Savvy Media Live

20/12/2024

Wageni mbalimbali tayari wamewasili katika Hoteli ya Mt. Meru Arusha kushuhudia tukio la kihistoria la Uzinduzi wa Tuzo za Uhifadhi na Utalii leo Disemba 20, 2024.

Mgeni rasmi ni Waziri Mkuu wa Jamhuri ya Muungano wa Tanzania Mhe. Kassim Majaliwa.

20/12/2024

Waziri Mkuu Kassim Majaliwa leo Desemba 20, 2024 amezindua na kukabidhi nyumba 109 kwa waathirika wa maafa ya maporomoko ya tope yaliyotokea Desemba 03, 2023 Hanang, Mkoani Manyara.

Nyumba hizo ambazo zimejengwa na Serikali ya Awamu ya Sita inayoongozwa na Rais Dkt. Samia Suluhu Hassan kwa kushirikiana na Shirika la Msalaba Mwekundu na Jumuiya ya Umoja wa Wanawake wa Chama Cha Mapinduzi (UWT) zipo katika kijiji cha Wareti, Wilaya ya Hanang mkoani Manyara.

Ujenzi wa nyumba hizo ulitokana na maamuzi ya Rais Dkt. Samia baada ya kutembelea eneo lililoathiriwa na maporomoko ya tope. Uamuzi huo ni muendelezo wa dhamira ya dhati ya Serikali ya kuwalinda wananchi wake na kurejesha hali ili waendelee na mfumo wa maisha baada ya maafa.

19/12/2024

Bongo Hapo Zamani:

Elizabeth Olotu Rubani Wa Kwanza Mwanamke..!

Tuliokuwepo tutakumbuka, Daily News la February 12, 1985 liliripoti;

“ Mwanamama Elizabeth Olotu anaandika historia kwa kuwa mwanamke wa kwanza kurusha ndege hapa nchini.

Amerusha kutoka Dar kwenda Mafia na kurudi. Bakari Mwapachu, Mkurugenzi Mkuu wa ATC aliyekuwa abiria kwenye ndege hiyo aina ya Twin Otter alikuwa na haya ya kusema;

" Betty ametua ardhini kwa namna bora ambayo sijapata kuishuhudia kabla!"

Maggid,

PS:

Je, hali ikoje leo?

18/12/2024

FLEVA SAVVY FM ARUSHA


Mgodi umetema tega sikio 105.3 Savvy Fm upate madini yanayopatikana Tanzania pekee.

tupo na

tupo na mwekezaji

Usikose pia

Kwenye ni

Wachimbaji wako ni .g

Graphics by
Tembelea mitandao yetu ya kijamii ya Facebook Instagram na tweeter

18/12/2024

Mkazi wa kitongoji cha Mwankuba, kijiji cha Nyambiti, Wilaya ya Kwimba, mkoani Mwanza, Mashauri Ng'oga Shauri (20) amehukumiwa kifungo cha maisha baada ya kukutwa na hatia ya kumlawiti mtoto wa miaka minne ambaye jina tunalihifadhi kwa sababu za kisheria, mkazi wa kijiji cha Nyambiti ambaye ni ndugu wa mshtakiwa ambaye ni mtoto wa baba yake mdogo.

Hukumu hiyo imesomwa Disemba 17, 2024 kitika shauri la jinai namba 31963 la mwaka 2024 na Hakimu mkazi mwandamizi wa Mahak**a ya wilaya ya Kwimba John Jagadi mbele ya mwendesha mashtaka wa Serikali Juma Kiparo.

Kwa mujibu wa hati ya mashtaka k**a ilivyosomwa na mwendesha mashtaka wa Serikali Juma Kiparo, mshtakiwa alitenda kosa hilo mnamo tarehe 27.10.2024 huko katika kijiji cha Nyambiti, kilichopo wilaya ya Kwimba na mkoa wa Mwanza kinyume na kifungu cha 154(1) (a) na (2) cha Kanuni ya Adhabu sura namba 16 ya sheria marejeo ya mwaka 2022.

Mtuhumiwa alifikishwa mahak**ani tarehe 11.11.2024 na kusomewa sh*taka la kulawiti na siku hiyo hiyo mwendesha mashtaka aliiomba Mahak**a hiyo isikilize mashahidi wawili akiwemo mhanga pamoja na mzazi wake baada kusomewa hoja za awali.

Baada ya kusikiliza mashahidi wanne wa Jamhuri, Hakimu Jagadi amejiridhisha kwamba ushahidi uliotolewa dhidi ya mshtakiwa ni mzito na kwamba upande wa mashtaka umethibitisha Shauri hilo pasi na kuacha Shaka.

Mshtakiwa alipopewa nafasi ya kujitetea kwa nini asipewe adhabu kali; aliiomba Mahak**a hiyo imuachie huru kwa kuwa ni mkosaji wa mara ya kwanza kitendo kilichopingwa na mwendesha mashtaka aliyeiomba Mahak**a kutoa adhabu kali kwa mshtakiwa kwa sababu kitendo hicho ni cha kinyama na cha ukatili uliopitiliza na ameikumbusha Mahak**a hiyo kujielekeza kwenye kifungu kidogo cha pili cha kifungu cha 154 cha Kanuni ya Adhabu ambacho kinaelekeza kwamba mtuhumiwa endapo atafanya kosa hilo kwa mtoto mwenye umri chini ya miaka 18 akipatikana na hatia anapaswa kuhukumiwa jela kifungo cha maisha.

Mh. Jagadi amesema licha ya shufaa za mshtakiwa kuomba kupunguziwa adhabu lakini kifungu kilichotajwa na mwendesha mashtaka kinamfunga mikono na hivyo hana adhabu mbadala bali ni kumhukumu.

16/12/2024

Makamu wa Rais wa Jamhuri ya Muungano wa Tanzania Mhe. Dkt. Philip Mpango ameitaka Taasisi ya Kuzuia na Kupambana na Rushwa (TAKUKURU) kujiandaa kikamilifu kukabiliana na kudhibiti vitendo vya rushwa katika uchaguzi Mkuu wa mwaka 2025 hususani kuangazia zaidi kwenye matumizi ya mitandao na simu katika kuhamisha pesa za rushwa.

Makamu wa Rais amesema hayo wakati wa ufunguzi wa Mkutano Mkuu wa Mwaka wa Viongozi wa Taasisi ya Kuzuia na Kupambana na Rushwa (TAKUKURU) unaofanyika katika Kituo cha Mikutano cha Kimataifa cha Arusha (AICC). Amesema ni muhimu kujizatiti kupambana na vitendo hivyo vya rushwa ambavyo vina madhara makubwa kwa maendeleo ya Taifa kwa kuwa Viongozi wanaochaguliwa kwa njia ya rushwa hawawezi kukemea vitendo vya rushwa, kutatua kero za wananchi pamoja na kusimamia vema miradi ya maendeleo.

Makamu wa Rais amesema lazima viongozi na watumishi wa TAKUKURU kuwa mfano wa kuigwa kwa mienendo mizuri, kufuatilia tuhuma mbalimbali kwa umakini na bila upendeleo. Ameongeza kwamba ni muhimu kufanya maamuzi kwa haki na kutumia madaraka kutatua kero za wananchi kwa manufaa ya umma na siyo binafsi. Makamu wa Rais ametoa wito kwa TAKUKURU kuzingatia kufanya kazi kwa misingi ya sheria, kanuni na taratibu, kujituma na kutanguliza maslahi ya Taifa mbele ili Taasisi hiyo iwe na ufanisi.


Halikadhalika Makamu wa Rais amesema ni vema kuimarisha mifumo ya kuchunguza, kuzuia na kuadhibu wanaobainika kujihusisha na vitendo vya rushwa kwa mujibu wa sheria. Amesisitiza ofisi zote za TAKUKURU nchini kuunganishwa na mifumo ya TEHAMA pamoja na kuwajengea uwezo na mbinu za kisasa za uchunguzi na uendeshaji wa kesi za rushwa watumishi wa TAKUKURU wanaotekeleza jukumu la kuzuia na kupambana na rushwa. Amesisitiza suala la watumishi wa TAKUKURU wanaotekeleza majukumu yao kwa kuzingatia sheria na kanuni, pamoja na watoa taarifa kutambuliwa na kulindwa wawapo kazini au nje ya kazi, ili kuepuka kuhatarisha maisha yao.
tz

15/12/2024

Makamu wa Rais wa Jamhuri ya Muungano wa Tanzania Mhe. Dkt Philip Mpango akisalimiana na Mkuu wa Mkoa wa Arusha Mhe. Paul Makonda pamoja na viongozi mbalimbali wakati alipowasili mkoani Arusha leo tarehe 15 Desemba 2024. Makamu wa Rais anatarajiwa kuwa mgeni rasmi katika Mkutano Mkuu wa Mwaka wa Viongozi wa Taasisi ya Kuzuia na Kupambana na Rushwa (TAKUKURU) utakaofanyika kesho tarehe 16 Desemba 2024 mkoani Arusha.

15/12/2024

Leo amezaliwa Mtangazaji wa savvyfm Happy birthday Madam PM..

15/12/2024

Kamishna Mkuu wa Mamlaka ya Mapato Tanzania (TRA) Bw. Yusuph Mwenda ameahidi kuendelea kushirikiana na Walipakodi mkoani Arusha na kueleza kuwa katika mwezi Disemba ambao ni mwezi wa Shukurani kwa walipakodi hatakaa ofisini, badala yake atawafuata walipakodi kwenye maeneo yao na kuwasikiliza huku akiwapa Shukurani.

Akizungumza na mmoja wa wafanyabiasha wanaounda magari ya kubebea Watalii jijini Arusha Kamishna Mkuu Mwenda amesema TRA inatambua mchango mkubwa unaotolewa na wafanyabiasha pamoja na wawekezaji katika maendeleo ya Taifa kupitia kodi wanazolipa.

Amesema kwa kutambua thamani ya walipakodi ameamua kuwafuata na kuwashukuru ili kuwapa motisha ya kuendelea kulipa kodi hali ambayo itaboresha mazingira ya walipa kodi hao wakitambua kuwa wao na TRA siyo maadui na wanajenga nyumba moja.

"Mameneja wote nimewapa maelekezo kuwa hakuna kukaa ofisini, watoke wakawasikilize walipakodi na kuona mazingira yao ya ufanyaji kazi pia kutoa Shukurani huku wakitatua changamoto walizonazo, hii itasaidia sana kuwajengea walipakodi imani" Kamishna Mkuu Mwenda.

Akiwa katika Ofisi za World Vision Tanzania mkoani Arusha Kamishna Mkuu Mwenda amesema Shirika hilo lisilokuwa la kiserikali lililoajiri wafanyakazi takribani 500 wamekuwa ni walipakodi wazuri wasiokuwa na udanganyifu katika kodi na wanaozingatia sheria.

Bw. Mwenda amesema yapo mashirika mengi yasiyo ya kiserikali yanayofanya kazi za kijamii yanayofanana na World Vision lakini yamekuwa siyo walipaji wazuri wa kodi na kuwataka kuiga mfano wa World Vision kwa uaminifu katika kulipa kodi.

"World Vision inafanya kazi katika mikoa 15, angalieni uwezekano wa kwenda mikoa mingine mpaka Visiwani Zanzibar, maana mmekuwa na msaada mkubwa kwa jamii yetu hasa kwa watoto waliopo katika mazingira hatarishi na jamii zisizokuwa na uwezo" Kamishna Mkuu Mwenda.

14/12/2024

Waziri Mkuu, Kassim Majaliwa leo Desemba 14, 2024 ametembelea kiwanda cha kutengeneza dawa za binadamu cha CURE AFYA kilichopo Kigamboni jijini Dar es Salaam.

Akizungumza baada ya kushuhudia uzalishaji wa dawa kwenye kiwanda hicho chenye thamani ya takribani shilingi bilioni 50, Waziri Mkuu amesema kuwa Serikali inayoongozwa na Mheshimiwa Rais Dkt. Samia Suluhu Hassan itaendelea kuweka mazingira rafiki ya uwekezaji ili kuhakikisha wawekezaji wanapata faida kutokana na shughuli zao.

“Serikali imefanya uwekezaji mkubwa kwenye ujenzi wa miundombinu ya utoleaji huduma za afya nchini, na sasa tunahitaji kupata dawa na vifaa tiba kwa ajili ya kuendelea kuongeza nguvu kwenye utoaji huduma, hivyo uwekezaji huu una tija kwa Taifa letu”.

Kadhalika, Mheshimiwa Majaliwa ametoa wito kwa wawekezaji hao kuendelea kutengeneza dawa zilizo katika ubora unaokubalika katika viwango vya kimataifa kwenye utoaji wa huduma za tiba.

Aidha, Mheshimiwa Majaliwa amewataka watumishi wa kiwanda hicho kufanya kazi kwa uaminifu, uadilifu na weledi ili kumsaidia mwekezaji huyo kupata faida kutokana na uwekezaji wake.

Katika hatua nyingine, Mheshimiwa Majaliwa ametembelea eneo la Dege, Wilaya ya Kigamboni Jijini Dar es Salaam kukagua utekelezaji wa agizo alilolitoa la uwekaji wa taa za Barabarani wakati wa ziara yake aliyoifanya wilayani humo Oktoba 2024.

Akitoa taarifa ya utekelezaji wa agizo hilo Mkurugenzi wa Halmashauri ya Wilaya ya Kigamboni Erasto Kiwale amesema kuwa mpaka sasa taa 67 zimeshawekwa katika maeneo mbalimbali ya wilaya hiyo na kazi inaendelea.

12/12/2024

Meneja wa TCRA, Kanda ya Ziwa, Mhandisi Imelda Salum akishiriki majadiliano ya Uchumi wa Kidijitali na washiriki kutoka Chama cha Waandishi wa Habari wa mkoa wa Mwanza. Majadiliano hayo yaliyoratibiwa na ofisi ya Kanda ya Ziwa yalifanyika hivi karibuni.

10/12/2024

FLEVA SAVVY FM ARUSHA


Mgodi umetema tega sikio 105.3 Savvy Fm upate madini yanayopatikana Tanzania pekee.

tupo na



Usikose pia



Wachimbaji wako ni .g

Graphics by
Tembelea mitandao yetu ya kijamii ya Facebook Instagram na tweeter

10/12/2024

09/12/2024

FLEVA SAVVY FM ARUSHA


Mgodi umetema tega sikio 105.3 Savvy Fm upate madini yanayopatikana Tanzania pekee.

tupo na

tupo na mwekezaji

Usikose pia



Wachimbaji wako ni .g

Graphics by
Tembelea mitandao yetu ya kijamii ya Facebook Instagram na tweeter

09/12/2024

Katika kuadhimisha miaka 63 ya uhuru wa Tanzania Bara,Mamlaka ya Hifadhi ya Ngorongoro (NCAA) imetoa miche ya miti 2,000 kwa Jeshi la Ulinzi la wananchi wa Tanzania (JWTZ) 303 KV, Arusha ili kuweza kuboresha utunzaji wa mazingira.

Miti hiyo iliyotolewa kwenye kitalu cha miti kinachosimamiwa na NCAA, inatarajiwa kupandwa na JWTZ kwenye maeneo mbalimbali Wilayani Monduli, Arusha.

Maadhimisho ya siku hii ya uhuru hufanyika kila mwaka tarehe 9 Disemba, ambayo kwa mwaka huu ni maadhimisho ya Miaka 63 tangu kupatikana kwa Uhuru wa Tanzania bara ikiwa na kauli mbiu isemayo "_Uongozi madhubuti na ushirikishwaji wa wananchi ni msingi wa Maendeleo yetu"._

09/12/2024

Mkuu wa Mkoa wa Arusha Mhe.Paul Christian Makonda amewaongoza wakazi wa mkoa huo, kushiriki Matembezi na Maombi ya Kuuombea Mkoa wao na Taifa, ikiwa ni Maadhimisho ya Miaka 63 ya Uhuru wa Tanzania Bara leo Desemba 09, 2024.

Matembezi hayo yameanzia eneo la mzunguko wa Impala kuelekea Mzunguko wa Clock Tower kuelekea Barabara ya Sokoine (Uhuru Road) mpaka mnara wa Mwenge (Azimio la Arusha) ambapo maombi Maalumu yatafanyika.

Kauli Mbiu "Miaka 63 ya Uhuru wa Tanzania Bara; Uongozi Madhubuti na Ushirikishwaji Wananchi ni Msingi wa Maendeleo yetu

09/12/2024

Leo amezaliwa Mtangazaji wa kipindi cha Tanzanite
Happy birthday kwake

08/12/2024

Rais wa Tanzania, Dkt. Samia Suluhu Hassan amehamisha majukumu ya Sekta ya Habari kutoka Wizara ya Habari, Mawasiliano na Teknolojia ya Habari kwenda Wizara ya Utamaduni, Sanaa na Michezo. 

Kufuatia maamuzi hayo, Rais amemteua Profesa Palamagamba John Aidan Mwaluko Kabudi kuwa Waziri wa Habari, Utamaduni, Sanaa na Michezo