07/11/2022
07 نومبر ۔2022 ) تحریک انصاف نے پولیس کی جانب سے درج کردہ ایف آئی آر کو مسترد کرتے ہوئے کہا کہ پی ٹی آئی اپنے موقف سے پیچھے نہیں ہٹے گی جب تک ہمارے نامزد کردہ افراد کے نام شامل نہیں کیئے جاتے اس کے لیے ہمیں عدالت سے بھی رجوع کرنا پڑا تو کریں گے ‘قانونی ٹیم سے مشاورت کررہے ہیں بہت جلد عدالت میں درخواست دائرکریں گے.
نہیں ہٹے گی جب تک ہمارے نامزد کردہ افراد کے نام شامل نہیں کیئے جاتے اس کے لیے ہمیں عدالت سے بھی رجوع کرنا پڑا تو کریں گے ‘قانونی ٹیم سے مشاورت کررہے ہیں بہت جلد عدالت میں درخواست دائرکریں گے.
(جاری ہے)
سابق وفاقی وزیراو رتحریک انصاف کے مرکزی راہنما فواد چوہدری نے ”اردوپوائنٹ“سے گفتگو کرتے ہوئے کہا کہ چیئرمین پی ٹی آئی عمران خان اپنے موقف پر قائم ہیں اور قانونی ٹیم سے صورتحال کے پیش نظرمشاورت جاری ہے انہوں نے کہا کہ ایف آئی آر درج کروانا آئین کے تحت ہمارا حق ہے مگر کئی دنوں کے بعد آج پولیس نے اپنی مرضی سے ایف آئی آر درج کرلی ہے جبکہ ہماری درخواست پر کوئی کاروائی نہیں کی جارہی.
ایک سوال کے جواب میں فواد چوہدری نے کہا کہ ہم اپنے موقف سے پیچھے نہیں ہٹیں گے اگر پولیس نے ہماری درخواست پر کاروائی نہ کی تو ہم عدالت رجوع کریں گے انہوں نے کہا کہ اسی ہفتے کے دوران درخواست دائرکردی جائے گی . ایک اور سوال کے جواب میں انہوں نے بتایا کہ کل تحریک انصاف کی کور کمیٹی کے میٹنگ طلب کرلی گئی ہے جس میں صورتحال پر غور کیا جائے گا انہوں نے کہا کہ وزیراعلی پنجاب چوہدری پرویزالہی کے ساتھ اختلافات کی خبروں میں کوئی صداقت نہیں ہے آج بھی چوہدری پرویزالہی اور چوہدری مونس الہی کی ملاقات ہوئی ہے .
قبل ازیں زمان پارک لاہور میں اپنی رہائش گاہ پر صحافتی تنظیموں کے نمائندہ وفد سے ملاقات کے دوران انہوں نے گفتگو کرتے ہوئے سابق وزیراعظم عمران خان نے کہا ہے کہ پاک فوج کے سربراہ کی تعیناتی پر ہمارا موقف بہت واضح اور دوٹوک رہا ہے کہ تعیناتی میرٹ پر کی جائے ہمارا کوئی فیورٹ نہیں‘مضبوط فوج کو ہی پاکستان کے دفاع کا ضامن سمجھتے ہیں ‘لانگ مارچ خالی ہاتھ واپس آنے کے لیے نہیں کررہے‘شہبازشریف بے اختیار ہیں ہم ان سے الیکشن کی تاریخ مانگ رہے ہیں جو ”بااختیار“ہیں انہوں نے کہا کہ اگر معلوم ہوتا کہ حکومت اتنی بے اختیار ہوگی تو پہلے دن ہی اسمبلیاں توڑکر نئے الیکشن کی طرف جانے کا فیصلہ کرتا مگر ہمیں ٹرک کی بتی کے پیچھے لگا کر رکھا کہ حالات چند ہفتوں میں ٹھیک ہوجائیں گے.
چیئرمین تحریک انصاف عمران خان سے ملاقات کرنے والوں میں لاہور پریس کلب کے صدر اعظم چوہدری، سیکرٹری جنرل پاکستان فیڈرل یونین آف جرنلسٹس رانا محمد عظیم،صدر سی پی این ای کاظم خان‘سنیئرصحافی وتجزیہ نگار سید ارشادعارف‘ سنیئر نائب پی ایف یو جے صدر اشرف مجید ،ڈپٹی سیکرٹری جنرل میاں محمد ندیم،جنرل سیکرٹری پی یو جے محمد شاہد چوہدری فاروق جوہری اور دیگر شامل تھے.
عمران خان نے صحافیوں کے سوالوں کے جواب دیتے ہوئے بتایا کہ تحریک انصاف کا لانگ مارچ بدھ کے روزسے وائس چیئرمین مخدوم شاہ محمود قریشی کی قیادت میں وزیرآباد اسی مقام سے شروع ہوگا جہاں پر فائرنگ کی گئی تھی جبکہ اسدعمراور فرخ حبیب فیصل آباد سے لانگ مارچ کا شروع کریں گے اور سرگودھا ‘جھنگ‘میانوانی‘بھکر‘لیہ سمیت دیگر شہروں سے ہوتے ہوئے روالپنڈی میں مرکزی لانگ مارچ سے مل جائیں گے انہوں نے بتایا کہ ڈاکٹروں نے انہیں کم ازکم دوہفتوں تک مکمل آرام کا کہا ہے اس لیے وہ دو ہفتوں کے بعد براہ راست روالپنڈی پہنچیں گے.(جاری ہے