Qual é o horário de funcionamento?

Segunda-feira 08:30 - 17:30 Terça-feira 08:30 - 17:30 Quarta-feira 08:30 - 17:30 Quinta-feira 08:30 - 17:30 Sexta-feira 08:30 - 17:30 Sábado 08:30 - 17:00

Conselho Diretivo Tatoli,IP, Travesa Sergio veira de Melo No; 10 Farol, Dili (2025)

Q: Qual é o endereço?

Travesa Sergio Veira De Melo No; 10 Farol

30/01/2025

DÍLI, 27 janeiru 2025—Prezidente Konsellu Diretivu Ajénsia TATOLI,I.P. Noémio Falcão, hala’o enkontru ho Prezidente Konsellu Imprensa, Otélio Ote hodi ko’alia kona-ba servisu Konsellu Imprensa nian.

Objetivu hosi enkontru ne’e fahe informasaun no konsensializa servisu sira Konsellu Imprensa Timor-Leste (CITL-Sigla Portugués) ba orgaun meius komunikasaun sosiál sira kona-ba gráfika infrasaun nian no prosesu notifikasaun sira hosi Konsellu Imprensa Timor-Leste (CITL-Sigla Portugués).

Konsidera katak, CITL ho TATOLI, I.P. hanesan instituisaun estadu ne’ebé presiza servisu hamutuk di’ak liutan liuliu hasa’e kapasidade rekursu umanu tantu iha rai-laran no rai-liur. No kaer metin ba misaun sira promove Liberdade Imprensa no Liberdade Expresaun iha Timor-Leste.

Durante sorumutu ne'e mós ko’alia kona-ba partisipasaun Timor-Leste nian iha rede Conselho Imprensa Sudueste Aziátiku hanaran SEAPCN (Southeast Asian Press Councils Network).

Parte rua ko’alia mós kona-ba natureja instituisaun rua nian iha ne’ebé garante diretu liberdade asesu informasaun, independénsia redasaun, preokupasaun sira kona-ba kartéira professionál no premiu annual ba jornalista no média sira.

Enkontru hala’o iha salaun enkontru Konsellu Diretivu Ajénsia TATOLI,I.P, Faról-Díli no marka prezensa hosi Vise-Prezidente Interinu Assuntu Média no Jornalístika, Zezito da Silva, Vise-Prezidente Interinu Assuntu Administrasaun no Finansas, Alexandrina B. da C. Soares, Fiskal Úniku, Firman Abílio de Castro no Assesor Jurídiku, José Alves da Costa Ramos no hosi parte Konsellu Imprensa nian marka prezensa hosi Konsilleira Konsellu Imprensa, Isabel Fernandes, Diretór Diresaun Relasaun Institusionál no Informasaun, Altino da Cruz Freitas ho ekipa tékniku sira hotu.

23/01/2025

DÍLI, 23 Janeiru 2025 (Tatoli) — Sekretáriu Estadu Komunikasaun Sosiál, Expedito Loro Dias Ximenes, hala’o enkontru ho funsionáriu administrasaun finansas, jornalista no editór sira Ajénsia Notisioza Estadu Timor-Leste, TATOLI, I.P, liuliu ko’alia kona-ba ezekusaun Orsamentu Jerál Estadu (OJE) tinan fiskál 2025 nian.

Enkontru ne’ebé hala’o iha Sala Reuniaun Prezidensia Konsellu Ministru, Palasiu Governu ne’e akompaña husi Prezidente Konsellu Diretivu TATOLI, I.P. Noémio Falcão, Vise-Prezidente Interinu Assuntu Média no Jornalístika, Zezito da Silva, Vise-Prezidente Interina Assuntu Administrasaun no Finansas, Alexandrina B. da C. Soares, Fiskál Uniku, FIrman Abilio de Castro, kargu xefia, funsionáriu, jornalista no editór sira hotu.

Sekretariu Estadu husu atu hotu-hotu servisu ho di’ak liuliu hatur hikas TATOLI hanesan Ajensia Estadu nian hodi fornese informasaun ba públiku no sai referénsia ba média sira seluk.

Iha oportunidade, Sekretariu Estadu informa, simu ona proposta nomeasaun difinitivu vise-prezidente na’in-rua husi Prezidente Konsellu Diretivu TATOLI, I.P. no sei efetivu iha loron 1-fulan-Fevereiru-2025.

21/01/2025

Díli, 20 janeiru 2024, (Tatoli) - Prezidente Konsellu Diretivu Ajensia Notisioza TATOLI, I.P., Noemio Falcão, asina Adendu Kontratu ho kompañia fornesedór ba material impresaun, material eskritóriu/ATK, material sanitaria no operasional no fornesimentu refeisaun (catering).

Kompañia hirak ne’ebé asina adendu kontratu ne’e inklui Leader, Lda; Zannety Triunfa, Lda; Ditadolfu, Lda no LJN KADUNAN, Lda.

17/01/2025

Prezidente Konsellu Diretivu Ajénsia Notisioza TATOLI,I.P Enkontru ho Responsavel Redasaun

Dili, 14 janeiru 2024, (Tatoli) - Prezidente Konsellu Diretivu Ajénsia TATOLI,I.P, Noémio Falcão, akompaña hosi Vise-Prezidente Interinu Assuntu Média no Jornalístika, Zezito da Silva, hala’o enkontru ho responsavel sira iha Redasaun Ajénsia TATOLI,I.P.

Objetivu hosi enkontru ne’e hodi atualiza planu, prioridade serbisu no koordenasaun serbisu sira ba oin hanesan Ajénsia Notisioza Estadu Timor-Leste nian.

Enkontru hala’o iha salaun enkontru Konsellu Diretivu Ajénsia TATOLI,I.P, Faról-Dili no marka prezensa hosi Xefe Redasaun, Evaristo Soares Martins, Editora Ezekutiva, Rita Almeida, Koordenadora Kobertura Nasionál, Julia Chatarina N. Lapudooh, Koordenadór Kobertura Munisipal, Florencio Miranda Ximenes, Kordenadora Kobertura Internasional, Maria Auxiliadora Freitas, Responsavel Multimédia, Rafael Ximenes, Sekretáriu Redasaun, Agapito dos Santos no Sekretaria Konsellu Diretivu Claudia Evangelista

15/01/2025

Prezidente Konsellu Diretivu Ajénsia TATOLI,I.P Enkontru ho Ekipa China Media Group (CMG)
DILI, 14 Janeiru 2025- Prezidente Konsellu Diretivu Ajénsia TATOLI,I.P., Noémio Falcão, halo reuniaun ho Director Marketing China Media Group (CMG), Tian Daming akompana husi Jornalista husi Hong Kong Bureau, Feng Liangchen ho reprejentante CMG iha Timor-Leste.

Objetivu husi reuniaun ne’e diskuti no tau hanoin hamutuk ba dezenvolvimentu kooperasaun servisu entre CMG ho Ajénsia TATOLI, I.P.

Sorumutu kontinuasaun entre media estatal rua ne’e ho kompremisiu boot atu tau iha pratika liuliu formasaun, troka kontiudu informasaun no kobertura ba interese publiku nian.

Sorumutu ne’e hala’o iha Sala Reuniaun Konsellu Diretivu Ajénsia TATOLI,I.P, Faról Dili, akompaña hosi Assesor Jurídiku, José Alves da Costa Ramos, Responsavel Multimedia, Rafael Ximenes, Xefe Departementu Aprovizionamentu no Lojistika, Marcia Boavida Lay no Sekretária Konsellu Diretivu, Claudia Evangelita.

13/01/2025

Prezidente Konsellu Diretivu Ajénsia TATOLI, I.P Enkontru ho Ekipa CAMSTL

DILI, 13 Janeiru 2025—Prezidente Konsellu Diretivu Ajénsia TATOLI,I.P., Noémio Falcão, halo enkontru ho Diretór Ezekutivu Sentru Audiovizuál Max Stahl Timor-Leste (CAMS-TL sigla Portugés), Eudicito Pinto ho nia-ekipa.

Obejivu hosi enkontru ne’e ko’alia kona-ba inisiativa kooperasaun servisu arkivu ho CMSTL nu’udar Fundasaun Audiovisuál ne’ebé harí husi Saudozu Max Stahl iha tinan 2003. UNESCO rekoñese CAMSTL iha “Memória do Mundo”, no durante ne’e halo servisu arkivu no dokumentasaun.

Konsidera katak Ajénsia TATOLI,I.P. presiza iha arkivu fíziku no eletróniku ne’ebé di’ak ba produsaun video, foto no hakerek ne’ebé iha nu’udar memória ba instituisaun no sai referénsia ba ema hotu ne’ebé presiza.

Sorumutu ne’e hala’o iha Sala Reuniaun Konsellu Diretivu Ajénsia TATOLI,I.P, Faról Dili, akompaña hosi Vise-Prezidente Interinu Assuntu Média no Jornalístika, Zezito da Silva, Vise-Prezidente Interinu Assuntu Administrasaun no Finansas, Alexandrina B. da C. Soares, Xefe Redasaun, Evaristo Soares Martins no Sekretária Konsellu Diretivu, Claudia Evangelita.

13/01/2025

Prezidente Konsellu Diretivu Ajénsia Tatoli,I.P reuniaun ho funsionáriu sira

DILI, 13 Janeiru 2025—Prezidente Konsellu Diretivu Ajénsia TATOLI,I.P. Noémio Falcão, hala’o reuniaun jerál dahuluk ho funsionáriu no jornalista sira hamutuk-70 molok selebra kontratu servisu ba tinan 2025 nian.

Durante reuniaun, toka liuliu kona-ba direitu no dever funsionáriu no jornalista sira nian ne’ebé regula iha kontratu no termu servisu.

Iha oportunidade, funsionáriu no jornalista sira hato’o mós sira nia preokupasaun tékniku balun ne’ebé implika efetividade servisu no husu atu kooperasaun servisu ba oin ho di’ak liu.

Reuniaun ne’e akompaña husi Vise-Prezidente Interinu Assuntu Média no Jornalístika, Zezito da Silva, Vise-Prezidente Interinu Assuntu Administrasaun no Finansas, Alexandrina B. da C. Soares, Fiskal Úniku, Firman Abílio de Castro no Assesor Jurídiku, José Alves da Costa Ramos.

10/01/2025

Diskursu tomada posse Prezidente Ajénsia Notisioza Tatoli, I.P

Sua Exelénsia Sekretáriu Estadu Komunikasaun Sosiál, Sr. Expedito Loro Dias Ximenes, Sua Exelénsia Sekretária Estadu Igualdade, Sra. Elvina de Sousa Carvalho Reverendísimu, Padre Roberto no Prezidente Konsellu Imprensa, Sr. Otélio Ote ho konsileru sira hotu ne’ebé marka prezensa Prezidente RTTL, E,P, Sr. José António Belo na’in ba média privadu, Diretór, Xefe Redasaun no kolega Jornalista sira hotu Xefe Gabinete Prezidénsia Konsellu Ministru no Xefe Gabinete Sekretaria Estadu Komunikasaun Sosiál Diretór Jerál kolega assesor sira kargu xefia família no kolega sira hotu.

Iha dader kmanek ida ne’e, uluk liu ha’u agradese ba ita boot sira hotu tanba fó ona tempu mai asiste serimónia istóriku ida ne’e, tomada de posse ba Prezidente Ajénsia Notisioza Estadu Timor-Leste, Tatoli,I.P. Simu funsaun prezidente, sai nu’udar onra no priviléjiu no mos, opurtunidade di’ak ba atan ha’u atu bele dedika ha’u nia esforsu tomak. Maibé, importante liu, halo ezersísiu hodi soma / hatutan tan ba rezultadu ne’ebé iha ona. Hatutan tan servisu tomak hosi ha’u nia kolega prezidente sesante, Irmaun Manuel Pinto, ne’ebé hala’o tiha ona. Ho nune’é hakarak agradese mós ba ekipa tomak ne’ebé kontribui ona liuhosi sira ninia dezsempeñu hodi apoia prezidente sesante durante ninia mandatu.

Ha’u presiza hato’o liafuan xave favoritu ida,”tempu“! Tempu maka sei responde “asaun ka aktus, atu di’ak eh la di’ak, so tempu maka sei bele fó resposta kona-ba servisu, dezempeñu, planu no programa durante mandate no servisu hamutuk ho parte relevante no pertinentes. Buat hotu ne’ebé ita realiza iha moris ne’e, hala’o no kumpri de’it lei no natureza nu’udar fiozofia ne’ebé mak ha’u adopta katak “iha inísiu nune’e mós iha fin. Maibé, importante tebes ba ita maka, ita nia asaun, iha inísiu ho fin.

Durante tinan-4 nia laran, ha’u tenke trasa programa no agenda, klaru, foka ba objetivu prinsipal no presiza iha tárjetu ne’ebé finu iha Ajénsia Notisioza Tatoli, I.P. Kaer metin ba objetivu estabelese Ajénsia Tatoli,I.P, sai fontes informasaun ofisiál Estadu Timor-Leste nian, tenke iha duni kapasidade no kbiit. Husi kedas embriaun, to’o ohin loron no ba oin, tenke hatuur instituisaun estadu ne’e ho nia karakter rasik. Informasaun iha eskala nasionál, rejionál no internasionál. Tatoli tenke sai dapur ba informasaun hotu estadu nian, rápidu no rigór.

Ha’u hakarak agradese ba ha’u nia superior, Sua Exelénsia Sekretáriu Estadu Komunikasaun Sosiál, Expedito Loro Dias Ximenes, tanba depozita ona konfiansa, hodi halo akontese okaziaun iha destaka ha’u nia pessoa, liu hosi fó posse ba Prezidente Tatoli foun. Hahú kna’ar ho mandatu foun ne’e, atan ha’u mós presiza konfesa katak, maski seidauk iha experiensia luan atu diriji servisu instituisaun / ajénsia ida ne’ebé kompostu hosi elementus kuaze 70, maibé ha’u iha konfiansa total ba apóiu no servisu hamutuk ho di’ak husi elementus hotu ne’ebé maka haknaar-an iha Ajénsia Notisioza Tatoli. No, klaru katak ha’u konta ho apoiu total laiha rezerva hosi Sekretáriu Estadu Komunikasaun Sosiál, ho kolega sira hotu iha SEKOMS ho mós futuru Vise Pezidente nain-2, ne’ebé ha’u seidauk bele temi naran iha biban ida ne’e.

Obrigadu i hakuak boot ba ita hotu

07/01/2025

Prezidente Konsellu Diretivu Ajénsia Notísioza Timor-Leste TATOLI, I.P, Noémio Falcão hala’o reuniaun dahuluk iha inísiu mandatu ho kargu xefia sira.

Iha sorumutu ne’e ko’alia asuntu oioin no konfirma despezas, programa no planu sira bazeia ba Orsamentu Jerál Estadu (OJE) 2025 nian ba Ajénsia Notisioza TATOLI, I.P.

Reuniaun ne’e partisipa mós husi Vise-Prezidente sesante na’in rua ne’ebé trata ba Asuntu Mídia no Jornalístiku, Administrasaun no Finansa hodi ko’alia mós kona-ba relatóriu mandatu konsellu diretivu anterior.

Reuniaun ne’e hala’o iha loron 03 Janeiru 2025, iha Sala Reuniaun Konsellu Diretivu TATOLI, I.P., Farol, Dili.

19/12/2024

Enkontru Anual Funsionáriu Ajénsia Tatoli, I.P
Dili, 18 dezembru 2024, (Tatoli )- S.E Sekretáriu Estadu Komunikasaun Sosiál, Expedito Dias Ximenes, iha loron kuarta 18 dezembru 2024 hala’o enkontru anuál ho kargu Xefia sira hosi Ajénsia TATOLI,I.P, kompostu hosi Prezidente Interinu Konsellu Diretivu Ajénsia TATOLI,I.P, Xisto Freitas da Piedade atual Vise-Prezidente Asuntu Média no Jornalístika, Fiskal Unika, Firman Abilio de Castro, Vise-Prezidente Asuntu Administrasaun no Finansas, Olandino da Costa no inklui funsionáriu sira hotu ne’ebé hala’o kna’ar iha Ajénsia TATOLI,I.P. Tema ba enkontru nian hanesan “Refleta ita nia frakeza, firmi iha kompremisiu hodi projeta ba futuru ne’ebé sustentavel”

Iha reuniaun ida ne’e atu hare’e ba progresu no atinzimentu Ajénsia Tatoli,I.P nian durante tinan 2024 nune’e mós diskuti kona-ba failansu no dizafiu sira ne’ebé hasoru durante tinan 2024 no bele rezolve iha tinan sira tuir mai.

Depois reuniaun kontinua kedas ho selebrasaun Natal hamotuk entre S.E Sekretáriu Estadu Komunikasaun Sosiál, Expedito Dias Ximenes ho Funsionáriu Ajénsia Tatoli, I.P sira.

Atividade ne’e hala’o iha restorante Caravela Metiaut Díli.

19/12/2024

Retiru Anual Funsionáriu Ajénsia TATOLI,I.P

Dili, 18 dezembru 2024, (Tatoli )- Funsionáriu Ajénsia Tatoli, I.P iha loron kuarta 18 dezembru 2024 tuir retiru anual ne’ebé dirizi hosi Padre, Natalino Gusmão.
Obejtivu hosi Retiru ida ne’e hanesan esperénisa ida, ita horik hamotu ho maromak hodi ko’alia ho maromak liuhosi ita-nia orasaun no meditasaun sira kona-ba ita-nia moris no mós atu prozeta fila-fali ita-nia moris hodi sai diak liutan.
Partisipa iha retiru ne’e kargu Xefia sira hosi Ajénsia TATOLI,I.P hanesan Prezidente Interinu Konsellu Diretivu Ajénsia TATOLI,I.P, Xisto Freitas da Piedade atual Vise-Prezidente Asuntu Média no Jornalístika, Fiskal Unika, Firman Abilio de Castro, Vise-Prezidente Asuntu Administrasaun no Finansas, Olandino da Costa no inklui funsionáriu sira hotu ne’ebé hala’o kna’ar iha Ajénsia TATOLI,I.P.

Retiru ne’e hala’o iha salaun restorante Caravela Metiaut Díli.

05/09/2024

Prezidente Ajénsia Tatoli,I.P Enkontru ho Ekipa Telkomcel

05 Setembru 2024 ( Tatoli )- Prezidente Konsellu Diretivu Ajénsia TATOLI,I.P, Manuel Pinto, akompaña hosi responsavel IT. Hala’o enkontru ho jestór operadór Telkomcel ho nia-ekipa sira, hodi diskuti kona-ba fornesimentu liña internet hosi Telkomcel ba apoiu servisu live streaming Ajénsia Tatoli,I.P durante vizia Papa Francisco iha Timor-Leste.

Enkontru refere hala’o iha Sala Reuniaun Konsellu Diretivu Ajénsia TATOLI,I.P, Faról Díli.

19/08/2024

Ajénsia Tatoli,I.P Aprenzenta Orsamentu 2025 iha KRO

19 Agustu 2024 ( Tatoli )- Prezidente Diretivu TATOLI,I.P, Manuel Pinto, iha segunda ne’e aprezenta orsamentu Ajénsia Tatoli,I.P nian ba membru Komité Revizaun Orsamentu (KRO). Iha orsamentu ne’ebé aprezenta hodi kobre ba implementasaun polítika no programa Ajénsia Tatoli,I.P iha tinan 2025 nian. Reuniaun KROP ne’e, realiza iha Salaun Auditórium Ministériu Finansas, Aitarak-Laran Díli.

29/07/2024

Prezidente Ajénsia Tatoli, I.P asina MoU ho China Media Group (CMG)

29 Jullu 2024 (Tatoli)- Prezidente Ajénsia Notisia Timor-Leste, Institutu Públiku (TATOLI, IP) Manuel Pinto, segunda ne’e iha Beijing China asina memorandu entendimentu (MoU) koperasaun servisu Ajénsia Tatoli,I.P ho China Media Group (CMG).

26/07/2024

Funsionáriu Selebra Aniversáriu Ajénsia Tatoli,I.P

Díli, 26 jullu 2024, (TATOLI) - S.E Sekretáriu Estadu Komunikasaun Sosiál, Expedito Dias Ximenes, hamutuk ho Estrutura Konsellu Diretivu Ajénsia Tatoli,I.P kompostu hosi Prezidente Konsellu Diretivu Ajénsia TATOLI,I.P, Manuel Pinto, Fiskal Unika, Firman Abilio de Castro, Vise-Prezidente Asuntu Administrasaun no Finansas, Olandino da Costa no Vise-Prezidente Asuntu Média no Jornalístika, Xisto Freitas da Piedade no Funsionáriu Ajésia Tatoli,I.P sira hotu selebra Aniversáriu Ajénsia Tatoli,I.P nian ba dala-ualu ne’ebé sei monu iha loron 27 Jullu 2024.

Ajénsia Tatoli, I.P nu’udar ajénsia ofisiál Estadu Timor-Leste nian, ne’ebé ninia ezisténsia mai husi inisiativa Sekretaria Estadu Komunikasaun Sosiál (SEKOMS) iha tinan 2017, nu’udar transformasaun husi East Timor News Agency (ETNA), ne’ebé nakfila ba Ajénsia Notisioza Timor-Leste (ANTIL), no ikus mai sai Agência Tatoli.

Ajénsia Estadu ne’e hetan aprovasaun iha reuniaun Konsellu Ministru no públika iha Jornál Repúblika iha loron 14 marsu 2016, nu’udar embriaun ho naran ANTIL ne’ebé lansa iha 27 jullu 2016.

Nune’e, Konsellu Ministru iha marsu 2017, transforma ANTIL sai Agência Tatoli, nu’udar ajénsia ofisiál Estadu Timor-Leste no publika iha Jornál Repúblika, ho estatutu nu’udar Institutu Públiku (I.P).

Objetivu estabelese Ajénsia Tatoli, I.P hodi fontes informasaun ofisiál Estadu Timor-Leste ne’ebé iha kapasidade no kbiit elabora produtu informasaun no notísia ne’ebé nesesita husi públiku utilizadór informasaun iha eskala nasionál, rejionál no internasionál, bazeia natureza no karakterístika, rapidez no rigór, ne’ebé la ignora rigoroza hanesan akurásia, indepedente, inzenta, klareza no nafatin iha integridade nomós kualidade.

26/07/2024

Funsionáriu Selebra Misa Agradesimentu Aniversáriu Ajénsia Tatoli,I.P

Díli, 26 jullu 2024, (TATOLI) - S.E Sekretáriu Estadu Komunikasaun Sosiál, Expedito Dias Ximenes, hamutuk ho Estrutura Konsellu Diretivu Ajénsia Tatoli,I.P kompostu hosi Prezidente Konsellu Diretivu Ajénsia TATOLI,I.P, Manuel Pinto, Fiskal Unika, Firman Abilio de Castro, Vise-Prezidente Asuntu Administrasaun no Finansas, Olandino da Costa no Vise-Prezidente Asuntu Média no Jornalístika, Xisto Freitas da Piedade no Funsionáriu Ajésia Tatoli,I.P sira hotu selebra misa agradesimentu ba Aniversáriu Ajénsia Tatoli,I.P nian ba dala-ualu ne’ebé sei monu iha loron 27 Jullu 2024.

Ajénsia Tatoli, I.P nu’udar ajénsia ofisiál Estadu Timor-Leste nian, ne’ebé ninia ezisténsia mai husi inisiativa Sekretaria Estadu Komunikasaun Sosiál (SEKOMS) iha tinan 2017, nu’udar transformasaun husi East Timor News Agency (ETNA), ne’ebé nakfila ba Ajénsia Notisioza Timor-Leste (ANTIL), no ikus mai sai Agência Tatoli.

Ajénsia Estadu ne’e hetan aprovasaun iha reuniaun Konsellu Ministru no públika iha Jornál Repúblika iha loron 14 marsu 2016, nu’udar embriaun ho naran ANTIL ne’ebé lansa iha 27 jullu 2016.

Nune’e, Konsellu Ministru iha marsu 2017, transforma ANTIL sai Agência Tatoli, nu’udar ajénsia ofisiál Estadu Timor-Leste no publika iha Jornál Repúblika, ho estatutu nu’udar Institutu Públiku (I.P).

Objetivu estabelese Ajénsia Tatoli, I.P hodi fontes informasaun ofisiál Estadu Timor-Leste ne’ebé iha kapasidade no kbiit elabora produtu informasaun no notísia ne’ebé nesesita husi públiku utilizadór informasaun iha eskala nasionál, rejionál no internasionál, bazeia natureza no karakterístika, rapidez no rigór, ne’ebé la ignora rigoroza hanesan akurásia, indepedente, inzenta, klareza no nafatin iha integridade nomós kualidade.

Conselho Diretivo Tatoli,IP

30/01/2025

23/01/2025

21/01/2025

17/01/2025

15/01/2025

13/01/2025

13/01/2025

10/01/2025

07/01/2025

19/12/2024

19/12/2024

05/09/2024

19/08/2024

29/07/2024

26/07/2024

26/07/2024

Endereço

Horário de Funcionamento

Website

Notificações

Entre Em Contato Com O Negócio

Vídeos

Atalhos

Compartilhar

Categoria

Segunda-feira	08:30 - 17:30
Terça-feira	08:30 - 17:30
Quarta-feira	08:30 - 17:30
Quinta-feira	08:30 - 17:30
Sexta-feira	08:30 - 17:30
Sábado	08:30 - 17:00