Lospalos News

Hidup adalah seni informasaun ne'ebe Lospalos News publika mai hosi fontes barak, ho intensaun atu publika tutan ba ema hotu ne'ebe presiza.

Lospalos News ǁ LN®™ hanesan media ida ne'ebe eziste hosi ema Lospalos atu transmite informasaun sosial ba publiku no laiha interese ba kualker aspeitu ne'ebe iha relasaun ho osan.

17/01/2023

Fahe Informasaun Sosial ho Transparansia

13/10/2022

Kontente ne'e simples...
Terus imi nian, di'ak ami de'it...

06/10/2022

El-Tigre Boxing vs Ortencio

30/09/2022

FIAR ENTRE OLANDA HO TIMOR
Iha Olanda (Belanda) sira nia Populasaun hamutuk 17.600.000-ital...
Dadus ikus 2020 hatudu, 34% husi total ne'e mak sarani kristaun, 20% sarani Katolika, 14% Sarani Protestante... Sarani sira ne'e mak fiar Jesus... Konta hamutuk 68% Sarani Kristaun ne'ebé fiar iha Jesus.

Husi total Populasaun 17.600.000 x 68% = 11.968.000
Sé total 17.600.000 x 20% (Katolika) = 3.520.000 ne'ebé sei fiar Igreza Katolika...

Kompara Populasaun Timor, kuaze 1.167.242 Populasaun ho 97,57% Katolika...
Husi total Populasaun 1.167.242 x 97,57% = 1.138.878 ital mak fiar Igreza Katolika.

Kompara took 3.520.000 sarani Katolika Olanda ho 1.138.878-ital sarani Katolika Timor, ita presiza tan Populasaun Timor 2x, kuaze ema nain 2.381.122 atu kompara ita nia fiar ho Olanda (Belanda).

Konkluzaun mak, akompanã problema ne'ebé ita nia emar sira hasoru, di'ak ka aat heketak hodi bele buka dalan... Lalika hanoin katak, tanba ita maioria Katolika, ita mak loos-liu... Konta númeru, ita la vale buat ida kompara ho Sarani Katolika Olanda.

29/09/2022

Ximenes Belo renunciou abruptamente ao cargo de administrador apostólico em Díli pouco tempo depois das primeiras denúncias, em 2002.

29/09/2022

For years, Timor-Leste’s Nobel Peace Prize winner Bishop Carlos Filipe Ximenes Belo has been sexually abusing boys, survivors and others claim. Meanwhile, the Catholic church imposed travel restrictions on Belo. ‘We have to talk about it, and shout it out louder to the world.’

28/09/2022

Fahe Informasaun Sosial ho Transparansia

09/06/2022

Fahe Informasaun Sosial ho Transparansia

09/06/2022

Putu Naldo, Putu Naldo Rey, Putu Oan Kiak Funu

11/04/2022

MISS ISLAND 2022
7. Maria Caxandra Xavier

29/03/2022

Ha'u senti, povu ne'e terus nanis ona iha tempu barak, la'os iha tinan 5 ikus-ikus ne'e... Povu ida di'ak iha tempu barak no foin senti terus hodi hakerek tun sa'e iha Facebook ne'e povu ida na'in ba Projetu ilegal atus ida resin ho nia família, no povu Membru Governu Pendente ho nia família ne'e sá. La-fiar bele buka Tuir... Povu sira ha'u temi ne'e rata-rata kabun teek hela maibé oin mak ruin komesa sai, matan komesa ko'ak tanba hanoin barak atu selu t***n ho saída kuandu Projetu laiha ona, pagamentu projetu kansela, no la jadi anggota pemerintah be Jas, garvata sira sosa no suku ne'e faan tutan fali de'it.

Povu foun aproveitador sira be Kabun teek oituan ona mós komesa Ko'alia povu nia terus... Tempu udan ha'u haree povu ida terus duni ajuda malu atu bele salva-aan husi dezastre naturais, povu ida kabun teek sira no komesa teek dadauk ne'e tur iha restorante han Bakso, tur iha Bar hemu kafe, hemu Serveza, Nst... Tanba iha uma AC malirin liu be Aumenta ho udan sira atu mate sala-sala be buka buat manas.

Politik ka Polotek😀
(Facebook ID Privadu)

23/12/2021

Komisaun ba Eventu ne'e se!!!
Lixu husik de'it hanesan ne'e ka?
Ohhh ha'u nia Lautém-oan sira, rai de'it plastiku metan tau lisu ida ho folin 10 centavos mós labele ka?

14/04/2021

KEP HALO ANTÍTEZE BA CNRT MEDIA CENTER NIA PUBLIKASAUN

Hare'e ba kontradisaun entre poder formal ho informal ne'ebé dadaun ne'e la'o hela iha kapital Díli, partikularmente iha Sala Izolamentu Vera-Kruz. Liu husi disputa entre Oitavu Governu no XG inklui família matebian kona-ba mate isin Armindo Borges sai virál iha Timor no mundu mós komesa fó ona atensaun liu husi ONU nian karta ne'ebé ohin hatoo ba XG.

Bazeia ba ida ne'e, iha Timor Leste Partidu Polítiku (PARPOL) sira mós komesa lansa propaganda falsu hodi konserva sira nian dominasaun liu husi aparelu ideolójiku, média sosiál.

Propaganda falsu ne'ebé PARPOL CNRT sempre lansa liu husi CNRT MEDIA CENTER (CMC) ne'ebé ho intensaun atu desvia nafatin povu-nia hanoin ba interese sira nian mak sira hafoer nafatin komunizmu. Ba sira komunizmu nu'udar doutrina aat ida.

Iha loron 14 abril 2021, CMC publika sira-nia artigu badak ida hodi kontra deklarasaun deputadu Xomoxo husi bankada Fretilin nian kona-ba atu tiru joven-sira ne'ebé halo manifestasaun iha sala izolamentu vera-kruz.

Iha artigu badak ne'ebé CMC hasai hodi afirma katak saida mak Deputadu Xomoxo hateten ne'e tanba doutrina komunista mak domina ona Xomoxo, afirmasaun ida ne'e KEP hakarak dehan katak sala.

Iha parte seluk CMC loos, tanba dehan Timor-Leste la'ós estadu komunista, maibé "estado de direitu democrático".

Loos, Timor-Leste nu'udar "Estado de Direito Democrático" ne'ebé hahoris sistema demokrasia reprezentativa, klase poderozu sira habosok povu dehan ukun/poder ne'e povu nian, maibé realidade poder absolutamente iha elite polítika sira.

Tebes, absolutamente poder iha elite polítika, tanba ne'e mak sira aproveita hodi naok povu nia rikusoin sira ho dalan legál (lei) ne'ebé mak povu laiha kbiit atu muda tuir interese povu nian.

Susar atu povu muda sistema sira ne'e hodi fó moris di'ak ba povu, tanba formalmente povu-nia poder mak fó ona ba elite polítika sira iha momentu elisaun. Liu ona eleisaun povu lakon ona poder, aliás poder popular la iha ona.

Tamba sistema demokrasia liberal ne'ebé ita opta iha nia sentidu abstratu (povu mak ukun), ne'e di'ak tuir klase dominante sira, tamba iha aplikasaun nu'udar kondisaun atu habokur grupu kiik ne'ebé ukun ho nia maluk, elite ekonómika sira.

Tan ne'e maluk sira, KEP kontra, maibé la obriga imi atu fiar, KEP somente hakarak fó sai realidade ne'ebé mak ita enfrenta, katak dezde ukun rasik-an to'o ohin loron, ema barak mak kiak no ema uitoan ne'ebé ukun no nia maluk sira ne'ebé iha poder ekonómika mak moris riku no iha lusu laran, ne'e tanba sistema demokrasia reprezentativa ne'ebé fó poder tomak ba elite polítika hodi habokur sira nia an, hafoin elite polítika kria fali sistema ekonómika ida ne'ebé mak fó liberdade no seguransa ba nia família no maluk ne'ebé iha kapitál naton hodi halo akumulasaun ba kapitál hotu. Tanba ne'e mak sira riku no ita povu kiak.

Sistema aat ida iha leten ne'ebé mak atu fó de'it moris di'ak ba grupu kiikoan ida, ne'e doutrina komunista kontra.

Tanba komunismu nia luta hakarak halakon sistema kapitalismu hodi hahoris fali sistema foun ne'ebé la fó dalan ba elite polítika no ekonómika, alias klase dominante sira atu kontinua esplora no oprime povu, maibé atu liberta povu husi esplorasaun no esploitasaun ne'e, hodi lori povu ba moris iha sistema demokrasia ida justu, prosperu, igualitariu no solidariu. Tan ne'e, sira kontra komunista, tanba komunista lakohi sira atu bokur mesak.

Komunista sira laloos hakarak ema kiak no terus hanesan ohin loron, ne'ebé konsekuénsia hosi ukun CNRT, FRETILIN, PLP nst, "apalagi" atu tiru povu mate arbiru hanesan deputadu XOMOXO deklara, ne'e lae. Komunista ne'e ema ne'ebé mak luta ba hasai umanidade hosi problema aat hotu ne'ebé umanidade hasoru iha sistema aat ne'ebé ema riku sira kria.

Marx-nia kolega Friederich Engels define komunismu ne'e hanesan doutrina ida ne'ebé mak ema bele uza hodi liberta ema kiak sira hosi esplorasaun no opresaun ne'ebé mak ema riku sira kria.

Ikus liu, KEP hakarak hato'o mensazen liu-liu ba maluk estudante sira hotu atu kontinua le'e, ho nune'e labele fásil monu ba propaganda foer ne'ebé CMC halo. Tanba dalabarak liu mak CMC sempre halo propaganda liu husi nia pájina hodi asegura interese ema riku sira nian.

Saudasoens komunistas!

Hakerek hosi Departamentu Ajitasaun no Propaganda-KEP

05/04/2021

Konaba inundasaun, hau pernah hakerek paragrafu ida iha avaliasaun ba PEDN 2016-2020 konaba Drainajen iha Dili. Laporan nee iha FONGTIL, no espera kolega sira iha UPMA (mana Agi Soares hetan ona).

Husi avaliasaun ida nee, hau deskreve sai"kauza hosi politika publiku nian" ba inundasaun.

Nebe lalika fo sala malu ona, tanba iha ema barak mak sala duni, no agora hatudu liman ba ida seluk, iha ema barak mak estraga osan no la halo tuir sira nia PEDN.

Maun Xanana halo PEDN, ukun hamutuk ho maun Mariano Sabino, nia Orsamentu estado iha promulgasaun Maun Taur nia liman, iha 2015 to 2017, Maun Mari servisu ho Maun Xanana liu hosi Maun Rui Araujo nia governasaun. Maun Sira nee nia liman ain mak deputadu/a, Ministru/a, DG nsst. Se hakarak fo sala, entaun sira hotu tenke simu kulpa nee.

Para ona ho politika "play victim". Tanba iha politika, laiha anjo, maibe iha mak "nafsu setan" atu menguasai dunia.

Dalan diak liu mak, mai ita hare inundasaun nee hanesan experiensia ba ita atu "lori" ita nia Timor ba oin. Se iha fos saka ruma, bele kontribui ba sira nebe ohin presiza teb-tebes.

Mai ita, ultra pasa kalamidade ida nee ho hamutuk. Lalika hare partidu A ka B. Se Maun Xanana tun, mai ita tun hotu, hadiak estrada, baleta ka hamos rai. Laos maun Xanana mak raut foer, ita mak kaer kamera leno tun sae, depois upload hanesan ita mak diak liu sira seluk.

Mai ita dudu boot sira hodi luta kontra sira nia "arogansia". Timor nee sei la ba oin, kuandu ema hotu, inklui boot sira sei hanoin ba kotuk hela deit.

Timor Tenke ba Oin
Timor labele hanoin ba kotuk

Fonte: Copy Paste husi Facebook Juvinal Dias

05/04/2021

Iha interpretasaun ou perspektiva husi publico konaba natureza nebe hamosu inundasaun hodi halakon vida, mak hau akompanha iha media sosial liu liu iha facebook iha pontu rua (2) mak tuir hau nia hare prinsipal tebes no hamosu mos pergunta mai hau.

Pontu rua (2) mak tuir mai ne'e.
1. Nain Maromak mak fo atensaun ka kastigo ba ita.
2. Iha humanu ida mak bele hapara ou trava natureza nia lalaok tuir nia gostu.

Pergunta mai hau konaba pontu primeiru mak, se karik Nai Maromak duni mak fo atensaun, antaun atensaun ne'e tenke halakon ema nia vida.? No atensaun ne tenke liu husi desastre Naturais, la iha ona dalan seluk no tenke halakon ema nia vida.? Maromak la hanoin humanu nebe nia rasik kria.? Tamba humanu nebe'e lakon nia vida balun nia oan ho fen hein iha uma, maromak fo kastigo too todan ou grave tebes hanesan ne'e.?

Pergunta segundu mak, tebes duni ga, humanu babain ida bele kontrola natureza nia siak tuir nia gostu ga hakarak.?

Hau koko konklui pontu rua ne tuir hau nia rasionalidade hanoin, pontu primeiro duke ita tur tur deit atu hanesan fali fo sala ba marok diak liu ita evalua no intopreksaun ba ita ita nia an katak durante ne'e ita nia kontribuisaun saida mak ita kontribui ona ba natureza.? Ita straga ai oan hira ona.? Ita tau foer ona iha nia fatin ga lae.? Ita nia konsumu ba plastiku ne ita minimija ona galae.? No ita kuda ona ai oa hira.? No ita nia respeita (laos adora) valorija ba natureza ne too iha nebe ona.?

No nafatin ba ita nia rasionalidade katak la iha humanu ida maka bele kontrola natureza ne'e tuir nia gostu, desastre naturais ne'e mosu no lakon tuir nia vontade, pursentu ou volume desastre natureza ne'e bot ga kik ne'e depende ba ita ema nia hahalok ba natureza ne'e rasik.

Tamba ida ne'e hau pesoal espera katak desastre naturais agora dadauk, bele fo konsensia ba ita hodi konsiente atu respeita natureza ne'e ho diak agora no ba futuru.

Desastre naturais ne bele akontese iha nebe dait, depende komunidade ne'e nia hahalok ou karakter oinsa atu valorisa natureza.

Realidade ida hatudu katak, iha nasaun europeia hanesan nasaun swiss nia ema barak maka ateismo (la fiar maromak) maibe nia ladun hetan desastre naturais tamba nia povo hatene valorija natureza ho diak tebez, no nia mos hetan pontu bot ka as tebes sai nasaun nebe'e mos husi foer ka lisu.

Ne'e hatudu katak desastre naturais ne'e depende ba ita ema, oinsa ita valoriza ho daik, hau laos dehan ita tenke sai ema ateismo (lafiat maromak) maibe hau dehan labele fo sala ba Maromak, desastre naturais mosu laos maromak fo atensaun ga maromak kastigu ita lae, ne'e tamba ita mak sedauk konsiente hodi valorija natureza, amenta nafatin ita nia fiar ba Maromak no muda ita nia hahalok hodi konsiente atu valorija natureza.

Konsiente hahu husi agora, ita ho ita fo atensaun ba malu, agora hodi konsiente atu nune'e ita sei fo bukai ba ita nia gerasaun tuir mai.

Pontu importante liu mak nafatin uja ita nia logika no rasionalidade hodi hanoin.

Obrigado e abraco
✊✊✊

Fonte: Copy Paste husi Facebook Fito Cele

05/04/2021

HATENE HATEKE FILA
————————————
Hamonu Governu husi partidu Revolusionária ho Revolusaun no Forma Governu ne’ebé AAT-LIU hodi Habokur de’it nia Emar no Partidu durante Tinan Sanulu (10):
————————————
Iha tinan 2002, povu Timor-Leste ho assistêsia Governu Transitório “ONU” ba dahuluk halo Eleisaun presidensail no Eleisaun Jerál hodi hili nia Presidente da República no fó fiar ba partidu polítiku ida hodi kaer ukun. Governasaun ne’e rasik kaer husi Partidu Revolusionária FRETILIN no Presidente da Repúblika mak Kayarala Xanana Gusmão. Husi ne’e mak hatuur Fundamentu Estadu RDTL, hahú iha Kosnstituisaun RDTL no lei-oan sira, inklui rai osan Estadu ne’ebé ita bolu “Fundu Petrolíferu-FP”.

Tama iha tinan 2004, Primeiru Ministru Dr. Mari Alkatiri hasai deklarasaun ida bazeadu ba programa Primeiru Governu Konstitusional katak, kurikulu Edukasaun Timor-Leste sei hatuur Materia/Disiplina Relijiaun ba iha Fakultativu lá’os obrigatória ka hatuur kedas ida mesak mak, Matéria/Disiplina Relijiaun Katólika. “Fakultativu” siginifika Matéria/Disiplina Relijiaun hotu-hotu ne’ebé eziste iha Timor-Leste tenke sai Disiplina ida iha Kurikulu Edukasaun atu estudante sira bele hili hodi estuda tuir sira nia hakarak sein obrigasaun ida katak tenke estuda de’it mak Matéria/Disiplina Relijaiun Katólika.”
(Ideia ne’e loos no klaru, se la sala Konstituisaun República “RDTL” define direitu ba Relijiaun ida ne’e hanesan parte ida husi Direitus Umanus, katak ema ida labele obriga ema ida atu tenke tama relijiaun “Hak Beragama atau tidak”. Se Matéria/Disiplina Reliajiuan Katólika de’it mak tama kurikulu, signifika kontra mos direitus umanus.)

Introdusaun badak ne’e bele loke ita nia hanoin atu estuda hateke fila, liga ba situasaun ida agora, Serka Sanitária “Medida Prevensaun ba transzmisaun COVID-19 vs Povu Hamlaha no ema ida mate TARA-AAN tan HAMLAHA.

Iha 2004, Manifestasaun boot husi Estudante no Universitáriu hasoru Primeiru Governu Konstitusional tanba Deklrasuan Dr.Mari Alkatiri nian ne’ebé haktemik iha leten. Manifestasaun ne’e lori naran povu no sarani Katólika (megatasnamakan rakyat dan umat katolik). Manifestasaun refere ita liga ba Istória Movimentu Rezistência husi Estudante no Universitáriu hanesan 1998 iha Indonézia no 1986 iha Filipina, karik laiha similaridade “modus politik” ne’ebé hanesan maibé ita bele foti hanesan tanba kauza husi Rezistência refere mak insatisfasaun ba desizaun polítika husi Governu no Estadu.
Maibé Manifestasaun sira ne’e bele garante vitória povu Maubere? Entre “sim” ka “la’e”, mais dalaruma “LA’E”.

Husi manifestasaun iha 2004, konsege duni ha-fraku Governu ne’ebé Lidera husi FRETILIN, no ikus mai iha 2006, Primeiru Ministru Dr. Mari Alkatiri rezigna-aan.
Tama ba 2007, mosu ona Partidu ne’ebé foti-aan nu’udar Partidu “Herói Povu Maubere” Partidu ne’ebé Katóliku loloos, no Partidu ne’e konsege manan konfiansa povu hodi foti ukun. Ne’e vitória povu Maubere ka la’e?
Finalidade husi Manifestasaun 2004 ne’e bele garante realizasaun soberania estadu no povu “kedaulatan rakyat”?
Ka ida ne’e keta sai de’it sentimentu ódiu no insatisfasaun ne’ebé politizadu husi interese politikus ida ne’ebé hakarak de’it uja Movimentu Resistênsia Estudante no Universitáriu hodi bele hetan ukun!!!

Situasaun Atual;
Iha situasaun Serka Sanitária ida ne’e Estudante no Universitáriu hasoru hela duni HAMLAHA, inklui komunidade sira ne’ebé ho kondisaun ekonómika kiik, no hahú hamosu ódiu no insatisfasaun husi ema barak, Liu-Liu estudante no Universitáriu sira hasoru Governu, maibé se ida ne’e politizadu hanesan 2004-liu ba!!! Oinsa?
Funu entre Partidu politiku ne’ebé mosu iha 2017 nia lalaok seidauk hakotu too Ohin loron, no karik kondisaun ida dau-dauk ne’e estudante no Universitáriu sira hasoru sai fali instrumentu ba adversáriu politika husi Partidu ne’ebé kaer ukun agora hodi alkansa sira nia objetivu hanesan 2006-2007.
—————————-
Ba estudante no Universitáriu sira:
Ita koko estuda no tetu;
Pergunta mak; Manifestasaun ida bele garante vitória povu Maubere no garante realizasaun soberania povu maubere? Ha’u hanoin bele “Sim” no bele “la’e.”

Manifestasaun husi Movimentu Rezistênsia labele tan de’it ódio, vingansa no insatisfasaun, tenke iha ajenda klaru atu hatuur vitória no soberania Povu Maubere, atu labele hamosu situasaun ne’ebé hanesan iha 2004-2006-2007 hodi hamonu Governu ida no Hamosu fali Governu ida ne’ebé AAT-LIU tan hodi habokur nia emar no nia Partido. Tanba saida ita dehan, manifestasaun ida “bele/labele” garante vitória no soberania povu Maubere!!! Nia ezemplu real hatudu ona iha 2006, katak Movimentu Resistência husi Estudante no Universitáriu só bele hamonu Governsaun FRETILIN no husik CNRT ho nia koligasaun ne’ebé AAT-LIU FRETILIN ba ukun hodi sama halimar povu Maubere durante tinan 10.

Atu bele hamosu manifestasaun ida ne’ebé bele garante vitória no soberania Povu Maubere mak tenke estuda di’ak liu husi;
- Revolusaun Russia 1917
- Revolusaun Cuba 1959
- Revolusaun Iran 1979

A luta Continua....

Fonte: Copy Paste husi Facebook Mua-Malay Z-ray Vilela

05/04/2021

Labele hadomi povu ho maneira ne’ebé la-los....

Endereço

Rua Presidente Nicolau Lobato, Comoro
Dili

Website

http://lospalosnews.blogspot.com/

Notificações

Seja o primeiro a receber as novidades e deixe-nos enviar-lhe um email quando Lospalos News publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.

Vídeos

Kontente ne'e simples... Terus imi nian, di'ak ami de'it...

El-Tigre #Elmatador Boxing vs Ortencio #ABBA

Komisaun ba Eventu ne'e se!!! Lixu husik de'it hanesan ne'e ka? Ohhh ha'u nia Lautém-oan sira, rai de'it plastiku metan tau lisu ida ho folin 10 centavos mós labele ka?

Iha ne'ebé Artista Lospalos ita lá valoriza... Ida ne'e Ka, dignifikasaun Arte Muzika Lospalos???

Perjalanan Pasangan traveler Semarang (Jawa tengah-Indonesia) ini menjadi bukti, apa arti Cinta, Kasih Sayang, Pertemanan, Persahabatan, Serta adaptasi dan jiwa kemanusiaan... "Karena hidup adalah perjalanan, maka baik dan buruknya sebuah proses perjalanan hidup harus di junjung setinggi-tingginya langit, agar setiap perbedaan moment bisa didapati walaupun kesempatan itu sering terulang".... Com, Umun-Ira, Lospalos : 14-September-2019 "Z-RayArtMuamalay"