Wehally News

01/05/2023

30/04/2023

𝗣𝗟𝗣 𝗨𝗞𝗨𝗡 𝗦𝗘𝗜 𝗜𝗠𝗣𝗟𝗘𝗠𝗘𝗡𝗧𝗔 𝗣𝗥𝗢𝗚𝗥𝗔𝗠𝗔 𝗦𝗘𝗟𝗨 𝗞𝗔𝗗𝗔 𝗙𝗔𝗠𝗜𝗟𝗜𝗔 𝗜𝗗𝗔 𝗡𝗜𝗔 𝗢𝗔𝗡 𝗡𝗜𝗔 𝗘𝗦𝗞𝗢𝗟𝗔 𝗛𝗢𝗦𝗜 𝗣𝗥𝗘-𝗘𝗦𝗞𝗢𝗟𝗔𝗥 𝗧𝗢’𝗢 𝗨𝗡𝗜𝗩𝗘𝗥𝗦𝗜𝗗𝗔𝗗𝗘

𝘼𝙞𝙡𝙚𝙪, 𝟯𝟬 𝘼𝙗𝙧𝙞𝙡 𝟮𝟬𝟮𝟯 : Liuhosi Kampaña aberta PLP nian Domingu ne’e iha Munisípiu Aileu, Prezidente PLP, Jeneral Taur Matan Ruak perante militantes no simpatizantes fó sai kompromisu eleitorial foun PLP nian, karik hetan konfiansa ba ukun, sei implementa Program Selu Kada Família ida nia oan nia eskola, hahú husi Pre-eskolar to’o universidade, ho objetivu estadu iha obrigasaun atu hakman família kbiit la’ek sira ne’ebé la iha kapasidade finanseira atu selu sira nia oan nia eskola.

Programa ida ne’e, nia alvu sei ba liu família sira ne’ebé dezempregu no hirak ne’ebé serbisu maibe simu salariu báziku.

“Feto ran mane kolas an ne’ebé hola malu, nia oan primeiru governu mak tau matan ba nia eskola hahu hosi TK to’o S1 estadu mak selu.

Maibe inan aman tenke kuda hali hun 1, pois tau labarik nia naran, labarik boot hali moos boot. Tanba saida mak ita hakarak ajuda, tanba ita hakarak ita-nia oan sira tenke matenek, programa ne’e nia alvu mak sira ne’ebé la serbisu no sira ne’ebé serbisu mas simu salariu baziku, Estadu ajuda nia.

Ita ajuda sira tanba ita Timor família boot, dala barak familia ida de’it mak serbisu fó han ema barak iha uma laran, se ia ajuda ida sai matenek nia sei ajuda nia alin ka nia maun sira, nia inan-aman, nia avon sira, entaun Estadu ajuda familia ida oan ida”.

Fontes : Media PLP

30/04/2023

𝐀𝐔𝐒𝐓𝐑𝐀𝐋𝐈𝐀𝐍 𝐀𝐖𝐀𝐑𝐃𝐒 𝐏𝐑𝐎𝐋𝐎𝐍𝐆𝐀 𝐃𝐀𝐓𝐀 𝐈𝐊𝐔𝐒 𝐁𝐀 𝐀𝐏𝐋𝐈𝐊𝐀𝐒𝐀𝐔𝐍 𝐁𝐎𝐋𝐒𝐀-𝐄𝐒𝐓𝐔𝐃𝐎

Data atu taka aplikasaun ba Prémiu bolsa-estudu Austrália etapa tinan 2024 extende tán ba loron 3 Maiu 2023 (Oras 11:59 AEST).

Aplika Agora!

Vizita ami-nia sítiu https://australiaawardstl.org/scholarships/ ba informasaun hotu ne’ebe ita-boot presija hodi hatene kona-ba oinsá atu aplika. Ida’ne’e inklui rekezitus elijibilidade hotu, kaixa chat automátika ida no série vídiu esplikasaun sira hodi ajuda guia ita-boot liuhusi prosesu.

Sorte-di’ak ho ita-boot nia aplikasaun!

***

The application closing date for the 2024 Australia Awards scholarships has been extended to 3 May 2023 (11:59pm AEST).

Apply Now!

Visit our website https://australiaawardstl.org/scholarships/ for everything you need to know about how to apply. This includes all eligibility requirements, an automated chat box feature and a series of explainer videos to help guide you through the process.

We encourage applications from people living and working outside Dili, women, and people with disabilities.

Good luck with your application!

Fontes : Australia in Timor-Leste

The Closing Date for Australia Awards Scholarship Has Been Extended to 3 May 2023 (11:59pm AEST) About Scholarships Thinking about applying for an Australia Awards Scholarship? Australia’s international development assistance in TimorLeste helps promote prosperity, reduce poverty, and enhance poli...

01/04/2023

ENKAREGADU NEGOSIU ESTADUS UNIDUS AMERIKA BRIFING PREZIDENTE JOSE ROS HORTA SOBRE PARSERIA AUKUS

Estadus Unidus nia Enkaregadór Negósiu Tom Daley hato’o informasaun badak ba Prezidente José Ramos-Horta iha loron 16 Marsu kona-ba parseria AUKUS entre Austrália, Reinu Unidu no Estadus Unidus. Parseria AUKUS reprezenta modernizasaun ba aliansa no parseria ho tempu naruk ho matadalan ba komprometidu prosperiedade, seguransa no estabilidade globál hamutuk. Lee liután ba lideransa AUKUS sira nia anúnsia iha ne’e: https://www.whitehouse.gov/briefing-room/statements-releases/2023/03/13/joint-leaders-statement-on-aukus-2/



***



U.S. Chargé d’Affaires Tom Daley briefed President José Ramos-Horta on March 16 on the AUKUS partnership between Australia, the United Kingdom, and the United States. The AUKUS partnership represents a modernization of longstanding alliances and partnerships and is guided by a shared commitment to global prosperity, security, and stability. Read more about the AUKUS leaders announcement here: https://www.whitehouse.gov/briefing-room/statements-releases/2023/03/13/joint-leaders-statement-on-aukus-2/

In September 2021, Australia, the United Kingdom and the United States announced AUKUS – a new security partnership that will promote a free and open Indo-Pacific that is secure and stable. The first major initiative of AUKUS was our historic trilateral decision to support Australia acquiring con...

07/03/2023

𝗦𝗔𝗥𝗝𝗘𝗡𝗧𝗨 𝗝𝗢𝗔̃𝗢 𝗣𝗘𝗥𝗘𝗜𝗥𝗔 𝗙𝗜𝗡𝗔𝗟𝗜𝗭𝗔 𝗧𝗥𝗘𝗜𝗡𝗔𝗠𝗘𝗡𝗧𝗨 𝟭𝟯 𝗛𝗨𝗦𝗜 𝟭𝟴 𝗡𝗨𝗨𝗗𝗔𝗥 𝗞𝗔𝗗𝗘𝗧𝗘 𝗜𝗛𝗔 𝗥𝗢𝗬𝗔𝗟 𝗠𝗜𝗟𝗜𝗧𝗔𝗥𝗬 𝗖𝗢𝗟𝗟𝗘𝗚𝗘 - 𝗔𝗨𝗦𝗧𝗥𝗔𝗟𝗜𝗔

𝗪𝗲𝗵𝗮𝗹𝗹𝘆: F-FDTL nia funsionáriu Sarjentu João Pereira, agora remata ona treinamentu fulan 13 husi 18 nu'udar Pesoál Kadete iha Royal Military College (RMC) Duntroon, Canberra, Austrália [Australia FLAG].

RMC mak fasilidade formasaun atualizadu ne'ebé hanorin aspetu hotu-hotu husi komandu tropa nian inklui lideransa, taktika militár, foti desizaun no jestaun pesoál sira.

Pesoál kadete João Pereira akompaña husi Pesoál kadete Hilario Cielo, ho ne'ebé DCP-TL kontinua iha kontaktu regulár. Pesoál kadete João Pereira haruka mai ami foto balun husi Austrália bainhira partisipa iha treinamentu loron 35 iha kampu, iha "Battle block II Bravo." Durante treinamentu ne'e Pesoál kadete Pereira simu no entrega ona Konseitu Operasaun (Sigla Inglés: CONOPS) Rezumu Fila Fali, Ordem Pedidu no Sesaun Nível Pedidu.

Austrália nia Programa Kooperasaun Defeza (Sigla Inglés: DCP) kontente hodi suporta dezenvolvimentu profisionál ba pesoál F-FDTL.

***

🇹🇱 F-FDTL Staff Sergeant João Pereira, has now completed 13 of 18 months training as a Staff Cadet at Royal Military College (RMC) Duntroon, Canberra, Australia [Australia FLAG].

RMC is a state-of-the-art training facility that teaches every aspect of Army command including leadership, military tactics, decision-making and the management of personnel.

Staff Cadet Joao Pereira is accompanied by Staff Cadet Hilario Cielo, with whom DCP-TL stays in regular contact. Staff Cadet Joao Pereira sent us some photos from Australia whilst participating in ‘Battle Block II Bravo’, a 35-day field training exercise. During the training he received and delivered Concept of Operations (CONOPS) Back Briefs, Warning Orders and Section Level Orders.

Australia’s Defence Cooperation Program (DCP) is pleased to support the professional development of F-FDTL personnel.

Fontes : Facebook Australia iha Timor-Leate

01/03/2023

✅ 𝘼𝙑𝙄𝙕𝙐: 𝙎𝙀𝙁𝙊𝙋𝙀 𝙎𝙀𝙄 𝙇𝙊𝙆𝙀 𝙍𝙀𝙅𝙄𝙎𝙏𝙍𝘼𝙎𝘼𝙐𝙉 𝙁𝙊𝙐𝙉 (𝙊𝙉𝙇𝙄𝙉𝙀) 𝘽𝘼 𝙎𝙀𝙍𝙑𝙄𝙎𝙐 𝘼𝙐𝙎𝙏𝙍𝘼𝙇𝙄𝘼, 𝙍𝙀𝙅𝙄𝙎𝙏𝙐 𝙃𝘼𝙃𝙐 𝙃𝙐𝙎𝙄 𝟬𝟲-𝟬𝟯-𝟮𝟬𝟮𝟯 𝙩𝙤’𝙤 𝟭𝟳-𝟬𝟯-𝟮𝟬𝟮𝟯.

Lee halo hotu

Programa mobilidade laborál ba Australia hahu ho unskilled Seasonal Workers Program (SWP) iha 2012 no Pacific Labour Scheme (PLS) iha 2019. Maibe ho Covid-19 ne’ebé akuntese iha finál 2019 iha impaktu ba serbisu mobilidade laborál tomak no dalan atu hetan oportunidade servisu iha Australia taka ba Timor-Leste too Fevereiru 2022. Iha tinan 2021 guvernu Australia introdus program foun ida bolu Pacific Australia Labour Mobility (PALM) Scheme ne’ebé kombina programas SWP no PLS iha scheme ida nia okos no fokus makas liu ba traballadores semi-skill. Timor-Leste liu-husi Ministra Negosius Estrangeiru no Koperasaun asina MoU ho Governu Australia iha 10 Fevereiru 2022 ne’ebé ofisialmente Timor-Leste bele hola parte ba programa PALM Scheme ne’e.

Programa PALM Scheme ne’e mai ho ninia rekezitu selesaun no rekrutamentu ne’ebé la hanesan ho programa SWP ho PLS, programa ne’e presiza kandidatu trabalador sira ne’ebé iha ona abilidade ko’alia lian ingles di’ak, iha koñesimentu tekniku relevante ba área serbisu no iha esperiensia serbisu relevante minimu tinan rua.

Bainhira SEFOPE hare’e rekezitu foun sira ne’e no halo teste diagnostiku ba kandidatu atuál sira iha baze dadus SEFOPE ni’an, nota katak maioria kandidatus la priense rekezitu sira ne’e tambá maioria traballadór rekruta hanesan traballadór unskilled ho koñesimentu ingles basiku liu ka la-iha ingles liu.

Iha tinan 2022 Timor-Leste konsege haruak ema 3514 ba Australia no iha tinan 2023 SEFOPE iha alvu atu haruka traballadór 8000 ba serbisu iha nasaun Australia iha PALM Scheme nia okos, ho kontratu ba tempu badak (fulan 6 to’o 9) no ba tempu naruk (tinan 1 to’o 4).

Hare’e ba situasaun atuál iha base-de-dadus ne’ebé la iha kandidatu naton atu responde ba kriteriu foun PALM Scheme ni’an maka, SEFOPE liu-husi Diresaun Nasional Empregu Exterior (DNEE) desidi loke prosesu selesaun foun atu suplementa SEFOPE Sistema Base Dados ho kandidatus foun ne’ebé bele koresponde ba kriteriu foun sira. Nune’e iha fulan Dezembru 2022, husi loron 13 to’o 31, DNEE loke aplikasaun online foun atu atrai kandidatus sira ne’ebé sente bele responde ho di’ak ba kriteiru ne’ebé husu. Iha prosesu ne’e, sistema online konsege simu aplikasaun hamutuk rihun 41 resin.

Nune’e, iha finais Janeiru 2023 ekipa panelista hahú halo screening inisiál hodi avalia aplikasaun sira ne’e, maibé ekipa identifika kestaun kritiku barak hanesan tuir mai:

• Aplikante barak maka la konsegue priense kriteria ne’ebé hakerek iha anunsiu taka sai iha website DNEE ni’an;

• Aplikante barak maka la kumpriende aplikasaun no fo’o resposta lalos ka la-tuir kriteria sira ne’ebé maka fo-sai;

• Aplikante barak maka submete aplikasaun mamuk;

• Aplikantes barak priense maibé la-kumpleta informasaun obrigatoriu sira hanesan, kriteiru kualifikasaun akademiku nomos esperiensia servisu relevante;

• Aplikante barak maka la prense rekisitu tinan minimu atu bele aplika (kiik liu tinan 21);

• Durante fulan Dezembru 2022, ita hotu experiensia problema barak ho asesu ba internet ne’ebé afeta kualidade asesu ba sistema apliksaun online no kausa tia ”system crash” iha loron dauluk sira aplikasaun loke.

Hare’e ba kestaun sira iha leten, ekipa avaliasaun informa ba lideransa SEFOPE katak se’e kontinua ho prosesu ida ne’e DNEE sei la-konsegue hetan kandidatu di’ak naton atu responde ba alvu 8000 ne’ebé estabelese ba 2023, no sei presiza repete fali prosesu foun ida, ne’ebé sei hadau tempu no rekursu barak husi ekipa DNEE atu repete prosesu tomak fila-fali, no pontu importante ida tan, la konsege responde ba kompromisu ho empregadór sira ne’ebé hakarak rekruta agora ona traballador semi-skilled.

Nunee, hafoi tetu variavel hotu, SEFOPE hola desizaun atu kansela prosesu selesaun ne’ebe akontese iha fulan Dezembru 2022 no sei loke fila fali prosesu aplikasuan online foun iha tempu badak tuir mai.

Vantajen sira husi prosesu aplikasaun foun ne’e, maka hanesan tuir mai:

• Fo’o oportunidade foun no hanesan ba aplikante hotu ne’ebé aplika iha Dezembru 2022 atu submete aplikasaun ho di’ak no ho informasaun koretu;

• Iha aplikasuan online sei hetan “text message” ne’ebe sei fo’o esplikasaun klaru no tulun oinsa atu priense aplikasaun online husi pasu ida ba pasu seluk atu aplikante sira bele kompleta informasaun hotu ho didiak;

• La husik ema ida ba kotuk, tamba hetan difikuldade enxe apikasaun no submete aplikasaun mamuk ka imkompletu;

• Ekipa sei asegura sistema hotu funsiona ho diak no responde ba difikuldade ruma karik aplikante sira hasoru durante prosesu aplikasaun liu husi email geral ida ne’ebé ekipa avaliasuan sei monitoriza;

• Prosesu aplikasaun sei loke durante loron 10 nian laran, hahu husi loron 6 to’o loron 17, fulan Marsu 2023

• Ekipa avaliasaun husi SEFOPE ho apoiu husi programa apoiu Australia nian sei responsavel ba halo avaliasaun ba aplikasaun sira husi prosesu foun ida nee, tuir kriteiru no prosesu estabelese ona;

• Rezultadu avaliasaun aplikasaun final sei anunsia ba Publiku iha semana hahu loron 10 de Abril 2023.

Mak ne’e deit ami nia pers konfernesia no obrigado wain ba imi hotu nia atensaun
Dili 1 de Marsu 2023
SEFOPE

22/02/2023

𝗣𝗿𝗶𝗺𝗲𝗶𝗿𝘂 𝗠𝗶𝗻𝗶𝘀𝘁𝗿𝘂 𝗧𝗮𝘂𝗿 𝗠𝗮𝘁𝗮𝗻 𝗥𝘂𝗮𝗸 𝗞𝗼𝗻𝘀𝗶𝗱𝗲𝗿𝗮 𝗣𝗿𝗲𝘇𝗶𝗱𝗲𝗻𝘁𝗲 𝗥𝗲𝗽𝘂́𝗯𝗹𝗶𝗸𝗮 𝗝𝗼𝘀𝗲 𝗥𝗮𝗺𝗼𝘀 𝗛𝗼𝗿𝘁𝗮 𝗔𝗯𝘂𝘇𝘂 𝗱𝗲 𝗣𝗼𝗱𝗲𝗿 𝗜𝗵𝗮 𝗸𝗮𝘇𝘂 𝗟𝗼𝗻𝗴𝘂𝗶𝗻𝗼𝘀

* 𝐷𝑒𝑛𝑢𝑛𝑠𝑖𝑎 𝑏𝑎 𝑃𝑢́𝑏𝑙𝑖𝑘𝑢 𝑛𝑜 ℎ𝑎𝑝𝑎𝑟𝑎 𝐸𝑛𝑘𝑜𝑛𝑡𝑟𝑢 𝑆𝑒𝑚𝑎𝑛𝑎𝑙 ℎ𝑜 𝑃𝑟𝑖𝑚𝑒𝑖𝑟𝑢 𝑀𝑖𝑛𝑖𝑠𝑡𝑟𝑢, 𝑅𝑢𝑎 𝑛𝑒'𝑒 ℎ𝑎𝑢 𝑠𝑖𝑚𝑢 ℎ𝑜𝑡𝑢.

𝗗𝗶𝗹𝗶,𝗪𝗲𝗵𝗮𝗹𝗹𝘆 : Kuarta-feira (12/02/) ne'e, iha Aeroportu Internasional Nicolau Lobatu, hafoin tun husi aviaun fila husi Vizita Ofisial ba Singapura, ba Media sira Primeiru Ministru, Taur Matan Ruak responde ba Media sira kona-ba situasaun Loes em relasaun ho kazu Longius Monteiro ne'ebé subar Arma branca (Kilat, Pi***la no Bala musan) iha ninia uma, nune'e hodi hamosu ultimatum husi Prezidente Repúblika ba Primeiru Ministru Taur Matan Ruak.

Tuir deklarasuan Primeiru Ministru Taur Matan Ruak Katak " Wainhira iha Aviaun laran husi Canberra atu ba Darwin simu Kontatu husi Ministru Prezidensia Konsellu Ministru, Fidelis Magalhaes katak Prezidente Repúblika prekupadu los tanba Servisu Nasionál Intelejensia (SNI) halo busca iha Longuinhos Monteiro ninia uma iha Loes.

Tuir mai deklarasaun kompletu Primeiru Ministru Taur Matan Ruak hafoin fila husi Singapura.

"" 𝘒𝘢𝘻𝘶 𝘪𝘥𝘢 𝘓𝘰𝘦𝘴, 𝘩𝘢’𝘶 𝘪𝘩𝘢 𝘥𝘪𝘢 09 𝘩𝘢’𝘶 𝘷𝘪𝘢𝘫𝘦𝘮 𝘮𝘢𝘪 𝘩𝘶𝘴𝘪 𝐶𝘢𝘯𝘣𝘦𝘳𝘳𝘢 𝘮𝘢𝘪 𝘋𝘢𝘳𝘸𝘪𝘯, 𝘩𝘢𝘶 𝘪𝘩𝘢 𝘢𝘷𝘪𝘢𝘶𝘯 𝘭𝘢𝘳𝘢𝘯 𝘚𝘦𝘯𝘰́𝘳 𝘔𝘪𝘯𝘪𝘴𝘵𝘳𝘶 𝘍𝘪𝘥𝘦𝘭𝘪𝘴 𝘵𝘦𝘭𝘦𝑓𝘰𝘯𝘦 𝘣𝘢 𝘩𝘢𝘶 𝘥𝘦𝘩𝘢𝘯 𝘗𝘳𝘦𝘻𝘪𝘥𝘦𝘯𝘵𝘦 𝘥𝘢 𝘙𝘦𝘱𝘶́𝘣𝘭𝘪𝘬𝘢 𝘱𝘳𝘦𝘰𝘬𝘶𝘱𝘢𝘥𝘶 𝘭𝘰𝘰𝘴 𝘵𝘢𝘯𝘣𝘢 𝘚𝘕𝘐 𝘣𝘢 𝘢𝘵𝘶 𝘳𝘦𝘷𝘪𝘴𝘵𝘢 𝘴𝘦𝘯𝘰́𝘳 𝘓𝘰𝘯𝘨𝘶𝘪𝘯𝘩𝘰𝘴 𝘯𝘪𝘢 𝘶𝘮𝘢 𝘵𝘢𝘯𝘣𝘢 𝘯𝘦’𝘦 𝘩𝘶𝘴𝘶 𝘣𝘢 𝘗𝘳𝘪𝘮𝘦𝘪𝘳𝘶 𝘔𝘪𝘯𝘪𝘴𝘵𝘳𝘶 𝘩𝘢𝘴𝘢𝘪 𝘋𝘪𝘳𝘦𝘵𝘰́𝘳 𝘚𝘕𝘐 𝘯𝘪𝘢𝘯, 𝘴𝘦𝘪 𝘭𝘢 𝘩𝘢𝘴𝘢𝘪 𝘗𝘳𝘦𝘻𝘪𝘥𝘦𝘯𝘵𝘦 𝘩𝘢𝘭𝘰 𝘣𝘶𝘢𝘵 𝘳𝘶𝘢 𝘪𝘥𝘢 𝘥𝘦𝘯𝘶𝘯𝘴𝘪𝘢 𝘣𝘢 𝘱𝘶́𝘣𝘭𝘪𝘬𝘶, 𝘪𝘥𝘢 𝘴𝘦𝘭𝘶𝘬 𝘩𝘢𝘱𝘢𝘳𝘢 𝘦𝘯𝘬𝘰𝘯𝘵𝘳𝘶 𝘴𝘦𝘮𝘢𝘯𝘢́𝘭 𝘩𝘰 𝘗𝘳𝘪𝘮𝘦𝘪𝘳𝘶 𝘔𝘪𝘯𝘪𝘴𝘵𝘳𝘶, 𝘩𝘢’𝘶 𝘪𝘩𝘢 𝘢𝘷𝘪𝘢𝘶𝘯 𝘭𝘢𝘳𝘢𝘯 𝘩𝘢𝘶 𝘳𝘦𝘴𝘱𝘰𝘯𝘥𝘦 𝘣𝘢 𝘚𝘦𝘯𝘰́𝘳 𝘔𝘪𝘯𝘪𝘴𝘵𝘳𝘶 "𝘩𝘢𝘵𝘦𝘵𝘦𝘯 𝘣𝘢 𝘗𝘳𝘦𝘻𝘪𝘥𝘦𝘯𝘵𝘦, 𝘳𝘶𝘢 𝘯𝘦’𝘦 𝘩𝘢’𝘶 𝘴𝘪𝘮𝘶 𝘩𝘰𝘵𝘶, 𝘥𝘦𝘯𝘶𝘯𝘴𝘪𝘢 𝘣𝘢 𝘱𝘶́𝘣𝘭𝘪𝘬𝘶 𝘯𝘰 𝘩𝘢𝘱𝘢𝘳𝘢 𝘦𝘯𝘬𝘰𝘯𝘵𝘳𝘶 𝘴𝘦𝘮𝘢𝘯𝘢𝘭 𝘩𝘰 𝘗𝘳𝘪𝘮𝘦𝘪𝘳𝘶 𝘔𝘪𝘯𝘪𝘴𝘵𝘳𝘶 𝘮𝘰́𝘴 𝘩𝘢𝘶 𝘴𝘪𝘮𝘶.""

Hau to’o iha Darwin hau haruka hau nia Xefe Gabinete buka hatene saída mak akontese iha ne’ebá i kuandu ha’u buka hatene sira haruka mandatu Tribunal nian entaun ha’u hakfodak ne’e, sei ida ne’e mandatu Tribunal tanba-saida mak Prezidente fó fali ultimatu ba Primeiru Ministru.

" Hau hanoin ida ne’e abuza poder uitoan, prapotensia uitoan husi Parte Prezidente da Repúblika nian ké labele. "

Prezidente da Repúblika orgaun no simbolu nasaun nian entaun tenke sukat nia komportamentu hotu ne’e nia sukat kuidadu loos labele hanesan fali 𝐜𝐨𝐛𝐨𝐢𝐚𝐝𝐚 demais, iha Timor ne’e laiha ema ida iha lei nia leten inklui Prezidente da Repúblika, hotu-hotu iha lei nia okos, ha’u eis Prezidente ne’ebé ha’u hatene saída mak ha’u koalia, ha’u preokupa uitoan mas ita aprende dalaruma sira ne’ebé fó informasaun ba Nai Prezidente fó sala depois Prezidente envez rona ho kalma lae, bidu uluk mak entaun mak hanesan ne’e".

Fontes : FB Primeiru Ministru

13/02/2023

𝐏𝐫𝐞𝐳𝐢𝐝𝐞𝐧𝐭𝐞 𝐑𝐞𝐩𝐮́𝐛𝐥𝐢𝐤𝐚 𝐃𝐞𝐤𝐫𝐞𝐭𝐚 𝐃𝐚𝐭𝐚 𝐄𝐥𝐞𝐢𝐬𝐚𝐮𝐧 𝐋𝐞𝐣𝐢𝐳𝐥𝐚𝐭𝐢𝐯𝐚 𝐛𝐚 𝟐𝟏 𝐌𝐚𝐢𝐮

Dili, Hafoin rona hanoin husi Partidu Politiku sira durante semana rua, ohin (13/02) Prezidente Repúblika, José Ramos Horta dekreta ona Eleisaun Lejizlativa ba loron 21 fulan Maiu tinan ne'e.

11/02/2023

𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐓𝐚𝐮𝐫 𝐌𝐚𝐭𝐚𝐧 𝐑𝐮𝐚𝐤 𝐊𝐨𝐧𝐭𝐢𝐧𝐮𝐚 𝐕𝐢𝐳𝐢𝐭𝐚 𝐎𝐟𝐢𝐬𝐢𝐚́𝐥 𝐛𝐚 𝐈𝐧𝐝𝐨𝐧𝐞́𝐳𝐢𝐚

𝐃𝐢𝐥𝐢, 𝐖𝐞𝐡𝐚𝐥𝐥𝐲: Sabadu (11/02) ohin, Primeiru Ministru (PM), Taur Matan Ruak, kontinua dezloka ba nasaun vizinhu Indonézia, PM Taur Matan Ruak foin fila husi vizita ofisiál ba Australia horiseik.

Durante iha Indonézia hahu husi loron 11 to’o 14 fulan Febreiru, tinan 2023, Xefe Governu, Taur Matan Ruak sei hasoru malu ho Sua Prezidente Repúblika Indonézia, Joko Widodo, hodi diskute kona-ba relasaun no kooperasaun billateral país rua nian.

Iha vizita refere Primeiru Ministru mós hakarak hato’o profundu agradesimentu pesoál ba Prezidente Jokowi no Governu Indonézia nia apoiu inkondisionál ba Timor-Leste hodi ohin Timor-Leste sai ona membru ASEAN observadór.

Durante vizita ne’e, sei asina mós Nota Entendemntu ho Governu Indonézia mak hanesan: Estabelesimentu Zona Ekonomia Livre iha Área Fronteira, akordu Ensinu Superior, Meteorolojia Klimatolojia no Jeofizika, Indústria no CNE ho KPU iha área IT no formasaun.

Iha vizita Primeiru Ministru refere akompaña mós husi Ministra Negósius Estranjeirus no Kooperasaun, Adaljiza Magno, Ministru Transportes no Komunikasoins, José Agostinho, Ministru Komérsiu no Industria, Lucas do Carmo, Ministru Ensinu Superiór no Siénsia, Longuinhos dos Santos no Prezidente Komisaun Nasionál Eleisoins, José Belo.

Hafoin termina vizita iha Indonézia, Xefe Governu sei kontinua nia viajem traballu ba Singapura hodi hala'o enkontru kortezia ho Primeiru Ministru Singapura, Lee Hsien Loong molok fila-fali mai rai-laran.

Credit : Primeiru Ministru Taur Matan Ruak

10/02/2023

𝗗𝗼𝗺 𝗩𝗶𝗿𝗴𝗶𝗹𝗶𝗼 𝗞𝗮𝗿𝗱𝗲𝗮𝗹 𝗱𝗼 𝗖𝗮𝗿𝗺𝗼 𝗗𝗮 𝗦𝗶𝗹𝘃𝗮 𝗛𝗮𝗹𝗼 𝗟𝗮𝗻𝘀𝗮𝗺𝗲𝗻𝘁𝘂 𝗙𝗮𝘁𝘂𝗸 𝗗𝗮𝗵𝘂𝗹𝘂𝗸 𝗯𝗮 𝗞𝗼𝗻𝘀𝘁𝗿𝘂𝘀𝘂𝗮𝗻 𝗘𝗱𝗶𝗳𝗶́𝘀𝗶𝘂 𝗞𝗼𝗻𝗳𝗲𝗿𝗲́𝗻𝘀𝗶𝗮 𝗘𝗽𝗶𝘀𝗸𝗼𝗽𝗮́𝗹 𝗧𝗶𝗺𝗼𝗿𝗲𝗻𝘀𝗲 𝗶𝗵𝗮 𝗗𝗲𝗯𝘂𝗺𝗲𝘁𝗮- 𝗗𝗮𝗿𝗲

𝘿𝙖𝙧𝙚, Wehally: Sexta (10/02) ohin, Dom Virgilio Kardeal do Carmo da Silva halo lansamentu fatuk dahuluk ba konstrusaun edifísiu ba Konferénsia Episkopál Timorense (CET, sígla Portugués), iha Debumeta, Suku Dare, Dili.

Edifísiu CET iha laletek Debumeta ne'e sei konstrui ho orsamentu millaun $3 resin husi kompañia Holgapa.

Prezidente CET, Bispo Maliana, Dom Norberto do Amaral, agradese ba partisipantes hotu, no ninia intervensaun hatete katak lansamentu primeira pedra ne'e marka histrória ida ba Igreja Katólika Timor-Leste.

Bispu Diocese Maliana ne'e mós husu ba kompania konstrutór atu kaer didiak obra ida-ne'e, no ho lalais atu nune'e obra ne'e bele finaliza tuir tempu ne'ebé determina ona iha kontratu.

Serimónia lansamentu fatuk dahuluk ne'e partisipa mós husi Ministru Obras Públikas (MOP), Abel Pires da Silva Ministru Finansas (MF), Rui Augusto Gomes, Komandante Polísia Nasionál Timor-Leste (PNTL) Munisípiu Dili, FALINTIL Forsa Defeza Timor-Leste (F-FDTL), Padre, Marde no komunidade sira.

Credit : MOP

10/02/2023

𝐊𝐎𝐌𝐈𝐒𝐀𝐔𝐍 𝐍𝐀𝐒𝐈𝐎𝐍𝐀́𝐋 𝐀𝐏𝐑𝐎𝐕𝐈𝐙𝐈𝐎𝐍𝐀𝐌𝐄𝐍𝐓𝐔 𝐀𝐍Ú𝐍𝐒𝐈𝐀 𝐎𝐍𝐀 𝐑𝐄𝐙𝐔𝐋𝐓𝐀𝐃𝐔 𝐓𝐄𝐍𝐃𝐄𝐑𝐈𝐙𝐀𝐒𝐀𝐔𝐍 𝐁𝐀 𝐏𝐑𝐎𝐉𝐄𝐓𝐔 𝐄𝐒𝐓𝐑𝐀𝐃𝐀 𝐔𝐑𝐁𝐀𝐍𝐀 𝐌𝐀𝐋𝐈𝐀𝐍𝐀

𝘿𝙞𝙡𝙞, Sexta (10/03) ne'e, Komisaun Nasionál Aprovizionamentu (CNA, sígla Portugués) anúnsia ona rezultadu tenderizasaun ba projetu estrada urbana iha kapitál Munisípiu Bobonaro, Maliana.

Projetu ne'e manán husi kompañia Internasionál PT. Hutama Karya (Persero) Indonézia ho nia montante orsamentu hamutuk millaun $ 21 resin.

Hafoin CNA públika rezultadu aprovizionamentu ba manán na'in, mak Ministru Obras Públikas, Abel Pires da Silva, sei aprezenta rezultadu ne'e ba Konsellu Ministru para hetan autorizaun.

Prosesu ikus liu mak Kámara Kontas sei fó vistu ba projetu ne'e antes lansamentu ba projetu refere.

Fontes:

09/02/2023

𝗟𝗮𝗻𝘀𝗮𝗺𝗲𝗻𝘁𝘂 𝗣𝗿𝗶𝗺𝗲𝗶𝗿𝗮 𝗣𝗲𝗱𝗿𝗮 𝗣𝗿𝗼𝗷𝗲𝘁𝘂 𝗗𝗲𝘇𝗲𝗻𝘃𝗼𝗹𝘃𝗶𝗺𝗲𝗻𝘁𝘂 𝗔𝗲𝗿𝗼𝗽𝗼𝗿𝘁𝘂 𝗜𝗻𝘁𝗲𝗿𝗻𝗮𝘀𝗶𝗼𝗻𝗮́𝗹 𝗣𝗿𝗲𝘇𝗶𝗱𝗲𝗻𝘁𝗲 𝗡𝗶𝗰𝗼𝗹𝗮𝘂 𝗟𝗼𝗯𝗮𝘁𝗼 𝗣𝗹𝗮𝗻𝗲𝗶𝗮 𝗯𝗮 𝗠𝗮𝗿𝘀𝘂 𝟮𝟬𝟮𝟯

Díli, 9 Fevereiru 2023 – Serimónia lansamentu primeira pedra ba projetu dezenvolvimentu Aeroportu Internasionál Prezidente Nicolau Lobato (AIPNL) planeia ona ba fulan-marsu tinan ida-ne’e hafoin Oitavu Governu Konstitusionál konklui ona assinatura akordu finansiamentu husi doadór sira hanesan ADB, Austrália no JICA.

Ministru Finansas, Rui Gomes hateten iha nia Diskursu iha serimónia assinatura akordu subvensaun públiku ho montante $37,5 milhões husi Ajénsia Kooperasaun Internasionál Japaun (JICA, sigla Inglés), ohin dadeer iha auditóriu Kay Rala Xanana Gusmão, Ministériu Finansas.

Kontribuisaun finanseira ho montante $37,5 milhões ne’ebé Ministru Rui Gomes no Xefe Reprezentante JICA iha Timor-Leste, Dr. Ito Mimpei asina ona ne’e, sei uza hodi konstrui terminál pasajeirus foun, sistema abastesimentu bee mo’os no sistema esgoto inklui instalasaun facilidades apoiu iha Aeroportu Internasionál Prezidente Nicolau Lobato (AIPNL).

Ho assinatura akordu ne’e, JICA hamutuk ho ADB, Governu Austrália no Governu Timor-Leste komprometidu atu konstrui projetu infraestrutura estratéjiku refere ne’ebé aliña ho Planu Estratéjiku Dezenvolvimentu 2011-2030 ho nia prioridade boot ida mak dezenvolvimentu infraestrutura ho objetivu atu konsolida kresimentu ekonómiku no redús desigualidade.

Governu opta modalidade "hybrid PPP" ba Projetu Dezenvolvimentu AIPNL. Tambá nia natureza finansiamentu ne’ebé kompleksu tebes ne’ebé envolve fontes finansiamentu oioin hanesan subvensaun públiku, empréstimu no orsamentu kontrapartida husi Governu Timor-Leste, presiza iha liña koordenasaun servisu ne’ebé di'ak entre doadór sira no ho Governu atu evita duplikasaun esforsu, rekursus no servisus.

Ba faze primeiru ne’e rasik, Governu asegura ona finansiamentu husi parte ADB hamutuk $135 milhões; Austrália $73,4 milhões; JICA $37,5 milhões; no kontrapartida husi Governu Timor-Leste liuhusi Fundu Infraestrutura ba kompontentes hotu hamutuk $52 milhões. Nune’e, totál orsamentu ba faze primeiru hamutuk $297,9 milhões.

Projetu dezenvolvimentu aeroportu internasionál ne’e akontese iha tempu oportunu iha momentu ne’ebé Timor-Leste atu sai membru ASEAN. Aeroportu internasionál ne’e sei sai nu’udar porta de entrada ida ba promosaun turizmu, komérsiu, investimentu no interkámbiu kulturál no koñesimentu ba Timor-Leste. Projetu ne'e rasik tuir planu, sei remata iha tinan 2026.

Projetu infraestrutura estratéjiku ne’e hamutuk ho Portu Tibar no projetu instalasaun kabu submariñu fibra ótiku ne’ebé liga mai Díli husi Darwin mak nu’udar investimentu estratéjiku iha área konektividade hodi prepara pais ne'e ba economia de serviços iha futuru.

Reprezentante Estadu Timor-Leste ne’e mós hatutan katak ho reseitas husi petróleu no gás ba Fundu Petrolíferu ne’ebé tun ona, Ita labele lakon tempu tan maibé tenke buka ona fontes alternativa ba reseitas. Investimentu signifikativu ne’e nia objetivu mak atu diversifika fontes finansiamentu ba despesas públikas no iha tempu hanesan bele atrai mais investimentu ne’ebé nesesáriu ba trajetória kresimentu ida ne’ebé sustentável.

Akompaña Ministru Rui Gomes iha serimónia assinatura ho JICA ohin dadeer, Ministru Justisa, Tiago Amaral Sarmento; Ministru Obras Públikas, Abel Pires da Silva; Ministru Transporte no Komunikasoins, José Agustinho da Silva; Ministru Interinu Negósius Estranjeirus no Kooperasaun, Julião da Silva no Vise-Ministru Finansas, António Freitas.

Iha loron 25 fulan-janeiru liubá, Konsellu Ministrus liuhusi Sorumutuk iha Palásiu Governu, delibera no autoriza Ministru Finansas, Rui Gomes hodi reprezenta Governu Timor-Leste asina akordu kontribuisaun finanseira ho montante $37,5 milhões husi JICA. ***

Credit : Ministru Finansas

09/02/2023

𝗧𝗶𝗺𝗼𝗿-𝗟𝗲𝘀𝘁𝗲 𝗣𝗮𝗿𝘁𝗶𝘀𝗶𝗽𝗮 𝗘𝗻𝗸𝗼𝗻𝘁𝗿𝘂 𝘽𝙖𝙡𝙞 𝙋𝙧𝙤𝙘𝙚𝙨𝙨 𝗯𝗮 𝗗𝗮𝘄𝗮𝗹𝘂 𝗜𝗵𝗮 𝗔𝘂𝘀𝘁𝗿𝗮𝗹𝗶𝗮

𝘼𝙪𝙨𝙩𝙧𝙖́𝙡𝙞𝙖, 09 Fevereiru 2023 (SRP) - Vise-Ministru Interior, Antonio Armindo, hamutuk ho delegasaun hosi Timor-Leste, partisipa Konferensia Bali Process ba daualuk hodi deskute kona-ba konsekuénsia husi kontra bandu, tráfiku ema no krime transnasionál nian ne’ebé hala’o iha Adelaide-Austrália.

“Ohin ita ho delegasaun hosi Timor-Leste hodi partisipa iha oitavu Konferensia Ministeriál Bali Process on People Smuggling, Trafficking in Person and Related Transnational Crime 2023 paralelu ho Senior Oficial Meeting (SOM), ba dala 18, hodi hasa’e konsiénsia efetivu rejionál nia kona-ba konsekuénsia husi kontra bandu, tráfiku ema no krime transnasionál nian”, esplika Vise-Ministru Interior, Antonio Armindo, via telefone.

Vise Ministru Interior ne'e dehan "Konferénsia ida-ne’e lidera husi Guvernu Austrália ho membru hamutuk 48 resin, inklui UNHCR, IOM, UNODC no-mós nasaun membru observadór sira no organizasaun internasionais relevante, Inklui grupo Ad Hoc, hodi rezolve kontra bandu espesifiku, tráfiku umanu no migrante irregulár iha kada rejiaun."

“Bali Process hanesan forum diálogu polítiku, fahe informasaun no kooperasaun pratiku atu ajuda rejiaun hodi rezolve dezafiu sira. Estratejia Bali process ba kooperasaun inklui programa atividade servisu ba oin, ajuda Bali process nia servisu atu implementa prioridades tuir diresaun ministru sira nian”, subliña.

Governante ne’e garante katak, ho forum ida-ne’e bele kontribui hodi kombate movimentu irregulár ema nian iha rejiaun bali process liu-liu iha Timor-Leste, hodi ajuda kualidade dezenvolvimentu, konsistente no enkuadramentu migrasaun nian sai di'ak liután.

“Iha tinan 2023 forum ida-ne’e foka liu iha area kooperasaun prinsipál 8 maka hanesan, aplikasaun lei ne’ebé eziste entre nasaun membru, hametin kooperasaun ho partes interesadas, promove fahe informasaun publika entre nasaun membru, kontribui hodi kombate movimentu irregulár ema nian hakat liu fronteira, ajuda kualiadade hodi haforsa Jestaun Fronteira, no ikusliu halo koordenasaun hodi hetan apoiu”, hakotu.

Konferénsia internasionál ne’e Vise-Ministru Antonio Armindo, hetan akompañamentu hosi Adjuntu Diretór Jerál Servisu Migrasaun, Inspetora Xefi Polísia, Adelaide da Rosa, Xefi VPU Nasionál, Inspetór Polísia Ricardo da Costa, no-mós ofisiais investigasaun PNTL no Servisu Migrasaun.

Credit : Relasaun Publika Ministériu Interior.

08/02/2023

𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐓𝐚𝐮𝐫 𝐌𝐚𝐭𝐚𝐧 𝐑𝐮𝐚𝐤 𝐢𝐡𝐚 𝐋𝐚𝐧𝐬𝐚𝐦𝐞𝐧𝐭𝐮 𝐄𝐦𝐩𝐫𝐞𝐳𝐚 𝐎𝐫𝐢𝐣𝐞𝐧 𝐓𝐢𝐦𝐨𝐫 𝐢𝐡𝐚 𝐀𝐮𝐬𝐭𝐫𝐚𝐥𝐢𝐚

𝗖𝗮𝗻𝗯𝗲𝗿𝗿𝗮, loron 8 fulan-febereiru tinan 213 –Sua Eselénsia Primeiru-Ministru Taur Matan Ruak partisipa iha serimónia ba Lansamentu Estabelesimentu Empreza Orijen Timor, iha Sidade Canberra, Austrália, tersa horseik.
Projetu Orijen Timor ne’e, ho objetivu atu liga produtór sira kafé timor nian ho empreza importasaun, tratamentu, torrefasaun no distribuisaun kafé orgániku ho kualidade, iha merkadu Australianu no Rejionál, hodi promove interkámbiu ba produtór, distribuidór no konsumidór sira.

Estabelesimentu ne’ebé inaugura iha Canberra konta mós ho partisipasaun husi Ko-Diretór no Fundadór Empreza Orijen Timor nian, hanesan: Sr. Habib Maarbani, Project Origin (responsavel ba selesaun kafé husi orijen kontrolada); Senhor Gobie Rajalingam no Sr. Daniel Leong; no Sr. Troy Huckstepp, Veteranu ida husi Kuartu Batalhaun Rejimentu Reál Australia nian, ne’ebé sai ona mós promotór boot ida ba Kafé Orijen Timor.

Serimónia ne’e konta ho prezensa hosi S. Exa. Ministra Negósius Estranjeirus no Kooperasaun Timorense, Adaljiza Magno; Embaixadora RDTL iha Canberra, Inês Almeida no Embaixadór Austrália nian iha Timor-Leste, Sr. Bill Costello, no mós konvidadu lubun boot ida husi komunidade lokál, liuliu ba Membru Grupu Amizade sira ho Timor-Leste.

Projetu ne’e, aleinde atu divulga kafé orgániku ho kualidade ne’ebé kontrolada, Timor-Leste, mós divulga ona antesedente istóriku Íbridu Timor-Leste nian, espésie ida ne’ebé halo ligasaun jenétika entre Arábika ho Robusta.
Kona-ba ida-ne’e destaka ona papél Íbridu ida-ne’e iha tinan limanulu, sékulu liubá, hodi salva ai-horis kafé nian husi moras ida ne’ebé konhesida hanesan moras ferrujen kafé (coffee rust) ne’ebé estraga plantasaun kafé nian iha mundu tomak.

Hodi ita hatene katak kafé ne’ebé ohin loron ita hemu iha kontinente hotu-hotu mai hosi íbridu timor, konhesidu ho naran téknika hanesan Catimor ka Sarshimor iha Brazil.
Serimónia ne’e inklui mós ho aprezentasaun balun kona-ba atividade sira ne’ebé hala’o husi Orijen Timor, iha fatin oioin iha Timor-Leste, nune’e mós kona-ba programa formasaun ne’ebé hahú ona foin lalais ne’e ho joven Timoroan sira iha Australia.

Atu hetan liután informasaun, bele konsulta pájina Projetu Orijem Timor iha facebook: https://www.facebook.com/orijemtimor

Fontes : Primeiru Ministru

08/02/2023

𝐏𝐑𝐄𝐙𝐈𝐃𝐄𝐍𝐓𝐄 𝐑𝐄𝐏𝐔́𝐁𝐋𝐈𝐊𝐀 𝐒𝐄𝐈 𝐃𝐄𝐊𝐑𝐄𝐓𝐀 𝐃𝐀𝐓𝐀 𝐄𝐋𝐄𝐈𝐒𝐀𝐔𝐍 𝐋𝐄𝐉𝐈𝐒𝐋𝐀𝐓𝐈𝐕𝐀 𝐈𝐇𝐀 𝟏𝟑 𝐅𝐄𝐁𝐑𝐄𝐈𝐑𝐔

Dili, 𝙋𝙧𝙚𝙯𝙞𝙙𝙚𝙣𝙩𝙚 𝙍𝙚𝙥𝙪́𝙗𝙡𝙞𝙠𝙖 𝙅𝙤𝙨𝙚́ 𝙍𝙖𝙢𝙤𝙨-𝙃𝙤𝙧𝙩𝙖 𝙠𝙤𝙣𝙛𝙞𝙧𝙢𝙖 𝙠𝙖𝙩𝙖𝙠, 𝙨𝙚𝙞 𝙙𝙚𝙠𝙧𝙚𝙩𝙖 𝙡𝙤𝙧𝙤𝙣 𝙚𝙡𝙚𝙞𝙨𝙖𝙪𝙣 𝙞𝙝𝙖 𝙨𝙚𝙜𝙪𝙣𝙙𝙖-𝙛𝙚𝙞𝙧𝙖, 13 𝙙𝙚 𝙁𝙚𝙫𝙚𝙧𝙚𝙞𝙧𝙪.

“𝙄𝙝𝙖 𝙨𝙚𝙜𝙪𝙣𝙙𝙖-𝙛𝙚𝙞𝙧𝙖 (13/02) 𝙝𝙖’𝙪 𝙨𝙚𝙞 𝙖𝙣𝙪𝙣𝙨𝙞𝙖 𝙙𝙪𝙣𝙞 𝙡𝙤𝙧𝙤𝙣 𝙚𝙡𝙚𝙞𝙨𝙖𝙪𝙣. 𝙀𝙡𝙚𝙞𝙨𝙖𝙪𝙣 𝙞𝙝𝙖 𝙈𝙖𝙞𝙤 𝙠𝙖 𝙅𝙪𝙣̃𝙪 𝙡𝙖𝙗𝙚𝙡𝙚 𝙡𝙖𝙞 𝙩𝙖𝙣𝙗𝙖 𝙨𝙚𝙞 𝙠𝙤𝙣𝙨𝙪𝙡𝙩𝙖. 𝙃𝙖’𝙪 𝙨𝙚𝙞 𝙠𝙤’𝙖𝙡𝙞𝙖 𝙙𝙖𝙡𝙖 𝙞𝙙𝙖 𝙩𝙖𝙣 𝙝𝙤 𝘼𝙫𝙤 𝙉𝙖𝙣𝙖 𝙣𝙤 𝙤𝙝𝙞𝙣 (𝙆𝙪𝙖𝙧𝙩𝙖-𝙛𝙚𝙞𝙧𝙖 – 08/02) 𝙝𝙤 𝙋𝙎𝙏 𝙣𝙤 𝙋𝙎𝘿, 𝙨𝙞𝙧𝙖 𝙡𝙖 𝙞𝙝𝙖 𝙛𝙖𝙩𝙞𝙣 𝙞𝙝𝙖 𝙋𝙖𝙧𝙡𝙖𝙢𝙚𝙣𝙩𝙪, 𝙝𝙖’𝙪 𝙨𝙚𝙣𝙩𝙚 𝙤𝙗𝙧𝙞𝙜𝙖𝙨𝙖𝙪𝙣 𝙖𝙩𝙪 𝙧𝙤𝙣𝙖 𝙨𝙞𝙧𝙖” 𝙩𝙚𝙣𝙞𝙠 𝙋𝙧𝙚𝙯𝙞𝙙𝙚𝙣𝙩𝙚 𝙅𝙤𝙨𝙚́ 𝙍𝙖𝙢𝙤𝙨-𝙃𝙤𝙧𝙩𝙖, 𝙝𝙖𝙛𝙤𝙞𝙣 𝙧𝙚𝙡𝙖𝙨𝙞𝙤𝙣𝙖 𝙝𝙤 𝙖𝙟𝙚𝙣𝙙𝙖 𝙚𝙡𝙚𝙞𝙩𝙤𝙧𝙖́𝙡.

Maske kada forsa polítika aprezenta ninia hanoin kona-ba data eleisaun, maibé Prezidente Repúblika tenik katak, desizaun ne’ebé sei foti, tuir de’it konstituisaun RDTL no kada lejislatura ida iha de’it tinan lima, konta husi realizasaun eleisaun antisipada iha loron 12 fulan Maio tinan 2018.

“Tuir Ha’u nia intrepretasaun ba konstituisaun, Kada lejislatura iha tinan lima de’it, Prezidente mos tinan lima, eleisaun 2018 nian 12 de Maio , depoiz fim de Maio Tribunal Rekursu konfirma, 13 de Jullu Parlamentu Eleitu tur dadaun ona para hili Prezidente Parlamentu, Vise Prezidente, Sekretariu. Sira hahu kedas juñu 2018 no husi Parlamentu hahu tu’ur 13 de Jullu 2018, governu mai husi Parlamentu e depoiz governu foun prepara programa aprezenta ba Parlamentu, depoiz fulan ida liu tiha prepara orsamentu. Setembru inagurasaun formal de’it, Parlamentu ne’e existe ona, portantu la iha konfuzaun ba ida ne’e” garante Xefe Estadu.

Ramos-Horta garante katak, preparasaun lojistika di’ak ona no ONU pronto apoia prosesu eleisaun no disponibiliza tinta indilével ho kualidade ba eleisaun.

“Ha’u bele hateten mak ne’e buat hotu la’o normal hela preparative, la iha falta osan. Nasoes Unidas garante tintas espesial mai iha ne’e fulan ida antes ka, ne’e la iha problema, problema lojistika la iha, resensiamentu la iha” hateten Xefe Estadu.

Tuir Xefe Estadu, karik prosesu produsaun lei foun, atraza mak mantein ho lei atual, hodi organiza eleisaun parlamentar.

“Se iha lei foun iha Parlamentu mak atu atraza fali entaun di’ak liu uza lei antigu ne’e, resensiamentu alin-maun sira iha liur tuir tinan uluk nian, para sira partisipa. Uluk ha’u nia primeira Prezidénsia, Ha’u mak propoin tinan 10 liu ba tiha ona, partisipasaun liu husi koreiu ka postal para sira hotu-hotu fasil liu. Iha Amerika ema juta ba juta, tinan lima nulu ona, ema vota liu-husi koreiu, tanba ferik katuas sira miloes ba miloes iha mundu sira vota liu husi korrei, maibe foin hanoin ba ida ne’e, se lei foun atraza la iha buat ida aplika lei antigun ne’e kontinua validu”.

Fontes: Palasiu Prezidente

08/02/2023

𝗘𝗺𝗯𝗮𝗶𝘅𝗮𝗱𝗮 𝗔𝘂𝘀𝘁𝗿𝗮𝗹𝗶𝗮 𝗶𝗵𝗮 𝗧𝗶𝗺𝗼𝗿-𝗟𝗲𝘀𝘁𝗲 𝗟𝗼𝗸𝗲 𝗩𝗮𝗴𝗮 𝙎𝙚𝙣𝙞𝙤𝙧 𝘾𝙤𝙤𝙧𝙙𝙞𝙣𝙖𝙩𝙤𝙧 – 𝙈𝙤𝙣𝙞𝙩𝙤𝙧𝙞𝙣𝙜 & 𝙀𝙫𝙖𝙡𝙖𝙡𝙪𝙖𝙩𝙞𝙤𝙣

Labele haluha, Embaixada Austrália daudaun ne’e rekruta hela Koordenadór Seniór – Monitorizasaun & Evaluasaun!

Ita iha interese ba pozisaun Monitorizasaun & Evaluasaun no hakarak servisu iha área ida ne’e? Klik iha ne’e https://timorleste.embassy.gov.au/dili/aboutus.html ba informasaun kle’an liután.

Aplikasaun sei taka iha loron Sexta 10 Fevereiru 2023.

Reminder, we are hiring a Senior Coordinator – Monitoring & Evaluation!

Are you interested in Monitoring and Evaluation position and want to work in this field? Click here https://timorleste.embassy.gov.au/dili/aboutus.html for more information.

Applications close on Friday 10 February 2023.

***
Fontes : Australia in Timor-Leste