https://www.facebook.com/102783851745326/

Laaska news, Mogadishu (2024)

30/10/2021

Raga soomaliyeed oo noqday Raga ugu cawaansan Aduunka

13/10/2021

14kii Oktoobar 2017 Qaraxii gilgilay caasimadda Muqdisho kasoo sbabay dhimashada in ka badan 500 oo rayid ah ayaa weli ka sii qoyan maskaxda sharable somaliyeed

06/09/2021

Madaxweynaha Dowlad Goboleedka Hir-Shabeelle Cali Guudlaawe Xuseen ayaa baaq nabadeed u diray beelaha walaalaha ah ee ku dagaalamaya deegaanka kabxanlay ee waqooyiga Magaalada Beledweyne.

Madaxweynaha ayaa nasiib darro tilmaamay in xilligan uu daato dhiig dad walaalo ah waxa uuna dhinacyada dirirta u dhaxeyso ugu baaqay in sida ugu dhaqsiyaha badan dagaalka ku joojiyaan, islamarkaana wax walba ku xaliyaan wadahadal.

Madaxweynaha ayaa ugu baaqay Maamulka Gobolka, Hay’addaha Amniga, Nabadoonada, Waxgaradka iyo Culuma’udiinta Gobolka Hiiraan in si deg deg ah ay ugu baxaan joojinta colaada beelaha walaalaha ah

09/05/2021

Fanaanadii Muno Xidigta ee hobollada Waaberi oo geeriyootay

Allaha u naxariistee Fanaanadii Muno Daahir (Muno Xidigta) ayaa maanta ku geeriyootay magaalada Muqdisho, sida uu xaqiijiyey Abwaan Cabdiqaadir Cabdi Shube Maareeyaha Golaha Murtida iyo madadaalada.

Allaha u naxariistee Muno Xidigta ayaa sida uu Abwaanku sheegay waxa ay u geeriyootay xanuun kusoo booday habeen h**e, waxayna sakaraad kadib xanuunkaas u geeriyootay saakay aroortii.

Muno xidigta ayaa Ka tirsaneed Hobollada Waaberi Puntland, iyadoo markii dambe usoo wareegtay dhanka magaalada Muqdisho, sidaasna uga mid noqotay Hobollada Qaranka Waaberi oo fadhigoodu yahay magaalada Muqdisho.

08/05/2021

https://fb.watch/5mFOC6X50f/

08/05/2021

Maamulka Marka oo sheegay inay awood ku furi doonaan waddo 7 sano u go’doonsan Al-Shabaab

Guddoomiyaha Maamulka Magaalada Marka ee Xarunta Gobolka Shabeellaha Hoose ayaa sheegay inay qorsheeynayaan inay isku furaan wadada xiriirisa degmada lambar Konton iyo degaanka Ceel-Wareegoow ee Gobolka Shabeellaha Hoose, taas oo u go’doonsan ALl-Shabaab.

Guddoomiyaha degmada Marka Cabdullaahi Cali Axmed Waafoow oo Warbaahinta kula hadlay Wadada Ceel-Wareegoow oo Ciidamada ammaanka ay howlgal ka sameeyeen ayaa sheegay in wadada xiriirisa degmada lambar Konton iyo degaanka Ceel-Wareegoow ay muddo 7 Sano ah u go’doonsan tahay Al-Shabaab, isla markaana taasi ay tahay dhibaato heysata bulshada.

Waxaa uu hadalkiisa uu intaasi ku daray in ka maamul ahaan ay ka go’an tahay inay awoodooda ku furaan wadadaas kana saaraan Ururka Al-Shabaab , waxaana uu sheegay in wadooyinka qaar ee Gobolka u xiran yihiin arrimo siyaasadeed.

Degaano badan oo ka tirsan Gobolka Shabeellaha Hoose ayaa waxaa mararka qaar ka dhaca falal amni darro, waxaana jira wadooyin u go’doonsan Al-Shabaab oo aysan marin mas’uuliyiinta Maamulka Gobolka Shabeellaha Hoose

08/05/2021

Saddex qof oo ku geeriyootay Shil ka dhacay Magaalada Nairobi

Shilka oo ahaa mid Gaari ayaa waxaa uu ka dhacay Koonfurta Bypass, ee ismaamulka Nairobi, waxaana ka dhashay khasaaro dhimasho ah iyo mid hantiyadeed sida ay Warbaahinta u sheegeen dad goobjoogayaal ah.

Shilka ayaa waxaa uu yimid kadib markii gaari nooca Toyota Probox ah oo ka yimid dhinaca wadada Mombasa uu farriin goostay oo uu ka baxay, isla markaana uu ku dhacay gaari nooca xamuulka qaado ah.

Inta la xaqiijiyay shilka gaari ayaa waxaa ku dhintay Aabe iyo laba Carruur ah oo la socotay, waxana sidoo kale burbur xoogan uu soo gaaray labada Gaari ee shilka galay, waxaana u gurmaday dadka degaanka.

Taliyaha Ciidamada booliska Lang’ata Benjamin Mwanthi ayaa sheegay in ay wadaan baaritaano dheeri ah oo la xiriira sababaha keenay Shilka labada Gaari iyo khasaaraha Guud ee ka dhashay, sidoo kalena ehellada dadka wax ku noqday ay u gurmad doonaan.

08/05/2021

Laba kamid ah Rag loo heystay dilkii guddoomiyihii degmada Hodan oo la siidaayay

Maxkamadda Ciidamada Qalabka sida ayaa waxaa ay weli wadaa ka dhageysiga Guddigii loo xilsaaray baarista dilkii Guddoomiyihii degmada Hodan Cabdixakiin Dhegajuun loogu geystay magaalada Muqdisho.

Maxkamadda Ciidamada ayaa sii deysay laba kamid ah Todobo Eedeysane kadib Dhageysiga Guddiga oo ay Maxkamaddu ka weyday in ay qeyb ka ahaayeen rasaastii uu ku dhintay Guddoomiyihii Degmada Hodan.

Cabdiraxmaan Isaaq Cabdullaahi & Xasan Abuukar Maxamuud “Buuqsane ayay Maxkamaddu siideysay, kuwaas oo la xiray markii uu dhacay dilka, waxaana haray 5 kamid ah dadka ku eedeysan dilka oo uu kujiro Taliyihii h**e ee saldhiga Booliska degmada Howlwadaag.

Xafiiska Xeer Ilaalinta ayaa Eedda kala noqday labada ragga ah, waxaana uun codsaday in loo dhageysto Warbixin ahaan.

08/05/2021

Shariif Sheekh oo ku baaqay dowladda in ay wax ka qabato dhibaatada ka taagan Muqdisho

Xisbiga Himilo Qaran ayaa utacsiyadeeyay, garab istaagna u muujiyay waalidka carruurtii maanta ku geeriyootay daadadka roobkii ka da’ay magaalada Muqdisho.

Madaxweynihii h**e ee dalka ahna Guddoomiyaha Midowga Musharrixiinta Sheekh Shariif Sheekh Axmed ayaa Alle ugu baryay inuu badal kheyr qaba iyo simmir ku irsaaqo qoysaskaan kulana dardaarmay in ay samir muujiyaan.

Xasan Abdullahi Gacal oo 5 carrruur ah ku waayay musiibada, Aadan Jabriil Sheekh oo 3 carruur ah ka geeriyootay iyo waalidka 3 carruur ah oo hooyadood cisbitaal la dhigay ayaa u mahad celiyey Madaxweynihii h**e ee dalka iyo Xisbiga Himilo Qaran.

Madaxweyne Sheekh Shariif ayaa ugu baaqay dadka Soomaaliyeed in la caawiyo dadka dhibaatadu gaartay maadaama lagu jiro bisha barakeysan ee Ramadan wuxuuna ugu baaqay dowladda inay wax ka qabato sababaha keenay in daadadku ku rogmadaan xaafadaha shacabku deggan yahay.

08/05/2021

Boqolaal Askari oo ka tirsan ciidanka xoogga oo ka baxay Waqooyiga Muqdisho

Boqolaal Askari oo ka tirsan ciidanka xoogga dalka Soomaaliyeed ee la baxay Badbaado Qaran kuna guuleystay in ay ka hortagaan muddo kororsigii sharci darada ahaa ayaa maanta ka baxay degmooyinka ku yaalla Waqooyiga Muqdisho.

Ciidankaan ayaa kusii jeedda gobolada Shabeellaha Dhexe iyo Shabeellaha Hoose oo ay markii h**e ka yimaadeen.

Waxa ay sheegeen qaar ka mid ah Saraakiisha ciidankaan hoggaaminaysa in saldhigyadii ay ka yimaadeen ay tagi doonaan si ay qeyb uga noqdaan dagaalka ka dhanka ah Ururka Al-Shabaab.

Ciidankaan ayaa ku baxay heshiis dhawaan ay gaareen Rooble iyo Saraakiisha ciidankaan hoggaaminaysa ka dib markii laga laabtay muddo korosigii labada sano ahaa ee loo sameeyay Hay’addaha kala duwan ee dowladda.

08/05/2021

Taliska booliska oo la shiray Madaxweynihii h**e ee dalka

Taliyaha Ciidanka Booliiska Soomaaliyeed Sarreeye gaas Cabdi Xasan Maxamed Xijaar oo ay weheliyaan Taliye ku Xiggeenka iyo Afhayeenka Ciidanka Booliiska Soomaaliyeed ayaa hoygiisa ku booqday Madaxweynihii H**e Jamhuuriyadda federaalka Soomaaliya Mudane Xassan Shiikh Maxamuud.

Kulankaan ayaa waxaa looga wada hadlay qorshaha sugidda amniga Musharaxiinta ee xilliga doorashooyinka.

Taliyaha Booliska iyo ku xigeenkiisa ayaa sidoo kale ka cudurdaartay dhacdooyinkii ka dhacay Muqdisho iyo in aysan ka jawaabin eedeymo uga yimid Midowga Musharaxiinta xilka Madaxweynaha Soomaaliya.

Waxaa sidoo kale kulankasi looga hadlay fulinta qorshayaashii Amniga ee dhawaan ay gaareen Ra’iisul wasaaraha Soomaaliya iyo Midowga Musharaxiinta ee Muqdisho looga saaray ciidankii Badbaado Qaran.

08/05/2021

Duqa Muqdisho ayaa ku baaqay in loo gurmado dadkii roobabka waxyeeleeyeen

Guddoomiyaha Gobolka Banaadir ahna Duqa magaalada Muqdisho Mudane Cumar Maxamuud Maxamed (Cumar Filish) ayaa caawa booqday qoysaskii uu saameeyay Roobkii saacadihii lasoo dhaafay ka da’ay magaalada Muqdisho, waxa uuna uga tacsiyadeeyay musiibadii uu geestay roobkii xooganaa ee ka day’ay Caasimadda.

Duqa magaalada Muqdisho ayaa sidoo kale sheegay in maamulka gobolka Banaadir uu garab taagan yahay qoysaskii uu saameeyay roobka, isagoo dhanka kale ugu baaqay ummadda Soomaaliyeed in ay gurmad deg deg soo gaarsiiyaan dadkii ku waxyeeloobay musiibooyinkii ka dhashay Roobkii saacadihii lasoo dhaafay ka da’ay gobolka Banaadir.

Guddoomiyaha Gobolka Banaadir ahna Duqa Magaalada Muqdisho Mudane Cumar Maxamuud Maxamed (Cumar Filish) ayaa dhankale kormeer ku tagay qaar kamid waddooyinka magaalada Muqdisho si uu ugu kuurgalo saameynta uu roobka u geestay bilicda Caasimadda iyo isku socodkeeda, waxaa uuna faray waaxda howlaha guud ee dowladda hoose Xamar in ay xoojiyaan howlaha kor loogu qaadayo bilicda, islamarkaana dib loogu furayo waddooyinka ay biya dhigeen Daadadka Roobka.

24/01/2021

Puntland oo Ciidamo farabadan geysay degmo ka tirsan gobolka Sanaag

Puntland ayaa Ciidamo farabadan oo ka tirsan kuwa daraawiishta waxaa ay geysay Magaalada Badhan ee gobolka Sanaag, halkaas oo maalmihii la soo dhaafay dhaq dhaqaaqyo ka wadeen Mas’uuliyiin ka tirsan Soomaaliland.

Saraakiisha sar sare ee laamaha amniga Puntland ayaa Shaqa joojin waxaa ay ku sameeyeen Ciidamada Booliska ee ka howlgalayay magaalada Badhan, iyaga oo geeyay Ciidamo kale oo ah kuwa daraawiishat puntland.

Saraakiil ka tirsan ciidamada daraawiishta Puntland ayaa Ciidamada ku amray iay howlgallo dhanka amniga ka sameeyey gudaha Magaalada Badhan oo malmihii la soo dhaafay laga dareemayay amni darro.

Sidoo kale saraakiisha ayaa lagu amray inay ka hortagaan Soomaaliland oo dooneysa inay galangal siyaasadeed ku yeelato Magaalada, isla markaana ay ka bilaawdo cod-bixinta doorashooyinka Soomaaliland

Ugu dambeyn Ciidamada daraawiishta Puntland ee la geeyay Magalada Bandhan ayaa waxaa la faray inay si adag ula dagaallaman dadka ka ganacsada maandooriyaha, gaar ahaanna Khamriga kuwaas oo mudooyinkii dambe ku soo badanayay magaalada .

Magaalada Badhan iyo degaano kale oo ka tirsan gobolka Sanaag ayaa waxaa sanadihii la soo dhaafay ku mursanaa Puntland & Soomaaliland, waxaana Puntand ay dooneysaa inay ka hortagto qorsho ay Somaliland ku dooneyso inay uga bilaawdo cod-bixinta doorashooyinka.

17/01/2021

Xisbiyada Somaliland Oo War Kasoo Saaray Go’aankii Guddiga Doorashada

Hoggaanka sare ee saddexda xisbi ee Somaliland ayaa maanta si wada-jir ah usoo dhaweeyey maalinta ay xubnaha komishanka doorashooyinka u cayimeen inay Somaliland ka qabsoomaan doorashooyinka isku sidkan ee goleyaasha wakiillada iyo deegaanka oo ah 31/05/2021, waxana ay farriin u direen golaha guurtida.

Kaddib kulan wada-jir ah oo ay la qaateen Madaxweynaha Somaliland Muuse Biixi Cabdi iyo ku-xigeenkiisa, Cabdiraxmaan Cabdullaahi Ismaaciil (Saylici), ayey hoggaanka sare ee saddexda xisbi-shaaca ka qaadeen inay si buuxda u taageersan yihiin muddada ay xubnaha komishanka doorashooyinku soo jeediyeen in dalka laga qabto doorashooyinka wakiillada iyo deegaanka.

Ugu horrayn ku simaha xog-hayaha guud ee xisbiga UCID, Cabdinaasir Yuusuf Cismaan Qodax, ayaa shaaciyey inay xisbiyada iyaga oo isku duuban isku raacsan yihiin sidii doorashada goleyaasha deegaanka iyo wakiillada loo qaban lahaa maalinta ay komishanka soo jeediyeen oo ah 31-ka bisha shanaad ee sannadkan aynnu ku jirno ee 2021-ka, waxana uu golaha guurtida ugu baaqay inay muhiimad gaar ah siiyaan waqtiga iyo ku midaysan yihiin Axsaata iyo Komishanka .

Ugu Danbayntiina Guddoomiye-ku-xigeenka koowaad ee xisbiga KULMIYE, ahna wasiirka arrimaha gudaha, Maxamed Kaahin Axmed, ayaa hoosta ka xarriiqay inay axsaab ahaan ku wada midaysan yihiin in doorashada la qabto maalinta ay komishanka u cayimeen qabsoomidda doorashooyinka, isaga oo golaha guurtidana ugu baaqay inay dhegaystaan baaqa axsaabta, si looga dheeraado doorasho dambe oo dib u dhacda.

17/01/2021

Rooble iyo Guudlaawe oo kulan ku dhexmaray Muqdisho

Ra’iisul Wasaaraha Xukumadda federaalka Soomaaliya Mudane Maxamed Xuseen Rooble iyo madaxweynaha Dowlad-goboleedka Hirshabeelle mudane Cali Guudlaawe Xuseen ayaa maanta kulan ku yeeshay Muqdisho.

Kulankaan oo ahaa Mid gaar ah ayaa looga hadlay dardargalinta hannaanka doorashooyinka,sugidda amniga & horumarinta deegaannada Hirshabeelle.

Madaxweynaha ayaa ka dalbaday Ra’iisul wasaaraha in uu taageero u fidiyo maamulka Hirshabeelle si loo xaliyo tabashooyinka ka taagan.

Ra’iisul wasaaraha Rooble ayaa sidoo kale Madaxweynaha Hirshabeelle ka dalbaday in uu sameeyo dib u heshiisiin ballaaran oo lagu qanciyo shacabka kunool Hiiraan oo maamulkiisa kasoo horjeeda.

17/01/2021

Shir looga hadlayay furitaanka Wadooyinka ay go,doomiyeen Shabaab oo Bakool ka dhacay

Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Lafta gareen ayaa kulan looga hadlayey Dar-Dar gelinta Xaqiijinta Amniga la qaatay Saraakiisha Ciidanka xoogga.

Kulanka ayaa sidoo lale looga hadlay Dib ufurida Wadooyinka ay Go,doomiyeen Alshabaab ee Gobolka Bakool.

Kulanka Waxaa sidoo kale ka qeybgalay Wasiiru Dowlaha Arimaha Gudaha Dowlada Federaalka Mudane Aadan Abdinaasir Maxamed Wasiiro ka tirsan Dowlad Goboleedka Koonfur Galbeed Lataliyaha Madaxweynaha Arimaha Siyaasada Mudane Aadan Maxamed Nuur (Soron-Soor) iyo Taliyaha Qeybta 60aad CXD General Maxamed Shekh Cusmaan Ciirow.

Madaxweyne Laftagareen ayaa ka dalbaday Saraakiisha Ciidanka in ay la yimaadaan qorshe wax looga qabanaayo go,doominta gobolka Bakool.

14/01/2021

Guddoomiyihii Gobolka Gedo ee oo xilkii laga qaaday & mid Cusub oo la Magacaabay

Wareegto ka soo baxday, Xafiiska Wasiir ku xigeenka Arrimaha Gudaha Jubaland, balse la shaqeeya dowladda Soomaaliya Cabdiraxmaan Maxamed Xuseen ayaa waxaa xolka looga qaaday guddoomiyihii Gobolka Gedo Cismaan Nuur Xaaji Macalimow, iyada oo Guddoomiye Cusub la Magacaabay.

Wareegtada ayaa waxaa Guddoomiyaha Cusub ee Gobolka Gedo loogu Magacaabay Axmed Buulle Gareed, waxana sababta xilka qaadista lagu sheegay, kadib markii uu gudan waayay Shaqadiisa.

Guddoomiyaha Cusub ee Gobolka Gedo Axmed Buulle Gareed ayaa waxaa la faray in uu si wanaagsan u guto Shaqadiisa, waxana hay’adaha amniga la faray inay la shaqeeyaan guddoomiyaha Cusub ee Gobolka Gedo.

Gobolka Gedo ayaa 11-kii Bilood ee la soo dhaafay waxaa ku muransan Dowladda Soomaaliya iyo Maamulka Jubbaland, kadib markii dowladda Federaalka ay Ciidamo diyaarado ku geysay, isla markaana ay la wareegeen dhamaan degmooyinka gobolka Gedo marka laga reebo degmada Ceelwaaq.

14/01/2021

Maxaa looga hadlay Shirka Golaha Wasiirada Jubbaland.

Shirka Golaha Wasiirada Jubbaland oo uu maanta Shir gudoominayey Madaxweynaha Jubbaland Axmed Maxamed Islaam ayaa ka qabsoomey hoolka madaxtooyada Jubbaland ee magaalada Kismaayo.

Madaxweynaha ayaa ugu h**eyn Golaha uga warbixiyey Shirarkii Garoowe ee xalka loogu raadinayey xaalada Siyaasadeed ee Dalka, gaar ahaan arrimaha Doorashooyinka oo meel xasaasi ah xiligan maraya iyo sidookale kulamadii uu madaxweynuhu la qaatey Midowga Musharaxiinta iyo ka qeybgalkiisii Shirkii aragti wadaaga ee Heritage, kuwaas uu Madaxweynuhu sheegay inay kusoo aadeen waqti loo baahnaa natiijo miro dhal ahna ay kasoo baxdey.

Warbixinta Madaxweynaha kadib Wasaarada Ganacsiga ayaa soo gudbisey Xeerar ay nuquladooda la wadaagtey Golaha kuwaas akhrintooda kadib todobaadka danbe golaha lagaga doodi doono.

Xeerarka ay wasaaradu soo gudbisey waxaa kamid ah :

1- Xeerka Maalgashiga Dowlada Jubbaland.

2- Xeerka Shatiyada Ganacsiyada Jubbaland

Sidookale wasaarada Warfaafinta, Isgaarsiinta iyo Teknolojiyada Jubbaland ayaa golaha u soo gudbisey nuqulada Sharciga Isgaarsiinta ee Dowlada Jubbaland.

14/01/2021

Ra’iisul Wasaare Rooble oo u digay Mas’uuliyinta Hay’adaha garsoorka

Ra’iisul Wasaaraha Xukuumadda Fedrraalka ah ee Soomaaliya Maxamed Xuseen Rooble ayaa uga digay mas’uuliyiinta Hay’adaha garsoorka dalka in ay u cadaalad fali waayaan Shacabka Soomaaliya.

Ra’iisul Wasaare rooble ayaa sheegay in shacabka Soomaaliyeed ay ka cawdaan garsoorayaasha, isaga oo digniin culus u diray Hay’adaha garsoorka dalka.

Shacabka Soomaaliyeed aadbey uga cawdaan garsoorayaasha waxaan idinkaga digayaa in shacabku idinka cawdo, waxa aad maanta fashaan ayaad bari heleysaan, barri shacab ayaad noqoneysaan maanta cadaalad fala si aad barri u heshaan ayuu yiri” Ra’iisul wasaare Rooble.

Hadalka Ra’iisul Wasaaraha Xukuumadda Fedrraalka ah ee Soomaaliya Maxamed Xuseen Rooble ayaa waxaa uu kusoo aadayaa xilli dhowr jeer Shacabka qaarkood ay sheegeen in aysan Cadaalada ka jirin Maxkamadaha dalka, taas oo so laab laabatay.

13/01/2021

Shirka sannad laha ah ee Garsoorka dalka oo ka furmay Muqdisho

Shirka sannadlaha ah ee Garsoorka dalka oo ay ka qeyb galayaan hay’adaha cadaaladda heer federaal iyo heer maamul goboleed ayaa ka furmay magaalada Muqdisho ee Caasimadda dalka.

Guddoomiyaha guddiga qaban qaabada shirka, Sheekh Saalax Ibraahim Dhiblwaale oo ah garsoore ka tirsan Maxkamadda Sare ayaa sheegay in shirka diirada lagu saari doono qodobo ay ka mid yihiin xal u helida Musuq maasuqa, Fulinta xukunada, Been abuurka iyo qodobo kale oo muhiim u ah arimaha Garsoorka.

Shirka ayaa waxaa goobjoog ka ah Hay’adaha Garsoorka Masuuliyiinta qeybta ka ah oo ay kamid yihiin Wasiirka Wasaaradda Cadaaladda, Guddoomiyaha maxkamadda sare,Guddiga Cadaaaladda iyo Garsoorka ee Baarlamaanka, Maxkamadaha gobolka Banaadir, Xafriiska Garyaqaanka, iyo Xafiiska Hanti dhowrka guud ee Qaranka.

Shirka oo socon doona muddo labo maalin ah waxaa sidoo kale ka qeyb gelaya in ka badan 300 oo u badan sharci yaqaano iyo khubaro.

13/01/2021

Mareykanka oo kordhinaya tababarada Ciidamada dowladda Soomaaliya

Wasiirka Wasaaradda gaashaandhigga xukuumadda federaalka Soomaaliya Xasan Xuseen Xaaji oo uu welhiyo taliye ku xigeenka ciidanka xoogga dalka Jeneraal Cabaas Amiin ayaa waxay kulan la qaateen saraakiil ka tirsan hogaanka taliska ciidamada Mareykanka ee Soomaaliya.

Kulanka ayaa waxaa ay uga wada hadleen xoojinta xiriirka labada dhinac iyo sidii dowladda Mareykanka ay u xoojin leheed tababarada la siiyo Ciidanka xoogga dalka Soomaaliyeed gaar ahaan kumaandooska Danab iyo dagaalka Al-Shabaab.

Mareykanka ayaa waxaa uu Soomaaliya ka taageeraa tababarada Ciidamada Kumaandooska iyo dagaalka ka dhanka ah Al-Shabaab, iyada oo mararka qaar duqeymo cirka la beegsada Xarumaha Al-Shabaab.

Mareykanka ayaa dhawaan in ka badan 700 oo askari oo ka joogay Soomaaliya kala baxay, kuwaas oo la geeyay xero ku taal Kenya, kadib Amar kasoo baxay Madaxweyne Trum.

13/01/2021

Ilhan Cumar oo weerar afka ah ku qaaday trump

Xilli ciidamada dembi baarista Mareykanka ay wali ku raad joogaan dadkii weeraray aqalka Kongareeska, ayaa dhanka kale isla xubnaha Dimuqraaddiga ee ka tirsan aqalkaasi waxay sheegeen inay ku raja weyn yihiin xil ka qaadista madaxweyne Trump.

Ilhaan Cumar oo ka mid ah xubnaha Kongareeska, ayaa waxay madaxweyne Trump ku eedeysay in uu sabab u ahaa rabshadihii ka dhacay dhismaha Capitol.

“Dembiyo badan ayaa lagu heystaa, laakiin kulligood waxay isugu imaanayaan in madaxweynaha uu la shaqeeyay uuna dhiirrigeliyay in dowladda la soo weeraro, inay ku dhintaan dad badan, inay noqotay in saacado dhan lala wareego US Capitol. Waxaan aaminsannahay madaxweynaha inuu halis ku yahay dadka iyo dowladda,”

Waxay sheegtay in Madaxweyne Trump uu ku hadlay arrin aan madaxweyne laga fileyn, isaga oo kaddib weerarkii Capitol farriin uu bartiisii Twitter-ka ugu qoray dadkii soo qaaday weerarkaas ku yiri “waan idiin jeclahay”.

Ilhan waxaa kale oo ay sheegtay in haddii xukuumadda cusub ee madaxweyne Biden ay timaaddo ay wax badan ka rajeyneyso, gaar ahaan arrimaha Soomaaliya.

“Rajadeenna way weyn tahay, Xisbiga Dimuqraaddiga keliya madaxweyne ma helayaan oo baarlamaanka guud ahaan annaga ayaa maamuli doonno, marka waxaan aaminsannahay in nolosha Soomaalida keliya maahee ee dadkoo dhan inay ay isbeddel ka dareemi doonaan. Waxaan rajeyneynaa in shaqo abuuris aan ka shaqyen doonno, in waaxda socdaalka sidii ay u shaqeyn jireen iyo si ka fiican ay u shaqeyn doonaan.”

Waaxda Caddaaladda ee Mareykanka iyo FBI-da ayaa bilaabay baaritaan dembi oo lagu sameynayo in ka badan 160 qof oo loo heysto inay qeyb ka ahaayeen weerarkii toddobaadkii h**e ka dhacay dhismaha Capitol ee Washington.

13/01/2021

Wasiiro u geeriyooday Cudurka COVID-19

Wasiirka Gaadiidaka Sidiiq Miyaa iyo wasiirka dowladaha Hoose Lingson Percanyama ayaa u geeriyooday cudurka karoona Fayras, sida ay sheegeen mas’uuliyiinta caafimaadka dalkaas.

Madaxweynaha dalkaas Lazarus Chakwira ayaa ku tilmaamay dhimashada labada wasiir mid khasaaro ugu filan dalka.

Madaxwaynaha ayaa tacsi u diray qoysaskii ay ka baxeen laba wasiir iyo dhamaan shacabka, isagoo ku sifeeyay labadooda wadaniyiin qaali ku ah shacabka iyo dowladda Malaawi.

Madaxwaynaha ayaa ugu baaqay shacabka inay muujiyaan taxaddar dheeraad ah oo ku saabsan u hogaansanaanta tallaabooyinka looga hortegaayo cudurka karoona fayras.
In ka badan 9 kun oo kiis ayaa laga diiwaan geliyay dalka Malaawi, waxaana u dhintay Karoona 235 qof

12/01/2021

Goob Ay Ka Socotay Diiwaan-Gelinta Doorashada Somaliland Oo Caawa La Weeraray

Wararka Caawa aan ka heleyno Magaalada Laascaanood ee Xarunta Gobolka Sool ayaa waxaa ay sheegayaan in weerar lagu qaaday goob ku taalla halkaas oo ay ka socotay diiwaan-gelinga Cod-bixiyaasha Doorashada Somaliland.

Weerar loo adeegsaday Bam gacmeed ayaa lagu tuuray goobta ay socotay diiwaan-gelinta doorashada oo sigaar ah ugu taalla meel ku dhow hotelka Ataash ee Laascaanood, waxaana baxday ragii ka dambeeyay falkaas.

Dadka deegaanka qaarkood oo la hadlay warbaahinta ayaa u sheegay in dhawaqa gambada la maqlay, kadibna ay xigtay rasaas badan oo ay fureen Ciidamo ka tirsan kuwa Maamulka Somaliland oo xiligaas aaga ka agdhawaa.

Wararka ayaa intaas kusii daraya in weerarka ay ku dhaawacmeen laba Askari iyo qof shacab ah, waxaana haatan degan xaaladda, iyadoo Ciidanka Maamulka ay la wareegeen gacan ku heysta goobtii la weeraray.

Ciidanka Booliska Somaliland ayaa Caawa lagu soo warramayaa in Magaalada Laascaanood ee Xarunta Gobolka Sool ka wadaan howlgal kala duwan oo lagu raadinayo dadkii ka dambeeyay weerarkii halkaas ka dhacay.

Illaa iyo hadda ma jiro wax war ah oo kasoo baxay Maamulka Somaliland oo ay uga hadlayaan weerarkii ka dhacay Laascaanood, waxaana maalmihii lasoo dhaafay Magaalada ka socotay diiwaan-gelinta Cod-bixiyaasha doorashada Somaliland.

12/01/2021

Dowladda Soomaaliya oo Maanta dib u furtay waddo dhowr sano xirneyd
Hay’adaha Amniga dowladda Soomaaliya ayaa muddo dhowr sano ah kadib waxaa ay Maanta dib u fureen Wadada laamiga ah ee hormarta Xarunta Hay’adda dambi-baarista Booliska ee CID-da

Wadada ayaa waxaa yaalay Saanbaagyada ay isticmaalaan Ciidamada AMISOM oo carro farabadan laga buuxiyay, waxaana ay hay’adaah amniga u xireen sababo la xiriira dhanka Amniga, kadib markii dhowr jeer Xarunta qaraxyo gaari lagu weeraray.

Afhayeenka Ciidanka Booliska Soomaaliyeed Sadiiq Aadan Cali ayaa sheegay in wadadaas sirasmi ah loo furay, kadib markii ay hay’adaha amniga ku guuleysteen inay ka hortagaan weerarada qaraxyada ah oo ay geysan jireen al-Shabaab.

Afhayeenka oo Warbaahinta kula hadlay Wadada la furay ayaa sheegay in sidoo kale lagu howlan yahay in dib loo furo wadooyinka kale ee xiran eek u yaal Magaalada Muqdisho.

Wadada laamiga ah ee hormarta Xarunta Hay’adda dambi-baarista Booliska ee CID-da ayaa waxaa maristeeda dhibaatooyin kala duwan ku qabay gaadiidka dadweynaha, waxaana kajiray ciriiri farabadan oo sabab u ah dhagxaan waaweyn iyo Saanbaagyo laga buuxiyay Carro farabadan.

12/01/2021

Dowladda Soomaaliya oo sheegtay in ay dishay Sarkaal ka tirsan Shabaab
Ciidanka xoogga dalka oo maanta howlgal ka sameeyay tuulooyin hoos yimaadda degmada Baardheere, ayaa bur buriyay saldhigyo Al-Shabaab ku lahaayeen halkasi, sida ay sheegeen saraakiisha ciidanka.

Howlgalka waxaa lagu dilay mid kamid ah xubnaha sare sare oo ka tirsan Alshabaab kaas oo ciidanka soo bandhigeen meydkiisa.

Ciidanka waxay sheegeen in dilka uu yimid ka dib markii ay weerareen Saldhig ay lahaayeen Al-Shabaab.

Gaashaanle dhexe, Maxamed Dheer, oo ah taliyaha ururka 49 aad guutada 10 aad qeybta 43 aad ayaa ku dhaawacmay qarax miino oo haleelay gaariga uu la socday oo ku sii jeeday deegaanada howlgalada ay ka socdeen.

Saraakiisha ciidanka xoogga dalka ayaa sheegay in howlgaladii maanta ay kula wareegeen tuulooyin ay kamid tahay Kormari oo Alshabaab dadka ku dhibaateyn jireen.

12/01/2021

Maxkamad ciidan oo weriye kilwe ku soo oogtay dacwad la xiriirta isku day dil
Maxkamadda Ciidamada Qalabka Sida ee maamulka Puntland, ayaa dacwad isku day dil ku soo oogtay weriye Kilwe Aaden Faarax, oo mudda lix iyo toban maalmood ah u xiran dowladda, sida uu shaaciyay Guddoomiyaha Ururka Suxufiyiinta Puntland ee MAP Maxamed Daahir Caynsane.

Guddoomiye Caynsane, oo maanta shir jaraa’id ku qabtay Garoowe, ayaa sheegay in weriye Kilwe Aaden uu mudda shan iyo toban maalmood ah u xirnaa hay’adda Nabad-sugidda iyo Sirdoonka Puntland PISA, kadib markii ay ka af-duubtay gudaha magaalada, islamarkaana si sharci-darro ah ugu haysay meel aan xabsi ahayn.

Guddoomiyaha MAP, wuxuu sheegay in weriye Kilwe shalay loo wareejiyay Xabsiga weyn ee Garoowe kadib markii xabsi-xalaalayn loo jiray, halkaasna ay maanta ku booqdeen mas’uuliyiinta MAP iyo xubno ka tirsan Qoyskiisa.

Mr. Caynsane, ayaa sidoo kale caddeeyay in suxufi Kilwe Aaden ay u qabteen Qareen, si dacwad loogu oogo hay’adda Nabad-sugidda iyo Sirdoonka Puntland, oo uu mudda shan iyo toban cisho ah u af-duubnaa.

Dhinaca kale, Guddoomiyaha Ururka MAP, wuxu walaac xooggan ka muujiyay hanjabaad iyo caga-juglayn xiriir ah oo Xukuumadda Puntland ku hayso Suxufiyiinta madaxa-bannaan, waxaana uu dalbaday in lagu dhaqmo Dastuurka iyo sharciga, lana joojiyo ku xad-gudubka weriyaasha.

12/01/2021

Galmudug oo sheegtay in ay diyaarisay goobtii la dejin lahaa guddiga doorashooyinka
Ku simaha madaxweynaha ahna madaxwayne kuxigeenka Galmudug Mudane Cali Daahir Ciid ayaa kormeeray xarunta loo diyaariyay inay dagaan Gudiga doorashooyinka.

Xaruntani ayaa ah mid loo diyaariyay inay degaan gudiyada doorashooyinka heer qaran iyo dawlada gobaleed iyo guud ahaan hawl wadeenada doorashada.

Madaxwayne kuxigeenka ayaa dhamaanba kor meeray xarunta waxa uuna warbixin ka dhagaystay masuuliyiinta gacanta ku haysa xaruntani oo la filayo inay dhawaan soo dagaan gudiga doorashooyinka.

Waxaa uu sheegay in dhawaan halkaasi lagu qaban doono doorashada Aqalka Sare iyo Golaha Shacabka ee degaanada Galmudug.

12/01/2021

Golaha Musharaxiinta oo kulan uga socda Muqdisho

Golaha midowga Musharaxiinta u taagan qabashada xilka Madaxweynaha ayaa waxaa haatan uu shir deg-deg ah uga socdaa hotelka Jaziira ee Magaalada Muqdisho ee Caasimadda dalka.

Shirka oo warbaahintu bannaan joog ka tahay ayaa ayaa waxaa looga hadlayaa xaaladihii ugu dambeeyay ee siyaasadda dalka, iyadoona looga arrinsanayo caqabadaha hortaaggan in ay dalka ka dhacdo doorasho heshiis lagu yahay loona wada siman yahay.

Shirkaan deg dega ah ayaa kusoo aadaya, iyadoo Ra’iisul Wasaaraha Soomaaliya Maxamed Xuseen Rooble uu ku dhawaaqay in Xukuumaddu ay go’aansatay in la guda galo hirgelinta doorashooyinka, si aan wakhti kale looga lumin shacabka Soomaaliyeed.

11/01/2021

Taliye Biixi oo sheegay in DFS cafisay dhalinyarada hubeyan ee la Shaqeeya Kenya

Taliyaha Ciidanka dhulkaee xoogga dalka Soomaaliyeed janeraal Maxamed Tahliil Biixi oo malmahaan booqasho ku jooga degaano ka tirsan gobolka Gedo ayaa sheegay in dowladda Soomaaliya ay cafisay raga hubeysan sida uu sheegay ee la Shaqeeya dowladda Kenya.

Taliyaha oo kulan la qaatay qeybaha kala duwan ee Bulshada ku nool degmada Beledxaawo ee Gobolka Gedo ayaa ugu baaqay inay Wiilashooda dib ugu soo celiyaan Beled-Xaawo, isla markaana dowladda Soomaaliya ay cafisay.

“ Aniga oo ka Wakiil ah Madaxwyene Maxamed Cabdullaahi farmaajo waxaan cadeynayaan inaan cafinay dhalinyarada huebysan ee la Shaqeysay Al-Shabaab, hadii ay doonaan inay dib ugu soo laabtaan Beled-Xaawo mushaar xataa waan u qoreynaa ee dalkooda iyo dadkooda hala shaqeeyaan ayuu yiri” Janeraal Biixi.

Waxaa uu hadalkiisa uu intaasi ku daray in dowladda Soomaaliya aysan dooneyn dagaal dowlada kenyana aysan dagaal kula jirin, waxaana uu sheegay inay diyaar u yihiin in dhalinyarada hubeysan eek u sugan duleedka Beled-Xaawo la soo celiyo.

Inta u dhaxeysa Magaalooyinka Beled-Xaawo iyo Mandheera ayaa waxaa ku sugan Ciidamo uu hoggaaminayo Wasiirka Amniga Jubbaland Cabdi rashiid Janan, waxaana dowladda Soomaaliya ay kal h**e sheegtay in dowladda Kenya ay soo hubeyneyso Maleeshiyaad si ay khalqal u geliyaan Amniga Gobolka Gedo.

11/01/2021

Maxkamadda Ciidamada qalabka sida oo Maanta xukun riday

Maxkamadda Ciidamada Qalabka sida ee Soomaaliya ayaa Maanta waxaa ay xukun ku riday Nin lagu helay in qof Shacab ah uu ku diley meel kamid ah Caasimadda Soomaaliya ee Magaalada Muqdisho.

Cumar Muxudiin Maxamuud ayaa loo haystaa Dilka Allaha Unaxariiste Marxuum Cabdullaahi Maxamed Xasan Abow, dilkaas oo ka dhacay degmada Boondheere gaar ahaan Ex Wasaaraddii Caafimaadka 20-kii September 2020.

Maalma kadib ayaa loo soo gudbiyay Xafiiska Xeer Ilaalinta Ciidamada Qalabka Sida oo awood u leh dhaqaajinta Dacwadda Eedeysanaha, waxa ayna isla xilligaasi weydiisteen Maxkamadda Ciidamada Qalabka Sida in loo gudbiyo Xabsiga Eedeysane Sedax Xarigle Xoogga Dalka Cumar Muxudiin Maxamuud garsuge ahaan.

Baaritaana dheer kadib 21-kii November Xafiiska Xeer Ilaalinta ayaa soo codsaday in la muddeeyo dhageysiga dacwadda ka dhanka ah eedeysane Cumar Muxudiin Maxamuud, waxa ayna Maxkamadda aqbashay dhageysiga Dacwadda kowdii Decembber bishii ina dhaaftay.

Xafiiska Xeer Ilaalinta ayaa Maxkamadda la yimid Sedax marag oo cadeeyay in Eedeysanaha uu dhac u geysanayay Marxuumka, Warqadda Cadeynta dhimashada iyo Gungaarka Baarista Boliiska oo ay sameeyeen saldhiga degmada Boondheere.

Xafiiska Xeer Ilaalinta ayaa sidoo kale soo bandhigay eedeymo h**e oo ay Maxkamaddu u haysatay Eedeysanaha laakiin dhibanayaashii waagaas ay ka noqdeen Dacwaddii ay u heysteen kowdii June Sanadkii tegay.

Qareenada U dooday Eedeysanaha ayaa Maxkamadda weydiistay in loo Naxariisto Eedeysannaha lagana qaado diyo.

Maxkamadda ayaa ugu dambeyn Cumar Muxudiin Maxamuud ku xukuntay Dil toogasha ah oo ah magta Marxuum Cabdullaahi Maxamed Xasan Abow.

Xukunsanaha ayaa haysta Fursad uu ku dalban karo Rafcaan muddo ku siman 30-Cisho.

11/01/2021

Dad ku afduubnaa Gobolka Hiiraan oo Madax furasho lagu siidaayay

Dadkaan oo tiro ahaan gaaraya ilaa shan ruux ayaa dhawaan laga afduubtay Degaanka Goobo ee Hoostaga Degmada Maxaas ee Gobolka Hiiraan , kadib markii laga degsay gaari ay saarnaayeen oo ka yimid degmada Guriceel kuna wajahnaa degmada Matabaan ee gobolka Hiiraan.

Maleeshiyaad hubeysan ayaa waxaa la sheegay in sababo la xiriira aanooyin qabiil ay dadkaais u afduubteen, kadib dilal ka dhacay wadada xiriirisa degmooyinka guriceel iyo Matabaan,hayeeshee ugu dambeyn Maanta dadkaasi la siidaayay.

Odayaasha dhaqanka degmada Guriceel ee gobolka Galgaduud ayaa waxaa ay sheegeen in maleeshiyaadka ay dalbadeen Lacag diyo ah oo dad h**ey looga dilay taas dhan 40 kun oo Doolar oo Madax furasho ah markii ay bixiyeene sidaasi lagu soo daayay Shanta qof ee afduubka loo heystay.

Odayaasha oo warbaahinta kula hadlay Guriceel ayaa waxaa ay sheegeen in wadahadallo ay la galeen maleeshiyaadkii dadkaasi heystay ay suurta gashay inay lacagtaasi ku wareejiyaan,waxaana shanta qof iyo gaari ay wateen ay gaareen degmada Matabaan ee gobolka Hiiraan oo markii h**e ay u socdeen.

Ka hor inta aan dadka laga afduubay duleedka degmada Maxaas ee Gobolka Hiiraan ayaa waxaa jirtay in siyaabo kala duwan laba Darawal loogu dilay inta u dhaxeysa degmada Guriceel ee gobolka Galgaduud iyo degmada Matabaan ee gobolka Hiiraan.

30/10/2021

13/10/2021

06/09/2021

09/05/2021

08/05/2021

08/05/2021

08/05/2021

08/05/2021

08/05/2021

08/05/2021

08/05/2021

08/05/2021

24/01/2021

17/01/2021

17/01/2021

17/01/2021

14/01/2021

14/01/2021

14/01/2021

13/01/2021

13/01/2021

13/01/2021

13/01/2021

12/01/2021

12/01/2021

12/01/2021

12/01/2021

12/01/2021

12/01/2021

11/01/2021

11/01/2021

11/01/2021

Address

Telephone

Website

Alerts

Shortcuts

Share

Category

Other News & Media Websites in Mogadishu

You may also like