwa mkoani humo, amesimulia namna alivyotapeliwa fedha hizo na kubakia na sanduku lililojaa biskuti na magazeti.

Kwa taarifa zaidi ingia YouTube tafuta GADI TV. ahsante

30/11/2024

Wanawake watatu wenye watoto wachanga wakazi wa Kisimiri Juu wilaya ya Arumeru mkoani Arusha, wameiomba serikali iwatafutie wanaume zao walitoweka katika mazingira ya kutatanisha miezi mitatu iliyopita baada ya kuaga kuwa wanaenda kutafuta kuni za kupikia chakula wilayani humo.

Wanawake hao wakizungumza na GADI TV wamedai kuwa wanaume zao waliingia katika hifadhi ya Arusha kwa njia za panya kwa ajili ya kwenda kutafuta kuni lakini hawakurejea nyumbani hadi hii leo.

Aidha, Mamlaka za Uhifadhi nchini (TANAPA) walipohojiwa na GADI TV kuhusiana na tukio hilo, wamesema hawana tukio la kukamatwa kwa watu hao, hivyo vyombo vingine vya usalama vichunguze ili kuweza kubaini ni sehemu gani walipo wananchi hao.

Kadhalika, Kamanda wa Jeshi la Polisi mkoa wa Arusha, Justine Masejo ameiambia GADI TV kuwa taarifa ya tukio hilo bado haijafika mezani kwake na amehaidi kulifuatilia katika Vituo vyake vya polisi mkoani humo.

Hata hivyo, vijana hao wanaodaiwa kutoweka toka Tarehe 19 /9/ 2024 wametajwa kwa majina yao kuwa ni
Daudi Long'idareki (25), Lukas Saitoti (31) na Samweli Philipo (25).

25/11/2024

BABA ALIYEFIWA NA WATOTO WAWILI KARIAKOO AIKATAA TAARIFA INAYOSEMA BRIGITA AMEBAKI FUVU TU.

23/11/2024

Mwanaume anayefahamika kwa jina la Martin Hyera mkazi wa kata ya Kizuka wilaya ya Songea mkoani Ruvuma, anadaiwa kuwa amemuua mke wake kwa kumpiga na kitu kizito kichwani majira ya asuhuhi baada ya kumnyima tendo la ndoa kwa muda mrefu mkoani humo.

Taarifa ambayo imetolewa na Jeshi la polisi mkoani humo imesema, baada ya Martin kutenda tukio hilo asubuhi Novemba 14, 2024 alimpigia simu shangazi yake aitwae Paulina Mchimbi na kumwambia amemuua mke wake kwasababu amemnyima unyumba kwa muda mrefu.

22/11/2024

Kufuatia kifo cha Neema Masamba (36) (kushoto) aliyefariki kwa kuangukiwa na kifusi cha ghorofa lililoporomoka katika soko la Kariakoo Jijini Dar es Salaam, mwili wake umezikwa mjini Tunduma mkoani Songwe huku mdogo wake (kulia) anayehofiwa kufukiwa kifusi hicho akiwa hajapatikana.

Ikumbukwe Neema ni miongoni mwa watu 20 walioripotiwa kufariki dunia kutokana na kuangukiwa na kifusi cha ghorofa lililoporomoka katika soko la Kariakoo Jijini Dar es salaam, Novemba 16, 2024.

Aidha, katika tukio lingine wakati Binamu wa marehemu Neema aitwae Aserin Bedoni (23) akielekea kwenye mazishi hayo imeripotiwa kuwa amefariki dunia baada ya kupata ajali ya gari na watu wawili kujeruhiwa.

Kwa taarifa zaidi ingia Youtube tafuta GADI TV. ahsante

19/11/2024

"Nilidondokewa na ghorofa nilikuwa floor ya kwanza, na kupelekwa [Underground] na kifusi kilichokuwa juu, ilifika mahali tunaonana na Zimamoto sina nguvu wakaniambia vuta paipu ya oxygen, nikavuta, wakanipa paipu ya maji ndipo maji yakazidi kunipa nguvu, sijuhi ni mchana, sijuhi ni saa ngapi, mwisho nikaja kutoka, nashukuru Jeshi la zima moto" Benedicto Rafael, Kijana aliyeokolewa Kariakoo baada ya kukaa chini ya kifusi kwa siku tatu.

19/11/2024

Mwanaume anayefahamika kwa jina la Deogratias Mbuya (40) mkazi wa kijiji cha Lego Mulo wilaya ya Moshi vijijini mkoani Kilimanjaro, anatuhimiwa amemuaa baba mkwe wake (pichani) kwa kumkata na panga sehemu ya kichwani baada ya kuambiwa apange siku nyingine tofauti na aliyokuwa anataka kuketi na familia ya wakwe ili ugomvi uliokuwepo kati yake na mke wake umalizike wilayani humo.

Inaelezwa kuwa Deogratias aliambiwa apange siku nyingine kutokana na yeye kufika nyumbani kwa baba mkwe wake ghafla akiwa na ndugu zake huku upande wa baba huyo ukiwa hauna taarifa juu ya ujio huo.

Kwa taarifa zaidi ingia Youtube tafuta GADI TV.

18/11/2024

TAARIFA MPYA KUHUSU SAKATA LA NIFFER BAADA YA WAZIRI MKUU KUAGIZA AKAMATWE AHOJIWE.

18/11/2024

RC CHALAMILA ASEMA ALICHOKIFANYA KARIAKOO KIKIKUTWA KIPO TOFAUTI AWAJIBISHWE "CHEO SIYO MALI..."

18/11/2024

TAZAMA NIFFER ALIVYOINGIA KWENYE MKONO WA SERIKALI BAADA YA KUKUSANYA ZAIDI YA MILIONI 30 ZA MSAADA.

14/11/2024

Mwanafunzi wa shule Sekondary Bagara wilayani Babati anayefahamika kwa jina la Joel Johanes (14), aliyepotea kwa siku 28 katika mlima wa Kwaraa uliyopo wilayani humo, amedai kuwa akiwa katika mlima huo alikuwa akisikia sauti za watu waliokuwa wakimtafuta lakini hakuweza kupaza sauti ya kuomba msaada kwasababu koo lake lilikauka hadi akashindwa kuogea chochote.

Joel akizungumza na GADI TV akiwa nyumbani kwao wilayani Arumeru, amesema sauti yake ilikata ghafla kutokana na kupaza sauti ya juu kwa siku saba bila kupata msaada wowote.

Aidha, Joel ameongeza kusema akiwa katika pori hilo maisha yake yalikuwa yamejaa taabu na shida kiasi cha kukata tamaa.

Kwa taarifa zaidi ingia YouTube itafute GADI TV. ahsante

13/11/2024

Katibu wa Chama cha Mapinduzi (CCM) wilaya ya Kilolo mkoani Iringa Christina Kibiki, ameuawa kwa kupigwa risasi kifuani na watu wasiojulikana wakati akiwa kwenye maandalizi ya kuhudhuria Semina elekezi kwa Makatibu inayotarajiwa kufanyika Jijini Dodoma Novemba 14, 2024.

Katika taarifa iliyotolewa na Jeshi la Polisi mkoani humo inasema, uchunguzi wa awali umebaini kuwa marehemu alivamiwa na vijana watatu wasiofahamika katika nyumba anayoishi na binti zake wawili na kupigwa risasi kifuani pamoja na kupigwa na kitu kizito kichwani.

Aidha, taarifa hiyo imeeleza kuwa watu hao walimshambulia binti mmoja wa marehemu na kumuumiza usoni, pamoja na jirani yake ambaye naye aliumizwa eneo la shavu la kushoto kwa kupigwa na kitu butu alipojaribu kutoa msaada baada kusikia kelele kutoka kwa binti za marehemu.

Hata hivyo, inaelezwa baada ya watu hao kufanya shambulio hilo walitoroka bila kuchukua kitu chochote.

Hata hivyo, Jeshi la polisi limesema linaendelea na uchunguzi wa tukio hilo na juhudi mbalimbali zinaendelea ili kuhakikisha watuhumiwa wanapatikana na kufikishwa kwenye vyombo vya sheria.

Kadhalika, Jeshi hilo limetoa wito kwa mtu yeyote mwenye taarifa zenye kuweza kufanikisha kukamatwa kwa wahalifu hao, atoe ushirikiano wa kutoa taarifa hizo ili zifanyiwe kazi haraka.

13/11/2024

TUKIO LA ALIYEKUWA AKISEMA "NISAIDIENI NAENDA KUAWA" DAR, POLISI WATOA TAMKO MUDA HUU.

11/11/2024

Watumiaji wa barabara iliyopo kata ya Oldonyowasi wilaya ya Arumeru mkoani Arusha, wamedai kuwa wakiwa wanapita na usafiri wa magari na pikipiki katika barabara hiyo wamekuwa wakitozwa shilingi elfu mbili (2000) kwa kila siku ya jumamosi na kuelezwa kuwa fedha hizo ni kwa ajili ya ukarabati wa barabara hiyo.

Inaelezwa kuwa siku ya jumamosi ni siku ya soko katika eneo hilo, hivyo wakusanyaji wamelenga kukusanya fedha hizo katika siku hiyo ili kupata fedha nyingi kulingana na idadi kubwa ya watu wanaoelekea sokoni.

Aidha, GADI TV imezungumza na wanaoratibu zoezi hilo, na wamedai kuwa zoezi la ukusanyaji wa fedha hizo ni jambo lakawaida licha ya kwamba hawatoi risiti.

Kwa upande wa Uongozi wa TARURA wilaya ya Arumeru umeshtushwa na tukio hilo na umesema hautambui zoezi hilo na ni wizi wa fedha za wananchi.

Hata hivyo, Diwani wa kata hiyo bwana Kijana Mollel amesema utaratibu huo niwa uongozi wa kijiji husika na hayupo tayari kuingilia jambo hilo kwakua hajaletewa malalamiko yeyote.

Address

Arusha

Website

https://youtu.be/1VuN6O9GiZo

Alerts

Be the first to know and let us send you an email when GADI TV posts news and promotions. Your email address will not be used for any other purpose, and you can unsubscribe at any time.